Mosfellsbær, Ísland
Þriðjudagur 6°C - 4 m/s

GM mótaröðin

Mótaröð fyrir alla félagsmenn

GM mótaröðin er innanfélagsmótaröð félagsmanna. Mótin eru leikin á báðum vallarsvæðum og er ætlað að sameina alla félagsmenn í einni mótaröð. Keppnisfyrirkomulag á GM mótaröðinni er punktakeppni með forgjöf og er hæst gefin 36 í forgjöf hjá konum og 32 hjá körlum. Alls eru leikin 8 mót á GM mótaröðinni á hverju sumri.

Verðlaun í hverju móti

Í hverju móti eru veitt 4 vegleg nándarverðlaun og að minnsta kosti ein verðlaun fyrir flesta punkta. Öll mótin í GM mótaröðinni gilda síðan á stigalista félagsmanna. Það er því til mikils að vinna á og um að gera að vera með.

GM mótaröðin 2018

Mót á GM mótaröðinni 2018:

  1. Hlíðavöllur 16. maí
  2. Bakkakot 30. maí
  3. Hlíðavöllur 27. júní
  4. Bakkakot 11. júlí
  5. Hlíðavöllur 25. júlí
  6. Bakkakot 8. ágúst
  7. Bakkakot 26. ágúst
  8. Hlíðavöllur 16. september
Eins og áður sagði eru mótin leikin á báðum vallarsvæðum GM og er hvert mót með sérstakan styrktaraðila. Í fyrstu þremur mótunum er ekki hægt að leika á vallarsvæðunum nema með þátttöku í mótum, mótsgjald tekur mið af því og er aðeins 1.000 kr. Á seinni fimm mótunum eru vallarsvæðin opin fyrir leik félagsmanna á sama tíma og því valfrjálst að taka þátt . Mótsgjaldið á seinni 5 mótin er því 2.000 kr. Við bindum miklar vonir við að sem flestir félagsmenn sæki GM mótaröðina sumarið 2018.

Mótaröð félagsmanna GM-mótaröðin hefur verið leikin á vallarsvæðum GM undanfarin tvö sumur. Mótaröðin hefur vaxið jafnt og þétt og þátttakan verið afar góð. Hátt í 300 félagsmenn léku á mótaröðinni árið 2017 en alls fóru fram 8 mót. Markmiðið með GM-mótaröðinni er að sameina alla félagsmenn í einni mótaröð óháð getu og aldri. Punktakeppni leikin á báðum vallarsvæðum Öll mótin á GM-mótaröðinni eru punktamót og veitt eru verðlaun í hverju móti fyrir þrjú efstu sætin auk nándarverðlauna á par 3 brautum. Hæst er gefið 36 í forgjöf og eru mótin tilvalinn staður til þess að kynnast nýjum félögum og lækka forgjöfina í leiðinni!