Golfklúbbur Mosfellsbæjar er að opna nýja og glæsilega aðstöðu og auglýsir laus til umsóknar fjölbreytt sumarstörf með möguleika á framtíðarstörfum. Umsóknarfrestur er til 10. mars. Við leitum að einstaklingum sem hafa afburða góða þjónustulund og áhuga á að vinna í kraftmiklum félagsskap við krefjandi aðstæður. Þetta eru störf fyrir fólk á öllum aldri og er þekking eða reynsla af golfi ekki skilyrði. Í boði eru heilsdags og hlutastörf og er ýmist unnið á föstum tímum eða með vaktavinnufyrirkomulagi. Möguleiki er á sveigjanlegum vinnutíma.
Störf í afgreiðslu
Fjölbreytt störf við afgreiðslu á vallarsvæðum klúbbsins. Almenn afgreiðsla á vörum, veitingum og þjónustu ásamt rástímaskráningu o.fl. Vaktavinna.
Aðstoð í eldhúsi
Leitum að aðstoðarmanni í eldhús, t.d. matráði eða matartækni en einnig kemur til greina að ráða kokk. Viðkomandi þarf að geta leyst kokka af í helstu verkefnum. Vaktavinna.
Umhirða golfvalla
Almenn umhirða á vallarsvæðum GM. Vinnutími miðast við 06:00 – 14:00 ásamt vaktavinnu.
Umhirða opinna svæða í Mosfellsbæ
Sláttur á vélum og minni tækjum í Mosfellsbæ ásamt því að sinna verkefnum á vallarsvæðum GM á minni tækjum. Vinnutími frá 08:00 – 16:00.
Vallareftirlit
Skemmtileg vinna sem felur í sér eftirlit með eignum og vallarsvæðum GM ásamt gestum vallanna. Létt vallarstörf samhliða afgreiðslustörfum. Vaktavinna.
Umsóknarfrestur er til 10. mars. Umsókn skal skilað á golfmos@golfmos.is og er æskilegt að hún innihaldi helstu upplýsingar um viðkomandi ásamt starfsreynslu og meðmælanda ef þess er kostur.