20.09.2016
Sigurpáll Geir Sveinsson hefur af persónulegum ástæðum óskað eftir því að losna undan samningi sínum sem íþróttastjóri GM. Sigurpáll hefur hug á að starfa áfram í golfgeiranum en ætlar að draga sig í hlé frá stöðu íþróttastjóra og er jafnvel að huga að endurkomu í keppnisgolf á Íslandi.
Sigurpáll hefur starfað fyrir GM undanfarin 3 ár við góðan orðstýr og vilja starfsmenn, stjórn og afreksnefnd nota tækifærið og þakka Sigurpáli Geir kærlega fyrir sín góðu störf á vegum klúbbsins og óska honum velfarnaðar á nýjum vettvangi og velgengni á golfvellinum.
Sigurpáll mun áfram sinna starfi íþróttastjóra fram í nóvember mánuð og mun stjórn og afreksnefnd nýta þann tíma til endurskipulagningar á starfinu fyrir komandi tímabil með það að markmiði að viðhalda og bæta það góða afreksstarf sem unnið er í klúbbnum.