golfmos

Opnun Hlíðavallar!

Thu, 07 May 2026 13:28:03 GMT

Hlíðavöllur opnar - vinnudagur á laugardaginn!

Ágætu GM félagar.

Nú styttist heldur betur í að við getum opnað Hlíðavöll. Veðurspáin er góð fyrir komandi helgi, rigning og hiti. Svo eru veðurspárnar nokkuð sammála um að næsta vika verði bara nokkuð góð.

Við höfum því tekið þá ákvörðun að opna Hlíðavöll næstkomandi mánudag, 11. maí.

Okkar árlegi vinnudagur verður núna á laugardaginn og hefst hann klukkan 10:00. Mæting er við vélaskemmuna . Það er ýmislegt sem þarf að gera fyrir opnun og gerum við ráð fyrir því að vinnudagurinn standi til kl. 13:00. Að honum loknum verður boðið upp á súpu á Blik. Allir þeir sem koma á vinnudaginn fá að forbóka sig í golf í næstu viku :)

Veðurspáin er mjög hagstæð um helgina, góður hiti og talsvert af vætu. Við ætlum því að gefa vellinum helgina til þess að jafna sig eftir þennan kuldakafla síðustu daga. Völlurinn lítur virkilega vel út og mun taka vel á móti ykkur á mánudaginn :)

Við munum opna fyrir rástímaskráningu kl. 14:00 á laugardaginn. Þá verður hægt að fara inn og bóka rástíma. Minnum á nýja appið Mitt Golf. Smellið hér til að skoða það betur!

Golfbúðin og afgreiðslan okkar opnar einnig á mánudaginn.

Hlíðavöllur er eingöngu opinn fyrir félagsmenn í GM til þess að byrja með.

Varðandi Bakkakot, þá munum við láta ykkur vita eftir helgi hvenær við getum opnað þar. Þessi kuldakafla hefur gert okkur aðeins erfitt fyrir upp í Koti þar sem það er ennþá talsvert frost þar í jörðu. Við vonumst að sjálfsögðu til þess að geta opnað upp í Koti sem allra fyrst.

Gleðilegt golfsumar.

Kær kveðja.

Stjórn og starfsfólk GM

Eva Íslandsmeistari í golfhermum 2026

Tue, 05 May 2026 12:45:17 GMT

Eva Íslandsmeistari í golfhermum 2026

Úrslitakeppni Landsmótsins í golfhermum fór fram laugardaginn 2. maí í Íþróttamiðstöð GKG og reyndist gífurlega spennandi viðburður. Efstu tólf karlarnir og efstu tólf konurnar úr undankeppnum mótsins léku til úrslita, en 268 kylfingar hófu keppni í mótinu.

Leikinn var 36 holu höggleikur á Korpúlfsstöðum, en þar verður Íslandsmótið í golfi 2026 haldið í ágúst en sýnt var frá síðustu 18 holunum í beinni útsendingu á Stöð 2 Sport og Facebook síðu GSÍ.

Eva sigraði atvinnumanninn Ragnhildi Kristinsdóttur í bráðabana með fugl á fyrstu holu. Einnig þurfti bráðabana til að skera úr um sigurvegara í karlaflokki þar sem Axel Bóasson endaði sem sigurvegari.

Sigurvegarar mótsins fengu að launum 130.000 kr. og nafn sitt á farandbikar Landsmótsins.

Þetta er þriðja árið í röð sem Golfklúbbur Mosfellsbæjar er með sigurvegara í mótinu en árið 2024 sigraði Sara Kristinsdóttir eldri systir Evu og 2025 sigraði Andri Már Guðmundsson í karlaflokki.

Til hamingju Eva!

Heiða Rakel sigrar í sínu fyrsta háskólamóti

Tue, 14 Apr 2026 07:23:48 GMT

Heiða Rakel sigrar í sínu fyrsta háskólamóti

Heiða Rakel Rafnsdóttir sem leikur fyrir háskólann Grand Valley State University gerði sér lítið fyrir og sigraði á UMSL Spring Invitational. Mótið fór fram 12. - 13. apríl og voru leiknir 3 keppnishringir í höggleik á Norwood Country Club í St. Louis. Alls voru 94 keppendur í mótinu í 17 mismunandi háskólaliðum.

Heiða lék hringina á 68-75-69 eða einu höggi undir pari samtals og sigraði með 1 höggi. Einnig vann lið hennar Grand Valley State University með 7 högga mun eða á 23 höggum yfir pari samtals.

Innilega til hamingju Heiða Rakel!

Lokastöðuna má finna hér .

GM félagi dagsins

Tue, 07 Apr 2026 12:47:22 GMT

GM félagi dagsins er Guðleifur Kristinn Stefánsson - betur þekktur sem Kiddi klúbbmeistari.

Forgjöf

9 Hvenær varðstu félagi í GM?

2002

Afhverju byrjaðirðu að spila golf?

Ég fór nokkrum sinnum með vini mínum á ungligsárunum og fannst eitthvað spennandi við sportið. Síðan kynntist ég mági mínum honum Arnari Sigurbjörnssyni og hugsaði með mér, ef hann getur verið góður í golfi þá ætti ekki að vera neitt mál fyrir íþróttarmann eins og mig að geta eitthvað.

Hvað er skemmtilegast við golfið?

Félagsskapurinn er númer eitt og síðan alltaf gaman að spila með og kynnast nýju fólki.

Hvernig hefur golfið gengið hjá þér?

Það er bara eins og með veðrið slæmt í dag og minna slæmt á morgun. Annars finnst mér þetta alltaf svo gaman, þegar spilamennskan er góð þá er það bara bónus.

Hefurðu farið holu í höggi?

Já, 15. á Hlíðavelli. Það bergmálar ennþá í Esjunni eftir fagnaðarlætin en bara í látunum hjá strákunum sem voru með mér....ég var ekkert hissa og átti von á þessu.

Eftirminnileg atvik eða sögur af golfvellinum?

Man voða lítið eftir að komið er út á völl þar sem að "upphitunin" tekur mikið á minnið.

Var að spila í forkeppni Titleist fyrir mörgum árum og lenti í holli með tveim sem ég þekkti ekki neitt en þeir voru miklir vinir. Það var mjög mikill vindur í fangið á 5. teig og ég slæ fínasta högg sem rétt dreif inn á braut. Þá kemur annar og slær boltann í hátt slæs og boltinn endar í bönkernum á 7. holu. Vinur hans hlær ekkert eðlilega mikið af honum og er varla búinn að jafna sig áður en hann slær sjálfur. Hann hefði betur átt að sleppa því þar sem að hann sky-ar boltann sinn með þeim afleiðingum að hann endar 3 metra frá holu inni á 4. gríni. Getið rétt ýmindað ykkur hversu mikið vinur hans hló. Þegar ég var á 11. holu að spila með Arnari mági og hann er að slá sitt annað högg. Hann smell hittir boltann og um leið og það gerist heyrist í honum, þetta verður fugl. Hann er nú yfirleitt ekki sannspár maður en þarna hafði hann rétt fyrir sér því þegar boltinn var að nálgast grínið þá flýgur kría fyrir boltann og steinlá. Krían var þó bara eini fuglinn sem hann fékk á þessum hring.

Mér er líka minnistætt svipurinn á Ása Jóns vini mínum þegar ég fór holu í höggi. Eftir öskrin og lætin í strákunum þá henti ég kylfunni frá mér og hljóp í áttina að Ása og gerði mig líklegan að hoppa í fangið á honum. En um leið og ég sá svipinn á honum sem lýsti sér þannig að þetta væri líklega að fara að koma honum í langt veikindaleyfi þá snar stoppaði ég. Frekar skrítið þar sem að ég er ekkert eðlilega íþróttamannslega vaxinn og holdgerfingur heilbrigðs matarræðis.

Hvað er draumahollið þitt?

Þetta svar er einfalt. John Daly, Tiger Woods og Rabbi vinur minn. Við Rabbi myndum líta út eins og bindindismenn með þessum snillingum.

Uppáhaldsvöllur?

Vestmannaeyjavöllur, það er bara eitthvað svo sjarmerandi að spila golf á eyjunni fögru í logni sem er nánast alla daga.

Hlíðavöllur eða Bakkakot?

Hlíðavöllur

Besti kylfingurinn sem þú hefur spilað með?

Rétt svar eru dætur mínar Sara og Eva en ég verð líka að minnast á hann Ágúst Jensson, Hann getur verið svo rosalega góður þangað til að hann verður ógeðslega lélegur. Hann getur samt slegið 130 metra sjankhögg bæði með opin og lokuð augun.

Spilaru golf í golfhermum yfir vetrarmánuðina?

Já, eitthvað en er samt ekkert eðlilega lélegur í tölvuleikjum.

Spilarðu alltaf golf með sömu vinunum eða ertu duglegur að skrá þig í holl þar sem þú þekkir fáa?

Spila alltaf með golfhópnum einu sinni í viku. Oft með konunni og síðan bara með hinum og þessum. Alltaf gaman að kynnast nýju fólki.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Missi ekki af Meistaramótinu og Bændaglímunni, oftst með í Titleist holukeppninni en sakna hins vegar Hefnd vallastjórans.

Er eitthvað hjá okkur í GM sem þeir finnst mega betur fara?

Það þarf klárlega stærra dansgólf í lokahófi Meistaramótsins.

Og að lokum, hvernig fer um þig í GM?

Hvergi betra að vera.

Svo biðjum við þig um að tilnefna næsta kylfing vikunnar ��

Ég ætla að velja liðstjóra minn í Kempunum og stórsleggjuna Kristínu Ingu Guðmundsdóttur

Eva sigraði á GJG Juniors International

Mon, 06 Apr 2026 19:37:08 GMT

Eva sigraði á GJG Juniors International

Virkl ilega flott mót hjá okkar fremstu afrekskylfingum og svo sannarlega spennandi golfsumar framundan hjá þeim.

Hér má finna lokastöðuna í mótinu

Landsliðskylfingurinn Eva Kristinsdóttir sigraði eftir 3 frábæra hringi á GJG Juniors invitational á Global Junior mótaröðinni. Mótið var leikið á PGA Aroeira 1 sem er nálægt Lissabon í Portúgal. Eva lék hringina á 70 74 76 eða samtals á 4 höggum yfir pari og sigraði með 4 högga mun yfir henni frönsku Céleste Bobo Lloret.

Kristján Karl Guðjónsson, einnig landsliðskylfingur úr GM, lék virkilega vel í mótinu og var í toppbaráttunni þar til á síðustu holunni en þurfti á endanum að sætta sig við 4. sætið. Hann lék á 73 71 78 eða 6 höggum yfir pari samtals.

GM félagi dagsins!

Wed, 01 Apr 2026 09:01:46 GMT

GM félagi dagsins er Bjarnþór Erlendsson

Forgjöf - rétt undir 10

Hvenær varsðstu félagi í GM?

2010

Afhverju byrjaðirðu að spila golf?

Eina íþróttin sem ég hafði ekki prufað í Hveragerði, tel meira að segja Bridds og skák með (íþróttasjúkur).

Hvað er skemmtilegast við golfið?

Félagsskapurinn og aftur félagsskapurinn, svo má sumrið vera eins og í fyrra.

Hvernig hefur golfið gengið hjá þér?

Ég er hamfara golfari í víðasta skilningi, eins og fyrrverandi vinir mínir Siggeir Kolbeins og Óskar Sæmann hafa lýst áður hér sem kylfingar vikunnar, er með ljótustu golfsveiflu sem hefur sést á golfvelli, ef golfsveiflan hjá mér væri setti í samhengi við gang tegundir hesta þá væri löngu búið að skjóta mig. Stefni á að vera með á milli 5 og 15 í forgjöf í lok sumars, er allveg jafn líklegur í báðar áttir.

Hefurðu farið holu í höggi?

Já tvisvar á 12. og 18. á Hlíðavelli, geri mér það að leik þegar ég er spurður að vera ekkert að árétta að 12. þá er núverandi 18 ,oft skemmtilegur svipur á fólki sem þekkir mig ekki neitt og áttar sig á að núverandi 12 er að sjálsögðu par 5, en eftir að hafa spilað með mér finnst þeim kanski ekkert ótrúlegt að ég myndi slá grjó grjót fugl grjót og svo í holuna.

Eftirminnileg atvik eða sögur af golfvellinum?

Hér gæti ég skrifað nokkrar bækur.

Mér hefur tekist að sjanka í Heiðu mína af 60-70 m beint í herðablaðið og hún steinlá(það var seinasta holan sem var spiluð þann daginn)

Mér hefur tekist að slá í gæs á 16. á Hlíðavelli, sem blessunarlega varð ekki meint af, henni til varnar þá var hún á miðri braut og hefur væntanlega talið það öruggasta staðinn eftir að hafa séð til mín.

Hitti félaga minn handdboltakempu og stór golfara(sem ég nafngreini ekki) eftir hring og spurði hann hvernig honum hefði tekist að fá 14 högg á 12. núverandi 18. á Hlíðavelli, sem og hann svaraði ekkert mál, mér til ómældrar ánægju komst ég að því skömmu seinna á öðrum degi í meistaramóti í ”Tiger”holli hvernig væri hægt að ná fram þessum frábæra árangri, stutta svarið sjanka þrisvar out bæta svo við að draga hann þrisvar out(mér til varnar hælarnir voru miiiiiiklu nær skurðinum) endaði á að taka sand wedge og vippa yfir skurðinn, strunsaði inn í skála náði mér í sveiflujafnara og sjankaði ekki meir á þeim hring.

Heiða og Sara Jónsdóttir áttu að verða vitni þegar ég fór holu í höggi seinna skiptið en voru í krampakasti yfir sögu af hægðum sem Sverrir Freyr Þorleifsson hafði sagt þeim skömmu áður, þannig Sverrir var sá eini í hollinu ásamt mér sem sá höggið, sem ég var þó búinn að tala ofan í holuna nánast frá því boltinn lagði af stað.

Svo er líka minnisstætt þegar Kiddi klúbbmeistari fór holu í höggi á 15. fögnuðurinn gríðarlegur, en vitandi í hvaða hópi hann var að spila (16 misgáfulegir golfarar Bara Fuglar) fóru að renna á hann tvær grímur, en var hann búinn að finna það út áður en við byrjuðum á 16. að hann væri ennþá tryggður hjá Verði fyrir svona óhöppum, sem minkaði gleðina alls ekki.

Ég er víst ekki launaður rithöfundur þannig við látum staðar numið hér.

Hvað er draumahollið þitt?

Heiða mín fengi alltaf að fljóta með, John Daly yrði að vera þarna, svo sem fulltrúi allra vina minna sem ég geri ekki upp á milli kæmi Ricky Gervais með, kann reyndar eitthvað lítið í golfi, en hann kemur með húmorinn.

Uppáhaldsvöllur?

Grýluvöllur, knattspyrnuvöllur Hamars þar hafa netmösskvarnir á mörkunum fengið að finna fyrir hægri, vinstri og einstaka skalla frá mér. En golfvellir úff, tek heima vellina Hlíðavöll og Gufudalsvöll(hjartað) úti í hinum stóra heimi Bay Hill, Carya ,Waldorf Astoria,Single Creek og Lykia Links(sem ég hef spilað) er pottþétt að gleyma einhverjum perlum af nógu að taka.

Hlíðavöllur eða Bakkakot?

Hlíðavöllur

Besti kylfingurinn sem þú hefur spilað með?

Heiða (athygli skal veitt að þetta svar kom á innan við sek��) Hef verið þess heiðurs aðnjótandi að spila með gríðarlegu magni af kylfingum í fremstu röð karla og kvenna meginn(gæti verið ástæðan fyrir því að við erum ekki mikið að vinna með kylfinga á PGA og LPGA mótaröðunum þau bíða því sjálfsagt ekki bætur)

Spilaru golf í golfhermum yfir vetrarmánuðina?

Reyni eftir fremsta megni að spila golf en mæti yfirleitt með góða skapið.

Spilarðu alltaf golf með sömu vinunum eða ertu duglegur að skrá þig í holl þar sem þú þekkir fáa?

Skrái mig með öllum, er drull ef fólk heldur uppi leikhraða og gengur vel um.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Meistaramótið, Bændaglíman og Pallaopen eru ofarlega á lista yfir viðburði sem eru mjög skemmtilegir.

Er eitthvað hjá okkur í GM sem þeir finnst mega betur fara?

Taka upp dauðarefsingar ef fólk gerir ekki við boltaför, kylfuför, rakar ekki bönkera og heldur ekki leikhraða��

Og að lokum, hvernig fer um þig í GM?

Mjög vel, geggjaður klúbbur.

Svo biðjum við þig um að tilnefna næsta kylfing vikunnar ��

Verður það ekki að vera KLÚBBMEISTARINN Guðleifur Kristinn Stefánsson, sem reyndar ásamt mér gæti orðið til þess að þessum kynningum yrði hætt.

Sumarnámskeið barna og unglinga

Tue, 31 Mar 2026 12:47:04 GMT

Sumarnámskeið barna og unglinga

skráning hefst 2. apríl

Golf og leikjanámskeið GM

Golfklúbbur Mosfellsbæjar býður upp á golf og leikjanámskeið fyrir börn á aldrinum 6-12 ára í sumar. Námskeiðin eru byggð upp á skemmtilegum leikjum bæði á golfvellinum og í hans nánasta umhverfi. Golfið verður aldrei langt undan en einnig verður námskeiðið brotið upp með skemmtilegri dagskrá!

Námskeiðin henta vel fyrir alla krakka, hvort sem þau hafa prófað golf áður eða ekki. Ekki er nauðsynlegt að eiga búnað til golfiðkunar – allt slíkt er á svæðinu. Krakkar þurf að taka með sér nesti en hádegismatur er innifalinn í námskeiðinu. Mikilvægt að vera alltaf klædd eftir veðri.

Dagur Ebenezersson íþróttastjóri GM (dagur@golfmos.is) er með yfirumsjón með námskeiðunum en leiðbeinendur eru afrekskylfingar í GM með reynslu af kennslu á golfnámskeiðum.

Skráning og nánari upplýsingar má finna HÉR

Námskeiðin eru á eftirfarandi dagsetningum sumarið 2026:

Júní

15. - 19. júní (4 dagar - ekki er námskeið 17. júní)

Júlí

6. - 10. júlí (5 dagar)
13. - 17. júlí (5 dagar)
20. - 24. júlí (5 dagar)
27. - 31. júlí (5 dagar)

Ágúst

4. - 7. ágúst (4 dagar - ekki er námskeið 3. ágúst)
10. - 14. ágúst (5 dagar)

Skráning hefst 2. apríl.

Fyrirkomulag

Námskeiðin eru kennd á milli klukkan 8:15 og 12:15 á daginn. Klukkan 12:15 er boðið upp á hádegismat innifalið í námskeiðinu en klukkan 13:00 hefjast golfæfingar hjá æfingahópum GM og eru allir sem skráðir eru á golfnámskeið velkomnir að mæta á þær æfingar endurgjaldslaust. Eftir að námskeiði lýkur er iðkendum boðið að mæta frítt á golfæfingar út sumarið.

Golfæfingahóparnir sem um ræðir eru á mánudögum, þriðjudögum, miðvikudögum og fimmtudögum:

13:00 - 13:50
- 5-8 ára kk
- 5-8 ára kvk

13:00 - 13:50
- 9-10 ára kk
- 9-10 ára kvk

14:00 - 14:50
- 11-12 ára kk
- 11-12 ára kvk

Þeir sem vilja mæta á æfingu kl 14:00 geta fengið æfingabolta og æft sig sjálf á meðan. Einnig er aðstaða á neðri hæð íþróttamiðstöðvarinnar til að slappa af eða æfa sig í golfi.

Ef iðkandi ætlar að fá golfbox númer og fá forgjöf, spila á vallarsvæðum GM og taka þátt í keppni fyrir GM verður viðkomandi að ganga í klúbbinn.
Til að ganga í klúbbinn þarf að sækja um aðild .
Verðskrá má finna hér .
Einnig er í lagi að mæta á námskeið og mæta á æfingar milli 13:00 - 15:00 í allt sumar án þess að ganga í klúbbinn en þá er ekki hægt að spila, keppa, fá golfbox aðgang og forgjöf.
Ekki er biðlisti í klúbbinn fyrir iðkendur undir 18 ára sem æfa golf hjá GM.

Hönnunarvinna á nýju yfirbyggðu æfingasvæði á Hlíðavelli hafin

Mon, 30 Mar 2026 10:44:15 GMT

Vinna við hönnun á nýju yfirbyggðu æfingasvæði á Hlíðavelli komin vel á veg!

Líkt og kom fram á síðasta aðalfundi Golfklúbbs Mosfellsbæjar þá var ákveðið að fara af stað með hönnun á nýja yfirbyggðu æfingasvæði á Hlíðavelli. Í viðhorfskönnunum til félagsmanna sem við höfum sent á haustmánuðum undanfarin ár þá er þetta það sem hvað flestir vilja sjá á Hlíðavelli, yfirbyggt æfingasvæði.

Stjórn GM ákvað því að fara í hönnun á slíku húsnæði þar sem horft væri til framtíðar og að húsið muni uppfylla allar þarfir okkar meðlima til framtíðar. Þeir sem hafa borið hitann og þungan af þessari hönnun eru þeir Óli Rúnar Eyjólfsson og Einar Ingólfsson ásamt fleiri snillingum. Þeir eru báðir golfarar og hafa komið að hönnun æfingasvæða í Danmörku og hér á Íslandi.

Nú eru fyrstu drög komin og þau líta glæsilega út. Horft var til þess að þetta húsnæði nýtist allt árið um kring. VIð gerum því ráð fyrir því að yfir sumartímann séu tæplega 50 Trackman Range básar ásamt fjórum Trackman golfhermum sem eru þá ætlaðir í afreksstarfið okkar sem og barna og unglingastarfið.

Sjá mynd hér fyrir ofan sem er af jarðhæðinni.

Á jarðhæðinni er einnig gert ráð fyrir tæplega 500 fermetra aðstöðu til þess að pútta og vippa. Verður það svæði með tvöfaldri lofthæð og mun því nýtast vel til æfinga.

Hér fyrir neðan er mynd af efri hæð hússins.

Yfir vetr artímann þá breytist neðri hæðin í inni Trackman aðstöðu ásamt því sem það verður herbergi á efri hæðinni einnig með Trackman golfhermum. Neðri hæðin sem og þetta rými á efri hæðinni eru með hurðum sem verða þá alveg lokaðar yfir vetrarmánuðina og þá þá verða tæplega 20 Trackman golfhermar. Einnig verða áfram rétt tæplega 20 Trackman range rými á efri hæðinni þar sem hægt er að slá út á æfingasvæðið ef veður leyfir.

Við erum gríðarlega ánægð með þessa hönnun og erum þess fullviss að svona æfingahúsnæði mun bæta alla okkar aðstöðu svo um munar.

Hafa ber í huga að þetta er einungis fyrsta skrefið í þessu ferli hjá okkur og erum við svo sannarlega að horfa til framtíðar í þessum efnum. Þegar hönnun er lokið þá fer þetta í skipulagsferli og í kjölfarið á því verður farið í það að leyta leiða til þess að fjármagna þetta húsnæði.

Við viljum svo sannarlega vanda okkur vel í þessu ferli og tryggja að þarna muni rísa glæsilegt æfingahúsnæði sem muni nýtast okkur um komandi framtíð.

Páll Líndal hlýtur hvatningarverðlaun UMSK

Fri, 27 Mar 2026 10:15:57 GMT

Páll Líndal heiðraður á héraðsþingi UMSK.

102. héraðsþing UMSK (Ungmennasamband Kjalarnesþings) fór fram í Hlégarði í gær og þar var okkar eini sanni Palli Líndal heiðraður fyrir sitt framlag í gegnum Pallaopen og hlaut hvatningarverðlaun sambandsins.

Um þau segir, „Hvatningarverðlaun UMSK getur hlotið aðildarfélag, deild innan aðildarfélags eða einstaklingur innan aðildarfélags UMSK fyrir eftirtektarverð og framsækin verkefni sem skara fram úr eða fyrir óeigingjarnt starf í þágu samfélagsins“.

Eins og flestir GM félagar vita þá er Pallaopen okkar stærsta opna golfmót ár hvert og er farið að skipa stóran sess í okkar starfi. Í umsögn UMSK við afhendingu hvatningarverðlaunanna sagði, "Páll vinnur alveg ótrúlegt starf þegar að kemur að þessu móti. Hluti af því er að hann gengur reglulega um golfvelli klúbbsins og týnir golfbolta sem GM selur svo í sinni golfbúð yfir sumartímann, hefur það orðið til þess að fleiri kylfingar í GM eru farnir að gera það líka og er staðan þannig núna að allir notaðir golfboltar sem seldir eru yfir sumarið kemur frá þeim og þeir skipta þúsundum.

Það er mikil vinna sem fer í þetta mót hjá Páli og á hann svo sannarlega skilið að hljóta hvatningarverðlaun UMSK að þessu sinni. Þessi mót hafa á undanförnum árum skilað rétt um 15 milljónum til Reykjadals. Hann safnar verðlaunum, fær styrki frá fyrirtækjum og er núna að koma að stækkun húsnæðiskostar Reykjadals. Allt þetta gerir hann án endurgjalds og fær fólk og fyrirtæki með sér í þetta verkefni.

Við í GM erum ofboðslega stolt af Palla og á hann þessi verðlaun svo sannarlega skilið. Palli var að vonum ánægður og stoltur af þessum verðlaunum. " Þetta er sannarlega mikill heiður og þakka ég kærlega fyrir mig. Pallaopen hefur stækkað og dafnað vel undanfarin ár og mér finnst svo gaman að sjá áhugann frá okkar meðlimum og ég skynja það mjög vel hversu miklu máli þetta skiptir okkur. Þetta eru verðlaun fyrir alla GM félaga og við getum verið virkilega stolt af Pallaopen".

Svo minnum við á að næsta Pallaopen fer fram laugardaginn 13. júní og hlökkum við til að sjá ykkur sem flest þar :)

GM félagi dagsins

Wed, 25 Mar 2026 08:31:52 GMT

GM félagi dagsins er hún Katla Sigurbjörnsdóttir

Forgjöf.

19,3

Hvenær varstu félagi í GM?

Þegar stórt er spurt. Líklega fyrst i kringum 1991/2 þá 11/12 ára í Golfklúbbnum Kili. Man vel eftir því að fara á æfingar uppí Álafoss að slá innanhús í net i skemmunni sem var eitt það skemmtilegasta sem maður gerði. Svo tók unglingaveikin við og ég kom ekki aftur fyrr en liklega 2003. Við systur mættum svo galvaskar með dæturnar i vagni og nýttum lúrana þeirra vel.

Hef svo tekið góð ár inná milli í hléum.

Afhverju byrjaðirðu að spila golf?

Arnar bróðir minn var smitaður snemma af þessari skæðu bakteríu og ég greinilega var útsett fyrir henni heima fyrir þar sem sóttkví þekktist ekki þá.

Hvað er skemmtilegast við golfið?

Svalirnar á Blik

Hvernig hefur golfið gengið hjá þér?

Svipað og þegar eg var í unglingavinnunni um árið. Þegar búið var að reita allann arfann, þá var honum helt aftur i beðið og maður átti að taka hann upp aftur, svo sem lítill árangur miðað við ástundun.

Hefurðu farið holu í höggi?

Já alveg nokkrum sinnum, en aldrei vakandi samt.

Eftirminnileg atvik eða sögur af golfvellinum?

Úff hvað getur maður sagt. Þau eru svooo mörg og misskemmtilegar minningar. Hvað kemst mikið fyrir á internetinu ?

En til dæmis árið 2020 keypti ég mer nýtt golfsett sem er ekki frásögu færandi en kylfurnar komu ekki allar í einu og beið ég mjög lengi eftir blessaða SandWedginum. Átti svo bókaðan hring þegar ég fæ óvænt símtal að kylfan sé mætt. Ég hendist og sæki kylfuna og sting henni beint i settið alsæl. Svo auðvitað var það skrifað i skýin að ég lendi i uppáhalds bunkernum mínum á fyrstu... tek SW úr pokanum og ríf af henni plastið.... skokka niður stíginn með kylfuna i hendinni og hugsa bara Váá hvað er fyndinn ballans á þessari kylfu.... Leit svo á hana og stend þá með örvhenta kylfu ! ! Kallaði fram gott hláturskast i hollinu og þetta moment gleymist seint. Rétta kylfan kom svo mánuði seinna og ég fékk að halda örvhentu kylfunni enda sérsmíðuð fyrir dverg.

Hvað er draumahollið þitt?

Ég er fyrst og síðast golfari til að hafa gaman og elska að spila með allskonar fólki svo öll holl eru i raun draumaholl.

Uppáhaldsvöllur?

Klárlega Skálavöllur í Vopnafirði. Hæðótt landslagið, í sumum tilfellum skáskorið getur verið ögrandi viðureignar fyrir leikmenn og þrátt fyrir smæð skortir ekki fjölbreytnina

Hlíðavöllur eða Bakkakot?

Hlíðavöllur

Besti kylfingurinn sem þú hefur spilað með?

Ég hef verið mjög heppin og spilað með mörgum góðum Kylfingum en þeim hefur engum tekist að kenna mér eitthvað sem hefur hjálpað mér. En ætli Harpa systir mín sé ekki bara besti kylfingurinn.... óþolandi stabíll spilari sem vinnur með stutta sveiflu aftur og stutta fram og halda sér á braut og það virðist virka of vel.

Spilaru golf í golfhermum yfir vetrarmánuðina?

Já nokkur skipti yfir veturinn mætti vera duglegri.

Spilarðu alltaf golf með sömu vinunum eða ertu dugleg/ur að skrá þig í holl þar sem þú þekkir fáa?

Spila alltaf vikulega með Félagi Rangeygðra sem er besti golfhópurinn.

En spila lika mikið með dætrunum og eiginmanninum sem kemur sér reyndar alltaf í einhver bölvuð vandræði sökum getuleysis. .!.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Ójá alltaf Viking deildin þar sem liðið mitt Kempurnar hefur bæði fagnað silfri og bronsi en hefur átt erfitt uppdráttar undanfarið en við komum klárlega sterk inn aftur erum i endurhæfingu. Bændagliman alltaf ómissandi sem og Meistaramótið, stundum verið með i Titleist holukeppninni.

Palla open er eitthvað sem ég á eftir að bæta við i árlega safnið.

Er eitthvað hjá okkur í GM sem þer finnst mega betur fara?

Já holurnar bara allt of þröngar og vantar öll vikmörk.

Svo vantar klárlega boltarennuna aftur ��

Og að lokum, hvernig fer um þig í GM?

Bara líður alltaf eins og ég sé heima hjá mér enda langflestir vinir og stórfjölskyldan þar og andinn i klúbbnum uppá 10,5

Svo biðjum við þig um að tilnefna næsta kylfing vikunnar ��

Ætli ég skori ekki bara á frænda minn hann Núma ( Heiðar Núma Hrafnsson)

GM félagi dagsins

Tue, 17 Mar 2026 14:41:07 GMT

GM félagi dagsins er Siggeir Kolbeinsson

Forgjöf.

6,7

Hvenær varðstu félagi í GM?

Það var í kringum aldamótin, ´99 sennnilega. Ég, Siggi æskuvinur minn og þáverandi svili minn Sjonni Brink heitinn höfðum þá um vorið skráð okkur í Golfklúbb Setbergs en skiptum um lið á miðju sumri og færðum okkur upp í Mosó. Himmi Harðar mágur okkar Sjonna hafði nú eitthvað með það að gera í að toga okkur yfir ��Ég borgaði aldrei gjaldið í Setberginu, ég þarf sennilega að fara að græja það ��

Afhverju byrjaðirðu að spila golf?

Ég var oft sem krakki að þvælast upp í Öndverðarnes með Sigga vini mínum og foreldrum hans, pabbi hans ( sem var múrari ) var eitthvað byrjaður að fikta í golfinu og við fengum að prufa líka, eftir gaggó fór ég að læra múrverk hjá honum og það gerðist oft á góðviðrisdögum að gamli þurfti að hendast austur í bústað til að “bjarga” einhverju, skrúfa einhverja skrúfu eða vökva blómin því það var svo mikill þurrkur �� Hann bað mig oftast að koma með því honum vantaði “aðstoð” við þetta allt, en auðvitað gerðum við ekkert annað en að fara beint út á völl ��

Hvað er skemmtilegast við golfið?

Félagsskapurinn er dýrmætur og að berjast við allt frá 0-22 m á sec ��️

Hvernig hefur golfið gengið hjá þér?

Heilt yfir nokkuð vel, en stundum eru brekkur.

Hefurðu farið holu í höggi?

Já á 15. á Hlíðavelli.

Eftirminnileg atvik eða sögur af golfvellinum?

Í einni ferðinni austur í Öndverðarnes, ég hef sennilega verið ca 15 ára að þá erum við gamli á 2. holunni sem er par 3 110 metra lögn. Ég ríf upp 5 tré, miða mitt á milli Selfoss og Hveragerðis, slæsa langt út fyrir girðingu, boltinn kemur inn á fleygiferð, lendir í hólnum vinstra meginn við flötina,skoppar inn á grín og endar 5 cm frá holu, easy birdie ��

Ég horfði á Tedda okkar fara holu í höggi á 18. í bændaglímunni um árið, það var sturlað móment að horfa á það með fullt af fólki á svölunum.

Albatrossinn með Valda var eitthvað annað líka. Gerðum það í bændaglímunni í fyrra.

Hvað er draumahollið þitt?

Það veit það sennilega enginn ��en Tiger Woods deilir sama afmælisdegi og ég, 30. des, hann fær að fjóta með út af því. Atli sonur minn og Grant Horvat eru þarna líka og þurfa að keppa við okkur félagana.

Uppáhaldsvöllur?

Mér þykir alltaf vænt um fyrri 9 í Öndverðarnesinu, því þar byrjaði þetta, En Hlíðavöllur er minn völlur, Fincan á Spáni er þarna líka.

Hlíðavöllur eða Bakkakot?

Hlíðavöllur, en Bakkakot er frábær líka og verður alltaf betri og betri.

Besti kylfingurinn sem þú hefur spilað með?

Ég hef spilað með mörgum góðum, bræðrunum Kristófer og Tedda, Stjána og fleirum, en ætli Baddi minn standi ekki upp úr, því þegar hann slær þá veistu ekkert hvað er að fara gerast, hann veit það ekki einu sinni sjálfur en það eru alltaf einhverjir töfrar ��

Spilaru golf í golfhermum yfir vetrarmánuðina?

Já ég reyni að vera duglegur, en mætti gera meira.

Spilarðu alltaf golf með sömu vinunum eða ertu dugleg/ur að skrá þig í holl þar sem þú þekkir fáa?

Ég hóp sem kallar sig Bara Fuglar og spila töluvert með þeim, en ég er ófeiminn að skrá mig í holl með hverjum sem er.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Ég hef verið duglegur, var formaður mótanefndar í mörg ár, sit í stjórn klúbbsins og reyni að vera með í meistaramóti, Palla Open og Bændaglímunni.

Er eitthvað hjá okkur í GM sem þeir finnst mega betur fara?

Ódýrari bjór fyrir nokkra sem ég þekki ��

Og að lokum, hvernig fer um þig í GM?

Mjög vel, mér þykir vænt um GM og við erum með topp starfsfólk sem sér um að við geturm spilað golf

Svo biðjum við þig um að tilnefna næsta kylfing vikunnar ��

Ætli Baddi vinur minn þurfi ekki að fá að svara fyrir sig ��

Leiknir hringir á völlum GM sumarið 2025

Wed, 11 Mar 2026 08:49:14 GMT

Greining á leiknum hringjum á völlum GM árið 2025

Nú styttist heldur betur í vorið og þið vonandi verið dugleg að æfa í vetur. Ef þið eruð ennþá með kylfurnar ykkar upp í hillu þá er ekki seinna vænna að fara að taka þær niður og byrja að koma sér í stand fyrir vorið :)

Hér að neðan eru nokkrar skemmtilegar staðreyndir um spil á okkar völlum frá því í fyrra.

GM félaginn spilar að meðaltali 19,3 hringi á okkar völlum. Miðgildi leikinni hringja er 17.

Sá sem lék flesta hringi bókaði sig 213 sinnum í rástíma hjá okkur.

Konur í GM léku að meðaltali 18,6 hringi og karlar 19,6 hringi.

Á myndinni sem er hér fyrir ofan má sjá hvernig meðaltal leikinna hringja skiptist eftir aldri og forgjöf.

GM félagi dagsins

Thu, 05 Mar 2026 08:38:51 GMT

GM félagi dagsins er Helgi Pálsson

Forgjöf. 25,8 núna, en hefur verið lægri.

Hvenær varsðstu félagi í GM?

Árið 2007.

Af hverju byrjaðirðu að spila golf?

Mér var boðið að taka þátt í golfferð með stjórn Múrarafélags Reykjavíkur í Öndverðarnesi og það kveikti áhugann. Þetta var um síðustu aldamót.

Hvað er skemmtilegast við golfið?

Félagsskapurinn og leikurinn sjálfur. Útiveran í mismunandi veðri og fjöldi mismunandi golfvalla gera leikinn fjölbreyttan og enn áhugaverðari.

Hvernig hefur golfið gengið hjá þér?

Æ, svona upp og ofan. Það hefur ekki gengið vel að ná forgjöfinni niður.

Hefurðu farið holu í höggi?

Já, 10. júlí 2024 á 7. braut á golfvellinum í Mosó.

Eftirminnileg atvik eða sögur af golfvellinum?

Það er alltaf gaman að spila og hver leikur eftirminnilegur út af fyrir sig þó hann sé kannski ekki saga til næsta bæjar. Það getur ýmist verið skemmtilegt eða pirrandi þegar óboðnir aðilar taka þátt og trufla eða tefja leikinn um sinn. Ég hef til dæmis orðið að hinkra eftir að dádýrahjörð ákvað að smakka á grínunum á velli einum sem ég spilaði á í Ameríku. Svo eru það kanínurnar á Spáni sem eru þó fljótar að láta sig hverfa og kríurnar hér heima sem telja sig eiga völlinn og reyna að reka golfspilarana í burtu með því að steypa sér niður með gargi og látum.

Hvað er draumahollið þitt?

Það vill svo vel til að ég spila einmitt með þeim sem mér finnst skemmtilegast að spila með og það eru þeir Snorri Hlíðberg, Viðar Sveinbjörnsson og Skúli Baldursson. Hins vegar er nú gaman að láta sig dreyma um að spila einn hring með þeim Rory McIlroy, Tommy Fleetwood og Shane Lowry.

Uppáhaldsvöllur ?

Hérlendis er það Hlíðavöllur en svo er Lo Romero á Spáni einstaklega skemmtilegur völlur.

Hlíðavöllur eða Bakkakot?

Ég spila frekar á Hlíðarvelli en Bakkakotið er skemmtilegur 9 holu völlur.

Besti kylfingurinn sem þú hefur spilað með?

Þessari spurningu er erfitt að svara, af því að það getur verið að besti kylfingurinn sé ekki endilega sá sem spilar best heldur sá sem er léttur og skemmtilegur í spilamennskunni og því besti félaginn.

Spilaru golf í golfhermum yfir vetrarmánuðina?

Nei, ekki get ég sagt það, en þó komið fyrir að ég taki einn og einn leik.

Spilarðu alltaf golf með sömu vinunum eða ertu dugleg/ur að skrá þig í holl þar sem þú þekkir fáa?

Hérna heima spila ég oftast með sömu golffélögunum, en það er líka gaman að spila með nýju fólki. Erlendis spila ég oft með fólki sem ég þekki lítið sem ekkert og af mismunandi þjóðernum og það er ótrúlega gaman að því.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Já, ég er í mótanefnd og ræsi út í mótum hjá klúbbnum og finnst gaman að taka þátt á þann hátt. Einnig hittir maður fjölmarga spilara á mótunum og fylgist þannig með gangi mála. Þá hef ég verið í stjórn 65+ og tek þátt í því starfi, sem er mjög gefandi og skemmtilegt.

Er eitthvað hjá okkur í GM sem þeir finnst mega betur fara? Klúbburinn hefur í gegnum tíðina tekið góð framfaraskref og gert vel fyrir golfleikinn og félagana. Að mínu mati er hann með þeim bestu hérlendis.

Og að lokum, hvernig fer um þig í GM? Þar er ég á heimavelli í bókstaflegum skilningi !

Svo biðjum við þig um að tilnefna næsta kylfing vikunnar: Steinunn Þorkelsdóttir.

Golfsixes haldið í annað sinn í GM

Sat, 28 Feb 2026 12:50:25 GMT

Golfsixes var haldið 28. febrúar í annað sinn í GM. Mótið er ætlað þeim kylfingum sem eru að taka sín fyrstu skref í keppnisgolfi og er það á vegum R&A.

Alls voru 42 kylfingar sem tóku þátt sem er töluverð fjölgun frá því í fyrra. Kylfingar léku í 6 mismunandi liðum í 2 deildum (stelpu og stráka) og fengu derhúfu í lit liðs síns. Í hverju liði voru 6-8 leikmenn léku þeir um flögg í texas-scramble leikfyrirkomulagi líkt og í Íslandsmóti golfklúbba 12 ára og yngri. Kylfingar fengu brúsa, íþróttatösku og pokamerkis merkt Golfsixes.

Frábærir taktar sáust í mótinu og voru meðal annars 2 holur í höggi og fjöldi vippa sem fóru í holu!

Fimm afrekskylfingar hjálpuðu til við viðburðinn og þökkum við þeim kærlega fyrir aðstoðina.

Að keppni lokinni var Kahoot spurningakeppni, verðlaunaafhending og pizzuveisla.

Sigurliðin í Golfsixes 2026 voru græna liðið og svarta liðið

GM félagi dagsins!

Tue, 24 Feb 2026 12:55:14 GMT

GM félagi dagsins er Þorvaldur Borgar Hauksson

Forgjöf?

13,4 en ég er miklu betri en það!!

Hvenær varsðstu félagi í GM?

2018

Afhverju byrjaðirðu að spila golf?

Við vorum í afmælis-, fylleírisferð til Tene árið 2018 og það vantaði einn í hollið hjá strákunum! Ég náttúrulega skellti mér með og það var ekki aftur snúið��

Hvað er skemmtilegast við golfið?

Það er svo margt skemmtilegt við þetta annars ósanngjarna sport. Oftar en ekki eru meðspilararnir ekki sem verstir og svo er ”upphitunin” og 19. holan stór hluti af skemmtanagildinu. Það er líka eitthvað svo heimskulegt/skemmtilegt við það; að ef þér gengur illa einn daginn, getur þú ekki beðið eftir að komast aftur í golf til að sanna fyrir sjálfum þér að þú sért ekki svona lélegur og svo þegar þér gengur vel, þá getur heldur ekki beðið með að komast aftur út á völl til að sanna fyrir sjálfum þér hvað þú sért góður!! Þetta er helvítis vítahringur!

Hvernig hefur golfið gengið hjá þér?

Fyrstu 3 árin var ég fáranlega góður og féll forgjöfin eins og verðbréfavísitalan í hruninu. Síðustu á hefur svo sem gengið upp og ofan. Hef farið lægst niður í 10,1 (ekki enn náð eins stafs tölu) en hef hækkað aðeins síðustu 2 ár.

Hefurðu farið holu í höggi?

Næsta spurning!!!!

Eftirminnileg atvik eða sögur af golfvellinum?

Þau eru nokkur. Einn meðspilarinn fékk til dæmis símtal á fyrsta teig á Hlíðavelli og fór aðeins afsíðis og baðst svo afsökunar á þessari truflun. Hann spilaði nú ekkert sérstaklega þennan dag og á flötinni á níundu sagði hann okkur að í símanum á fyrsta teig hefði verið kona frá HHÍ að tilkynna honum að hann hefði unnið hæsta vinning á Trompmiða!!

Eftirminnilegt og ekki síður skemmtilegt var þegar ég var Bóndi í Bændaglímunni 2022 og rústaði góðum félaga Davíð Baldri! Og svo náttúrulega ALBATROSSINN sem ég og Siggeir Kolbeins tókum í sameiningu í Bændaglímunni í fyrra á 8undu. Spiluðum hana á 2. höggum takk fyrir takk!

Hvað er draumahollið þitt?

Til þess að gera ekki upp á milli GolfNaglanna minna, þá segi í bara Daly feðgar á móti okkur feðgum, mér og Hauki Helga. Holukeppni með forgjöf og við pabbarnir þurfum að drekka einn bjór fyrir hverja unna holu. Verst að það mundi lítið sem ekkert bíta á Daly!

Uppáhaldsvöllur?

Le Robinie á Ítalíu. Kannski ekkert endilega sá flottasti eða erfiðasti en klárlega minn uppáhalds.

Hlíðavöllur eða Bakkakot?

Hlíðavöllur

Besti kylfingurinn sem þú hefur spilað með?

Það er Heiðursfélagi GolfNaglanna Kristófer Karl

Spilaru golf í golfhermum yfir vetrarmánuðina?

Já svona einu sinni til tvisvar í mánuði.

Spilarðu alltaf golf með sömu vinunum eða ertu dugleg/ur að skrá þig í holl þar sem þú þekkir fáa?

Eins og flestir, spila ég oft með sama genginu en ég er fáranlega duglegur að skrá mig með öðrum. Í fyrra spilaði ég til dæmis með 105 mismunandi kylfingum.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Svona lala. Við GolfNaglarnir tökum alltaf þátt í Víking-deildinni (erum núverandi meistarar). Meistaramótið er svo náttúrulega SKILDA sem og Bændaglíman, sem er sennilega einn af hápunktum sumarsins, þó svo að ég fari oftast í brjálaða fýlu þegar Gústi vinur minn (framkvæmdarstjóri) er búinn að hagræða úrslitunum sér í vil!!

Er eitthvað hjá okkur í GM sem þeir finnst mega betur fara?

Já það er margt! Fleiri ruslatunnur, ódýrari bjór, sléttari teigar, ódýrari bjór, minni vindur og ódýrari bjór!! Annars bara nokkuð góður��

Og að lokum, hvernig fer um þig í GM?

Það fer voðalega vel um mig hérna í GM, enda ekki af ástæðulausu að ég verji lunganu úr sumrinu hérna á vellinum.

Svo biðjum við þig um að tilnefna næsta kylfing vikunnar ��

Ég ætla svo að skora á hinn helminginn í Albatrossnum mínum hann Siggeir Kolbeinsson

GM félagi dagsins

Mon, 16 Feb 2026 12:49:17 GMT

GM félagi dagsins er hún Guðný Helgadóttir

Nafn og forgjöf .

Guðný Helgadóttir – 19,1 í forgjöf.

Hvenær varðstu félagi í GM

Ég gekk í GM sumarið 2007 eftir að við fluttum frá Höfn í Mosfellsbæ.

Af hverju byrjaðir þú að spila golf?

Já góð spurning... byrjaði líklega í kringum 95 og þá var það sonurinn sem hvatti mig til að koma með út á golfvöll og prufa. Þetta væri svo gaman. Mér fannst þetta nú ekkert æðislegt til að byrja með og þurfti bara að hafa smá fyrir þessu ( Hafði raunar nokkrum árum áður sagt að þetta vera hallærissport ��) En það voru svo margir vinir að spila og smá saman var þetta alveg geggjað gaman. Og endaði með því að ég starfaði mikið fyrir golfklúbbinn í ýmsum nefndum og var m.a. formaður GHH í 3 ár – mjög skemmtileg og viðburðarrík ár.

Hvað er skemmtilegast við golfið ?

Tvímælalaust er það félagsskapurinn og útiveran - alltaf að kynnast nýju og nýju fólki.

Og svo er mjög gaman að fara í golfmót á hina ýmsu golfvelli. Það er bara allt gott við golf.

Hvernig hefur golfið gengið hjá þér?

Þetta hefur gengið allavega farið upp og niður í forgjöf.. er mjög dugleg að skrá inn hringi.

Hef líka náð að spila mig nokkrum sinnum í keppnissveit öldunga kvenna GM og farið í nokkra r keppnisferðir með þeim mjög lærdómsríkt og skemmtilegt.

Hefur þú farið holu í höggi?

Þegar ég byrjaði að fylla út svörin í þetta skjal var svarið NEI en núna..

Já í dag föstudaginn 13. Febrúar á EL VALLE í 12-14 m/s. 15.hola vallarins par 3, 115m löng. Við vorum að tala um að segja þetta gott á þessum hring en þá gerðist þetta setti boltann í holuna og við kláruðum hringinn.

Eftirminnileg atvik eða sögur af golfvellinum?

Hef tvisvar verið í holli með fólki sem fór holu í höggi - það er gaman.

Svo eru nokkur atvik sem ekki þola að fara á prent ��

Hvað er draumahollið þitt?

Þessi spurning er nú frekar erfið... en hringur með börnunum og eiginmanni væri draumahringur fyrir mig.

Uppáhaldavöllur?

Alltaf í fyrsta sæti er það GHH Golfklúbbur Hornafjarðar þar byrjaði þetta allt -skemmtilegir félagar og tala nú ekki um fegurðina. Já ég er hlutdræg ��

En Hlíðarvöllur er minn völlur í dag - hann er frábær í toppstandi og alveg hreint frábær.

Toppflólk þar á ferð.

Hlíðavöllur eða Bakkakot?

Hlíðavöllur, er svo heppin að geta gengið út á völl. En Bakkakotið er mjög skemmtilegt og góðar breytingar þar.

Besti kylfingur sem þú hefur spilað með?

Hef spilað með mörgum góðum kylfingum en Hákon minn er alveg í uppáhaldi hjá mér.

Spilarðu golf í golfhermum yfir vetrarmánuðina?

Gerði það þegar þeir komu í GM en núna er ég svo heppin að vera orðin frístundarfræðingur í fullu starfi og spila golf á Spáni yfir veturinn. Alger lúxusgella ��

Spilarðu alltaf golf með sömu vinunum eða ertu dugleg að skrá þig í holl þar sem þú þekkir fáa?

Ég var alveg óhrædd við að fara bara þar sem var laust en núna spila ég meira á morgnanna og fer bara þar sem er laust og einnig oft með ýmsum vinum.

Ertu dugleg við að taka þátt í starfinu í GM? Hvað finns þér skemmtilegast?

Alltaf gaman að mæta í meistaramót og Bændaglímu.

Svo vil ég mæta á vinnudag þegar ég er heima, finnst það mjög gaman.

Var dugleg við að mæta í kvennastarf þegar ég var að byrja í klúbbnum en er það ekki lengur.

En finnst þetta kvennastarf innan klúbbsins alveg frábært.

Gaman að segja frá því að þegar ég var rétt að byrja í golfi fyrir austan þá fór ég með Kjalarkonum til Danmerkur og svo seinna til Spánar í golfkennslu - alveg ógleymanlgar ferðir mikið fjör - Þökk sé ofurgolfaranum Lailu vinkonu minni.

Er eitthvað hjá okkur í GM sem mætti betur fara?

Get ekki kvartað yfir neinu. Það eru allir að gera sitt besta.

Og að lokum Hvernig fer um þig í GM?

Mjög vel - þykir mjög vænt um klúbbinn minn.

Elska að spila golf, líka þegar ég fer hring og ég man ekki hvernig prikin eiga að snúa í höndunum á mér. Og muna að lífið er núna

Svo biðjum þig að tilnefna næsta kylfing vikunnar.

Ég ætla að tilnefna minn skemmtilega og góða frænda ofurgolfarann Þorvald Borgar

GM félagi dagsins

Fri, 13 Feb 2026 09:15:48 GMT

GM félagi dagsins er Gunnlaugur Júlíusson

Forgjöf .

13,3

Hvenær varðstu félagi í GM?

2015

Afhverju byrjaðir þú að spila golf?

Ég fékk mikla hvatningu frá Davíð syni mínum, sem var í golfi frá barnsaldri. Hann var búinn að reyna að fá mig til að byrja mjög lengi.

Hvað er skemmtilegast við golfið?

Útivera og félagsskapurinn. Gaman að kynnast mörgu nýju fólki.

Hvernig hefur golfið gengið hjá þér?

Upp og niður. Byrjaði mjög vel og gekk fljótt að lækka forgjöfina. En nú eru aldur og stirðleiki farinn að segja til sín og forgjöfin farin að síga upp á við.

Hefurðu farið holu í höggi ?

Nei. Næst því 25 cm.

Eftirminnileg atvik eða sögur af golfvellinum?

Meistaramótið í þriðja flokki árið 2021. Endaði í síðasta holli á síðasta deginum, 11 höggum frá besta skorinu fyrir lokadaginn. Hvarflaði aldrei að mér að ég gæti unnið upp þann mun þannig að ég spáði lítið í skorið á hringnum. Fyrir síðasta púttið mitt á 18.holu segir meðspilarinn: Ef þú setur þetta í þá ertu búinn að vinna. Það fór nú svo að púttið fór í og ég endaði í fyrsta sætinu það árið. Kennir manni að þetta er ekki búið fyrr en síðasta höggið hefur verið talið. Mjög eftirminnileg stund.

Hvað er draumahollið þitt?

Davíð Gunnlaugsson, Björn Óskar Guðjónsson og Kristján Þór Einarsson

Uppáhaldsvöllur?

Þykir vænst um Hlíðavöll en Hvaleyrarvöllur finnst mér mjög flottur.

Hlíðavöllur eða Bakkakot?

Hliðavöllur en finnst Bakkakot líka mjög skemmtilegur.

Besti kylfingurinn sem þú hefur spilað með?

Kristján Þór Einarsson

Spilaru golf í golfhermum yfir vetrarmánuðina?

Já, gott að halda sveiflunni við í hermi og reyna að halda aftur af “gamla manna” sveiflunni.

Spilarðu alltaf golf með sömu vinunum eða ertu dugleg/ur að skrá þig í holl þar sem þú þekkir fáa?

Er duglegur að skrá mig með hverjum sem er ef veðrið er gott og ég á lausa stund.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Já. Skemmtilegast er að spila í meistaramóti og bændaglímunni, Titlest og Palla Open eru frábærir viðburðir sem ég reyni alltaf að taka þátt í.

Er eitthvað hjá okkur í GM sem þér finnst mega betur fara?

Nei mér finnst starfsmenn og klúbbmeðlimir til fyrirmyndar.

Og að lokum, hvernig fer um þig í GM?

Mjög vel og vil hvergi annars staðar vera. Get ekki beðið eftir að komast í 65 plús.

Svo biðjum við þig um að tilnefna næsta kylfing vikunnar ��

Helgi Pálsson.

Umhverfisvottun GEO endurnýjuð hjá Golfklúbbi Mosfellsbæjar

Mon, 09 Feb 2026 12:35:18 GMT

Golfklúbbur Mosfellsbæjar endurnýjar GEO CertifiedTM- sjálfbærni og umhverfisvottun.

Það er okkur sönn ánægja að segja frá því að við höfum endurnýjað GEO umhverfisvottun golfklúbbsins. Erum með einn af fjórum golfklúbbum sem eru með þessa vottun í dag.

GEO, Golf Environment Organization. GEO eru umhverfissamtök sem starfrækir vottunarkerfi fyrir golfvelli. Samtökin njóta víðtæks stuðnings innan golfhreyfingarinnar á heimsvísu og vinna náið með aðilum utan golfheimsins líkt og UNEP, umhverfisáætlun Sameinuðu þjóðanna, og eru aðilar að ISEAL, alþjóðlegum samtökum umhverfismerkja.

Síðastliðin ár hefur Golfklúbbur Mosfellsbæjar stigið mörg framfaraskref í þágu umhverfisverndar og sjálfbærni, sem felur jafnframt í sér aukin gæði og hagræðingu í rekstri. Allt er þetta í anda hugmyndafræðinnar um sjálfbærni og sjálfbæra þróun, sem klúbburinn hefur einsett sér að starfa eftir í framtíðinni.

Hér má sjá hlekk inn á okkar heimasvæði hjá GEO.

Það er okkur mikilvægt að fá þessa vottun og fá staðfestingu á því að við séum ávallt að vinna í áttina aukinni sjálfbærni í viðhaldi og rekstri ásamt því að hugsa vel um náttúruna og okkar umhverfi.

GM félagi dagsins

Wed, 04 Feb 2026 11:47:10 GMT

GM félagi dagsins er hún Guðný Sif Gunnarsdóttir

Nafn og forgjöf.
Guðný Sif Gunnarsdóttir – 19,8 í forgjöf.

Hvenær varðstu félagi í GM?
Desember 2023. Algjör skyndiákvörðun – sá bara auglýst ungmennagjald og unglingurinn innra með mér sagði já takk. Engin eftirsjá.

Af hverju byrjaðirðu að spila golf?
Get ekki sagt að ég sé með golfið í blóðinu, en ég byrjaði sem barn þar sem ég var skráð á sumarnámskeið, eins og maður gerir. Síðan var bróðir minn eitthvað að fikta í þessu og ég, krakkinn sem vissi aldrei hvað mig langaði að æfa, prófaði allt.
Það var þó ekki fyrr en árið 2020, þegar öll fjölskyldan mín féll aftur fyrir golfinu, sem ég fór að taka kylfurnar aðeins aftur upp – og svo af fullum krafti sumarið 2024 þegar ég byrjaði í GM af alvöru. Ekkert annað í stöðunni. Svo er afi minn, Halli Bjarna, ræsir á öllum mótum hjá Golfklúbbi Akureyrar – einhverjir ættu að kannast við gamla, þannig að þetta hefur greinilega alltaf legið einhvers staðar í genunum… djúpt.

Hvað er skemmtilegast við golfið?
Fyrst og fremst fólkið – ég hef kynnst ótrúlega skemmtilegu fólki í gegnum golfið. Svo er það auðvitað útiveran, friðurinn og þetta dásamlega logn á Hlíðavelli… þegar það er logn ��

Hvernig hefur golfið gengið hjá þér?
Upp og niður, alveg hreinskilnislega. Ég á það til að verða pínu keppnis og þegar sá vágestur mætir þá fer allt úr skorðum. Ég held að einhver hugafarsbreyting þurfi að eiga sér stað í kollinum á mér – vinn í því. Ég er á námskeiði hjá Katrínu ��

Hefurðu farið holu í höggi?
Já, svo ótrúlega vildi til að ég fór í holu í höggi í fyrsta sinn síðasta sumar, við mikinn fögnuð undirritaðrar. 56° kylfa á 9. holu í Bakkakoti – og ég er nokkuð viss um að fólkið á 5. braut hafi heyrt í mér. Þetta var falleg stund.

Eftirminnileg atvik eða sögur af golfvellinum?
Holu í höggi í ágúst í fyrra stendur upp úr. Það verður seint toppað – nema þá kannski með annarri holu í höggi… maður má alltaf vona.

Hvað er draumahollið þitt?
Myndi velja Georgia Ball fyrir góð tips og pepp, Rory McIlroy til að halda háttvísinni í skefjum og Shane Lowry fyrir írska ruglið. Fullkomið jafnvægi, ef þú spyrð mig.

Uppáhaldsvöllur?
Hlíðarendavöllur og Hlíðavöllur – ofc.

Hlíðavöllur eða Bakkakot?
Hlíðavöllur

Besti kylfingurinn sem þú hefur spilað með?
Bróðir minn – hann er með aðeins betra jafnaðargeð en ég.

Spilarðu golf í golfhermum yfir vetrarmánuðina?
Já, aðeins – mætti alveg vera meira. Ég er þó í góðu holli einu sinni í mánuði fram að sumri og fer í nokkra golftíma, svo maður heldur aðeins við tilfinningunni… eða reynir.

Spilarðu alltaf golf með sömu vinunum eða ertu dugleg að skrá þig í holl þar sem þú þekkir fáa?
Ég var ótrúlega dugleg að skrá mig með hverjum sem er, en viðurkenni að ég var lengi smá smeyk við að skrá mig með fólki sem var með betri forgjöf en ég. Ekki láta það stoppa þig, kæri lesandi. Maður lærir svo ótrúlega mikið af því að spila með fólki sem er betra en maður sjálfur – og allir boðnir og búnir að gefa ráð. Er þetta ekki einmitt til þess að hafa gaman?
Ég byrjaði ein í golfinu í Mosó og hef kynnst svo ótrúlega mörgu frábæru fólki. Svo er Ísland svo lítið að oftar en ekki þekkjum við sömu manneskjuna… eða einhvern nátengdan henni.

Ertu dugleg að taka þátt í starfinu í GM? Ef svo er, hvað finnst þér skemmtilegast?
Já, ég var rosalega dugleg að mæta í kvennagolfið fyrsta sumarið mitt og kynntist þar frábærum konum sem í dag eru mínar bestu golfkonur. Það er með því skemmtilegasta sem ég hef tekið þátt í og ég mæli hiklaust með þessu fyrir allar konur sem eru að byrja eða hugsa um að byrja.
Maður hefur alltaf einhvern hauk í horni til að fara út með eða skrá sig með ef eitthvað losnar í holli. Ég prufaði líka Bændaglímuna í fyrsta skipti – virkilega gaman – og tala nú ekki um lokamótið í kvennagolfinu og lokahófið eftir mót.

Er eitthvað hjá okkur í GM sem þeir finnst mega betur fara?
Það er eiginlega erfitt að finna eitthvað til að kvarta yfir – sem segir kannski sitt. Ef eitthvað mætti bæta, þá væri það helst að lengja golfvertíðina… eða bæta aðeins við sól og logni. Setja ljóskastara á seinni 9?

Og að lokum, hvernig fer um þig í GM?
Ótrúlega vel. Þetta er svo heimilislegt og vinalegt samfélag og það tók mig enga stund að verða hluti af „hópnum“. Það er alltaf gaman að kynnast nýju fólki, spila saman golf og – síðast en ekki síst – hafa gaman.

Svo biðjum við þig um að tilnefna næsta kylfing vikunnar ��
Ég ætla að tilnefna nöfnu mína og frænku Guðnýju Helgadóttur.

GM félagi dagsins

Wed, 28 Jan 2026 09:28:46 GMT

GM félagi sem og afmælisbarn dagsins er hann Palli Ásmunds

GM félagi dagsins er hann Páll Ásmundsson og er hann einnig afmælisbarn dagsins þar sem hann heldur upp á stórafmæli úti á Tenerife. Hann Palli er 70 ára í dag og óskum við honum innilega til hamingju með stórafmælið :)

Forgjöf.

17,3

Hvenær gerðist þú félagi í GM?

Minnir að það hafi verið 2002

Afhverju byrjaðir þú að spila golf?

Mjög margir vinir mínir í golfi og mig langaði að vera með.

Hvað er skemmtilegast við golfið?

Félagsskapurinn og útiveran.

Hvernig hefur golfið gengið hjá þér?

Það hefur bara gengið mjög vel, varð m.a. klúbbmeistari í þriðja flokki karla árið 2020

Hefurðu farið holu í höggi?

Nei ekki ennþá, en hef oft verið ansi nálægt því. Næsta sem ég hef komist er rétt um 5 cm frá holu.

Eftirminnileg atvik eða sögur af golfvellinum?

Meistaramót i 3. flokki 2020 þar sem ég var í 2. sæti fyrir lokadaginn fimm höggum á eftir efsta manni spilaði seinni níu holurnar á tveimur yfir pari og fannst ég bara ekki geta misst pútt, kom í hús sem sigurvegari 7 höggum á undan þeim sem leiddi fyrir lokadaginn. 12 högga sveifla ...mjög eftirminnilegt.

Hvað er draumahollið þitt?

Kristján Þór Einarsson, Kristófer Karl Karlsson, Þorsteinn Hallgrímsson og svo undirritaður.

Uppáhaldsvöllur?

Hlíðavöllur, besti golfvöllur landsins enda Bjarni besti greenkeeperinn.

Hlíðavöllur eða Bakkakot?

Hlíðavöllur en Kotið er að verða flott með nýjum brautum, holum 1. og 2.

Besti kylfingurinn sem þú hefur spilað með?

Þorsteinn Hallgrímsson

Spilar þú golf í golfhermum yfir vetrarmánuðina?

Spila tvisvar í mánuði, geggjað að hafa hermana yfir veturinn og gaman að hitta vinina og spila golf.

Spilar þú alltaf golf með sömu vinunum eða ertu dugleg/ur að skrá þig í holl þar sem þú þekkir fáa?

Bæði í föstum hópum og svo er bara gaman að henda ser í holl með ókunnugum og kynnast nýju fólki.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Elska meistaramótið, missi ekki úr móti þar.

Er eitthvað hjá okkur í GM sem þeir finnst mega betur fara?

Nei, geggjaður klúbbur og frábært starfsfólk.

Og að lokum, hvernig fer um þig í GM?

Gæti ekki verið lukkulegri með klúbbinn minn.

Þetta er mín svör og ég tilnefni hann Gunnlaug Júlíusson sem næsta kylfing.

GM félagi dagsins

Fri, 23 Jan 2026 09:05:56 GMT

GM félagi dagsins

GM f élagi dagsins er hann Óskar Sæmann Axelsson.

Forgjöf.

8,7

Hvenær gerðist þú félagi í GM?

Árið 2002 skráði ég mig í klúbbinn, sem var alveg óvart því ég bjó í Staðarhverfi í Grafarvogi og var búinn að skrá mig í GR að ég hélt, en vitanlega fór maður bara á biðlista. Þannig að góð ráð voru dýr og af rælni fann ég þennan klúbb í Mosó sem ég bara vissi ekkert af, talaði við okkar allra besta Hauk Hafsteinsson þáverandi framkvæmdastjóra klúbbsins og hann bara skráði mig með það sama. Svo kom að því ca árið 2005 að ég fékk fallegt bréf frá GR um að núna kæmist ég í klúbbinn og því var fljót svarað, og hér er ég enn.

Afhverju byrjaðir þú að spila golf?

Ég byrjaði að fikta við golf í Svíþjóð upp úr ’90, þar sem ég heimsótti frændfólk mitt mikið þar á þessum árum. Þau voru með net og mottu í garðinum og þar byrjaði ég að slá fyrstu höggin. Ég hafði upp frá þessu áhuga en enginn á Íslandi í kring um mig spilaði golf þannig þetta var bara eitthvað sem ég tók í þegar ég var úti. Svo árið 2001 fór ég á námskeið hjá Derrick Moore golfkennara í Korpu og síðan hef ég ekki horft til baka.

Hvað er skemmtilegast við golfið?

Félagsskapurinn og útiveran.

Hvernig hefur golfið gengið hjá þér?

Mjög vel held ég bara.

Hefurðu farið holu í höggi?

Næsta spurning takk ! Man ekki einu sinni eftir að hefa verið nálægt, enda mjög gleyminn.

Eftirminnileg atvik eða sögur af golfvellinum?

Nýlegt og gjörsamlega óþolandi atvik kom fyrir okkur vinina þann 1. oktober s.l. í Brautarholti. Forsagan er sú, að það er ein ákveðin regla sem sett var fyrir nokkrum árum í golfhópnum okkar þar sem ”hole in one” vinnur alltaf geimið, það er bara ákveðið tromp sem trompar allt.

Ég og Ásbjörn Jónsson vinur minn ákváðum að fara í Brautarholt að prufa nýju holurnar áður en lokar. Við ákveðum á fyrsta teig að leikur dagsins sé forgjafalaus holukeppni þar sem það munaði ekki þannig á forgjöfinni hjá okkur. Alla vega þá var það svo að ég vann holukeppnina á 14 holu þar sem ég spilaði fyrri níu holurnar á tveimur undir pari vallar og hélt uppteknum hætti á fyrri hluta seinni níu og kláraði geimið. Þegar við tökumst í hendur um að ég hafi unnið leikinn segir Ási ” viltu klára hringinn eða bara rölta upp í skála? ” vitanlega svaraði ég að við værum komnir þarna til að prufa nýju holurnar og værum rétt komnir inn á nýja partinn. Við höldum áfram að spila og komum þá á 17 holu vallarins sem er ca 175 metra löng par 3 hola, vel niður í móti og aðeins á móti sól þannig það var erfitt að sjá boltan allan tíman. Ási tekur upp 5 járnið sitt sem nótabene er held ég mest notaða kylfan í pokanum hans, smell hittir hann í lauflétt fade og ég sá ekki neitt meira. Ási segir við mig í miðju flugi.. ”ég held að þessi sé í” þannig við glápum á eftir boltanum, ég þykist sjá boltann lenda á gríni vinstramegin og rúlla í áttina að holu en er samt ekki viss. Ási segir mjög yfirvegað ” ég held í alvörunni að hann sé í.. ég held ég hafi heyrt hann smella í stönginni” ég veit ekkert hvernig ég á að taka þessu, er ekkert að missa mig úr gleði yfir óstaðfestri ”hole in one” en bið hann að stilla sér upp á teignum og smelli af honum mynd ”just in case”, svona gott að eiga, vont að gleyma moment. Svo tekur við mega vesen þar sem ég á að slá, það er náttúrulega ekki hægt að slá á eftir svona höggi og ég klúðra málunum alveg hrottalega því mig langaði mest að hlaupa niður að gríni og staðfesta þetta afrek frekar en að vera eitthvað vesenast sjálfur. En löng saga stutt þá var boltinn í holunni og út sprungu mikil fagnaðarlæti með tilheyrandi öskrum og stemningu. Þannig bölvaður Ási vann geimið á einhverri gamalli reglu sem maður hélt að væri bara þjóðsaga. Geggjað móment og fullkominn dagur. Það má svo bæta við að þegar við fórum inn í skála og Ási spyr í afgreiðslunni hvort einhver hafi farið holu í höggi á þessari holu og fær hann svarið ” já er þetta ekki alltaf að gerast. Má bjóða ykkur eitthvað ?”

Hvað er draumahollið þitt?

Konan mín Inga Hrund og strákarnir okkar tveir Óliver og Tumi. Það er draumurinn sem við ætlum að láta rætast reglulega í framtíðinni. Og best væri að dóttirin sem hefur engan áhuga á golfi væri á pokanum. Held þetta sé uppskrift af fullkomnum degi.

Uppáhaldsvöllur?

Í útlöndum er Uppsala GK í Svíþjóð, sem ég hef spilað mjög oft. En ég hef spilað nokkra velli í Danmörku og Svíþjóð sem eru geggjaðir. Á Íslandi er vitanlega Hlíðavöllur í uppáhaldi en Brautarholt fylgir fast á eftir og Vestmannaeyjar alltaf skemmtilegur. En ég er eiginlega kominn á að allir vellir hafa sinn sjarma.

Hlíðavöllur eða Bakkakot?

Hliðarvöllur allan daginn, en ég skal viðurkenna að ég er spenntur fyrir breytingunum á Bakkakoti. Ég ætla að spila hann oft í sumar með litlu gaurunum mínum.

Besti kylfingurinn sem þú hefur spilað með?

Án alls gríns þá er það Bjarnþór Erlendsson (Baddi), en svo gaman að nefna það einnig að hann er sá lang versti. Hann vippar og púttar eins og atvinnumaður, en hann nánast getur ekki hitt grín af miðri braut frá 100 metrunum en ef hann er úti í móa upp við stein milli þúfna og þarf að keng slæsa´nn af 150 metra færi þá setur hann alltaf boltan í gimme range. Ótrúlegur leikmaður og frasakóngur.

Spilar þú golf í golfhermum yfir vetrarmánuðina?

Jú það kemur fyrir. Mjög gaman og gjörsamlega búið að breyta leiknum yfir veturinn.

Spilar þú alltaf golf með sömu vinunum eða ertu dugleg/ur að skrá þig í holl þar sem þú þekkir fáa? Ég er í hóp sem spilar saman á þriðjudögum, ég spila mest með mínum vinum þar og svo með konunni. Ég skrái mig minna með fólki sem ég þekki ekki en gerði það mikið á árum áður og þannig séð þekki ég bara ansi marga í klúbbnum þannig það er erfitt að hitta á einhvern sem ég þekki ekki.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Nei ekki nóg. Vill helst alltaf vera með í meistaramóti en það næst ekki alltaf. Vonandi næ ég að vera með í sumar.

Er eitthvað hjá okkur í GM sem þeir finnst mega betur fara?

Mér finnst starfið hafa verið flott þó svo undirritaður mætti taka meira þátt í félagsstarfi en það er sko í boði. Vellirnir okkar verða alltaf betri og betri, ég bara gæti ekki kvartað yfir neinu.

Og að lokum, hvernig fer um þig í GM?

Svo ótrúlega vel.

Svo biðjum við þig um að tilnefna næsta kylfing vikunnar ��

Ég skora á KR-ing #1, Pál ”Vialli” Ásmundsson.

GM ferðin 2026 til Belek í Tyrklandi

Wed, 14 Jan 2026 12:38:08 GMT

Sala hefst á morgun fimmtudaginn 15. janúar kl. 12:00

Ágætu GM félagar.

Nú hefur verið tekin ákvörðun um að GM ferðin árið 2026 verði farin á Belek svæðið í Tyrklandi.

Við ætlum að vera á Sueno Deluxe hótelinu sem er með tvo glæsilega golfvelli og fjölda veitiningastaða.

Þetta verður án nokkurs vafa alveg geggjuð golfferð :)

Opnað verður fyrir bókanir á morgun fimmtudaginn 15. janúar kl. 12:00. Við erum með 80 sæti í boði.

Við munum senda fjölpóst aftur á morgun rétt fyrir klukkan 12.00 með bókunarnúmerinu sem þið notið þá við bókun.

Smellið hér til þess að fá nánari upplýsingar um þessa glæsilegu golfferð.

GM félagi dagsins

Tue, 13 Jan 2026 10:33:45 GMT

GM félagi dagsins er Helena Dröfn Jónsdóttir

GM félagi dagsins er hún Helena Dröfn Jónsdóttir

Forgjöf. 29,9

Hvenær varðstu félagi í GM?

Árið 2022 þegar ég byrjaði i golfi

Afhverju byrjaðirðu að spila golf?

Datt í hug að skrá okkur hjónin í golfskóla á Hellishólum eina helgi og manninum mínum leyst sko ekkert á það höfðum aldrei snert golfkylfu – en það heldur betur skilaði árangri höfum bara ekki stoppað síðan.

Hvað er skemmtilegast við golfið?

Hreyfingin útiveran og félagsskapurinn það er fátt sem toppar það og þetta er geggjað hjónasport.

Hvernig hefur golfið gengið hjá þér?

Golfið hefur sko gengið allskonar og var síðasta sumar algjör martröð ! En ég gefst ekki svo auðveldlega upp og ákvað að skrá mig í kennslu hjá Davíð Gunnlaugs og hefur hann algjörlega bjargað mér, þvílík þolinmæði hjá einum manni, hann er sá allra besti kennari sem ég hef hitt, hann er eins og góður sálfræðingur.

Hefurðu farið holu í höggi?

Nei

Eftirminnileg atvik eða sögur af golfvellinum?

Þegar ég náði erni á 4. braut i Bakkakoti, öll þrjú höggin með sömu kylfunni. 7 tréð klikkar seint.

Hvað er draumahollið þitt?

Það er Rakel Ýr golfsálufélgai minn, Rory Mcllroy, og Davíð Gunnlaugs hann lætur okkur taka réttar ákvarðanir á vellinum.

Uppáhaldsvöllur?

Hlíðavöllur, Grafarholtið og Poniente á Villaitana

Hlíðavöllur eða Bakkakot? Hlíðavöllur

Besti kylfingurinn sem þú hefur spilað með?

Guðni Birkir Ólafsson

Spilaru golf í golfhermum yfir vetrarmánuðina?

Já við nýtum okkur vel golfhermana í GM

Spilarðu alltaf golf með sömu vinunum eða ertu dugleg/ur að skrá þig í holl þar sem þú þekkir fáa?

Ég á mína föstu og uppáhalds golfvini sem ég spila mikið með – en finnst samt alltaf gaman að spila með og kynnast nýjum golffélögum þeir geta alltaf kennt manni eitthvað skemmtilegt.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Ég hef verið dugleg að taka þátt með GM konum,, þær eiga heiður skilið sem hafa haldið utan um starfið þar, Mæli svo sannarlega með sérstaklega fyrir þær sem eru að stíga sín fyrstu skref í golfi. Það er tekið svo vel á móti öllum. Ég hef tekið þátt í öllum meistaramótum GM frá því að ég byrjaði í golfi, það er toppurinn á sumrinu að vera með í því. Palla Open er eitt af mínum uppáhaldsmótum og ekki má gleyma Bændaglímunni.

Er eitthvað hjá okkur í GM sem þeir finnst mega betur fara?

Það má örugglega alltaf reyna að gera betur, bæta teigana og setja niður fleiri ruslatunnur. Margir virðast ekki geta sett ruslið sitt í pokann sinn. En annars eruð þið búin að vinna frábært starf og vellirnir stórkostlegir.

Og að lokum, hvernig fer um þig í GM?

GM besti klúbburinn hér mun ég vera, skemmtilegasta fólkið og gegguð stemming.

Svo biðjum við þig um að tilnefna næsta kylfing vikunnar ��

Það er enginn önnur en geggjaða Guðný Sif Gunnarsdóttir sem slær drævin sem öllum langar að slá.

Kristófer Karl er íþróttamaður Mosfellsbæjar

Fri, 09 Jan 2026 13:36:46 GMT

Kristófer Karl er íþróttamaður Mosfellsbæjar

Íþróttafólk Mosfellsbæjar 2025 var heiðrað við hátíðlega athöfn í Hlégarði fimmtudaginn 8. janúar.

Bæjarbúum gafst kostur á, ásamt íþrótta- og tómstundanefnd, að kjósa úr hópi tilnefndra íþróttafólk ársins 2025. Á sama tíma voru þjálfari, lið og sjálfboðaliði ársins heiðruð.

Kristófer Karl Karlsson afrekskylfingur úr GM var kosinn íþróttamaður ársins eftir mjög flott golfsumar. Kristófer var með tvo stóra sigra á keppnistímabilinu en hann var klúbbmeistari Golfklúbbs Mosfellsbæjar í Meistaraflokki í þriðja sinn á ferlinum á 9 höggum undir pari. Hann sigraði svo Korpubikarinn sem er eitt af stórmótum sumarsins á mótaröðinni en hann lék á 17 höggum undir pari og sló þar með mótsmet Korpubikarsins.

Íþróttafólk ársins í Mosfellsbæ 2025 eru:

Cecilía Rán Rúnarsdóttir, knattspyrnukona í Inter Milan

Kristófer Karl Karlsson, kylfingur í Golfklúbbi Mosfellsbæjar

Íþróttalið Mosfellsbæjar:

- Meistaraflokkur karla í knattspyrnu í Hvíta riddaranum

Þjálfari ársins:

- Ásbjörn Jónsson, þjálfari meistaraflokks karla í Hvíta riddaranum

Sjálfboðaliði ársins:

- Björk Erlingsdóttir, sjálfboðaliði hjá MotoMos

Þess má geta að íþróttafólk ársins, þau Cecilía Rán og Kristófer Karl, voru einnig kjörin íþróttafólk ársins í Mosfellsbæ árið 2020

GM félagi dagsins

Wed, 07 Jan 2026 09:12:58 GMT

GM félagi dagsins er Kristinn Karlsson

Forgjöf - 19,3

Hvenær varðstu félagi í GM?

Við hjónin gengum í GKJ árið 2003. Okkur var sagt að þetta væri huggulegur sveitaklúbbur með mjög vinalegu fólki. Það reyndist rétt. Við vorum byrjendur og fengum mjög góðar móttökur í klúbbnum. Síðan hefur allt vaxið og dafnað og klúbburinn og völlurinn löngu orðin alvöru þó enn sé smá eftir af sveitaklúbbnum.

Afhverju byrjaðirðu að spila golf?

Við vorum bæði búin að prófa og vorum viss um að þetta væri sport fyrir okkur. Þegar hægðist á í barnauppeldinu byrjuðum við.

Hvað er skemmtilegast við golfið?

Það er svo margt sem er skemmtilegt við golfið. Útiveran, félagsskapurinn og svo skemmir ekki fyrir að vera í smá keppni.

Hvernig hefur golfið gengið hjá þér?

Það hefur gengið á ýmsu. Ég var frekar fljótur að lækka forgjöfina úr 36 og niður í 18. Svo hef ég náð lægst í 16,2 fyrir nokkrum árum og stefni þangað aftur. En sama hvernig gengið er þá mætir maður aftur og er ákveðinn í að bæta sig.

Hefurðu farið holu í höggi?

Já ég náði þeim áfanga í júlí 2023. Það var á 7. holu á Hlíðavelli. Pinninn var vinstra megin framarlega og ég sló með 9 járni. Ég hélt að þetta væri allt of stutt á meðan kúlan var í loftinu en svo lenti hún meter frá, hoppaði tvisvar og fór svo ofan í. Ég held að fagnaðarlætin hafi komið fram á jarðskjálftamælum.

Eftirminnileg atvik eða sögur af golfvellinum?

Það eru mörg skemmtileg atvik sem koma upp i hugann en sennilega er minnisstæðast þegar ég var að spila á golfvellinum við Geysi í fyrirtækjamóti með mönnum sem ég þekkti ekki neitt. Við erum á fyrstu braut og ég var að skoða púttlínuna og bakkaði of mikið og féll í ánna á bólakaf. Þeir sem voru í hollinu með mér drógu mig á land og ég fór úr öllum fötunum og við týndum saman þurr föt úr ýmsum pokum. Svo héldum við áfram eins og ekkert hafi í skorist.

Hvað er draumahollið þitt?

Seve Ballesteros, Bernhard Langer og Fred Coupels. Þetta eru menn á mínum aldri og miklir meistarar.

Uppáhaldsvöllur?

Hér heima er erfitt að gera upp á milli en Urriðaholtsvöllur og Hamarsvöllur í Borgarnesi eru skemmtilegir. Erlendis er það Valle Romano sem er á Costa del Sol og svo spilaði ég Barsebäck golf klubb í Svíþjóð í haust og hann er frábær.

Hlíðavöllur eða Bakkakot?

Hlíðavöllur oftar en Bakkakot.

Besti kylfingurinn sem þú hefur spilað með?

Ég spilaði með Kristjáni Þór Einarssyni einu sinni þegar hann var nýkrýndur Íslandsmeistari í fyrra skiptið og mér tókst að vinna af honum teiginn. Svo spilaði ég einu sinni í holukeppni á móti Birni Óskari Guðjónssyni og hann rétt vann mig á 17. holu.

Spilaru golf í golfhermum yfir vetrarmánuðina?

Ég reyni að gera það einu sinni í viku yfir vetratíman.

Spilarðu alltaf golf með sömu vinunum eða ertu duglegur að skrá þig í holl þar sem þú þekkir fáa?

Ég spila mest með Dagnýju eiginkonu minni og við skráum okkur í holl á þeim tímum sem við viljum spila á óháð því hverjir eru þar fyrir.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Ég hef ekki verið mjög virkur í félagsstafi en ég hef tekið þátt í öllum meistaramótum nema einu síðan 2004. Aldrei unnið til verðlauna en alltaf sama frábæra stemmningin. Við höfum líka farið í ferðir til útlanda á vegum klúbbsins með frábærum félögum og stefnum á að gera það áfram.

Er eitthvað hjá okkur í GM sem þeir finnst mega betur fara?

Mér finnst starfið í GM vera mjög gott og ástæða til að hrósa stjórn og starfsmönnum fyrir að halda góðum standard. Mér hefur þó fundist vanta aðeins upp á klúbbastemmningu í skálanum. Þegar kylfingar koma inn eftir hring þá ganga þeir beint inn á fínan veitingastað en maður er kannski ekki alltaf í stuði fyrir það. Myndi stundum frekar vilja setjast niður og fá mér hressingu með spilafélögum án þess að líða eins og boðflennu á þessum annars glæsilega veitingastað.

Og að lokum, hvernig fer um þig í GM?

Það fer mjög vel um mig í GM. Frábærir félagar og vellirnir langoftast mjög góðir. Ég keyri fram hjá tveimur golfvöllum á leiðinni í Mosó en hefur ekki en dottið í hug að færa mig.

Svo biðjum við þig um að tilnefna næsta kylfing vikunnar ��

Ég tilnefni Óskar Sæmann Axelsson

GM félagi dagsins

Sat, 27 Dec 2025 11:09:32 GMT

GM félagi dagsins er hún Rakel Ýr Guðmundsdóttir

Forgjöf?

23,5

Hvenær varsðstu félagi í GM?

Ég byrjaði í golfi árið 2020 og gekk það sama ár í GM.

Afhverju byrjaðirðu að spila golf?

Við byrjuðum fjölskyldan saman í golfi, ég, maðurinn minn Páll Örn Líndal og dóttir okkar Andrea Líf Líndal sem fór að æfa golf hjá GM. Tvíburasystir mín Björg Ýr þrýsti mikið á okkur að byrja í golfinu. Hún er í GA og var sjálf orðin forfallin eftir aðeins tvö ár í golfinu. Ég viðurkenni að ég skildi ekki alveg í fyrstu hvað gæti verið svona spennandi við þetta sport en er núna orðin sami golfsjúklingurinn og hún. Ef maður er ekki í golfi þá er maður að hugsa um hvenær maður kemst ég næst í golf!

Hvað er skemmtilegast við golfið?

Það er svo margt gott og skemmtilegt við golfið. Í fyrsta lagi er það félagsskapurinn og að kynnast öllu þessu skemmtilega fólki sem er í GM. Síðan er það auðvitað hreyfingin og útiveran sem gefur mér mikið og þessi stöðuga löngun til að bæta sig.

Hvernig hefur golfið gengið hjá þér?

Það hefur gengið nokkuð vel en það er klárlega rými til bætinga sem er einmitt það sem er svo skemmtilegt við golfið. Næsta markmið er að ná að lengja höggin og ég á einmitt bókaðan tíma hjá Davíð Gunnlaugs golfkennara í janúar og treysti á að hann sé rétti maðurinn til að hjálpa mér með það.

Hefurðu farið holu í höggi?

Já – það var stórkostleg tilfinning og mjög óvænt! Það gerðist í september sl. á Font Del Lloop golfvellinum rétt fyrir utan Alicante. Ég og systir mín Björg vorum bara tvær í holli. Eiginmenn okkar, bróðir og mágkona voru í hollinu á undan okkur. Þetta var hola nr. 12 sem er krefjandi par 3 hola yfir vatn (versti óvinur höggstuttra kylfinga) og í talsverðum mótvindi. Ég tók mína stærstu kylfu og vonaðist til að ná yfir þetta mikla stöðuvatn. Við sjáum boltann fljúga vel yfir vatnið og lenda rétt fyrir ofan flötina og missum þá sjónir af boltanum. Í fyrstu hélt ég að boltinn hefði rúllað yfir flötina og lægi í kantinum en þá segir systir mín ”ég er viss um að boltinn sé í holunni” og labbar að holunni. Af svipnum hennar að dæma þá var enginn vafi um að hún hafði rétt fyrir sér! Út brutust mikil fagnaðarlæti og að sjálfsögðu var fagnað vel eftir hring.

Eftirminnileg atvik eða sögur af golfvellinum?

Já það er alltaf þetta skoplega sem situr eftir og er gaman að rifja upp. Mér fannst það kannski ekki fyndið þá en get hlegið af því núna þegar Tjaldur réðst á mig og elti mig niður 12. braut á Hlíðarvelli þar sem ég hafði vogað mér of nálægt hreiðrinu hans – hann hætti ekki þó svo að ég væri komin talsvert frá hreiðrinu og nánast inná flötina. Eftir þetta atvik hef ég tekið Kríuna í mikla sátt en hún er ljúflingur í samanburði við Tjaldinn.

Annað skoplegt á vellinum sem fær mig alltaf til að hlægja er þegar bremsurnar losnuðu óvænt á golfkerrunni hjá góðum vini mínum og við sáum á eftir kerrunni á fleygiferð niður skurðinn við 1. braut á Hlíðarvelli. Aðkoman var auðvitað ekki falleg lengst ofaní skurði og það tók talsverðan tíma að týna saman kylfur og fleira dót í golfsettinu sem dreyfðist um skurðinn.

Hvað er draumahollið þitt?

Það er Björg systir, Nelly Korda og Charley Hull. Það yrði ekkert vesen á þessu kvennaholli.

Uppáhaldsvöllur?

Hlíðavöllur, Grafarholtið og Font Del Lloop

Hlíðavöllur eða Bakkakot?

Hlíðavöllur

Besti kylfingurinn sem þú hefur spilað með?

Það er bróðir minn Eiríkur Guðmundsson, hann er líka svo jákvæður og hvetjandi.

Spilaru golf í golfhermum yfir vetrarmánuðina?

Já hef gert það eftir áramót til að byrja undirbúa golfsumarið.

Spilarðu alltaf golf með sömu vinunum eða ertu dugleg/ur að skrá þig í holl þar sem þú þekkir fáa?

Ég á mína föstu og uppáhalds golfvini sem ég spila mikið með en svo er mjög gaman að spila með fólki sem maður hefur aldrei spilað með áður og ég er óhrædd að skrá mig með nánast hverjum sem er. Maður lærir alltaf eitthvað nýtt með því að spila með nýju fólki. Ég minnist þess einu sinni þegar ég var að spila með ungum kylfingi sem ég þekkti ekki neitt í Leirdalnum í GKG. Ég var endalaust að missa stuttu púttin og hann fór að leiðbeina mér og gef mér góð ráð sem ég bý enn að og hef nýtt mér til að bæta púttin. Það er svo frábært þegar fólk gefur svona af sér við bláókunnuga – þetta er það einstaka við golfið.

Ertu dugleg/ur að taka þátt í starfinu í GM? Ef svo er, hvað finnst þér skemmtilegast?

Já ég hef verið dugleg við að taka þátt í öflugu starfi GM. Ég var t.d. í kvennanefndinni í 2 ár sem var frábær reynsla og félagsskapur. Ótrúlegur kraftur og gleði sem er að finna meðal GM kvenna. Síðan hef ég tekið þátt í öllum meistaramótum GM frá því að ég byrjaði í golfi – það er klárlega skemmtilegasta vika ársins. Svo er það auðvitað Palla Open mótið í júní hjá GM sem á stóran sess í hjarta mínu og eitt skemmtilegasta mót sumarsins. Draumurinn er svo að komast einhver tíma í Viking deildina með öflugt lið – hver veit hvað sumarið ber í skauti sér!

Er eitthvað hjá okkur í GM sem þeir finnst mega betur fara?

Það er búið að vinna frábært starf við að bæta ýmislegt á völlum GM. Þar er hægt að nefna flatirnar sem hafa tekið miklum framförum, bæði á Hlíðavelli og í Bakkakoti. Mér finnst tækifærin núna liggja í að bæta teigana við margar brautir. Eins sakna ég að það taki ekki á móti manni betri merkingar á teigunum, myndir af brautunum og lengdarupplýsingar. Ég veit að það er hægt að sjá þetta allt í öppum í símanum og í úrinu en það er þessi tilfinning og upplifun að mæta á teig og það tekur á móti þér fallegt skylti með gagnlegum upplýsingum.

Og að lokum, hvernig fer um þig í GM?

Mér líður mjög vel í GM og vil hvergi annars staðar vera – frábær mórall og stemming í klúbbnum.

Svo biðjum við þig um að tilnefna næsta GM félaga dagsins ��

Það er minn golfsálufélagi Helena Dröfn Wellings Jónsdóttir.

GM félagi dagsins

Fri, 19 Dec 2025 11:17:05 GMT

GM félagi dagsins er Björk Snæland Jóhannsdóttir.

Við ætlum að vera dugleg í því í vetur að vera m eð innslög um okkar félaga í lið sem hefur fengið nafnið GM félagi dagsins :)

Það er hún Björk Snæland Jóhannsdóttir sem ætlar að hefja leikinn.

Björk er búin að vera meðlimur í GM síðan 2017 og er með 28,2 í forgjöf.

Afhverju byrjaðirðu að spila golf?

Ég byrjaði í golfi af því að maðurinn fann ódýrt vinstri handarsett ( sem sagt örvhent ) og hann var líka búin að skrá mig á námskeið í heilt sumar frá mai – sept 2017, mér datt ekki í hug að fara út á golfvöll það sumar – bara æfingar . Ég ætlaði sko ekki að gera mig að fífli á vellinum ��

Hvað er skemmtilegast við golfið?

Þegar vel gengur, útiveran og félagsskapurinn

Hvernig hefur golfið gengið hjá þér?

Það bara gengur ágætlega – þyrfti kannski aðeins að æfa mig oftar

Hefurðu farið holu í höggi?

Nei

Eftirminnileg atvik eða sögur af golfvellinum?

Vinkvennamót á GM með konum úr GKG , það var bilað veður ( fellibylur og grenjandi rigning ) þegar Bára Einarsdóttir er á 6. braut tekur þetta svakalega högg af miðri braut og ætlar að sjálfsögðu inn á grínið , en af því að það er fyllibylur það fer boltinn upp á teig á 7.braut og beint í höfuð á einni úr GKG – sem betur fer fór allt vel.

Hvað er draumahollið þitt?

John Daly, Shane Lowry og Bára Einarsdóttir ..... ég held að þetta yrði svakalegt holl – Bára sér um veitingarnar.

Uppáhaldsvöllur?

Bobby Jones – Sarasota Florida

Hlíðavöllur eða Bakkakot?

Bakkakot

Besti kylfingurinn sem þú hefur spilað með?

Arnar Sigurbjörnsson

Spilaru golf í golfhermum yfir vetrarmánuðina?

Já reyni að fara 1 x í viku eftir áramót

Spilarðu alltaf golf með sömu vinunum eða ertu dugleg að skrá þig í holl þar sem þú þekkir fáa?

Ég skrái mig bara með einhverjum

Ertu dugleg að taka þátt í starfinu í GM? Ef svo er, hvað finnst þér skemmtilegast?

Var í kvennanefninni í 2 ár og það var alveg frábært, mæli með að taka þátt í þessu frábæra starfi.

Er eitthvað hjá okkur í GM sem þeir finnst mega betur fara?

Örugglega – það má alltaf gera betur og mér sýndist það vera á plani frá síðasta aðalfundi.

Og að lokum, hvernig fer um þig í GM?

Þar fer vel um mig – frábær klúbbur og frábærir félagar.

Takk fyrir mig

Svo biðjum við þig um að tilnefna næsta kylfing vikunnar ��

Ég tilnefni hana Rakel Ýr Guðmundsdóttir

Opnunartímar yfir jól og áramót

Thu, 18 Dec 2025 09:37:07 GMT

Opnunartímar í inniaðstöðunni okkar yfir jól og áramót

Nú er jólahátíðin framundan og hér að neðan má sjá opnunartíma inniaðstöðunnar okkar yfir hátíðirnar.

24. des - lokað

25. des - lokað

26. des - opið frá kl. 09:00 - 16:00

31. des - opið frá kl. 09:00 - 16:00

1 jan. - lokað.

Aðra daga er venjulegur opnunartími.

Skrifstofa klúbbsins er lokuð frá 23. desember og opnar aftur mánudaginn 5. janúar.

Við óskum ykkur gleðilegra jóla og farsældar á komandi ári. Við þökkum kærlega fyrir frábært golfár sem er senn á enda og hlökkum til þess að taka á móti ykkur á nýju ári :)

Jólakveðja frá stjórn og starfsfólki Golfklúbbs Mosfellsbæjar.

Innanfélagamótaraðir GM - sigurvegarar krýndir á aðalfundi

Thu, 11 Dec 2025 11:14:24 GMT

Innanfélagsmótaraðir GM - verðlaunahafar

Sigurvegarar í innanfélagsmótaröðum GM voru verðlaunaðir á aðalfundi félagsins sem fram fór 2. desember síðastliðinn.

Það voru þau Eygerður Helgadóttir og Jonas Yamak ( á myndinni hér að ofan) sem sigruðu VITAgolf mótaröðina. Þau léku manna best í allt sumar og fá í verðlaun sæti í GM ferðinni 2026 sem farin verður næsta haust.

Titleist holukeppnin var sú fjölmennasta frá upphafi. Það voru 124 karlar og 50 konur sem hófu leik. Það voru þau Edda Herbertsdóttir og Arnór Daði Rafnsson sem spiluðu best og stóðu uppi sem sigurvegar. Hlutu þau að launum glæsilega golfpoka frá Titleist.

VIKING deildin er skemmtileg liðakeppni þar sem færri komast að en vilja. Eftir undankeppni eru það 16 lið sem spila í deildinni. Í ár var það lið Golfnagla sem stóðu uppi sem sigurvegarar eftir æsispennandi leik við FÍG þar sem úrslitin réðust á síðasta púttinu á 18. holu.

Við þökkum öllum þátttakendum kærlega fyrir að vera með okkur í þessum skemmtilegu mótum. Sigurvegurum óskum við innilega til hamingju með árangurinn.

Svo viljum við þakka VITAgolf, Titleist á Íslandi og VIKING kærlega fyrir að standa svona vel við bakið á okkur í GM.

Fréttir af aðalfundi - silfurmerki GM

Thu, 04 Dec 2025 11:23:32 GMT

Á aðalfundi félagsins sem haldinn var síðastliðinn mánudag voru GM félagar sæmdir silfurmerki klúbbsins.

Sigurður Geirsson og Davíð Baldur Sigurðsson.

Siggi Geirs og Davíð Baldur eru flestum GM félögum vel kunnugir þar sem þeir hafa séð um dómgæslu í öllum okkar golfmótum í fjölda ára. Það er okkur í GM ómetanlegt að eiga svona flotta dómara sem standa vaktina hjá okkur í öllum veðrum og vindum og gera það með miklum sóma.

Mótanefnd GM.

Við erum einstaklega heppin með okkar öflugu mótanefnd sem hefur séð um allt okkar mótahald í ansi mörg ár. Það eru þeir Snorri Hlíðberg, Viddi Sveinbjörns, Helgi Páls og Gísli Karel. Þeir hafa séð um mótin okkar í fjölda ára og Snorri sem hefur setið hvað lengst í mótanefndinni er langt komin í 20 árin. Við erum þeim félögum einstaklega þakklát og við vitum að okkar félagsmenn eru það líka. Á myndinni hér að ofan eru þeir Gísli Karel og Viðar Sveinbjörnsson ásamt Kára formanni.

Rut Marsibil Héðinsdóttir.

Rut hóf sinn golfferil í Golfklúbbnum Kili 1985 og hefur því verið hér í 40 ár. Rut tók mikinn þátt í ýmsum verkefnum þegar kom að uppbyggingu Hlíðavallar á sínum tíma. Hún hefur verið í farabroddi í okkar kvennagolfi og keppt í öll þessi ár fyrir okkar hönd með virkilega góðum árangri og er hvergi nærri hætt. Viljum við með þessu þakka henni fyrir allt hennar starf í þágu klúbbsins sem og þann góða árangur sem hún hefur náð á golfvellinum í öll þessi ár.

Við í GM erum rík af sjálfboðaliðum sem leggja mikla vinnu í okkar starf og eiga stóran þátt í því hversu öflugur golfklúbbur GM er. Það er okkur ómetanlegt að eiga þetta fólk að og viljum við með þessu þakka þeim kærlega fyrir.

Fréttir af aðalfundi GM

Tue, 02 Dec 2025 12:58:27 GMT

Aðalfundur GM var haldinn í gær, mánudaginn 1. des.

Aðalfundur Golfklúbbs Mosfellsbæjar var haldinn í gær mánudaginn 1. desember og var virkilega vel sóttur þar sem rétt um 90 félagar mættu og þökkum við kærlega fyrir góða mætingu.

Á fundinum voru ýmsar viðurkenningar veittar.

Félagsmaður ársins er Þórdís Guðrún Arthúrsdóttir. Þórdís er búin að vera í Golfklúbbi Mosfellsbæjar frá því að hann var stofnaður, hún byrjaði sem meðlimur í Bakkakoti 2012 og og hefur verið hjá okkur síðan þá.

Þórdís hefur undanfarin ár verið virkur þátttakandi í 65+ starfinu okkar og hefur haldið utan um skemmtilega tölfræði sem hjálpar okkur við að efla og bæta það starf. Henni hefur ávallt þótt alveg einstaklega vænt um báða okkar velli og þá sérstaklega Bakkakotið. Hún er nánast eins og auka vallastarfsmaður þegar hún mætir og spilar og hugsar einstaklega vel um okkar velli. Þess má geta að Þórdís hefur verið meðlimur í golfklúbbi frá 1975, eða í samtals 50 ár.

Kylfingar ársins voru heiðraðir og í ár voru það þau Eva Kristinsdóttir og Kristófer Karl Karlsson sem hlutu þá viðurkenningu.

Golfsumarið hennar Evu var virkilega gott en hún lék töluvert erlendis fyrir hönd Íslands. Hún lék vel á Annika Invitational og Girls Amateur og náði góðum árangri. Hún lék einnig fyrir hönd Íslands í kvennalandsliði fullorðina á EM landsliða. Einnig keppti Eva á Heimsmeistaramóti landsliða 18 ára og yngri í Kanada og endaði þar í 28. sæti. Á Íslandi náði Eva góðum árangri en hún endaði í 3. sæti í Hvaleyrarbikarnum og sigraði á N1 mótinu á Korpu. Hún var einnig Íslandsmeistari golfklúbba 18 ára og yngri með stúlknasveit GM og Íslandsmeistari í holukeppni 18 ára og yngri. Næsta haust mun hún leika fyrir University of Iowa í Bandaríkjunum á háskólastyrk.

Kristófer var með tvo stóra sigra á keppnistímabilinu en hann var klúbbmeistari Golfklúbbs Mosfellsbæjar í Meistaraflokki í þriðja sinn á ferlinum á 9 höggum undir pari. Hann sigraði svo Korpubikarinn sem er eitt af stórmótum sumarsins á mótaröðinni en hann lék á 17 höggum undir pari og sló þar með mótsmet Korpubikarsins.

Óskum við þeim öllum innilega til hamingju og eru þau öll virkilega vel að þessu komin.

Við heiðruðum einnig fleiri GM félaga og munum segja frá því í annari frétt.

Félagsgjöld næsta árs voru einnig ávkveðin og þau má sjá á heimasíðunni okkar.

Árgjöldin eru komin inn í Sportabler.

Hægt er að skipta greiðslum í allt að 11 skipti sé gengið frá því fyrir sunnudaginn 21. desember. Þau ykkar sem ekkert gerið munu fá árgjaldinu skipt upp í fjórar greiðslur með fyrsta gjalddaga í byrjun janúar.

Vinsamlegast athugið að öllum greiðsluseðlum í banka fylgir 390 króna seðilgjald til bankans og öllum greiðslum sem settar eru á kreditkort fylgir 2% kostnaður.

Hægt er að millifæra fullt árgjald inn á reikning golfklúbbsins án allra aukagjalda. Þau ykkar sem kjósa að gera það mega leggja inn á reikning klúbbsins og senda kvittun á golfmos@golfmos.is

650581-0329

0116-26-000329.

Þau ykkar sem ætlið ykkur ekki að vera áfram meðlimir í GM eruð vinsamlegast beðin um að hafa samband við skrifstofu GM í gegnum golfmos@golfmos.is eða í síma 5666999 og tilkynna úrsögn. Sé það ekki gert þá gerum við ráð fyrir því að þið ætlið ykkur að vera meðlimir áfram.

Ef ekkert er gert fyrir 21. des næstkomandi þá munum við líkt og kom fram hér að ofan senda árgjöldin út og skipta þeim í fjórar greiðslur, fyrsti gjalddagi 2. janúar, 2026.

Aðalfundur GM - skýrsla stjórnar og ársreikningur

Mon, 01 Dec 2025 09:41:16 GMT

Minnum á aðalfund félagsins sem haldinn er í dag.

Að alfundur Golfklúbbs Mosfellsbæjar verður haldinn í dag og hefst stundvíslega kl. 17:30 í íþróttamiðstöðinni Kletti.

Hér að neðan má sjá skýrslu stjórnar sem og ársreikning félagsins.

Skýrsla stjórnar 2025

Ársreikningur 2025

Hlökkum til að sjá ykkur sem flest.

Viðhorfskönnun GM félaga

Tue, 18 Nov 2025 09:13:36 GMT

Viðhorfskönnun GM félaga.

Líkt og undanfarin þá þá sendum við út viðhorfskönnuna til okkar félaga. Þátttakan í ár var góð, rúmlega 450 sem svöruðu sem er svipaður fjöldi og í fyrra.

Í hlekknum hér fyrir neðan má sjá niðurstöður könnunarinnar.

Viðhorfskönnun 2025

Það er ánægjulegt að sjá að okkar kylfingar eru heilt yfir ánægðir með okkar golfklúbb og eru nánast allar tölur upp á við frá því 2024. Einnig fengum við talsvert af góðum ábendingum sem stjórn og starfsfólk klúbbsins mun fara vel yfir og nýta í okkar vinnu.

Við þökkum þeim sem gáfu sér tíma í að svara kærlega fyrir. Það er okkur mjög mikilvægt að fá þessar niðurstöður og góðu ábendingar þar sem þær hjálpa okkur mikið í okkar vinnu.

Birna, Auður og Eva semja við háskóla í Bandaríkjunum

Mon, 17 Nov 2025 15:45:16 GMT

Birna, Auður og Eva semja við háskóla í Bandaríkjunum

Afrekskylfingarnir Birna Rut Snorradóttir, Auður Bergrún Snorradóttir og Eva Kristinsdóttir hafa skrifað undir samning við háskóla í Bandaríkjunum og munu hefja nám næstkomandi haust.

Þær munu allar leika golf fyrir skólaliðið og stunda nám samhliða því.

Eva Kristinsdóttir

Skóli: University of Iowa
Staðsetning: Iowa City, Iowa
Liðsheiti: Hawkeyes

Birna Rut

Skóli: Western Illinois University
Staðsetning: Macomb, Illinois
Liðsheiti: Leathernecks

Auður Bergrún

Skóli: Florida International University
Staðsetning: Miami, Florida
Liðsheiti: Panthers

Við óskum þeim til hamingju og góðs gengis!

Írunn í stjórn GSÍ

Mon, 17 Nov 2025 10:42:27 GMT

Írunn í stjórn GSÍ

Þing Golfsambands Íslands fór fram dagana 14.-15 nóvember 2025. Hulda Bjarnadóttir var þar endurkjörin sem forseti sambandsins til næstu tveggja ára.

Þingfulltrúar kusu nýja stjórn, endurskoðendur og fulltrúa í helstu nefndir sambandsins, þar á meðal aganefnd, dómaranefnd og forgjafar- og vallarmatsnefnd. Þá var kjörnefnd skipuð og fulltrúar valdir á íþróttaþing ÍSÍ.

Hansína Þorkelsdóttir og Elín Hrönn Ólafsdóttir gáfu ekki kost á sér til endurkjörs og koma Gunnar Sveinn Magnússon, GR og Írunn Ketilsdóttir, GM inn í stjórn GSÍ í þeirra stað.

Stjórn GSÍ 2025-2027 er þannig skipuð: Birgir Leifur Hafþórsson, Gunnar Sveinn Magnússon, Hjördís Björnsdóttir, Írunn Ketilsdóttir, Jón B. Stefánsson, Jón Steindór Árnason, Karen Sævarsdóttir, Ólafur Arinbjörn Sigurðsson, Ólafur Arnarson og Ragnar Baldursson.

Írunn Ketilsdóttir hefur setið í stjórn GM síðastliðin ár og hefur hún ekki gefið kost á endurkjöri fyrir næsta tímabil. Viljum við þakka Írunni fyrir störf hennar í GM og óskum henni góðs gengis í stjórn GSÍ.

Aðalfundur Golfklúbbs Mosfellsbæjar

Fri, 14 Nov 2025 09:03:28 GMT

Aðalfundur Golfklúbbs Mosfellsbæjar.

Ágætu GM félagar.

Aðalfundur Golfklúbbs Mosfellsbæjar verður haldinn mánudaginn 1. desember 2025 í íþróttamiðstöðinni Kletti.

Fundurinn hefst stundvíslega kl. 17:30 og er dagskrá hans sem hér segir:

1. Kosning fundarstjóra og fundaritara.

2. Skýrsla stjórnar um störf og framkvæmdir á vegum félagsins

3. Áritaðir reikningar kynntir

4. Umræður um skýrslu stjórnar og reikningar lagðir fram til samþykktar

5. Lagabreytingar

6. Rekstraráætlun komandi starfsárs kynnt

7. Ákvörðun félagsgjalda

8. Kosning stjórnar, formanns og tveggja skoðunarmanna reikninga

9. Kosning aganefndar og kjörnefndar

10. Önnur mál.

Við viljum hvetja ykkur til þess að mæta á aðalfundinn, taka þátt í þeim umræðum sem þar eru og hafa þannig áhrif á framtíð Golfklúbbs Mosfellsbæjar. Ef þið hafið áhuga á því að taka þátt í okkar starfi, stjórn eða nefndum þá hvetjum við ykkur til þess að bjóða ykkur fram.

Stjórn GM.

Aðalfundur - framboð til stjórnar

Fri, 07 Nov 2025 08:22:02 GMT

Framboð til stjórnar GM

Ágætu GM félagar.

Nú styttist í aðalfund félagsins sem verður haldinn í byrjun desember.

Við minnum á að framboð til formanns, stjórnar og varastjórnar skal berast til klúbbsins fyrir 15. nóvember næstkomandi. Skulu framboð send á póstfangið golfmos@golfmos.is.

Aðalfundur verður auglýstur nánar síðar.

Nick klárar flott fyrsta tímabil á áskorendamótaröðinni

Mon, 03 Nov 2025 14:22:59 GMT

Nick klárar flott fyrsta tímabil á áskorendamótaröðinni

Tímabilið í tölum

Mót samtals: 22
Topp-10: 3
Besti árangur: Jafn í 5. sæti (tvisvar)
Meðalhöggaskor: 70,17
Fjöldi niðurskurða náð: 17 / 77%
Sæti á stigalista: 39
Heildartekjur tímabils: €74,984

Nick Carlson lauk um helgina sínu fyrsta tímabili á HotelPlanner mótaröðinni eða Áskorendamótaröð Evrópu. Þetta er fyrsta heila tímabilið á atvinnuferlinum hjá Nick með þátttökurétt á mótaröð. Stöðug spilamennska yfir árið kom honum í lokamótið þar sem efstu 50 á stigalista fengu þátttökurétt.

Hann endaði í 31. sæti í mótinu á 1 höggi yfir pari sem skilað honum í 39. sæti á stigalistanum, 9 sætum frá korti á DP World Tour (Evrópumótaröðinni).

Lokastöðuna í lokamótinu má finna hér

Nick heldur því category 8 þátttökurétt fyrir 2026 sem ætti að koma honum í öll mótin á HotelPlanner mótaröðinni. Eftir hring í mótinu fékk Nick að taka þátt í lýsingu mótsins sem var í beinni útsendingu.

Hægt er að sjá myndskeið frá því hér

Berglind Erla í 4. sæti í háskólamóti með Keiser

Tue, 21 Oct 2025 12:19:44 GMT

Berglind Erla í 4. sæti í háskólamóti með Keiser

Hér má sjá lokastöðuna í mótinu.

Berglind Erla Baldursdóttir, afrekskylfingur úr GM náði sinni bestu frammistöðu í háskólagolfinu til þessa en hún endaði í 4. sæti í Jupiter Collegiate Invitational mótinu. Leikið var á Jonathan's Landing golfvellinum.

Kvennalið Keiser-háskólans í golfi átti sögulega frammistöðu í mótinu þar sem liðið sigraði með skólameti á samtals 845 höggum eftir hringi upp á 278, 281 og 286.

Berglind Erla lék hringina þrjá á samtals 216 höggum (+6).

Berglind er á öðru ári í háskólagolfi en hún skipti um skóla eftir fyrsta árið en áður lék hún fyrir Fresno State háskólann í Kaliforníu.

Hlíðavöllur lokar

Mon, 20 Oct 2025 08:54:21 GMT

Hlíðavöllur lokar.

Ágætu kylfingar.

Tekin hefur verið sú ákvörðun að loka Hlíðavelli fyrir veturinn. Nú er talsverður kuldi í kortunum og því ekkert annað í stöðunni en að loka og eru þá báðir vellirnir okkar lokaðir.

Þetta hefur verið frábært sumar sem byrjaði snemma og báðir okkar vellir í frábæru ástandi alveg frá opnun.

VIð þökkum kærlega fyrir sumarið :)

Umferð á Hlíðavelli nú einungis fyrir félagsmenn

Fri, 17 Oct 2025 15:15:10 GMT

Umferð á Hlíðavelli nú einungis fyrir félagsmenn

Tekin hefur verið ákvörðun um að loka Hlíðavelli í ár fyrir gesti. Félagsmenn í hálfri aðild geta bókað og greitt fyrir golf á Hlíðavelli eftir verðskrá á golfbox.

Uppskeruhátíð barna- og unglinga 2025

Wed, 15 Oct 2025 11:46:26 GMT

Uppskeruhátíð barna- og unglinga 2025

Vel heppnuð uppskeruhátíð fór fram í gær, þriðjudaginn 14. október fyrir golfsumarið 2025. Rúmlega 70 iðkendur mættu í Klett og var keppt í 6 greinum, pútthringur, closest-to-the-pin og lengsta dræv stöðvum í 5 Trackman hermum og golf Kahoot og veitt voru verðlaun fyrir þessar greinar. Því næst var boðið upp á pizzahlaðborð sem endaði með verðlaunaafhendingu fyrir Prósjoppumótaröðina og viðurkenningar GM.

Úrslitin úr Prósjoppumótaröðinni má finna hér og við viljum þakka gott samstarf við Prósjoppuna sem útvegaði gjafabréf fyrir verðlaunahafa.

Besta ástundun

Ásgeir Páll Baldursson

Ásgeir hlýtur verðlaun fyrir framúrskarandi ástundun í golfi. Hann hefur sýnt mikla elju, metnað og stöðugleika í æfingum allt tímabilið og er frábært dæmi um hvernig markviss vinna skilar árangri innan vallar sem utan. Ásgeir sigraði örugglega í Meistaramóti GM í sínum aldursflokki og lék gott golf í sumar.

Viðurkenningar GM fyrir golfsumarið 2024:

Mestu framfarir

Emil Darri Birgisson

Emil hlýtur verðlaun fyrir mestu framfarir ársins. Hann hefur sýnt mikinn metnað og árangurinn talar sínu máli – í byrjun síðasta sumars var hann með 54 í forgjöf, en er nú kominn niður í 5,3. Hann náði einnig sínum fyrsta sigri á móti þegar hann vann N1 unglingamótinu eftir bráðabana. Frábært dæmi um hvað stöðug vinna og ástríða fyrir golfi geta gert!

Efnilegust

Hjalti Kristján Hjaltason

Hjalti Kristján átti mjög gott keppnissumar en hann sigraði á Nettó mótinu í GKG og var toppbaráttunni í sínum aldursflokki á unglingamótaröðinni í allt sumar. Í meistaramótinu setti Hjalti vallarmet þegar hann lék á 63 höggum á lokadeginum og var klúbbmeistari í leiðinni. Á English open var Hjalti í 6. sæti og einnig lék hann fyrir hönd piltalandsliði Íslands á EM liða. Hann endaði golfsumarið á frábærum sigri í Titleist Unglingaeinvíginu í Mos.

Eiríka Malaika Stefánsdóttir

Eiríka er eins og árum áður búin að leika frábærlega þrátt fyrir ungan aldur. Hún vann bæði Íslandsmótin í sínum aldursflokki, höggleikinn á Selfossi og holukeppnina á Hlíðavelli. Einnig vann hún Nettó mótið í GKG og Meistaramót GM í flokki 11-12 ára stúlkna.

Kylfingar ársins

Hjalti Kristján Hjaltason

(sama) Hjalti Kristján er kylfingur ársins. Hann átti mjög gott keppnissumar en hann sigraði á Nettó mótinu í GKG og var toppbaráttunni í sínum aldursflokki á unglingamótaröðinni í allt sumar. Í meistaramótinu setti Hjalti vallarmet þegar hann lék á 63 höggum á lokadeginum og var klúbbmeistari í leiðinni. Á English open var Hjalti í 6. sæti og einnig lék hann fyrir hönd piltalandsliði Íslands á EM liða. Hann endaði golfsumarið á frábærum sigri í Titleist Unglingaeinvíginu í Mos.

Eva Kristinsdóttir

Eva Kristins er kylfingur ársins. Golfsumarið hennar Evu var virkilega gott en hún lék töluvert erlendis fyrir hönd Íslands. Hún lék vel á Annika Invitational þar sem hún endaði í 19. sæti. Á Girls Amateur mótinu komst hún í gegnum höggleikinn en tapaði í fyrsta leik í holukeppninni. Hún lék einnig fyrir hönd Íslands í kvennalandsliði fullorðna á EM liða. Einnig keppti Eva á Heimsmeistaramóti liða í Kanada og endaði í 28. sæti. Hér á Íslandi náði Eva góðum árangri en hún endaði í 3. sæti í Hvaleyrarbikarnum og sigur á N1 mótinu á Korpu. Hún var einnig Íslandsmeistari golfklúbba 18 ára og yngri. Næsta haust mun hún leika fyrir University of Iowa á háskólastyrk.

Háttvísisbikarinn

Aron Sölvi Kristinsson

Aron Sölvi hlýtur háttvísisbikarinn fyrir framúrskarandi framkomu og jákvætt viðmót. Hann er ávallt í brosandi og hefur einstaklega góð áhrif á alla í kringum sig. Aron er glæsileg fyrirmynd GM bæði innan og utan vallar.

Við óskum kylfingum innilega til hamingju með flottan árangur í sumar!

Golfsumarkveðja frá GM konum

Tue, 07 Oct 2025 08:47:28 GMT

Golfsumarkveðja frá GM konum

Kveðjum golfsumarið 2025 – kveðja frá kvennanefndinni

Núna er golfsumarið 2025 að líða undir lok og þökkum við nefndin kærlega fyrir okkur. Takk kæru vinkonur fyrir að vera svona duglegar að taka þátt í kvennastarfinu okkar og gera það svona skemmtilegt. Það var margt og mikið brallað saman í sumar og erum við nefndin virkilega ánægðar með starfið og þátttökuna í ár. Einnig þökkum við styrktaraðilum okkar kærlega fyrir stuðninginn og þá sérstaklega Golfklúbbi Mosfellsbæjar, því án hans þá væri þetta flotta kvennastarf ekki mögulegt.

Dagskrá kvennastarfs GM hefur verið fjölbreytt í vetur og sumar.

Golfhermamót - vetrarstarf

Starfið hófst með 2 golfhermamótum í Golfklúbbi Mosfellsbæjar í febrúar og mars. Fyrirkomulagið var þannig að fyrstu rástímar í alla hermana voru kl. 9.00 og seinni rástímar 12:30. 40 þátttakendur tóku þátt í hvort skipti og spilaðir voru Grafarholtsvöllur og Leirdalurinn. Verðlaunaafhending fór svo fram að loknu móti og voru veitt verðlaun fyrir 1. til 3. sæti, lengsta drive og næst holu.

Vorfagnaður

Kvennanefndin bauð aftur til vorfagnaðar “Vertu velkomið golfsumarið 2025”. Þar komu GM konur saman og áttu skemmtilega kvöldstund. Boðið var upp á fordrykk og létta smárétti að hætti Blik Bistro, dagskrá golfsumarsins 2025 kynnt og nýjar GM konur boðnar velkomnar. Katrín Dögg Hilmarsdóttir PGA kennari kom og kynnti fyrir okkur sumarnámskeið og kennslu sem GM býður upp á yfir sumartímann. Cutter & Buck mætti svo til okkar og voru með pop up verslun og buðu GM konum upp á flottan fatnað og vörur á frábæru verði. Einnig var dregið úr seldum miðum nokkrir happdrættisvinningar. Þetta var skemmtilegt kvöld og gaman að hittast í upphitun fyrir komandi golfsumar.

Regluleg þriðjudagsspil

GM konur eiga frátekna rástíma alla þriðjudaga frá maí til lok ágúst á milli kl 17 og 18.30 þegar spilað er í Bakkakoti og frá kl. 17-18 á Hlíðavelli þegar við spilum þar. Skráning í þriðjudagsspil og mót fer fram í gegnum golfboxið og er mikil eftirspurn eftir þeim tímum og fyllast tímar að jafnan hratt. Ljóst er að með fjölgun kvenna í GM mætti skoða að fjölga rástímum í takt við þá þróun. Við tókum þá ákvörðun að halda áfram að rukka kr. 1000 fyrir litlu mótin sem voru haldin yfir sumarið til að eiga sjóð fyrir flotta vinninga á mótum GM kvenna yfir sumarið og niðurgreiða kostnað í lokamótið.

Púttmót - telja púttin

Að þessu sinni héldum við 2 púttmót, sem gengur út á að telja púttin en ekki höggin eins og við gerum venjulega. Frábær leið til að leggja sérstaka áherslu og fókus á púttin sem við viljum allar fækka til að lækka skorið! Þarna skiptir stutta spilið bara máli og þá þarf að leggja spilið þannig upp að ekki fara alveg inn á flötina strax því að púttin voru einungis talin. Óhætt að segja að keppnisskapið kom upp í okkur flestum.

Texas scramble - 4 manna

Við héldum eitt 4 manna Texas scramble mót. Fer leikurinn þannig fram að allir slá högg af teig, síðan velja þeir þann bolta sem þeim þykir vera í bestu stöðu og slá allir boltann þaðan. Þeir sem eiga þá bolta sem kylfingunum þykir lakari færa því sína bolta að bolta félaga síns. Sá sem átti besta boltann slær yfirleitt á undan og hinir á eftir. Eftir þau högg endurtekur ferlið sig allt þangað til boltinn er kominn í holuna. Það er alltaf gaman að spila Texas scramble því allir geta tekið þátt sama á hvaða stigi þeir með forgjöfina.

Vinkvennamót GKG á Hlíðavelli

GKG konur byrjuðu á því að koma til okkar á Hlíðavöll. Fyrirkomulagið er þannig að það eru 2 GM konur og 2 GKG konur í hverju holli. Í ár var mikil ásókn í mótið og komust færri að en vildu. Við spiluðum í blíðskaparveðri á Hlíðavelli og svo var verðlaunað fyrir mótið úti á svölum Blik. Veitt voru glæsileg verðlaun fyrir 1. til 3. sæti, 1. sæti í höggleik sem og nokkur útdráttarverðlaun. GM konur fóru síðan í Leirdalinn til GKG kvenna í ágústmánuði, einnig í blíðskaparveðri þar sem GKG konur tóku einstaklega vel á móti okkur með teig gjöfum frá Balmain, flottum verðlaunum og útdráttarverðlaunum.

Pilsa og hattamót, Cutter & Buck

Það var svo skemmtilegt að sjá allar konurnar okkar í kjólum/pilsum og með hatta að spila golf. Reglurnar voru einfaldar, kjóll/pils og hattur og það mátti ekki vera hefðbundinn golffatnaður sem gerði þetta aðeins erfiðara því að það getur verið erfitt að spila golf í kjól eða pilsi. Stórskemmtilegt mót í ágætu veðri í Bakkakotinu okkar. Cutter & Buck lagði til flott verðlaun í mótinu auk afsláttarkóða í verslun þeirra.

Hefnd nefndarinnar

“Hefnd nefndarinnar” hljómar svo skemmtilega. Í þessu móti voru ýmsar þrautir lagðar á brautirnar, til að nefna nokkrar þrautir: rétthent kona þurfti að taka upphafshögg með örvhentri kylfu og síðan öfugt, upphafshöggið á einni braut þurfti að taka með barnadriver, á einni braut þurfti að taka Happy Gilmore sveiflu í upphafshöggi - það var mjög skemmtilegt og þurftu konur að telja öll vindhöggin sem komu út frá þeirri flottu sveiflu.

Haustferð – lokahóf

Hin árlega haustferð GM kvenna var að þessu sinni á Brautarholtsvelli á Kjalarnesi. Margar hverjar voru að spila völlinn í fyrsta skipti og aðrar að prufukeyra nýju 6 holur vallarins þar sem völlurinn státar nú af 18 holum.
Við nýttum sjóðinn okkar frá sumrinu til þess að greiða niður haustferðina og gátum við því niðurgreitt kr. 3000 pr GM konu í lokamótið og var því mótsgjaldið 9.500 kr.

Við spiluðum í allskonar veðri; sól, roki og úrhelli, en sem betur fer var ekki of kalt og mótið gekk vel fyrir sig. Rástímar voru milli kl 9:10 og 12:10. Síðan hittumst við á Blik kl 19 og þar beið okkar aðalréttur og dessert að hætti Blik. Þar voru veitt verðlaun fyrir bæði höggleik og punktakeppni, lengsta drive, nándarverðlaun auk fyrirfram ákveðinna sætis verðlauna(útdráttarverðlaun). Samtals vorum við með um 28 verðlaun og þökkum við sérstaklega þeim félagskonum sem gátu lagt til verðlauna, það er ómetanlegt .

Við kvöddum 3 nefndarkonur, Kolbrúnu Klöru, Rakel Lind og Þóru H. Passauer.
Við erum búnar að eiga yndislegt samstarf saman og buðum margar nýjar nefndarkonur velkomnar þær Lindu Björk, Veru, Margréti, Írisi Evu, Guðbjörgu Elínu og Lilju Björk og hlökkum mikið til samstarfsins með þeim.

Að lokum viljum við þakka fyrir okkur og ykkur í sumar, án ykkar kæru GM konur væri ekki til kvennanefnd GM.

Knús & kossar

Kvennanefndin 2024-2025

Lena Ýr

Kolbrún Klara
Rakel Lind
Þóra H. Passauer

Styrktaraðilar
A4

Bakkakot

Cutter & buck golffatnaður /New wave heildverslun
Domin o s

Golfklúbbur mosfellsbæjar

Taramar ,

Eva og Pamela flottar á HM stúlkna

Mon, 22 Sep 2025 08:52:28 GMT

Eva og Pamela flottar á HM stúlkna

Íslenska stúlknalandsliðið í golfi keppti á heimsmeistaramóti stúlknalandsliða 2025, World Junior Girls Championship, sem fram fór á St. Cathatrines G&CC vellinum í Kanada dagana 17.-20. september. Þetta var þriðja árið í röð sem íslenska landsliðinu er boðið að taka þátt í þessu móti.

Mótið er einstaklings – og liðakeppni. Leiknar voru 72 holur í höggleik þar sem tvö bestu skorin telja á hverjum hring í liðakeppninni.

Fyrir hönd Íslands leika Eva Kristinsdóttir og Pamela Ósk Hjaltadóttir, báðar í GM og Bryndís Eva Ágústsdóttir, GA.

Alls tóku 23 sveitir þátt í mótinu. Tvö lið eru frá Kanada og þátttökuþjóðir því 22. Hvert lið var skipað þremur kylfingum og keppendur því 69 í heildina.

Í liðakeppninni endaði lið Íslands jafnt í 16. sæti á 25 höggum yfir pari.

Eva Kristinsdóttir var best Íslendinganna í einstaklingskeppninni en hún endaði jöfn í 28. sæti á 6 höggum yfir pari samtals eftir hringi upp á 74-73-75-72.

Pamela Ósk Hjaltadóttir var næst best á +21 í 53. sæti en hún var á 77-80-75-77.

Hér má finna lokastöðuna í mótinu.

Hjalti Kristján vann Titleist Unglingaeinvígið 2025

Fri, 19 Sep 2025 16:27:36 GMT

Hjalti Kristján vann Titleist Unglingaeinvígið 2025

Hið árlega Titleist Unglingaeinvígi fór fram á Hlíðavelli í dag 19. september og var þetta tuttugasta og fyrsta skipti sem mótið fer fram. Þrjátíu af fremstu afrekskylfingum Íslands á aldrinum 13-18 ára tóku þátt.

Leikin var 10 manna forkeppni í þremur aldursflokkum með shootout fyrirkomulagi þar sem sá kylfingur með hæsta skorið fellur úr keppni á hverri holu. Þrír keppendur úr hverjum aldursflokki kemst í lokaeinvígið ásamt sigurvegaranum í fyrra sem í þetta skiptið var Björn Breki Halldórsson.

Í úrslitum voru 6 kylfingar úr GKG, 3 kylfingar úr GM og 1 úr GS.

Heimamaðurinn Hjalti Kristján Hjaltason stóð uppi sem sigurvegari eftir spennandi keppni en hann setti í frábæran fugl á lokaholunni fyrir utan flötina. Þetta er í annað sinn sem Hjalti vinnur mótið en hann sigraði einnig árið 2021.

Hérna fyrir neðan má sjá heildarúrslit mótsins:

10. sæti - Emil Máni Lúðvíksson, GKG

9. sæti - Eiríka Malaika Stefánsdóttir, GM

8. sæti - Emil Darri Birgisson, GM

7. sæti - Gunnar Þór Heimisson, GKG

6. sæti - Embla Hrönn Hallsdóttir, GKG

5. sæti - Elísabet Ólafsdóttir, GKG

4. sæti - Eva Fanney Matthíasdóttir, GKG

3. sæti - Fjóla Margrét Viðarsdóttir, GS

2. sæti - Björn Breki Halldórsson, GKG

1. sæti - Hjalti Kristján Hjaltason, GM

Sigurvegarar Unglingaeinvígisins frá upphafi :

2005 – Sveinn Ísleifsson, GKj
2006 – Guðni Fannar Carrico, GR
2007 – Andri Þór Björnsson, GR
2008 – Guðjón Ingi Kristjánsson, GKG
2009 – Andri Már Óskarsson, GHR
2010 – Guðrún Brá Björgvinsdóttir, GK
2011 – Ragnar Már Garðarson, GKG
2012 – Aron Snær Júlíusson, GKG
2013 – Ingvar Andri Magnússon, GR
2014 – Ingvar Andri Magnússon, GR
2015 – Björn Óskar Guðjónsson, GM
2016 – Henning Darri Þórðarson, GK
2017 – Ragnar Már Ríkarðsson, GM
2018 – Dagbjartur Sigurbrandsson, GR
2019 – Tómas Eiríksson Hjaltested, GR
2020 – Björn Viktor Viktorsson, GL
2021 – Hjalti Kristján Hjaltason, GM
2022 – Veigar Heiðarsson, GA
2023 – Jóhann Frank Halldórsson, GR
2024 – Björn Breki Halldórsson, GKG

2025 - Hjalti Kristján Hjaltason, GM

Efstu 6 verðlaunahafar fengu vegleg verðlaun í boði Titleist

Þeir 10 kylfingar sem léku í úrslitum

Allir 29 keppendurnir sem hófu leik í undankeppninni

Írunn flottur fulltrúi Íslands á EM klúbba

Tue, 09 Sep 2025 14:38:48 GMT

Írunn flottur fulltrúi Íslands á EM klúbba

Írunn Ketilsdóttir keppti fyrir hönd Íslands á European Senior Ladies Team Championship sem fram fór á Pula golfvellinum í Mallorca á Spáni.

Írunn lék vel í höggleiknum og var næst best íslensku landsliðskylfinganna á +28 (85-87). Eftir það voru leiknir 3 holukeppnisleikir í B-riðli við Skotland, Noreg og Portúgal sem töpuðust allir.

Þrátt fyrir það endaði lið Íslands í 16. sæti og leika þær í A deild að ári.

Mótið er frábær reynsla fyrir Írunni sem hefur verið öflug á LEK í sumar og flottur fulltrúi GM fyrir hönd Íslands.

Mótið má finna hér

Emil Darri og Eva sigurvegarar í N1 unglingamótinu

Mon, 08 Sep 2025 13:15:30 GMT

Emil Darri og Eva sigurvegarar í N1 unglingamótinu

Loka stigamótið á Unglingamótaröðinni og Golf14 fór fram í GR á Korpúlfsstöðum um helgina. Leiknar voru 54 holur í flokki 15-18 ára, 36 í flokki 13-14 ára og 18 holur í flokki 12 ára og yngri. Emil Darri Birgisson og Eva Kristinsdóttir unnu sína keppnisflokka en fjöldi iðkenda GM náðu verðlaunasætum.

Í flokki 17-18 ára stúlkna var Eva Kristinsdóttir best en hún lék stórkostlegt golf eða 1 undir pari samtals (73-72-70). Jöfn í öðru sæti var Pamela Ósk Hjaltadóttir en hún var á 6 höggum yfir pari samtals (75-76-71). Auður Bergrún Snorradóttir var jöfn í 5. sæti á +21 (78-75-84).

Í flokki 17-18 ára drengja var Kristján Karl Guðjónsson í öðru sæti eftir frábæra spilamennsku. Hann lék hringina þrjá á samtals -7 (67-76-66).

Í flokki 15-16 ára drengja var Hjalti Kristján Hjaltason jafn í 3. sæti á -1 eftir mjög flotta spilamennsku (73-70-71). Grétar Logi Gunnarsson Bender var jafn í 13. sæti á +9 (75-74-76).

Sara María Guðmundsdóttir var jöfn í 3. sæti í flokki 15-16 ára stúlkna á +17 (75-76-82).

Emil Darri Birgisson sigraði í flokki 13-14 ára drengja á +2 (73-73). Emil var ásamt Ásgeiri Páli Baldurssyni á +2 (75-71) og fóru þeir í bráðabana með Matthíasi Jörva úr GKG og Barra frá Dalvík og hafði Emil Darri betur með fugli á fyrstu holu. Emil hafði því fengið 4 fugla á sínum síðustu 5 holum til að vinna mótið. Flott frammistaða hjá þessum frábæru ungu kylfingum GM.

Í flokki 12 ára og yngri stúlkna var Elva Rún Rafnsdóttir í 2. sæti á +19 (46-45). Edda María Hjaltadóttir var í 5. sæti á +23 (46-49). Eygló Rún Ingadóttir var í 13. sæti og Anna Dís Strange í 14. sæti.

Hér má sjá lokastöðuna í 15-18 ára

Hér má sjá lokastöðuna í Golf14

Úrslit í innanfélagsmótaröðum GM

Thu, 04 Sep 2025 10:11:29 GMT

Úrslit í innanfélagsmótaröðum Golfklúbbs Mosfellsbæjar

Nú er öllum innanfélagsmótaröðum sumarsins lokið og eru úrslitin eftirfarandi.

VITAgolf mótaröðin.

Þar voru það þau Eygerður Helgadóttir og Jonas Yamak sem stóðu upp sem sigurvegarar. Það var mikil spenna í kvennaflokki og enduðu þær Eygerður og Hrefna Hlín Karlsdóttir jafnar. Þær spiluðu því 18 holu umspil upp á sigurinn sem Eygerður sigraði.

Það er til mikils að vinna í VITA mótaröðinni og hafa þau Jonas og Eygerður unnið sér inn sæti í GM ferðinni 2026.

Titleist holukeppnin.

Í karlaflokki var það hann Arnór Daði Rafnsson sem stóðu uppi sem sigurvegari og hún Edda Herbertsdóttir í kvennaflokki. Arnór Daði lék til úrslita við Sigurjón Geirsson Arnarson og sigraði þann leik 5/4. Edda spilaði við Auði Valdimarsdóttir, úr varð hörkuleikur sem Edda sigraði að lokum 2/0.

Það var virkilega góð þátttaka í holukeppninni í sumar, 50 konur sem hófu leik og 124 karlar. Það er gaman að hafa svona góða þátttöku og vonandi mæta enn fleiri til leiks að ári.

VIKING deildin.

Viking deildin er alltaf jafn vinsæl og mikil ásókn í mótaröðina. Það eru 16 lið sem komast áfram í riðlakeppnina þar sem leikið er í fjórum riðlum.

Það voru Golfnaglar sem stóðu uppi sem sigurvegarar en þeir léku til úrslita við FÍG. Úr varð hörkuleikur þar sem úrslitin réðust á 18 holu í lokaleiknum.

Í þriðja sæti var svo Dansgólfið sem sigraði Very næs í leik um þriðja sætið.

Við þökkum öllum þeims sem þátt tóku í þessum mótaröðum innilega fyrir og óskum sigurvegurum innilega til hamingju með árangurinn.

Bændaglíma GM 2025

Mon, 01 Sep 2025 09:29:34 GMT

Bændaglíma Golfklúbbs Mosfellsbæjar 2025

Skemmtilegasta golfmót ársins, Bændaglima GM, fer fram laugardaginn 13. september á Hlíðavelli.

Ræst verður út á öllum teigum klukkan 12:00 en mæting er í Klett klukkan 11:00. Aðeins 112 kylfingar komast í mótið og ljóst að völlurinn verður þétt setinn af glöðum GM kylfingum eins og undanfarin ár.

Skráning opnar á morgun, þriðjudaginn 2. september kl. 13:00. Fyrstu 112 til að skrá sig fá þátttökurétt, en endilega skrá ykkur þó það séu komnir 112 þar sem þeir kylfingar fara á biðlista.

Skráning fer fram á golfboxinu, hægt er að smella á hlekkinn hér að neðan til þess að skrá sig.

Skráning í Bændaglímu

Leikfyrirkomulag

Keppendum í Bændaglímu GM er skipt upp í tvö lið. Leikin er holukeppni með texas scramble fyrirkomulagi þar sem tveir og tveir mætast. Leiknir eru 2 leikir á sitthvorum 9 holunum og fæst einn punktur fyrir hvorn leik. Takist kylfingum að vinna báða sína leiki bætist við aukapunktur. Sá bóndi vinnur sem hlýtur fleiri punkta.

Eftir að móti lýkur verður grillveisla og verðlaunaafhending í Kletti.

Kvennasveit 50+ unnu aðra deildina - leika í fyrstu deild að ári

Sun, 24 Aug 2025 09:49:19 GMT

Kvennasveit 50+ unnu aðra deildina - leika í fyrstu deild að ári

Íslandsmót golfklúbba 50+ fór fram 21.-23. ágúst og léku konurnar á Hólmsvelli í Leiru og karlarnir á Vestmannaeyjavelli.

Kvennasveit 50+ gerði sér lítið fyrir og unnu deildina og leika þær því í fyrstu deild að ári. Má segja að þetta hafi verið mjög sannfærandi sigur en þær voru efstar í höggleiknum sem röðuðu í riðla og unnu svo alla leikina 3-0 nema úrslitaleikinn við GA en hann fór 2-1 fyrir GM. Við óskum okkar 50+ fulltrúum innilega til hamingju með árangurinn!

Karlasveitin stóð sig mjög vel en þeir enduðu í 2. sæti. Úrslitaleikurinn var við Golfklúbb Fjallarbyggðar en þeir höfðu betur 3.5 - 1.5. Flottur árangur hjá karlasveitinni í ár.

Liðin skipuðu:

Karlasveit GM 50+

Arnar Sigurbjörnsson

Jónas Heiðar Baldursson

Siggeir Kolbeinsson

Rafn Jóhannesson

Róbert Björnsson

Pétur Valgarðsson

Victor Rafn Viktorsson

Þorsteinn Hallgrímsson

Kári Tryggvason (liðsstjóri og varamaður)

Úrslit

Kvennasveit GM 50+

Agnes Ingadóttir

Arna Kristín Hilmarsdóttir

Harpa Iðunn Sigmundsóttir

Hulda B Kjærnested Baldursdóttir

Írunn Ketilsdóttir

Rut Marsibil Héðinsdóttir

Liðsstjórar: Auður Þórisdóttir og Rannveig Rúnarsdóttir

Úrslit

Eiríka Íslandsmeistari í höggleik unglinga

Mon, 18 Aug 2025 09:45:03 GMT

Eiríka Íslandsmeistari í höggleik unglinga

Íslandsmót unglinga í höggleik fór fram um helgina og léku kylfingar 14 ára og yngri á Selfossi en leiknir voru þrír hringir á 14 holu vellinum en 15 ára og eldri léku í Þorlákshöfn þrjá hringi.

Eiríka Malaika Stefánsdóttir er Íslandsmeistari í höggleik í flokki 12 ára og yngri stúlkna. Hún lék hringina þrjá á +35 (70-63-64) og sigraði með 16 högga mun. Rakel Þyrí Kristmannsdóttir var í 4. sæti á +55 og Edda María Hjaltadóttir í 7. sæti á +77.

Í flokki 13-14 á ra drengja var Ásgeir Páll Baldursson jafn í 5. sæti á +19 (61-59-61). Emil Darri Birgisson var jafn í 9. sæti á +22 (63-64-57).

Grétar Logi Gunnarsson Bender var í 13. sæti í flokki 15-16 ára drengja á +17 (84-74-75) og Hjalti Kristján Hjaltason í 14. sæti á +19 (79-79-77).

Sara María Guðmundsdóttir var í 9. sæti í flokki 15-16 ára stúlkna á +24 (81-80-79).

Pamela Ósk Hjaltadóttir var í 2. sæti í flokki 17-18 ára stúlkna á +2 (76-69-73) og Auður Bergrún Snorradóttir í 3. sæti á +9 (76-74-75).

Eva góð á Girls Amateur

Fri, 15 Aug 2025 17:15:00 GMT

Eva góð á Girls Amateur

Eva Kristinsdóttir og Auður Bergrún Snorradóttir kepptu á the Girls Amateur Championship sem er eitt sterkasta áhugamannamót fyrir kylfinga undir 18 ára. Mótið fór fram í Conwy í Wales í vikunni.

Leikinn er 36 holu höggleikur og svo 64 manna holukeppnis útsláttarkeppni.

Eftir höggleikinn var Eva jöfn í 49. sæti en hún lék hringina á +5 (76-75). Í fyrsta leik lenti hún á móti hinni spænsku Blanca Gómez-Balboa en tapaði 1/0 í hörku leik þar sem hún lék á þremur undir pari. Leikurinn var mjög spennandi en hin spænska endaði á þremur fuglum í röð til að klára leikinn.

Auður náði sér ekki á strik í höggleiknum og datt út úr keppni en hún lék á +19 (86-79).

Linkur á mótið má finna hér

Úrslit úr sveitakeppni LEK 65+

Fri, 15 Aug 2025 16:33:03 GMT

Úrslit úr sveitakeppni LEK 65+

Karlasveit GM 65+

Sveitakeppni LEK 65 ára og eldri fór fram 12.-13. ágúst og léku konurnar í Grindavík en karlarnir í Öndverðarnesi. Mikið rigndi á fyrsta keppnisdegi sem gerði kylfingum erfitt fyrir en á degi tvö voru góðar aðstæður fyrir golf.

Kvennasveit GM endaði í 7. sæti en karlasveitin í 8. sæti.

Lokastaðan hjá konunum:

https://golfklubburgrindavikur-my.sharepoint.com/:x:/g/personal/gggolf_gggolf_is/EZd8oRSoX09Oo2zK7DJUvMoBeZJjpxrvXCiSr7GhmfTk7A?rtime=qgc-SlXa3Ug

Lokastaðan hjá körlunum:

https://docs.google.com/spreadsheets/d/1cauz8rLZNXevQ2TCstCi4KXPV0Bvz-s9/edit?fbclid=IwY2xjawMJSg9leHRuA2FlbQIxMABicmlkETA2NnlOYnpndndmY3VUVHdyAR6Mw_b3ddTBXTLMuu9qSiiebe26JPWWq1ibGtTiH1ffx-LjCevb_mCZEroObA_aem_Vml6M8gaaPutFZdmcnsH-Q&gid=760835758#gid=760835758

Kristján og Pamela best okkar kylfinga í Íslandsmótinu í höggleik

Mon, 11 Aug 2025 14:02:23 GMT

Kristján og Pamela best okkar kylfinga í Íslandsmótinu í höggleik

Íslandsmótið í höggleik fór fram á Hvaleyrarvelli dagana 7.-10. ágúst en alls tóku 18 kylfingar í GM þátt í mótinu. Sterkur vindur hafði áhrif á kylfinga á öðrum, þriðja og fjórða degi mótsins.

Kristján Þór Einarsson lék frábært golf og endaði í fimmta sæti í mótinu á 1 höggi undir pari samtals (71-72-72-72) einungis 4 höggum á eftir Dagbjarti sem sigraði. Hann blandaði sér í baráttuna á lokadegi en þegar 3 holur voru eftir af mótinu var hann 3 höggum á eftir efstu mönnum.

Andri Már Guðmundsson var jafn í 24. sæti á +13, Kristófer Karl Karlsson í 31. sæti á +16, Sverrir Haraldsson í 37. sæti á +19 og Ingi Þór Ólafson í 42. sæti á +26.

Pamela Ósk Hjaltadóttir var best GM kvenna en hún endaði jöfn í 6. sæti á +17 (77-77-74-77).

Heiða Rakel Rafnsdóttir endaði jöfn í 9. sæti á +25 og Berglind Erla Baldursdóttir endaði í 13. sæti á +29.

Lokastöðuna má finna hér

Nokkur verðlaunasæti GM í Unglingamótinu á Flúðum

dagur@golfmos.is (Dagur Ebenezersson) — Fri, 01 Aug 2025 13:24:51 GMT

Nokkur verðlaunasæti GM í Unglingamótinu á Flúðum

Leikið var á Flúðum á unglingamótaröðinni 29. - 30. júlí en leika átti 54 holur en vegna veðurs þurfti tvisvar að hætta við umferð og varð lokastaðan ákveðin eftir 36 holur. Mikil úrkoma og vindur setti strik í reikninginn en skorin voru góð engu að síður.

Pamela Ósk Hjaltadóttir var efst af okkar kylfingum í flokki 17-18 ára stúlkna í öðru sæti (77-79). Birna Rut Snorradóttir var jöfn í 5. sæti (76-85) og Gabríella Neema Stefánsdóttir í 7. sæti (79-89).

Í flokki 15 - 16 ára stúlkna var Sara María Guðmundsdóttir efst GM-inga í 5. sæti (71-84).

Hjalti Kristján Hjaltason endaði í 3. sæti í flokki 15-16 ára drengja en hann lék hringina á 70-75. Grétar Logi Gunnarsson Bender var jafn í 6. sæti á 77-73 höggum.

Í flokki 17-18 ára drengja var Kristján Karl Guðjónsson í 3. sæti á 78-71 höggi. Ásþór Sigur Ragnarsson lék á 77-78 og endaði jafn í 6. sæti.

Úrslit úr mótinu má finna hér

Pamela í 10. sæti á English Girls Open

dagur@golfmos.is (Dagur Ebenezersson) — Fri, 01 Aug 2025 13:05:39 GMT

Pamela í 10. sæti á English Girls Open

Pamela Ósk Hjaltadóttir lék á English Girls Open 22.-24. júlí en mótið fór fram á Sherwood Forest vellinum. Leiknar voru 72 holur á 3 keppnisdögum en leiknar voru 36 holur á lokadeginum fyrir þá sem ná niðurskurðinum.

Pamela lék frábært golf og endaði á 5 höggum undir par (72-71-68-76) samtals og jöfn í 10. sæti. Frábær árangur hjá Pamelu í einu sterkasta stúlknamóti í Evrópu.

Lokastaðan

Kvennasveit GM í 3. sæti í Íslandsmóti golfklúbba

dagur@golfmos.is (Dagur Ebenezersson) — Mon, 28 Jul 2025 13:08:25 GMT

Kvennasveit GM í 3. sæti í Íslandsmóti golfklúbba

Íslandsmót golfklúbba fór fram 24.-26. júlí og léku konurnar á Jaðarsvelli á Akureyri og karlarnir á Leirdalsvelli í GKG.

Konurnar höfðu unnið síðastliðin 3 ár en ekki tókst að sigra þetta árið og þurftu þær að sætta sig við þriðja sætið. Í undanúrslitum lék sveit GM á móti GR og var þar mjög spennandi leikur þar sem fjórir leikir af fimm réðust á 18. holunni og hafði GR betur. Lék þá sveit GM við heimamenn í GA upp á þriðja sætið sem vannst nokkuð örugglega.

Karlasveit GM var í dauðafæri til að komast í undanúrslit en í þriðja leik í riðlakeppninni munaði einungis hálfum sigri að sveitin kæmist í efri hluta. Okkar menn léku vel og unnu báða leikina í neðri hluta og var því lokaniðurstaða mótsins 5. sæti.

Kvennasveit:

Auður Bergrún Snorradóttir

Berglind Erla Baldursdóttir

Birna Rut Snorradóttir

Eva Kristinsdóttir

Heiða Rakel Rafnsdóttir

Katrín Sól Davíðsdóttir
María Eir Guðjónsdóttir

Sara Kristinsdóttir

Liðsstjóri: Ásdís Eva Bjarnadóttir

Þjálfari: Dagur Ebenezersson

Karlasveit:

Andri Már Guðmundsson

Arnór Daði Rafnsson

Aron Skúli Ingason

Björn Óskar Guðjónsson

Ingi Þór Ólafson

Kristján Þór Einarsson

Kristófer Karl Karlsson

Sverrir Haraldsson

Liðsstjóri: Þorsteinn Hallgrímsson

Þjálfari: Andri Ágústsson

Fréttir af okkar kylfingum.

Wed, 23 Jul 2025 09:06:21 GMT

Flottur árangur hjá kylfingum í GM.

Sara María Guðmundsdóttir sigraði sinn flokk á Icelandic Junior Midnight Challenge mótinu sem eru hluti af Global Junior Golf mótaröðinni. Mótið fór fram á Hlíðavelli og er þetta í fjórða sinn sem mótið er haldið. Sara spilaði gott golf og bætti sig ávallt á milli hringja en spilaðir voru þrír hringir. Besta hringinn sinn átti hún á lokadegi þar sem hún spilaði á 72 höggum. Í síðustu viku var einnig spilað mót í GJG mótaröðinni í Kiðjabergi. Er þetta í fyrsta sinn sem tvö mót fara fram hér á landi. Þar spilaði Sara María einnig virkilega vel og þegar upp var staðið var Sara jöfn öðrum kylfing í fyrsta sæti og þurftu þær því að fara í bráðabana. Þar tapaði Sara og endaði því í öðru sæti. Virkilega flottur árangur hjá Söru og óskum við henni innilega til hamingju.

Kristófer Karl sigraði Korpubikarinn.

Kristófer spilaði virkilega gott golf á Korpunni og það var stöðug bæting hjá honum á milli hringja. Hann var fjórði fyrir lokahringinn, en lék frábært golf og spilaði á 63 höggum, átta undir pari, fékk tvo erni, fimm fugla og einn skolla á hringnum. Kristófer lék mótið í heild sinni 17 undir pari. Hann tryggði sigurinn með frábæru pútti á 18. holunni, og sló í leiðinni mótsmet karla í Korpubikarnum.

Auður Bergrún Snorradóttir lék einnig virkilega gott golf og endaði í þriðja sæti á mótinu, en hún spilaði samtals á tveimur höggum undir pari vallarins þessa þrjá daga. Virkilega vel spilað hjá henni.

Óskum við þeim til hamingju með árangurinn.

Hjalti Kristján sjötti í McGregor Trophy

dagur@golfmos.is (Dagur Ebenezersson) — Wed, 23 Jul 2025 08:52:07 GMT

Hjalti Kristján sjötti í McGregor Trophy

Hjalti Kristján Hjaltason lék frábært golf á English Open mótinu en 144 komust inn í mótið og 42 náðu niðurskurði eftir 36 holur. Mótið fór fram á Radcliffe on Trent golf club í Englandi en er fyrir kylfinga 16 ára og yngri.

Hjalti lék hringina fjóra á 2 höggum yfir pari eða 74-68-69-71 höggum.

Virkilega flott frammistaða hjá Hjalta á sterku unglingamóti!

Lokastöðuna má finna hér

Írunn í þriðja sæti í Íslandsmótið 50+

dagur@golfmos.is (Dagur Ebenezersson) — Wed, 23 Jul 2025 08:33:04 GMT

Írunn í þriðja sæti í Íslandsmótið 50+

Íslandsmóti eldri kylfinga lauk þann 19. júlí á Strandarvelli hjá Golfklúbbi Hellu.

Keppendur voru alls 85 og voru leiknar 54 holur á þremur keppnisdögum. Í kvennaflokki voru 24 keppendur og 61 í karlaflokki.

Keppt var í tveimur aldursflokkum hjá báðum kynjum, 50 ára og eldri, og 65 ára og eldri. Alls voru fjórir kylfingar í mótinu frá Golfklúbbi Mosfellsbæjar.

Úrslit:

Konur +50 ára:

Þórdís Geirsdóttir, GK 220 högg (+10) (76-72-72).
Ragnheiður Sigurðardóttir, GKG 236 högg (+26) (80-74-82).
Írunn Ketilsdóttir, GM 244 högg(+34) (80-85-79).

Karlar +50 ára:

Sigurbjörn Þorgeirsson, GFB 206 högg (-4) (69-70-67).
Guðmundur Rúnar Hallgrímsson, GS 212 högg (+2) (72-67-73).
Ólafur Hreinn Jóhannesson, GSE 213 högg (+3) (68-71-74).

Konur +65 ára:

María Málfríður Guðnadóttir, GKG 236 högg (+26) (81-74-81).
Steinunn Sæmundsdóttir, GR 237 högg (+27) (74-83-80).
Guðrún Garðars, GR 238 högg (+28) (83-75-80).

Karlar +65 ára:

Hannes Eyvindsson, GR 227 högg (+17) (76-75-76).
Hlöðver Sigurgeir Guðnason, GKG 232 högg (+22) (75-77-80).
Magnús Birgisson, GK 234 högg (+24) (83-76-75).

Lokastöðuna má finna hér

Írunn Ketilsdóttir úr GM gerði sér lítið fyrir og endaði í 3. sæti í flokki 50 ára og eldri kvenna en h ún lék á 80-85-79 höggum. Mikil spenna var upp á þriðja sætið en hún endaði höggi á undan Elsu Nielsen eftir frábæran örn á 17 holu á lokahringnum.

Kári Tryggvason endaði í 6. sæti í flokki 65 ára og eldri karla en hann lék hringina á 79-83-81 höggi eða 33 höggum yfir pari.

Vel heppnað Golf14 mót í Bakkakoti

dagur@golfmos.is (Dagur Ebenezersson) — Wed, 16 Jul 2025 15:55:40 GMT

Vel heppnað Golf14 mót í Bakkakoti

Virkilega vel heppnað Golf14 mót fór fram í Bakkakoti í dag í blíðskaparveðri. Mótið var ætlað kylfingum úr öllum klúbbum landsins á aldrinum 10-14 ára. Keppt var í eftirfarandi flokkum með og án forgjafar:

13-14 ára drengir

13-14 ára stúlkur

10-12 ára drengir

10-12 ára stúlkur

Mikil spenna var á vellinum en tveir spennandi bráðabanar fóru fram um fyrsta sætið.

Eftir hring voru vipp, glompu og púttþrautir og pylsuveisla.

Verðlaunahafar 10-12 ára

Drengir

Höggleikur m/fgj

1 Eyþór Kári Stefánsson

T2 Hinrik Sjörup Jónsson

T2 Bjartmar Atlason

Höggleikur

1 Eiríkur Bogi Karlsson

2 Daníel Tristan Sigurlínarson

T3 Sigurður Markús Sigurðarson

T3 Garðar Ágúst Jónsson

Stúlkur

Höggleikur m/fgj

T1 Ásta Sigríður Egilsdóttir

T1 Elva Rún Rafnsdóttir

3 Thelma Clausen Halldórsdóttir

Höggleikur

T1 Ásta Sigríður Egilsdóttir

T1 Elva Rún Rafnsdóttir

3 Edda María Hjaltadóttir

Vippchallenge

Hinrik GOS

Pútthringur

Jóhann GS

Pútt - næstur holu

Elva Rún GM

Verðlaunahafar 13-14 ára

Drengir

Höggleikur m/fgj

T1 Helgi Þór Guðjónsson

T1 Hilmir Stefán Jónasson

3 Arnar Freyr Lýðsson

Höggleikur

1 Barri Björgvinsson

T2 Ásgeir Páll Baldursson

T2 Emil Darri Birgisson

Stúlkur

Höggleikur m/fgj

1 Elín Rós Knútsdóttir

2 Kristín Björg Gunnarsdóttir

3 Jóhanna S. Kristmundsdóttir

Höggleikur

1 Elín Rós Knútsdóttir

2 Hanna Karen Ríkharðsdóttir

3 Kristín Björg Gunnarsdóttir

Vippchallenge

Barri GHD

Pútthringur

Flosi GK

Pútt - næstur holu

Jóhanna NK

Lokastöðu mótsins má finna hér .

Myndasafn úr mótinu má finna hér .

Keppnissveitir GM valdar

dagur@golfmos.is (Dagur Ebenezersson) — Tue, 15 Jul 2025 09:03:47 GMT

Keppnissveitir GM 2025 valdar

Íslandsmót golfklúbba fer fram 24. - 26. júlí.

Lið GM í karla-og kvennaflokki leika í 1. deild en konurnar leika á Jaðarsvelli á Akureyri og karlar á Leirdalsvelli í GKG.

Kvennasveit GM hefur enn einn titilinn að verja en þær hafa unnið Íslandsmeistaratitil golfklúbba þrjú ár í röð.

Þjálfarar GM hafa valið sveitirnar, en þær eru skipaðar eftirtöldum leikmönnum:

Kvennasveit:

Auður Bergrún Snorradóttir

Berglind Erla Baldursdóttir

Birna Rut Snorradóttir

Eva Kristinsdóttir

Heiða Rakel Rafnsdóttir

Katrín Sól Davíðsdóttir
María Eir Guðjónsdóttir

Sara Kristinsdóttir

Liðsstjóri: Ásdís Eva Bjarnadóttir

Þjálfari: Dagur Ebenezersson

Karlasveit:

Andri Már Guðmundsson

Arnór Daði Rafnsson

Aron Skúli Ingason

Björn Óskar Guðjónsson

Ingi Þór Ólafson

Kristján Þór Einarsson

Kristófer Karl Karlsson

Sverrir Haraldsson

Liðsstjóri: Þorsteinn Hallgrímsson

Þjálfari: Andri Ágústsson

Úrslit úr Meistaramóti GM 2025

dagur@golfmos.is (Dagur Ebenezersson) — Mon, 07 Jul 2025 13:25:10 GMT

Úrslit úr Meistaramóti GM 2025

Frábærar aðstæður voru í Meistaramóti GM sem fram fór í vikunni bæði í Bakkakoti og á Hlíðavelli. Vallarsvæðin voru til fyrirmyndar og var frábært golf leikið á 8 keppnisdögum.

Við óskum verðlaunahöfum innilega til hamingju og þátttakendum einnig fyrir að gera þetta að einstöku Meistaramóti!

Úrslitin eftir flokkum:

65+

Konur - höggleikur án forgjafar.

sæti - Dagný Þórólfsdóttir - 274 högg.
sæti - Stefanía Eiríksdóttir - 283 högg.
sæti - Guðrún Á Jónsdóttir - 287 högg.

Konur - höggleikur með forgjöf.

sæti - Hafdís Jóna Karlsdóttir - 214 högg.
sæti - Þuríður E Pétursdóttir - 217 högg.
sæti - Gunnhildur Magnúsdóttir - 218 högg.

Karlar - höggleikur án forgjafar.

sæti - Guðjón Þorvaldsson - 228 högg.
sæti - Kári Tryggvason - 230 högg.
sæti - Hilmar Harðarson - 237 högg.

Karlar - höggleikur með forgjöf.

sæti - Sigurhans Karlsson - 218 högg.
sæti - Baldvin Elíasson - 218 högg.
sæti - Svanberg Guðmundsson - 218 högg.

50+

Konur - höggeikur án forgjafar.

sæti - Rut Marsibil Héðinsdóttir 378 högg.

Konur - höggleikur með forgjöf.

sæti - Arna Guðmundsdóttir 323 högg.

Karlar - höggleikur án forgjafar.

sæti - Arnar Sigurbjörnsson 285 högg.
sæti - Rafn Jóhannesson 310 högg.
sæti - Siggeir Kolbeinsson 313 högg.

Karlar - höggleikur með forgjöf.

sæti - Magnús Ingi Kristmannsson 295 högg.
sæti - Guðlaugur Pálsson 297 högg.
sæti - Jónas Yamak. 298 högg.

Bakkakot

5. flokkur kvenna.

sæti – Lilja Margrét Bergmann 318 högg.
sæti – Margrét matthíasdóttir 329 högg.
sæti – Helen Símonardóttir 331 högg.

4. flokkur kvenna.

sæti – Björk Snæland Jóhannsdóttir 284 högg.
sæti – Jakobína Kristín Arnljótsdóttir 291 högg.
sæti – Ólöf Sigurgeirsdóttir 305 högg.

5. flokkur karla.

sæti – Jóhann Gunnar Þórarinsson 278 högg.
sæti – Ragnar Hrafnsson 282 högg.
sæti – Arnaldur Freyr Birgisson 291 högg.

Hlíðavöllur 

4. flokkur karla.

sæti - Orri Steinn Eyþórsson 367 högg.
sæti - Eyþór Ingólfsson 372 högg.
sæti - Stefán Þór Steindórsson 377 högg.

3. flokkur kvenna.

Sæti - Águsta Sigurðardóttir 395 högg.
Sæti – Anna Elísabet Sæmundsdóttir 400 högg.
sæti – Rakel Ýr Guðmundsdóttir 407 högg.

3. flokkur karla.

sæti - Ernir Daði Fjölvarsson 343 högg.
sæti – Stefán Óli Þorleifsson 346 högg.
sæti – Hákon Svanur Þórsson 347 högg.

2. flokkur karla.

sæti – Heiðar Númi Hrafnsson 322 högg.
sæti – Árni Friðriksson 325 högg.
sæti – Wentzel steinar Kamban 326 högg.

2. flokkur kvenna.

sæti - Agnes Ingadóttir 359 högg.
sæti – Hanna Þrúður Ólafsdóttir 365 högg.
sæti – Vala Rún Björnsdóttir 372 högg.

1. flokkur karla.

sæti - Steinar Ægisson 289 högg.
sæti - Ragnar Þórhallsson 310 högg.
sæti – Hilmir Ægisson 313 högg.

1. flokkur kvenna.

sæti - Harpa Sigurbjörnsdóttir 358 högg.
sæti - Arna Kristín Hilmarsdóttir 368 högg.
sæti - Andrea Jónsdóttir 370 högg.

Meistaraflokkur karla.

sæti - Kristófer Karl Karlsson 275 högg.
sæti - Eyþór Hrafnar Ketilsson 278 högg.
sæti - Ragnar Már Ríkharðsson 281 högg.

Meistaraflokkur kvenna.

sæti - Berglind Erla Baldursdóttir 294 högg.
sæti – Sara Kristinsdóttir 296 högg.
sæti – Kristín Sól Guðmundsdóttir 296 högg.

Meistaramót GM - úrslit í 4. flokk karla og 50+ flokkum

Thu, 03 Jul 2025 06:17:48 GMT

Meistaramót GM - Úrslit 4. flokkur karla og 50+ flokkarnir

Úrslit.

4. flokkur karla.

sæti - Orri Steinn Eyþórsson. 367 högg
sæti - Eyþór Ingólfsson. 372 högg
sæti - Stefán Þór Steindórsson. 377 högg.

50+ konur - höggeikur án forgjafar.

sæti - Rut Marsibil Héðinsdóttir. 378 högg.

50 + konur - höggleikur með forgjöf

sæti - Arna Guðmundsdóttir. 323 högg.

50+ karlar - höggleikur án forgjafar.

sæti - Arnar Sigurbjörnsson. 285 högg
sæti - Rafn Jóhannesson. 310 högg.
sæti - Siggeir Kolbeinsson. 313 högg.

50+ karlar - höggleikur með forgjöf.

sæti - Magnús Ingi Kristmannsson. 295 högg.
sæti - Guðlaugur Pálsson. 297 högg.
sæti - Jónas Yamak. 298 högg.

Óskum við verðlaunahöfum innilega til hamingju með árangurinn og þökkum öllum keppendum kærlega fyrir þátttökuna.

Meistaramót GM - Úrslit hjá kylfingum 65+

Tue, 01 Jul 2025 08:06:23 GMT

65+ Úrslit

Meistaramót kylfinga í 65+ kláraðist í gær og voru úrslitin eftirfarandi:

Konur - höggleikur án forgjafar.

sæti - Dagný Þórólfsdóttir - 274 högg
sæti - Stefanía Eiríksdóttir - 283 högg
sæti - Guðrún Á Jónsdóttir - 287 högg

Höggleikur með forgjöf.

sæti - Hafdís Jóna Karlsdóttir - 214 högg
sæti - Þuríður E Pétursdóttir - 217 högg
sæti - Gunnhildur Magnúsdóttir - 218 högg.

Karlar - höggleikur án forgjafar.

sæti - Guðjón Þorvaldsson - 228 högg
sæti - Kári Tryggvason - 230 högg
sæti - Hilmar Harðarson - 237 högg

Höggleikur með forgjöf.

sæti - Sigurhans Karlsson - 218 högg
sæti - Baldvin Elíasson - 218 högg
sæti - Svanberg Guðmundsson - 218 högg.

Við óskum vinningshöfum innilega til hamingju og þökkum öllum keppendum kærlega fyrir skemmtilega daga.

Nick í 7. sæti í Frakklandi

dagur@golfmos.is (Dagur Ebenezersson) — Mon, 30 Jun 2025 10:01:04 GMT

Nick í 7. sæti í Frakklandi

Nick Carlson, atvinnukylfingur úr GM lauk leik í 7. sæti á Le Vaudreuil Golf Challenge mótinu á HotelPlanner Tour mótaröðinni sem fram fór um helgina. Nick lék á 13 höggum undir pari og fær fyrir árangurinn 9.600 evrur sem samsvarar um 1.370.000 krónum.

Eftir mótið er Nick kominn í 33. sæti á stigalista mótaraðarinnar.

Nick setur í fuglapútt

Stúlknasveit GM Íslandsmeistarar golfklúbba 2025

dagur@golfmos.is (Dagur Ebenezersson) — Mon, 30 Jun 2025 09:40:46 GMT

Stúlknasveit GM Íslandsmeistarar golfklúbba 2025

Íslandsmót golfklúbba í unglingaflokkum fór fram í síðustu viku og léku kylfingar 14 ára og yngri í Sandgerði og 15-18 ára á Hellu.

Alls voru 5 sveitir á vegum GM:

14 ára og yngri drengir

Aron Sölvi Kristinsson

Ásgeir Páll Baldursson

Emil Darri Birgisson

Guðlaugur Benjamín Kristinsson

Hafþór Atli Kristjánsson

Rafael Lár Magnússon

14 ára og yngri stúlkur

Anna Dís Strange

Eiríka Malaika Stefánsdóttir

Elva Rún Rafnsdóttir

Eygló Rún Ingadóttir

Hrafnhildur Kristjánsdóttir

Rakel Þyrí Kristmannsdóttir

15-16 ára drengir

Alexander Atli Hauksson

Brynjar Ernir Gunnarsson

Grétar Logi Gunnarsson

Pálmi Þór Kristmannsson

Tómas Ingi Bjarnason

Jóhannes Þór Gíslason

18 ára og yngri stúlkur

Auður Bergrún Snorradóttir

Birna Rut Snorradóttir

Eva Kristinsdóttir

Gabríella Neema Stefánsdóttir

Sara María Guðmundsdóttir

18 ára og yngri drengir

Arnar Dagur Jónsson

Aron Frosti Davíðsson

Ásþór Sigur Ragnarsson

Kristján Karl Guðjónsson

Hlynur Viðar Hlynsson

Ólafur Árni Reynisson

Í flokki 18 ára og yngri stúlkna fögnuðu okkar stelpur sigri eftir spennandi úrslitaleik á móti GKG. 18 ára og yngri drengir voru í 4. sæti í sínum flokki. 15 - 16 ára drengir lentu í C riðli eftir erfiðan höggleik en unnu riðilinn og enduðu því í 7. sæti. Drengjasveit og stúlknasveit 14 ára og yngri enduðu báðar í 3. sæti í sínum flokki.

Flottur árangur hjá okkar kylfingum!

Úrslit úr Meistaramóti barna og unglinga

dagur@golfmos.is (Dagur Ebenezersson) — Tue, 24 Jun 2025 15:17:55 GMT

Úrslit úr Meistaramóti barna og unglinga

Meistaramót barna og unglinga fór fram á tveimur vallarsvæðum 22.-24. júní. Iðkendur 12 ára og yngri léku á tveimur keppnisdögum í Bakkakoti en flokkar 13 ára og eldri léku á Hlíðavelli á þremur keppnisdögum en dásamlegt veður og frábærar aðstæður. Hjalti Kristján Hjaltason sló vallarmetið á gulum teigum á Hlíðavelli en hann lék á 63 höggum (-8). Alls lék Hjalti á -16 í mótinu (67-67-63).

Úrslit í flokki 13-14 ára drengja:

Ásgeir Páll Baldursson (+14)
Emil Darri Birgisson (+38)
Aron Sölvi Kristinsson (+71)

Úrslit í flokki 11-12 ára drengja:

Brynjar Maack
Ýmir Annel Kristjánsson

Úrslit í flokki 11-12 ára stúlkna:

Eiríka Malaika Stefánsdóttir
Rakel Þyrí Kristmannsdóttir
Elva Rún Rafnsdóttir

Úrslit í flokki 10 ára og yngri drengja:

Daníel Tristan Sigurlínarson
Róbert Elí Daðason
Breki Bjarkason

Úrslit í flokki 10 ára og yngri stúlkna:

Edda María Hjaltadóttir
Áróra Hildigunnardóttir
Emilíana Eir Gimenez

Við óskum verðlaunahöfum innilega til hamingju með árangurinn!

Úrslitin í 13-16 ára

Úrslitin í 12 ára og yngri

Úrslit í flokki 15-16 ára drengja:

Hjalti Kristján Hjaltason (-16)
Grétar Logi Gunnarsson Bender (+4)
Brynjar Ernir Gunnarsson (+51)

Pamela Ósk í öðru sæti í Íslandsmótinu í holukeppni

dagur@golfmos.is (Dagur Ebenezersson) — Tue, 24 Jun 2025 11:22:23 GMT

Pamela Ósk í öðru sæti í Íslandsmótinu í holukeppni

Íslandsmótið í holukeppni 2025 í holukeppni fór fram dagana 20.-23. júní á Hlíðavelli.

Heiðrún Anna Hlynsdóttir, Golfklúbbi Selfoss, er Íslandsmeistari í holukeppni kvenna 2025 en hún sigraði Pamelu Ósk Hjaltadóttur í úrslitaleiknum.

Alls komust sex GM-ingar upp úr höggleiknum þar sem einungis 16 komast í holukeppnina í hvorum flokki. Pamela Ósk var best kvenna á pari samtals (73-69). Eva Kristinsdóttir var jöfn í 3. sæti á +8 (73-77), Auður Bergrún var í 7. sæti á +11 (72-81) og Sara Kristinsdóttir jöfn í 8. sæti á +12 (81-73). Berglind Erla var síðust inn af konunum í 15. sæti á +14 (79-77) en Kristján Þór Einarsson var eini sem komst inn af körlunum á +1 (71-72).

Leið Heiðrúnar að titlinum hófst í 36 holu höggleiknum á föstudaginn síðasta. Þar lék hún á 73 og 75 höggum, og varð önnur á deginum, sex höggum á eftir Pamelu.

í 16 manna úrslitunum mætti hún Berglindi Erlu, sem sigraði Vormót GM á sama velli í maí. Heiðrún lék fimm undir pari, var skollalaus og sigraði leikinn 5/3. Auður Bergrún á móti Fjólu og sigraði 1/0. Eva Kristinsdóttir vann Evu Fanney 2/1. Pamela vann Emblu hrönn 5/4. Kristján Þór lagði Daníel Ísak 2/1.

Í átta manna úrslitunum lék Heiðrún gegn Auði Bergrúnu. Lítið skildi þær að allan tímann, og var Auður yfir meirihluta hringsins. Góður endasprettur Heiðrúnar skildi þær að, og hún sigldi að lokum 1/0 sigri. Kristján Þór tapaði á móti Aroni Snæ 3/1. Eva Kristins tapaði á móti Andreu Ýr 4/2.

Lítið skildi Heiðrúnu og Pamelu að í úrslitaleiknum. Skolli Pamelu á fyrstu kostaði hana holu, en flottur fugl á fjórðu jafnaði leikinn. Heiðrún fékk skolla á fimmtu holu, báðar fengu þær fugl á sjöttu, og Heiðrún jafnaði leikinn með frábæru pútti á sjöundu holu. Þær voru jafnar eftir níu holur, báðar á einum undir pari vallarins. Leikurinn hélst jafn fram á 15. holu, og komst Heiðrún þá eina holu upp. Eftir það fékk Heiðrún tvo frábæra fugla í röð, sigraði holur 16 og 17, og tryggði sér titilinn.

Úrslitin úr höggleiknum:
Karla
Kvenna

Úrslitin úr holukeppninni:
Karla
Kvenna

Eva í 19. sæti í Annika Invitational

dagur@golfmos.is (Dagur Ebenezersson) — Fri, 20 Jun 2025 13:19:44 GMT

Eva í 19. sæti í Annika Invitational

Eva Kristinsdóttir, kylfingur GM, lauk leik í 19. sæti í sterku boðsmóti á vegum Annika Sörenstam, Annika Invitational. Leiknar voru 54 holur á Bokskogens vellinum í Svíðþjóð, sem er einkar glæsilegt svæði í suðurhluta landsins. Auður Bergrún Snorradóttir og Bryndís Eva Ágústsdóttir voru einnig á meðal keppenda í mótinu.

Hér má sjá skor mótsins

Eva lék alla hringi sína á 74 höggum, tveimur yfir pari. Hún lauk því leik á sex yfir pari í heildina og jöfn í 19. sæti mótsins.

Auður Bergrún Snorradóttir, GM, endaði jöfn í 59. sæti mótsins á tuttugu höggum yfir pari. Hún lék hringi sína á 76-82-78. Auður lék par 3 holur vallarins einkar vel, var tvo yfir pari á þeim holum í mótinu og fékk þrjá fugla.

Hjóna og paramót GM úrslit

Thu, 19 Jun 2025 07:54:21 GMT

Hjóna og paramót GM úrslit

Hjóna og paramót GM fór fram síðastliðinn þriðjudag, eða á sjálfan þjóðhátíðardaginn.

Spilað var eftir Greensome fyrirkomulaginu í góðu veðri þó aðeins hafi rignt á kylfinga undir lokin.

Það var frábær þáttaka og þökkum við öllum kylfingum kærlega fyrir komuna :)

Úrslit mótsins urðu eftirfarandi:

sæti. Guðjón Helgi Guðmundsson og Íris Ösp Björnsdóttir. 45 punktar
sæti. Eva Hrund Harðardóttir og Óli Þór Júlíusson. 43 punktar.
sæti. Guðmundur Jón Tómasson og Hlín Hlöðversdóttir. 43 punktar.

Næst holu:

3. braut - Eyjólfur Þór. 1,54 metrar

4. braut - Valgeir Steinars. 2,49 metrar

7. braut - Bára Einarsdóttir. 18,5 cm.

15. braut - Helga Jóhannsdóttir. 3,67 metrar

18. braut - Rannveig Rúnarsdóttir. 3,08 metrar.

Óskum við vinningshöfum kærlega til hamingju.

Fjórir Golfkennarar GM útskrifast úr PGA skólanum

dagur@golfmos.is (Dagur Ebenezersson) — Wed, 18 Jun 2025 15:09:29 GMT

Fjórir Golfkennarar GM útskrifast úr PGA skólanum

Síðastliðin 3 ár hafa fjórir kennarar í GM stundað nám í PGA golfkennaraskólanum. Andri og Katrín Dögg hafa starfað í íþróttastarfi GM síðastliðin ár en Pétur og Gísli hafa sinnt einkakennslu og hópakennslu fyrir klúbbinn. Þetta er í sjötta sinn sem PGA á Íslandi útskrifar PGA golfkennara á Íslandi en félagið hefur alfarið séð um menntun golfkennara á Íslandi frá árinu 2006. Alls útskrifuðust 42 nýir golfkennarar 17. júní og óskum við þeim innilega til hamingju!

Hægt er að bóka golfkennslu (bæði einkatíma og golfnámskeið) á golfmos.is/golfkennsla

Eiríka, Edda, Hjalti og Pamela tóku gull í Nettó mótinu í GKG

dagur@golfmos.is (Dagur Ebenezersson) — Wed, 11 Jun 2025 12:35:39 GMT

Eiríka, Edda, Hjalti og Pamela tóku gull í Nettó mótinu í GKG

Þriðja mótið fór fram á Unglingamótaröðinni og Golf14 um helgina í GKG á Leirdalsvelli og Mýrinni og tóku Eiríka Malaika, Edda María, Hjalti Kristján og Pamela Ósk gullverðlaun í sínum flokkum.

Frétt GSÍ um Nettó mótið:

https://www.golf.is/netto-mot-unglingamotaradarinnar-og-golf-14-urslit-og-myndir/

Í flokki 15-16 ára drengja var Hjalti Kristján Hjaltason efstur á 10 höggum yfir pari (76-76-71) en hann endaði í 3. sæti í heildarkeppninni (15-18 ára). Í flokki 17-18 ára pilta var Kristján Karl Guðjónsson jafn í 6. sæti á +19 (79-74-79) og endaði jafn í 10. sæti í flokki 15-18.

Í flokki 17-18 ára stúlkna var Pamela Ósk Hjaltadóttir efst á 16 höggum yfir pari (77-75-77) en hún endaði í 2. sæti í flokki 15-18 ára. Birna Rut Snorradóttir endaði á 29 höggum yfir pari (81-83-78) í 7. sæti. Í flokki 15-16 ára stúlkna var Sara María Guðmundsdóttir jöfn í 8. sæti á 47 höggum yfir pari (86-91-83).

Í flokki 14 ára og yngri stúlkna var Eiríka Malaika Stefánsdóttir úr GM sigurvegari á 29 höggum yfir pari en hún sigraði með 13 högga mun (90-81).

Emil Darri Birgisson varð þriðji í flokki 14 ára og yngri drengja en hann lék á 16 höggum yfir pari (82-76) og 3 höggum frá efsta manni.

Edda María Hjaltadóttir sigraði í flokki 10 ára og yngri stúlkna en hún lék frábært golf, 46 högg og sigraði með 16 högga mun.

Daníel Tristan Sigurlínarson var í 3. sæti í flokki 10 ára og yngri drengja en hann var á 45 höggum, 5 höggum frá sigri.

Við óskum okkar fulltrúum innilega til hamingju með góðan árangur og góðs gengis í komandi verkefnum!

Eva í þriðja sæti í Hvaleyrarbikarnum

dagur@golfmos.is (Dagur Ebenezersson) — Mon, 02 Jun 2025 10:57:13 GMT

Eva í þriðja sæti í Hvaleyrarbikarnum

Landsliðskylfingurinn Eva Kristinsdóttir endaði í 3. sæti í Hvaleyrarbikarnum sem fram fór um helgina í Keili en hún var ein af 16 fulltrúum GM í mótinu. Leiknar voru 54 holur og voru erfiðar aðstæður á Hvaleyrarvelli en enginn kylfingur lék mótið undir pari.

Eva lék hringina á +15 (78-77-73) og var efst GM-inga í mótinu. Berglind Erla Baldursdóttir var jöfn í 5. sæti á +21 (79-79-76). Sara Kristinsdóttir var í 7. sæti á +23 (79-80-77) og Auður Bergrún Snorradóttir í 8. sæti á +25 (83-79-76).

Í karlaflokki var Ingi Þór Ólafson bestur GM-inga á +16 (75-75-79) en hann endaði jafn í 32. sæti.

Lokastaðan

Nick með sinn besta árangur á Áskorendamótaröðinni

dagur@golfmos.is (Dagur Ebenezersson) — Mon, 02 Jun 2025 09:29:43 GMT

Nick með sinn besta árangur á Áskorendamótaröðinni

Nick Carlson keppti núna um helgina á Challenge de Cadiz á Áskorendamótaröðinni. Keppt var á Novo Sancti Petri golfvellinum og endaði Nick jafn í 5. sæti á -10 (72-69-69-68). Jöfn og góð spilamennska í mótinu skilaði góðum árangri en hann fékk einungis 1 skolla samtals síðustu 3 hringina þrátt fyrir erfiðar aðstæður en mikið rok setti strik í reikningin fyrir kylfinga.

Fyrir mótið fékk Nick 13.500 evrur og kemur sér upp í 37. sæti á stigalistanum.

Hér má sjá lokastöðuna í mótinu

Hjalti Kristján bestur GM-inga um helgina

dagur@golfmos.is (Dagur Ebenezersson) — Tue, 27 May 2025 12:53:09 GMT

Hjalti Kristján bestur GM-inga um helgina

Síðustu helgi fór fram annað vormótið á mótaröð GSÍ og annað unglingamótið GSÍ og fyrsta Golf14 mót golfsumarsins. Vormótið fór fram í Þorlákshöfn en unglingamótin bæði í Sandgerði.

Í flokki 15-16 ára drengja var Hjalti Kristján bestur GM-inga en hann endaði jafn í 2. sæti á -9 (71-69-67). Í flokki 17-18 ára drengja var Kristján Karl Guðjónsson í 3. sæti á -7 (70-68-71). Í flokki 15-16 ára stúlkna var Sara María Guðmundsdóttir í 6. sæti á +12 (81-76-71). Í flokki 17-18 ára stúlkna var Gabríella Neema Stefánsdóttir jöfn í 8. sæti á +15 (77-74-80) og Birna Rut Snorradóttir í 10. sæti á +17 (72-78-83).

Golf14 er mótaröð 14 ára og yngri og var Eiríka Malaika Stefánsdóttir í 2. sæti í 14 ára og yngri stúlknaflokk í 36 holu mótinu en hún lék á +30 (88-86). Elva Rún Rafnsdóttir lék á +46 (95-96) og endaði í 6. sæti. Ásgeir Páll Baldursson endaði jafn í 8. sæti í drengjaflokki 14 ára og yngri á +9 (75-78). Emil Darri Birgisson var í 10. sæti á +12 (78-78).

Í flokki 12 ára og yngri stúlkna var Edda María Hjaltadóttir í 3. sæti á +18 (53 höggum) og Anna Dís Strange í 7. sæti á +33 (68 höggum).

Í vormótinu sem fór fram í Þorlákshöfn var Kristján Þór Einarsson jafn í 12. sæti á +12 punktum (5 og 5 punktar) og því efstur GM-inga. Í kvennaflokki var Erla Marý Sigurpálsdóttir á -17 punktum (-11 og -6 punktar) og endaði í 4. sæti.

Næstu helgi er Hvaleyrarbikarinn í Keili og við óskum okkar fulltrúum góðs gengis í fyrsta stórmóti ársins.

Berglind Erla og Auður Bergrún byrja golfsumarið á sigrum

dagur@golfmos.is (Dagur Ebenezersson) — Mon, 19 May 2025 14:40:44 GMT

Berglind Erla sigraði á fyrsta vormóti sumarsins

Andri Már Óskarsson, GOS, og Berglind Erla Baldursdóttir, GM, stóðu uppi sem sigurvegarar í Vormóti GM. Mótið var það fyrsta á GSÍ mótaröðinni í sumar og voru leiknar 36 holur yfir helgina.

Fyrirkomulag mótsins var breytt punktakeppni, og stigagjöfin eftirfarandi:

Albatross: 8 punktar
Örn: 5 punktar
Fugl: 2 punktar
Par: 0 punktar
Skolli: -1 punktur
Tvöfaldur skolli eða verra: -3 punktar

Berglind Erla Baldursdóttir sigraði en hún endaði mótið með -12 punkta. Berglind var með flesta fugla allra kvenna, en þeir eru dýrmætir í breyttu punktakeppninni.

Á eftir Berglindi var Sara Kristinsdóttir GM en hún bætti sig um 30 punkta á milli hringja og skorið um 20 högg (89-69).

Kristófer Karl Karlsson var bestur GM-inga í karlaflokki en hann endaði á +2 punktum samtals. (77-69)

Auður Bergrún sigraði á fyrsta mótinu á Unglingamótaröðinni

Auður Bergrún sigraði á fyrsta mótinu á Unglingamótaröðinni sem fram fór á Akranesi. Hún lék á 76-76-69 eða 6 yfir pari samtals. Pamela Ósk Hjaltadóttir var í 3. sæti á 12 höggum yfir pari (80-76-72) og Eva Kristinsdóttir jöfn í 5. sæti á 18 höggum yfir pari (84-77-73). Gabríella Neema Stefánsdóttir var í 10. sæti á 28 höggum yfir pari (86-79-79).

Í flokki 17-18 ára pilta var Kristján Karl Guðjónsson efstur GM-inga í 8. sæti á 20 höggum yfir pari (77-81-78). Hjá 15-16 ára strákunum var Hjalti Kristján Hjaltason efstur GM-inga jafn í 7. sæti á 14 höggum yfir pari (81-78-71). Grétar Logi Gunnarsson bender var í 10. sæti á 19 höggum yfir pari (81-78-76).

Skráning í VIKING deildina og Titleist holukeppnina hafin

Thu, 15 May 2025 13:52:46 GMT

Skráning í VIKING deildina og Titleistl holukeppnina.

Ágætu GM félagar.

Nú höfum við opnað fyrir skráningu í Titleist holukeppnina sem og í VIKING deildina.

Skráning í Titleist holukeppnina fer fram í gegnum Golfboxið og hvetjum við ykkur sem flest til þess að vera með. Þátttakan í fyrra var frábær og vonandi fáum við ennþá fleiri núna.

Skráningarhlekkur karlar

Skráningarhlekkur konur

Skráningu líkur sunnudaginn 18. maí næstkomandi.

Við höfum einnig opnað fyrir skráningu í VIKING deildina okkar.

Hér er skráningarhlekkurinn í hana https://docs.google.com/.../1F AIpQLSctR4iegcd9r m.../viewform

Þar eru sömu reglur og áður, þau lið sem komust í 8 liða úrslit í fyrra þurfa ekki að fara í undankeppni að því gefnu að það séu a.m.k fjórir leikmenn í liðinu sem spilaði 2024.

Skráningarfrestur til og með 21. maí kl. 18:00

Undankeppni VIKING deildarinnar verður spiluð laugardaginn 24. maí.

Opnun golfvalla

agust@golfmos.is (Ágúst Jensson) — Thu, 24 Apr 2025 10:19:02 GMT

Ágætu GM félagar.

Gleðilegt sumar :)

Það er gaman að geta sagt frá því í tilefni sumardagsins fyrsta að við ætlum að opna Hlíðavöll og Bakkakot á næstu dögum.

Næstkomandi sunnudag 27. apríl verður hinn árlegi vinnudagur á Hlíðavelli og ætlum við að hefjast handa kl. 10:00. Við hvetjum sem flest ykkar til þess að mæta og hjálpa okkur að standsetja völlinn fyrir opnun. Það hefur verið frábær mæting undanfarin ár og við vonum að svo verði einnig í ár. Að loknum vinnudegi eða upp úr kl. 13:30 fá svo þau ykkar sem tóku þátt í honum forskot á sæluna og við ræsum út af öllum teigum eftir léttan hádegisverð. Hlíðavöllur opnar svo formlega mánudaginn 28. apríl.

Bakkakotið opnar fimmtudaginn 1. maí og hlökkum við til að taka á móti öllum okkar kylfingum. Við vitum að þið eruð orðin spennt að komast út á golfvöll :)

Við opnum fyrir rástímaskráningu á morgun föstudag kl. 14:00. Til að byrja með ætlum við að hafa rástímaskráninguna þannig að á virkum dögum spilast Hlíðavöllur sem tveir 9 holur vellir en um helgar verður hann 18 holur. Það er því þannig ( líkt og er ávallt hjá okkur á haustin) að ef þið ætlið að spila 18 holur á virkum degi þá þurfið þið að bóka ykkur á bæði fyrri og seinni 9. Er þetta gert þar sem reynslan hefur sýnt okkur að margir kylfingar spila bara 9 holur svona í byrjun sumars og því getum við bæði komið fleirum að og einnig dreifist umferðin betur á báðar lykkjurnar. Við vonum að þið takið vel í þetta hjá okkur. Við stefnum á að hafa fyrirkomulagið svona fyrstu 2 - 4 vikurnar. VIð viljum sjá hvernig þetta gengur hjá okkur og yrðum ykkur þakklát fyrir að láta okkur vita hvort þið séuð sátt við þetta fyrirkomulag eða ekki :)

Til að byrja með verður okkar vellir eingöngu opnir fyrir meðlimi Golfklúbbs Mosfellsbæjar.

Hlökkum til að sjá ykkur á sunnudaginn :)

Vorverk á okkar golfvöllum

Tue, 01 Apr 2025 14:03:55 GMT

Veðrið hefur verið okkur ansi hliðhollt undanfarna daga. Nokkuð er síðan að borið var á flatir og þær sandaðar. Nú í dag var svo farið af stað og byrjað að slá flatirnar á Hlíðavelli. Það er ekki oft sem við förum svona snemma af stað með sláttinn þannig að þetta er bara spennandi :)

Ef fram fer sem horfir og veðrið verður okkur áfram hliðhollt erum við að horfa á opnun uppúr 20 apríl, líkt og Bjarni vallastjóri kom inn á í síðustu viku.

Á næstu dögum verður svo farið í aðra áburðargjöf og við ættum að sjá mikinn mun á okkar völlum á næstu 7 - 10 dögum gangi veðurspáin eftir :)

Svo það sé tekið sérstaklega fram hér að þá er þetta er ekki 1. aprílgabb. Bara svo það sé á hreinu :)

Ávallt mikið um að vera hjá eldri kylfingum í GM

Thu, 06 Mar 2025 14:01:42 GMT

Kæru félagar

GM 65+ SNILLINGAR GANGA SANNARLEGA INN Í NÝTT GOLFÁR MEÐ FÖGNUÐ Í HJARTA.

Þegar við í 65+ nefndinni lítum til síðustu þriggja ára er óhætt að segja að hjörtu okkar fyllist gleði, stolti og bjartsýni sem við tökum með okkur inn í fjórða starfsár okkar 2025.

Eins og fyrri ár stendur nefndin fyrir fjölbreyttum viðburðum alla miðvikudagsmorgna og fylgir þannig markmiði klúbbsins um að efla og byggja upp góða félagstengingu og um leið stuðla að bættri andlegri og líkamlegri heilsu eldri félagsmanna GM.

Við þurftum einnig að grípa til þess ráðs að stjórna umferðinni og minnka biðtíma með því að taka í notkun litaspjöld og stöðvarkerfi. Allir fá nú litaspjald við komu sem segir til um tíma og á hvaða vinnustöð hver og einn á að fara.

Það er óhætt að segja að þátttaka í viðburðum GM 65+ snillinga hafi heldur betur vaxið á þessum tíma og telur til dæmis FB síða hópsins nú 340 meðlimi. Þar af mæta að meðaltali um 70 til 80 manns á hvern viðburð, enda dagskráin vönduð og viðburðarík. Fjölgunin í vetur segir okkur að yngri klúbbmeðlimir GM flýta sér að eldast til að komast í 65+ hópinn og við hin sem hér erum lifum lengur því það er svo skemmtilegt hjá okkur.

Þessari miklu fjölgun í hópnum fylgdi að við sprengdum utan af okkur salinn á neðri hæðinni og þurftum að flytja samveru og viðburði upp í Bliksalinn.

Um er að ræða fasta dagskráliði sem eru: púttmót, lengdarmót í golfhermum í 15 mínútur, fettur og brettur, létt morgunleikfimi í 30 mínútur og golfhermakennsla. Nýja kerfið hefur náð tilætluðum árangri og fólk virðist almennt ánægt með breytinguna … það er að segja eftir nokkur skipti, svona þegar skipulagið var komið inn „vanakerfið“.

Vetrardagskráin er vönduð og fjölbreytt að vanda. Auk fastra liða stöðvakerfisins settum við inn sameiginlegan tíma í sal frá klukkan 10 til 11.Þennan tíma notum við til samveru þar sem við meðal annars spilum félagsvist, höfum jóla- og páskabingó, förum í samskiptaleiki eða vinnum hugmynda- og verkefnavinnu.

Auk þessa hefur nefndin lagt mikla áherslu á að bjóða reglulega upp á fræðsluerindi teng golfi og lýðheilsu eldri borgara.

Við veljum ákveðið þema fyrir hverja önn og vorum t.d. með á síðasta ári flotta fyrirlestra um geðheilsu, hamingjuleit og fjármál eldri borgara, þar með talið erfðamál og greiðslur frá TR.

Á nýja árinu höldum við áfram að beina sjónum að heilsunni og fáum til okkar sérfræðinga á sviði öldrunar sem öll starfa á Minnismóttökunni á Landakoti. Sérfræðingur í öldrunarlækningum kom í janúar og talaði um Alzheimer, minnistap, meðferð og forvarnir og nú í mars koma Dr. í sjúkraþjálfun aldraðra og hjúkrunarfræðingur og fjalla um byltuvarnir og jafnvægisþjálfun.

Við nýtum okkur einnig frábæra fyrirlesara úr okkar röðum og má nefna mjög svo áhugavert erindi Eiríks Þorlákssonar um „Móralska myndlist“, hugsanlega ekki efni beint tengt golfi en svo sannarlega nærandi fyrir huga og sál.

Þegar vora tekur munum við njóta góðs af kunnáttu okkar frábæra starfsfólks í GM sem mun eins og undanfarin ár koma og fræða okkur um meðal annars hönnun og gerð golfvalla, gras og hindranir á brautum áður en golfkennararnir mæta með kylfurnar á lofti og fara yfir öll helstu atriði sem muna þarf áður en haldið er inn í golfsumarið.

Áður en veturinn er kvaddur er vert að minnast á rómaða ferð 78 snillinga sem farin var í Minigarðinn í janúar þar sem við spiluðum saman í hollum, kepptum í mínigolfi og gæddum okkur á gómsætu pizzahlaðborði að leik loknum. Mikil gleði og ánægja var í hópnum með þessa „unglingaferð“ og verður önnur ferð að sjálfsögðu sett á dagskrá aftur á nýju starfsári.

Á sumarmánuðum notðum við að vanda annan hvern miðvikudag til keppni í mótaröð GM 65+ snillinga meðan aðrir miðvikudagar voru notaðir í leiki á heimavöllum eða farið í vinaferðir á nágrannavelli. Mikil ánægja hefur verið með þetta fyrirkomulagi og munum við því halda áfram á sömu braut í sumar.

Vinamót GKG og GM 65+ fór fram í annað sinn á síðasta ári og var sérlega vel heppnað að mati GM snillinga sem unnu bikarinn í hús. Vinamót klúbbanna þar sem spilað er heima og heiman er komið sem fastur liður á sumardagskránna enda fullbókað á báðum stöðum og má nefna að á Hlíðavelli voru 94 ræstir út af öllum teigum í einu og komust færri að en vildu.

Sumarið endaði með „Ömmu- og afadegi“ í Bakkakoti þegar 65+ snillingarnir buðu barnabörnum og yngri kylfingum GM að spila saman og mæta í grillpartýi eftir hring. Þetta var í annað skipti sem við stöndum fyrir slíkum degi … og svo vel hefur tekist til að allir sem einn óska eftir að viðburðurinn verði fastur liður ár hvert enda mikil gleði og ánægja í lofti þennan dag.

Við leggjum mikla áherslu á að styðja við og byggja upp góð tengsl við barna- og unglingastarf GM. Þetta sýndum við í verki á jólahátíð GM 65+ snillinga þegar foreldraráð klúbbsins tók á móti 100.000 kr. „Ömmu og afa styrk“.

Ömmu- og afadagar ásamt styrknum er okkar leið til að styðja við uppbyggingu barna- og unglingastarfs GM og liður í markmiði okkar að byggja brú milli kynslóða í Golfklúbbi Mosfellsbæjar.

Hápunktur síðasta árs var vel heppnuð utanlandsferð GM 65+ snillinga til Costa Ballena. Þangað mættu 55 sprækir snillingar og voru þeirra elstir nær níræðu. Svo mikil gleði og samstaða var í hópnum að eftir var tekið og óhætt að segja að hópurinn hafi verið klúbbnum til mikils sóma. Að sjálfsögðu er ný golfferð GM 65+ snillinga aftur á dagskrá haustið 2025 og eru að þessu sinni 80 GM 65+ snillingar á leið til VALLE DEL ESTE á Spáni í október.

En áður en haustið kemur eigum við eftir að fara í nokkrar vinaferðir á nærliggjandi golfvelli. Við byrjum að venju á ferð til Þorlákshafnar í maí þar sem við höldum stórt „Pálínuboð“ að leik loknum. Í júní heimsækjum við Kiðjaberg sem er nýr áfangastaður eins og ferð til Vestmannaeyja sem er á dagskrá í júlí, og endum svo vinaferðaflakk að venju með pizzahlaðborði á Flúðum.

Ferðin til Vestmannaeyja er með nýju sniði þar sem GM 65+ býður upp á rútuferð til Eyja fyrir þá sem vilja. GM 65+ sjóðurinn greiðir rútuna enda ætlaður meðal annars til að greiða niður dýrari ferðir og viðburði.

Mikil gleði og þakklæti eru hjörtum okkar sem störfum í GM 65+ nefndinni. Þakklæti til klúbbsins, skrifstofufólks og þjálfara sem hafa stutt við bakið á okkur, verið okkur innan handar nánast hvenær sem er og eru okkar leiðarljós áfram veginn.

Þið snillingar hafið einnig lagt ykkar að mörkum til að vel gangi. Á vinnu- og hugmyndadegi ykkar lögðuð þið fram óskir og tillögur um úrbætur á dagskrá okkar. Að sjálfsögðu tókum við tillögurnar til skoðunar og unnum að úrbótum þar sem því var við komið og hefur nefndin lokið framkvæmdum tuttugu og tveggja tillagna af tuttugu og þremur.

Að lokum viljum við þakka okkar flottu 65+ snillingum fyrir frábæra þátttöku og stuðning. Það er ekki sjálfgefið að svo stór hópur nái að mynda slíka einingu og vináttu sem við upplifum í GM 65+ og …

… hver veit nema gildi okkar og leiðarljós séu grunnsteinn þessa:

Virðing
Umburðarlyndi
Hjálpsemi
HÚMOR OG GLEÐI

NÝ GM 65+ NEFND KOSIN

Hrefna Birgitta Bjarnadóttir formaður

Hrafn Stefánsson varaformaður (nýr)

Ingveldur Bragadóttir ritari

Páll Eyvindsson gjaldkeri

Gunnhildur Magnúsdóttir meðstjórnandi

Snorri Hlíðbergmeðstjórnandi og mótastjóri

Helgi Pálsson meðstjórnandi

Ásmundur Ólafsson meðstjórnandi

Elísabet Guðmundsdóttir meðstjórnandi (ný)

Guðmundur Pétursson meðstjórnandi (ný)

Sonja Ingibjörg Einarsdóttir meðstjórnandi og skemmtanastjóri (ný)

Við bjóðum nýja nefndarmenn velkomna til starfa um leið og við þökkum fráfarandi nefndarmönnum; Þórdísi Arthúrsdóttur, Sigurði Geirssyni og Svanbergi Guðmundssyni fyrir vel unnið og óeigingjarnt starf við uppbyggingu GM 65+ starfsins.

Með ósk um gleðilegt og farsælt golfár.

Hrefna Birgitta Bjarnadóttir, formaður GM 65+.

AÐALFUNDUR GM 65+ 2025 og þriggja ára afmælishátíð

Golfsixes fór fram um helgina í GM í fyrsta sinn

Mon, 03 Mar 2025 13:48:41 GMT

Á laugardaginn fór fram frumraun Golfsixes hér á landi og var það haldið sem innanfélagsmót á neðri hæð Kletts í golfhermaaðstöðu okkar. Golfsixes er golfmót fyrir byrjendur og þá sem eru að hefja keppnisferilinn sinn og er það á vegum R&A.

29 kylfingar á aldrinum 5-12 ára mættu og léku í 6 mismunandi liðum og fengu derhúfu í lit liðs síns. Í hverju liði voru 4-6 leikmenn léku þeir um flögg í texas-scramble leikfyrirkomulagi líkt og í Íslandsmóti golfklúbba 12 ára og yngri. Kylfingar fengu brúsa, íþróttatösku og pokamerkis merkt Golfsixes.

Fimm afrekskylfingar hjálpuðu til við viðburðinn og þökkum við þeim kærlega fyrir aðstoðina.

Að keppni lokinni var verðlaunaafhending og pizzuveisla.

Innheimta árgjalda 2025

Tue, 25 Feb 2025 10:35:13 GMT

Við minnum á að ganga þarf frá greiðslu árgjalda í GM fyrir 28. febrúar næstkomandi.

Greiðsluseðlar hafa verið sendir í heimabanka og biðjum við ykkur sem hafið nú þegar ekki greitt að ganga frá greiðslu/greiðsludreifingu fyrir vikulok.

Ef þið viljið skipta greiðslum er það sjálfsagt og biðjum við ykkur þá að hafa sambandi við skrifstofu GM í síma 566-6999 eða með því að senda tölvupóst á golfmos@golfmos.is.

Við göngum út frá því að þau ykkar sem hafið ekki fullgreitt árgjald eða skipt því upp í greiðsludreifingu fyrir 28. febrúar næstkomandi ætlið ekki að vera meðlimir áfram í GM.

Fréttir af landsliðshóp Íslands

Mon, 10 Feb 2025 10:23:42 GMT

Landsliðshópur Golfsambands Íslands var um helgina í æfingabúðum og tóku þau meðan annars golfæfingu í Fellinu í Varmá líkt og síðustu vetra. Yfir vetrartímabilið eru nokkrar landsliðshelgar þar sem er prógram fyrir kylfingana í formi mælinga, æfinga, fyrirlestra og fleira. Ólafur Loftsson landsliðsþjálfari sér um að skipuleggja þessar helgar en einnig er farið í eina æfingaferð á ári hverju þar sem þjálfarar koma með og var farið til Spánar í ár á La Finca.

Vel heppnuð æfingaferð íslenska landsliðshópsins á La Finca á Spáni 10.-17. janúar. Hópurinn dvaldi á La Finca svæðinu en kylfingarnir léku einnig Lo Romero golfvöllinn. Hópurinn samanstóð af afrekskylfingum sem koma úr átta golfklúbbum, en einnig voru margir atvinnukylfingar og þjálfarar með í ferðinni.

Fulltrúar GM í ferðinni voru Dagur Ebenezersson (þjálfari), Þorsteinn Hallgrímsson (þjálfari GSÍ) Nick Carlson (atvinnukylfingur), Auður Bergrún Snorradóttir, Eva Kristinsdóttir, Hjalti Kristján Hjaltason, Pamela Ósk Hjaltadóttir, Kristján Karl Guðjónsson og Sara María Guðundsdóttir.

Birkir Már Birgisson nýr vallastjóri á Hlíðavelli

Fri, 07 Feb 2025 14:06:51 GMT

Birkir Már Birgisson er nýr vallastjóri Hlíðavallar og mun hann hefja störf þann 1. apríl næstkomandi.

Birkir er menntaður grasvallafræðinur frá Elmwood College í Skotlandi og hefur mikla og góða reynslu.

Við fögnum því að fá jafn reynslumikinn og öflugan mann í þetta starf og vitum að hann á eftir að gera góða hluti hjá okkur.

Á myndinn hér fyrir ofan má sjá Birkir og Bjarna Þór yfirvallastjóra eftir að gengið var frá ráðningunni.

Við bjóðum Birki velkominn í okkar öfluga lið sem fyrir er á okkar völlum og erum þess fullviss að hann á eftir að falla vel inn í hópinn.

Felix lætur af störfum

Fri, 07 Feb 2025 14:06:51 GMT

Felix Starke sem hefur verið hjá okkur undanfarin fimm ár hefur ákveðið að flytja aftur heim til Þýskalands.

Felix hefur starfað síðustu tvö ár verið vallarstjóri Hlíðavallar og hefur staðið sig virkilega vel allan þann tíma sem hann hefur verið hjá okkur. Við erum afar þakklát Felix fyrir þennan tíma og á hann mikinn þátt í því hversu góður Hlíðavöllur hefur verið undanfarin ár.

Nú hefur hann ákveðið að halda heim á leið og hefur ráðið sig á golfvöll í Þýskalandi.

Við óskum honum velfarnaðar í nýju starfi og þökkum honum kærlega fyrir gott samstarf síðastliðin ár.

Bjarni yfirvallastjóri er farinn af stað í það að finna hans eftirmann og er sú vinna langt komin og verður tilkynnt um ráðningu á allra næstu dögum.

Pétur Valgarðsson í golfkennarateymi GM

Thu, 30 Jan 2025 13:27:00 GMT

Pétur Valgarðsson golfkennaranemi býður nú upp á golfkennslu í Golfklúbbi Mosfellsbæjar og er hægt að bóka tíma á Noona. Pétur starfar sem flugstjóri hjá Icelandair en hefur samhliða stundað nám í PGA skólanum og útskrifast nú í vor samhliða Andra Ágústssyni og Katrínu Dögg Hilmarsdóttur sem golfkennari.

Félagsmenn GM kannast eflaust við Pétur þar sem hann starfaði fyrir klúbbinn í COVID og hlökkum við til að fá hann aftur í teymið.

Alls eru 5 starfandi golfkennarar og golfkennaranemar sem hægt er að bóka golfkennslu hjá í formi einkatíma í gegnum Noona:

https://noona.is/golfmos
og í Noona Appinu

Einnig minnum við á Golfæfingar Félagsmanna sem eru í fullum gangi og eru enn nokkur laus pláss:

https://www.golfmos.is/Golfkennsla/Golfaefingar-Felagsmanna

Nick Carlson tólfti í fyrsta mótinu á HotelPlanner mótaröðinni

Thu, 30 Jan 2025 13:06:00 GMT

Atvinnukylfingurinn Nick Carlson úr GM endaði í 12. sæti í sínu fyrsta móti á HotelPlanner mótaröðinni sem áður hér Challenge Tour eða Áskorendamótaröð Evrópu.

Leikið var á Zebula golfsvæðinu í Suður-Afríku og lék Nick hringina á 68-67-67-75 eða 10 höggum undir pari. Nick var í toppbaráttunni þegar 3 holur voru eftir en slæmur lokasprettur skilaði honum 12. sæti að lokum. Þrátt fyrir svekkjandi endi var þetta frábært fyrsta mót á tímabilinu og óskum við honum góðs gengis í þessu skemmtilega verkefni.

Lokastaðan í fyrsta mótinu er hér .

Í dag er fyrsti hringurinn á öðru mótinu hafinn og er Nick á 2 höggum yfir pari eftir 12 holur þegar fréttin er skrifuð. Leikið er á Pecanwood golfvellinum í Suður-Afríku.

Hægt er að fylgjast með stöðu Nick hér .

Opnunartími yfir hátíðirnar

Thu, 19 Dec 2024 09:05:00 GMT

Ágætu GM félagar.

Íþróttamiðstöðín okkar verður opin yfir hátíðirnar eins og hér segir:

Mánudagur 23. desember - 09:00 til 17:00

Aðfangadagur 24. dessember - Lokað

Jóladagur 25. desember - Lokað

Annar í jólum 26. desember - Lokað

27 til 30 desember - venjulegur opnunartími

Gamlársdagur 31. desember - 09:00 til 14:00.

Nýjársdagur 1. janúar - Lokað

Skrifstofa GM verður lokuð frá kl. 13:00 föstudaginn 20. desember til og með fimmtudagsins 2. janúar. Ef ykkur vantar aðstoð þá biðjum við ykkur um að senda tölvupóst á golfmos@golfmos.is og við reynum að aðstoða eftir bestu getu.

Við óskum félagsmönnum, fjölskyldum þeirra og landsmönnum öllum gleðilegrar jólahátíðar og þökkum fyrir árið sem er að líða.

Fréttir af aðalfundi

Mon, 09 Dec 2024 09:32:00 GMT

Aðalfundur GM fór fram í síðustu viku og var mætinging með ágætum, rétt um 70 félagsmenn sem mættu.

Kári Tryggvason var endurkjörinn formaður klúbbsins og stjórn klúbbsins situr áfram óbreytt.

Kári fór yfir skýrslu formanns og Steinþór Pálsson gjaldkeri kynnti ársreikning félagsins.

Rekstur klúbbsins gekk virkilega vel og var góður hagnaður af rekstri.

Það var mikið um að vera á árinu og framkvæmdir á báðum okkar völlum halda áfram. Íþrótta og félagsstarfið okkar gekk vel á árinu, við eignuðumst níu Íslandsmeistara og höldum áfram að standa okkur vel. Allar upplýsingar um starfsárið sem var að líða má sjá í skýrslu stjórnar sem er í hlekknum hér fyrir neðan sem og ársreikning félagsins.

skýrsla stjórnar - 2024 (1).pdf

ársreikningur 2024 undirritaður.pdf

Við þökkum þeim félögum sem mættu kærlega fyrir komuna.

Einnig viljum við þakka Grétari Eggertssyni fyrir góða fundarstjórn og Tómasi Sigurðussyni fyrir að rita fundargerð aðalfundar, en hana má sjá í hlekknum hér að neðan.

fundargerð aðalfundar golfmos 2.12.2024.pdf

Veittar voru viðurkenningar fyrir kylfinga ársins og það voru þau Eva Kristinsdóttir og Kristján Þór Einarsson sem urðu fyrir valinu í ár.

Einnig var félagsmaður ársins heiðraður og var það Páll Líndal sem hlaut þá viðurkenningu.

Stjórn og starfsfólk GM þakkar kærlega fyrir árið sem senn er á enda. Við hlökkum til að sjá ykkur sem flest í hermunum okkar í vetur og svo á golfvellinum næsta vor.

Ásdís Eva semur við Newman University

Fri, 06 Dec 2024 10:24:00 GMT

Ásdís Eva Bjarnadóttir hefur skrifað undir hjá Newman University í Wichita í Kansas fylki.

Hún mun hefja nám haust 2025 og leika golf í liði skólans á skólastyrk í fjögur ár.

Keilismaðurinn Tómas Ásgeirsson leikur golf fyrir háskólann og er á fyrsta ári.

Við óskum Ásdísi innilega til hamingju og góðs gengis í þessum næsta kafla.

Kristján og Eva eru kylfingar ársins 2024

Wed, 04 Dec 2024 10:04:00 GMT

Kristján Þór Einarsson og Eva Kristinsdóttir eru kylfingar ársins 2024.

Kristján Þór átti frábært golfsumar þar sem hann endaði í 5. sæti á stigalista GSÍ í karlaflokki. Sigur í meistaramóti GM á 17 höggum undir pari var toppur sumarsins og bætti hann mótsmet klúbbsins um 6 högg. Einnig endaði Kristján í 3. sæti í Íslandsmótinu í holukeppni á Skaganum. Í Íslandsmótinu í höggleik endaði Kristján jafn í 9. sæti, 8. sæti í Hvaleyrarbikarnum og jafn í 11. sæti í Korpubikarnum. Var hann í kjölfarið valinn í karlalið Íslands fyrir EM liða.

Á stigamótaröð GSÍ endaði Eva í 2. sæti í fullorðinsflokki. Í Íslandsmótinu í höggleik var hún í toppbaráttunni þangað til á lokaholunum en endaði jöfn í 4. sæti. Hún endaði í 3. sæti í Íslandsmótinu í holukeppni. Í Íslandsmóti golfklúbba tryggði hún GM sigur með sigri í bráðabana á móti atvinnukylfing. Hún keppti fyrir hönd Íslands á EM og HM landsliða 18 ára og yngri með góðum árangri. Einnig var hún Íslandsmeistari U18 í holukeppni og önnur á stigalista GSÍ í unglingaflokki.

Við óskum þessum flottu kylfingum okkar innilega til hamingju með árangurinn í sumar!

Árgjald 2025 komið í Sportabler

Tue, 03 Dec 2024 14:27:00 GMT

Árgjöld fyrir komandi ár voru ákveðin á aðalfundi í gær.

Þau má sjá í hlekknum hér fyrir neðan.

Gjaldskrá 2025

Árgjöldin eru líkt og áður sent út í gegnum Sportabler.

Hægt er að skipta greiðslum í allt að 11 skipti sé gengið frá því fyrir föstudaginn 20. desember. Þau ykkar sem ekkert gerið munu fá árgjaldinu skipt upp í fjórar greiðslur í byrjun árs.

Vinsamlegast athugið að öllum greiðsluseðlum í banka fylgir 390 króna seðilgjald til bankans og öllum greiðslum sem settar eru á kreditkort fylgir 2% kostnaður.

650581-0329

0116-26-000329.

Ef ekkert er gert fyrir 20. des næstkomandi þá munum við líkt og kom fram hér að ofan senda árgjöldin út og skipta þeim í fjórar greiðslur, fyrsti gjalddagi 2. janúar, 2025. Ef greiðslufyrirkomulagi er breytt eftir það, leggst á 390 kr þjónustugjald.

Smellið hér til þess að ganga frá greiðslu í gegnum Sportbler

Félagsmaður ársins hjá Golfklúbbi Mosfellsbæjar

Tue, 03 Dec 2024 09:43:00 GMT

Aðalfundur Golfklúbbs Mosfellsbæjar fór fram í gær og það voru rétt um 70 GM félagar mættir.

Í lok aðalfundur voru veittar viðurkenningar og ein af þeim var Félagsmaður ársins.

Páll Líndal er félagsmaður ársins hjá Golfklúbbi Mosfellsbæjar.

Páll er ekki gamall golfari ef þannig má að orði komast, en það má með sanni segja að hann hafi komið af krafti inn í okkar starf fyrir nokkrum árum. Palli hefur ásamt GM staðið undanfarin ár fyrir Pallaopen sem er orðið að stærsta opna golfmótinu okkar og ávallt uppselt í það og við safnað góðum fjárhæðum sem sumarbúðirnar í Reykjadal hafa notið góðs af. Palli hefur lagt ótrúlega vinnu í að gera þetta mót jafn glæsilegt og það er, og meðlimir GM gera sér líklega ekki grein fyrir allri þeirri vinnu sem hann innir af hendi í kringum þetta mót. Palli er einnig ávallt boðinn og búinn til að aðstoða og er frábær félagsmaður í okkar golfklúbb. Það er okkur í GM ótrúlega mikilvægt að eiga svo öfluguan aðila að og Palli er og á hann þessa nafnbót svo sannarlega skilið. Takk fyrir okkur Palli og við hlökkum til áframhaldandi samvinnu í Pallaopen.

Viðhorfskönnun - niðurstöður

Wed, 27 Nov 2024 11:27:00 GMT

Ágætu GM félagar.

Nú höldum við áfram að segja frá niðurstöðum könnunarinnar sem framkvæmd var um daginn.

Hér að neðan má sjá hversu vel/illa þið nýttuð æfingasvæðið okkar á Hlíðavelli og mikilvægi þess að hafa boltana þar innifalda í árgjaldinu.

Við spurðum einnig út í aðgengi að rástímum á okkar völlum og hvort breyta ætti fyrirkomulagi rástímaskráninga.

Á myndinni hér fyrir neðan má sjá ykkar afstöðu til aðgengis að rástímum á okkar völlum.

Við spurðum einnig hvort breyti ætti fyrirkomulagi rástímaskráningar og niðurstöður þeirra spurningar má sjá hér fyrir neðan.

Eins og sjá má á þessum niðurstöðum að þá er þónokkur ánægja með aðgengi og það fyrirkomulag sem er á okkar rástímabókunum. Stærsti hluti þeirra sem taka afstöðu vill halda rástímabókunum óbreyttum og þar á eftir að breyta opnunartíma rástímabókanna frá fjórum dögum fram í tímann í sjö daga. Mun þetta verða tekið til skoðunnar hjá stjórn GM í vetur.

Viðhorfskönnun GM - niðurstöður

Tue, 26 Nov 2024 09:43:00 GMT

Ágætu GM félagar.

Líkt og undanfarin ár sendum við út fyrir aðalfund viðhorfskönnun til okkar meðlima.

Það er okkur mikilvægt að fá ykkar skoðun á því starfi sem hér er unnið. Það var virkilega ánægjulegt að sjá hversu mörg ykkar svöruðu og það gefur okkur því skýra mynd af því hvort þið séuð sátt við þá vegferð sem klúbburinn er á.

Það voru 465 sem svöruðu og eru talsvert meira en í fyrra þegar að 349 svaranir bárust.

Hér að neðan má hvernig svarenda hópurinn skiptist.

Hér að neðan má sjá hvað okkar kylfingum finnst um helstu atriði vallanna okkar. Smelltu hér til þess að sjá skýrslu stjórnar 2023 þar sem hægt er að sjá niðurstöður viðhorfskönnunnar ársins 2023.

Byrjum á Hlíðavelli!

Þessar tölur eru mjög svipaðar og þær voru 2023, mesta stökkið upp á við er í gæðum flata vallarins. Í fyrra voru það tæp 16% sem gáfu þeim hæstu einkunn. Í ár voru það tæplega 39% sem er virkilega gaman að sjá.

Hér að neðan eru niðurstöðurnar fyrir Bakkakotið, þar er ekki mikil breyting á milli ára en við erum engu að síður með hærra vegið meðaltal (Weighted average) í ölluð liðum fyrir utan gæði teiga en í fyrra sem er mjög ánægjulegt. Partur af þeirri vinnu sem á sér stað hjá okkur upp í Bakkakoti er uppbygging á nýjum teigum. Í sumar verður farið í uppbyggingu á nýjum teig/um á 8. braut vallarins.

Ásamt þessu fengum við talsvert af góðum ábendingum um það sem vel er gert á okkar völlum og einnig hvar það er sem við getum bætt okkur. Við munum fara vel yfir þær ábendingar og halda áfram að bæta gæðin á okkar völlum. Svona niðurstöður gefa okkur byr í seglin og það er gaman að sjá að okkar kylfingar eru heilt yfir mjög ánægð með okkar velli.

Við munum svo á næstu dögum birta fleiri niðurstöður úr viðhorfskönnuninni.

Heiða Rakel skrifar undir hjá Grand Valley háskólanum

Thu, 14 Nov 2024 10:31:00 GMT

Heiða Rakel Rafnsdóttir, afrekskylfingur úr GM mun spila fyrir Grand Valley State háskólann. Heiða hefur átt góð síðustu ár í keppnisgolfi á Íslandi og mun næsta haust hefja háskólagöngu þar sem hún mun spila á skólastyrk næstu fjögur árin. Arna Rún Kristjánsdóttir, einnig úr GM lék golf á skólastyrk fyrir skólann með góðum árangri.

Við óskum Heiðu Rakel innilega til hamingju og góðs gengis úti.

Nick Carlson í gegnum annað stigið á DP World Tour

Mon, 04 Nov 2024 14:11:00 GMT

Nick Carlson, atvinnukylfingur í GM komst í gegnum annað stigið í úrtökumóti fyrir DP World Tour eða Evrópumótaröðina. Hann gerði slíkt hið sama fyrir ári en í næstu viku fer lokastigið fram á Infinitum golfsvæðinu á Spáni.

Nick komst í gegnum fyrsta stigið á Arlandastad golfvellinum í Svíþjóð 10. - 13. september síðastliðinn þar sem hann endaði í 3. sæti á 5 höggum undir pari en 19 kylfingar komust áfram af 101 keppenda.

Um helgina fór fram annað stigið á Isla Canela golfvellinum á Spáni og lék Nick 16 höggum undir pari og þar á meðal 8 höggum undir pari lokahringinn til að tryggja sig áfram. Nick endaði í 10. sæti en 23 sæti voru í boði á lokastiginu af þeim 78 kylfingum sem tóku þátt.

Lokastaðan

Nick hefur starfað sem golfkennari hjá afreksstarfi GM þegar hann er á landinu.

Lokaúrtökumótið fer fram næstu helgi og óskum við Nick góðs gengis!

Uppskeruhátíð barna- og unglinga 2024

Fri, 11 Oct 2024 10:09:00 GMT

Vel heppnuð uppskeruhátíð fór fram í gær, fimmtudaginn 10. október. fyrir golfsumarið 2024. Rúmlega 60 iðkendur mættu í Klett og var keppt í 5 greinum, púttkeppni, closest-to-the-pin stöðvum í 3 Trackman hermum og golf Kahoot og veitt voru verðlaun fyrir þessar greinar. Farið var yfir breytingar og beturumbætur í íþróttastarfi GM sem hefjast nú í vetur og æfingaferð vor 2025 kynnt. Því næst var boðið upp á pizzahlaðborð sem endaði með verðlaunaafhendingu fyrir Prósjoppumótaröðina og viðurkenningar GM.

Eftirfarandi voru sigurvegarar Prósjoppumótaraðarinnar:

U12 KK

1. Óskar Jóhann Sigurðsson
2. Hafþór Atli Kristjánsson
3. Ýmir Annel Kristjánsson
3. Rafael Lár Lárusson

U12 KVK

1. Hrafnhildur Kristjánsdóttir
2. Elva Rún Rafnsdóttir
3. Eiríka Malaika Stefánsdóttir

13+ KK

1. Jóhannes Þór Gíslason
2. Grétar Logi Gunnarsson Bender
3. Tómas Ingi Bjarnason

13+ KVK

1. Gabríella Neema Stefánsdóttir
2. Ásdís Eva Bjarnadóttir
3. Brynja Sif Gísladóttir

Við þökkum Prósjoppunni fyrir stuðninginn við afreksstarfi GM!

Viðurkenningar GM fyrir golfsumarið 2024:

Við óskum kylfingum innilega til hamingju með flottan árangur í sumar en alls voru 7 Íslandsmeistaratitlar í unglingaflokkum og 1 í fullorðinsflokkum hjá Golfklúbbi Mosfellsbæjar árið 2024.

Lið GM í 10. sæti á EM golfklúbba

Mon, 07 Oct 2024 12:53:00 GMT

Íslandsmeistaralið Golfklúbbs Mosfellsbæjar lék á Evrópumóti golfklúbba í kvennaflokki í síðustu viku og enduðu þær í 10. sæti. Mótið fer fram á Welten vellinum í Slóvakíu.

Pamela Ósk Hjaltadóttir, Birna Rut Snorradóttir og Heiða Rakel Rafnsdóttir skipuðu lið GM og var Katrín Dögg Hilmarsdóttir liðstjóri og þjálfari.

Leiknir voru 3 keppnishringir og töldu tvö bestu skorin í hverri umferð.

Í einstaklingskeppninni lék Heiða Rakel best GM-inga en hún spilaði á 18 höggum yfir pari (75-78-81) og jöfn í 18. sæti. Pamela Ósk var jöfn í 25. sæti á 23 höggum yfir pari (81-79-79). Birna Rut lék á 35 höggum yfir pari, jöfn í 35. sæti (84-89-78).

Lið GM endaði í 10. sæti af 16 þjóðum á 38 höggum yfir pari. Hamburger GolfClub sigraði fyrir hönd Þýskalands á 3 höggum yfir pari samtals.

Lið Golfklúbbs Mosfellsbæjar hefur leikið á EM golfklúbba 3 ár í röð og er árangur fyrri ára:
2022 9. sæti
2023 9. sæti

Lokastaðan í mótinu má finna hér

Íslensku stelpurnar enduðu í 19. sæti á HM stúlkna

Mon, 07 Oct 2024 08:55:00 GMT

HM stúlkna fór fram í Kanada í síðustu viku og var keppnisfyrirkomulagið er höggleikur þar sem leiknar voru 72 holur, 18 holur á dag. Tvö bestu skorin í hverri umferð töldu í liðakeppninni en einnig er keppt í einstaklingskeppni. Þetta er í annað sinn sem Íslands fær boð um að taka þátt á þessu móti.

Lið Íslands var þannig skipað: Auður Bergrún Snorradóttir & Eva Kristinsdóttir, GM, og Perla Sól Sigurbrandsdóttir úr GR. Ólafur Björn Loftsson, afreksstjóri GSÍ, var með liðinu sem þjálfari og Baldur Gunnarsson var sjúkraþjálfari liðsins.

Í einstaklingskeppninni var Perla best úr íslenska liðinu en hún endaði jöfn í 26. sæti á +9 (73-76-74-74). Eva Kristinsdóttir fór mjög vel af stað fyrstu tvo hringina en gaf eftir síðari tvo en endaði í 53. sæti á +18 (72-73-82-79). Auður Bergrún Snorradóttir endaði jöfn í 66. sæti en hún var á +29 (81-77-78-81).

Í liðakeppninni endaði Ísland í 19. sæti á +23 og er það besti árangur liðsins í þessari keppni. Lið Suður-Kóreu sigraði mótið á -19 en þeir sigruðu heimamenn sem enduðu á sama skori í mótinu (þriðja skorið gildir þegar jafnt er).

Lokastaðan í einstaklingskeppninni má finna hér

Lokastaðan í liðakeppninni má finna hér

Við óskum liðinu og okkar kylfingum til hamingju með flottan árangur.

Kveðjum golfsumarið 2024

Thu, 12 Sep 2024 13:46:00 GMT

Núna er golfsumarið 2024 að líða undir lok og þökkum við nefndin kærlega fyrir okkur. Takk kæru vinkonur og fyrir að vera svona duglegar að taka þátt í kvennastarfinu okkar og gera það svona skemmtilegt. Það var margt og mikið brallað saman í sumar og erum við nefndin virkilega ánægðar með starfið og þátttökuna í ár. Einnig þökkum við styrktaraðilum okkar kærlega fyrir stuðninginn.

Dagskrá kvennastarfs GM hefur verið fjölbreytt í vetur og sumar:

Golfhermamót - vetrarstarf

Þar sem við misstum púttaðstöðuna okkar þá vorum við með skemmtilega golfhermamótaröð þar sem voru spilaðar voru 6 umferðir og 3 bestu umferðir töldu til úrslita. Þetta var skemmtileg tilbreyting sem verður spennandi að þróa áfram í vetur með GM konum.

Vorfagnaður

Kvennanefndin bauð aftur til vorfagnaðar “Vertu velkomið golfsumarið 2024”. Þar komu GM konur saman og áttu skemmtilega kvöldstund. Boðið var upp á fordrykk og létta smárétti að hætti Blik Bistro, dagskrá golfsumarsins 2024 kynnt og nýjar GM konur boðnar velkomnar. Við vorum jafnframt með tískusýningu frá Golf Company og Cutter & Buck og fengum sjálfboðaliða frá GM konum til að sýna og stóðu þær sig með prýði á sýningarpöllunum. Cutter & Buck mætti svo til okkar og voru með pop up verslun og buðu GM konur upp á flottan fatnað og vörur á frábæru verði. Þetta var skemmtilegt kvöld og gaman að hittast í upphitun fyrir komandi golfsumar.

Regluleg þriðjudags spil

GM konur eiga frátekna rástíma alla þriðjudaga frá maí til lok ágúst á milli kl 17 og 18.30 þegar spilað er í Bakkakoti og frá kl. 17-18 á Hlíðarvelli þegar við spilum þar. Skráning í þriðjudags spil og mót fer fram í gegnum golfboxið og er mikil eftirspurn eftir þeim tímum og fyllast tímar að jafnan hratt. Ljóst er að með fjölgun kvenna í GM mætti skoða að fjölga rástímum í takt við þá þróun. Þá varð sú breyting gerð frá fyrri árum að við hófum að rukka kr. 1000 fyrir litlu mótin sem voru haldin yfir sumarið til að eiga sjóð fyrir flotta vinninga á mótum GM kvenna yfir sumarið.

Púttmót - telja púttin

Við hófum golfsumarið með laufléttu púttmóti sem gekk út á að telja púttin en ekki höggin eins og við gerum venjulega. Frábær leið til að leggja sérstaka áherslu og fókus á púttin sem við viljum allar fækka til að lækka skorið! Nýtt mót hjá okkur og virkilega skemmtilegt. Þarna skiptir stutta spilið bara máli og þá þarf að leggja spilið þannig upp að ekki fara alveg inn á flötina strax því að púttin voru einungis talin. Óhætt að segja að keppnisskapið kom upp í okkur flestum.

Vinkvennamót Leynir á Hlíðarvelli

Leynis konur byrjuðu á því að koma til okkar á Hlíðarvöll. Fyrirkomulagið er þannig að það eru 2 GM konur og 2 Leynis konur í hverju holli. Eins og okkur GM konum er einum lagið þá var mun meiri aðsókn frá GM konum. Við spiluðum í ágætis veðri á Hlíðavelli og svo var verðlaunað fyrir mótið inni í hliðarsalnum á Blik og veitt voru glæsileg verðlaun. Síðan nokkrum vikum seinna fórum við upp á Akranes í vægt til orða tekið hræðilegu veðri, en þetta verður amk skemmtileg minning þó engin met hafi verið slegin skorlega séð :)

Pilsa og hattamót, Cutter & Buck

Það var svo skemmtilegt að sjá allar konurnar okkar í kjólum og með hatta að spila golf. Reglurnar voru einfaldar, kjóll/pils og hattur og það mátti ekki vera hefðbundinn golffatnaður sem að gerði þetta aðeins erfiðara því að það getur verið erfitt að spila golf í kjól eða pilsi. Stórskemmtilegt mót í yndislegtu veðri í Bakkakotinu okkar. Cutter & Buck mætti svo aftur með pop-up verslun fyrir okkur og lagði til flott verðlaun í mótinu.

Hefnd nefndarinnar

Þetta mót hét áður Rauðhetta en okkur fannst kominn tími á að breyta um nafn því að “Hefnd nefndarinnar” hljómar svo skemmtilega. Í þessu móti voru ýmsar þrautir lagðar á brautirnar, til að nefna nokkrar þrautir: rétthent kona þurfti að taka upphafshögg með örvhentri kylfu og síðan öfugt, upphafshöggið á einni braut þurfti að taka með ullarvettling, á einni braut þurfti að húlla 5 hringi fyrir upphafshöggið - þar kom í ljós hversu hugmyndaríkar GM konur eru því það er hægt að húlla á ýmsan hátt.

Haustferð – lokahóf

Hin árlega haustferð GM kvenna var að þessu sinni á Hvaleyrarvelli í Hafnarfirði hjá Keili.
Við notuðum sjóðinn okkar frá sumrinu til þess að greiða niður haustferðina og gátum við því niðurgreitt kr. 3000 pr GM konu í lokamótið :) Án þess hefði fullt verð verið kr. 16.990 kr. í stað kr. 13.900.

Við spiluðum í krefjandi vindi (þá sérstaklega í stífum vindi á fyrstu þremur í hrauninu) en sem betur fer var ekki of kalt en lognið fór bara ansi hratt yfir. Rástímar voru milli kl 10 og 13, við fengum okkur að snæða í klúbbhúsinu ýmist fyrir eða eftir hring. Síðan hittumst við aftur á Blik kl 19 og þar beið okkar kalkúnahlaðborð, drykkir, kaffi og desert og skemmtum okkur konunglega. Það voru veitt verðlaun fyrir bæði höggleik og punktakeppni, lengsta drive, nándarverðlaun auk fyrirfram ákveðinna sætis verðlauna. Samtals vorum við með um 34 verðlaun og þökkum við sérstaklega þeim félagskonum sem gátu lagt til verðlauna, það er ómetanlegt.

Við kvöddum 2 nefndarkonur þær Kolbrúnu Ýr og Rakel Ýr.
Við erum búnar að eiga yndislegt samstarf saman og buðum 2 nýjar nefndarkonur velkomnar þær Lenu Ýr (gott að halda Ýrar nafninu við :) ) og Karítas Dan og hlökkum mikið til samstarfsins með þeim.

Að lokum viljum við þakka fyrir okkur og ykkur í sumar, án ykkar kæru GM konur væri ekki til kvennanefnd GM.

Knús & kossar

Kvennanefndin 2023-2024

Kolbrún Ýr
Rakel Ýr
Kolbrún Klara
Rakel Lind
Þóra H. Passauer

Styrktaraðilar

Mekka Wine & spirits ,
Lowcarb.is ,
Innnes ,
Cutter & buck golffatnaður /New wave heildverslun
Sagaform
RVK Living ,
Taramar ,
Spa of Iceland,
Verslunartækni
Golfklúbbur mosfellsbæjar
Blik Bistro,
Bakkakot, Vertanir í Bakkakoti
Mjólkursamsalan
N1
A4
Casa berg Home
Golfskálinn ,
Hovdenak distillery
Feel Iceland ,
Kosmetik snyrtistofa,
Vilma Home ,
IYKYK verslun,
Eyon,
Lín Design,
Aveda,
Terma snyrtivörur
Nespresso ,
Oche ,
Málning,
CocaCola Íslandi
Þuríður Heilsunuddari,
Keilir – Hvaleyrarvöllur
Kjötbúðin Mosfellsbæ,
Vera Design,
Krónan
Minigarðurinn
Subway
Sómi
Securitas
Icewear ,
Tandur,
Salka,
Reynir Bakari
Húðfegrun ,
Sassy,
Bekka
Dufland heildverslun
Mfitness,
Jökla,
Biotherm snyrtivörur,
Bóksala Stúdenta
Mist
Bára Einarsdóttir
Arctic Adventure,
Skeljungur / Ecomar

Auður Bergrún, Pamela Ósk & Sara María sigruðu í Korpunni

Tue, 10 Sep 2024 20:23:00 GMT

Lokamótið á unglingamótaröðinni fór fram á Korpu um helgina og átti Golfklúbbur Mosfellsbæjar þrjá sigurvegara í stúlknaflokkum.

Í flokki 17-18 ára stúlkna lék Auður Bergrún Snorradóttir best allra en hún lék hringina þrjá á 7 höggum yfir pari eða 75-72-76. Sigurinn tryggði henni einnig stigameistaratitilinn eftir frábæra spilamennsku í allt sumar. Í þriðja sæti var Eva Kristinsdóttir sem lék á 13 höggum yfir pari (79-79-71) og í fjórða sæti var Heiða Rakel Rafnsdóttir á 16 höggum yfir pari (83-79-70).

Í stúlknaflokki 15-16 ára vann Pamela Ósk Hjaltadóttir á 18 höggum yfir pari en hún lék hringina á 76-77-81.

Í stúlknaflokki 13-14 ára vann Sara María Guðmundsdóttir en hún var á 12 höggum yfir pari (77-79).

Elva Rún Rafnsdóttir endaði í 2. sæti í flokki 12 ára og yngri stúlkna en hún lék á +27 eða 50-49.

Í drengjaflokki 15-16 ára var Hjalti Kristján Hjaltason annar á +3 en hann lék á 73-72-74, einu höggi frá sigri.

Í 12 ára og yngri flokki drengja var Ásgeir Páll Baldursson í öðru sæti á +10 eða 40-42, einnig einu höggi frá sigri.

Við óskum GM-ingum til hamingju með frábæran árangur!

Auður sigraði á Sauðárkróki

Mon, 02 Sep 2024 15:14:00 GMT

Auður Bergrún Snorradóttir sigraði á FISK unglingamótinu á Sauðárkróki um helgina.

Hvasst var í veðri og voru skorin í drengjaflokki þurrkuð út á fyrsta degi. Í stúlknaflokki sigraði Auður en hún lék hringina á 238 höggum. Jöfn í þriðja sæti var tvíburasystir Auðar, Birna Rut Snorradóttir en hún lék á 246 höggum.

Í drengjaflokki sigraði Arnar Daði Svavarsson úr GKG en hann lék á 147 höggum. Í öðru sæti var GM-ingurinn Kristján Karl Guðjónsson en hann var á 149 höggum.

Við óskum okkar afrekskylfingum innilega til hamingju með árangurinn og góðs gengis í lokamótinu á unglingamótaröðinni sem fer fram næstu helgi í Korpunni.

Bændaglíma 2024

Mon, 02 Sep 2024 14:20:00 GMT

Skemmtilegasta golfmót ársins, Bændaglima GM, fer fram laugardaginn 14. september á Hlíðavelli. Ræst verður út á öllum teigum klukkan 12:00 en mæting er í Klett klukkan 11:00. Aðeins 100 kylfingar komast í mótið og ljóst að völlurinn verður þétt setinn af glöðum GM kylfingum eins og undanfarin ár.

Skráning opnar á morgun, þriðjudaginn 3. september kl. 12:00. Fyrstu 112 til að skrá sig fá þátttökurétt, en endilega skrá ykkur þó það séu komnir 112 þar sem þeir kylfingar fara á biðlista.

Skráning fer fram á golfboxinu, hægt er að smella á hlekkinn hér að neðan til þess að skrá sig.

Skráning í Bændaglímu

Leikfyrirkomulag
Keppendum í Bændaglímu GM er skipt upp í tvö lið. Leikin er holukeppni með texas scramble fyrirkomulagi þar sem tveir og tveir mætast. Leiknir eru 2 leikir á sitthvorum 9 holunum og fæst einn punktur fyrir hvorn leik. Takist kylfingum að vinna báða sína leiki bætist við aukapunktur. Sá bóndi vinnur sem hlýtur fleiri punkta.

Eftir að móti lýkur verður grillveisla og verðlaunaafhending í Kletti.

Eva og Sara María Íslandsmeistarar unglinga í holukeppni

Tue, 27 Aug 2024 11:17:00 GMT

Íslandsmótið í holukeppni unglinga fór fram í Sandgerði 24. - 26. ágúst í fínum aðstæðum.

Í flokki 17-18 ára stúlkna átti Golfklúbbur Mosfellsbæjar fulltrúa í efstu þremur sætunum en Eva Kristinsdóttir varð Íslandsmeistari eftir sigur á Auði Bergrúnu Snorradóttur í úrslitum. Heiða Rakel Rafnsdóttir varð í þriðja sæti.

Í flokki 13-14 ára stúlkna vann Sara María Guðmundsdóttir en hún vann einnig Íslandsmótið í höggleik helginni áður.

Í flokki 12 ára og yngri stúlkna var Eiríka Malaika Stefánsdóttir í öðru sæti eftir spennandi úrslitaleik sem fór þrjár holur í bráðabana upp á titilinn.

Í flokki 12 ára og yngri drengja var Óskar Jóhann Sigurðsson í þriðja sæti.

Við óskum verðlaunahöfum innilega til hamingju!

Valle del Este - Icelandair VITA - Úrslit

Mon, 26 Aug 2024 10:55:00 GMT

Í gær fór fram á Hlíðavelli, Valle del Este - Icelandir VITA open og voru úrslit mótsins eftirfarandi:

Næst holu á 3. braut - Ólafur Víðir Ólafsson. 2,24 metrar

Næst holu á 4. braut - Vilhjálmur Þór Vilhjálmsson. 5,18 metrar.

Næst holu á 7. braut - Kristján Óskarsson. 69 cm.

Næst holu á 15. braut - Hrefna H Karlsdóttir. 2,06 metrar.

Næst holu á 18. braut - Kjartan Ólafsson. 1,32 metrar.

Kvennaflokkur:

1. sæti - Björk Þorsteinsdóttir. 40 punktar.

2. sæti - Valgerður Ólafsdóttir. 36 punktar.

3. sæti - Steinunn Þorkelsdóttir. 35 punktar.

4. sæti - Andrea Jónsdóttir. 34 punktar ( betri á seinni 9).

Karlaflokkur.

1. sæti - Karl Johan Brune. 43 punktar.

2. sæti - Kristinn V Sveinbjörnsson. 38 punktar ( betri á seinni 9)

3. sæti - Kristján Pétur Andrésson. 38 punktar (betri á síðustu 6)

4. sæti - Jakob Marinósson. 38 punktar.

Það var svo hann Magnús Helgason sem var dreginn út og fékk 500 evrur í Spaið á Valle del Este sem hann getur nýtt í næstu heimsókn.

Við þökkum öllum þeim kylfingum sem þátt tóku kærlega fyrir komuna og óskum vinningshöfum kærlega til hamingju með árangurinn.

Einnig þökkum við Icelandair VITA kærlega fyrir stuðninginn og sína aðkomu að þessu glæsilega golfmóti.

Vinningshafar geta nálgast sín verðlaun í afgreiðslu Golfklúbbs Mosfellsbæjar á Hlíðavelli.

Karlasveit GM 50+ í þriðja sæti

Mon, 26 Aug 2024 06:46:00 GMT

Karlasveit GM 50+ lék í Íslandsmóti golfklúbba í annari deildinni sem fór fram 22. - 24. ágúst í Vestmannaeyjum. Liðið skipaði eftirfarandi leikmenn:

Arnar Sigurbjörnsson

Rafn Jóhannesson

Ingvar Haraldur Ágústsson

Axel Þór Rudolfsson

Ásbjörn Jónsson

Jónas Heiðar Baldursson

Halldór Friðgeir Ólafsson

Victor Rafn Viktorsson

Ásbjörn Þ Björgvinsson

Liðsstjóri: Kári Tryggvason

Mikil spenna var í riðlakeppninni en voru Lið GM og Vestmannaeyja hnífjöfn í 2. - 3. sæti og þurfti að leika bráðabana upp á hvort liðið léki í efri hluta (upp á efstu 4 sætin) og hafði sveit GM betur. Undanúrslitaleikurinn á móti Golfklúbbi Fjallarbyggðar tapaðist naumlega 3-2 en frábær sigur á móti Nesklúbbnum í úrslitum tryggði GM þriðja sætið.

Kvennalið GM 50+ lék á Strandavelli á Hellu og enduðu þær í 8. sæti og leika því að ári í annari deild.

Kvennaliðið skipaði eftirfarandi leikmenn:

Agnes Ingadóttir

Írunn Ketilsdóttir

Rut Marsibil Héðinsdóttir

Sigríður María Torfadóttir

Kristín Inga Guðmundsdóttir

Arna Kristín Hilmarsdóttir

Harpa Iðunn Sigmundsdóttir

Auður Ósk Þórisdóttir

Liðsstjóri: Andrea Jónsdóttir

Auður, Ásgeir, Eríka & Sara María Íslandsmeistarar í höggleik unglinga 2024

Mon, 19 Aug 2024 12:49:00 GMT

Kylfingar GM lönduðu fjórum Íslandsmeistaratitlum um helgina en Íslandsmót unglinga í höggleik fór fram á þremur keppnisdögum. Keppt var á Nesvellinum í flokkum 14 ára og yngri og á Hlíðavelli í flokkum 15-18 ára. Kylfingar úr GM stóðu sig vel og báru sig einnig vel á völlunum.

Í flokki 12 ára og yngri drengja varð Ásgeir Páll Baldursson Íslandsmeistari en hann lék hringina á 40-41-38 í krefjandi aðstæðum á Nesvelli. Óskar Jóhann Sigurðsson var í 3. sæti og Emil Darri Birgisson í 10. sæti.

Í flokki 12 ára og yngri stúlkna sigraði Eiríka Malaika Stefánsdóttir en hún lék á 42-48-47 höggum á Nesvellinum. Elva Rún Rafnsdóttir var í 5. sæti og Edda María Hjaltadóttir í 9. sæti.

Í flokki 13-14 ára stúlkna varð Sara María Guðmundsdóttir Íslandsmeistari en hún lék hringina á 81-78-80 höggum.

Í flokki 15-16 ára drengja var mikil spenna og varð Kristján Karl Guðjónsson í öðru sæti eftir bráðabana en hann lék hringina á 73-69-74 höggum. Í fjórða sæti var Hjalti Kristján Hjaltason.

Í flokki 15-16 ára stúlkna var Pamela Ósk Hjaltadóttir í 4. sæti

Í flokki 17-18 ára stúlkna endaði Auður Bergrún Snorradóttir í 1. sæti en hún lék hringina á 71-72-76. Jafnar í öðru sæti voru Eva Kristinsdóttir og Heiða Rakel Rafnsdóttir, Gabríella Neema Stefánsdóttir var í 6. sæti.

Við óskum okkar kylfingum til hamingju með góðan árangur í Íslandsmóti Unglinga í höggleik en næstu helgi er keppt í Íslandsmóti Unglinga í holukeppni í Sandgerði.

Íslandsmot unglinga í höggleik - úrslit

Mon, 19 Aug 2024 08:10:00 GMT

Íslandsmót unglinga kláraðist í gær þar sem leikið var á bæði Hlíðavelli og hjá NK á Nesvellinum.

14 ára og yngri léku í tveimur flokkum á Nesvellinum, 11 - 12 ára og 13 - 14 ára. Á Hlíðavelli var leikið í flokkum 15 - 16 ára og 17 - 18 ára.

Við áttum fjölmarga krakka sem tóku þátt eða samtals 27. 12 stelpur og 15 stráka.

Það er óhætt að fullyrða að okkar krakkar hafi staðið sig frábærlega og lönduðum við fjórum Íslandsmeistaratitilum af átta sem í boði voru. Fimmti titillinn tapaðist í bráðabana á holu 20. Sannarlega frábær árangur.

Í piltaflokki var það hann Ásgeir Páll Baldursson sem tryggði sér titilinn með frábærri spilamennsku á lokadegi og vann sinn flokk með einu höggi. Óskar Jóhann Sigurðsson átti einn flott mót og tryggði sér þriðja sætið með góðum lokahring. Á myndinni hér fyrir neðan má sjá þá Ásgeir og Ólaf með Jóni Reykdal úr GKG sem varð í 2. sæti.

Í stúlknaflokki 11 - 12 ára varð hún Eiríka Malaika Stefánsdóttir Íslandsmeistari og vann hún sinn flokk með talsverðum yfirburðum. Hún spilaði frábært golf alla dagana og því virkilega vel að þessum sigri komin.

Á myndinni hér að neðan má sjá Eiríku með Elísabetu Þóru og Þórey Bertu sem koma báðar frá Nesklúbbnum.

Í stúlknaflokki 13 til 14 ára var það hún Sara María Guðmundsdóttir sem varð Íslandsmeistari. Sara lék gott og stöðugt golf alla þrjá hringina og vann að lokum með 9 högga mun. Virkilega vel gert hjá Söru.

Hér að neðan má sjá Söru Maríu með þeim Elvu Maríu úr GK og Kötlu Maríu úr GR sem lentu í öðru og þriðja sæti.

Í stúlknaflokki 17 til 18 ára sigraði hún Auður Bergrún Snorradóttir. Auður spilaði frábært golf og endaði á að sigra mótið nokkuð örugglega. Hún var 10 höggum á undan næstu kylfingum. Jafnar í öðru sæti ásamt Unu Karen úr GKG voru þær Eva Kristindsdóttir og Heiða Rakel Rafnsdóttir, báðar úr GM. Virkilega flottur árangur hjá okkar stelpum.

Í piltaflokki 15 - 16 ára var Kristján Karl Guðjónsson í harðri baráttu um sigurinn sem endaði þannig að Óliver Elí Björnsson úr Keili og Kristján voru jafnir eftir þrjá hringi. Þá var haldið í bráðabana og var það hann Óliver sem landaði sigri á annari holu bráðabanans með glæsilegu fuglapútti á 9. braut. Hjalti Kristján Hjaltason lenti í fjórða sæti í þessum flokk með frábærri spilamensku, en hann er 14 ára og var því að spila flokk upp fyrir sig.

Hér að neðan má sjá Kristján Karl ásamt Ólver Elí og Arnari Daða Svavarssyni úr GKG sem varð í þriðja sæti.

Þetta er svo sannarlega frábær árangur hjá okkar krökkum sem og öllum okkar fulltrúm í þessum mótum. Framtíðin er svo sannarlega björt hjá GM :)

Við óskum öllum sigurvegurum sem og öðrum verðlaunahöfum kærlega til hamingju með árangurinn.

Einnig viljum við þakka öllum þeim sem tóku þátt í mótinu hjá okkur á Hlíðavelli. Þau stóðu sig öll virkilega vel, komu vel fram og gengu vel um völlinn okkar :)

Áfram GM!

Berglind og Eva í 2. sæti í Hvaleyrarbikarnum

Mon, 12 Aug 2024 13:02:00 GMT

Hvaleyrarbikarinn fór fram um helgina og fengu keppendur blíðskapaveður á þremur keppnishringjum.

Tómas Eiríksson Hjaltested, GR og Hulda Clara Gestsdóttir, GKG stóðu uppi sem sigurvegarar. Berglind Erla Baldursdóttir og Eva Kristinsdóttir léku frábært golf og voru í mikilli baráttu um sigurinn þar til á lokaholunum en enduðu jafnar í 2. sæti. Berglind lék hringina á 74-76-80 og Eva á 70-80-80 og enduðu þær samtals á 14 höggum yfir pari. Pamela Ósk Hjaltadóttir endaði jöfn í 6. sæti á 20 höggum yfir pari (80-75-81). Heiða Rakel Rafnsdóttir var jöfn í 10. sæti á 25 yfir pari (78-80-83).

Í karlaflokki var Kristján Þór Einarsson efstur GM-inga en hann endaði í 8. sæti á parinu (71-72-73).

Hvaleyrarbikarinn var lokamótið á stigamótaröðinni og voru stigameistarar því einnig krýndir í lok móts og voru það Hulda Clara og Aron Snær sem einnig urðu Íslandsmeistarar í höggleik sem tóku stigameistaratitilinn. Eva Kristinsdóttir endaði í 2. sæti á stigalista kvenna, Pamela endaði í 5. sæti og Berglind í 6. sæti listans. Karlamegin var Kristján Þór efstur GM-inga í 5. sæti.

Við óskum okkar kylfingum til hamingju með frábæran árangur í sumar og góðu gengi inn í haustið!

Eva og Pamela sigurvegarar í unglingamóti Keilis

Thu, 08 Aug 2024 15:13:00 GMT

Eva Kristinsdóttir og Pamela Ósk Hjaltadóttir sigruðu á unglingamóti Keilis sem fór fram í síðustu viku.

Leiknar voru 36 holur en lokaumferðin var felld niður vegna veðurs.

Eva Kristinsdóttir var best í flokki U18 en hún lék hringina á 71-70 eða 3 höggum undir pari. Auður Bergrún Snorradóttir var önnur en hún setti vallarmet fyrsta daginn. Hún lék hringina á 1 höggi undir pari eða 68-75. Í þriðja sæti í heildarkeppninni var Pamela Ósk Hjaltadóttir á 2 höggum yfir pari eða 72-74 höggum. Hún leikur í flokki U16 og var sigurvegari í þeim flokki.

Birna Rut Snorradóttir var í 5. sæti á +7 eða 74-77 höggum og Heiða Rakel Rafnsdóttir í 6. sæti á +9 eða 78-75 höggum.

Í drengjaflokki var Hjalti Kristján Hjaltason í 5. sæti í flokki U18 og 3. sæti í U16 en sjálfur er Hjalti 14 ára gamall. Hann lék hringina á 74-72 eða 2 höggum yfir pari.

Við óskum okkar kylfingum til hamingju með flottan árangur!

Hér má finna lokastöðuna í mótinu

Kvennasveit GM Íslandsmeistarar golfklúbba 2024

Wed, 07 Aug 2024 14:15:00 GMT

Íslandsmót golfklúbba 2024 í 1. deild kvenna fór fram á Strandarvelli á Hellu dagana 25. - 27. júlí. Golfklúbbur Mosfellsbæjar sigraði og varði titlinn en GM hefur sigrað síðustu þrjú ár í röð. Í úrslitaleiknum mætti GM Keili þar sem að GM sigraði 3,5 – 1,5 í spennandi leik þar sem bráðabani var leikinn um sigurinn. Þar hafði Eva Kristinsdóttir betur á móti atvinnukylfingnum Guðrúnu Brá Björgvinsdóttur.

Karlasveit GM endaði í 6. sæti en þeir léku á Jaðarsvelli á Akureyri.

Eva best GM-inga í Landsmóti í Leiru

Mon, 22 Jul 2024 14:47:00 GMT

Eva Kristinsdóttir lék frábært golf í Íslandsmótinu í golfi í höggleik sem fór fram í Leirunni um helgina.

Átti hún góða möguleika á sigri en þegar 4 holur voru eftir var hún jöfn í forystu í mótinu.

Eva endaði jöfn í 4. sæti á +10 samtals (69-74-69-82). Pamela Ósk Hjaltadóttir endaði í 8. sæti á +15 (74-74-80-71) og Sara Kristinsdóttir endaði í 9. sæti á +16 (75-74-77-74).

Í karlaflokki var Kristján Þór Einarsson bestur okkar kylfinga en hann endaði á -5 (70-66-68-75) jafn í 9. sæti.

Hulda Clara Gestsdóttir og Aron Snær Júlíusson eru Íslandsmeistarar í golfi 2024 en þau eru bæði í Golfklúbbi Kópavogs og Garðabæjar.

Nýliða og háforgjafamót í Bakkakoti

Mon, 22 Jul 2024 09:07:00 GMT

Nýliða og háforgjafamót var haldið í Bakkakoti í gær við fínar aðstæður. Það voru 110 kylfingar sem mættu til leiks.

Úrslit voru eftirfarandi:

Kvennaflokkur

1. sæti - Ragnheiður Þengilsdóttir GM. 25 punktar

2. sæti - Þóra Hermannsdóttir Passauer GM. 24 punktar (betri á síðustu 3)

3. sæti - Steinunn Sveinsdóttir GKG. 24 punktar

Karlaflokkur

1. sæti - Helgi Björn Kristinsson GM. 22 punktar

2. sæti - Sigurður Reynaldsson GM. 20 punktar

3. sæti - Gunnar Snævarr Jónsson Nesklúbburinn. 19 punktar

Næst holu á 9. braut - Auður Björk Þórðarsdóttir 148 cm

Nýliða og háforgjafamót - úrslit

Óskum við vinningshöfum til hamingju með árangurinn. Hægt er að nálgast vinningana í afgreiðslu GM á Hlíðavelli frá og með hádegi þriðjudagsins 23 júlí. Afgreiðslan er opin alla daga frá kl. 8 - 20:00.

Við þökkum öllum þeim kylfingum sem tóku þátt og vonum svo sannarlega að þið hafið öll skemmt ykkur vel á vellinum :)

Keppnissveitir GM 2024 valdar

Tue, 16 Jul 2024 16:13:00 GMT

Íslandsmót golfklúbba fer fram 25. - 27. júlí.

Lið GM í karla-og kvennaflokki leika í 1. deild en karlar leika á Jaðarsvelli á Akureyri og konur á Standarvelli á Hellu.

Þjálfarar GM hafa valið sveitirnar, en þær eru skipaðar eftirtöldum leikmönnum:

Karlasveit:

Arnór Daði Rafnsson

Björn Óskar Guðjónsson

Hjalti Pálmason

Hjalti Kristján Hjaltason

Ingi Þór Ólafson

Kristján Þór Einarsson

Kristófer Karl Karlsson

Sverrir Haraldsson

Liðsstjóri: Þorsteinn Hallgrímsson

Þjálfari: Andri Ágústsson

Kvennasveit:

Auður Bergrún Snorradóttir

Arna Rún Kristjánsdóttir

Berglind Erla Baldursdóttir

Eva Kristinsdóttir

Heiða Rakel Rafnsdóttir

Katrín Sól Davíðsdóttir

Kristín Sól Guðmundsdóttir

Sara Kristinsdóttir

Liðsstjóri: Arna Kristín Hilmarsdóttir

Þjálfari: Katrín Dögg Hilmarsdóttir

Meistaramót GM 2024 - Úrslit

Mon, 08 Jul 2024 08:04:00 GMT

Meistaramót GM kláraðist síðastliðinn laugardag í stórkostlegri veðurblíðu. Það var í raun þannig að veðrið lék við kylfinga alla vikunna að undanskildum fyrsta deginum þar sem veðuraðstæður voru mjög svo krefjandi. En eftir það tók við logn, sól og blíða. Lokadagurinn var svo leikinn í stórkostlegu veðri enda voru kylfingar í essinu sínu hvernig svo sem spilamennskan var :)

Þegar upp var staðið voru það þau Kristján Þór Einarsson og Berglind Erla Baldursdóttir sem eru klúbbmeistarar Golfklúbbs Mosfellsbæjar í ár.

Berglind Erla lék mjög stöðugt golf alla hringina og á lokadegi og skilaði hún inn hring upp á 72 högg sem tryggði henni titillinn.

Kristján Þór lék stórvel allt mótið og kom inn á nýju mótsmeti, hann var samtals 17 högg undir pari og bætti einnig vallarmetið á öðrum hring þegar hann kom inn á 64 höggum. Sannarlega flott mót hjá Kristjáni.

Hér að neðan má sjá úrslit í þeim flokkum sem luku leik á laugardaginn.

Meistaraflokkur kvenna:

1. sæti - Berglind Erla Baldursdóttir

2. sæti - Kristín Sól Guðmundsdóttir

3. sæti - Katrín Sól Davíðsdóttir.

Meistaraflokkur karla:

1. sæti - Kristján Þór Einarsson

2. sæti - Björn Óskar Guðjónsson

3. sæti - Nick Carlson

1. flokkur kvenna.

1. sæti - Sara Jónsdóttir

2. sæti - Andrea Jónsdóttir

3. sæti - Edda Herbertsdóttir.

1. flokkur karla.

1. sæti - Guðjón Ármann Guðjónsson

2. sæti - Örn Ragnarsson

3. sæti - Steinar Ægisson

2. flokkur kvenna.

1. sæti - Dagný Þórólfsdóttir

2. sæti - Auður Ósk Þórisdóttir

3. sæti - Lena Ýr Sveinbjörnsdóttir

2. flokkur karla.

1. sæti - Snæbjörn Þórir Eyjólfsson

2. sæti - Björn Maríus Jónasson

3. sæti - Gunnar Birgisson.

Úrslit í meistaramóti GM 2024

Óskum við verðlaunahöfum innilega til hamingju með árangurinn og þökkum öllum þeim sem tóku þátt í meistaramótinu kærlega fyrir :)

Úrslit úr Meistaramóti GM í barna- og unglingaflokkum

Wed, 03 Jul 2024 11:11:00 GMT

Meistaramót barna og unglinga fór fram á tveimur vallarsvæðum. Iðkendur 12 ára og yngri léku á tveimur keppnisdögum í Bakkakoti en flokkar 13 ára og eldri léku á Hlíðavelli á þremur keppnisdögum.

Úrslit í flokki 15-16 ára drengja:

1. Kristján Karl Guðjónsson
2. Ásþór Sigur Ragnarsson
3. Grétar Logi Gunnarsson Bender

Úrslit í flokki 13-14 ára stúlkna:

1. Sara María Guðmundsdóttir

Úrslit úr 13-14 ára drengjaflokki:

1. Hjalti Kristján Hjaltason
2. Jóhannes Þór Gíslason
3. Tómas Ingi Bjarnason

Úrslit úr stúlknaflokki 12 ára og yngri:

1. Eiríka Malaika Stefánsdóttir
2. Rakel Þyrí Kristmannsdóttir
3. Elva Rún Rafnsdóttir

Úrslit úr drengjaflokki 12 ára og yngri:

1. Guðlaugur Benjamín Kristinsson
2. Hafþór Atli Kristjánsson
3. Rafael Lár Magnússon

Úrslit úr stúlknaflokki 10 ára og yngri:

1. Edda María Hjaltadóttir

Úrslit úr drengjaflokki 10 ára og yngri:

1. Daníel Tristan Sigurlínarson
2. Andri Gunnar Maack
2. Brynjar Maack

Úrslit úr 13 ára og eldri má finna hér

Úrslit úr 12 ára og yngri má finna hér

Við óskum verðlaunahöfum innilega til hamingju með árangurinn!

Fyrstu úrslit í meistaramóti GM kunn

Tue, 02 Jul 2024 20:15:00 GMT

Í morgun kláruðu kylfingar í öldungaflokki 65+ sinn síðasta hring í meistaramóti GM í ár og urðu úrslitin eftirfarandi:

Konur:

1. sæti - Brynja Sigurjónsdóttir

2. sæti - Guðrún Á. Jónsdóttir

3. sæti - Þuríður Pétursdóttir

Karlar:

1. sæti - Ásbjörn Björgvinsson

2. sæti - Guðjón Þorvaldsson

3. sæti - Eyþór Ágúst Kristjánsson.

Konur með forgjöf:

1. sæti - Unnur Pétursdóttir

2. sæti - Hildur Skarphéðinsdóttir

3. sæti - Gunnhildur Magnúsdóttir.

Karlar með forgjöf:

1. sæti - Sigurvin Einarsson

2. sæti - Hrafnkell Óskarsson

3. sæti - Baldvin Elíasson

Óskum við verðlaunahöfum til hamingju með árangurinn og þökkum öllum kærlega fyrir þáttökuna.

Stúlknasveit GM U18 Íslandsmeistarar golfklúbba 2024

Tue, 02 Jul 2024 14:23:00 GMT

Íslandsmót golfklúbba í aldursflokkum 16 ára og yngri og 18 ára og yngri fór fram á Jaðarsvelli á Akureyri dagana 26.-28.júní. 14 ára og yngri kepptu á sama tíma á Hellu.

Í flokki 18 ára og yngri stúlkna var GM með tvö lið og enduðu þau í 1. sæti og 3. sæti í mótinu sem verður að teljast frábær árangur hjá okkar efnilegustu stúlkum.

Í flokki 18 ára og yngri stráka endaði lið GM í 7. sæti

Í flokki 16 ára og yngri drengja endaði lið GM í 4. sæti

Í flokki 14 ára og yngri stúlkna endaði lið GM í 2. sæti eftir spennandi úrslitaleik á móti Keili.

Í flokki 14 ára og yngri drengja endaði lið GM í 8. sæti.

Hjalti Pálmason Íslandsmeistari í höggleik 50+ 2024

Mon, 01 Jul 2024 10:50:00 GMT

Hjalti Pálmason, landsliðskylfingur úr GM er Íslandsmeistari í höggleik 50+ 2024 eftir frábæra þrjá hringi á Leirdalsvelli síðustu helgi.

Fimm karlar og þrjár konur kepptu fyrir hönd GM í Íslandsmóti eldri kylfinga í höggleik sem fram fór í GKG um helgina en keppt var í flokkum 50+ og 65+. Leiknir voru 3 hringir en niðurskurður var fyrir lokahringinn.

Mikil spenna var í karlaflokki +50 ára. Þar sigraði Hjalti með einu höggi en þetta er fyrsti sigur hans í þessum flokki. Jón Karlsson, GR sem hafði titil að verja var einu höggi á fetir og sexfaldur Íslandsmeistari í golfi, Úlfar Jónsson, GKG, varð þriðji. Hjalti lék hringina þrjá á 4 höggum yfir pari alls eða 74-72-71 höggi en hann setti í frábæran fugl á 17. holunni og tester fyrir pari á lokaholunni til að vera einu höggi betur en Jón sem endaði annar.

Haraldur Haraldsson úr GM endaði í 39. sæti í flokki 50+ karla, Tómas Sigurðsson, Kári Tryggvason og Björn Maríus Jónasson GM-ingar náðu ekki niðurskurðinum.

Ragnheiður Sigurðardóttir, GKG, sigraði í +50 ára floki kvenna eftir mikla keppni við Þórdísi Geirsdóttur, GK.

Írunn Ketilsdóttir úr GM endaði í 17. sæti í flokki 50+ kvenna, Auður Ósk Þórisdóttir og Ásta Pálsdóttir GM-ingar náðu ekki niðurskurðinum í ár.

Guðrún Garðars, GR sigraði í kvennaflokki +65 ára í spennandi keppni en Elísabet Böðvarsdóttir, GKG, var höggi á eftir Guðrúnu.

Hannes Eyvindsson; GR, sigraði í karlaflokki +65 ára en hann var tveimru höggum betri en Sæmundur Pálsson úr GR.

Við óskum Hjalta innilega til hamingju með sigurinn!

Frétt golf.is:

https://www.golf.is/islandsmot-eldri-kylfinga-2024-urslit/

Fimm afrekskylfingar úr GM valdir í landslið Íslands fyrir Evrópumótin

Mon, 01 Jul 2024 09:26:00 GMT

Ólafur Björn Loftsson, afreksstjóri Golfsambands Íslands, hefur valið landsliðin sem taka þátt á Evrópumótum kvenna, karla, stúlkna og pilta. Evrópumót kvenna fer fram á Spáni og karlaliðið leikur í Póllandi. Stúlknalandsliðið leikur í Svíþjóð og piltalandsliðið í Austurríki. Mótin fara fram 9.-13. júlí n.k.

Kristján Þór Einarsson var valinn í karlalandsliðið sem keppir í Póllandi. Því miður vegna mikilla anna utan golfvallarins gat hann ekki gefið kost á sér þetta skiptið og tók því Daníel Ísak úr GK hans stað.

Hjalti Kristján Hjaltason var valinn í piltalandsliðið sem keppir í Austurríki.

Auður Bergrún Snorradóttir, Eva Kristinsdóttir og Pamela Ósk Hjaltadóttir voru valdar í stúlknalandsliðið sem keppir í Svíþjóð.

Þá var Pamela Ósk einnig valin til að keppa fyrir hönd Íslands á European Young Masters sem fram fer í Slóvakíu 25.-27. júlí.

Golfklúbbur Mosfellsbæjar óskar kylfingunum til hamingju með valið og óskar þeim og landsliðunum góðs gengis.

Nánar má lesa um landsliðsvalið í þessari frétt á golf.is:

https://www.golf.is/landslid-islands-valin-fyrir-em-i-lidakeppni-2024/

Kristján Þór í þriðja sæti í Íslandsmótinu í holukeppni

Tue, 25 Jun 2024 06:49:00 GMT

Logi Sigurðsson, GS, er Íslandsmeistari í holukeppni karla 2024 en hann sigraði Jóhannes Guðmundsson, GR, 3&2 í úrslitaleiknum sem fram fór í dag á Garðavelli á Akranesi.

Kristján Þór Einarsson, GM, varð þriðji en hann sigraði Jóhann Frank Halldórsson, GR, á lokaholunni í leiknum um bronsverðlaunin.

Kristján Þór og Kristófer Karl komust í gegnum 36 holu höggleikinn sem leikinn var á laugardeginum en Kristófer lék í 8 manna bráðabana þar sem keppt var um 7 sæti í holukeppninni.

Kristján Þór lék hringina á 69-72 eða 3 höggum undir pari en hann fór holu í höggi á þriðju holunni á fyrsta hring.

Kristófer Karl lék hringina tvo á 73-72 eða einu höggi yfir pari.

Því miður lentu okkar kylfingar á móti hvorum öðrum í fyrsta leik en eftir mjög spennandi leik fékk Kristján Þór örn á fyrstu holu í bráðabana og tók þar með Kristófer úr leik.

Kristján lék á móti Hjalta Hlíðberg úr GKG eftir hádegi á sunnudeginum og vann þann leik með um 7 metra pútti á lokaholunni til að vinna 1/0.

Kristján lék þá á móti Jóhannesi Guðmundssyni úr GR í undanúrslitun en tapaði á 17. holu eftir erfiðan leik þar sem Jóhannes lék mjög flott golf.

Leikurinn upp á þriðja sætið var á móti Jóhanni Frank úr GR og byrjaði Jóhann með látum og fékk fugl á fyrstu tvær holurnar og strax upp í leiknum. Jóhann var upp allan leikinn þar til Kristján náði loks að jafna á 17. holu. Sló Kristján þá besta högg dagsins eða um fet frá holu á 18. holu Garðavallar sem er par 3 og kláraði leikinn og tryggði sér bronsverðlaun í mótinu.

Kristján hefur sigraði í Íslandsmótinu í holukeppni tvisvar, árin 2009 og 2014.

Við óskum Kristjáni innilega til hamingju með árangurinn!

Guðjón, Bryndís og Hjalti unnu sína flokka á Icelandic Junior Midnight Challenge

Tue, 25 Jun 2024 06:42:00 GMT

Icelandic Junior Midnight Challenge mótið sem haldið er á vegum Global Junior Golf mótaraðarinnar var haldið hjá Golfklúbbi Mosfellsbæjar í síðustu viku og lauk á föstudag. Má segja að veðurguðirnir hafi loksins verið nokkuð hliðhollir ungu kylfingunum þá þrjá daga sem mótið stóð yfir, eftir að fresta þurfti ræsingu fyrsta daginn vegna úrhellisrigningar.

Mótið var fyrir kylfinga 23 ára og yngri og alls mættu 36 ungir kylfingar til leiks. Í drengjaflokki var keppt í flokkum 14 ára og yngri og 18 ára og yngri. Í stúlknaflokki var keppt í einum flokki 18 ára og yngri. Hjá drengjunum, sem léku allir af sömu teigum, var einnig keppt í heildarkeppni óháð aldursflokkum.

Í flokki 18 ára og yngri drengja sigraði Guðjón Frans Halldórsson GKG á 209 höggum eða 4 höggum undir pari, í öðru sæti varð Heiðar Steinn Gíslason NK á 213 höggum og í þriðja sæti varð Gunnar Þór Heimisson GKG á 216 höggum.

Í flokki 18 ára og yngri stúlkna sigraði Bryndís Eva Ágústsdóttir GA á 219 höggum eða 6 höggum yfir pari eftir bráðabana við Auði Bergrúnu Snorradóttur GM og í þriðja sæti varð Pamela Ósk Hjaltadóttir GM á 224 höggum.

Í flokki 14 ára og yngri drengja sigraði Hjalti Kristján Hjaltason GM á 211 höggum eða 2 höggum undir pari, í öðru sæti varð Halldór Jóhannsson GK á 220 höggum og í þriðja sæti varð Arnar Daði Svavarsson GKG á 225 höggum.

Í heildarkeppninni óháð aldurflokkum drengja sigraði Guðjón Frans Halldórsson GKG á samtals 209 höggum og í öðru sæti varð Hjalti Kristján Hjaltason GM á 211 höggum og í þriðja sæti varð Heiðar Steinn Gíslason NK á 213 höggum.

Þetta var þriðja ári í röð sem Icelandic Junior Midnight Challenge mótið er haldið hjá Golfklúbbi Mosfellsbæjar.

Hér má sjá lokastöðuna í mótinu.

Hjóna og parakeppni GM - Úrslit

Mon, 24 Jun 2024 15:44:00 GMT

Hjóna og paramót GM fór fram á Hlíðavelli í gær.

Veðrið var allskonar og skorið eftir því :)

Eftirtaldir kylfingar voru næst holu:

3. braut - Tomas Salmon 2,11 metrar

4. braut - Arna Hilmarsdóttir - 2,92 metrar

7. braut - Eydís Arna - 72 cm.

15. braut - Guðjón Karl. 6,3 metrar.

18. braut - Guðmundur Jón - 1,27 metrar.

Sigurvegarar mótsins voru þau Ingi Páll Sigurðsson og Eygerður Helgadóttir. Þau léku stórgott golf og komu inn á nettóskori sem var 6 höggum undir pari vallarins. Sannarlega góð spilamennska hjá þeim.

1. sæti - Eygerður Helgadóttir og Ingi Páll Sigurðsson, 65 högg.

2. sæti - Arna Kristín Hilmarsdóttir og Örn Unnarsson, 69 högg.

3. sæti - Jóna Sigurðardóttir og Svanur Kolbeinn Gunnarsson, 70. högg.

Óskum við verðlaunahöfum innilega til hamingju með árangurinn, verðlaun má nálgast hjá okkur á skrifstofu GM.

Eva í þriðja sæti í Íslandsmótinu í holukeppni

Tue, 18 Jun 2024 15:54:00 GMT

Eva Kristinsdóttir, landsliðskylfingur úr GM, lék frábærlega í Íslandsmótinu í holukeppni um helgina og endaði í þriðja sæti.

Íslandsmótið í holukeppni 2024 í holukeppni fór fram dagana 14.-16. júní á Hlíðavelli hjá Golfklúbbi Mosfellsbæjar.

Í fyrri hluta Íslandsmótsins í holukeppni, sem fram fór föstudaginn 14. júní var leikinn 36 holu höggleikur án forgjafar, þar sem sextán efstu keppendurnir komust áfram í útsláttarkeppni. Að höggleik loknum voru leiknar fjórar umferðir í holukeppni.

Alls tóku 13 kylfingar úr GM þátt í mótinu, flest allra klúbba.

Höggleikurinn gekk vel og voru 8 af þeim 16 sem komust í gegn í holukeppnina úr GM:

T1 Heiða Rakel Rafnsdóttir 73-73 (+4)
T4 Sara Kristinsdóttir 77-71 (+6)
T4 Kristín Sól Guðmundsdóttir 77-71 (+6)
T4 Birna Rut Snorradóttir 74-74 (+6)
7. Eva Kristinsdóttir 80-69 (+7)
T8 Berglind Erla Baldursdóttir 74-76 (+8)
T12 Pamela Ósk Hjaltadóttir 76-76 (+10)
T14 Katrín Sól Davíðsdóttir 79-74 (+11)

Laugardags morguninn var erfiður fyrir GM en systurnar Eva og Sara unnu sína leiki á móti Berglindi og Pamelu en duttu aðrir kylfingar GM úr keppni. Sara datt út í 8 manna úrslitum á móti Fjólu úr GS en Eva vann sinn leik á móti Heiðrúnu úr GOS. Eva tapaði svo leik á móti Íslandsmeistaranum Önnu Júlíu úr GKG en leikurinn var spennandi og fór á lokaholu. Eva Kristinsdóttir, GM, sigraði Þóru Sigríði Sveinsdóttur, GS, 3&2 í leiknum um þriðja sætið.
Anna Júlía Ólafsdóttir, GKG, er Íslandsmeistari í holukeppni kvenna 2024 – en hún sigraði Fjólu Margréti Viðarsdóttur, GS 6&5 í úrslitaleiknum.

Frétt GSÍ má finna hér

Hjalti í 18. sæti á Evrópumeistaramóti kylfinga 50 ára og eldri

Tue, 18 Jun 2024 15:35:00 GMT

Hjalti Pálmason í GM og landsliðskylfingur öldunga varð í 18. sæti á Evrópumeistaramóti eldri kylfinga 50 ára og eldri sem haldið var í Lúxemborg og lauk á laugardag. Var þetta í fyrsta sinn sem Hjalti tekur þátt í þessu móti.

Þetta var í 29. skiptið sem Evrópska golfsambandið (EGA) heldur þetta mót sem skipað var 144 bestu kylfingum Evrópu 50 ára og eldi bæði í karla- og kvennaflokki. Alls hófu leik 90 karlar og 54 konur frá 28 löndum.

Mótið var skipað mjög sterkum kylfingum þar á meðal þremur fyrrverandi sigurvegurum í karlaflokki og þreföldum sigurvegara í kvennaflokki. Sá karl sem var með lægstu forgjöfina var með +5.4 og kvennamegin var lægsta forgjöfin +2.5.

Leiknar voru 54 holur á hinum krefjandi Kikuoka velli sem er par 72 og 6084 metra langur af karlateigum og 5237 metrar af kvennateigum. Niðurskurður var eftir 36 holur og komust 54 efstu karlar og jafnir í því sæti áfram og 33 efstu konurnar og jafnar í því sæti áfram á lokadaginn.

Ásamt Hjalta, léku Sigubjörn Þorgeirsson GFB og Ragnheiður Sigurðardóttir GKG í mótinu fyrir hönd Íslands. Hjalti og Sigurbjörn komust í gegnum niðurskurðinn og endaði Hjalti í 18. sæti í mótinu eins og áður sagði á samtals 6 höggum yfir pari og Sigurbjörn í 44. sæti á samtals 14 höggum yfir pari. Ragnheiður náði ekki í gegnum niðurskurðinn, en aðeins munaði 3 höggum.

Í karlaflokki sigraði Frakkinn Rodrigo Lacerda Soares á 3 höggum undir pari og í kvennaflokki sigraði Annick Riff frá Belgíu á 9 höggum yfir pari. Þess má geta að Rodrigo Lacerda sem varð fimmtugur fyrr á þessu ári sigraði á Evrópumeistaramóti kylfinga 25 ára og eldri árið 2020.

Lokastöðuna í mótinu má sjá hérna .

Pamela Nettómeistari 2024

Tue, 11 Jun 2024 15:59:00 GMT

Nettó unglingamótið fór fram um helgina á GKG. Mótið er hluti af Unglingamótaröð GSÍ og einnig var keppt í Golf14 fyrir keppendur 14 ára og yngri.

Í flokki 15-18 ára stúlkna var það Pamela Ósk Hjaltadóttir úr GM uppi sem sigurvegari og eru því Nettómeistari 2024.

Pamela lék hringina á 81-77-74 eða 19 höggum yfir pari í erfiðum aðstæðum, sérstaklega á fyrstu tveimur keppnisdögunum. Endaði hún jöfn Fjólu Margréti úr GS en vann Pamela á annari holu í bráðabana.

Auður Bergrún, Dagbjört Erla og Eva, GM-ingar léku flott golf í mótinu og enduðu jafnar í 5. sæti á 26 höggum yfir pari.

Í 15-18 ára piltaflokki var það heimamaðurinn Guðjón Frans sem sigraði á 3 höggum yfir pari samtals. Hjalti Kristján Hjaltason úr GM lék stöðugt og gott golf og endaði jafn í 5. sæti á 17 höggum yfir pari samtals.

Í flokki 14 ára og yngri stúlkna átti GM tvo kylfinga í verðlaunasæti. Elva María úr Keili stóð uppi sem sigurvegari í mótinu á 21 höggi yfir pari. Sara María Guðmundsdóttir úr GM var í öðru sæti en hún lék hringina á 91-92 eða 41 höggi yfir pari. Eiríka Malaika Stefánsdóttir, einnig úr GM, var í þriðja sæti en hún lék á 99-85 eða höggi á eftir Söru.

Einnig var 14 ára og yngri viðburður á föstudeginum á Mýrinni en leiknar voru 9 holur.

Í 10 ára og yngri drengjaflokki var Daníel Tristan efstur GM-inga í 6. sæti á 50 höggum.

Í 10 ára og yngri stúlknaflokki var Edda María úr GM á besta skorinu á 53 höggum.

Í flokki 11-12 ára drengja var Emil Darri úr GM á besta skorinu eða 46 höggum.

Í flokki 11-12 ára stúlkna voru Elva Rún og Rakel Þyrí úr GM báðar bestar á 51 höggi.

Í flokki 13-14 ára drengja var Helgi Þór bestur GM-inga á 51 höggi.

Við óskum okkar kylfingum til hamingju með árangurinn!

Pamela í þriðja sæti í Korpubikarnum

Mon, 03 Jun 2024 08:33:00 GMT

Pamela Ósk Hjaltadóttir endaði í þriðja sæti á Korpubikarnum sem fór fram um helgina. Leiknir voru þrír 18 holu hringir á 3 keppnisdögum en aðstæður voru virkilega krefjandi alla þrjá dagana þar sem rok og rigning spilaði inn í skorið.

Alls kepptu 12 kylfingar úr GM á Korpubikarnum en ströng forgjafarviðmið voru til að fá þátttöku inn í mótið. Allir kylfingar GM náðu niðurskurðinum eftir tvo hringi.

Í kvennaflokki voru atvinnukylfingarnir Guðrún Brá Björgvinsdóttir (-1) og Ragnhildur Kristinsdóttir (Pari) í sérflokki og enduðu örugglega í fyrstu tveimur sætunum. Þar á eftir í þriðja sæti var Pamela en hún lék hringina þrjá á 76-73-82 höggum eða 15 höggum yfir pari. Því næst voru 4 kylfingar jafnir í fjórða sæti á 16 höggum yfir pari en 3 af þeim kylfingar úr GM; Berglind Erla Baldursdóttir var á 77-78-77, Heiða Rakel Rafnsdóttir á 80-73-79 og Auður Bergrún Snorradóttir á 79-71-82 höggum.

Í karlaflokki var það Axel Bóasson sem sigraði en hann lék hringina þrjá á parinu. Efstur okkar kylfinga var Kristján Þór Einarsson en hann lék hringina á 71-75-76 höggum eða 9 höggum yfir pari, jafn í 11. sæti. Kristófer Karl Karlsson (70-77-78) og Björn Óskar Guðjónsson (72-76-77) voru jafnir í 14. sæti á 12 höggum yfir pari samtals.

Hér má sjá lokastöðuna í mótinu.

Berglind, Kristján & Arnór Daði í verðlaunasætum á Nesinu

Tue, 28 May 2024 10:15:00 GMT

Berglind Erla Baldursdóttir, Kristján Þór Einarsson og Arnór Daði Rafnsson hlutu peningaverðlaun í öðru vormóti sumarsins sem haldið var í Nesklúbbnum í krefjandi aðstæðum þar sem rok spilað inn í skor kylfinga.

Fyrir sigur í vormótunum eru 140.000 kr en efstu 25% í hvorum flokki hljóta peningaverðlaun.

Úrslit í kvennaflokki:

1. Ragnhildur Kristinsdóttir, GR 146 högg (+6) (74-72).
2. Berglind Erla Baldursdóttir, GM 150 högg (+10) (78-72)
3. Berglind Björnsdóttir, GR 152 högg (152 högg (+12) (74-78)

Úrslit í karlaflokki:

1. Aron Emil Gunnarsson, GOS 130 högg (-10) (66-64).
2. Gunnlaugur Árni Sveinsson, GKG 133 högg (-7) (71-62)
3. Tómas Eiríksson Hjaltested, GR 136 högg (-4) (71-65)
4. Daníel Ísak Steinarsson, GK 137 högg (-3) (74-63).
5. Jóhannes Guðmundsson, GR 138 högg (-2) (70-68)
6. Kristján Þór Einarsson, GM 139 högg (-1) (68-71)

Fyrir annað sætið fékk Berglind rúmlega 35 þúsund krónur. Kristján Þór fékk tæplega 46 þúsund krónur fyrir 6. sætið. Arnór Daði Rafnsson lék frábærlega á degi tvö eða 66 höggum (-4) og endaði jafn í 8. sæti á 2 höggum yfir pari samtals. Fyrir það fær hann um 19 þúsund krónur.

Auður best í Sandgerði

Tue, 28 May 2024 09:26:00 GMT

Auður Bergrún Snorradóttir núverandi klúbbmeistari GM sigraði á fyrsta unglingamótinu um helgina sem fór fram í Sandgerði í miklu roki.

Keppt er í 15-16 ára og 17-18 ára aldursflokkum en einnig er heildarkeppni 15-18 ára sem gildir á heimslista áhugamanna.

Aðstæður voru svo erfiðar að fyrsta umferð var felld niður og voru því leiknar 18 holur á laugardag og 18 holur á sunnudag. Í stúlknaflokki átti GM kylfinga í öllum þremur verðlaunasætum en jöfn keppni var þangað til á síðustu holunni þar sem Auður hafði betur. Hún lék á 70 höggum eða -2 í miklu roki og krefjandi aðstæðum á sunnudeginum.

Lokaniðurstaðan í heildarkeppninni 15-18 ára stúlkur:

1. Auður Bergrún Snorradóttir, GM 154 högg (+10) (84-70)
2. Pamela Ósk Hjaltadóttir, GM 156 högg (+12) (80-76)
3.-4. Eva Fanney Matthíasdóttir, GKG 158 högg (+14) (82-76)
3.-4. Eva Kristinsdóttir, GM 158 högg (+14) (80-78)

Pamela leikur í flokki 15-16 ára og var í fyrsta sæti í sínum flokk á +12.

Hjalti Kristján Hjaltason endaði í 2. sæti í sínum aldursflokki og 5. sæti í heildarkeppninni 15-18 pilta en hann lék hringina tvo á 76-75 höggum eða 7 höggum yfir pari samtals.

Breytt fyrirkomulag er nú á unglingamótaröðinni en einungis er leikið í flokkum á aldrinum 15-18 ára sem er tilbreyting frá árum áður. GM átti næst flesta keppendur í mótinu eða 15.

VIKING deildin - umspil

Sun, 26 May 2024 09:44:00 GMT

Í gær var leikin undankeppni VIKING deildarinnar fyrir komandi sumar.

Það voru krefjandi aðstæður þar sem það var talsverður vindur sem gerði keppendum erfitt fyrir.

Hér að neðan má sjá lokastöðuna og hvaða átta lið komust áfram. Það eru þrjú bestu skor liðsins sem telja í samanlögðu.

Berglind önnur í Þýskalandi

Fri, 24 May 2024 12:29:00 GMT

Berglind Erla Baldursdóttir, afrekskylfingur úr GM endaði í öðru sæti eftir flotta spilamennsku á Berlin Juniors International mótinu sem er hluti af Global Junior mótaröðinni.

Mótið fór fram á Faldo vellinum á Golfclub Bad Saarow í Þýskalandi og leiknir voru þrír hringir. Berglind lék hringina á 75-72-73 höggum eða 4 höggum yfir pari samtals, einu höggi á eftir heimakylfingnum Charlotte Goersch sem sigraði með einu höggi. Alls léku 4 stúlkur frá Íslandi í mótinu, þar á meðal Dagbjört Erla, systir Berglindar en hún endaði jöfn í 14. sæti alls.

Við óskum Berglindi innilega til hamingju með flottan árangur og góðs gengis í sumar!

Hér má sjá lokastöðuna.

Fimm kylfingar GM í verðlaunasæti í fyrsta Vormóti sumarsins

Tue, 21 May 2024 14:52:00 GMT

Fimm kylfingar úr Golfklúbbi Mosfellsbæjar náðu sér í peningaverðlaun á fyrsta Vormóti sumarsins í Leirunni.

Mikil spenna var á Vormót GS sem fram fór í gær á Hólmsvelli í Leiru þar sem að bestu kylfingar landsins mættu til leiks. Fyrsta hring var frestað vegna veðurs og var mótið því 18 holur. Aðstæður voru krefjandi, kalt og 9 m/s. Breytt fyrirkomulag er á þessu fyrsta móti ársins en nú gildir mótið ekki á stigalista en öll mótsgjöld renna beint í peningaverðlaunafé til 25% efstu keppenda, þar á meðal 140.000 kr. fyrir fyrsta sæti.

Auður Bergrún Snorradóttir og Eva Kristinsdóttir voru bestar GM-inga en þær enduðu jafnar í 3. sæti á 78 höggum. Birna Rut Snorradóttir systir Auðar lék einnig vel en hún endaði í 5. sæti á 79 höggum. Sara Kristinsdóttir systir Evu var á 80 höggum og náði síðasta sætinu (6. sæti) sem gaf verðlaun í kvennaflokki. Ragnhildur Kristinsdóttir sigraði á 72 höggum eða pari vallar.

Í karlaflokki endaði Kristófer Karl Karlsson jafn í 10. sæti á 72 höggum en efstu 14 í karlaflokki fengu verðlaun. Gunnlaugur Árni Sveinsson sigraði á 67 höggum eða 5 höggum undir pari.

Úrslitin má finna hér

Hola í höggi í Bakkakoti

Thu, 16 May 2024 08:39:00 GMT

Daníel Dór Gosason gerði sér lítið fyrir og lék 6. holuna í Bakkakoti á einu höggi þriðjudaginn 14 maí síðastliðinn.

Hann sló glæsilegt högg með 9 jáninu sínu og lenti ca 2 metra frá holu og rúllaði boltinn fallega ofan í. Eins og gefur að skilja trylltist hollið af fögnuði.

Við óskum Daníel Dór innilega til hamingju með draumahöggið.

Hola í höggi á Hlíðavelli

Wed, 15 May 2024 08:13:00 GMT

Guðleifur Kristinn öðru nafni Kiddi Íslandsmeistari eins og hann kallar sig sjálfur fór holu í höggi á 15 holu á Hlíðavelli þriðjudaginn 14 maí þegar hann lék með hópnum sínum Bara fuglar. Höggið var slegið með 5 járni smá fade í léttum mótvindi 155 m frá holu. Boltinn skoppaði tvisvar sinnum létt í miðja holu - Bingó

Við óskum Kidda til hamingju með þetta stórkostalega afrek sem hann var að upplifa í fyrsta skipti.

Hola í höggi á Hlíðavelli

Wed, 15 May 2024 08:13:00 GMT

Hola í höggi á Hlíðavelli 24 júní

Draumahögg félagsmanna koma á færibandi á völlum okkar þessa daganna. Rut Marsibil Héðinsdóttir átti draumahögg á 18 holu Hlíðavallar mánudaginn 24 júní síðastliðinn. Rut sló höggið með 6 járni í brjáluðu roki 107 m frá holu.

Til hamingju með draumahöggið :-)

Innanfélagsmótaraðirnar okkar að byrja

Mon, 13 May 2024 13:35:00 GMT

Ágætu GM félagar

Nú styttist heldur betur í að við byrjum innanfélagsmótaraðirnar okkar :)

Skráning í Titleist holukeppnina fer fram í gegnum Golfboxið, líkt og í fyrra er engin undankeppni þannig að það geta allir verið með. Skráningarfrestur til og með sunnudagsins 19.maí.

Það er mjög einfalt að taka þátt, þú einfaldlega skráir þig til leiks. Eftir að skráningarfrest líkur þá er dregið um það hvaða kylfingar mætast í fyrstu umferð. Keppt er í karla og kvennaflokki.

Titleist holukeppnin 2024

Skráning í mótið fer fram á GolfBox og greiðist mótsgjald við skráningu. Kylfingar skrá sig sjálfir á rástíma í gegnum GolfBox.

Kylfingar leika sín á milli með fullri forgjöf en hámarks forgjöf gefin er eins og fyrr sagði 36, (vallarforgjöf).

Dæmi: Kylfingur A er með 7 í vallarforgjöf og kylfingur B með 24 í vallarforgjöf. Þá er mismunurinn 17 (Kylfingur B fær þá 1 högg í forgjöf á 17 erfiðustu holurnar).

Leikvikur Titleist-holukeppninnar 2024

VIKING deildin.

Við höfum einnig opnað fyrir skráningu í VIKING deildina. Sjá hlekk hér að neðan til þess að skrá sig.

VÍKING deildin er eitt skemmtilegasta mót sem Golfklúbbur Mosfellsbæjar stendur fyrir. Um er að ræða liðakeppni með forgjöf þar sem keppt er með svipuðu fyrirkomulagi og í Íslandsmóti golfklúbba (sveitakeppni). Allt að 8 leikmenn skipa hvert lið en 4 leikmenn leika í hverri umferð. Í hverri umferð er leikinn 1 fjórmenningsleikur og 2 tvímenningsleikir.

Leikið á báðum vallarsvæðum

Í VÍKING deildinni er leikið á báðum vallarsvæðum og eru umferðir leiknar í heild sinni á hvoru vallarsvæði í fyrirfram skipulögðum leikvikum. Leiknar verða tvær leikvikur í riðlakeppni á Hlíðavelli og ein í Bakkakoti. Í úrslitum fara síðan 8 liða úrslit fram í Bakkakoti, undanúrslit og úrslit á Hlíðavelli.

Alls eru 16 lið sem geta verið með en leikið verður í fjórum 4 liða riðlum þar sem allir leika við alla. Þegar úrslit í riðlum liggja fyrir verður leikið í 8 liða úrslitum. Efstu 2 liðin í riðli fara áfram í útsláttarkeppnina.

Ef skráning er umfram 16 lið er leikin forkeppni. 8 efstu lið frá árinu á undan fá sjálfkrafa þátttökurétt í aðalkeppnina að því gefnu að minnsta kosti 4 leikmenn úr liðinu séu þeir sömu og árið áður.

Í forkeppni VÍKING deildarinnar er leikin 18 holu punktakeppni þar sem 4 liðsmenn leika og 3 bestu skor liðsins telja. Hámarksforgjöf í forkeppninni er 36. Verði lið jöfn í forkeppninni verður það lið ofar sem er með hæsta einstaka punktafjöldann. Ef enn er jafnt telur skorið hjá þeim leikmanni sem var með lægsta punktafjöldann. Ef enn er jafnt er varpað hlutkesti um hvaða lið hafnar ofar.

Við opnum Bakkakotið á fimmtudaginn!

Tue, 07 May 2024 16:02:00 GMT

Ágætu GM félagar.

Við munum opna golfvöllinn í Bakkakoti næstkomandi fimmtudag, 9. maí.

Opnað verður fyrir rástímaskráningu kl. 10:00 í fyrramálið, miðvikudaginn 8. maí.

Völlurinn verður til að byrja með eingöngu opinn fyrir okkar félaga.

Hlökkum til að taka á móti ykkur fimmtudaginn :)

Staðfesting á rástíma á völlum GM

Tue, 07 May 2024 09:03:00 GMT

Ágætu GM félagar.

Golfsumarið fer bara nokkuð vel af stað þó svo að veðrið hafi verið allskonar :)

Opnunardagurinn síðastliðinn sunnudag var góður og það mættu rétt um 350 kylfingar og spiluðu glæsilegan Hlíðavöll.

Við ætlum að halda áfram að leggja áherslu á að kylfingar staðfesti komu sína. Það er mikilvægt að mæta í sinn rástíma og/eða afbóka hann ef þú af einhverjum ástæðum kemst ekki.

Hér að neðan er reglur GM þegar kemur að rástímabókun og staðfestingu á rástíma.

LEIKUR FÉLAGSMANNA Á VALLARSVÆÐUM GM

Einungis fullgildir félagsmenn GM sem gert hafa upp árgjald viðkomandi árs hafa leikheimild á vallarsvæðum GM.

Fjögurra daga bókunarfyrirvari er á velli félagsins fyrir GM félaga og opnað er fyrir skráningu kl. 20:00 kvöldi fyrir fyrsta bókunardag. Á þessum fjórum dögum er leyfilegt að vera með þrjár virkar bókanir. Ef viðkomandi er með þrjár virkar bókanir er hægt að bóka sig samdægurs á þann dag sem engin bókun er með því að hafa samband við afgreiðslu GM.

Utanfélagsmenn geta bókað sig með tveggja daga fyrirvara og er opnað fyrir skráningu kl. 20:00 kvöldið fyrir bókunardag.

Allir sem koma á vellina okkar þurfa að skrá sig inn á völlinn með QR kóða sem er við hlið afgreiðslunnar okkar á Hlíðavelli og í andyri golfskálans í Bakkakoti. Ef félagsmaður mætir ekki á skráðan rástíma, þá kemur hann í veg fyrir það að annar félagsmaður getur nýtt rástímann. Viðurlögin eru:

GM og Prósjoppan undirrita samstarfssamning

Fri, 03 May 2024 13:29:00 GMT

Í gær var undirritaður samstarfssamningur milli Golfklúbbs Mosfellsbæjar og Prósjoppunnar og mun Macade verða einkennisfatnaður GM. Við erum virkilega ánægð með þetta samstarf og hlökkum mikið til komandi ára í þessum glæsilega fatnaði sem Macade er. Nú munu allir kylfingar sem leika fyrir hönd GM spila í eins fatnaði þar sem Macade er með sömu línur í kven- og karlfatnaði.

Magnús Lárusson er annar af eigendum Prósjoppunnar, “Við erum gríðarlega spenntir fyrir eflaust stærsta samningi sinnar tegundar við golfklúbb á Íslandi og að vinna náið með Golfklúbbi Mosfellsbæjar á næstu árum.

GM hefur sýnt að þau eru í allra fremstu röð hér á landi þegar kemur að afreksstarfi og það hefur verið frábært að fylgjast með uppganginum hjá þeim á undanförnum árum.

Við erum því mjög stoltir að afrekskylfingar GM sem og aðrir klúbbfélagar munu klæðast fatnaði frá Macade á næstu árum.

Macade er gríðarlega öflugt sænskt vörumerki sem hannar flottan og þægilegan golffatnað og hefur á skömmum tíma fest sig vel í sessi hér á landi. Prósjoppan var fyrsta golfverslun í heimi til að selja vörurnar þeirra og samstarf okkar við Macade nær nú nýjum hæðum með einstökum samningi við GM þar sem markmið samningsaðila er meðal annars að stíga skref í klæðaburði afrekskylfinga og keppnissveita sem ekki hefur áður verið gert hér á landi.”

Þetta er líka stórt skref fyrir okkur í GM og hlökkum við til að sjá okkar bestu kylfinga sem og aðra GM félaga á okkar golfvöllum sem og annars staðar í glæsilegum GM merktum Macade fatnaði. Við munum að sjálfsögðu selja Macade í okkar golfbúð, bæði merktum og ómerktum.

Magnús Lárusson og Ágúst Jensson, framkvæmdastjóri GM handsala hér samning ásamt glæsilegum fulltrúum okkar afrekskylfinga.

Vorkveðja formanns.

Fri, 03 May 2024 07:55:00 GMT

Kæru félagsmenn, gleðílegt sumar.

Búið er að ákveða opnunardaga á golfvöllum GM. Hlíðavöllur opnar á sunnudaginn og svo opnar Bakkakotið í næstu viku, nánar tiltekið fimmtudaginn 9. Maí.

Vellirnir koma virkilega vel undan vetri og hlökkum við til að taka á móti ykkur. Tíðin undanfarið hefur verið ágæt, aðeins of þurrt undanfarið, en nú hefur rignt vel og þá taka brautir og röff vel við sér og græni liturinn verður fljótlega allsráðandi.

Flatirnar á Hlíðavelli líta mjög vel út og ég man ekki eftir að hafa séð þær svona góðar á þessum árstíma. Það er mikið fagnaðarefni eftir erfitt sumar 2023. Flatirnar í Bakkakoti er líka virkilega góðar, einungis flatir 2. og 8 sem eiga aðeins í land en þær verða fljótar til. Bjarni vallastjóri og hans fólk hafa unnið gott starf í vetur og verið dugleg að dekstra við flatirnar sem eru að skila sér í því að þær hafa líklega sjaldan litið jafnvel út og þær gera í dag.

Það eru ýmsar framkvæmdir sem hafa verið í gangi hjá okkur og við höfum reynt að vera dugleg að upplýsa ykkur um þá vinnu sem erum í gangi hverju sinni. Helstu framkvæmdir hafa verið eftirfarandi:

- Drenlagnir settar í 16. braut á Hlíðavelli

- Sjálfvirkt vökvunarkerfi sett í fleiri flatir og teiga á Hlíðavelli

- Garðskáli í Bakkakoti kláraður að utanverðu

- Golfskálinn í Bakkakoti tekinn í gegn, eldhús lagfært, afgreiðslusvæði breytt og ný húsgögn í sal.

Ásamt ofangreindu er ávallt fullt af verkefnum sem þarf að ganga í og miða þau öll að því að hafa golfvellina í eins góðu ástandi og völ er á hverju sinni.

Við hlökkum svo sannarlega til þess að taka á móti ykkur á sunnudaginn á Hlíðavelli. Vellirnir okkar eru að sjálfsögðu einungis opnir fyrir GM félaga til að byrja með og vonum við svo sannarlega að þið eigið eftir að eiga gott golfsumar.

Ég minni á vinnudaginn sem fram fer á morgun laugardag og vonandi mætið þið sem flest og aðstoðið okkur við að klára þá vinnu sem þarf að fara í fyrir opnun.

Að lokum er mikilvægt að við öll berum virðingu fyrir golfvellinum og göngum vel um og þá sérstaklega núna þar sem þeir eru viðkvæmir eftir veturinn. Lágmörkum allar skemdir með góðri umgengni og lögum það sem aflaga fer. Brautirnar eiga aðeins í land og því mikilvægt að sýna nærgætni.

Gleðilegt golfsumar og hlakka til að sjá ykkur á golfvellinum í sumar.

Golfkveðja.

Kári Tryggvason, formaður GM.

Hlíðavöllur opnar!

Thu, 02 May 2024 11:41:00 GMT

Ágætu GM félagar.

Tekin hefur verið ákvörðun um að opna Hlíðavöll næstkomandi sunnudag, 5. maí.

Við höfum því lokað vellinum núna til þess að geta einbeitt okkur að undirbúning þar sem það eru ýmis verk sem þarf að vinna.

Veturinn er vonandi búinn að kveðja okkur og gott golfsumar framundan.

Rástímabókun opnar á morgun föstudag, 3. maí kl. 12:00.

Bjarni vallastjóri, Felix, Óli og Kolbrún hafa unnið mikið og gott starf í allan vetur og þá sérstaklega undanfarnar vikur við það að koma völlunum okkar í gott stand fyrir sumarið. Eiga þau stórt hrós skilið fyrir alla sínu vinnu í sem hefur svo sannarlega skilað árangri. Flatirnar á báðum völlum eru í virkilega góðu standi og sjaldan verið betri við opnun. Brautirnar eiga aðeins í land en rigningin í dag og vonandi á morgun, munu gera mjög mikið og græni liturinn að fara að ná í gegn.

Golfbúðin/afgreiðslan okkar á Hlíðavelli verður opin alla daga frá kl. 8:00 til 20:00 frá og með sunnudeginum.

Vellir klúbbsins verða til að byrja með eingöngu opnir fyrir GM félaga.

Vinnudagur á laugardaginn 4. maí. Hefst kl. 10:00

Undanfarin ár höfum við verið með vinnudag áður en við opnum, hann verður laugardaginn, 4, maí og hefst kl. 10:00. Við gerum ráð fyrir því að vera við vinnu í rúmar tvær klukkustundir. Eftir það verður boðið upp á súpu og brauð í golfskálanum okkar og svo fá allir þeir sem taka þátt í vinnudegi að spila völlinn. Við munum ræsa út á öllum teigum ca klukkan 14:00. Til að auðvelda okkur undirbúning þá biðjum við ykkur um að skrá ykkur á meðfylgjandi skjal. Þar getið þið einnig látið okkur vita ef þið eruð með séróskir varðandi spilafélaga að vinnudegi loknum :)

Skráning á vinnudag

Æfingasvæðið okkar opnar einnig á sunnudaginn. Við höfum því miður ekki geta opnað það fyrr þar sem það hefur verið talsvert næturfrost og því hætta að vatnslagnir í boltavélinni geti eyðilagst.

Við minnum á GLFR appið sem flest ykkar vonandi þekkja. Það er búið að endurbæta það talsvert og vonumst við til þess að það eigi eftir að bæta okkar þjónstu til ykkar umtalsvert og hvetjum við ykkur til þess að sækja appið og setja það upp í ykkar símum.

Smellið hér til að skoða GLFR

Í GLFR eru yfirlitsmyndir af okkar völlum ásamt nákvæmum mælingum. Vallarstarfsfólkið okkar merkir inn hvar holurnar eru á flötunum og því fáið þið ávallt nákvæma mælingu þaðan sem þið eruð að leika ykkar bolta.

Það er hægt að skrá skor fyrir allt að fjóra kylfinga í appinu og er það beintengt golfboxinu og uppfærist skorið því sjálfkrafa í forgjafarkerfið.

Innanfélagsmótaraðir GM!

Mótaraðirnar okkar fara fljótlega í gang og munum við auglýsa það nánar á næstu dögum.

Breyting á 4. braut!

Eins og fram kom um daginn þá höfum við samið við Mosfellsbæ um aukið landsvæði til þess að breyta eldri hluta vallarins. Nú er verið að vinna að hönnuninni og skipulagsvinnu sem á að klárast í sumar. Við ætlum svo að hefjast handa við framkvæmdir í byrjun árs 2025. Hluti af þessu er að stytta 4. brautina til þess að fjarlægja þá hætta sem hefur myndast vegna nýrra húsa í Súluhöfða. Við höfum því stytt brautina og verður hún spiluð sem par þrjú hola.

Sara Íslandsmeistari í golfhermum 2024

Mon, 29 Apr 2024 12:05:00 GMT

Sara Kristinsdóttir, afreks- og landsliðskylfingur úr GM tryggði sér í gær Íslandsmeistaratitil í golfhermum 2024. Þetta er þriðja sinn sem keppt er um Landsmótsmeistaratitilinnen og var þetta var fyrsti sigur Söru í þessu móti.

Úrslitin fóru fram í gær, sunnudaginn 28. apríl, í íþróttamiðstöð GKG og var sýnt beint frá mótinu á Sportstöð hjá Sýn.

Í mótinu var leikið á Korpúlfsstaðavelli (Sjórinn/Áin) en leiknar voru 36 holur í úrslitunum þar sem að samtals 16 keppendur tóku þátt, 8 konur og 8 karlar.

Sara sigraði með fjögurra högg mun en hún lék á 12 höggum undir pari samtals (61-71) þar sem hún lagði grunninn með mögnuðum fyrri hring þar sem hún lék á 61 höggi eða 11 höggum undir pari vallar.

Ragnhildur Kristinsdóttir, GR, ríkjandi Íslandsmeistari í golfi, varð önnur á -8 samtals og jafnar í 3. sæti voru Elsa Maren Steinarsdóttir, GK, og Perla Sól Sigurbrandsdóttir, GR, á -1 samtals. Auður Bergrún Snorradóttir úr GM var einnig í úrslitunum og lauk leik á +3 (73-74) eða í 6. sæti.

Lokastaðan í kvennaflokki

Í karlaflokki sigraði Sigurður Arnar með fimm högga mun en hann lék á 16 höggum undir pari vallar (63-63). Kristján Þór Einarsson úr GM lék í úrslitunum en hann endaði í 4. sæti á 6 höggum undir pari (69-67).

Tvær undankeppnir fóru fram í vetur og var hægt að taka þátt á þeim stöðum þar sem að Trackman golfhermar eru til staðar. Alls tóku 153 keppendur þátt.

Stillingar eru fyrirfram ákveðnar og eru eins í öllum hermum. Brautir eru stilltar á mestu mýkt en flatir eru harðar með miðlungs hraða (flatir 9 fet á Stimp). Holustaðsetningar eru medium. Enginn vindur. Pútt eru hluti af leiknum og hermir því stilltur á Manual pútt. Hermir gefur pútt innan við 2,4 metra.

Fyrir sigurinn fékk Sara 130.000 kr. og farandbikar Íslandsmeistara í golfhermum en við óskum henni innilega til hamingju með titilinn!

Nýjir vertar í Bakkakoti

Wed, 24 Apr 2024 08:20:00 GMT

Í gær var undirritaður samningur við nýja verta í golfskálann í Bakkakoti.

Það eru þau Jónína Unnur Gunnarsdóttir og Birgir Örn Sigþórsson sem munu sjá um rekstur golfskálans í Bakkakoti næstu árin. Jónína og Birgir eru margreind úr veitingabransanum og hafa komið víða við. Þau eru bæði virkilega spennt fyrir þessari nýju áskorun og við erum þess fullviss að okkar félagsmenn sem og aðrir gestir í Bakkakoti eigi eftir að taka vel á móti þeim :)

Það hafa verið miklar breytingar í Bakkakoti síðastliðið ár, fyrst ber að nefna framkvæmdir við breytingar á vellinum. Við munum klára tvær nýjar brautir núna í byrjun sumars og leika vonandi inn á þær í haust.

Risinn er glæsilegur garðskáli sem stórbætir aðstöðuna fyrir alla kylfinga. Í gamla skálanum hefur eldhúsið verið tekið í gegn og verið er að leggja lokahönd á breytingar á afgreiðslunni í þar. Einnig hafa verið keypt ný húsgögn.

Svo eru það gleðitíðindi að vegurinn upp í Bakkakot verður lagaður á allra næstu dögum :)

Við hlökkum svo sannarlega til komandi sumars og samstarfsins við þau Nínu og Bigga og þau munu taka vel á móti ykkur upp í Bakkakoti :)

Breyting á Hlíðavelli - samkomulag við Mosfellsbæ undirritað.

Mon, 22 Apr 2024 15:24:00 GMT

Í síðustu viku var undirritað samkomulag við Mosfellsbæ varðandi breytingu á eldri hluta Hlíðavallar. Þetta er stórt og mikið framfaraskref fyrir okkur í GM og horfum við virkilega björtum augum til framtíðar þar sem okkar markmið er að byggja hér upp eitt allra glæsilegasta golfsvæði landsins.

Samkomulagið felur í sér aukið landsvæði inn Leirvoginn þar sem við munum byggja þrjár nýjar brautir eins og sést á meðfylgjandi mynd. Edwin Roald golfvallahönnuður hefur unnið að þessum breytingum með okkur og munum við fljótlega boða til félagsfundar þar sem við kynnum þetta nánar.

Við munum strax í vor stytta núverandi fjórðu braut til þess að fjarlæga alveg þá hættu sem myndast þar vegna nálægðar við hús í Súluhöfða. Það er tímabundin aðgerð á meðan við klárum hönnun og framkvæmdir á þremur nýjum golfbrautum. Á myndinni hér að ofan má sjá fyrstu drög að nýjum holum við Leirvoginn. Byrjað verður á því að gera holur nr 5 og 6 á myndinni ásamt einni nýrri holu þar sem holur eitt og níu eru í dag. Þetta mun ekki hafa nein áhrif á leik á Hlíðavelli á meðan að á þessari vinnu stendur.

Við höfum átt í góðu samtali við fulltrúa Mosfellsbæjar undanfarna mánuði og þökkum við þeim kærlega fyrir gott samstarf og þeirra stuðning við Golfklúbbinn, framtíðin er svo sannarlega björt hjá okkur í GM!

Nú tekur við skipulagsvinna og það að fullhanna breytingarnar sem á að vera lokið í júlí næstkomandi og svo hefjumst við handa við framkvæmdir vonandi í upphafi árs 2025 og byrjum að spila inn á nýjar holur um mitt sumar 2026. Stefnt er að því að endurhanna og byggja upp allar 9 holurnar á eldri hluta vallarins samkvæmt hönnun Edwins Roalds.

Stefnt er að því að hafa opinn félagsfund í lok næstu viku og kynna þessar framkvæmdir.

Regína Ásvaldsdóttir bæjarstjóri og Andrea Jónsdóttir, varaformaður GM undirrita samkomulag um breytingu á eldri hluta Hlíðavallar.

Frétt um samkomulagið á heimasíðu Mosfellsbæjar.

Hjalti í sigurliði Íslands á Nordic Cup 2024

Mon, 22 Apr 2024 10:32:00 GMT

Hjalti Pálmason í GM og landsliðskylfingur öldunga var í sigursveit Íslands á Nordic Cup 2024 sem haldið var á Spáni 17.-20. apríl sl., 12 lið tóku þátt. Mótið var haldið í fyrsta sinn og sem eins konar óopinbert Norðurlandamót fyrir sveitir skipaðar leikmönnum 40 ára og eldri.

Leikið var á tveimur völlum, Alhama Signature og Saurines, sem báðir eru hannaðir af Jack Nicklaus.

Til mótsins sendi Íslands þrjú fjögurra manna lið skipuð leikmönnum 50 ára eða eldri, Finnland tvö lið og Norðmenn eitt lið. Svíþjóð sendi sex lið til leiks, þrjú skipuð leikmönnum 40 ára og eldri og þrjú skipuð leikmönnum 50 ára eða eldri. Svíþjóð var eina landið sem sendi lið skipuð leikmönnum undir 50 ára aldri.

Fyrstu tvo dagana var leikinn 36 holu höggleikur og eftir það var liðunum skipað í þrjá fjögurra liða riðla eftir frammistöðu, A,B og C. Þar sem efstu liðin í A-riðli myndu keppa um sigurinn.

Ísland 1, skipað Hjalta, Jóni H. Karlssyni GR, Sigurbirni Þorgeirssyni GFB og Tryggva Trausasyni GSE, varð efst eftir höggleikinn og skipaði A riðil ásamt Noregi sem varð í öðru sæti, Svíþjóð 51 og Svíþjóð 41 sem urðu í 3. og 4. sæti.

Þá tók við holukeppni þar sem leiknir voru tveir einmenningsleikir og einn fjórleikur.

Ísland 1 lék í undanúrslitum við við liðið í fjórða sæti eftir höggleikinn, Svíþjóð 41, en Noregur sem varð í öðru sæti eftir höggleikinn lék við Svíþjóð 51. Ísland hafði betur í sinni viðureign 2,5-0,5. Hjalti vann sinn leik 3/2, Sigurbjörn vann sinn leik 2/1 og Jón H. og Tryggvi gerðu jafntefli. Norðmenn unnu Svíþjóð 51.

Í úrslitum léku því Ísland 1 og Norðmenn og hafði Ísland 1 betur 2-1. Hjalti vann sinn leik 5/4, Jón H. og Tryggvi unnu sinn leik 3/2 en Sigurbjörn tapaði sínum leik 3/2.

Ísland 1 er því meistari Norðurlanda í sveitakeppni öldunga 2024.

Ísland 3 endaði í 9. sæti og Ísland 2 endaði í 10. sæti.

Hér má sjá stöðuna eftir höggleikinn.

Við óskum íslenska liðinu og Hjalta innilega til hamingju með frábæran árangur!

Pamela sigraði í Portúgal

Tue, 02 Apr 2024 14:53:00 GMT

Pamela Ósk Hjaltadóttir, landsliðskylfingur úr GM sigraði á Spring Junior Games mótinu á Global Junior Golf mótaröðinni. Hún lék hringina 3 á 81-77-77 höggum í erfiðum aðstæðum þar sem rok og rigning spilaði verulega inn í leikinn.

Við óskum við henni innilega til hamingju með þennan frábæra árangur.

Gunnlaugur úr GKG sigraði einnig í sínum flokk og óskum við honum til hamingju.

Hér má sjá lokastöðuna.

Sannarlega glæsilegur árangur hjá þessum flottu kylfingum!

Íþróttamiðstöðin Klettur - opnunartími yfir páska

Wed, 27 Mar 2024 09:30:00 GMT

Inniaðstaðan okkar verður opin sem hér segir yfir páskana:

Fimmtudagur 28. mars 9:00 - 22:30

Föstudagurinn Langi 29. mars - Lokað

Laugardagur 30. mars - 09:00 - 22:00

Sunnudagur, Páskadagur - Lokað

Mánudagur, 1. apríl - 09:00 - 22:30.

Gleðilega páska.

Berglind skrifar undir hjá Fresno

Mon, 18 Mar 2024 14:28:00 GMT

Berglind Erla Baldursdóttir landsliðskylfingur úr GM skrifaði nýlega undir hjá Fresno State háskólanum í Kaliforníufylki. Hún mun leika golf fyrir lið skólans á skólastyrk og byrjar nám í haust. Liðið leikur í NCAA 1. deild.

Atvinnukylfingurinn Guðrún Brá Björgvinsdóttir lék fyrir Fresno á árunum 2013-2016 með góðum árangri og hefur síðan farið í atvinnumennsku í golfi.

Við óskum Berglindi innilega til hamingju og góðs gengis í þessu spennandi verkefni.

Nick Carlson sigraði á Next mótaröðinni

Tue, 27 Feb 2024 08:55:00 GMT

Nick Carlson afrekskylfingur í GM gerði sér lítið fyrir og sigraði á síðasta móti í NEXT mótaröðinni sem leikin er í Trackman golfhermunum. Nick spilaði virkilega gott golf og endaði á níu undir pari.

Hringurinn gekk vel og hann fór vel af stað, spilaði gott golf og var með gott leikplan sem skilaði sér í fjórum fuglum í röð á holum 3 - 6. Á níundi vippaði hann svo boltanum í fyrir fugli og var þar kominn í forystu í mótinum ásamt öðrum kylfingum. Þarna var Nick búinn að spila virkilega vel og allt að ganga upp hjá honum. Hann hélt áfram að spila vel en kom sér svo í talsverð vandræði þegar hann setti upphafshöggið sitt í vatn. Þarna leit þetta ekkert sérstaklega vel út fyrir hann en þá gerði hann sér lítið fyrir og setti næsta högg ofaní og tryggði sér fugl. Höggið var 268 metra langt með brautartré og beint í holu, stórkostlegur fugl. Svo fylgdi í kjölfarið fugl á 17. braut og gott par á 18.

Hér má sjá myndband af því hvernig hann lék holu 16 :) Draumahöggið!

Eftir að NIck hafði lokið leik voru ennþá nokkrir dagar eftir af mótinum þannig að biðin var stressandi sem það fór þannig að okkar maður hafði sigur og óskum við honum kærlega til hamingju!

Það er virkilega mikils virði að vinna mót á þessari mótaröð, verðlaunaféð er gott og þetta léttir talsvert undir þeim kostnaði sem fylgir því að vera atvinnumaður í golfi. Það er mikið af ferðalögum sem tengjast því að keppa í mótum og þess háttar.

Það er eitt mót eftir á mótaröðinni og á hann góða möguleiki á því að enda í efsta sæti stigalistans ef hann spilar vel á lokamótinu. Það er mikið í húfi að enda efstu þar. Sigurvegari mótaraðarinnar fær boð í þrjú mót á Challenge Tour mótaröðínni og eitt mót á DP World Tour sem er evrópska mótaröðin.

Sannarlega glæsilegur árangur hjá okkur manni og vonum við svo sannarlega að honum gangi vel í lokamótinu.

Nick verður vonandi talsvert hjá okkur í sumar og kemur þá inn í þjálfarahópinn okkar ásamt því að sinna almennri kennslu.

Frábær hringur hjá Hjalta Kristjáni

Mon, 26 Feb 2024 09:18:00 GMT

Hjalti Kristján Hjaltason 14 ára landsliðskylfingur í Golfklúbbi Mosfellsbæjar lék á 59 höggum án forgjafar á Íslensku mótaröðinni í Trackman um helgina.

Er þetta í fyrsta sinn sem leikið er 59 eða betra skori á mótaröðinni, en eins og kylfingum er kunnugt þykir það mjög eftirskóknarvert að ná skori undir 60 höggum á 18 holum í golfi. Mótaröðin sem leikin er í Trackman er samstarfsverkefni golkfklúbba yfir vetrartímann m.a. til að fjölga keppnistækifærum fyrir íslenska kylfinga og skiptast klúbbarnir á að halda hvert mót fyrir sig.

Mótið sem Hjalti Kristján lék í um helgina var þriðja mótið í mótaröðinni í vetur og var leikið á vellinum The Great Northern, sem er danskur golfvöllur. Parið á vellinum er 72 högg og með því að leika á 59 höggum var Hjalti Kristján á 13 höggum undir pari vallarins sem samsvarar forgjöf +6,8 á þeim teigum sem hann lék á í flokki 14 ára og yngri drengja.

Þess má geta að Hjalti Kristján var nálægt því að leika á 59 höggum í öðru móti mótaraðarinnar í janúar en þá lék hann á 60 höggum á PGA West Nicklaus Tournament Course, sem samsvarar forgjöf +4,9.

Hér fyrir neðan má sjá skorkort Hjalta Kristjáns upp á 59 högg:

Félagsferð GM til Islantilla næstkomandi haust

Tue, 20 Feb 2024 13:37:00 GMT

Golfklúbbur Mosfellsbæjar í samstarfi við Icelandair VITA bjóða upp á glæsilega golfferð til Islantilla 18. til 28. október næstkomandi.

Við fórum til Valle del Este í október síðastliðnum og var sú ferð í alla staði alveg frábær. Það seldist upp í þá ferð og því um að gera að tryggja sér sæti sem fyrst. Islantilla er glæsilegt golfsvæði með 27 holum.

Í þessum hlekk hér að neðan má finna allar upplýsingar um ferðina ásamt bókunarupplýsingum;

félagsferð gm til islantilla á spáni 18-28.okt 2024.pdf

Við eigum bókuð 72 sæti í þessa ferð og við lofum stuði og stemmningu :)

Síðustu GM ferðir hafa tekist virkilega vel og við ætlum að halda áfram að skemmta okkur saman og búa til góðar minningar!

Allar upplýsingar varðandi ferðina er hægt að fá hjá VITAgolf í sima 5704457 eða á golf@vita.is.

Islantilla golfsvæðið

Árshátið GM haldin síðastliðinn laugardag

Tue, 13 Feb 2024 09:12:00 GMT

Árhátið Golfklúbbs Mosfellsbæjar fór fram síðastliðinn laugardag.

Það voru rétt tæplega 110 manns sem mættu og skemmtu sér vel.

Veitt voru verðlaun fyrir innanfélagsmót sumarsins.

Á myndinni hér að neðan eru liðsmenn Team Family sem vörðu titilinn sinn í Viking deildinni og óskum við þeim til hamingju með það :)

VITAgolf mótaröðini sigruðu þau Harpa Sigurbjörnsdóttir og Geir Jón Geirsson.

Hér má sjá Hörpu ásamt Kára formanni. Harpa mun skella sér í sólina í haust með 70 hressum GM félögum :)

Titleist holukeppnina sigruðu þau Lena Ýr Sveinbjarnardóttir og Björgvin Franz Björgvinsson, þau gátu því miður ekki mætt.

Einnig voru veitt verðlaun fyrir félagsmann ársins, sem að þessu sinni er Arnór Daði Rafnsson.

Arnór Daði er 21 árs gamall og hefur verið meðlimur í Golfklúbbi Mosfellsbæjar frá því að hann var krakki.

Arnór er einn af okkar allra efnilegustu kylfingum og forgjöfin hans verður ávallt lægri og lægri.

Arnór hefur marga góða kosti, hann er flott fyrirmynd fyrir ungu krakkana okkar. Hann hefur starfað við golfskólann okkar mörg undanfarin ár og staðið sig alveg frábærlega þar. Hann leggur sig fram við að upplifun krakkana sé sú allra besta og er ávallt boðinn og búinn til þess að aðstoða þegar þörf er á. Hann mætir snemma og sér til þess að allt sé upp á 10 og er síðastur að fara.

Hans helsti kostur er þó hversu góður drengur hann er og er hann frábær fulltrúi Golfklúbbs Mosfellsbæjar hvar sem hann kemur. Árangur hans í golfinu hefur verið góður og hann styður alveg einstaklega vel við bakið á sínum félögum í GM og er ávallt boðinn og búinn ef hann getur á einhvern hátt lagt sitt af mörkum fyrir sína liðsfélaga í GM eða fyrir klúbbinn sjálfan.

Það er okkur sannur heiður að veita Arnóri þessa viðurkenningu sem félagsmaður ársins, hann er virkilega vel að henni kominn.

Við óskum honum innilega til hamingju og vitum að hann á eftir að vera flottur og öflugur fulltrúi Golfklúbb Mosfellsbæjar áfram.

Einnig óskum við öllum verðlaunahöfunum innilega til hamingju með sinn árangur og þökkum öllum þeim sem mættu kærlega fyrir komuna :)

Ingi Þór Ólafsson valinn íþróttamaður Seltjarnarness

Mon, 12 Feb 2024 10:34:00 GMT

Ingi Þór, kylfingur í Golfklúbbi Mosfellsbæjar kjörinn íþróttamaður Seltjarnarness. Ingi leikur á mótaröð þeirra bestu og endaði í 8. sæti á stigalista mótaraðarinnar 2023. Hápuktur sumarsins var 4. sæti í Íslandsmótinu í höggleik en einnig var hann í öðru sæti í Hvaleyrarbikarnum. Ingi Þór lék í karlasveitinni okkar sem sigruðu Íslandsmót golfklúbba 2023 og má segja að Ingi Þór hafi verið einn af lykilmönnum sveitar GM. Í kjölfarið var hann valinn í lið þriggja kylfinga úr GM til að leika á Evrópumóti golfklúbba í Portúgal.

Ingi Þór fór í tvö úrtökumót fyrir Nordic mótaröðina í haust og lék frábært golf og tryggði sér fullan þátttökurétt á mótaröðinni fyrir keppnistímabilið 2024. Einnig var Ingi Þór valinn í landsliðshóp GSÍ fyrir 2024.

Óskum við Inga innilega til hamingju með valið.

Meistaramót GM 2024

Fri, 26 Jan 2024 08:56:00 GMT

Ágætu GM félagar.

Meistaramót GM 2024 verður haldið dagana 30. júní til 6. júlí í sumar.

Í þessum hlekk hér má sjá hvaða daga flokkarnir leika. Meistaramót GM 2024

Staðan er þannig í sumar að Íslandsmótið í höggleik færist til og verður leikið í júlí. Það hefur ávallt verið leikið í ágúst mánuði en færist núna í ár fram í júlí. Þetta hefur áhrif á önnur mót sem þá einnig færast til.

Við höfum því tekið þá ákvörðun að mótið verði leikið á þessum dögum og fært flokkana aðeins til. Það verður einungis gert núna í ár og færist svo aftur í sama horf 2025.

Skrifstofa GM lokuð yfir hátiðirnar

Wed, 20 Dec 2023 09:54:00 GMT

Ágætu GM félagar.

Skrifstofa GM verður lokuð frá og með fimmtudeginum 21. desember og opnar svo aftur fimmtudaginn 4. janúar.

Ef ykkur vantar aðstoð þá er hægt að senda tölvupóst á golfmos@golfmos.is og við svörum við fyrsta tækifæri.

Gleðileg jól!

Opnunartímar í íþróttamiðstöðinni yfir hátíðarnar

Tue, 19 Dec 2023 11:02:00 GMT

Ágætu GM félagar.

Íþróttamiðstöðín okkar verður opin yfir hátíðirnar eins og hér segir:

Laugardaginn 23. desember - Venjulegur opnunartími 09:00 til 22:00

Aðfangadagur 24. dessember - 09:00 til 14:00

Jóladagur 25. desember - Lokað

Annar í jólum 26. desember - Lokað

27 til 30 desember - venjulegur opnunartími 09:00 - 22:00

Gamlársdagur 31. desember - 09:00 til 14:00.

Nýjársdagur 1. janúar - Lokað

Gleðileg Jól :)

GSÍ þjónustukönnun

Fri, 08 Dec 2023 09:53:00 GMT

GSÍ hefur undanfarin ár staðið fyrir þjónustukönnun hjá íslenskum kylfingum. Hefur könnunin verið gerð annaðhvert ár síðan 2017.

Það er gaman að sjá hversu ánægðir GM félagar eru og er það hvetjandi fyrir stjórn sem og starfsfólk að sjá svona jákvæðar niðurstöður.

Það er mikil ánægja með golfvellina okkar sem og flest annað sem þarna er skoðað og það er sérstaklega gaman að sjá hversu sterkur félagsandinn í GM er.

Við höldum áfram að efla GM og framtíðin er björt :)

gm_2023 - gsí könnun.ppt

gm_17-23 - gsí könnun.ppt

Innheimta árgjalda 2024

Tue, 05 Dec 2023 15:28:00 GMT

Árgjöld fyrir árið 2024 hafa verið send út í gegnum Sportabler líkt og í fyrra.

Hægt er að skipta greiðslum í allt að 11 skipti sé gengið frá skiptingu fyrir 22. desember.

Þau ykkar sem ætlið ykkur ekki að vera áfram meðlimir í GM eruð vinsamlegast beðin um að hafa samband við skrifstofu GM í gengum golfmos@golfmos.is eða í síma 5666999 og tilkynna úrsögn. Sé það ekki gert þá gerum við ráð fyrir því að þið ætlið ykkur að vera meðlimir áfram.

Ef ekkert er gert fyrir 22. des þá munum við líkt og áður senda árgjöldin út og skipta þeim í fjórar greiðslur, fyrsti gjalddagi 2. janúar, 2024.

Smellið hér til þess að ganga frá greiðslu í gegnum Sportbler

Aðalfundur Golfklúbbs Mosfellsbæjar - skýrsla stjórnar og ársreikningur

Mon, 04 Dec 2023 10:21:00 GMT

Ágætu GM félagar.

Minnum á aðalfund félagsins sem fer fram í kvöld kl. 20:00 í íþróttamiðstöðinni Kletti.

Dagskrá fundar:

1. Kosning fundarstjóra og fundaritara.

2. Skýrsla stjórnar um störf og framkvæmdir á vegum félagsins

3. Áritaðir reikningar kynntir

4. Umræður um skýrslu stjórnar og reikningar lagðir fram til samþykktar

5. Lagabreytingar

6. Rekstraráætlun komandi starfsárs kynnt

7. Ákvörðun félagsgjalda

8. Kosning stjórnar, formanns og tveggja skoðunarmanna reikninga

9. Kosning aganefndar og kjörnefndar

10. Önnur mál.

Stjórn GM.

ársreikningur gm 2023.pdf

skýrsla stjórnar - 2023.pdf

Eva í 2. sæti á West Cliffs

Wed, 29 Nov 2023 10:40:00 GMT

Eva Kristinsdóttir lauk leik í 2. sæti eftir flotta spilamennsku á West Cliffs vellinum í Portúgal. Mótið, sem hét GJG Portuguese Junior Classics, var annað mótið í röð sem leikið var í Portúgal á Global Jr. mótaröðinni en Eva endaði í 3. sæti í fyrra mótinu.

Eva lék hringina þrjá á 78-75-73 eða 10 höggum yfir pari, 7 höggum á eftir sigurvegaranum. Eva fékk alls 10 fugla í mótinu en á móti 9 skolla, 3 tvöfalda skolla og 1 fjórfaldan skolla.

Hér má sjá úrslit mótsins.

Eftir mótið er Eva í 689. sæti á heimslista áhugamanna og þriðja efst af íslensku áhugamannakylfingunum.

Við óskum Evu innilega til hamingju með flott tvö mót í Portúgal og golftímabil.

Hola í höggi og bronsverðlaun í Portúgal

Wed, 22 Nov 2023 09:48:00 GMT

Eva Kristinsdóttir landsliðskylfingur í GM lauk móti á Global Junior mótaröðinni í Portúgal í þriðja sæti en á fyrsta hring mótsins fór hún holu í höggi á 8. braut vallarins.

Global Junior mótaröðin hefur komið til Íslands síðustu tvö ár á Hlíðavöll en mótið heitir Icelandic Junior Midnight Challenge. Eva Kristinsdóttir sigraði á því móti í sumar og fékk í verðlaun þátttökurétt eitt Global Jr. mót í Portúgal en í þessari ferð leikur hún á tveim mótum, GJG Junior Trophy sem lauk í gær og GJG Portuguese Junior Classics sem hefst á morgun.

GJG Junior Trophy var leikið á Praia D´el Rey golfvellinum og voru leiknir 3 hringir og er parið á vellinum 73. Eva lék hringina á 75-78-80 höggum eða 14 höggum yfir pari og endaði í 3. sæti í sínum aldursflokki. Alls fékk Eva 7 fugla og 2 erni í mótinu en annar arnanna var hola í höggi á 8. holu á fyrsta hring. Holan var 84 metrar yfir vatn og notaði hún sandjárn.

Við óskum Evu innilega til hamingju með höggið og flottan árangur. Hún keppir aftur á morgun á GJG Portuguese Junior Classics mótinu sem fer fram á West Cliffs vellinum einnig í Portúgal.

Golfklúbbur Mosfellsbæjar fékk sjálfbærniverðlaun GSÍ 2023

Tue, 14 Nov 2023 11:41:00 GMT

Síðastliðinn laugardag var okkur í Golfklúbbi Mosfellsbæjar veitt sjálfbærniverðlaun GSÍ.

Það er okkur mikill heiður að fá þessi verðlaun og þökkum við GSÍ kærlega fyrir.

VIð erum að sjálfsögðu virkilega stolt af þessari viðurkenningu og þetta hvetur okkur áfram í þeirri vegferð sem við erum í, í umhverfis og sjálfbærni málum.

Hér að neðan má sjá frétt við þetta tilefni frá GSÍ.

Viðurkenning þess efnis var afhent á þingi Golfsambands Íslands sem fram fór laugardaginn 11. nóvember á Grand Hótel í Reykjavík. Þetta er í þriðja sinn sem GSÍ veitir slíkt verðlaun til golfklúbbs á Íslandi en Keilir í Hafnafirði fékk verðlaunin þegar þau voru veitt í fyrsta sinn árið 2021. Golfklúbburinn Oddur fékk verðlaunin í fyrra.

Sjálfbærniverðlaun GSÍ er verkefni sem samþykkt var með stefnu GSÍ 2020-2027 á Golfþingi árið 2019, en í stefnu GSÍ kemur fram að verðlaunin verði veitt í fyrsta sinn á Golfþingi sem haldið er í nóvember 2021.

Verðlaunin eru veitt sem viðurkenning frá GSÍ til golfklúbba sem vinna að heilindum að sjálfbærnimálum og hafa jákvæð áhrif á samfélagið með því að gæta að beinum og óbeinum umhverfis- og félagslegum áhrifum.

Sá golfklúbbur sem verðlaunin hlýtur viðurkenninguna hverju sinni fær verðlaunagrip ásamt aðgengi að merki sjálfbærniverðlaun GSÍ.

Hulda Bjarnadóttir, forseti GSÍ, afhenti verðlaunin á golfþinginu og Kári Tryggvason formaður GM tók við viðurkenningunni fyrir hönd klúbbsins.

Hulda sagði eftifarandi þegar viðurkenningin var ahent.

„Golfklúbbur Mosfellsbæjar hlaut nýlega sjálfbærnivottun GEO, en í henni felst úttekt á fjölmörgum þáttum í starfi golfklúbbs, m.a. umhverfislegum og samfélagslegum.

Hlíðavöllur er í dag eitt besta dæmi okkar um blandað, fjölnota útivistarsvæði með golfvöll í aðalhlutverki. Þetta á sérstaklega við um yngri hluta vallarins, á Blikastaðanesi, en strandlengjan þar var friðuð fyrir ári í samstarfi Umhverfisstofnunar, Reykjavíkurborgar og Mosfellsbæjar. Það hefði líklega aldrei orðið ef GM hefði ekki haft frumkvæði að verndun svæðisins gagnvart byggðaáformum sem uppi voru fyrir 20 árum, með mótun landnýtingartillögu með hestamannafélaginu í bænum og stangveiðifólki.

Þá rekur félagið öflugt starf fyrir yngri og eldri kylfinga, með tilheyrandi ávinningi á vettvangi íþrótta- og æskulýðsstarfs og lýðheilsu.“

Sara skrifar undir hjá Troy háskólanum

Thu, 09 Nov 2023 16:17:00 GMT

Afrekskylfingurinn Sara Kristinsdóttir úr GM hefur skrifað undir samning við Troy háskólann í Bandaríkjunum. Skólinn er í Alabama og keppir í NCAA division 1. í Sun Belt deildinni (conference).

Sara mun hefja nám haustið 2024 og keppa fyrir golflið háskólans á skólastyrk. Við óskum Söru innilega til hamingju og góðs gengis í komandi verkefnum.

Vetrargolf á Hlíðavelli

Wed, 01 Nov 2023 15:26:00 GMT

Það er ennþá hægt að spila golf á Hlíðavelli. Líkt og ávallt þá höfum við opnað vetrarvöllinn okkar.

Hann er á fyrri níu holum vallarins.

Rástímaskráning er opin í golfboxinu.

Vinsamlegast athugið að það eru engir teigar á vellinum. Er það gert til þess að dreifa álagi betur og reyna að minnka það að svæði skemmist mikið í vetur. Þið ráðið því hvar þið byrjið næstu holu, (það er óheimilt á fara inn á teigana) og getið þið haft völlinn mismundandi.

Það eru mottur við golfskálann og það er skylda að vera með mottu út á velli, alveg sama hvaðan er slegið.

Karlalið GM í 12. sæti á Evrópumeistaramóti golfklúbba

Mon, 30 Oct 2023 12:46:00 GMT

Íslandsmeistaralið Golfklúbbs Mosfellsbæjar tók þátt í Evrópumóti Golfklúbba sem fór fram á Troia golfvellinum í Portúgal 26. - 28. október. Lið GM endaði í 12. sæti af 21 í liðakeppninni en krefjandi aðstæður og golfvöllur gerði kylfingum erfitt fyrir í móti þar sem skorið var almennt hátt. Kristján Þór Einarsson, Íslandsmeistari í golfi 2022, Ingi Þór Ólafson og Kristófer Karl Karlsson skipuðu lið GM og Andri Ágústsson var liðsstjóri.

Keppnisfyrirkomulagið var höggleikur þar sem að tvö bestu skorin af alls þremur hjá hverju liði töldu.

Ingi Þór Ólafson lék á +17 samtals eða 233 höggum (78-83-72) og var í 25. sæti í einstaklingskeppninni. Kristján Þór Einarsson lék einnig á 233 höggum eða +17 (72-83-78). Kristófer Karl Karlsson lék á +25 eða 241 höggum (78-79-84) og endaði hann í 41. sæti.

Við óskum okkar kylfingum til hamingju með fínt mót og flottan árangur í sumar!

Lokun Hlíðavallar

Mon, 30 Oct 2023 09:55:00 GMT

Ágætu GM félagar.

Í dag verður síðasti golfdagurinn á Hlíðavelli þar sem tekin hefur verið sú ákvörðun að loka vellinum frá og með morgundeginum 31. október.

Það var talsvert frost í nótt og það á að bæta í frostið næstu daga og lítill hiti yfir sjálfan daginn.

Ef hitastig hækkar aftur munum við að sjálfsögðu skoða það að opna aftur :)

Við viljum þakka ykkur kærlega fyrir frábært sumar, það kom seint en þegar það var það virkilega gott.

Þrátt fyrir erfitt vor þá voru vellirnir okkar í virkilega góðu standi stærstan hluta sumars og sjaldan verið jafn mikið spil á okkar völlum og var í sumar.

Við minnum á að golfhermarnir okkar eru að sjálfsögðu opnir, bókun á þeim fer fram í gegnum heimasíðuna okkar.

Pamela Ósk lék á heimsmeistaramóti stúlkna

Mon, 09 Oct 2023 15:12:00 GMT

Pamela Ósk Hjaltadóttir landsliðsstúlka úr Golfklúbbi Mosfellsbæ var valin í þriggja manna stúlknalið Íslands til að leika á Heimsmeistaramótinu sem fór fram í Brampton vellinum í Kanada 4.-7. október síðastliðinn. Í íslenska liðinu voru þær Helga Signý Pálsdóttir og Perla Sól Sigurbrandsdóttir með Pamelu í liði. Þetta er í fyrsta sinn sem íslensku liði er boðið að taka þátt á þessu móti.

Leiknar voru 72 holur og gildu tvö bestu skorin í á hverjum hring í hverju liði í liðakeppninni en einnig var haldið utanum einstaklingsskor í mótinu. Brampton golfvöllurinn var langur, karginn þykkur og flatirnar hraðar sem gerði erfitt fyrir bestu kylfingum heims í mótinu.

Íslenska liðið endaði í 20. sæti á 47 höggum yfir pari.

Pamela Ósk lék hringina fjóra á 41 höggi yfir pari (85 76 86 78) og endaði í 63. sæti. Perla Sól lék best íslensku stúlknanna en hún endaði í 21. sæti á 12 höggum yfir pari samtals.

Við óskum stúlknalandsliði Íslands innilega til hamingju með þessa fyrstu innkomu inn á Heimsmeistaramótið í golfi.

Meira um mótið má finna hér .

Kvennasveit GM í 9. sæti á EM klúbba

Sun, 08 Oct 2023 21:57:00 GMT

Eftir sigur kvennasveitar GM á Íslandsmóti golfklúbba fékk golfklúbburinn þátttökurétt á Evrópumóti golfklúbba sem fór fram 5.-7. október á Pravets golfvellinum í Búlgaríu. Þetta er í annað skiptið í röð sem GM leikur í mótinu enda annað árið í röð sem GM vinnur Íslandsmeistaratitil golfklúbba.

Golfklúbbur Mosfellsbæjar sendi 3 fulltrúa og voru það Berglind Erla Baldursdóttir, Eva Kristinsdóttir & Sara Kristinsdóttir. Katrín Dögg Hilmarsdóttir þjálfari fór með sem fararstjóri og liðsstjóri.

Leikfyrirkomulag var þriggja daga höggleikur og voru 2 bestu skorin af 3 sem gildu hvern daginn.

Lið Golfklúbbs Mosfellsbæjar endaði í 9. sæti af 16 liðum á 37 höggum yfir pari en voru aðstæður erfiðar og golfvöllurinn langur. Lið Racing Club de France vann liðakeppnina á 4 höggum yfir pari og voru því öll lið mótsins yfir pari í mótinu. Í einstaklingskeppninni var Eva Kristinsdóttir best í okkar liði en hún endaði á 17 höggum yfir pari í 17. sæti. Sara Kristinsdóttir lék á 20 höggum yfir pari og endaði í 21. sæti. Berglind Erla Baldursdóttir lék á 37 höggum yfir pari og endaði í 34. sæti.

Við óskum fulltrúum GM til hamingju með árangurinn.

Hér má sjá meira um mótið.

Ingi og Kristófer flugu í gegnum fyrsta stigið

Thu, 05 Oct 2023 21:52:00 GMT

Ingi Þór Ólafson og Kristófer Karl Karlsson tryggðu sér þátttökurétt á lokaúrtökumótinu fyrir Nordic mótaröðina en þeir fóru örugglega í gegn um fyrsta stigið.

Mótið fór fram á Greve golfvellinum í Danmörku og komust 26 efstu áfram á lokastig úrtökumótsins sem fram fer dagana 11.-12. október. Lokaúrtökumótið fer fram á Rya golfvellinum í Helsinborg í Svíþjóð.

Ingi (75-71) og Kristófer (74-72) léku hringina samtals á +2 og enduðu í 8-10. sæti.

Lokaúrtökumótið fer fram á Rya golfvellinum í Helsinborg í Svíþjóð 11.-12. október og við óskum Inga og Kristófer góðs gengis.

Hægt er að sjá nánari úrslit mótsins hér .

Innanfélagsmótaraðir GM - úrslit

Wed, 04 Oct 2023 08:54:00 GMT

Líkt og áður fóru fram í sumar þrjár innanfélags mótaraðir hjá okkur og tókust þær virkilega vel.

Það var talsverð aukning á þáttöku í öllum mótum og er það frábært og verður vonandi áframhaldandi aukning á þátttöku í þessum skemmtilegu mótum.

Titleist holukeppnin:

Það voru 101 karl og 38 konur sem hófu leik í Titleist holukeppninni. Þar voru spilaðir margir spenniandi leikir og í lokin voru það þau Lena Ýr Sveinbjörnsdóttir og Björgvin Franz Björgvinsson sem stóðu uppi sem sigurvegarar.

Björgvin Franz lék til úrslita við Hákon Gunnarsson og endaði á því að sigra 1/0 í spennandi leik.

Í kvennaflokki lék Lena Ýr við Heklu Daðadóttir í úrslitaleiknum og sigraði 2/1.

VITAgolf mótaröðin.

Þátttaka í VITAgolf mótaröðinni var einnig góð, en við viljum að sjálfsögðu sjá fleiri vera með. Það voru rétt um 80 kylfingar sem tóku þátt í ár.

Sigurvegarar eru þau Harpa Sigurbjörnsdóttir og Geir Jón Geirsson og vinna þau sér inn sæti í GM ferðinni okkkar á næsta ári.

VIKING deildin.

VIKING deildin var æsispennandi í ár. Það voru 27 lið sem skráðu sig til leiks í upphafi og því var leikin undankeppni sem var æsispennandi og skemmtileg. Það voru svo 16 lið sem hófu leik og úr varð að Team Family og FÍG léku til úrslita, sem er endurtekning á úrslitaleiknum 2022. Það var Team Family sem stóð uppi sem sigurvegari og vörðu því titil sinn frá því í fyrra. Team family er skipað eftirfarandi kylfingum, Hans Georg Júlíusson, Björn Óskar Guðjónsson, Gunnlaugur Júlííusson, María Eir Guðjónsdóttir, Guðjón Helgi Guðmundsson, Davíð Gunnlaugsson, Björn Óskar Björgvinsson og Ragnar Már Ríkharðsson.

Við óskum sigurvegurum ársins innilega til hamingju með árangurinn. Verðlaunaafhending fer fram líkt og áður á árshátíð klúbbsins sem haldin verður í febrúar.

Við þökkum öllum þeim sem tóku þátt í sumar kærlega fyrir þáttökuna :)

Bændaglíma GM

Mon, 02 Oct 2023 13:13:00 GMT

Bændaglíma GM fór fram síðastliðinn laugardag og þar var stuð og stemmning líkt og ávallt.

Það var pakkfullt í mótið og 104 kylfingar skráðir til leiks. Bændur voru þeir Kristján Þór Einarsson sem fór fyrir bláa liðinu og Stefán Þór Steindórsson fyrir því rauða.

Úr varð hörkukeppni sem endaði með sigri bláa liðsins með 29 vinningum gegn 23. Óskum við liðsmönnum bláa liðsins kærlega til hamingju með sigurinn.

Í lok móts var svo slegið upp veislu og alvöru hlaðborði að hætti Blik bistro.

Það var svo hún Heiða Guðnadóttir sem skoraði á sigurbóndann og því ljóst að hún og Kristján munu leiða sín lið á næsta ári.

Breyttur opnunartími

Mon, 02 Oct 2023 08:19:00 GMT

Nú er október genginn í garð og styttist í annan endann á þessu flotta golfsumri.

Nú styttist í að við lokum golfbúðinni okkar fyrir veturinn. Hún verður þó opin eitthvað lengur en þá einungis á milli 8 og 16 á virkum dögum.

Það verður vonandi hægt að spila lengur inn í haustið og okkar vellir eru að sjálfsögðu opnir eins lengi og hægt er.

Frá og með deginum í dag eru vellirnar einungis opnir fyrir GM félaga.

Bændaglíman - liðsskipan

Fri, 29 Sep 2023 10:22:00 GMT

Það hefur heldur betur ræst úr veðurspánni fyrir morgundaginn og mikil spenna fyrir Bændaglímunni :)

Það er fullt í mótið líkt og ávallt og hlökkum við til að sjá ykkur öll í fyrramálið.

Það er mæting kl. 9:00 þar sem í boði verður léttur morgunverður og svo ræsum við út af öllum teigum kl. 10:00.

Eftir hring verður svo lambahlaðborð og partý.

Hér að neðan má sjá liðin. Við höfum þurft að gera einhverjar breytingar og biðjum við ykkur að athuga hvoru liðinu þið spilið með ef þið hafið færst til.

Uppskeruhátíð barna- og unglinga 2023

Fri, 29 Sep 2023 08:46:00 GMT

Vel heppnuð uppskeruhátíð fór fram fimmtudaginn 28. september fyrir golfsumarið 2023. Rúmlega 60 iðkendur mættu í Klett og var keppt í 3 greinum, púttkeppni, vippkeppni og golf Kahoot og veitt voru verðlaun fyrir þessar greinar. Því næst var boðið upp á hamborgara sem endaði með verðlaunaafhendingu fyrir Prósjoppumótaröðina og viðurkenningar GM.

Eftirfarandi voru sigurvegarar Prósjoppumótaraðarinnar en 3 bestu hringir sumarsins gildu til verðlauna:

U14 með forgjöf

1. Óskar Jóhann Sigurðsson
2. Pálmi Þór Kristmannsson
3. Eiríka Malaika Stefánsdóttir

U14 án forgjafar

1. Sara María Guðmundsdóttir
2. Grétar Logi Gunnarsson Bender
3. Ásgeir Páll Baldursson

15-21 með forgjöf

1. Aron Frosti Davíðsson
2. Arnar Dagur Jónsson
3. Ásþór Sigur Ragnarsson

15-21 án forgjafar

1. Auður Bergrún Snorradóttir
2. Pamela Ósk Hjaltadóttir
3. Kristján Karl Guðjónsson

Við þökkum Prósjoppunni fyrir stuðninginn við afreksstarfi GM!

Viðurkenningar GM fyrir golfsumarið 2023:

Við óskum kylfingum innilega til hamingju með flottan árangur í sumar en alls voru 6 Íslandsmeistaratitlar í unglingaflokkum og 2 í fullorðinsflokkum hjá Golfklúbbi Mosfellsbæjar árið 2023.

Kveðja frá kvennanefnd

Wed, 27 Sep 2023 14:33:00 GMT

Núna er golfsumarið 2023 að líða undir lok og þökkum við nefndin kærlega fyrir ykkur kæru vinkonur fyrir að vera svona duglegar að taka þátt í kvennastarfinu okkar og gera það svona skemmtilegt. Það var margt og mikiðbrallað saman í sumar og erum við nefndin virkilega ánægðar með starfið okkar í ár. Einnig þökkum við styrktaraðilum okkar kærlega fyrir, ómetanlegt.

Dagskráin okkar sumarið 2023 var eftirfarandi:

Púttmótaröð

Kvennastarfið byrjaði í febrúar með púttmótaröð sem stóð yfir í 10 vikur, gaman að segja að það var metþáttaka í ár. Veitt voru svo verðlaun fyrir besta skor (teknir 6 bestu hringirnir).

Vorfagnaður

Kvennanefndin bauð til vorfagnaður sem við kölluðum “ vertu velkomið golfsumarið 2023”

Þar tókum við á móti um 150 konum með léttum drykkjum og veitingum og kynntum sumarstarfsemina okkar. Davíð Baldur golfdómari og sérstakur vinur kvennastarfsins kom og kynnti fyrir okkur aðeins nokkrar grunnreglur og konur fengu tækifæri á að spyrja nokkurra spurninga. Svo næst tók við Andrea Jónsdóttir varformaður golfklúbbsins og veitti okkur skemmtilega innsýn í golfklúbbinn okkar. Þetta var virkilega skemmtilegur viðburður sem var nýjung hjá nefndinni.

Regluleg þriðjudagsspil

Kvennastarfið á frátekið holl alla þriðjudaga frá mai til lok ágúst alltaf milli kl 17 og 18 og þar skrá konur sig í “mót” í gegnum golfboxið. Fyrstu 6 vikurnar áttum við rástíma frá 17-18:30, það er alltaf meira aðsókn fyrstu vikurnar áður en fólk fer í sumarfrí.

Gulur bolti

Skemmti spil, þar spilar hollið sem ein heild og svo spilar alltaf ein konar með gulan bolta á hverri braut. Keppni milli holla.

Vinkvennamót

Núna í ár þá völdum við okkur nýjan golfklúbb fyrir vinkvennamótið og var Golfklúbburinn Leynir eða Leynis konur fyrir valinu. Við byrjuðum á að mæta til þeirra á Akranes í yndislegu veðri og svo komu þær til okkar á Hlíðavöll í ögn verra veðri en engu síður var félagskapurinn frábær. Þá er það þannig að það eru 2 GM konur og 2 Leynis konur í hverju holli. Svo var verðlaunahátið fyrir bæði mótin að loknu seinna mótinu sem var haldið hjá okkur á Blik.

Pilsa og hattamót

Þetta var alveg glænýtt mót hjá okkur og það var svo skemmtilegt að sjá allar konurnar okkar í kjólum og með hatta að spila golf. Reglurnar voru einfaldar, kjóll/pils og hattur og það mátti ekki vera hefðbundinn golffatnaður sem að gerði þetta aðeins erfiðara því að það getur verið erfitt að spila golf í kjól eða pilsi, en þetta var stórskemmtilegt og fengum við yndislegt veður í Bakkakotinu okkar.

Spottamót

Spottamótið hefur verið í nokkur ár og alltaf jafn skemmtilegt.

Rauðhetta

Rauðhettu mótið er mót þar sem ýmsar þrautir eru lagðir á brautina og hefur verið mjög vinsælt.

Því miður þurftum við að aflýsa mótinu sökum rosalegum þrumum og eldingum. Það skondna var að Kolbrún og Rakel voru búnar að fara og setja upp brautina í leiðinda veðri og þurftum að hundskast út aftur og taka allt upp í brjáluðu veðri, en mikið hlógum við í þessum erindagjörðum okkar.

Nýtt nafn verður á þessu móti á næsta ári og verður það kallað „Hefnd nefndarinnar“

Haustferð – lokahóf

Hin árlega haustferð GM Konur var að þessu sinni í Borgarnesi

Upphafleg dagsetning var 2 september en það þurfti að fresta til sunnudags 10 september sökum storm viðvörunar. Við spiluðum í ágætis veðri milli kl 11 og 15 og fórum svo heim með rútu aftur á Blik og þar beið okkar kalkúnahlaðborð, drykkir, kaffi og desert og skemmtum okkur konunglega og það á sunnudegi ???? Svo voru veitt verðlaun, bæði höggleikur og punktakeppni, lengsta drive, nándarverðlaun á 2 holum, fyrirfram ákveðin sætaverðlaun og hin ýmsu útdráttarverðlaun. Samtals vorum við með um 39 verðlaun og þökkum við sérstaklega þeim félagskonum sem gátu lagt til verðlauna, það er ómetanlegt. Við kvöddum 2 nefndarkonur þær Báru og Björk erum búnar að eiga yndislegt samstarf saman og buðum 3 nýjar nefndarkonur velkomnar þær Kolbrún Klöru, Rakel Lind og Þóru Hermanns og hlökkum til samstarfsins með þeim.

Að lokum viljum við þakka fyrir okkur og ykkur í sumar, án ykkar kæru konur væri ekki til kvennanefnd.

Knús & kossar

Kvennanefndin 2022-2023

Bára Einarsdóttir
Björk Jóhannsdóttir
Kolbrún Ýr Árnadóttir
Rakel Ýr Guðmundsdóttir

Styrktaraðilar

Mekka Wine & spirits

Fjallkonan veitingastaður

Apótek veitingastaður

Lowcarb

Innnes

Cutter & buk golffatnaður

Orkan

Taramar

Spa of Iceland

Kjarnafæði

Villimey snyrtivörur

Icepharma-Neostrata

Inga Elín keramik

Unbroken

Verslunartækni

Anna Marta – dásamlegt súkkulaði

Sagaform

Regnbogafræ

Golfklúbbur mosfellsbæjar

Og Natura – gin

GS import

Mjólkursamsalan

Hydroscand

Snyrtivörur frá Gehwol

Landsbankinn

Wurth

Dominos

Nova

Ömmubakstur

Hlöllabátar -miðbæ

Bankinn veitingastaður

Kasbah veitingastaður

Bændaglíman - ný liðsskipan og breyttur leiktími.

Tue, 26 Sep 2023 11:15:00 GMT

Bændaglíman okkar verður leikin næstkomandi laugardag. Hér að neðan má sjá hvernig liðin eru skipuð í dag. Það hafa orðið talsverðar breytingar frá upprunalegri dagsetningu.

Veðurspáin fyrir laugardaginn er þokkaleg og við ætlum að breyta byrjunartíma glímunnar til þess að ná besta veðrinu.

Það er mæting kl. 9:00 þar sem í boði verður léttur morgunverður fyrir keppendur og svo hefjast leikar kl. 10:00. Að leik loknum verður svo lambahlaðborð. Við ætlum að sjálfsögðu að vera með úrslitaleik Aftureldingar á skjánum hjá okkur.

Hlökkum til að sjá ykkur á laugardaginn :)

Guðni Valur í þjálfarateymi GM

Wed, 20 Sep 2023 12:50:00 GMT

Guðni Valur Guðnason kemur inn í unglinga og afreksstarfið okkar sem styrktarþjálfari.

Guðna þarf vart að kynna en hann er Ólympíufari, margfaldur Íslandsmeistari í kringlukasti auk þess að hafa keppt á fjölda stórmóta í kringlukasti. Guðni er einnig frábær kylfingur og hefur verið meðlimur hjá okkur í fjölda ára og er forgjöfin hans í kringum núllið.

Næsta vor klárar hann svo mastersnámið sitt í íþróttafræðum frá Háskólanum í Reykjavík.

Það er okkur mikill fengur að fá Guðna inn í starfið okkar þar sem þetta er sá hluti golfsins sem við þurfum að bæta verulega í þegar kemur að íþrótta- og afreksstarfinu og hjálpa okkar kylfingum til þess að ná enn lengra í golfíþróttinni.

Veitingasalan í Bakkakoti lokar

Mon, 18 Sep 2023 14:17:00 GMT

Nú er farið að styttast í annnan endann á þessu líka flotta golfsumri.

Veitingasalan í Bakkakoti lokar frá og með deginum í dag enda farið að róast talsvert í rástímabókunum.

Titleist unglingaeinvígið fer fram á morgun á Hlíðavelli

Thu, 14 Sep 2023 15:25:00 GMT

Titleist Unglingaeinvígið fer fram á Hlíðavelli hjá Golfklúbbi Mosfellsbæjar á morgun, 15. september. Mótið hefur verið árlegur viðburður allt frá árinu 2005 og fer það nú fram í 19. skipti.

Bestu kylfingar landsins í unglingaflokki eru boðnir til leiks og má sjá þátttakendalistann hér fyrir neðan:

17-21 piltar
Svanberg Addi Stefánsson
Arnór Tjörvi Þórsson
Jóhann Frank Halldórsson
Arnór Daði Rafnsson
Sveinn Andri Sigurpálsson

17-21 stúlkur
Elsa Maren Steinarsdóttir
Sara Kristinsdóttir
Helga Signý Pálsdóttir
Dagbjört Erla Baldursdóttir
Berglind Erla Baldursdóttir

15-16 drengir
Guðjón Frans Halldórsson
Gunnar Þór Heimisson
Snorri Hjaltason
Hafsteinn Thor Guðmundsson
Kristján Karl Guðjónsson

15-16 stelpur
Pamela Ósk Hjaltadóttir
Auður Bergrún Snorradóttir
Eva Kristinsdóttir
Fjóla Margrét Viðarsdóttir (fær þátttökurétt í úrslitum)
Þóra Sigríður Sveinsdóttir
Birna Rut Snorradóttir

13-14 drengir
Arnar Daði Svavarsson
Hjalti Kristján Hjaltason
Óliver Elí Björnsson
Björn Breki Halldórsson
Benjamín Snær Valgarðsson

13-14 stelpur
Sara María Guðmundsdóttir
Eva Fanney Matthíasdóttir
Bryndís Eva Ágústsdóttir
Erna Steina Eysteinsdóttir
Lilja Maren Jónsdóttir

Veigar Heiðarsson sigraði í fyrra en hann kemst ekki þetta árið og fer því Fjóla Margrét beint í úrslit í ár vegna árangurs í fyrra.

Hér eru heildarúrslit mótsins í fyrra:

1. sæti – Veigar Heiðarsson, GA
2. sæti – Fjóla Margrét Viðarsdóttir, GS
3. sæti – Heiðar Snær Bjarnason, GOS
4. sæti – Róbert Leó Arnórsson, GKG
5. sæti – Gunnar Þór Heimisson, GKG
6. sæti – Hjalti Kristján Hjaltason, GM
7. sæti – Arnar Daði Svavarsson, GKG
8. sæti – Pamela Ósk Hjaltadóttir, GM
9. sæti – Markús Marelsson, GK
10. sæti – María Eir Guðjónsson, GM

Sigurvegarar Unglingaeinvígisins frá upphafi

Hjalti lék í liði Íslands í Tékklandi

Tue, 12 Sep 2023 14:02:00 GMT

Hjalti Pálmason úr GM var í liði Íslands 50+ sem keppti í Evrópumóti liða. Keppt var á Royal Golf Club Mariánské Lázně vellinum í Tékklandi.

Hjalti lék best Íslendinganna í höggleiknum en hann var á 75-70 eða 1 höggi yfir pari samtals (10. sæti í einstaklingskeppninni). Eftir það var leikin holukeppni en í fyrsta leik lék lið Íslands við Belga og töpuðu 3-2 og tapaði Hjalti sínum leik 3/2. Í öðrum leik vann lið Íslands heimamennina frá Tékklandi 4-1 og sigraði Hjalti sinn leik 1/0. Lokaleikurinn var svo við Hollendinga og hafði íslenska liðið betur í 3-2 sigri og vann Hjalti sinn leik 4/3.

Lokaniðurstaða Íslenska liðsins var 13. sæti af 23 liðum.

Hjalti hefur leikið á LEK og Mótaröð GSÍ í sumar og náð góðum árangri og óskum við honum til hamingju með liðsvalið og árangurinn úti.

Klúbbmeistarinn í 3. sæti í Korpubikarnum

Mon, 11 Sep 2023 15:17:00 GMT

Auður Bergrún Snorradóttir lék mjög vel á Korpubikarnum en hún endaði í þriðja sæti. Þetta er hennar besti árangur á Mótaröð GSÍ. Hún lék hringina þrjá á 79-69-78 höggum eða samtals á +10.

Sara Kristinsdóttir endaði í fimmta sæti og lék hringina á 80-76-76 eða +16. Pamela var sjötta en skorið hennar var 79-77-77 eða +17. Í 10. sæti var Birna Rut Snorradóttir, tvíburasystir Auðar, en hún lék hringina á 88-77-77 eða á +26. Þetta er einnig hennar besti árangur á GSÍ mótaröðinni.

Í karlaflokki var Kristján Þór Einarsson efstur í 4. sæti á 2 höggum undir pari samtals (75-73-66). Kristófer Karl Karlsson lék einnig vel og endaði í 8. sæti á 2 höggum yfir pari (76-72-70).

Þetta var lokamót ársins á mótaröðinni og endaði Kristján Þór Einarsson í 2. sæti á stigalista mótaraðarinnar á eftir Loga Sigurðssyni núverandi Íslandsmeistara í höggleik.

Efst kvenna í GM var það Pamela Ósk Hjaltadóttir en hún endaði í 10. sæti á stigalistanum.

Við óskum okkar kylfingum til hamingju með flottan árangur í sumar!

Bændaglíman 2023 - Liðskipan

Mon, 11 Sep 2023 12:14:00 GMT

Nú eru liðin fyrir laugardaginn klár og eru þau eftirfarandi:

Það er mæting í Klett ekki seinna en 12:00 og þar verður sveittur hamborgari í boði fyrir keppendur.

Leikfyrirkomulag:

Eftir að móti lýkur verður grillveisla og verðlaunaafhending í Kletti.

Ef einhverjir kylfingar forfallast þá er tekið inn af biðlistanum eftir forgjöf, þ.e. sá eða sú sem kemst inn þarf að vera með svipaða forgjöf og sá kylfingur sem forfallast.

Eiríka og Eva Íslandsmeistarar í holukeppni unglinga

Mon, 04 Sep 2023 09:09:00 GMT

Íslandsmótið í holukeppni í unglingaflokkum fór fram um helgina á Grafarholtsvelli í skrautlegu veðri.

Eiríka Malaika Stefánsdóttir keppti í flokki 12 ára og yngri stúlkna og vann mótið. Eiríka er búin að eiga stórkostlegt sumar en hún er búin að taka þátt í fimm mótum á unglingamótaröðinni og vinna þau öll. Einnig var hún þá krýnd stigameistari mótaraðarinnar.

Eva Kristinsdóttir keppti í flokki 15-16 ára stúlkna og stóð einnig uppi sem sigurvegari eftir úrslitaleik við Auði Bergrúnu Snorradóttur, einnig úr GM. Í þriðja sæti var Pamela Ósk Hjaltadóttir og því voru allar 3 á verðlaunapalli frá GM. Pamela Ósk endaði efst á stigalistanum og var Auður önnur og Eva þriðja.

Í flokki 17-21 árs var Sara Kristinsdóttir í 3. sæti eftir viðureign við Elsu Maren úr GL. Sara endaði í öðru sæti á stigalistanum á eftir Elsu sem var efst.

Bændaglíman 2023

Mon, 04 Sep 2023 08:56:00 GMT

Skemmtilegasta golfmót ársins, Bændaglima GM, fer fram laugardaginn 16. september á Hlíðavelli. Ræst verður út á öllum teigum klukkan 13:00 en mæting er í Klett klukkan 12:00. Aðeins 100 kylfingar komast í mótið og ljóst að völlurinn verður þétt setinn af glöðum GM kylfingum eins og undanfarin ár.

Skráning opnar á morgun, þriðjudaginn 5. september kl. 12:00. Fyrstu 100 til að skrá sig fá þátttökurétt, en endilega skrá ykkur þó það séu komnir 100 þar sem þeir kylfingar fara á biðlista.

Skráning fer fram á golfboxinu, hægt er að smella á hlekkinn hér að neðan til þess að skrá sig.

Skráning í Bændaglímu

Eftir að móti lýkur verður grillveisla og verðlaunaafhending í Kletti.

U12 sveitir GM með flottan árangur á Íslandsmóti golfklúbba

Mon, 28 Aug 2023 13:10:00 GMT

Alls kepptu fimm sveitir á vegum Golfklúbbs Mosfellsbæjar um helgina í flokki 12 ára og yngri. Keppt var í GKG Mýri, GK Sveinskotsvelli og GR Landið á 3 keppnisdögum.

Keppt var í 6 deildum og átti GM sveitir í öllum deildum nema einni og var árangur GM þessi:

1. sæti í bláu deildinni
2. sæti í grænu deildinni
3. sæti í hvítu deildinni
4. sæti í gráu og rauðu deildinni

Grillveisla var haldin daginn fyrir mót en liðsheildin var því mjög góð á meðan móti stóð. Mikla takta var að sjá hjá þessum ungu kylfingum og er ljóst að framtíðin er björt hjá Golfklúbbi Mosfellsbæjar.

Myndir:

Sveit 50+ karla náði bronsi - konurnar í 4. sæti

Mon, 28 Aug 2023 11:20:00 GMT

Íslandsmót golfklúbba 50+ fór fram um helgina og kepptu karlar í 2. deild í Sandgerði og konurnar í 1. deild á Hellu.

Karlarnir enduðu í 3. sæti eftir góða baráttu um að komast upp um deild og enduðu konurnar í 4. sæti eftir hörkuleik sem endaði í bráðabana.

Kvennasveit 50+

Steinunn Þorkelsdóttir
Edda Herbertsdóttir
Írunn Ketilsdóttir
Rut Marsibil Héðinsdóttir
Agnes Ingadóttir
Karólína Margrét Jónsdóttir
Sigríður María Torfadóttir
Guðný Helgadóttir
Auður Ósk Þórisdóttir
Andrea Jónsdóttir (Liðsstjóri)

Karlasveit 50+

Hjalti Pálmason
Arnar Sigurbjörnsson
Ingvar Haraldur Ágústsson
Árni Brynjólfsson
Kári Tryggvason
Axel Þór Rudolfsson
Victor Viktorsson
Jónas Heiðar Baldursson
Halldór Friðgeir Ólafsson
Ásbjörn Björgvinsson (Liðsstjóri)

Við óskum þessum fulltrúum GM til hamingju með flottan árangur og er víst að samkeppnin er að aukast og standardinn að hækka!

Viðmið fyrir val á sveitum 50+ má finna hér .

Kristján Þór bestur á Hvaleyrinni

Mon, 28 Aug 2023 09:41:00 GMT

Kristján Þór Einarsson gerði sér lítið fyrir og sigraði á Hvaleyrarbikarnum sem fór fram um helgina. Mótið er hluti af mótaröð GSÍ og er þetta fyrsti sigur Kristjáns á þessu ári.

Kristján lék hringina þrjá á 7 höggum undir pari og var 5 höggum á undan næstu mönnum, Inga Þór Ólafson úr Golfkúbbi Mosfellsbæjar og Daníel Ísaki Steinarssyni heimamanni.

Kristófer Karl Karlsson lék einnig vel og átti besta hring lokadagsins eða 66 högg til að koma sér upp í 8. sæti í mótinu.

Þetta er næst síðasta mót ársins á mótaröðinni en Korpubikarinn verður leikinn eftir tvær vikur og er það lokamótið.

Lokastaðan í Hvaleyrarbikarnum.

Þrír kylfingar GM Íslandsmeistarar unglinga

Mon, 21 Aug 2023 11:47:00 GMT

Íslandsmótinu í höggleik unglinga lauk í gær og léku kylfingar undir 14 ára á Korpúlfsstöðum en 15-21 árs léku í Vestmannaeyjum. Fulltrúar GM léku vel en má segja að stelpurnar okkar hafi brillerað þar sem GM náði 3 Íslandsmeistaratitlum af 4 mögulegum.

Í flokki 17-21 árs var það Sara Kristinsdóttir sem sigraði en hún lék hringina 3 á +5 (72-67-76) og sigraði með 8 högga mun. Í öðru sæti á +13 var Berglind Erla Baldursdóttir, einnig úr GM, á +13 (80-70-73).

Í flokki 15-16 ára sigraði Pamela Ósk Hjaltadóttir en hún lék á 3 höggum yfir pari (73-70-70) og sigraði með miklum yfirburðum eða 14 höggum. Auður Bergrún Snorradóttir úr GM tók annað sætið en hún endaði á +17 (80-75-72).

Þriðji Íslandsmeistaratitill GM kom í flokki 12 ára og yngri stúlkna en það var hún efnilega Eiríka Malaika Stefánsdóttir sem lék hringina 3 á +20 (41-45-42) og sigraði örugglega með 13 högga mun.

Í flokki 13-14 ára pilta lék Hjalti Kristján Hjaltason frábært golf en hann endaði mótið á 5 höggum undir pari (70-71-70) í öðru sæti á eftir Arnari Daða Svavarssyni úr GKG sem lék á 11 höggum undir pari (70-67-68).

Við óskum þessum kylfingum innilega til hamingju með frábæran árangur!

Sveitir GM 50+ valdar

Thu, 17 Aug 2023 10:52:00 GMT

Íslandsmót Golfklúbba 50+ fer fram 24.-26. ágúst og er búið að velja þá 9 einstaklinga karla og kvenna sem leika fyrir Golfklúbb Mosfellsbæjar. Konurnar leika í 1. deild á Hellu en karlarnir eru í 2. deild og leika í Sandgerði.

Kvennasveit 50+

Karlasveit 50+

Við óskum þessum kylfingum til hamingju með valið og góðs gengis í Íslandsmóti golfklúbba.

Viðmið fyrir val á sveitum 50+ má finna hér .

Sveitir GM 65+ flott á Íslandsmóti golfklúbba

Tue, 15 Aug 2023 11:52:00 GMT

Keppnissveitir GM í flokki 65+ stóðu sig vel en karlasveitin lék á Öndverðarnesi á meðan konurnar léku á Korpúlfsstöðum.

Kvennasveitin stóð sig glæsilega og fengu þær bronsverðlaun en karlarnir léku einnig vel og enduðu keppni í 6. sæti.

Keppnisssveit GM kvenna 65+
Rut Marsibil
Dagný Þórólfsdóttir (Spilandi liðsstjóri)
Laila Ingvarsdóttir
Rósa Gestsdóttir
Ingveldur Bragadóttir
Guðrún Á. Jónsdóttir
Þuríður Pétursdóttir
Hrefna Harðadóttir

Keppnissveit GM karla 65+
Ásbjörn Björgvinsson
Jón Haukur Jensson
Hákon Gunnarsson
Kjartan Ólafsson
Gunnar Albert Traustason
Páll Ásmundsson
Jakob Ragnarsson
Ingi K. Magnússon
Kristinn Karlsson
Ásbjörn Björgvinsson (Liðsstjóri)

Við óskum sveitunum innilega til hamingju og ljóst er að 65+ starfið er að verða öflugara með hverju árinu í Golfklúbbi Mosfellsbæjar.

Ingi og Pamela best GM á Íslandsmótinu

Mon, 14 Aug 2023 15:46:00 GMT

Íslandsmótinu í golfi lauk í gær á Urriðavelli hjá Golfklúbbnum Oddi.

Ragnhildur Kristinsdóttir, GR og Logi Sigurðsson, GS eru Íslandsmeistarar 2023 og er þetta er í fyrsta sinn sem þau fagna þessum titli.

Golfklúbbur Mosfellsbæjar átti 24 keppendur, 12 í hvorum flokk og voru það Ingi Þór og Pamela Ósk sem léku best okkar kylfinga.

Ingi Þór Ólafson lék hringina fjóra á -4 og endaði í 4. sæti og er það hans besti árangur í Íslandsmótinu í höggleik.

Pamela Ósk Hjaltadóttir lék hringina fjóra á +13 og endaði í 9. sæti og er það einnig hennar besti árangur í Íslandsmótinu í höggleik.

Úrslit mótsins urðu eftirfarandi og má sjá keppendur GM sem náðu niðurskurði feitletraða.

Karlaflokkur

1. Logi Sigurðsson, GS 273 högg (69-67-71-66) (-11)
2. Hlynur Geir Hjartarson, GOS 274 högg (70-65-68-71) (-10)
3. Guðmundur Ágúst Kristjánsson, GKG (69-65-76-67) (-7)
4. Ingi Þór Ólafson (75-70-65-70) (-4)
18. Sverrir Haraldsson (75-72-70-72) (+5)
22. Kristófer Karl Karlsson (73-71-74-72) (+6)
23. Kristján Þór Einarsson (74-69-75-74) (+8)
27. Björn Óskar Guðjónsson (71-75-76-74) (+12)
59. Andri Már Guðmundsson (78-77-80-75) (+26)
61. Arnór Daði Rafnsson (80-75-77-80) (+28)

Kvennaflokkur

1. Ragnhildur Kristinsdóttir, GR 283 högg (70-70-71-71) (-1)
2. - 4. Andrea Björg Bergsdóttir, GKG 285 högg (74-71-72-68) (+1)
2. - 4. Perla Sól Sigurbrandsdóttir, GR 285 högg (76-69-69-71) (+1)
2. - 4. Hulda Clara Gestsdóttir, GKG 285 högg (70-76-67-72) (+1)
9. Pamela Ósk Hjaltadóttir (77-77-68-75) (+13)
11. Berglind Erla Baldursdóttir (76-70-78-75) (+15)
15. Eva Kristinsdóttir (76-84-78-74) (+28)
16. Heiða Rakel Rafnsdóttir (83-76-79-76) (+30)
17. Katrín Sól Davíðsdóttir (80-75-79-81) (+31)
21. Sara Kristinsdóttir (86-79-78-77) (+36)
28. Kristín Sól Guðmundsdóttir (84-79-76-88) (+43)

Opna Dineout - úrslit

Sun, 13 Aug 2023 09:24:00 GMT

Opna Dineout var spilað á Hlíðavelli í gær í rjómablíðu og það voru 220 flottir kylfingar sem mættu til leiks.

Úrslit dagsins voru eftirfarandi:

9. sæti – Geir Jón Geirsson og Davíð Sveinsson. 62 högg.

13. sæti – Eðvarð Ingi Björgvinsson og Garðar Sigfússon. 63 högg

20. sæti – Ásgeir Aron Ásgeirsson og Oddur Finnsson. 64 högg.

Lengsta upphafshögg kvenna – Guðný Fanný Friðriksdóttir

Lengsta upphafshögg karla – Sigurður Eggert

Næst holu á 3. braut – Sigurður Eggert, 86 cm.

Næst holu á 7. Braut – Arnar Gíslason, 21,5 cm

Næst holu á 15. braut – Guðjón Petersen, 2,12 metrar

Næst holu á 18. braut -Arnar Arinbjarnar, 2,27 metrar

Opna Dineout - úrslit

Við óskum vinnigshöfum innilega til hamingju. Hægt er að nálgast vinningana í afgreiðslunni á Hlíðavelli.

Við þökkum Dineout kærlega fyrir stuðninginn og öllum þeim kylfingum sem tóku þátt í mótinu kærlega fyrir komuna.

Opna Dineout - úrslit

Sun, 13 Aug 2023 09:24:00 GMT

Opna Dineout mótið var spilað á Hlíðavelli í gær og voru það 232 golfarar sem spiluðu við flottar aðstæður.

Úrslit í mótinu urðu eftirfarandi:

Næst holu 3. braut - Gunnur Sveinsdóttir, 88 cm.

Næst holu á 4. braut - Birgir Guðjónsson, 144 cm.

Næst holu á 7. braut - Erlingur Hjaltested, 84 cm.

Næst holu á 15. braut - Andri Már, 41 cm.

Næst holu á 18. braut - Andri Sigurðsson, 86 cm.

Lengsta upphafshögg kvenna á 8. braut - Guðný Sif Gunnarsdóttir

Lengsta upphafshögg karla á 8. braut - Magnús Lárusson

1. sæti. Viktor Örn Jóhannsson og Ríkharð Óskar Guðnason. 56 högg

2. sæti. Gunnar Lúðvík Nelson og Arnar Snær Hákonarson. 58 högg

3. sæti. Jón Vilhelm Ákason og Allan Freyr Vilhjálmsson. 59 högg.

9. sæti. Þorsteinn Ingi Sveinsson og Eiríkur Jónsson

13. sæti. Gylfi Dagur Leifsson og Atli Fannar Jónsson

29. sæti. Francis Jeremy Aclipen og Vífill Gústafsson.

75. sæti. Haraldur V Hinriksson og Elísabet Sæmundsdóttir.

99. sæti. Sindri Viðarsson og Heiðar Þór Aðalsteinsson.

Vinninga má nálgast í afgreiðslu Golfklúbbs Mosfellsbæjar á Hlíðavelli.

Við þökkum öllum þeim kylfingum sem þátt tóku í mótinu kærlega fyrir komuna sem og Dineout fyrir stuðninginn.

Katrín Sól og María Eir skrifa undir háskóla í Bandaríkjunum

Thu, 03 Aug 2023 16:09:00 GMT

Afreks- og landsliðskylfingarnir Katrín Sól Davíðsdóttir og María Eir Guðjónsdóttir hafa nýverið skrifað undir samning við háskóla í Bandaríkjunum og munu hefja nám í haust. Þær munu báðar leika golf fyrir skólaliðið og stunda BS. nám því við hlið á skólastyrk.

Katrín Sól skrifaði undir hjá University of Texas Permian Basin skólanum sem leikur í NCAA Div II.

María Eir skrifaði undir hjá Jacksonville University í Flórída sem leikur í NCAA Div I.

Við óskum þeim til hamingju með skólastyrkina og góðs gengis næstu árin í Bandaríkjunum.

Golfklúbbur Mosfellsbæjar - Íslandsmeistari golfklúbba

Thu, 03 Aug 2023 11:48:00 GMT

Íslandsmót Golfklúbba fór fram um síðustu helgi og þar áttum við í GM að sjálfsögðu okkar fulltrúa.

Kvennasveitin okkar spilaði í Leirunni hjá Golfklúbbi Suðurnesja og karlasveitin á Jaðri hjá Golfklúbbi Akureyrar.

Bæði liðin stóðu sig stórkostlega og urðu Íslandsmeistarar, sannarlega frábær árangur hjá okkar fólki og erum við afar stolt af þeim.

Srákarnir okkar léku til úrslita við heimamenn í GA og þar réðust úrslitin á fyrstu holu í bráðabana.

Stelpurnar léku til úrslita við Golfklúbb Reykjavíkur og sigrðuðu þann leik.

Óskum við okkar fólki kærlega til hamingju með þennan stórkostlega árangur.

Hjalti Pálmason í öðru sæti í Íslandsmóti eldri kylfinga

Mon, 17 Jul 2023 10:46:00 GMT

Íslandsmót eldri kylfinga 2023 fór fram á Kirkjubólsvelli hjá Golfklúbbi Sandgerðis dagana 13.-15. júlí 2023 við töluvert krefjandi aðstæður.

Leikfyrirkomulag var 54 holu höggleikur án forgjafar yfir 3 keppnisdaga.

Hjalti Pálmason, GM, var hársbreidd frá sigri í 50+ flokki en hann lék hringina 3 á 79-77-73 eða 13 höggum yfir pari.

Hann endaði 2 höggum frá Jóni Karlssyni sem endaði á 11 höggum yfir pari.

Hjalti Pálmason er búinn að leika stöðugt golf í sumar og hefur tryggt sæti sitt í karlasveit GM sem fer fram 27.-29. júlí á Jaðarsvelli á Akureyri.

Aðrir keppendur úr GM í karlaflokki 50+ voru þeir þeir Sigurður Óli Sumarliðason sem endaði á 49 höggum yfir pari í 37. sæti og Jón Þorsteinn Hjartarson sem endaði í 39. sæti á 50 höggum yfir pari. Í kvennaflokki 50+ var Írunn Ketilsdóttir ein keppenda úr GM en hún lauk leik á 73 höggum yfir pari í 14. sæti.

Keppnissveitir GM valdar

Mon, 17 Jul 2023 10:18:00 GMT

Íslandsmót golfklúbba fer fram 27. - 29. júlí.

Lið GM í karla-og kvennaflokki leika í 1. deild en karlar leika á Jaðarsvelli á Akureyri og konur á Hólmsvelli í Leiru.

Þjálfarar GM hafa valið sveitirnar, en þær eru skipaðar eftirtöldum leikmönnum:

Karlasveit:

Andri Már Guðmundsson

Björn Óskar Guðjónsson

Hjalti Pálmason

Ingi Þór Ólafson

Kristján Þór Einarsson

Kristófer Karl Karlsson

Nick Carlson

Sverrir Haraldsson

Liðsstjóri: Þorsteinn Hallgrímsson

Þjálfari: Andri Ágústsson

Kvennasveit:

Arna Rún Kristjánsdóttir

Berglind Erla Baldursdóttir

Eva Kristinsdóttir

Katrín Sól Davíðsdóttir

Kristín Sól Guðmundsdóttir

María Eir Guðjónsdóttir

Nína Björk Geirsdóttir

Sara Kristinsdóttir

Liðsstjóri: Katrín Dögg Hilmarsdóttir

Þjálfari: Dagur Ebenezersson & Grétar Eiríksson

Meistaramót GM - úrslit ráðin í nokkrum flokkum

Sat, 08 Jul 2023 09:15:00 GMT

Í gær luku nokkrir flokkar leik í meistaramótinu og urðu úrslitin eftirfarandi:

3. flokkur karla

4. flokkur kvenna

5. flokkur karla

5. flokkur kvenna

Við óskum öllum verðlaunahöfum innilega til hamingju með árangurinn :)

Lokadagur í meistaramóti GM

Fri, 07 Jul 2023 19:09:00 GMT

Nú hafa rástímar verið birtir fyrir laugardaginn 8. júlí og það má sjá þá sem og stöðuna í mótinu með því að smella á hlekkinn hér að neðan.

Rástímar laugardaginn 8. júlí og staða í flokkum

Lokadagur meistaramóts GM og lokahóf!

Fri, 07 Jul 2023 17:05:00 GMT

Á morgun er lokadagur meistaramótsins okkar.

Veðurspáin er frábær og við hvetjum ykkur til þess að mæta snemma á völlinn og fylgjast með meistaraflokkunum okkar að koma inn.

Við verðum með glæsilegt hlaðborð að hætti Blik bistro og verður það opið frá kl. 18:30 til 21:30.

Hljómsveitin Króm mun svo leika fyrir dansi fram á rauða nótt.

Við minnum svo á "old fashion golf" þemað á morgun :)

Hlökkum til að sjá ykkur, þetta verður geggjað :)

Úrslit í 3. flokki kvenna og 4. flokki karla - Rástímar 7. júlí

Thu, 06 Jul 2023 21:28:00 GMT

Í dag réðust úrslit í 3. flokki kvenna og 4. flokki karla.

Í 3. flokki kvenna urðu úrslitin eftirfarandi:

Í 4. flokki karla urðu úrslitin eftirfarandi:

Óskum við þeim kærlega til hamingju með árangurinn. Verðlaunaafhending fer fram í lokahófinu næstkomandi laugardag.

Önnur úrslit sem og rástíma morgundagsins má nálgast í hlekknum hér að neðan.

Rástímar og úrslit

Staðan fyrir lokadag í Bakkakoti

Thu, 06 Jul 2023 14:54:00 GMT

Nú eru tveir dagar af þremur búnir í Bakkakoti og spennandi lokadagur framundan á morgun.

Hér að neðan má sjá stöðuna sem og rástíma.

Staðan og rástímar

Hlíðavöllur - Staðan og rástímar fyrir fimmtudaginn 6. júlí

Wed, 05 Jul 2023 21:51:00 GMT

Nú eru rástímar tilbúnir fyrir Hlíðavöll á morgun og hafa allir keppendur fengið sendan tölvupóst með sínum rástíma.

Í hlekknum hér að neðan má sjá rástímana sem og stöðuna

Rástímar - fimmtudagur 6. júlí og staðan

Meistaramótið í Bakkakoti hófst í dag!

Wed, 05 Jul 2023 20:38:00 GMT

Í dag hófst keppni í efstu flokkum karla og kvenna sem leika í Bakkakoti.

Golfið gekk vel og kylfingar nutu þessa að spila í góða veðrinu upp í dal.

Búið er að birta rástíma morgundagins og þá má sjá með því að smella á hlekkinn hér fyrir neðan.

Rástímar- fimmtudagur 6. júlí

Hér að neðan má svo sjá stöðuna.

Staðan eftir fyrsta dag

Hlökkum til að sjá ykkur á morgun og skráning á rafrænum skorkortum var til fyrirmyndar upp í Bakkakoti í dag :)

Meistaramót GM - úrslit í barna- og unglingaflokkum

Wed, 05 Jul 2023 10:50:00 GMT

Meistaramót barna og unglinga lauk í gær og fór lokahóf fram í Kletti að leik loknum. Kylfingar í 12 ára og yngri flokkum léku í Bakkakoti mánudag og þriðjudag en 13-16 ára flokkar léku á Hlíðavelli sunnudag til þriðjudag. Veður var gott fyrstu tvo dagana en mikill vindur gerði kylfingum erfitt fyrir á þriðjudeginum eða lokahringnum.

Úrslit móts:

Drengir 10 ára og yngri

1. Daníel Tristan Sigurlínarson +38
2. Brynjar Maack +45
3. Kristófer Jens K. Sandholt +59

Stúlkur 10 ára og yngri

1. Eiríka Malaika Stefánsdóttir +23
2. Elva Rún Rafnsdóttir +31
3. Rakel Þyrí Kristmannsdóttir +52

Drengir 11-12 ára

1. Ásgeir Páll Baldursson +35
2. Helgi Þór Guðjónsson +74

Drengir 13-14 ára

1. Hjalti Kristján Hjaltason +4
2. Grétar Logi Gunnarsson Bender +45
3. Pálmi Þór Kristmannsson +87

Stúlkur 13-14 ára

1. Sara María Guðmundsdóttir +45
2. Andrea Líf Líndal +77

Drengir 15-16 ára

Kristján Karl Guðjónsson +25
Ásþór Sigur Ragnarsson +41
Aron Frosti Davíðsson +55

Stúlkur 15-16 ára

Auður Bergrún Snorradóttir +16
Birna Rut Snorradóttir +45

Meistaramót GM - úrslit í öldungaflokkum

Tue, 04 Jul 2023 19:31:00 GMT

Nú hafa öldungaflokkarnir okkar lokið leik og urðu úrslitin sem hér segir:

50+ flokkur kvenna - höggleikur

50+ flokkur karla.- höggleikur

65+ flokkur kvenna - höggleikur

65+ flokkur karla - höggleikur

50+ flokkur kvenna - höggleikur með forgjöf

50+ flokkur karla - höggleikur með forgjöf.

65+ flokkur kvenna - höggleikur með forgjöf.

65+ flokkur karla - höggleikur með forgjöf.

Úrslit 65+

Úrslit 50+

Óskum við verðlaunahöfum innilega til hamingju með árangurinn.

Verðlaunaafhending fer fram á lokahófi meistaramóts GM næstkomandi laugardag.

Rástímar fyrir miðvikudaginn 5. júlí hafa verið birtir

Tue, 04 Jul 2023 18:05:00 GMT

Nú hafa rástímar fyrir miðvikudaginn 5. júlí verið birtir og hafa keppendur fengið skilaboð þess efnis í tölvupósti frá Golfbox.

Hér að neðan má sjá rástíma morgundagsins sem og stöðuna í þeim flokkum sem hafa þegar hafið leik.

Rástímar og staða.

Gangi ykkur vel og góða skemmtun :)

Rástímar í Bakkakoti

Tue, 04 Jul 2023 13:06:00 GMT

Rástímar fyrir fyrsta dag í meistaramóti í Bakkakoti hafa verið birtir.

Rástímar miðvikudaginn 5 júlí 2023

Gangi ykkur vel og góða skemmtum í blíðunni í Bakkakoti.

Meistaramót dagur 2 - næst holu

Tue, 04 Jul 2023 09:00:00 GMT

Á öðrum degi meistaramóts var það Hjalti Pálmason sem var næstur holu á 18 braut Hlíðavallar en hann var 40 cm frá.

Í Bakkakoti var það Gunnar Trausta sem var næstur holu á 1,73 m

Verðlaun fyrir næst holu er GM merkt handklæði í golfbúð GM og geta vinningshafa vitjað þeirra þar.

Staðan í Meistaramóti GM og rástímar fyrir 4. júlí

Mon, 03 Jul 2023 20:20:00 GMT

Nú er dagur tvö í meistaramóti GM að kveldi kominn. Leikið var í dag á báðum okkar völlum í einmuna blíðu.

Smellið á hlekkinn hér að neðan til þess að sjá rástímar morgundagsins sem og stöðuna. ( Vinsamlegast athugið að kylfingar 65+ er í sér móti í golfboxinu og eru því ekki hér)

Staðan og rástímar fyrir þriðjudaginn 4. júlí.

Í hlekknum hér að neðan er svo staðan og rástímar hjá 12 ára og yngri sem hófu leik í dag í Bakkakotinu.

Staðan og rástímar þriðjudaginn. 4 júlí.

Staðan og rástímar hjá 65 ára og eldri

Mon, 03 Jul 2023 14:53:00 GMT

Nú eru tveir hringir af þremur búnir hjá kylfingum í 65+ flokkunum okkar. Í dag var leikið í Bakkakoti og þar var líkt og í gær rjómablíða.

Hér að neðan má sjá stöðuna eftir tvo hringi sem og rástíma morgundagsins.

Staðan eftir tvo hringi

Rástímar - þriðjudagur 4. júlí

Allir keppendur hafa einnig fengið rástímann sinn sendan í tölvupósti.

Hér að neðan má sjá stöðu efstu kylfinga í höggleik með forgjöf.

Gunnar Rafn Jónsson - 142 högg

Haraldur Leiffson - 144 högg

Jóhann B Hjörleifsson - 148 högg.

Hildur Skarphéðins - 140 högg

Sigurlaug Sigurðardóttir - 150 högg

Guðrún Jónsdóttir - 152 högg.

Gangi ykkur vel á morgun.

Fyrsta degi í Meistaramóti GM lokið - Rástímar 3. júlí.

Sun, 02 Jul 2023 20:28:00 GMT

Nú er fyrsta degi í Meistaramóti GM 2023 lokið og rástímar fyrir annan dag, mánudaginn 3. júlí verið birtir og ættu allir keppendur að vera búnir að fá sinn rástíma staðfestan í tölvupósti.

Hér að neðan má sjá stöðuna eftir fyrsta dag sem og rástíma morgundagsins.

Staðan og rástímar

Takk fyrir daginn og hlökkum til að sjá ykkur á morgun :)

Meistaramót GM - Rástímar í Bakkakoti mánudaginn 3. júlí

Sun, 02 Jul 2023 14:34:00 GMT

Rástímar morgundagsins fyrir Bakkakot hafa verið birtir.

Í fyrramálið hefja þar leik kylfingar í flokki 65+.

Hér að neðan má sjá stöðuna í flokknum eftir fyrsta hring sem og rástíma morgundagsins.

Staðan eftir fyrsta hring

Rástímar hringur 2 - Bakkakot

Á morgun hefjum við svo leik hjá 12 ára og yngri sem spilar einnig í Bakkakoti.

Rástímar 12 ára og yngri

11 -12 ára spila 18 holur og 10 ára og yngri spila 9 holur.

Gangi ykkur vel :)

Meistaramót - rástímar fyrir sunnudaginn 2. júlí

Fri, 30 Jun 2023 14:11:00 GMT

Ágætu GM félagar.

Meistaramótið okkar hefst núna á sunnudaginn og það er metþáttaka í ár, 369 keppendur skráðir til leiks.

Veðurspáin er frábær og vonandi gengur hún eftir og hér verði sumarblíða allt mótið :)

Búið er að birta rástíma sunnudagsins og hafa allir keppendur fengið þá senda í tölvupósti.

Hér að neðan má sjá rástíma í 65+ flokknum okkar sem hefur leik á Hlíðavelli.

65+ rástímar sunnudagur

Hér að neðan eru svo rástímar hjá öðrum flokkum sem hefja leik þennan dag

Rástímar - sunnudagur 2. júlí

Góða skemmtun og gangi ykkur sem allra best :)

Tveir sigurvegarar GM í Midnight Challenge mótinu

Thu, 29 Jun 2023 08:55:00 GMT

Icelandic Junior Midnight Challenge mótið á Global Junior mótaröðinni fór fram á Hlíðavelli annað árið í röð. Leikið var mánudag, þriðjudag og miðvikudag í þremur aldursflokkum; U14, U18 og U23. Afrekskylfingar úr GM stóðu sig mjög vel og sigruðu Eva Kristinsdóttir og Pamela Ósk Hjaltadóttir í sínum aldursflokkum.

Verðlaunahafar GM:
U14 KVK:
1. Pamela Hjaltadóttir +13

U14 KK:
3. Hjalti Kristján Hjaltason +13

U18 KVK:
1. Eva Kristinsdóttir -5
2. Sara Kristinsdóttir +8
3. Berglind Erla Baldursdóttir +12

Einnig var heildarkeppni í karla og kvennaflokki þar sem besta skor yfir alla aldursflokka fær boð á mót í Portúgal á mótaröðinni með gistingu. Í kvennaflokki var það Eva Kristinsdóttir sem vann það á mögnuðu skori yfir hringina þrjá eða á 5 höggum undir pari (75-67-69). Í karlaflokki var það Veigar Heiðarsson úr GA á -7.

Við óskum þessum GM kylfingum innilega til hamingju með frábæran árangur!

Sveit GM Íslandsmeistarar golfklúbba U21 stúlkna

Sun, 25 Jun 2023 08:43:00 GMT

Golfklúbbur Mosfellsbæjar fagnaði sigri á Íslandsmóti golfklúbba í flokki 21 árs og yngri í stúlknaflokki. Keppnin var mjög spennandi þar sem að GM sigraði með minnsta mun en Golfklúbbur Kópavogs og Garðabæjar varð í öðru sæti og Golfklúbbur Reykjavíkur í því þriðja.

Íslandsmót golfklúbba fór fram í síðustu viku í 3 flokkum á 3 mismunandi völlum: U21 léku á Selfossi, U16 léku á Hellu og U14 léku á Flúðum. Alls voru 7 keppnissveitir GM í þessum flokkum og stóðu keppendur sig vel af og utan vallar.

U21 stúlkur enduðu í 1. sæti.

U21 drengir enduðu í 6. sæti.

U16 stúlkur enduðu í 3. sæti.

U16 drengir enduðu í 5. sæti.

U14 stúlkur enduðu í 3. sæti.

U14 drengir voru með 2 sveitir og sveit 1 endaði í 4. sæti en sveit 2 í 13. sæti.

Sjö kylfingar GM valdir í landsliðsverkefni

Sun, 25 Jun 2023 08:23:00 GMT

Ólafur Björn Loftsson, afreksstjóri Golfsambands Íslands, hefur tilkynnt hvaða leikmenn skipa landslið Íslands í karla-, kvenna-, pilta- og stúlknaflokki á Evrópumótunum í liðakeppni 2023. Af völdum leikmönnum eru sjö kylfingar úr Golfklúbbi Mosfellsbæjar.

Kristján Þór Einarsson og Kristófer Karl Karlsson eru hluti af 6 manna liði Íslands en þeir leika á EM Karla á Green Resort Hrubá Borša vellinum í Slóvakíu 12.-15. júlí.

Berglind Erla Baldursdóttir og systurnar Eva Kristinsdóttir og Sara Kristinsdóttir eru hluti af 6 manna liði Íslands sem leika á EM stúlkna á Golf Club d’Hossegor í Frakklandi dagana 11.-15. júlí.

Auður Bergrún Snorradóttir og Pamela Ósk Hjaltadóttir keppa fyrir hönd Íslands á European Young Masters á Sedin Golf Club í Slóvakíu dagana 27.-29. júlí.

Við óskum þessum afrekskylfingum innilega til hamingju og góðu gengi í þessum verkefnum.

Frétt GSÍ

Birgir Björn og Hulda Clara sigruðu í Mosóbikarnum

Mon, 19 Jun 2023 07:25:00 GMT

Hulda Clara Gestsdóttir, GKG, sigraði í Mosóbikarnum sem fram fór á Hlíðavelli dagana 16.-18. júní. Mótið var annað mótið á stigamótaröð GSÍ á þessu ári. Hulda Clara og Saga Traustadóttir, GKG, léku frábært golf og voru jafnar á höggi undir pari eftir 54 holur. Hulda Clara stóð uppi sem sigurvegari eftir bráðabana. Heiðrún Anna Hlynsdóttir, GOS, varð þriðja á +1 .

1. Hulda Clara Gestsdóttir, GKG 215 högg (-1) (71-69-75).
2. Saga Traustadóttir, GKG, 215 högg (-1) (70-68-77).
*Hulda Clara sigraði eftir bráðabana.
3. Heiðrún Anna Hlynsdóttir, GOS 217 högg (+1) (72-73-72).

Birgir Björn Magnússon, GK, sigraði í Mosóbikarnum sem fram fór á Hlíðavelli dagana 16.-18. júní. Mótið var annað mótið á stigamótaröð GSÍ á þessu ári.

Birgir Björn lék hringina þrjá á 11 höggum undir pari sem er frábært skor en alls léku 20 aðrir leikmenn samtals á pari vallar eða betur á þessu móti.

Jóhannes Guðmundsson, GR, varð annar á -8 samtals og Axel Bóasson, GK, varð þriðji á sama skori eða -8.

1. Birgir Björn Magnússon, GK 205 högg (-11) (67-68-70).
2.-3. Jóhannes Guðmundsson, GR 208 högg (-8) (74-67-67).
2.-3. Axel Bóasson, GK 208 högg (-8) (70-67-71).

Keppendur komu frá 14 mismunandi klúbbum víðsvegar af landinu og voru 9 þeirra með keppendur í kvenna – og karlaflokki. Flestir keppendur voru frá GKG og GM en báðir klúbbar voru með 25 keppendur í þessu móti. GR var með 24 keppendur og GK var með 13.

Mosobikarinn - staðan eftir fyrsta dag

Fri, 16 Jun 2023 20:03:00 GMT

Mosóbikarinn hófst í dag í blíðskaparveðri á Hlíðavelli.

Virkilega góð skor hjá mörgum kylfingum og nutu kylfingar þess að spila flott golf í góðu veðri.

Rástímar morgundagsins hafa verið birtir.

Rástímar og staða

Skráning opin í Meistaramót GM

Wed, 14 Jun 2023 07:03:00 GMT

Ágætu GM félagar.

Búið er að opna fyrir skráningu í Meistaramót GM. Mótið fer fram dagana 2. - 8 júlí næstkomandi.

Mótið er ávallt hápunktur sumarsins hjá okkur og í fyrra var metfjöldi kylfinga sem tók þátt.

Skráning fer fram í golfboxinu. Skráning í meistaramót

Líkt og í fyrra munu 4. flokkur karla, 4. flokkur kvenna og 5. flokkur kvenna leika í Bakkakoti. Þau ykkar sem spilið í þeim flokkum, þið skráið ykkur í Meistaramót GM - Bakkakot.

Kylfingar 65 ára og eldri leika tvo hringi á Hlíðavelli og einn í Bakkakoti. Þau ykkar sem spilið í þeim flokkum, þið skráið ykkur í Meistaramót GM - Kylfingar 65+.

Allar upplýsingar um flokka, rástíma og ýmislegt fleira má finna í hlekknum hér að neðan.

Meistaramót GM - upplýsingar

Hlíðavelli snúið við - ræst út frá 10. teig

Sat, 10 Jun 2023 08:35:00 GMT

Ágætu kylfingar.

Frá mánudeginum 12. júní ætlum við að ræsa út á Hlíðavelli frá 10. teig.

Þetta gerum við til þess að jafna álag á vellinum og eins og staðan er núna þá eru holur 10 - 18 betur til þess fallnar að taka á móti fleiri hringjum þar sem staðan á þeim er að verða virkilega góð.

VIKING deildin

Mon, 05 Jun 2023 11:43:00 GMT

Í gær fór fram undankeppnin fyrir VIKING deildina í sumar og það voru 19 lið sem spiluðu um 9 laus sæti fyrir komandi sumar.

Úr varð hörku keppni og ansi mjótt á munum þegar upp var staðið.

Eftirfarandi lið komust inn í keppnina í sumar:

Það voru þrjú lið jöfn í 8 - 10. sæti og þá var það hæsta skor einstaklings innan hvers liðs sem réði úrslitum og því komust Ásarnir og RT1 inn á kosnað Kóróna.

Nú er búið að setja allt mótið upp og eru allir leikir sem og dagsetningar (tímasetningar) komið inn á heimasíðuna okkar.

VIKING deildin

Vinsamlegast kynnið ykkur leikreglurnar vel svo að allt gangi smurt fyrir sig :)

Við minnum á mikilvægi þess að fyrirliðar tali sig saman fyrir hvern leik svo ekki komi upp neinn misskilningur með rástíma og þess háttar.

Við óskum þeim liðum sem komust áfram innilega til hamingju.

Gangi ykkur vel!

Titleist holukeppnin - búið að draga!

Fri, 02 Jun 2023 15:31:00 GMT

Ágætu GM félagar.

Nú er búið að draga í fyrstu leiki í Titleist holukeppninni. Virkilega góð þátttaka í ár,101 karl og 38 konur sem er virkilega gott.

VIð byrjum því á að spila 6 leiki kvenna megin ( í 64 kvenna úrslitum) og 37 leikir karla megin ( í 128 manna úrslitum).

Allir keppendur eiga að vera búnir að fá tölvupóst með upplýsingum og ef þið eigið að spila í fyrstu umferðinni þá er bara um að gera að drífa sig af stað :)

Góða skemmtun og gangi ykkur vel!

128 manna úrslit karla

64 manna úrslit kvenna

Golfbílar leyfðir á völlum GM

Fri, 02 Jun 2023 09:41:00 GMT

Opnað hefur verið fyrir golfbíla á okkar völlum.

Við getum þó aðeins opnað inn á fyrri 9 holurnar á Hlíðavelli eins og staðan er núna. Við vonumst þó til þess að hægt verða að opna inn á seinni 9 sem allra fyrst. Við munum hins vegar gefa undanþágu á golfbílaakstur á seinni 9 holur vallarins en til þess þarf sérstakt leyfi. Okkur er það mikið í mun að þau ykkar sem þurfið að nota golfbíl til þess að leika golf komist út á golfvöll og því förum við þessa leið.

Við verðum í sumar með golfbíl upp í Bakkakoti til leigu og við höfum einnig opnað fyrir umferð þar.

VIKING deildin - undankeppni

Fri, 26 May 2023 09:00:00 GMT

Ágætu GM félagar.

Líkt og áður var frábær skráning í VIKING deildina, það voru alls 26 lið sem skráðu sig til leiks í ár.

Líkt og áður þá komast aðeins 16 lið að og því verður spiluð undankeppni. Hún verður spiluð á Hlíðavelli sunnudaginn 4. júní. Ræst verður út frá kl. 07:30.

Þau lið sem þurfa ekki að fara í undankeppni ( þau lið sem komust í 8 liða úrslita í fyrra og uppfylla skilyrði um fjölda þáttakenda) eru eftirfarandi:

Ginfaxi

FÍG

TEAM FAMILY

Dansgólfið

Team Ecco

Jón Lee Wons

Svalur

Það eru því 19 lið sem spila um 9 laus sæti :)

Þau lið þurfa því að spila í undakeppninni. Undankeppnin fer fram sunnudaginn 4. júní á Hlíðavelli. Ræst verður út frá kl. 07:30 til 10:30. Leikin er 18 holu punktakeppni og hámarksforgjöf gefin er 36. Hverju liði er heimilt að senda fjóra fulltrúa í undankeppnina og það eru þrjú bestu skorin sem telja.

Tölvupóstur hefur verið sendur á fyrirliða hvers liðs og er fyrirliðinn beðinn um að senda nöfn þeirra sem spila fyrir hönd liðsins á uppgefið netfang.

Rástímar verða sendir út á keppendur föstudaginn 2. júní.

Ný afreksstefna kynnt

Fri, 19 May 2023 15:41:00 GMT

Á miðvikudaginn síðastliðinn var ný afreksstefna kynnt sem tekur gildi fyrir keppnisárið 2023. Töluverðar breytingar tóku gildi varðandi afreksviðmið og afrekssamninga keppniskylfinga og munu þessar breytingar hjálpa okkar bestu kylfingum að ná sem bestum árangri á margvíslegan hátt. Í æfingahóp landsliði Íslands eru 10 kylfingar úr Golfklúbbi Mosfellsbæjar en 18 öðrum bauðst samningur eftir viðmiðum afrekskylfings GM. Við óskum þessum kylfingum til hamingju og góðs gengis í sumar!

Opnun Hlíðavallar - fréttir af innanfélagsmótum GM

Tue, 16 May 2023 14:37:00 GMT

Ágætu GM félagar.

Tekin hefur verið ákvörðun um að opna holur 10 - 18 á Hlíðavelli næstkomandi fimmtudag, 18. maí. Skráning opnar í golfboxinu kl. 16:00 í dag.

Veturinn sem nú er vonandi búinn að kveðja okkur var mjög sérstakur og hefur gert okkur talsvert erfitt fyrir þar sem þetta hefur allt farið frekar rólega af stað hjá okkur. Veturinn hefur verið mjög óvenjulegur að því leitinu til að það var umtalsvert frost á bera jörð. Það hefur þær afleiðingar í för með sér að frostið nær umtalsvert djúpt ofan í jörðu auk þess sem grasplantan getur hreinlega drepist þegar frost fer niður í allt að 13 -15 gráður.

Við ætlum líkt og koma fram hér að ofan einungis að opna seinni 9 holur vallarins. Þær eru mun lengra komnar og eru farnar að líta vel út. Við gefum fyrri níu aðeins lengri tíma og náum vonandi að opna þær í næstu viku. Það verða gervigrasmottur á einhverjum teigum og biðjum við ykkur vinsamlegast um að nota þær. Bjarni vallastjóri, Felix, Óli og Pétur hafa unnið mikið og gott starf í allan vetur og þá sérstaklega undanfarnar vikur við það að koma völlunum okkar í gott stand fyrir sumarið. Eiga þeir stórt hrós skilið fyrir það hversu vel þetta hefur gengið hjá þeim. Við opnuðum Bakkakotið síðastliðinn laugardag og það er óhætt að fullyrða að Bakkakotið sé í virkilega góðu ástandi og það ríkir mikl ánægja hjá þeim sem hafa spilað völlinn undanfarna daga. Seinni 9 á Hlíðavelli líta vel út, góður gróandi í flötunum og allt á réttri leið þar. Kominn góður vöxtur og eru þau komin á þann stað við við treystum þeim til að taka á móti golfurum.

Golfbúðin/afgreiðslan okkar á Hlíðavelli verður opin alla daga frá kl. 8:00 til 20:00 frá og með fimmtudeginum.

Vellir klúbbsins verða áfram eingöngu opnir fyrir GM félaga.

Undanfarin ár höfum við verið með vinnudag áður en við opnum, við ætlum að geyma hann aðeins og vera með hann þegar við opnum allar 18 holurnar.

Við minnum á að æfingasvæðið okkar á Hlíðavelli er opið sem og æfingaflatirnar, hægt er að endurnýja boltalyklana frá því í fyrra hjá okkur á skrifstofunni.

Líkt og komið hefur fram þá verða breytingar hjá okkur á innskráningu í golf, nú notum við stafrænt kort sem er í golfbox appinu ykkar til þess að staðfesta rástíma. Þetta hefur gengið virkilega vel í Bakkakoti það sem af er og vonandi heldur það áfram hér á Hlíðavelli. Það eru skjáir á okkar völlum með QR kóða sem þið notið til að staðfesta ykkar rástíma. Hvernig staðfesti ég rástíma

Við tökum einnig í notkun aftur eftir smá hlé GLFR appið sem flest ykkar vonandi þekkja. Það er búið að endurbæta það talsvert og vonumst við til þess að það eigi eftir að bæta okkar þjónstu til ykkar umtalsvert og hvetjum við ykkur til þess að sækja appið og setja það upp í ykkar símum.

Smellið hér til að skoða GLFR

Það er hægt að skrá skor fyrir allt að fjóra kylfinga í appinu og er það beintengt golfboxinu og uppfærist skorið því sjálfkrafa í forgjafarkerfið.

Innanfélagsmótaraðir GM!

Við erum aðeins seinna með þetta á ferðinni heldur en við ætluðum okkar, það er einfaldlega vegna þess að golfvellirnir okkar eru ekki að opna eins snemma og vonir stóðu til um :)

Viking deildin - skráning hafin!

Skráning er hafi og stendur yfir til miðvikudagsins 24.maí. Ef skráning fer umfram 16 lið þá verður leikin undankeppni. Dagsetning hennar verður þá auglýst að skráningartíma liðnum.

Smellið hér til að fá upplýsingar um VIKING deildina og skráningu.

Titleist holukeppnin - skráning hafin!

Meistaramót GM í holukeppni, Titleist-holukeppnin, er eitt skemmtilegasta mót ársins.

Mjög einfalt að taka þátt, þú einfaldlega skráir þig til leiks, engin undankeppni líkt og verið hefur undanfarin ár. Eftir að skráningarfrest líkur þá er dregið um það hvaða kylfingar mætast í fyrstu umferð. Keppt er í karla og kvennaflokki.

Upplýsingar um Titleist holukeppnina

Skráning í holukeppnina fer fram í golfboxinu.
Einnig er hægt að hringja í síma 5666999 og skrá sig til leiks.

Bakkakot opnar - fréttir af okkar golfvöllum

Thu, 11 May 2023 09:49:00 GMT

Ágætu GM félagar.

Tekin hefur verið ákvörðun um að opna golfvöllinn í Bakkakoti næstkomandi laugardag 13. maí.

Nú er það svo að ólíkt undanförnum árum að Bakkakotið kemur mun betur undan vetri og er talsvert fyrr til heldur en Hlíðavöllur. Þar lá meiri snjór á jörðu, meira skjól fyrir kaldri norðanátt og meiri raki í öllu svæðinu og er staðan þar góð. Einhverjir teigar eru illa farnir en við gefum þeim aðeins meiri tími og þá koma þeir vonandi fljótlega til.

Við ætlum því að opna Bakkakotið núna á laugardaginn og munum við opna fyrir bókanir í golfboxinu kl. 12:00 í dag fimmtudaginn 11. maí. Til að byrja með verður völlurinn eingöngu opinn fyrir GM félaga.

Hlíðavöllur er aðeins á eftir og við getum við miður ekki opnað hann um helgina. Það má segja það að Hlíðavöllur sé á svipuðum stað og hann er í "venjulegu" árferði ef það væri ca 20. apríl. Það jákvæða er að það virðist ekki vera mikið um það að gras hafi hreinlega drepist hjá okkur og er það virkilega jákvætt. Nýgræðlingur í kringum nýju fjórðu flötina okkar fór talsvert illa, auk þess sem hluti gula teigsins á 6. braut er illa farinn. Annað lítur bara heilt yfir nokkuð vel út, það vantar bara meiri gróanda. Flatirnar á seinni níu eru talsvert lengra komnar og höfum við sett dúka á fjórar flatir á fyrri níu holunum til að ýta þeim aðeins áfram og verja þær fyrir kuldanum sem á að koma núna um helgina.

Við höfum sett stefnuna á það að opna Hliðavöll á fimmtudaginn í næstu viku,hvort sem það verða 9 holur eða 18 og vonum við svo sannarlega að okkur takist það. Það er smá kuldi í kortunum yfir helgina en svo á að hlýna strax aftur sem verður vonandi til þess að þetta haldi allt áfram að þróast í rétta átt hjá okkur.

Við minnum á að æfingasvæðið okkar á Hlíðavelli er opið sem og æfingaflatirnar, hægt er að endurnýja boltalyklana frá því í fyrra hjá okkur á skrifstofunni.

Líkt og komið hefur fram þá verða breytingar hjá okkur á innskráningu í golf, nú notum við stafrænt kort sem er í golfbox appinu ykkar til þess að staðfesta rástíma. Það eru skjáir á okkar völlum með QR kóða sem þið notið til að staðfesta ykkar rástíma. Hvernig staðfesti ég rástíma

Smellið hér til að skoða GLFR

Það er hægt að skrá skor fyrir allt að fjóra kylfinga í appinu og er það beintengt golfboxinu og uppfærist skorið því sjálfkrafa í forgjafarkerfið.

Þið getið notið appið til þess að skrá tölfræði allra högg sem þið sláið á golfvellinum.

Heimasíðan okkar verður beintengd appinu þannig að þið fáið ávallt tilkynningu (ef þið óskið þess) þegar við sendum frá okkur fréttir.

Við höfum undanfarin ár ekki verið með skortkort í mótum hjá okkur ( fyrir utan meistaramót) og við ætlum að halda þeirri þróun áfram. Það eru talsverð þægindi fólgin í því að geta skráð skor beint í símann og senda það svo beint inn í forgjafarkerfið að leik loknum. Það einfaldar sérstaklega alla vinnu mótstjórnar við mótahaldið.

Þegar að golfmót eru þá setur það mjög svo skemmtilegan svip á golfmótin að geta ávallt fylgst með stöðu mála og höfum við tekið vel eftir því hversu mikil stemmning getur myndast þegar svo er.

Einnig ætlum að við lágmarka það eins og við best getum að bjóða upp á skorkort við daglegt spil þar sem okkar upplifun er sú að það séu ávallt fleiri og fleiri kylfingar hættir að nota þau.

Gleðilegt golfsumar :)

Æfingasvæðið á Hlíðavelli opnar

Fri, 05 May 2023 15:03:00 GMT

Æfingasvæðið á Hlíðavelli opnar á morgun miðvikudaginn 16. apríl kl. 15:00.

Svæðið hefur þornað umtalsvert undanfarna daga og við ætlum því að opna það.

Það er verið að vinna í því núna, koma mottunum út á svæðið, yfirfara boltavélina og ýmislegt fleira. Við munum einnig opna inn á æfingaflatirnar tvær sem þar eru.

Til að byrja með (eða þar til að við opnum Hlíðavöll) verður boltavélin opin frá kl. 09:00 til 21:00.

Yfir páskana verður opnunin þó með öðruvísi sniði eða sem hér segir.

Fimmtudagur (skírdagur) 12:00 - 19:00

Föstudagurinn langi 12:00 - 18:00

Laugardagur 10:00 - 18:00

Sunnudagur (páskadagur) 12:00 - 18:00

Mánudagur (annar í páskum) 12:00 - 20:00

Golfhermarnir okkar eru að sjálfsöðu ennþá opnir og verður venjulegur opnunartími yfir páskana að því undanskildu að lokað er á Föstudaginn langa sem og á pásksdag.

Æfingasvæðið á Hlíðavelli Opnar

Fri, 05 May 2023 15:03:00 GMT

Ágætu GM félagar.

Æfingasvæðið á Hlíðavelli opnar á morgun laugardaginn 6. maí.

Boltavélin er full af boltum og það er búið að slá og opna inn á púttflatirnar. Það er bannað að slá af grasinu en að sjálfsögðu ekkert mál að nota gervigrasið okkar.

Við minnum á að það þarf að endurnýja inneignina inn á lyklunum frá því í fyrra. Við verðum í afgreiðslunni hjá okkur á morgun og sunnudaginn milli kl. 09:00 og 16:00 og endurnýjum fyrir ykkur :)

Við tilkynnum svo vonandi nánari opnunardaga á golfvöllunum okkar strax eftir helgi.

Sumarnámskeið barna - skráning hafin

Fri, 05 May 2023 14:30:00 GMT

Andri Ágústsson PGA golfkennari, Jana Ebenezerdóttir og Arnór Daði Rafnsson hafa yfirumsjón með námskeiðunum en leiðbeinendur eru afrekskylfingar í GM með reynslu af kennslu á golfnámskeiðum.

Námskeiðin eru á eftirfarandi dagsetningum sumarið 2023:

Júní

12. - 16. júní (5 dagar) ( Skráning hér - ekki virk fyrr en 1. maí)

26. júní - 30. júní (5 dagar) ( Skráning hér - ekki virk fyrr en 1. maí)

Júlí

10. - 14. júlí (5 dagar) ( Skráning hér - ekki virk fyrr en 1. maí)

17. - 21. júlí (5 dagar) ( Skráning hér - ekki virk fyrr en 1. maí)

24. - 28. júlí (5 dagar) ( Skráning hér - ekki virk fyrr en 1. maí)

Ágúst

31. júlí - 4. ágúst (5 dagar) ( Skráning hér - ekki virk fyrr en 1. maí)

8. - 11. ágúst (4 dagar) ( Skráning hér - ekki virk fyrr en 1. maí)

Fyrirkomulag

Námskeiðin eru kennd á milli klukkan 8 :15 og 12 :15 á daginn. Klukkan 12:15 er boðið upp á hádegismat innifalið í námskeiðinu en klukkan 13:00 hefjast golfæfingar hjá æfingahópum GM og eru allir sem skráðir eru á golfnámskeið velkomnir að mæta á þær æfingar endurgjaldslaust. Eftir að námskeiði lýkur er iðkendum boðið að mæta frítt á golfæfingar út sumarið.

Golfæfingahóparnir sem um ræðir eru á mánudögum, þriðjudögum og fimmtudögum:

13:00 - 14:00

- 10 ára og yngri kk

- 10 ára og yngri kvk

14:00 - 15:00

- 11-12 ára kk

- 11-12 ára kvk

Þeir sem vilja mæta á æfingu kl 14:00 geta fengið æfingabolta og æft sig sjálf á meðan. Einnig er aðstaða á neðri hæð íþróttamiðstöðvarinnar með borðtennis, foosball, golfhermum, púttflöt og sal til að slappa af í en leiðbeinandi verður á staðnum til að fylgjast með.

Á föstudögum er rúta frá Hlíðavelli í Bakkakot en þar verður skemmtilegur dagur í golfi sem endar með grillveislu. Rútan kemur aftur á Hlíðavöll kl 13:00.

Verð á námskeiðin er 19 .900 k r (15 .900 kr fyrir 4 daga námskeið) og innifalið í námskeiðsgjaldi er:

Námskeiðin eru opin fyrir börn fædd á árunum 2011 -2017 .

Komdu og vertu með á skemmtilegasta námskeiði sumarsins!

Nánari upplýsingar um námskeiðin er hægt að fá í tölvupósti á netfangið andri@golfmos.is

Listi yfir námskeiðin í Sportabler eru á slóðinni https://www.sportabler.com/shop/golfmos en skráning hefst 1. maí og eru þau ekki sýnileg fyrr en þá.

Staðan á völlum GM

Tue, 02 May 2023 08:11:00 GMT

Kæru GM félagar.

Nú vonum við svo sannarlega að vorið sé að detta inn, veðurspáin næstu daga er okkur hagstæð. Fínn hiti og rigning sem er það besta fyrir okkur þessa dagana.
Það hefur ekkert gerst í okkar völlum síðustu viku vegna kulda og þeir ennþá hálf brúnir að lit.

Í dag verður farið út og borið aftur á allar flatir og alla teiga og vonumst við til þess að það, ásamt hentugu veðurfari verði til þess að hlutirnir fari að gerast og grasið fari að grænka hratt og örugglega :)

Við náum því miður ekki að opna Hlíðavöll næstkomandi laugardag en vonumst svo sannarlega til þess að ná að opna jafnvel báða velli, 13 - 14 maí.

Myndin með þessari frét var tekin 27. apríl í fyrra, talsverður munur og gátum við opnað Hlíðavöll 1. maí.

Staðan á okkar golfvöllum - fyrirhuguð opnun!

Fri, 21 Apr 2023 09:22:00 GMT

Ágætu GM félagar.

Gleðilegt sumar :)

Nú er heldur betur farið að hlýna hjá okkur og grasið tekið vel við sér síðustu daga.

Vellirnir okkar koma báðir mjög vel undan vetri og ljóst að sú vinna sem vallastarfsmennirnir okkar fóru í að verja flatirnar í kuldakaflanum mikla í mars er að skila góðum árangri.

Nú er allt komið á fullt og búið að valta og bera á flatir og nú fylgjumst við með grasinu grænka.

Það er ennþá aðeins í land enda ennþá frost í jörðu á mörgum stöðum og vellirnir því ekki alveg tilbúnir.

Við erum að horfa á það opna Hlíðavöll laugardaginn 6. maí og Bakkakotið laugardaginn 13. maí. Ef hægt verður að opna fyrr þá munum við að sjálfsögðu gera það.

Við stefnum á það að opna æfingasvæðið strax í næstu viku.

Staðan á völlum klúbbsins

Wed, 12 Apr 2023 09:34:00 GMT

Kæru GM félagar.

Vorboðinn ljúfi, Masters mótið, vekur alltaf von í brjósti kylfinga um að opnað verði inn á velli landsins von bráðar. Ekki spillir fyrir einn stakur sólardagur líkt og annar í páskum bauð okkar uppá. Þá er tímabært fyrir vallastjóra að rífa mannskapinn niður á jörðina aftur og minna á hnattræna stöðu og kuldakastið fyrr á árinu.

Frost er enn í jörðu, eins og búast má við eftir þær miklu frosthörkur sem við gengum í gegnum. Frostið hefur náð niður á 80cm dýpi, sem er sennilega það mesta sem undirritaður hefur séð á þessum slóðum á tæplega 30 ára starfsferli. Á Hliðavelli var grynnst niður á frost um 10 cm en dýpst um 30 cm. Í Bakkakoti vorum við að komast á frost í 7-15 cm dýpi.

Slagviðris rigningar síðustu daga koma sér einstaklega vel. Því meiri rigning því betra, það hraðar bráðnun neðar í jarðveginum. En fyrir vikið er völlurinn mjög viðkvæmur og jarðvegur víða mjúkur og sporast mikið í honum ef gengið er á. Við biðjum því þá kylfinga sem eru að spila vetarvöllinn að ganga einstaklega varlega um. Það er auðvelt að valda tjóni á þessum árstíma.

Það er ljóst að í Bakkakoti sat meiri snjór á vellinum í vetur, og það varði hann að nokkru leyti fyrir verstu vetrarhörkunum. Fyrir vikið eru flatir grænni í Bakkakoti en á Hlíðarvelli, en það er ekki víst að Bakkakotið verði fyrr til þar sem að hægar hefur gengið að bræða frostið í jarðveginum.

Það er þó ljóst að við munum gera okkar allra besta til að koma öllum í golf sem fyrst. Ólíklegt verður að teljast að það takist fyrir apríl lok, nema að allir kylfingar sýni samstöðu sína í því að biðja til veðurguðanna góðu og óski eftir alvöru suð-vestan slagviðri með góðum hita og ofgnótt af rigningu. Á meðan er að sjálfsögðu hægt að komast í golf í golfhermunum.

Vorkveðja

Vallastjóri.

Úrslit í púttmótaröð karla og kvenna 2023

Tue, 11 Apr 2023 09:55:00 GMT

Þá er púttmótaröð karla og kvenna árið 2023 lokið og sigurvegarar í einstaklingskeppni og liðakeppni komnir fram. Frábær keppni og um áttatíu þátttakendur sem tóku þátt.

Sigurvegarar í liðakeppni kvenna voru Drollurnar og sigurvegarar í liðakeppni karla voru Bara fuglar .

Í einstaklingskeppni karla voru úrslit eftirfarandi

1. sæti - Jónas Baldursson

2-3 sæti - Siggeir Kolbeinsson

2-3 sæti - Kristinn Viðar Sveinbjörnsson

Í einstaklingskeppni kvenna voru úrslit eftirfarandi

Forgjafaflokkur 0-20

1. sæti - Pamela Ósk Hjaltadóttir - 290 högg

2. sæti - Eva Kristinsdóttir - 296 högg

3. sæti - Harpa Sigurbjörnsdóttir og Brynja Sigurðardóttir - 305 högg

Forgjafaflokkur 20,1 +

1-2. sæti - Eiríka Stefánsdóttir og Kristín Inga Guðmundsdóttir - 304 högg

3. sæti - Lena Ýr Sveinbjörnsdóttir og Eygerður Helgadóttir - 309 högg

Lokaúrslit má sjá hér fyrir neðan.

konur 2023 lokastaða allir einstaklingar.png

konur 2023 lokastaða lið.png

karlar 2023 lokastaða einstaklingar.png

karlar 2023 lokastaða lið.png

Vinninga má vitja á skrifstofu GM

Opnunartími yfir páskana!

Tue, 04 Apr 2023 10:02:00 GMT

Íþróttamiðstöðin okkar verður opin alla páskana og því um að gera að skella sér í heimsókn og æfa sveifluna :)

Við opnum alla daga kl. 09:00 og erum með opið til kl. 22:00. Nema föstudaginn langa og páskadag, þá er opið til 20:00.

Einnig er vetrarvöllurinn okkar opinn og hægt er að bóka rástíma á í golfboxinu.

Skrifstofa GM er lokuð yfir páskana.

Gleðilega páska.

Fjórir kylfingar GM kepptu í úrslitum í Landsmóti golfherma

Mon, 03 Apr 2023 10:39:00 GMT

Úrslitakeppni í Landsmótinu í golfhermum 2023 fór fram í gær, sunnudaginn 2. apríl. Þetta er í annað sinn sem Landsmótið í fer fram en Golfklúbbur Mosfellsbæjar átti fjóra keppendur alls, tvo í kvennaflokki og tvo í karlaflokki. Leiknar eru tvær undankeppnir í mótinu og í úrslitunum voru 16 bestu kylfingarnir, 8 í karlaflokki og 8 í kvennaflokki. Mótið var leikið á Grafarholtsvelli af bláum og hvítum teigum og var mótið sýnt í beinni útsendingu á Stöð 2 Sport.

Í kvennaflokki voru kandidatar GM landsliðsstelpurnar Sara Kristinsdóttir og Berglind Erla Baldursdóttir og endaði Sara í 4. sæti á -2 og Berglind í 6. sæti á +6.

Í karlaflokki voru það feðgarnir Ingi Rúnar Gíslason og Aron Skúli Ingason sem kepptu fyrir hönd GM en Ingi Rúnar endaði í 6. sæti á +2 og Aron í 8. sæti á +8.

Frétt golf.is um mótið .

65+ starf GM fær hvatningarverðlaun UMSK

Fri, 31 Mar 2023 13:53:00 GMT

99. ársþing UMSK (Ungmennasamband Kjalnesinga) fór fram í gær og þar tóku fulltrúar 65+ starfsins okkar við Hvatningarverðlaunum UMSK. Þetta starf hefur stækkað og dafnað alveg ótrúlega hratt hjá okkur síðstliðið ár og það var virkilega gaman og mikill heiður að fá þessi verðlaun og hvetju þau okkur til áframhaldandi góðra verka.

Það voru fulltrúar 65+ starfsins og nefndarfólkið Hrefna Birgitta, Svanberg, Ingveldur og Páll sem tóku við verðlaununum fyrir hönd hópsins.

Óskum við þeim kærlega til hamingju og við erum virkilega stolt af því góða starfi sem þau eru að vinna.

Púttmótaröð kvenna - staðan eftir 9. umferðir

Fri, 31 Mar 2023 09:04:00 GMT

Nú eru níu púttkvöld búin og einungis eitt eftir. Hér að neðan má sjá stöðuna.

staðan einstaklingar

staðan lið

Púttmótaröð karla - 9 umferð - staðan

Mon, 27 Mar 2023 10:39:00 GMT

Næst síðasta umferð í púttmótaröð karla fór fram í gær sunnudag. Nú er mjótt á munum og því tilvalið fyrir menn að gíra sig upp fyrir síðasta pútthring vetrarins næsta sunnudag.

Stöðuna eftir 9 umferðir má sjá hér fyrir neðan

karlar 2023 9 umferð einstaklingar.png

karlar 2023 9 umferð lið.png

Minnum svo á síðustu umferðina næsta sunnudag milli klukkan 18 og 22.

Púttmótaröð kvenna - 8 umferð - staðan

Thu, 23 Mar 2023 08:58:00 GMT

Áttunda umferð í púttmótaröð kvenna lauk í gær. Kátt var á hjalla og allar spennta að komast út á völl með vorinu.

Hér fyrir neðan má sjá stöðuna eftir átta umferðir.

konur 2023 8 umferð einstaklingar.png

konur 2023 8 umferð lið.png

Aðeins eru tvær umferðir eftir í mótaröðinni svo um að gera að mæta næsta miðvikudag milli klukkan 20 og 22.

Púttmótaröð karla - 8 umferð - staðan

Mon, 20 Mar 2023 09:46:00 GMT

Áttunda umferð í púttmótaröð karla lauk í gærkvöld. Glæsileg tilþrif sáust.

Staðan þegar aðeins tveimur umferðum er ólokið má sér hér fyrir neðan.

karlar 2023 8 umferð einstaklingar.png

karlar 2023 8 umferð lið.png

Minnum á níundu umferð næsta sunnudag milli klukkan 18 og 22

Fræðslukvöld - Hvað er að vera kylfingur!

Fri, 17 Mar 2023 13:58:00 GMT

Ágætu GM félagar.

Við ætlum að halda áfram með fræðslu fyrir okkar félagsmenn sem ber heitir "Hvað er að vera kylfingur". Við fórum af stað með þessi námskeið í fyrra vor og heppnuðust þau mjög vel.

Við byrjum með eitt námskeið sem verður mánudagskvöldið 27. mars kl. 20:00 og vonumst svo sannarlega eftir því að það verði fullt á það fræðslukvöld og þá bætum við fleiri kvöldum við :)

Þarna ætlum við að fara yfir þau atriði sem við sem kylfingar þurfum að hafa í huga þegar við spilum golf. Á þessum fræðslukvöldum verður meðal annars farið yfir eftirfarandi atriði:
- Skráning í rástíma og mót.
- Staðfesta komu á vellina okkar.
- Helstu golfreglur.
- Hvernig ber ég mig að út á golfvelli, hvað er gott að hafa í huga þegar ég spila golf!
- Leikhraði.
- Umgengi um glompur.
- Laga boltaför.

Þorsteinn Hallgrímsson GM félagi og fyrrverandi Íslandsmeistari í golfi mun fara yfir það hvernig við berum okkur að úti á golfvelli og Sigurður Geirsson, GM félagi og alþjóðadómari í golfi mun fara yfir helstu golfreglur.

Þessi fræðslukvöld eru hugsuð fyrir alla GM félaga og er það okkar von að sem flest mæti og fræðist um golfíþróttina og hvernig við sem kylfingar högum okkur á golfvellinum. Við viljum sérstaklega hvetja nýliða og þau ykkar sem ekki hafið stundað golf lengi til að mæta og er það okkar von að eftir svona fræðslukvöld verði ykkar upplifun af því að spila golf skemmtilegri :)

Við höfum opnað fyrir skráningu á fyrsta kvöldð inn á sportabler. Skráning á fræðslukvöld

Aðgangur er að sjálfsögðu ókeypis.

Hlökkum til að sjá ykkur :)

Fræðslukvöld - Hvað er að vera kylfingur!

Fri, 17 Mar 2023 13:58:00 GMT

Ágætu GM félagar.

Við ætlum að halda áfram með fræðslu fyrir okkar félagsmenn sem ber heitir "Hvað er að vera kylfingur".

Næsta námskeið verður haldið þriðjudaginn 18. apríl kl. 20:00 til 21:30 og vonumst svo sannarlega eftir því að það verði fullt á það fræðslukvöld og þá bætum við fleiri kvöldum við :)

Þarna ætlum við að fara yfir þau atriði sem við sem kylfingar þurfum að hafa í huga þegar við spilum golf. Á þessum fræðslukvöldum verður meðal annars farið yfir eftirfarandi atriði:
- Skráning í rástíma og mót.
- Staðfesta komu á vellina okkar.
- Helstu golfreglur.
- Hvernig ber ég mig að út á golfvelli, hvað er gott að hafa í huga þegar ég spila golf!
- Leikhraði.
- Umgengi um glompur.
- Laga boltaför.

Þorsteinn Hallgrímsson GM félagi og fyrrverandi Íslandsmeistari í golfi mun fara yfir það hvernig við berum okkur að úti á golfvelli og Sigurður Geirsson, GM félagi og alþjóðadómari í golfi mun fara yfir helstu golfreglur.

Þessi fræðslukvöld eru hugsuð fyrir alla GM félaga og er það okkar von að sem flest mæti og fræðist um golfíþróttina og hvernig við sem kylfingar högum okkur á golfvellinum. Við viljum sérstaklega hvetja nýliða og þau ykkar sem ekki hafið stundað golf lengi til að mæta og er það okkar von að eftir svona fræðslukvöld verði ykkar upplifun af því að spila golf skemmtilegri :)

Við höfum opnað fyrir skráningu á fyrsta kvöldð inn á sportabler. Skráning á fræðslukvöld

Aðgangur er að sjálfsögðu ókeypis.

Hlökkum til að sjá ykkur :)

Púttmótaröð kvenna - 7 umferð

Thu, 16 Mar 2023 10:37:00 GMT

Sjöunda umferð í púttmótaröð kvenna var leikin í gærkvöld.

Staðan eftir 7 umferðir má finna hér fyrir neðan.

konur 2023 7 umferð einst.png

konur 2023 7 umferð lið.png

Aðeins þrjár umferðir eftir svo um að gera að vera með næstkomandi miðvikudag milli klukkan 20 og 22 :-)

Háskólakylfingar GM léku gott golf

Wed, 15 Mar 2023 09:56:00 GMT

Háskólakylfingarnir Kristín Sól Guðmundsdóttir og Sverrir Haraldsson sem leika fyrir háskólana sína í Bandaríkjunum léku vel í háskólamótum sem kláruðust í gær.

Kristín Sól sem leikur fyrir Roger State University í Oklahoma fylki endaði jöfn í 4. sæti á +10 í einstaklingsflokki á heimamóti liðsins, Hillcat Classic. Hún lék báða hringi mótsins á 77 höggum í köldum og erfiðum aðstæðum. Lið Kristínar vann mótið og liðsfélagi hennar mótið í einstaklingsflokki.

Hér má sjá lokastöðuna í mótinu hjá Kristínu.

Sverrir Haraldsson sem leikur fyrir Appalachian State University í Norður-Karólínu lék einnig vel fyrir sinn skóla í Bash at the Beach háskólamótinu. Hann lék á 75-66-73 höggum og endaði jafn í 14. sæti á +1 samtals. Lið Sverris endaði í þriðja sæti í liðakeppninni á +4 samtals á 3 hringjum.

Hér má sjá lokastöðuna í mótinu hjá Sverri.

Haustferð GM til Valle del Este - 18. til 28. október 2023

Mon, 13 Mar 2023 13:16:00 GMT

Golfklúbbur Mosfellsbæjar í samstarfi við Icelandair VITA bjóða upp á glæsilega golfferð til Valle del Este 18. til 28. október næstkomandi.

Við fórum til Valle del Este í október 2021 og var sú ferð í alla staði alveg frábær. Þetta er virkilega skemmtilegt golfsvæði og hlökkum við til þess að heimsækja það aftur.

Í þessum hlekk hér má finna allar upplýsingar um ferðina ásamt bókunarupplýsingum; félagsferð gm til valle del este á spáni 18.-28. október 2023.pdf .

Við eigum bókuð 60 sæti í þessa ferð og við ætlum okkur að sjálfsögðu að selja þau öll :)

Síðustu GM ferðir hafa tekist virkilega vel og við vitum að þarna verður eintóm gleði og hamingja :)

Allar upplýsingar varðandi ferðina er hægt að fá hjá VITAgolf í sima 5704457 eða á golf@vita.is.

Upplýsingar um Valle del Este golfsvæðið

Púttmótaröð karla - 7 umferð - staðan

Mon, 13 Mar 2023 10:02:00 GMT

Sjöunda umferð í púttmótaröð karla fór fram í gærkvöld. Þrátt fyrir kaldan sunnudag mættu menn galvaskir til keppni og púttuðu sig í gang fyrir sumarið.

Staðan eftir sjö umferðir má sjá hér fyrir neðan.

karlar 2023 7 umferð einstaklingar.png

karlar 2023 7 umferð lið.png

Áttunda umferð verður svo leikin næsta sunnudag milli klukkan 18 og 22.

Púttmótaröð kvenna - 6 umferð - staðan

Thu, 09 Mar 2023 09:20:00 GMT

Sjötta umferð í púttmótaröð kvenna fór fram í gærkvöld. Eitthvað hefur brautin verið erfið :-)
Lið skiptust á sætum sem er alltaf skemmtilegt. Hér fyrir neðan má sjá stöðuna eftir 6 umferðir.

konur 2023 6 umferðir einstaklingar.png

konur 2023 6 umferð lið.png

Hlökkum til að sjá ykkur næsta miðvikudag milli klukkan 20 og 22

Púttmótaröð karla - 6 umferð

Wed, 08 Mar 2023 16:04:00 GMT

Sjötta umferð í púttmótaröð karla fór fram síðastliðinn sunnudag. Hörku keppni í gangi og menn skiptast á sætum.

Hér má sjá stöðuna eftir 6 umferðir.

karlar 2023 6 umferð einstaklingar.png

karla 2023 6 umferð lið.png

Minnum á næstu umferð næsta sunnudag frá klukkan 18 til 22.

Púttmótaröð kvenna - 5 umferð

Thu, 02 Mar 2023 12:36:00 GMT

Fimmta umferð í púttmótaröð kvenna var leikin í gærkvöld. Völlurinn bara nokkuð erfiður en svakalega skemmtilegur.

Stöðuna eftir 5 umferðir má sjá hér fyrir neðan.

konur 2023 5 umferð einstaklingar.png

konur 2023 5 umferð lið.png

Sjötta umferð verður svo leikin næsta miðvikudag milli klukkan 20 og 22

Fyrsti mótið í vetrarmótaröðinni verður haldið næstkomandi laugardag

Thu, 02 Mar 2023 10:35:00 GMT

Ágætu GM félagar.

Vetrarmótaröðin okkar hefst núna á laugardaginn, spáin góð og því ekkert því til fyrirstöðu að skella sér út á golfvöll í góðum félagsskap.

Skráning í mótið fer fram á GolfBox og greiðist mótsgjald við skráningu. Kylfingar skrá sig sjálfir á rástíma í gegnum GolfBox. Smellið hér til þess að ganga frá skráningu.

Þátttökugjald er 1.000 krónur og rennur ágóðinn til barna og unglingastarfs GM.

Keppt er í punktakeppni m/forgjöf og höggleik án forgjafar.

Mæting er klukkan 8:30 í neðri hæðina á Klett, en ræst verður út af öllum teigum stundvíslega klukkan 9:00.

Skráning á rástíma er því eingöngu til þess að raða í holl og hámarksfjöldi keppenda er 40.

Við minnum á að það er skylda að nota gervigrasmotturnar fyrir öll högg.!

Mikilvægt er að þeir félagsmenn sem leika golf yfir vetrartímann séu meðvitaðir um að völlurinn er viðkvæmur og ganga þarf afar vel um. Forðast skal viðkvæm svæði og reyna eftir besta magni að dreifa umferðinni.

Vetrarmótin eru innanfélagsmót.

Púttmótaröð karla - 5 umferð

Mon, 27 Feb 2023 13:39:00 GMT

Fimmta umferð í púttmótaröð karla fór fram í gær. Flott skor og mikil stemming.

Hér fyrir neðan er staðan eftir 5 umferðir.

karla 2023 5 umferð einst.png

karla 2023 5 umferð lið.png

Sjötta umferð fer fram næsta sunnudag milli kl. 18 og 22

Púttmótaröð kvenna - 4 umferð

Thu, 23 Feb 2023 09:26:00 GMT

Fjórða umferð í púttmótaröð kvenna fór fram í gærkvöldi. Mikil stemming í konunum og frábær skor.

Staðan eftir fjórar umferðir má sér hér fyrir neðan.

konur 2023 4 umferð einst.png

konur 2023 4 umferð lið.png

Minnum á fimmtu umferð næsta miðvikudag milli 20 og 22

Mátunardagar - GM merktur fatnaður

Wed, 22 Feb 2023 11:16:00 GMT

Dagana 26. febrúar til og með 1. mars verður boðið upp á mátunardaga á GM merktum fatnaði fyrir sumarið 2023.

Í meðfylgjandi auglýsingu má sjá upplýsingar um þær flíkur sem eru í boði ásamt verðum.

Fatnaðurinn verður á tilboðsverði þessa daga og því um að gera að nýta sér það og græja sig fyrir sumarið.
Um grunnfatnað er að ræða frá FootJoy sem við pöntum inn á hverju ári ásamt nokkrum nýjungum.

Hægt er að koma við í golfbúðinni okkar og máta á eftirfarandi tímum:

Sunnudagur 26 febrúar – frá 18:00 – 20:30 (púttkvöldi karla)

Mánudagur 27 febrúar – frá 8:30 – 16:00

Þriðjudagur 28 febrúar – frá 8:30 – 16:00

Miðvikudagur 1 mars – frá 08:30 – 16:00 og frá 20:00 – 21:30 (púttkvöldi kvenna)

Komdu við, mátaðu og pantaðu þér flottar vörur á góðu verði.

Vonumst til þess að sjá sem flesta í GM merktum fatnaði í sumar!

gm merktur fatnaður mátunardagar.pdf

Einnig ætlum við að bjóða eldri vörur sem við eigum til hjá okkur á lager á frábæru verði.

Púttmótaröð karla - 4 umferð

Mon, 20 Feb 2023 11:22:00 GMT

Fjórða umferð í púttmótaröð karla var leikin í gær. Góð skor og enþá betri stemming.

Stöðuna eftir fjórar umferðir má sjá hér fyrir neðan.

karlar 4 umferð einstaklingar.png

karlar 4 umferð lið.png

Minnum á fimmtu umferð næsta sunnudag milli 18 og 22 en þá er mótið hálfnað.

Púttmótaröð kvenna - 3 umferð

Thu, 16 Feb 2023 09:19:00 GMT

Þriðja umferð í púttmótaröð kvenna fór fram í gærkvöld.

Staðan eftir þrjár umferðir má sjá hér fyrir neðan.

konur 2023 3 umferð einstk.png

konur 2023 3 umferð lið.png

Minnum á næsta púttkvöld kvenna næsta miðvikudag frá klukkan 20-22.

Hrefna Birgitta Bjarnadóttir - Félagsmaður ársins

Tue, 14 Feb 2023 09:14:00 GMT

Árshátíð GM var haldin síðastliðinn laugardag og var hún vel sótt og þökkum við öllum ykkar sem mættuð kærlega fyrir komuna.

Á árshátíðinni voru veitt ýmis verðlaun og þar bar hæst félagsmaður ársins, en það er viðurkenning sem við veitum þeim GM félaga sem unnið mikið og óeigingjarnt starf í þágu klúbbsins.

Félagsmaður ársins fyrir árið 2022 er Hrefna Birgitta Bjarnadóttir.

Við fórum af stað síðastliðið vor með starf fyrir kylfinga í GM sem náð hafa 65 ára aldri. Það er óhætt að fullyrða að því hafi verið virkilega vel tekið og það eru um 170 kylfingar sem taka þátt í starfinu núna. Við vorum það heppin að fá öflugt fólk til þess að leiða þessa vinnu fyrir okkur og þar fer hún Hrefna fremst í flokki. Hún hefur haldið virkilega vel utan um þennan hóp og hefur sem formaður nefndarinnar leitt það af miklum dugnaði og krafti.

Er Hrefna virkilega vel að þessu komin og óskum við henni kærlega til hamingju og þökkum henni innilega fyrir sitt mikla og óeigingjarna starf í þágu klúbbsins.

Einnig viljum við þakka sérstaklega þeim Palla Eyvinds, Sigga Geirs, Ingveldi Braga, Svanberg og Braga Jóns sem hafa leitt þetta með henni Hrefnu, þau eiga líka stóran þátt í því hversu vel þetta hefur gengið hjá okkur.

Svo viljum við að sjálfsögðu þakka öllu þessa glæsilega fólki sem mætir alla miðvikudaga gerir þetta allt svona skemmtilegt :)

Púttmótaröð karla - 3 umferð

Mon, 13 Feb 2023 10:48:00 GMT

Þriðja umferð í púttmótaröð karla fór fram í gær sunnudag.

Stöðuna eftir 3 umferðir má sjá hér fyrir neðan

karlar 2023 3 umf einstaklingar.png

karlar 2023 3 umf lið.png

Minnum á næstu umferð næsta sunnudag milli 18 og 22 og alls ekki of seint að byrja að pútta því það gilda 5 af 10 umferðum.

Púttmótaröð kvenna - 2 umferð

Thu, 09 Feb 2023 14:37:00 GMT

Önnur umferð í púttmótaröð kvenna fór fram í gærkvöld og var flott mæting miðað við óveður.

Einhverjar smá breytingar voru á einstaklingum sem færðust til og höfðu myndað lið sem er frábært.

Það geta aldrei verið fleiri en 4 konur í liði.

Hér fyrir neðan má sjá stöðuna í einstaklingskeppni og liðakeppni.

konur 2023 einstaklingar2.png

konur 2023 2 umferð lið.png

lið .pdf

Minnum á næstu umferð næsta miðvikudag frá klukkan 20-22 (braut tilbúin til leiks rúmlega átta)

Púttmótaröð karla - 2 umferð

Tue, 07 Feb 2023 10:24:00 GMT

Önnur umferð í púttmótaröð karla fór fram síðastliðinn sunnudag.

Staðan eftir 2 umferðir má sjá hér fyrir neðan bæði í einstaklingskeppni og liðakeppni.

karlar 2023 2 umf einst.png

karlar 2023 2 umf lið.png

Minnum á næstu umferð næsta sunnudag milli kl. 18 og 22

Púttmótaröð kvenna - 1 umferð

Thu, 02 Feb 2023 11:44:00 GMT

Fyrsta umferð í púttmótaröð kvenna fór fram í gærkvöld. Mjög góð þátttaka var í mótinu.

Staðan eftir fyrstu umferð má sjá hér fyrir neðan bæði í einstaklingskeppni og liðakeppni.

gm konur 1 umferd einstaklingar.png

gm konur 1 umferd lið.png

Einnig er hér skjal með þeim liðum sem hafa skráð sig saman. Við settum inn að handahófi þær sem ekki voru skráðar í lið en ef einhverjar vilja vera saman þá bara senda okkur línu á golfmos@golfmos.is

gm lid konur.pdf

Púttmótaröð karla - 1 umferð

Tue, 31 Jan 2023 09:45:00 GMT

Fyrsta umferð í púttmótaröð karla fór fram síðastliðinn sunnudag.

Staðan eftir 1 umferð má sjá hér fyrir neðan bæði í einstaklingskeppni og liðakeppni.

karla 2023 1 umf einst.png

karla 2023 1 umf lið.png

Minnum á næstu umferð næsta sunnudag milli kl. 18 og 22

Vel heppnuð æfingaferð afrekskylfinga GM með landsliðshóp til Spánar

Mon, 30 Jan 2023 11:10:00 GMT

Rúmlega fjörutíu afreks- og landsliðskylfingar fóru til Spánar með landsliðinu í æfingaferð 13. - 20. janúar síðastliðinn. Þar af voru 10 kylfingar úr Golfklúbbi Mosfellsbæjar og þjálfari sem fóru með í ferðina.

Auður Bergrún Snorradóttir
Berglind Erla Baldursdóttir
Dagur Ebenezersson (þjálfari)
Eva Kristinsdóttir
Katrín Sól Davíðsdóttir
Kristján Þór Einarsson
Kristófer Karl Karlsson
María Eir Guðjónsdóttir
Pamela Ósk Hjaltadóttir
Sara Kristinsdóttir
Sverrir Haraldsson

Æft við fínar aðstæður á Hacienda Del Alamo golfsvæðinu á Spáni en einnig var leikið á Saurines de La Torre. Ólafur Björn Loftsson landsliðsþjálfari sá um skipulag á meðan ferðinni stóð en fengu kylfingar fjölbreyttar æfingar tíma með eigin þjálfara milli hringja.

Golfsambandið gerði samning á síðasta ári þess efnis að æfingabækistöð íslenska landsliðsins yrði á Hacienda Del Alamo og er þetta í fyrsta sinn sem slíkur samningur er gerður á vegum GSÍ. Markmið samstarfsins er að veita íslenskum landsliðs- og atvinnukylfingum hagkvæm og spennandi tækifæri að æfa að vetrarlagi við frábærar aðstæður. Landsliðs- og atvinnukylfingar hafa þess kost að halda á svæðið á eigin vegum til viðbótar við skipulagðar æfingarferðir.

Ingi Þór valinn íþróttamaður Seltjarnarness

Fri, 27 Jan 2023 13:32:00 GMT

Ingi Þór Ólafson, afrekskylfingur sem keppir í golfi fyrir hönd Golfklúbbs Mosfellsbæjar var valinn íþróttamaður Seltjarnarness 2022.

Ingi leikur á mótaröð þeirra bestu og endaði í 21. sæti á stigalista mótaraðarinnar 2022. Hans besti árangur á mótaröðinni var á B59 Hotel mótinu á Akranesi þar sem hann endaði í þriðja sæti á 4 höggum undir pari í krefjandi veðuraðstæðum. Ingi keppti einnig á Icelandic Junior Midnight Challenge mótinu sem er alþjóðlegt U23 mót sem haldið var á Hlíðavelli í Mosfellsbæ. Hann lék á 3 höggum undir pari og sigraði mótið einu höggi á undan Belganum Hugo Duquaine eftir harða keppni. Karlasveit Golfklúbbs Mosfellsbæjar endaði í þriðja sæti í Íslandsmóti Golfklúbba og má segja að Ingi Þór hafi verið einn af lykilmönnum sveitar GM. Einnig keppti Ingi Þór í Íslandsmóti golfklúbba U21 í sveit GM sem endaði í öðru sæti.

Við óskum Inga innilega til hamingju með titilinn!

Púttmótaraðir karla og kvenna að hefjast

Thu, 26 Jan 2023 13:08:00 GMT

Mótaraðirnar byrja miðvikudaginn 1. febrúar ( púttmótaröð kvenna) og sunnudaginn 29. janúar (púttmótaröð karla).

Mótaraðirnar standa yfir í 10 vikur og klárast því í byrjun apríl. Púttkvöld kvenna verður á miðvikudögum. Húsið opnar kl. 20:00 og hægt verður að pútta til kl. 22:00. Púttkvöld karla verður á sunnudögum og þá opnar húsið kl. 18:00 og hægt er að pútta til kl. 22:00. Púttað verður í inniaðstöðunni okkar í Íþróttamiðstöðinni Kletti.

Skráning
Til að flýta fyrir skráningu væri gott að fá tölvupóst frá þeim sem ætla að vera með, hann má senda á golfmos@golfmos.is . Einnig er hægt að mæta á svæðið og ganga frá skráningu þá.

Keppt verður bæði í einstaklingskeppni sem og í liðakeppni. Best væri að einn aðili sjái um að skrá liðið sitt til leiks til þess að einfalda skráningu.

Hvert lið er skipað þremur til fjórum leikmönnum. Þau ykkar sem ekki setjið saman lið verður raðað í lið af starfsfólki GM.

Fimm bestu umferðirnar af tíu telja.
Leiknir eru 2 hringir á hverju kvöldi, eða 36 holur.

Einstaklingskeppnin:
Keppt verður um púttmeistara klúbbsins í karla og kvennaflokki. Spilaðar 2 x 18 holur hvert kvöld.

Liðakeppnin:
Þrír eða fjórir leikmenn skipa hvert lið og spila allir 2x18 holur. Liðið skilar svo inn einu skori sem samanstendur af bestu fjórum 18 holu hringjunum hvert kvöld.

Mótsgjaldið er kr. 5000 , sem verður rukkað í gegnum sportabler þar sem greiðsluseðill verður sendur í heimabanka viðkomandi.

Glæsileg verðlaun í boði :)

Við vonum svo sannarlega til að sjá ykkur sem flest á þessum kvöldum í okkar glæsilegu inniaðstöðu. Það er um að gera að kíkja í mat á Blik og kíkja svo niður og taka þátt í skemmtilegu púttmóti í góðum félagsskap!

Árshátíð Golfklúbbs Mosfellsbæjar

Wed, 25 Jan 2023 09:50:00 GMT

Árshátíð Golfklúbbs Mosfellsbæjar!

Kæru GM félagar, nú er loksins komið að því að halda árshátíð Golfklúbbs Mosfellsbæjar eftir langa bið :)

Árshátíðin verður haldin laugardaginn 11. febrúar næstkomandi og við lofum ykkur frábærri stemmningu og miklu stuði :)

Snillingarnir okkar á Blik Bistro hafa sett saman glæsilegan matseðil fyrir kvöldið.

Forréttaplatti ..

Fordrykkur að hætti hússins.

-Peking andavorrúllur með hoysin sósu
-Risarækjur tempura með chilli mayjo
-Parmaskinka og Tindur
-Blómkáls hot wings
-Kjúklingaspjót satay

Aðalréttur
Nautalund með ristuðu rótargrænmeti, hvítlauks kartöflum og rauðvíns sósu.

Eftirréttur.
Brownie bitar með karamellu
Makkarónur
Kókostoppar
Vanillubollur

Húsið opnar kl. 18:00 og borðhald hefst úpp úr 19:00.

Glæsileg tilboð á barnum allt kvöldið!

Veitt verða ýmis verðlaun á árshátíðinni, m.a. félagsmaður ársins. Sigurvegarar í VITAmótaröðinni, Stellu deildinni og holukeppninni verða krýndir

Hljómsveitn Rán leikur fyrir dansi fram á rauða nótt!

Verðið er 9.900 krónur á mann og miðasala fer fram á síðunni hér fyrir neðan:

https://boka.golfmos.is/arshatid-golfklubbs-mosfellsbaejar/

Íþróttafólk Mosfellsbæjar 2022 heiðrað í gær.

Fri, 20 Jan 2023 12:59:00 GMT

Kjörið á iþróttafólki Mosfellsbæjar fór fram í gær og var veislan haldin á Blik.

GM átti glæsilega fulltrúa í kjörinu og var hann Davíð Gunnlaugsson valinn þjálfari ársins og meistaraflokkur kvenna var valinn afrekslið ársins. Óskum við þeim kærlega til hamingju með útnefninguna. Virkilega vel gert hjá þeim og eru þau öll virkilega vel að þessu komin.

Kristján Þór Einarsson og Sara Kristinsdóttir voru tilnefnd til íþróttakarls og íþróttakonu Mosfellbæjar en hlutu því miður ekki kosningu þetta árið.

Íþróttafólk ársins 2022 eru þau Anton Ari Einarsson knattspyrnumaður hjá Breiðablik og Thelma Dögg Grétarsdóttir blakkona úr Aftureldingu. Óskum við þeim kærlega til hamingju.

Opnunartímar yfir hátíðarnar

Mon, 19 Dec 2022 11:32:00 GMT

Ágætu GM félagar.

Íþróttamiðstöðin okkar í Kletti (neðri hæðin) verður lokuð á eftirfarandi dögum yfir hátíðarnar.

24. desember - Lokað

25. desember - Lokað

26. desember - Lokað

31. desember - Lokað

1. janúar - lokað.

Alla aðra daga er opið hjá okkur frá kl. 9:00 til 22:00.

Gleðileg jól :)

Innheimta árgjalda 2023

Tue, 06 Dec 2022 08:35:00 GMT

Árgjöld fyrir árið 2023 hafa verið send út í gegnum Sportabler líkt og í fyrra.

Smellið hér til þess að fá upplýsingar um árgjöldin og til þess að komast inn í Sportabler.

Hægt er að skipta greiðslum í allt að 10 skipti sé gengið frá fyrir 16. desember.

Ef ekkert er gert fyrir 16. des þá munum við líkt og áður senda árgjöldin út í kjölfarið og skipta þeim í fjórar greiðslur, fyrsti gjalddagi 2. janúar, 2023.

Davíð Gunnlaugsson lætur af störfum sem íþróttastjóri GM

Tue, 29 Nov 2022 11:56:00 GMT

Davíð Gunnlaugsson sem nánast allir GM félagar ættu að þekkja hefur óskað eftir því að láta af störfum sem Íþróttastjóri GM. Davíð hefur ákveðið að taka sér hvíld frá golfinu og skipta um starfsvettvang og mun hann láta af störfum í lok janúar.

Davíð hefur starfað hjá GM í um 20 ár, hóf hér störf sem unglingur við aðstoð í golfskóla GM sem starfræktur er á sumrin og hefur hann svo undanfarin sex ár verið í starfi íþróttastjóra. Davíð hefur leitt þann mikla uppgang sem verið hefur í okkar íþróttastarfi og undir hans handleiðslu hafa unnist fjölmargir Íslandsmeistaratitlar og íþróttastarfið okkar vaxið og dafnað virkilega vel. Það er því alveg ljóst að Davíð skilar af sér virkilega góðu búi.

Dagur Ebenezersson mun taka við starfi íþróttastjóra. Dagur er einnig flestum GM félögum vonandi kunnugur þar sem hann hefur unnið undanfarin ár hjá GM við golfkennslu og verið hluti af okkar sterka þjálfarateymi. Dagur er öllum hnútum kunnugur og mun án nokkurs vafa halda áfram þeirri miklu og góðu uppbyggingu sem hefur verið hjá okkur undanfarin ár.

Katrín Dögg Hilmarsdóttir, GM félagi til margra ára mun koma inn í okkar þjálfarateymi. Hversu mikið það verður mun tíminn leiða í ljós en hún mun hefja störf hjá okkur á nýju ári. Katrín er margreyndur kylfingur og hefur verið ein af okkar allra bestu kylfingum mörg undanfarin ár, hún hefur mikla reynslu af keppnisgolfi og við erum þess fullviss að hún á eftir að koma sterk inn í okkar starf.

Um leið og við óskum Davíð góðs gengis í nýjum verkefnum, bjóðum við Katrínu velkomna í okkar hóp. Einnig óskum við Degi til hamingju með sitt nýja starf og óskum þeim öllum velfarnaðar í þessum nýju áskorunum sem þau eru núna að taka sér fyrir hendur.

Aðalfundur GM - fréttir af fundinum.

Fri, 25 Nov 2022 10:59:00 GMT

Aðalfundur Golfklúbbs Mosfellsbæjar fór fram í gær og var virkilega góð mæting á fundinn, eða rétt tæplega 90 klúbbfélagar. Hægt er að sjá fundargerð aðalfundarins með því að smella á hlekkinn hér fyrir neðan.

fundargerð aðalfundar.pdf

Stjórn GM er þannig skipuð:

Formaður - Kári Tryggvason

Írunn Ketilsdóttir

Guðjón Karl Þórisson

Siggeir Kolbeinsson

Steinþór Pálsson

Andrea Jónsdóttir

Arna Rún Kristjánsdóttir.

Þær Andrea og Arna koma nýjar inn í stjórn.

Steinþór, Andrea og Arna voru kjörin til næstu tveggja ára á fundinum í gær.

Kári Tryggasvon formaður færði þeim Ragnheiði og Auði (sjá mynd hér fyrir ofan) blómvendi sem þakklætisvott í gær, en þær hafa setið í stjórn klúbbsins undanfarin ár og ákváðu að gefa ekki kost á sér til áframhaldandi stjórnarsetu. Þökkum við þeim kærlega fyrir virkilega gott samstarf.

Varastjórn GM er þannig skipuð:

Arnór Daði Rafnsson

Björn Óskar Guðjónsson

Einar Már Hjartarson

Elín Gróa Karlsdóttir

Þau Arnór Daði og Elín Gróa koma ný inn í varastjórn.

Þökkum við kjörnefnd klúbbsins, þeim Guðrúnu Leósdóttir, Óskari Sæmann og Þorvaldi B. Haukssyni kærlega fyrir sín störf í kringum stjórnarkosninguna.

Árgjöld fyrir árið 2023 voru samþykkt í gær og nú er hægt að ganga frá þeim í gegnum sportabler.

Smellið hér til þess að fá upplýsingar um árgjöldin og til þess að komast inn í sportabler.

Ef gengið er frá fyrir 30. nóvember er hægt að skipta greiðslum í allt að 11. skipti. Ef ekkert er gert fyrir 16. des þá munum við líkt og áður senda árgjöldin út í kjölfarið og skipta þeim í fjórar greiðslur, fyrsti gjalddagi 2. janúar, 2023.

Þær breytingar urðu á uppsetningu árgjalda að ungmennagjaldið er núna fyrir 19 - 29 (var 19 -26 ára) ára og viljum við þannig koma betur til móts við þennan hóp kylfinga þar sem brottfall hefur verið mikið við 27 ára aldurinn undanfarin ár. Einnig hækkuðum við öldunga gjaldið úr 67 ára og eldri upp í 68 ára og eldri.

Í lok fundar voru kylfingar ársins valdir og það eru þau Nína Björk Geirsdóttir og Kristján Þór Einarsson.

Kristján Þór átti sitt allra besta tímabil í ár. Hann varð Íslandsmeistari í golfi í Vestmannaeyjum, sigraði á Korpubikarnum á lægsta skori sögunnar á GSÍ mótaröðinni og varð að lokum stigameistari GSÍ.

Nína Björk varð í sumar klúbbmeistari Golfklúbbs Mosfellsbæjar í 18 sinn. Nína var lykilmaður og mikill leiðtogi í liði GM sem varð Íslandsmeistari golfklúbba í sumar en Nína sigraði alla sína leiki. Liðið var skipað ungum og mjög efnilegum kylfingum og hefur Nína gegnt afar mikilvægu hlutverki í þeim árangri sem við höfum náð í uppbyggingu öflugs kvennastarfs GM.

Í lok fundar var þeim Nínu og Kristjáni afhent silfurmerki GM. Er þetta í fyrsta sinn sem GM heiðrar sitt fólk með silfurmerki klúbbsins og eru þau Nína og Kristján virkilega vel að því komin og óskum við þeim kærlega til hamingju.

Að lokum viljum við þakka öllum þeim sem mættu á fundinn og þeim sem buðu sig fram í stjórnar og nefndarstörf fyrir klúbbinn kærlega fyrir.

Aðalfundur GM - Skýrsla stjórnar og ársreikningur

Thu, 24 Nov 2022 11:52:00 GMT

Ágætu GM félagar.

Við minnum á aðalfund GM sem fram fer í kvöld kl. 20:00 í Íþróttamiðstöðinni okkar.

Hvetjum við ykkur sem flest til þess að mæta og hafa þannig áhrif á okkar starf.

Einnig verður i fyrsta sinn í langan tíma kosning á aðalfundi þar sem við erum með fimm framboð til stjórnar ( sjá hér ) í þau þrjú sæti sem laus eru.

Skýrsla stjórnar og ársreikningurinn verða líkt og áður einungis rafræn.

skýrsla stjórnar 2022

ársreikningur 2022

Aðalfundur GM og innheimta árgjalda

Wed, 23 Nov 2022 08:10:00 GMT

Minnum á aðalfundur Golfklúbbs Mosfellsbæjar 2022 sem verður haldinn á morgun fimmtudaginn 24. nóvember í íþróttamiðstöðinni Klett.

Fundurinn hefst stundvíslega kl. 20:00 og er dagskrá hans sem hér segir:

1. Kosning fundarstjóra og fundaritara.

2. Skýrsla stjórnar um störf og framkvæmdir á vegum félagsins

3. Áritaðir reikningar kynntir

4. Umræður um skýrslu stjórnar og reikningar lagðir fram til samþykktar

5. Lagabreytingar

6. Rekstraráætlun komandi starfsárs kynnt

7. Ákvörðun félagsgjalda

8. Kosning stjórnar, formanns og tveggja skoðunarmanna reikninga

9. Kosning aganefndar og kjörnefndar

10. Önnur mál.

Kosið verður til stjórnar GM og með því að smella hér getið þið séð upplýsingar um þau sem eru í kjöri.

Í kjölfarið á aðalfundi fer innheimta árgjalda fyrir næsta ár af stað. Þau ykkar sem ætlið ykkur ekki að vera meðlimir áfram í GM eruð vinsamlegast beðin um að láta okkur vita með því að senda tölvupóst á golfmos@golfmos.is eða hringja í 5666999 og segja ykkur úr golfklúbbnum.

Aðalfundur GM - framboð til stjórnar

Mon, 21 Nov 2022 11:35:00 GMT

Aðalfundur Golfklúbbs Mosfellsbæjar fer fram næstkomandi fimmtudag, 24. nóvember í íÞróttamiðstöðinni Klett og hefst stundvíslega kl. 20:00.

Kosið verðum um þrjú sæti í stjórn GM til næstu tveggja ára og hafa eftirfarandi aðilar boðið sig fram, sett fram í stafrófsröð:

Andrea Jónsdóttir

Arna Rún Kristjánsdóttir

Elín Gróa Karlsdóttir

Steinunn Þorkelsdóttir

Steinþór Pálsson.

Hér að neðan eru kynningar á ofangreindum aðilum.

Andrea Jónsdóttir

Ég byrjaði að spila golf fyrir 10 árum síðan. Var vægast sagt mjög efins um að sportið myndi henta mér í upphafi, en ég hafði algjörlega rangt fyrir mér því að spila golf er best í heimi. Það eru alger forréttindi að hafa aðgang að frábærum vallarsvæðum Golfklúbbs Mosfellsbæjar í túnfætinum heima.

Svæðið allt er frábært og ótrúlega mikið og gott starf hefur verið unnið til að bæta aðstöðu enn frekar á liðnum árum. Ég býð mig fram til stjórnar klúbbsins til að leggja mitt af mörkum til að haldið verði áfram að gera enn betur og passa uppá að GM verði áfram skemmtilegasti golfklúbbur landsins.

Stemming er ekki sjálfgefin og mikilvægt að hlusta eftir hvað er að ganga vel og eins hvað má betur fara. Ég hef töluverða reynslu af setu í stjórnum bæði starfsmannafélaga og félagasamtaka og sat um tveggja ára tímabili í kvennanefnd GM.

Arna Rún Kristjánsdóttir

Ég (Arna Rún Kristjánsdóttir, f. 1998) sæki eftir kjöri í stjórn Golfklúbbs Mosfellsbæjar.

Sem virkur félagsmaður í Golfklúbbi Mosfellsbæjar/Golfklúbbnum Kili síðastliðin 14 ár, tel ég mig þekkja starfsemi Golfklúbbsins eins vel og hægt getur talist. Undanfarin ár hefur klúbburinn vaxið gríðarlega og margir nýjir félagar eru af yngri kynslóðum og þykir mér æskilegt að stjórn golfklúbbsins beri þess merki. Vil ég því gefa kost á mér til setu í stjórn klúbbsins og leyfa með því rödd yngra fólksins að hljóma í starfsemi klúbbsins.

Golfklúbbur Mosfellsbæjar er í dag einn stærsti og vinsælasti golfklúbbur landsins. Eftir stórkostlega uppfærslu á félagsaðstöðunni í Kletti auk sameiningar Golfklúbbsins Kjalar og Golfklúbbsins Bakkakots tel ég allar aðstæður og auðlindir fyrir hendi fyrir klúbbinn að verða enn öflugri. Til að svo geti orðið tel ég sérlega mikilvægt að virkja þann breiða hóp félagsmanna sem klúbburinn státar af í dag og að gefa með því fjölbreyttari hópi félagsmanna tækifæri á að koma sjónarmiðum sínum á framfæri varðandi rekstur klúbbsins.

Ég útskrifaðist síðastliðið vor frá Grand Valley State University með B.Sc. gráðu í tölfræði með áherslu á tryggingastærðfræði. Samhliða náminu stundaði ég golf með liði skólans sem keppti í næstefstu deild háskólagolfsins. Meðan á náminu stóð fékk ég tækifæri til að keppa og ferðast út um öll Bandaríkin og fá innsýn í hvernig golfvallarstarfsemi fer fram.

Eins og er stunda ég nám í Gagnavísindum (Data Science) við Háskólann í Reykjavík þar sem ég kappkosta að læra nýjustu tækni við gagnavinnslu. Samhliða náminu vinn ég hlutastarf í gagnavinnslu og innkaupum hjá Nespresso á Íslandi.

Ég er ákveðin, öguð, talnaglögg og hef ávallt unnið hart að settum markmiðum, hvort sem er að sameiginlegum markmiðum eða einstaklingsbundnum markmiðum.

Ég hef mikinn áhuga á að Golfklúbburinn okkar verði sá besti á landinu en til þess að svo geti orðið þarf að skapa umhverfi þar sem allir geti haft tækifæri til að láta ljós sitt skína. Ég vil og veit að GM getur hæglega orðið sá klúbbur sem helst ber að líta til, hvort sem horft er á ytri ásýnd eða innri starfsemi klúbbsins. Síðast en alls ekki síst hef ég umtalsverða þekkingu á starfsemi klúbbsins þar sem ég hef stundað sumarstörf frá 14 ára aldri. Síðastliðið sumar stóð ég vaktina í afgreiðslunni þar sem ég fékk tækifæri að heyra ýmsar skoðanir félagsmanna sem öllu jafna skila sér ekki til stjórnar. Að því sögðu, og með vísan til alls sem að framan greinir, tel ég mig vera frábæran valkost í stjórn Golfklúbbs Mosfellsbæjar.

Ég er tilbúin að vinna óeigingjarnt starf í þágu klúbbsins, standa föst á mínu og tala fyrir breiðan hóp félagsmanna.

Elín Gróa Karlsdóttir

Ég býð mig fram í stjórn Golfklúbbs Mosfellsbæjar til næstu tveggja ára. Rekstur Golfklúbbs Mosfellsbæjar hefur verið erfiður undanfarin ár, enda klúbburinn í mikilli uppbyggingu og klúbbmeðlimum fjölgað með tilheyrandi vaxtarverkjum. Ákveðinn viðsnúningur hefur verið í rekstri undanfarin 2 ár og margt gott verið gert en alltaf er hægt að gera betur. Ég vil leggja mitt af mörkum til að vinna að frekari uppbyggingu golfklúbbsins, betri þjónustu við hinn almenna iðkanda, eflingu barna – og unglingastarfsins og afrekskylfinga.Klúbburinn okkar er eftirsóttur í dag en til að viðhalda því þarf að halda vel á spöðunum og marka stefnu GM fyrir næstu ár svo við vitum í hvað átt við viljum stefna. Ég tel að sú stefna eigi ekki að vera eingöngu á höndum fárra stjórnarmeðlima og stjórnenda klúbbsins heldur að allir klúbbmeðlimir fái tækifæri til að koma að þeirri stefnumótun.

Mér þykir afskaplega vænt um golfklúbbinn minn og hef kynnst mörgu góðu fólki í kringum golfið, bæði iðkendum, þjálfurum og foreldrum barna sem stunda golf. Golfíþróttin er í mínum huga mikið fjölskyldusport og ákveðinn lífstíll, að minnsta kosti snýst allt um golf á okkar heimili, sérstaklega yfir sumarmánuðina. Ég byrjaði að slá bolta á Hlíðavelli fyrir rúmum 20 árum þegar völlurinn var 9 holur, þá eltandi pabba minn á golfvellinum en byrjaði ekki fyrir alvöru í golfi fyrr en ég bjó á Sauðárkróki mun seinna. Við fjölskyldan gengum í GM 2016 þegar við fluttum aftur í bæinn, maðurinn minn og dóttir sem er núna 15 ára og hefur æft golf frá 6 ára aldri.

Ég er 54 ára viðskiptafræðingur frá Háskólanum í Reykjavík og með diplomagráðu frá Háskóla Íslands í Hagnýtum Jafnréttisfræðum og Opinberri stjórnsýslu. Í dag starfa ég sem Fjármálastjóri hjá Ferðamálastofu. Bakgrunnur minn í störfum er úr bankageiranum í 12 ár, fjármálastjóri hjá Þjónustu- og rekstarsviði Reykjavíkur um tíma og forstöðumaður lánasviðs Byggðastofnunar og staðgengill forstjóra árin 2007 – 2016. Ég hef að auki starfað mikið í félagsmálum í gegnum tíðina, aðallega í tengslum við sveitastjórnarmál, bæði í Mosfellsbæ og á Sauðárkróki.

Steinunn Þorkelsdóttir

Ég heiti Steinunn Þorkelsdóttir og býð mig fram í stjórn GM. Ég er 53 ára Grunnskólakennari og með B.S próf í íþróttafræði. Ég bý og starfa í Mosfellsbæog búin að gera það síðan árið 1996. Ég byrjaði að stunda golf og gekk í golfklúbb Mosfellsbæjar eða sem hét þá golfklúbburinn Kjölur árið 2012 og er síðan þá búin að vera með golfbakteríuna. Við fjölskyldan stundum öll golf en drengurinn minn hefur æft og keppt fyrir GM síðan 2014 og maðurinn minn í mótanefnd til nokkurra ára. Stór partur af því að ég fór að stunda þessa frábæru íþrótt var hversu vel það var tekið á móti manni í hvort sem það var hinn almenni kylfingur eða starfsmenn golfklúbbsins. samheldnin og stemmingin í klúbbnum var það sem hreyf mig fyrst. Ég tók þátt í vetrarmótum og laugardagspúttum og vel flestu sem klúbburinn var með og hef gert síðan. Golfklúbbur getur aldrei verið betri en fólkið sem í honum er, þess vegna finnst mér svo mikilvægt að hlúa að fólkinu í klúbbnum halda áfram að vera skemmtilegasti golfklúbbur á landinu og ég mun svo sannarlega hafa það að leiðarljósi að í GM finnist fólki gott að vera. Við höfum um að ræða frábæran völl og klúbbhús sem ætti að hafa allt sem við þurfum, en betur má ef duga skal. Ég ætla gefa kost á mér því ég hef ástríðuna og kraft til að leggja mitt af mörkum að stjórnun klúbbsins og þjónusta við félagsmenn verði sem allra best.

Steinþór Pálsson

Ég býð mig fram til áframhaldandi setu í stjórn GM þar sem ég hef hefur verið stjórnarmaður sl. 5 ár en á þeim tíma hefur starfsemi félagsins verið umbreytt með góðum árangri á öllum sviðum.

Ég bý að mikilli stjórnunarreynslu og þekkingu s.s. á sviði stefnumótunar, fjármála, rekstrar og breytingastjórnunar sem hefur og getur nýst klúbbnum til áframhaldandi þróunar.

Ég starfa nú sem ráðgjafi, milligönguaðili, í málefnum ÍL-sjóðs, var áður meðeigandi hjá KPMG og stýrði þar stjórnendaráðgjöf, bankastjóri Landsbankans, framkvæmdastjóri hjá alþjóðlega lyfjafyrirtækinu Actavis og stjórnandi hjá Íslandsbanka, svo það helsta sé nefnt í mínum starfsferli. Ég er menntaður viðskiptafræðingur frá Háskóla Íslands og MBA frá Edinborgarháskóla í Skotlandi. Ég ólst upp í Mosfellsbæ og hef verið meðlimur í GM í fjölmörg ár.

Aðalfundur GM - framboð til stjórnar

Mon, 21 Nov 2022 11:35:00 GMT

Ágætu GM félagar.

Aðalfundur Golfklúbbs Mosfellsbæjar 2024 verður haldinn mánudaginn 2. desember næstkomandi í íþróttamiðstöðinni Klett.

Fundurinn hefst stundvíslega kl. 20:00 og er dagskrá hans sem hér segir:

1. Kosning fundarstjóra og fundaritara.

2. Skýrsla stjórnar um störf og framkvæmdir á vegum félagsins

3. Áritaðir reikningar kynntir

4. Umræður um skýrslu stjórnar og reikningar lagðir fram til samþykktar

5. Lagabreytingar

6. Rekstraráætlun komandi starfsárs kynnt

7. Ákvörðun félagsgjalda

8. Kosning stjórnar, formanns og tveggja skoðunarmanna reikninga

9. Kosning aganefndar og kjörnefndar

10. Önnur mál.

Við minnum einnig á að samkvæmt lögum félagsins þarf framboð til stjórnar, varastjórnar og formanns að berast fyrir til klúbbsins fyrir 15. nóvember. Hafir þú áhuga á því að bjóða þig fram biðjum við þig vinsamlegast um að senda tilkynningu þess efnis á golfmos@golfmos.is.

8. gr. Stjórn félagsins og framkvæmdastjóri

Stjórn félagsins skal skipuð sjö mönnum, sem kosnir eru á aðalfundi. Sex eru kosnir til tveggja ára í senn, þrír í hvert sinn, en formann félagsins skal kjósa sérstaklega til eins árs í senn. Á aðalfundi skal jafnframt kjósa fjóra varamenn til eins árs í senn.Stjórnin skiptir með sér verkum. Ef þrír varamenn taka sæti í stjórn á milli aðalfunda, er kjörnefnd heimilt að leggja til boðun félagsfundar til að kjósa nýja varamenn.

Á aðalfundi skal kjósa þrjá félagsmenn í kjörnefnd til að annast framkvæmd kjörs til stjórnar félagsins á næsta aðalfundi. Framboð til formanns-, stjórnar- og varastjórnarkjörs skulu berast nefndinni fyrir 15. nóvember sent á netfang er birt skal á vefsíðu félagsins. Ef framboð til stjórnarsetu eru fleiri en þau sæti sem kjósa á um skal kjörnefnd hafa umsjón með kosningu milli frambjóðenda á aðalfundi og sjá til þess að framboð séu kynnt félagsmönnum fyrir aðalfund. Skal kjörnefnd gæta þess að jafnræði ríki við kynningu á frambjóðendum. Kjörnefnd getur án tillits til framboðsfrests hlutast til um að afla framboða frá félagsmönnum. Í störfum sínum skal kjörnefnd miða að því að í stjórn félagsins sitji hæfir einstaklingar af hvoru kyni og að hluti stjórnarmanna hafi reynslu af störfum fyrir félagið og þekkingu á starfsemi þess.
Kjörgengir sem stjórnarmenn eru allir atkvæðisbærir félagsmenn nema fastráðnir starfsmenn félagsins.
Framkvæmdastjóri annast daglegan rekstur félagsins og skal í þeim efnum fara eftir þeirri stefnu og fyrirmælum sem félagsstjórn hefur gefið. Hinn daglegi rekstur tekur ekki til ráðstafana sem eru óvenjulegar eða mikils háttar. Slíkar ráðstafanir getur framkvæmdastjóri aðeins gert samkvæmt sérstakri heimild frá félagsstjórn.

Lög Golfklúbbs Mosfellsbæjar

Framkvæmdir á nýjum teigum á Hlíðavelli

Wed, 16 Nov 2022 08:47:00 GMT

Nú á haustmánuðum hófust framkvæmdir við uppbyggingu nýrra teiga á Hlíðavelli. Núna hafa þrír teigar verið fullkláraðir, á brautum 13, 14 og 18. Framkvæmdir við teigana á 12, braut og 11 eru byrjaðar og ef veturinn verður okkur hliðhollur verður þessum framkvæmdum haldið áfram eins lengi og unnt er.

Við stefnum að því að opna þessa nýju teiga um mitt næsta sumar. Þetta verður mikil og góð breyting fyrir okkar kylfinga og er það okkar von, að með þessum teigum fái allir okkar meðlimir lengdir á brautum sem þeim hentar og golfið verður skemmtilegra :)

Heildarlengd vallarins af þessum teigum verður rétt um 4000 metrar og parið verður 76.

Nýir rekstraraðilar veitinga hjá Golfklúbbi Mosfellsbæjar

Fri, 14 Oct 2022 10:33:00 GMT

Golfklúbbur Mosfellsbæjar hefur samið við GGG veitingar um rekstur veitinga á Blik bistro og í golfskálanum í Bakkakoti.

GGG veitingar eru þeir Ágúst Reynisson, Guðlaugur Frímannsson og Grétar Matthíasson.

Þeir Ágúst og Guðlaugur eiga og reka Grillmarkaðinn og Fiskmarkaðinn og hafa gert það síðastliðin 15 ár með virkilega góðum árangri. Grétar Matthíasson sem verður rekstrarstjóri GGG veitinga og sér því um daglegan rekstur á Blik og í Bakkakoti hefur mikla reynslu úr veitingarekstri og var m.a. rekstrarstjóri á Grillmarkaðnum í um 8 ár.

"Við erum virkilega spenntir fyrir þessu og horfum björtum augum fram veginn og ætlum okkur stóra hluti. Blik bistro er æðislegur staður og við viljum að golfarar sem og aðrir gestir geti ávallt gengið að frábærum veitingum og góðri þjónustu. Bakkakot er falin perla upp í Mosfellsdal með góðu klúbbhúsi og frábæru útisvæði, sveit í borg. Þar viljum við líka bjóða upp á sömu gæði og á Blik bistro. Við erum mjög spenntir fyrir þessari nýju áskorun og hlökkum mikið til að opna dyrnar fljótlega fyrir GM félögum og þeim sem vilja gera vel við sig í mat og drykk! Við ætlum að vera með fjölbreyttan og góðan matseðil þar sem allir finna eitthvað við sitt hæfi" sagði Ágúst Reynisson í tilefni af undirskrift samnings.

Samningurinn við GGG veitingar er langtímasamningur og erum við þess fullviss að samstarfið eigi eftir að vera gott og farsælt næstu árin.

Stefnt er að því að hefjast handa fljótlega við smá lagfæringar í salnum á Blik og að þeir félagar taki við rekstrinum í byrjun desember að þeim breytingum loknum. Verður það nánar tilkynnt síðar.

Bjóðum við þá félaga hjartanlega velkomna í hópinn og hlökkum mikið til samstarfsins næstu árin!

Hjalti og Pamela á meðal þátttakenda í Global Junior Golf móti í Danmörku

Fri, 07 Oct 2022 11:38:00 GMT

Þau Pamela Ósk Hjaltadóttir og Hjalti Kristján Hjaltason tóku þátt í sterku móti á Global Junior Golf mótaröðinni sem fram fór á Lubker golfvellinum í Danmörku. Mótið er eins og fyrr sagði hluti af Global Junior Golf mótaöðinni sem við í GM þekkjum vel.

Leiknir voru þrír hringir á þessum glæsilega golfvelli og stóðu þau sig virkilega vel.

Hjalti sigraði í sínum flokk, 14 ára og yngri drengja, var hann þremur höggum á undan þeim sem hafnaði í öðru sæti.

Pamela endaði í öðru sæti í sínum flokk, 14 ára og yngri stelpur. Var hún þremur höggum á eftir henni Matilde Modesti frá Ítalíu sem stóð uppi sem sigurvegari.

Sannarlega mjög góður árangur hjá þeim systkynum og óskum við þeim innilega til hamingju.

Úrslit mótsins má sjá með því að smella hér.

Evrópumót golfklúbba - ferðasaga

Thu, 06 Oct 2022 08:43:00 GMT

Eftir sigur okkar í kvennaflokki í Íslandsmóti golfklúbba í sumar þá fengum við þátttökurétt í Evrpópumóti golfklúbba sem var leikið í Slóveníu um liðna helgi. Lið GM var skipað eftirfarandi kylfingum. Arna Rún Kristjánsdóttir, María Eir Guðjónsdóttir og Sara Kristinsdóttir. Liðstjóri var Guðleifur Kristinn Stefánsson og með í för voru einnig þeir Davíð Gunnlaugsson og Dagur Ebenezarson.

Kiddi liðstjóri taka saman smá ferðasögu sem við birtum hér að neðan :)

Eftir þriggja mánaða þurrkatíð og mikinn hita í Lubljana þá var tekið á móti okkur með Íslensku sumarveðri, 12°c og rigningu.

22 klst ferðalag sat aðeins í okkur og bar fyrri æfingahringurinn þess merki. Stelpurnar reyndu eins og þær gátu að skoða völlinn vel og velja sér lendingarsvæði fyrir höggin með vallaraðstæður í huga þar sem völlurinn var nánast á floti. Flestar glompur eins og fínasta sundlaug og ekkert rúll á brautum.

Á seinni æfingahringnum var völlurinn örlítið skárri hvað varðar bleytu og fengum við bara smá rigningu. Stelpurnar komu vel hvíldar og gíraðar inn í daginn og spilamennskan mjög fín. Um kvöldið var opnunarhátíðin þar sem að liðin voru kynnt og boðið var upp á smá hressingu sem var í formi ávaxta í föstu og fljótandi formi enda alvaran að byrja næsta morgun.

Fyrsti keppnisdagurinn er runninn upp og veðurspáin ekki með okkur í liði. Stefnt var á að ná eins mörgun holum og hægt væri þar sem að þrumur og eldingar voru í kortunum. Ákveðið var að hafa shotgun ræsingu (ræst út samtímis á öllum teigum) og stelpurnar spiluðu flott golf, Sara var að spila frábært golf, María kom mjög vel til baka eftir erfiða byrjun og Arna átti í miklu basli við að lesa hraðan á flötunum en var að slá virkilega vel. Ekki tókst að spila nema 7-9 holur þennan dag og þá var best að koma sér upp á hótel og þurrka allt saman. Planið var að reyna að klára þennan hring eftir hádegi næsta dag.

Föstudagurinn gengur í garð og úti er lítil rigning, hitinn þó orðinn aðeins meiri en síðustu daga. Það tókst að klára hringinn og stóðu stelpurnar sig mjög vel, María spilaði frábærlega og Sara og Arna spiluðu flott golf. Eftir 18 holur þá var ljóst að við myndum ekki ná að spila nema 36 holur í mótinu, staðan í mótinu var frekar jöfn og við í 10-14 sæti.

Lokadagurinn byrjaði vel þar sem að sólin var að gera vart við sig og stelpurnar staðráðnar í að gera sitt allra besta og rífa sig upp töfluna. Arna var á eldi og spilaði stórkostlegt golf og á 12. holu þurfti liðsstjórinn að rifja upp sjúkraliða taktana þar sem að í miðri púttstroku er hún stungin af geitungi sem skildi oddinn eftir í henni, sem betur fer fór þetta allt vel og hafði ekki áhrif á síðustu holurnar. María spilaði einnig frábært golf fyrir utan smá hikst á þremur holum. Sara var í smá basli á flötunum á fyrri 9 holunum en kom til baka og spilaði vel.

Stelpurnar náðu að lyfta sér upp um nokkur sæti og var niðurstaðan 8. sæti og er það næst besti árangur Íslands frá upphafi en 7. sæti er það besta hingað til.

Lokahófið fylgdi svo í kjölfarið þar sem að þær frönsku voru krýndar meistarar og voru þær vel að því komnar.

Þá var komið að heimför eftir vel heppnað (sund) mót þar sem að okkar stelpur stóðu sig frábærlega og voru GM til mikils sóma.

Áfram GM

Kær kveðja

Liðstjórinn

Evrópumót golfklúbba - Ferðasaga

Thu, 06 Oct 2022 08:43:00 GMT

Í byrjun mánaðarins fóru GM stúlkurnar Eva og Sara Kristinsdætur ásamt Berglindi Erlu Baldursdóttur til Pravets í Búlgaríu að keppa á Evrópumóti Golfklúbba (e. European Ladies´ Club Trophy). Með þeim í för var Katrín Dögg Hilmarsdóttir fararstjóri og þjálfari. Stelpurnar kepptu fyrir hönd Golfklúbbs Mosfellsbæjar í þessu skemmtilega móti, en þær unnu sér inn þátttökurétt í mótinu eftir að hafa landað Íslandsmeistaratitli í sumar ásamt sveit GM.

Ferðalagið til Búlgaríu var nokkuð langt, hópurinn þurfti að millilenda í London og taka tengiflug þaðan til Sofíu. Stelpurnar voru því nokkuð lúnar þegar lent var í Sofíu höfuðborg Búlgaríu og voru þakklátar að sjá starfsmann golfklúbbsins taka á móti okkur til að aka okkur að hótelinu.

Mótið fór fram í Pravets, sem er í klukkutíma fjarlægð frá flugvellinum. Svæðið er einstaklega fallegt. Mikið landslag einkennir svæðið og mikið skóglendi. Svæðið er vinsælt útivistarsvæði heimamanna, gott til göngu og hjólreiða. Golfvöllurinn og hótelið liggja við stórt stöðuvatn sem bætti enn frekar við fegurðina. Hótelið er nýlegt, virkilega fallegt og huggulegt. Stelpurnar voru í góðu yfirlæti þar og nýttu sér sundlaugar- og sólbaðsaðstöðu hótelsins að loknu golfi til að hlaða orkuna.

Stelpurnar voru í eina viku í Búlgaríu, þar af voru tveir æfingadagar og þrír keppnisdagar. Vegna flugskipulags hafði hópurinn því einn frídag í lok ferðar sem nýttur var í höfuðborginni Sofíu.

Völlurinn var ansi krefjandi, þröngar brautir og víða hindranir. Grínin voru svo eins og best verður á kosið. Stelpurnar stóðu sig mjög vel í ferðinni, sýndu mikinn metnað í undirbúningi og keppni. Þær áttu erfiðan fyrsta keppnisdag en annar og þriðji dagur voru betri. Þær höfnuðu í 9. sæti af 16 liðum sem verður að teljast góður árangur. Sigurvegarar mótsins komu frá Frakklandi, Danir höfnuðu í öðru sæti og í þriðja sæti voru Þjóðverjar.

Á mótinu voru mjög sterkir kylfingar, þar á meðal nokkrar stelpur sem kepptu fyrir hönd Evrópu í Ryder Cup junior í september s.l. Þátttaka í alþjóðlegum mótum er mjög mikilvæg reynsla fyrir afrekskylfinga sem ætla sér stóra hluti í íþróttinni. Stelpurnar eru því afar þakklátar fyrir þetta tækifæri og fyrir stuðning golfklúbbsins.

Kv.

Katrín Dögg Hilmarsdóttir

Bjarni Þór Hannesson ráðinn Yfirvallastjóri Golfklúbbs Mosfellsbæjar

Wed, 05 Oct 2022 14:11:00 GMT

Bjarni er með M.Sc. gráðu í Grasvallatæknifræði frá Cranfield University í Englandi, einn íslendinga til að hafa lokið svo hárri námsgráðu í faginu. Þar áður lauk hann þriggja ára námi í "Golf Course Management "frá Elmwood College í Skotlandi.

Bjarni ólst upp á Akranesi, þar sem hann hóf störf á golfvellinum árið 1995 og var gerður að vallastjóra sumrin 2002 og 2003 á milli þess sem hann stundaði nám í Skotlandi. Bjarni hefur starfað sem vallastjóri hjá Golfklúbbnum Ness, Golfklúbbnum Keili og í Grindavík. Áður vann hann á Sunningdale vellinum í Englandi, sem hefur yfir að ráða tveimur völlum (Old og New) sem eru alla jafna flokkaðir í hóp bestu golfvalla í heiminum. Einnig starfaði Bjarni á Nashawtuc C.C. í Concord Ma. í Bandaríkjunum, en sá völlur hélt árlega eitt mót á Champions Tour (öldunga túrinn).

Meðfram störfum sem vallastjóri hefur Bjarni einnig sinnt ráðgjafastörfum fyrir golf- og knattspyrnuvelli, rannsóknarstörfum í grasvallafræðum ásamt kennslu og fyrirlestrahaldi bæði fyrir landbúnaðarháskólann og fyrir samtök golfvallastarfsmanna hérlendis (SÍGÍ) sem og í Bretlandi (BIGGA).

Bjóðum við Bjarna hjartanlega velkominn í GM :)

Kvennalið GM lék á Evrópumóti golfklúbba

Tue, 04 Oct 2022 08:21:00 GMT

Kvennalið GM lék á Evrópumóti golfklúbba sem fór fram á Cubo golfvellinum í Slóveníu dagana 29. september - 1. október. GM fékk þátttökurétt á mótinu eftir sigur á Íslandsmóti golfklúbba í sumar. Mótið var leikið í 3 manna liðum þar sem 2 bestu skorin töldu á hverjum hring. Lið GM skipuðu Arna Rún Kristjánsdóttir, María Eir Guðjónsdóttir og Sara Kristinsdóttir.

Mikil rigning var í Slóveníu dagana fyrir mót og á fyrstu tveimur keppnisdögunum. Vegna veðurs náðist aðeins að leika 36 holur í stað 54. Okkar stúlkur stóðu sig mjög vel og höfnuðu að lokum jafnar í 8. sæti en 18 golfklúbbar léku í mótinu. Skorið hjá okkar stúlkum var eftirfarandi:

Arna Rún Kristjánsdóttir 84 - 72
María Eir Guðjónsdóttir 75 - 75
Sara Kristinsdóttir 76- 77

Óskum okkar konum til hamingju með góðan árangur í mótinu

Hérna má sjá úrslit mótsins

VITAgolf mótaröðin - Úrslit

Fri, 30 Sep 2022 10:25:00 GMT

Nú liggja fyrir úrslit VITAgolf mótaraðarinn og og það voru þau Agnes Ingadóttir og Geir Jón Geirsson sem stóðu uppi sem sigurvegarar í ár og óskum við þeim innilega til hamingju með árangurinn.

Þau hafa því unnið sér inn sæti í GM ferðinni sem verður farin haustið 2023. Við stefnum á að fara þá til Valle del Este :)

Smellið hér til þess að sjá lokastöðuna í báðum flokkum.

Við hefðum gjarnan vilja sjá betri þátttöku í þessari mótaröð hjá okkur! Það væri því gaman að heyra frá ykkur kylfingar góðir ef þið eruð með góðar hugmyndir/ábendingar um það hvernig við getum fengið fleiri til þess að taka þátt. Við höfum velt ýmsum hugmyndum upp, t.d að hægt sé að leika hana tvo daga í hverri viku. Fækka hringjum sem telja í lokin og ýmislegt annað. En allar hugmyndir eru vel þegnar :) Endilega sendið okkur línu á golfmos@golfmos.is.

Golfbúðin og afgreiðsla GM á Hlíðavelli lokar frá og með 3. október

Thu, 29 Sep 2022 08:54:00 GMT

Nú styttist í að golftímabilinu þetta árið fari að ljúka og hefur sumarið verið svona upp og niður! Það hefur engu að síður verið mikið að gera á okkar golfvöllum og kylfingar duglegir að spila þrátt fyrir risjótt veðurfar.

Afgreiðslan/golfbúðin á Hlíðavelli verður opin út þessa viku eða til og með næstkomandi sunnudags.

Blik verður að sjálfsögðu opið áfram.

Vellir klúbbsins verða opnir fyrir félagsmenn meðan að veður leyfir og vonum við svo sannarlega að október verði okkur góður og að hægt verði að spila golf eitthvað áfram.

Skrifstofa klúbbsins er opin alla virka daga frá kl. 8 til 16 og hvetjum við ykkur til þess að hafa samband við þangað ef eitthvað er.

Að lokum viljum við svo þakka ykkur fyrir skemmtilegt golfsumar og sjáum ykkur vonandi sem flest í inniaðstöðunni okkar í vetur :)

Veitingasalan í Bakkakoti lokar fyrir veturinn

Mon, 26 Sep 2022 10:16:00 GMT

Nú er farið að styttast í annan endan á þessu fína golfsumri og veitingasalan í Bakkakoti lokar frá og með deginum í dag.

Völlurinn verður að sjálfsögðu opinn áfram en er núna eingöngu opinn fyrir félagsmenn.

Bændaglíma GM 2022

Mon, 19 Sep 2022 08:28:00 GMT

Bændaglíma GM var leikin á Hlíðavelli síðastliðin laugardag og er óhætt að fullyrða að stemmningin var algerlega frábær. Veðrið var stórskostlegt allan daginn og kátir kylfingar léku við hvern sinn fingur :)

Bændur voru þeir Davíð Baldur Sigurðsson og Þorvaldur B. Hauksson og voru þeir duglegir að hvetja sín lið áfram og aðstoða eftir bestu getu :)

Keppnin milli rauða og bláa liðsins var æsispennandi og réðust úrslitin þegar síðustu leikirnir duttu inn í hús.

Hér að neðan má sjá úrslit einstakra leikja.

Það var rauða liðið sem sigraði að þessu sinni og tók bóndi rauða liðsins, Þorvaldur B. Hauksson við bikarnum fyrir hönd síns liðs :)

Við þökkum öllum þeim sem tóku þátt kærlega fyrir komuna!

KRISTÓFER KARL Á ÚRTÖKUMÓTI FYRIR EVRÓPUMÓTARÖÐINA

Fri, 16 Sep 2022 09:13:00 GMT

Kristófer Karl Karlsson lék á 1. stigi úrtökumótsins fyrir DP Evrópumótaröðina á Arlandastad vellinum við Stokkhólm í Svíþjóð. Kristófer lék hringina 3 á 76, 75 og 73 höggum. Samtals 14 höggum yfir pari. En bæði vallar- og veðuraðstæður voru mjög krefjandi.

Að loknum þremur hringjum komst Kristófer ekki í gegnum niðurskurðinn. Margt jákvætt var við frammistöðu Kristófers og er þetta mikil og góð reynsla fyrir framhaldið en Kristófer var að taka þátt í úrtökumóti í fyrsta skipti.

Hérna að neðan má sjá nokkrar myndir af Kristófer í mótinu:

Bændaglíma GM 2022 - Liðsskipan

Wed, 14 Sep 2022 09:08:00 GMT

Skemmtilegasta golfmót ársins, Bændaglima GM, fer fram laugardaginn 17. september á Hlíðavelli. Ræst verður út á öllum teigum klukkan 13:00 en mæting er í Klett klukkan 12:00. Aðeins 96 kylfingar komast í mótið og ljóst að völlurinn verður þétt setinn af glöðum GM kylfingum eins og undanfarin ár. Það voru rétt um 120 kylfingar sem skráðu sig til leiks en því miður komast bara 96 að í mótinu. Það er því góður biðlisti og þar sem að liðin hafa verið birt þá verður tekið inn af biðlista (sé þess þörf) útfrá forgjöf. Það þarf kylfingur með sambærilega forgjöf að koma inn fyrir þann sem dettur út.

Eins og undanfarin ár verður keppendum skipt upp í tvö lið, rauða og bláa liðið. Bóndi rauða liðsins er Þorvaldur B. Hauksson og bóndi bláa liðsins er Davíð Baldur Sigurðsson. Við hvetjum ykkur að sjálfsögðu til þess að mæta í einkennislit ykkar liðs :)

Eftir að móti lýkur verður grillveisla og verðlaunaafhending í Kletti.

Hér að neðan má sjá liðskipan laugardagsins:

SARA, HJALTI OG PAMELA STIGAMEISTARAR 2022

Wed, 07 Sep 2022 08:39:00 GMT

Unglingamótaröð GSÍ árið 2022 er nú lokið. Sara Kristinsdóttir, Hjalti Kristján Hjaltason og Pamela Ósk Hjaltadóttir eru stigameistarar í sínum flokki.

Sara varð stigameistari í flokki 17-18 ára stúlkna en hún lék í öllum mótum ársins. Hún sigraði í fyrstu tveimur mótunum, varð önnur á næstu tveimur og í þriðja sæti á lokamótinu. Í 2. og 3. sæti í sama flokki urðu GM kylfingarnir Berglind Erla Baldursdóttir og Katrín Sól Davíðsdóttir.

Í flokki 15-16 ára stúlkna varð Auður Bergrún Snorradóttir í 3. sæti á stigalistanum. Auður Bergrún tók þátt á öllum fimm mótum tímabilsins. Hún lék til úrslita um Íslandsmeistaratitilinn í holukeppni. Auður Bergrún varð tvívegis í öðru sæti á tímabilinu og tvívegis í því fimmta.

Pamela Ósk varð stigameistari í flokki 13-14 ára stúlkna . Pamela sigraði á fjórum mótum af alls fimm á tímabilinu og fagnaði Íslandsmeistaratitli í höggleik og holukeppni. Hún varð einu sinni í öðru sæti.

Hjalti Kristján varð stigameistari í flokki 12 ára og yngri drengja. Hjalti Kristján tók þátt á öllum fimm mótum tímabilsins. Hann sigraði á Íslandsmótinu í höggleik og varð annar á Íslandsmótinu í holukeppni. Hann varð einnig í öðru sæti á fyrsta móti tímabilsins.

Í flokki 12 ára og yngri stúlkna varð Eiríka Malaika í 2. sæti á stigalistanum. Eiríka Malaika tók þátt á þremur mótum af alls fimm og hún varð í fjórða sæti á Íslandsmótinu í höggleik og í öðru sæti á Íslandsmótinu í holukeppni.

Frábær árangur hjá okkar kylfingum og óskum við þeim innilega til hamingju

Golfklúbbur Mosfellsbæjar og Blikastaðakró hafa ákveðið að slíta samstarfi um veitingarekstur á völlum GM.

Mon, 05 Sep 2022 11:38:00 GMT

Golfklúbbur Mosfellsbæjar og Blikastaðakró, sem hefur verið með veitingareksturinn á okkar völlum síðastliðið ár hafa komist að samkomulagi um að slíta samstarfi.

Ekki hefur verið tekin endanleg ákvörðun um það hvenær nýr rekstraraðili kemur inn en við stefnum á að tilkynna það á allra næstu dögum/vikum. Blikastaðakró mun sjá um reksturinn þar til nýr aðili tekur við og allar pantanir/veislur haldast að sjálfsögðu óbreyttar.

Við þökkum þeim Ólafi og Einari fyrir samstarfið og óskum þeim velfarnaðar í því sem þeir taka sér fyrir hendur.

Styrktarmót Aftureldingar - handbolti - Úrslit.

Sat, 03 Sep 2022 19:00:00 GMT

Í dag fór fram á Hlíðavelli styrktarmót fyrir Aftureldingu - handbolta.

Leikið var við frábærar aðstæður í blíðaskapar veðri.

Úrslit mótsins urðu eftirfarandi:

1. sæti - Oddgeir Björn Oddgeirsson og Ragnar "Sleggja" Þórhallsson. 59 högg

2. sæti - Guðjón Reyr Þorsteinsson og Geir Jóhann Geirsson. 61 högg

3. sæti - Elías Bóasson og Jón Arnar Jónsson. 61 högg.

Næst holu á 3 .braut - Haukur Pálsson. 1,07 metrar

Næst holu á 7. braut - Jakob Ragnars. 80,5 cm

Næst holu á 15. braut - Magnús Jónsson. 1,51 meter.

Næst holu á 18. braut - Eva Kristinsdóttir. 3,79 metrar.

Útdráttar verðlaun:

Samúel Gunnarsson og Magdalena Wojtas.

Óskum við vinningshöfum innilega til hamingju með árangurinn.

Vinninga er hægt að nálgast á skrifstofu GM á Hlíðavelli frá og með næstkomandi mánudegi.

Íslandsmót unglinga í holukeppni - Úrslit

Tue, 30 Aug 2022 13:16:00 GMT

Íslandsmót unglinga í holukeppni fór fram á Hlíðavelli dagana 27. - 29. ágúst. Frábært golf var leikið hjá keppendum mótsins og sáust glæsileg tilþrif á vellinum.

Keppendur frá GM stóðu sig afar vel og áttum við 6 kylfinga í úrslitum. Pamela Ósk Hjaltadóttir varð Íslandsmeistari 14 ára og yngri og Katrín Sól Davíðsdóttir Íslandsmeistari 18 ára og yngri. Eftirfarandi kylfingar frá GM voru í verðlaunasæti.

12 ára og yngri stúlkur

2. sæti - Eiríka Malaika Stefánsdóttir

12 ára og yngri drengir

2. sæti - Hjalti Kristján Hjaltason

13-14 ára stúlkur

1. sæti - Pamela Ósk Hjaltadóttir

15-16 ára stúlkur

2. sæti - Auður Bergrún Snorradóttir

17-18 ára stúlkur

1. sæti - Katrín Sól Davíðsdóttir
2. sæti - Berglind Erla Baldursdóttir
3. sæti - Sara Kristinsdóttir

Aðrir kylfingar frá GM stóðu sig vel og óskum við öllum okkar kylfingum til hamingju með árangurinn.

ÍSLANDSMÓT GOLFKLÚBBA 50 ÁRA OG ELDRI

Wed, 24 Aug 2022 15:26:00 GMT

Íslandsmóti golfklúbba í flokki 50 ára og eldri lauk síðastliðna helgi. Kvennalið GM lék í efstu deild sem fram fór hjá Golfklúbbi Suðurnesja. Okkar konur stóðu sig vel og luku leik í 6. sæti og héldu sæti sínu í efstu deild. GM lenti í sterkum riðli með sveitum GKG, GK og GV. Að lokinn riðlakeppni lék GM við NK þar sem okkar konur lönduðu sigri 3-2. Í lokaleiknum mættu okkar konur sterku liði GO sem endaði með 4-1 sigri GO.

Heilt yfir flott frammistaða hjá okkar konum sem ætla sér enn meira að ári liðnu.

Lið GM skipuðu eftirfarandi kylfingar:

Agnes Ingadóttir
Arna Kristín Hilmarsdóttir
Dagný Þórólfsdóttir
Edda Herbertsdóttir
Guðný Helgadóttir
Írunn Ketilsdóttir
Karólína Margrét Jónsdóttir
Rannveig Rúnarsdóttir
Sigríður María Torfadóttir

Liðsstjóri: Rut Marsibil Héðinsdóttir

Karlasveit GM 50 ára og eldri lék í 2. deild sem fram fór í Sandgerði. Strákarnir stóðu sig vel og voru í harðri baráttu um að komast upp í efstu deild. Að lokum lék GM gegn GO í leik um 3. sætið sem GM sigraði með 3.5 vinningum gegn 1.5. Flott frammistaða hjá okkar mönnum sem ætla sér upp í efstu deild að ári.

Lið GM skipuðu eftirfarandi kylfingar:

Axel Þór Rudolfsson
Ásbjörn Björgvinsson
Eyþór Ágúst Kristjánsson
Halldór Friðgeir Ólafsson
Hjalti Pálmason
Ingvar Haraldur Ágústsson
Jónas Heiðar Baldursson
Kári Tryggvason
Victor Viktorsson

Liðsstjóri: Haraldur Haraldsson

Kristján Þór sigraði í lokamóti GSÍ mótaraðarinnar

Mon, 22 Aug 2022 10:05:00 GMT

Lokamót GSÍ mótaraðarinnar, Korpubikarinn fór fram hjá Golfklúbbi Reykjavíkur um helgina. Þar áttum við fjölmarga keppendur sem stóðu sig vel.

Kristján Þór heldur áfram að spila vel og stóð upp sem sigurvegari í karlaflokki eftir þrjá frábæra hringi sem hann lék á samtals 18 höggum undir pari, stórkostleg spilamennska hjá okkar manni.

Með þessum sigri þá tryggði Kristján sér einnig stigameistaratitilinn, svo sannarlega verið stórkostlegt ár hjá þessum frábæra kylfing!

Við óskum honum innilega til hamingju með árangurinn og erum virkilega stollt af okkar manni :)

Stuart Mitchinson yfirvallastjóri GM lætur af störfum

Tue, 16 Aug 2022 09:13:00 GMT

Golfklúbbur Mosfellsbæjar hefur sagt um samning sínum við Stuart Mitchinson sem hefur verið yfirvallastjóri okkar valla síðastliðin þrjú ár og hefur hann látið af störfum.

Við viljum þakka Stuart fyrir vel unnin störf undanfarin ár og óskum honum velfarnaðar í því sem hann tekur sér næst fyrir hendur.

Nýr yfirvallastjóri GM verður kynntur í næstu viku.

ÍSLANDSMÓT UNGLINGA

Mon, 15 Aug 2022 09:25:00 GMT

Íslandsmót unglinga fór fram um helgina en leikið var á Setbergsvelli og Leirdalsvelli. Íslandsmót 14 ára og yngri fór fram í Setbergi og þar áttum við hjá GM 10 keppendur sem allir stóðu sig með stakri prýði.

Íslandsmót 15-21 árs fór fram á Leirdalsvelli hjá GKG. Við hjá GM áttum 20 keppendur í mótinu og flesta keppendur í stúlknaflokkum eða 10 alls.

GM eignaðist Íslandsmeistara í þremur flokkum og óskum við þeim innilega til hamingju með árangurinn.

12 ára og yngri drengir | Íslandsmeistari: Hjalti Kristján Hjaltason

14 ára og yngri stúlkur | Íslandsmeistari: Pamela Ósk Hjaltadóttir

17-18 ára stúlkur | Íslandsmeistari: Berglind Erla Baldursdóttir, 2. sæti: Sara Kristinsdóttir

Aðrir kylfingar frá GM stóðu sig afar vel og voru sjálfum sér og klúbbnum til mikils sóma. Óskum öllum okkar kylfingum til hamingju með árangurinn.

Nýliða og háforgjafarmót Samkaup/Nettó - úrslit

Mon, 15 Aug 2022 08:05:00 GMT

Annað nýliða og háforgjafarmót sumarsins fór fram í blíðunni í Bakkakoti í gær og urðu úrslitin eftirfarandi:

Konur:

1. sæti - Anna Margrét Karlsdóttir. 25 punktar.

2. sæti - Linda Hersteinsdóttir. 23 punktar.

3. sæti - Heiðrún Harpa Ríkharðsdóttir 22 punktar.

Karlar:

1. sæti - Bjarni Heiðar Halldórsson. 20 punktar.

2. sæti - Guðlaugur Hrafn Ólafsson. 19 punktar ( betri á síðustu 6 holunum)

3. sæti - Þorbjörn Jóhannsson. 19 punktar.

Næst holu á 9. braut. - Heiðrún Harpa Ríkharðsdóttir - 4,01 meter.

Vinningshafar geta nálgast sína vinninga í afgreiðslu GM á Hlíðavelli frá og með þriðjudeginum 16. ágúst.

Dregið úr skorkortum

Einar Már Birgisson og Kolbrún Jóhannsdóttir.

Óskum við vinningshöfum kærlega til hamingju með árangurinn og þökkum öllum þátttakendum kærlega fyrir komuna.

Einnig þökkum við Samkaup/Nettó kærlega fyrir stuðninginn.

Opna Dineout mótið - úrslit

Sun, 14 Aug 2022 08:15:00 GMT

Opna Dineout mótið fór fram á Hlíðavelli í gær og mættu fjölmargir kylfingar til leiks.

Vinningshafar í mótinu urðu eftirfarandi:

1. sæti - Kristján Þór Einarsson og Eyjólfur Kolbeins. 60 högg (besta skor á seinni 9)

2. sæti - Helgi Reynir Guðmundsson og Gústav A Gunnlaugsson. 60 högg (betri á síðustu 6 holunum)

3. sæti - Fannar Már Jóhannsson og Andri Snær Sævarsson. 60 högg.

4. sæti - Axel Fannar Elvarsson og Sigurður Elvar Þórólfsson. 61 högg.

5. sæti - Jón Arnar Jónsson og Ægir Þorsteinsson. 62 högg.

6. sæti - Arnar Snær Hákonarson og Gunnar Nelson. 62. högg.

7. sæti - Guðmundur Ingvi Einarsson og Björn Þór Hilmarsson. 63. högg.

8. sæti - Siggeir Halldórsson og Birkir Sigurðarson. 64. högg.

9. sæti - Björgólfur Takefusa og Sólveig Heimisdottir. 64. högg.

13. sæti - Haukur Einarsson og Sigurður Jónsson

20. sæti - Bjarki Elías Kristjánsson og Davíð Stefán Guðmundsson

99. sæti - Helena Guðmundsdóttir og Guðbjörg Elín Ragnarsdóttir

Næst holu á 3. braut - Aníta Pálsdóttir - 1,1 meter

Næst holu á 7. braut - Gunnar Helgi Steindórsson - 1,92 metrar

Næst holu á 15. braut - Ögmundur Kristjánsson - 2,69 metrar.

Næst holu á 18. braut - Kristján Þór Einarsson - 5,23 metrar.

Lengsta upphafshögg kvenna á 8. braut - Bergrún L. Sigurjónsdóttir

Lengsta upphafshögg karla á 8. braut - Arnar Snær Hákonarson.

Vinningshafar gett nálgast sína vinninga í afgreiðslu GM á Hlíðavelli frá og mánudeginum 15. águst kl. 13:00.

Óskum við vinningshöfum kærlega til hamingju með árangurinn og þökkum þeim fjölmörgu sem tóku þátt kærlega fyrir komuna.

Ennig þökkum við styrktaraðila mótsins, Dineout kærlega fyrir samstarfið.

Sveitakeppni LEK fór fram í liðinni viku.

Fri, 12 Aug 2022 18:31:00 GMT

Í síðastliðinni viku fóru fram sveitakeppni eldri kylfinga 65+ sem LEK stendur fyrir. Er þetta annað árið sem karlakeppnin fer fram í fyrsta sinn sem konurnar spila.

Okkar fulltrúar stóðu sig vel og endaði karlasveitin í 7. sæti og heldur því sínu sæti í efstu deild. Spilað var í Öndverðarnesi við ansi krefjandi veðuraðstæður.

Hér að ofan má sjá fulltrúa GM í karlasveit 65;

Frá vinstri, Sigurður Geirsson, Páll V Ásmundsson, Kjartan Ólafsson, Kristinn L Aðalbjörnsson, Svanberg Guðmundsson, Ásbjörn Björgvinsson og Bragi Jónsson sem jafnframt er liðsstjóri.

Kvennasveitin spilaði á Nesvellinum og enduðu þær 6. sæti sem er vel af verki staðið í þessari fyrstu keppni.

Hér að neðan má sjá fulltrúa GM í kvennasveit GM 65+

Frá vinstri; Karólína Jónsdóttir sérleg aðstoðarkona og kaddý, Unnur Pétursdóttir, Ingveldur Bragadóttir, Margrét Óskarsdóttir, Þuríður Pétursdóttir, Hrefna Birgitta, Rósa Guðný og Dagný Þórólfsdóttir liðsstjóri.

Kristján Þór Einarsson Íslandsmeistari í höggleik!

Mon, 08 Aug 2022 11:08:00 GMT

Íslandsmótinu í golfi 2022 lauk í Vestmanneyjum í gær 8. ágúst en mótið hófst fimmtudaginn 4. ágúst.

Kristján Þór Einarsson, GM og Perla Sól Sigurbrandsdóttir eru Íslandsmeistarar í golfi 2022. Þetta er í fyrsta sinn sem hin 15 ára Perla Sól fagnar þessum titli og í annað sinn sem Kristján Þór sigrar á Íslandsmótinu – en hann sigraði árið 2008 þegar mótið fór einnig fram í Vestmannaeyjum.

Við erum svo sannarlega stolt af okkar manni og spilaði hann stórkostleg golf við krefjandi aðstæður.

Kristján Þór fékk einnig Björgvinsskálina- sem er veitt þeim áhugakylfingi sem leikur á lægsta skorinu í Íslandsmótinu ár hvert. Þetta er í annað sinn sem þessi viðurkenning er veitt. Þetta er í þriðja sinn sem kylfingur úr GM verður Íslandsmeistari. Heiðar Davíð Bragason og Nína Björk Geirsdóttir hafa áður unnið þennan eftirsótta titil.

GM átti 27 fulltrúa í mótinu sem er virkilega ánægjulegt og við erum svo sananrlega stolt af öllu okkar fólki sem stóð sig með mikilli prýði.

Óskum við Kristjáni og Perlu innilega til hamingju með þennan frábæra árangur!

Lokastaðan í karlaflokki:

1. Kristján Þór Einarsson, GM 204 högg (70-70-64) (-6)
2.-3. Sigurður Bjarki Blumenstein, GR 206 högg (75-69-62) (-4)
2.-3. Kristófer Orri Þórðarson, GKG, 206 högg (66-71-69) (-4)
4.-6. Kristófer Karl Karlsson, GM 207 högg (72-69-66) (-3)
4.-6. Böðvar Bragi Pálsson, GR 207 högg (68-69-70) (-3)
4.-6. Birgir Guðjónsson, GE 207 högg (71-64-72) (-3)

Lokastaðan í kvennaflokki:

1. Perla Sól Sigurbrandsdóttir, GR 209 högg (70-70-69) (-1)
2. Ólafía Þórunn Kristinsdóttir, GR 210 högg (74-69-67) (par)
3. Guðrún Brá Björgvinsdóttir, GK 219 högg (76-71-72)(+9)
4. Ragnhildur Kristinsdóttir, GR 221 högg (73-75-73) (+11)
5.-6. Saga Traustadóttir, GKG 222 högg (78-76-68) (+12)
5.-6. Berglind Björnsdóttir, GR 146 högg (75-71-76) (+12)

ÍSLANDSMÓT GOLFKLÚBBA 50+ | SVEITIR GM

Thu, 04 Aug 2022 16:27:00 GMT

Búið að er að velja þá kylfinga sem skipa lið GM í Íslandsmóti golfklúbba 50 ára og eldri. Kvennasveit GM leikur í efstu deild en karlasveit GM leikur í 2. deild. Lið GM skipa eftirfarandi kylfingar:

Kvennasveit GM 50 ára og eldri

Liðsstjóri: Rut Marsibil Héðinsdóttir

Karlasveit GM 50 ára og eldri

Óskum okkar kylfingum góðs gengis!

Golfklúbbur Mosfellsbæjar með GEO CertifiedTM - sjálfbærni og umhverfisvottun

Wed, 03 Aug 2022 09:26:00 GMT

Golfklúbbur Mosfellsbæjar hefur hlotið GEO CertifiedTM-sjálfbærni- og umhverfisvottunina, sem gefin er út af GEO, Golf Environment Organization. GEO eru umhverfissamtök sem starfrækir vottunarkerfi fyrir golfvelli. Samtökin njóta víðtæks stuðnings innan golfhreyfingarinnar á heimsvísu og vinna náið með aðilum utan golfheimsins líkt og UNEP, umhverfisáætlun Sameinuðu þjóðanna, og eru aðilar að ISEAL, alþjóðlegum samtökum umhverfismerkja.

Á liðnum árum hefur Golfklúbbur Mosfellsbæjar stigið ýmis framfaraskref í þágu umhverfisverndar og sjálfbærni, sem felur jafnframt í sér aukin gæði og hagræðingu í rekstri. Allt er þetta í anda hugmyndafræðinnar um sjálfbærni og sjálfbæra þróun, sem klúbburinn hefur einsett sér að starfa eftir í framtíðinni.

Með því að smella hér má sjá upplýsingar um GM á heimasvæði GEO.

Heimasíða GEO

Þessi vottun er stórt og mikið skref fyrir Golfklúbbinn og sýnir að við erum á réttri leið þegar kemur að umhverfismálum og sjálfbærni. Við munum halda áfram að vinna eftir þessari sýn og vonandi gera enn betur þegar kemur að umhverfismálum ásamt því sem við tökum okkar hlutverki sem íþróttfélag í Mosfellsbæ alvarlega með því að sýna samfélagslega ábyrgð í verki.

golfklúbbur mosfellsbæjar 2022 - geo cerification (1).pdf

Golfklúbbur Mosfellsbæjar er Íslandsmeistari golfklúbba í kvennaflokki

Mon, 25 Jul 2022 07:39:00 GMT

Golfklúbbur Mosfellsbæjar, GM, er Íslandsmeistari golfklúbba 2022 í 1. deild kvenna. Þetta er í fjórða sinn sem við fögnum þessum titli.

Stelpurnar okkar sigruðu GR í úrslitaleiknum 3,5 – 1,5 með frábærri spilamennsku.

Lokastaðan í 1. deild kvenna 2022.

1. GM, Golfklúbbur Mosfellsbæjar.
2. GR, Golfklúbbur Reykjavíkur.
3. GKG, Golfklúbbur Kópavogs og Garðabæjar.
4. GK, Golfklúbburinn Keilir, GK.
5. NK, Nesklúbburinn.
6. GSS, Golfklúbbur Skagafjarðar.
7. GO, Golfklúbburinn Oddur.

Lið GM var skipað eftirfarandi leikmönnum:

Arna Rún Kristjánsdóttir

Berglind Erla Baldursdóttir

Katrín Sól Davíðsdóttir

Kristín Sól Guðmundsdóttir

María Eir Guðjónsdóttir

Nína Björk Geirsdóttir

Pamela Ósk Hjaltadóttir

Sara Kristinsdóttir

Liðsstjóri - Guðleifur Kristinn Stefánsson

Strákarnir okkur stóðu sig virkilega vel og enduðu á því að sigra GA í leik um þriðja sætið.

Lokastaðan í 1. deild karla:

1. GKG, Golfklúbbur Kópavogs og Garðabæjar.
2. GR, Golfklúbbur Reykjavíkur.
3. GM, Golfklúbbur Mosfellsbæjar.
4. GA, Golfklúbbur Akureyrar.
5. GOS, Golfklúbbur Selfoss.
6. GS, Golfklúbbur Suðurnesja.
7. GV, Golfklúbbur Vestmannaeyja.
8. GKB, Golfklúbbur Kiðjabergs.

Lið GM var skipað eftirfarandi leikmönnum.

Andri Már Guðmundsson

Arnór Daði Rafnsson

Aron Ingi Hákonarson

Björn Óskar Guðjónsson

Ingi Þór Ólafsson

Kristófer Karl Karlsson

Kristján Þór Einarsson

Sverrir Haraldsson

Liðsstjóri - Eyjólfur Kolbeins

Hjóna og paramót GM - Úrslit

Mon, 18 Jul 2022 08:01:00 GMT

Síðastliðinn laugardag fór fram hjóna og paramót GM á Hlíðavelli.

Það voru tæplega 70 pör sem spiluðu golf í góðu veðri og skemmtu sér vel.

Verðlaunahafar í mótinu voru eftirfarandi.

1. sæti - Eygerður Helgadóttir og Ingi Páll Sigurðsson - 41 punktur (betri á seinni 9)

2. sæti - Jónína Salóme Jónsdóttir og Gunnlaugur Júlíusson - 41 punktur

3. sæti - Lena Ýr Sveinbjörnsdóttir og Gunnar Ingi Björnsson - 40 punktar ( betri á seinni 9)

Næst holu:

3. braut - Dagur Þór Óskarsson 2,18 m.

7. braut - Gunnar Ingi Björnsson 1,68 m.

15. braut - Jakob M Gunnarsson 1,76 m.

18. braut - Guðlaugur Pálsson 48 cm.

Óskum við vinningshöfum kærlega til hamingju með árangurinn og þökkum öllum þeim sem voru með kærlega fyrir þátttökuna :)

Meistaramót GM 2022 | Úrslit

Mon, 11 Jul 2022 09:46:00 GMT

Meistaramóti GM lauk með glæsilegu lokahófi laugardagskvöldið 9. júlí. Mikið stuð var í Kletti og skemmtu keppendur sér fram eftir kvöldi eftir spennandi Meistaramót. Aðstæður í mótinu voru krefjandi og reyndi mjög á hæfileika keppenda í baráttu við veðrið.

Kristófer Karl Karlsson og Nína Björk Geirsdóttir eru klúbbmeistarar GM árið 2022. Kristófer í 2. sinn en hann setti glæsilegt vallarmet á 2. hring þar sem hann lék á 62 höggum. Nína Björk sigraði mótið í 18. sinn, ótrúlegur árangur hjá Nínu.

Verðlaunahafar í þeim flokkum sem luku leik á laugardag voru eftirfarandi:

Meistaraflokkur karla
1. sæti - Kristófer Karl Karlsson
2. sæti - Ingi Þór Ólafson
3. sæti - Kristján Þór Einarsson

Meistaraflokkur kvenna
1. sæti - Nína Björk Geirsdóttir
2. sæti - Heiða Guðnadóttir
3. sæti - Arna Rún Kristjánsdóttir

1. flokkur karla
1. sæti - Guðjón Ármann Guðjónsson
2. sæti - Óskar Sæmann Axelsson
3. sæti - Guðleifur Kristinn Stefánsson

1. flokkur kvenna
1. sæti - Írunn Ketilsdóttir
2. sæti - Edda Herbertsdóttir
3. sæti - Sara Jónsdóttir
3. sæti - Arna Kristín Hilmarsdóttir

2. flokkur karla
1. sæti - Ingvar Ormarsson
2. sæti Björgólfur Hideaki Takefusa
3. sæti - Sævar Ómarsson

2. flokkur kvenna
1. sæti - Steinunn Þorkelsdóttir
2. sæti - Harpa Iðunn Sigmundsdóttir
3. sæti - Dagný Þórólfsdóttir

3. flokkur karla
1. sæti - Kristinn V. Sveinbjörnsson
2. sæti - Elvar Snær Ólafsson
3. sæti Freyr Hólm Ketilsson

3. flokkur kvenna
1. sæti - Elín Gróa Karlsdóttir
2. sæti - Hefna Hlín Karlsdóttir
3. sæti - Hafdís Hrönn Björnsdóttir

4. flokkur karla
1. sæti - Hafliði Jökull Jóhannesson
2. sæti - Björgvin Reynisson
3. sæti - Þórmundur Helgason

Óskum öllum verðlaunahöfum innilega til hamingju með árangurinn og þökkum öllum keppendum fyrir þátttökuna!

Leik lokið í 3. flokki karla

Sat, 09 Jul 2022 08:42:00 GMT

Í gær lauk leik hjá 3. flokki karla og var hart barist.

Þegar upp var staðið voru þrír kylfingar efstir og jafnir. Fóru þeir því í umspil til þess að skera úr um efstu þrjú sæti flokksins.

Var sú keppni mjög spennandi og það var hann Kristinn Viðar Sveinbjörnsson sem stóð uppi sem sigurvegari.

3. flokkur karla.

1. sæti - Kristinn Viðar Sveinbjörnsson

2. sæti - Elvar Snær Ólafsson

3. sæti - Freyr Hólm Ketilsson

Óskum við þeim kærlega til hamingju með árangurinn.

Meistaramót - úrslit úr Bakkakotinu

Fri, 08 Jul 2022 19:31:00 GMT

Nú er úrslitin í 5. flokki karla sem og 4. og 5. flokki kvenna orðin ljós.

Þessir flokkar spiluðu þrjá hringi í Bakkakoti og er það í fyrsta sinn sem það er gert. Er það okkar mat að vel hafi tekist til og allir keppendur hafi verið ánægðir :)

Hér að neðan eru úrslitin í viðkomandi flokkum.

4. flokkur kvenna.

1. sæti - Bára Einarsdóttir

2. sæti - Rakel Ýr Guðmundsdóttir

3. sæti - Kolbrún Klara Gísladóttir

5. flokkur kvenna.

1. sæti - Helga Steinunn Hauksdóttir

2. sæti - Eygló Kristjánsdóttir

3. sæti - Elín Sigríður Einarsdóttir

5. flokkur karla.

1. sæti - Aron Sölvi Ingason

2. sæti - Kristján Guðni Halldórsson

3. sæti - Páll Örn Líndal.

Óskum við verðlaunahöfum kærlega til hamingju með árangurinn og þökkum öllum þeim sem tóku þátt kærlega fyrir :)

Úrslit í þriðja flokki kvenna og fjórða flokki karla.

Thu, 07 Jul 2022 13:38:00 GMT

Þar sem við þurftum því miður að fella niður umferð dagsins í meistaramótinu þá liggja fyrir úrslit í tveimur flokkum.

3. flokkur kvenna.

1. sæti - Elín Gróa Karlsdóttir

2. sæti - Hrefna Hlín Karlsdóttir

3. sæti - Hafdís Hrönn Björnsdóttir

4. flokkur karla

1. sæti - Hafliði Jökull Jóhannesson

2. sæti - Björgvin Reynisson

3. sæti - Þórmundur Helgason

Óskum við vinningshöfum kærlega til hamingju með árangurinn.

Leikur fellur niður í dag fimmtudaginn 7. júlí.

Thu, 07 Jul 2022 10:16:00 GMT

Mótsstjórn Meistaramóts Golfklúbbs Mosfellsbæjar hefur ákveðið að fella niður keppnisdaginn í dag, fimmtudaginn 7. júlí á Hlíðavelli.

Þeir keppendur sem ákváðu að mæta ekki til leiks í dag, mega mæta á morgun föstudag.

Þeir keppendur sem ákváðu að mæta ekki til leiks í dag, eða hættu á meðan leik stóð hafa heimild til þess að mæta á morgun.

Mótið hjá þeim flokkum sem eru við leik núna á Hlíðavelli verður því stytt í 54 holur.

4. flokkur karla og 3. flokkur kvenna hafa því lokið leik í meistaramótinu þetta árið.

Staðan á Hlíðavelli og rástímar morgundagsins.

Wed, 06 Jul 2022 23:45:00 GMT

Rástímar fyrir fimmtudaginn 7. júlí hafa verið birtir. Hægt er að sjá þá, ásamt stöðunni í flokkunum í hlekknum hér að neðan.

Hlíðavöllur - rástímar og staða í flokkum

Staðan eftir fyrsta dag í Bakkakoti og rástímar morgundagsins

Wed, 06 Jul 2022 18:14:00 GMT

Í hlekknum hér að neðan má sjá stöðuna í flokkunum eftir fyrsta dag sem og rástíma morgundagsins.

Staðan eftir fyrsta dag og rástímar morgundagsins

Það var frábær stemmning í Bakkakotinu í blíðunni í dag og við viljum sérstaklega hrósa ykkur sem þar lékuð hversu dugleg þið voruð að kalla til dómara. Það var brjálað að gera hjá honum við að leiðbeina ykkur og fara yfir golfreglurnar og hvaða lausnir/möguleika þið hafið i ykkar leik. Endilega halda því áfram :)

Úrslit í Meistaramóti GM

Wed, 06 Jul 2022 06:54:00 GMT

Nú eru úrslitin kunn í nokkrum flokkum og er hægt að sjá þau hér að neðan.

Drengir 10 ára og yngri

1. sæti - Ásgeir Páll Baldursson
2. sæti - Daníel Tristan Sigurlínarson
3. sæti - Guðlaugur Benjamín Kristinsson

Stúlkur 10 ára og yngri

1. sæti - Eiríka Malaika Stefánsdóttir
2. sæti - Elva Rún Rafnsdóttir
3. sæti - Brynhildur Ylfa Þóroddsdóttir

Strákar 11 - 12 ára

1. sæti - Jóhannes Þór Gíslason
2. sæti - Brynjar Ernir Gunnarsson
3. sæti - Tómas Ingi Bjarnason

Stelpur 13 - 14 ára

1. sæti - Elísa Rún Róbertsdóttir
2. sæti - Andrea Líf Líndal
3. sæti - Sara María Guðmundsdóttir

Strákar 13 - 14 ára

1. sæti - Hjalti Kristján Hjaltason
2. sæti - Kristján Karl Guðjónsson
3. sæti - Grétar Logi Gunnarsson Bender

Stelpur 15 - 16 ára

1. sæti - Auður Bergrún Snorradóttir
2. sæti - Gabríella Neema Stefánsdóttir
3. sæti - Birna Rut Snorradóttir

Strákar 15 - 16 ára

1. sæti - Ásþór Sigur Ragnarsson
2. sæti - Aron Frosti Davíðsson
3. sæti - Haukur Helgi Þorvaldsson

Karlar 50+ - höggleikur

1. sæti - Halldór Friðgeir Ólafsson
2. sæti - Axel Þór Rudolfsson
3. sæti - Páll Ólafsson

Konur 50+ - höggleikur

1. sæti - Guðný Helgadóttir
2. sæti - Karólína Margrét Jónsdóttir
3. sæti - Rebecca Oqueton Yongco

Karlar 70+ - höggleikur

1. sæti - Kristinn L Aðalbjörnsson
2. sæti - Bragi Jónsson
3. sæti - Svanberg Guðmundsson

Konur 65+ - höggleikur

1. sæti - Þuríður E Pétursdóttir
2. sæti - Unnur Pétursdóttir
3. sæti - Hrefna Birgitta Bjarnadóttir

Karlar 50+ - Punktakeppni

1. sæti - Jónas Yamak
2. sæti - Ólafur Berg Bjarnason
3. sæti - Pétur Sverrisson

Konur 50+ - Punktakeppni

1. sæti - Linda Hersteinsdóttir
2. sæti - Hrefna Harðardóttir
3. sæti - Stefanía Eiríksdóttir

Karlar 70+ - punktakeppni

1. sæti - Ólafur Pétur Pétursson
2. sæti - Gunnar Rafn Jónsson
3. sæti - Svanberg R. Ólafsson

Konur 65+ - Punktakeppni

1. sæti - Hafdís Jóna Karlsdóttir
2. sæti - Gunnhildur Magnúsdóttir
3. sæti - Hildur Skarphéðinsdóttir

Óskum við öllum vinningshöfum kærlega til hamingju með árangurinn og þökkum öllum þeim sem lokið hafa leik kærlega fyrir þátttökuna :)

Úrslit í meistaramóti GM

Wed, 06 Jul 2022 06:54:00 GMT

Nú hafa fleiri flokkar lokið leik í meistaramóti GM og urðu úrslit eftirfarandi:

3. flokkur kvenna , þar réðust úrslit eftir bráðabana.

1. sæti - Þorgerður Árnadóttir

2. sæti - Hrefna Hlín Karlsdóttir

3. sæti - Eygerður Helgadóttir.

3. flokkur karla.

1. sæti - Jens Ingvarsson

2. sæti - Skúli Baldursson

3. sæti - Guðfinnur Már Árnason

4. flokkur karla.

1. sæti - Bjarki Þorláksson

2. sæti - Sævar Ström

3. sæti - Skúli Sigurðsson (betri á síðustu 18)

Hér má sjá öll úrslit

Við óskum verðlaunahöfum innilega til hamingju með árangurinn :)

Úrslit í meistaramóti GM

Wed, 06 Jul 2022 06:54:00 GMT

Í gær luku eftirfarandi flokkar leik og urðu úrslit eftirfarandi:

4. flokkur kvenna.

1. sæti - Linda Hersteinsdóttir

2. sæti - Björk Snæland Jóhannsdóttir

3. sæti - Kristín Ösp Þorleifsdóttir.

5. flokkur kvenna.

1. sæti - Guðbjörg Elín Þrastardóttir

2. sæti - Guðveig Jóna Hilmarsdóttir

3. sæti - Sara Fanney Hilmarsdóttir

5. flokkur karla.

1. sæti - Friðrik Már Gunnarsson

2. sæti - Brynjúlfur Guðmundsson

3. sæti - Jónas Valtýsson.

Konur 50+ án forgjafar

1. sæti - Stefanía Eiríksdóttir

2. sæti - Hrefna Harðardóttir

3. sæti - Karólína Margrét Jónsdóttir

Konur 50+ með forgjöf.

1. sæti - Þórdís Pálsdóttir

Karlar 50+ án forgjafar.

1. sæti - Jónas Heiðar Baldursson

2. sæti - Halldór Friðgeir Ólafsson

3. sæti - Victor Rafn Viktorsson

Karlar 50+ með forgjöf.

1. sæti - Hákon Gunnarsson

2. sæti - Hilmar Harðarson

3. sæti - Haraldur Sverrisson.

Við óskum verðlaunahöfum innilega til hamingju með árangurinn :)

Rástímar fyrir Hlíðavöll á morgun miðvikudag

Tue, 05 Jul 2022 22:50:00 GMT

Smellið á hlekkinn hér að neðan til þess að sjá rástíma morgundagsins.

Rástímar - miðvikudagur 6. júlí.

Meistaramót - úrslit mánudagur - rástímar fyrir þriðjudag.

Mon, 04 Jul 2022 19:07:00 GMT

Nú er dagur tvö í meistaramóti búinn og þið getið skoðað stöðuna í flokkunum með því að smella á hlekkinn hér að neðan ásamt því að skoða rástíma fyrir þriðjudag.

Staðan eftir mánudaginn 4. júlí

Rástímar - Hlíðavöllur - þriðjudaginn 5. júlí

Við höfum einnig birt rástíma fyrir þá flokka sem hefja leik í Bakkakoti á miðvikudaginn.

Rástímar - Bakkakot - Miðvikudagur 6. júlí.

Fyrsti dagur í meistaramóti krakka 12 ára og yngri fór fram í dag í Bakkakoti, staðan og rástímar morgundagsins eru hér fyrir neðan:

12 ára og yngri - staðan eftir dag 1.

Rástímar - 12 ára og yngri - Þriðjudagur

Staðan eftir fyrsta keppnisdag og rástímar morgundagsins.

Sun, 03 Jul 2022 17:50:00 GMT

Nú hafa síðustu ráshópar dagsins skilað sér í hús og því er er staðan eftir fyrsta keppnisdag orðin ljós.

Einnig er búið að birta rástíma fyrir mánudaginn 4. júlí og hafa keppendur fengið þá senda í tölvupósti.

Staðan eftir fyrsta dag

Rástímar mánudaginn 4. júlí.

Meistaramótsvikan að fara af stað.

Fri, 01 Jul 2022 13:59:00 GMT

Meistaramót GM 2022 hefst á sunnudaginn og hafa rástímar sunnudagsins nú verið birtir í mótaskrá á Golfboxinu.

Í meistaramótsviku munu klúbbhús félagsins opna klukkan 07:00.

Það verða grasdagar á æfingasvæðinu okkar á Hlíðavelli alla dagana og verður grasteigurinn opinn frá 06:00 til 18:00. Frá 18:00 til 21:30 verður motturnar að sjálfsögðu opnar.

Í meðfylgjandi hlekk má sjá rástíma sunnudagsins.

Rástímar á Hlíðvelli sunnudaginn 3. júlí

ÍSLANDSMÓT GOLFKLÚBBA | UNGLINGAFLOKKAR

Mon, 27 Jun 2022 08:19:00 GMT

Íslandsmóti golfklúbba í unglingaflokkum lauk síðastliðinn föstudag, 24. júní. GM átti fjölmargar sveitir í keppninni sem stóðu sig allar með stakri prýði.

Eftirfarandi sveitir frá GM tóku þátt í mótinu:

18 ára og yngri stúlkur | 2. sæti

Sveit GM skipuðu: Katrín Sól Davíðsdóttir, Sara Kristinsdóttir, Eydís Arna Róbertsdóttir, Berglind Erla Baldursdóttir, María Eir Guðjónsdóttir, Dagur Ebenezersson liðstjóri.

18 ára og yngri drengir | 2. sæti

Sveit GM skipuðu: Kristian Óskar Sveinbjörnsson, Oliver Thor Hreiðarsson, Dagur Þór Óskarsson, Tristan Snær Viðarsson, Dagur Ebenezersson liðstjóri.

15-16 ára stúlkur A- sveit | Íslandsmeistarar, 1. sæti

Sveit GM skipuðu: Pamela Ósk Hjaltadóttir, Auður Bergrún Snorradóttir, Eva Kristinsdóttir, Birna Rut Snorradóttir, Heiða Rakel Rafnsdóttir, Andri Ágústsson liðstjóri.

15-16 ára stúlkur B- sveit | 3. sæti

Sveit GM skipuðu: Gabríella Neema Stefánsdóttir, Ásdís Eva Bjarnadóttir, Ásdís Rún Hrafnhildardóttir, Dagbjört Erla Baldursdóttir, Ísabella Björt Þórsdóttir, María Rut Gunnlaugsdóttir, Andri Ágústsson liðstjóri.

14 ára og yngri

Sveitir 14 ára og yngri léku á Akranesi og stóðu sig afar vel. Þau voru sjálfum sér og klúbbnum til mikils sóma.

Stúlknasveit GM skipuðu: Sara María Guðmundsdóttir, Elísa Rún Róbertsdóttir, Andrea Líf Líndal, Elísabet Jónsdóttir, Birna Steina Bjarnþórsdóttir, Stefanía Bára Emilsdóttir

Drengjasveit GM skipuðu: Ásþór Sigur Ragnarsson, Kristján Karl Guðjónsson, Grétar Logi Gunnarsson Bender, Pálmi Þór Kristmansson, Styrmir Örn Kjærnested.

Viðbragðæfing starfsmanna GM

Wed, 22 Jun 2022 12:57:00 GMT

Nú nýverið fór fram viðbragsðæfing starfsmanna GM.

Í fyrra var sett upp í samstarfi við 112 viðbragðáætlun á Hlíðavelli með það að markmiði að geta brugðist hratt og örugglega við ef eitthvað kemur upp á úti á golfvelli.

Í síðustu viku var svo upprifjun og farið yfir alla ferlana aftur í samstarfi með Slökkvuliði höfuðborgarsvæðisins og gekk sá dagur virkilega vel. Það er GM félaginn Gunnar Björgvinsson sem hefur haft veg og vanda að þessu hjá okkur og kunnum við honum bestu þakkir fyrir alla aðstoðina.

Nú höfum við einnig komið fyrir hjartastuðtæki í Bakkakoti og erum því vel búin á báðum völlum klúbbsins.

Alþjóðlegt unglingamót á Hlíðavelli

Tue, 21 Jun 2022 09:39:00 GMT

Golfklúbbur Mosfellsbæjar stendur fyrir glæsilegu þriggja daga unglingamót sem hefst næstkomandi mánudag.

Mótið ber nafnið Icelandic Junior Midnight Challenge er hluti af Global Junior Golf mótaröðinni. Þetta er sterk alþjóðleg mótaröð og hafa fjölmargir íslenskir kylfingar tekið þátt í mótum á mótaröðinni undanfarin ár. Mótið er fyrir krakka/unglinga 21 árs og yngri. Skráningin hefur gengið vel og hafa fjölmargir sterkir kylfingar skráð sig til leiks. Við fáum rúmlega 20 erlenda kylfinga í heimsókn og það verður virkilega gaman að sjá okkar krakka spreyta sig á heimavelli á móti þeim.

Það er ennþá opið fyrir skráningar og við eigum eftir nokkur pláss og viljum við því hvetja ykkur til þess að vera með og festa þetta mót í sessa hér á Íslandi.

Smellið hér til að nálgast upplýsingar um Global Junior Golf mótaröðina sem og okkar mót!

Mótið fer fram dagana 26 -29 júní sem er sunnudagur ( æfingahringur) til miðvikudags og verður lokadagurinn spilaður að kvöldi til og vonandi fá við bjart og fallegt veður þegar móti lýkur um miðnætti.

Íslandsmótið í holukeppni

Mon, 20 Jun 2022 09:12:00 GMT

Í gær kláraðist Íslandsmótið í holukeppni á Hlíðavelli.

Áttum við í GM fjölmarga keppendur og stóðu þau sig virkilega vel.

Pamela Ósk Hjaltadóttir spilaði til úrslita við Sögu Traustadóttir úr GKG og úr varð hörkuleikur sem Saga vann á 17 holu. Pamela er fædd 2008 og á framtíðina fyrir sér í golfinu og erum við virkilega stolt af henni og hennar árangri í mótinu.

Það var svo reynsluboltinn okkar hann Kristján Þór Einarsson sem endaði í þriðja sæti í mótinu. Kristján tapaði á 18. holu í undanúrslitum og lék því um þriðja sætið. Þar setti okkar maður í fluggír og vann sinn leik á 12. holu þar sem hann gerði sér lítið fyrir og náði í örn, þessar 12 holur spilaði hann 5 undir pari. Óskum við honum til hamingju með árangurinn.

Í meðfylgjandi frétt frá golf.is má sjá allar upplýsingar um mótið ásamt viðtölum við þau Sögu og Sigurð Bjarka Blumenstein frá GR sem varð Íslandsmeistari í karlaflokki.

Frétt frá Golf.is

Að lokum viljum við svo óska þeim Sigurði og Sögu innilega til hamingju með Íslandsmeistaratitlana :)

Æfingasvæðið á Hlíðavelli - breytingar á opnunartíma

Wed, 15 Jun 2022 10:17:00 GMT

Við ætlum að breyta opnunartíma á æfingasvæðinu hjá okkur og hafa það opið alla daga frá kl. 07:00 til 22:00. Síðustu boltar verða seldir úr vélinni kl. 21:30.

Tekur þessi breyting strax gildi.

Samkaup/Nettó - Háforgjafar og nýliðamót - Úrslit.

Mon, 06 Jun 2022 07:38:00 GMT

Síðastliðinn laugardag fór fram opna Samkaup/Nettó mótið sem er fyrir kylfinga með 30 og hærra í forgjöf.

Spilaðar voru 9 holur í blíðskapar veðri í Bakkakoti og mættu fjölmargir kylfingar til leiks.

Úrslit mótsins voru eftirfarandi:

Konur:

1. sæti - Guðný Ása Þorsteinsdóttir

2. sæti - Svanhvít Sveinsdóttir

3. sæti - Anna Hilda Guðbjörnsdóttir ( betri á síðustu 6 holum vallarins)

Karlar:

1. sæti - Arnsteinn Kári Gestsson

2. sæti - Brynjar Smári Elvarsson

3. sæti - Kristófer Vilbergsson

Hljóta þau öll 10. þúsund króna gjafabréf frá Nettó.

Næst holu á 9. braut - Einar Már Björnsson. 81 cm - 5.000 króna gjafabréf í Golfbúð Golfklúbbs Mosfellsbæjar.

Dregið var úr skortkortum og hljóta eftirfarandi kylfingar 20.000 króna gjafabréf frá Nettó.

María Jensdóttir - Golfklúbbi Hveragerðis

Frank Gerritsen - Golfklúbbi Mosfellsbæjar.

Þökkum við öllum þeim kylfingum sem tóku þátt kærlega fyrir komuna :)

Vinningshafar geta nálgast sína vinninga í afgreiðslu Golfklúbbs Mosfellsbæjar frá og með þriðjudeginum 7. júní.

Fræðslukvöld GM - Hvaða er að vera kylfingur!

Thu, 19 May 2022 08:59:00 GMT

Ágætu GM félagar.

Við erum að fara af stað með fræðslu fyrir okkar félagsmenn sem ber heitir "Hvað er að vera kylfingur".

Þar ætlum við að fara yfir þau atriði sem við sem kylfingar þurfum að hafa í huga þegar við spilum golf. Á þessum fræðslukvöldum verður meðal annars farið yfir eftirfarandi atriði:
- Skráning í rástíma og mót.
- Staðfesta komu á vellina okkar.
- Helstu golfreglur.
- Hvernig ber ég mig að út á golfvelli, hvað er gott að hafa í huga þegar ég spila golf!
- Leikhraði.
- Umgengi um glompur.
- Laga boltaför.

Þorsteinn Hallgrímsson GM félagi og fyrrverandi Íslandsmeistari í golfi mun fara yfir það hvernig við berum okkur að úti á golfvelli og Sigurður Geirsson, GM félagi og alþjóðadómari í golfi mun fara yfir helstu golfreglur.

Þessi fræðslukvöld eru hugsuð fyrir alla GM félaga og er það okkar von að sem flest mæti og fræðist um golfíþróttina og hvernig við sem kylfingar högum okkur á golfvellinum. Við viljum sérstaklega hvetja nýliða og þau ykkar sem ekki hafið stundað golf lengi til að mæta og er það okkar von að eftir svona fræðslukvöld verði ykkar upplifun af því að spila golf skemmtilegri :)

Við höfum opnað fyrir skráningu á tvö fyrstu kvöldin sem verð haldin 30. og 31. maí og fer skráning fram á www.sportabler.com/shop/golfmos

Aðgangur er að sjálfsögðu ókeypis.

Hlökkum til að sjá ykkur :)

Stellu deildin að hefjast

Tue, 17 May 2022 16:11:00 GMT

Stellu deildin 2022 - Skráning opnar á morgun miðvikudaginn . 18. maí kl. 12:00!!!

Nýtt fyrirkomulag!

Alls eru 16 lið sem geta verið með en leikið verður í fjórum 4 liða riðlum þar sem allir leika við alla. Þegar úrslit í riðlum liggja fyrir verður leikið í 8 liða úrslitum. Efstu 2 liðin í riðli fara áfram í útsláttarkeppnina.

Í forkeppni Stellu-deildarinnar er leikin 18 holu punktakeppni þar sem 4 liðsmenn leika og 3 bestu skor liðsins telja. Hámarksforgjöf í forkeppninni er 36. Verði lið jöfn í forkeppninni verður það lið ofar sem er með hæsta einstaka punktafjöldann. Ef enn er jafnt telur skorið hjá þeim leikmanni sem var með lægsta punktafjöldann. Ef enn er jafnt er varpað hlutkesti um hvaða lið hafnar ofar.

Forkeppni Stellu-deildarinnar árið 2022 fer fram laugardaginn 28. maí á Hlíðavelli og er ræst út frá klukkan 09:00.

Vertu með og skráðu liðið þitt til leiks!

Skráning í STELLU-deildina fyrir sumarið 2020 hefst þann 18. maí klukkan 12:00 og lýkur þann 23. maí klukkan 12:00. Þátttökugjald er 20.000 kr fyrir hvert lið.

Skráning í STELLU deildina er á eftirfarandi slóð: https://goo.gl/forms/ZdIQzmB12WR6unkI3

Opna Ecco | Úrslit

Mon, 16 May 2022 11:18:00 GMT

Í gær fór fram fyrsta opna mót sumarsins á Hlíðavelli, opna Ecco. Um 100 keppendur tóku þátt í mótinu og sáust glæsileg tilþrif á vellinum.

Úrslit mótsins urðu eftirfarandi:

Höggleikur

1. sæti - Birkir Þór Baldursson 76 högg
2. sæti - Atli Már Grétarsson 77 högg
3. sæti - Júlíus Hallgrímsson 78 högg

Punktakeppni

1. sæti - Gísli Elíasson 45 punktar
2. sæti - Stefán Rósar Esjarsson 40 punktar
3. sæti - Björgvin Reynisson 39 punktar

Nándarverðlaun

3. braut - Atli Már Grétarsson 4.41 m
7. braut - Kristín Aðalbjörns 1.01 m
15. braut - Ragnar Olsen 4.34 m
18. braut - Guðbjörg Elín 0.12 m

Við þökkum öllum keppendum fyrir komuna á Hlíðavöll og Ecco fyrir samstarfið. Verðlaunahafar geta nálgast vinninga sína í afgreiðslu GM á Hlíðavelli frá og með miðvikudeginum 18. maí

Bakkakotið opnar

Thu, 05 May 2022 15:58:00 GMT

Ágætu GM félagar.

Nú er komið að því að opna Bakkakotið og verður það gert laugardaginn 7. maí. Búið er að opna fyrir rástímaskráningu í golfboxinu.

Bakkakotið kemur heilt yfir vel undan vetri og orðið grænt og fallegt. Það eru bara flatir 2. og 8 sem eru að stríða okkur líkt og áður. En það stendur allt til bóta og hefjumst við handa fljótlega við að endurbyggja nýja 8. flöt.

Okkar vellir opna á laugardaginn fyrir aðra en GM meðlimi.

Golfbílar verða heimilaðir á Hlíðavelli frá og með næstkomandi laugardegi.

Golfkveðja.

Stjórn og starfsfólk GM.

Golfnámskeið í maí hjá GM

Mon, 02 May 2022 13:54:00 GMT

Á mánudögum í maí verða spennandi námskeið í boði á æfingasvæði GM við Hlíðavöll.

Vornámskeið hjá Grétari

Vornámskeið hjá PGA golfkennarunum Grétari Eiríkssyni. Námskeiðið er alls 4 skipti þar sem farið verður í alla þætti golfsins. Pútt, vipp, járnahögg og teighögg.

Kennt er mánudagana 9., 16., 23., og 30. maí. Í boði eru tveir hópar, 11:00 - 11:50 og 12:00 - 12:50.

Hámarksfjöldi á námskeiðinu eru 8 kylfingar

^{Skráning á námskeið hjá Grétari}

Grunnnámskeið hjá Andra

Námskeið sem hentar sérstaklega vel fyrir byrjendur og styttri komna. Í námskeiðinu er lögð áhersla á grunnatriði golfíþróttarinnar með skemmtilegum æfingum. Kennari á námskeiðinu er Andri Ágústsson. Andri er að ljúka námi í íþróttafræði frá HR og er að hefja nám í golfkennaraskóla PGA. Andri hefur kennt golf undanfarin ár og er sjálfur afrekskylfingur hjá GM.

Kennt er mánudagana 9., 16., 23., og 30. maí. Í boði eru þrír hópar, 18:00 - 18:50, 19:00 - 19:50 og 20:00 - 20:50.

Hámarksfjöldi á námskeiðinu er 8 kylfingar

Skráning á grunnnámskeið hjá Andra

Opnun Hlíðavallar - Ýmsar upplýsingar

Fri, 29 Apr 2022 16:08:00 GMT

Hlíðavöllur opnar næstkomandi sunnudag.

Stuart og hans menn hafa unnið mikið og gott starf undanfarnar vikur og völlurinn er í virkilega góðu ásigkomulagi.

Veturinn var erfiður snjólega séð þar sem ekki gafst tími til þess að vinna ýmis verkefni sem við höfum vanalega geta unnið yfir vetrarmánuðina. Því eru nokkur svæði ókláruð en þau eru öll utan leiksvæðanna og ættu því ekki að trufla við leik. Þessum svæðum verður svo lokað á komandi dögum/vikum.

Hér eru svo nokkrir punktar fyrir opnun!

Golfbílar eru ekki leyfðir

Klósettaðstaðan á 4/8 braut opnar um miðja næstu viku.

Æfingaflatir við æfingasvæðið sjálft opna eftir rúma viku.

Opnunartími golfbúðarinnar okkur verður alla daga frá kl. 8:00 - 20:00.

Þau ykkar sem eruð með "chip" í boltavélina á æfingasvæðinu, þið þurfið að koma við í afgreiðslunni og uppfæra chipið.

Svo minnum við á hreinsunardaginn á morgun laugardag sem hefst stundvíslega kl. 10:00!

Gleðilegt golfsumar :)

Opnun Hlíðavallar

Wed, 27 Apr 2022 15:35:00 GMT

Ágætu GM félagar.

Nú er komið að því að opna Hlíðavöll. Síðustu dagar hafa verið okkur hliðhollir og veðurspáin næstu daga er góð.

Við ætlum því að opna golfvöllinn formlega fyrir okkar félagsmenn næstkomandi sunnudag 1. maí. Opnað verður fyrir rástímaskráningar föstudaginn 29. apríl kl. 13:00. Æfingasvæðið opnar kl. 12:00 á laugardaginn.

Bókunarreglurnar verða þær sömu og í fyrra og hafa okkar meðlimir fjögurra daga bókunarfrest, nýr dagur opnast að kvöldi til kl. 20:00.

Hlíðavöllur kemur virkilega vel undan vetri og hér má sjá skemmtilegt myndband sem tekið var af vellinum fyrr í dag

https://www.youtube.com/watch?v=8Uq8mzBrCoA

Hreinsunardagur!

Líkt og undanfarin ár ætlum við að vera með vinnudag/hreinsunardag á Hlíðavelli og verður hann haldinn á laugardaginn og hefst kl. 10:00. Þau ykkar sem mæta og taka til hendinni fáið svo að leika Hlíðavöll eftir hádegi á laugardeginum. Þá ræsum við út með shotgun starti upp úr kl. 13:00

Undanfarin ár hefur mætingin verið frábær og vonandi verður það svoleiðis áfram. Þau ykkar sem hafið tök á því að hafa með sér malarhrífu eða sóp megið hafa slíkt meðferðis :)

Hlökkum til að sjá ykkur og gleðilegt golf sumar :)

Hreinsunardagur og opnun Hlíðavallar

Mon, 25 Apr 2022 12:51:00 GMT

Nú styttist heldur betur í golfsumarið 2022. Stefnt er á hreinsunardag félagsmanna á vallarsvæðum GM laugardaginn 30. apríl. Nánari upplýsingar um hreinsunardaginn og skipulag verður birt síðar í vikunni.

Að loknum hreinsunardeginum fá þeir félagsmenn sem mæta og taka þátt forskot á sæluna og fá að leika Hlíðavöll inn á sumarflatir. Sunnudaginn 1. maí verður síðan Hlíðavöllur opnaður formlega sumarið 2022.

Gleðilegt sumar!

Púttmótaraðir karla og kvenna - Lokastaða

Sat, 16 Apr 2022 10:25:00 GMT

Nú eru úrslitin kunn í púttmótaröðum vetrarins!

Er þetta í fyrsta sinn sem við setjum upp púttmótaröð með þessu sniði og það voru rétt um 80 GM félagar sem tóku þátt. Þessi keppni er svo sannarlega komin til að vera og vonandi verða fleiri með næsta vetur :)

Í kvennaflokki voru úrslitin í einstaklingskeppninni eftirfarandi:

1. Pamela Ósk Hjaltadóttir - 354 högg

2. Eva Kristinsdóttir - 357 högg

3. Hekla Daðadóttir - 361 högg.

Það voru svo Hlussurnar sem stóðu uppi sem sigurvegarar í kvennaflokki, það lið skipa þær:

Gabríella - Heiða - Pamela og Eva.

Í karlaflokki var umtalsverð spenna þar sem að úrslitin í liðakeppninni réðust síðasta kvöldið.

Í einstaklingskeppninni voru úrslitin eftirfarandi:

1. Siggeir Kolbeinsson - 353 högg

2. Kristinn V. Sveinbjörnsson - 355 högg

3. Tristan Snær Viðarsson - 356 högg.

Í liðakepnninni voru tvö lið jöfn á 702 höggum sem deila því fyrsta sætinu.

Það voru liðin, Brauðið geggjað nett. Það lið skipa; Aron - Dagur - Tristan og Arnór og svo var það

liðið Bara fuglar, það lið skipa þeim Bjarnþór - Siggeir - Jón Óskar og Óskar Sæmann

Verðlaunin fyrir púttmótaröðina þennan veturinn eru eftirfarandi:

Einstaklingskeppni karla og kvenna

1. sæti - Eitt holl (4 kylfingar) ásamt tveimur golfbílum hjá Golfklúbbi Kópavogs og Garðabæjar

2. sæti - Golfhringur fyrir tvo hjá Golfklúbbi Reykjavíkur

3. sæti - Golfhringur fyrir tvo hjá Golfklúbbnum Oddi.

Liðakeppni - Gjafabréf í golfbúð GM að andvirði 7500 krónur fyrir hvern meðlim.

Óskum við sigurvegunum kærlega til hamingju með árangurinn og þökkum öllum kærlega fyrir þáttökuna í sumar. Hægt er að nálgast verðlaunin á skrifstofu GM frá og með næstkomandi fimmtudegi.

Hér að neðan má sjá lokastöðuna:

púttmótaröð kvenna - lokastaðan liðakeppni.png

púttmótaröð kvenna - lokastaða einstaklingskeppni.png

púttmótaröð karla - lokastaðan liðakeppni.png

púttmótaröð karla - lokastaðan einstaklingskeppni.png

Opnunartími skrifstofu GM yfir páskana

Wed, 13 Apr 2022 13:33:00 GMT

Skrifstofa GM verður lokuð frá og með Skírdegi, 14. apríl og opnar aftur miðvikudaginn 20. apríl.

Minnum á að ávallt er hægt að senda póst á golfmos@golfmos.is og við leytumst við að svara eins fljótt og auðið er.

Gleðilega páska.

Páskaopnum hjá GM

Wed, 13 Apr 2022 09:16:00 GMT

Ágætu GM félagar.

Íþróttamiðstöðin Klettur verður opin yfir páskana eins og hér segir:

Fimmtudagur ( skírdagur) 09:00 - 22:00

Föstudagurinn langi - Lokað

Laugardagur 09:00 - 22:00

Páskadagur - Lokað

Mánudagur ( annar í páskum) 09:00 - 22:00

Við stefnum á það að opna útiæfingasvæðið okkar á allra næstu dögum, svæðið hefur þornað mikið undanfarna daga sem gerir það að verkum við við getum keyrt á því til þess að týna upp bolta. Það spáir hins vegar talsverðri rigningu næstu tvo daga þannig að við munum fylgjast vel með aðstæðum og látum vita um leið og við getum opnað svæðið.

Breytingar á Hlíðavelli - nýtt teigasett

Fri, 01 Apr 2022 14:50:00 GMT

Líkt og kynnt var á aðalfundi GM í lok síðasta árs, þá hefur stjórn GM ákveðið að bætt verði við nýju teigasetti á Hlíðvelli, Þetta nýja teigasett verður að hluta til á núverandi teigum og að hluta til verða nýjir teigar byggðir upp.

Lengd þessa "nýja" vallar verður rétt um 4000 metrar og parið verður 76. Hér að neðan má sjá áætlaða lengd og par.

Stjórn GM vill með þessu móti bjóða okkar meðlimum upp á fjölbreyttari möguleika við sinn golfleik og mun þetta stuðla að því að allir kylfingar geti spilað Hlíðavöll af teigum sem þeim hentar og að upplifunin af golfleiknum verði mun jákvæðari og skemmtilegri. Fleiri pútt fyrir fuglum og pörum :)

Er það okkar von að við náum að klára þessa uppbyggingu fyrri hluta komandi sumars. Þessir teigar verða að sjálfsögðu með vallarmati fyrir bæði karla og konur.

Á myndinni hér að neðan má sjá ca hvar þessir teigar verða staðsettir. ( Þetta er ekki endanlegt en nokkuð nærri lagi).

Púttmótaraðir kvenna og karla

Fri, 01 Apr 2022 10:03:00 GMT

Áttunda umferð í púttmótaröð kvenna og karla voru leiknar í vikunni. Mikið líf og fjör í húsinu.

Stöðuna eftir átta umferðir í báðum flokkum má sjá hér fyrir neðan.

gm konur einstaklingskeppni 30 mars.png

gm konur staðan 30 mars.png

gm karla staðan 31 mars einstaklingskeppni.png

gm karla staðan 31 mars lið.png

Golfmót næstkomandi laugardag

Thu, 31 Mar 2022 13:19:00 GMT

Næstkomandi laugardag verður fyrsta laugardagsmótið á Hlíðavelli.

Spilaðar verða 10 holur á vetrarvellinum okkar og er leikfyrirkomulagið punktakeppni. Ræst verður út af öllum teigum kl. 9:00. Mæting ekki síðar en 8:30 í Klett ( neðri hæð).

Smellið hér til þess að skrá ykkur í mótið. Veðurspáin er góð og því um að gera að skella sér í fyrsta golfmót ársins.

GM merktur fatnaður - Mátunarvika

Mon, 14 Mar 2022 09:57:00 GMT

Dagana 21. - 24. mars verður boðið upp á mátunarviku á GM merktum fatnaði fyrir sumarið 2022. Í meðfylgjandi auglýsingu má sjá upplýsingar um þær flíkur sem eru í boði ásamt verðum. Fatnaðurinn verður á tilboðsverði þessa daga og því um að gera að nýta sér það og græja sig fyrir sumarið.

Hægt er að koma og máta milli klukkan 8:30 - 16:00 dagana 21. - 24. mars. Einnig verður hægt að máta milli klukkan 20:00 og 21:00 á púttkvöldum karla og kvenna, miðvikudaginn 23. mars og fimmtudaginn 24. mars.

Vonumst til þess að sjá sem flesta í GM merktum fatnaði í sumar!

Upplýsingar um vörur og verð

Púttmótaröð karla í kvöld

Thu, 17 Feb 2022 10:07:00 GMT

Púttmótaröð karla í kvöld í Kletti á milli klukkan 20:00 - 22:00. Frábær mæting síðasta fimmtudag.

Minnum á að ekki má fara á útiskóm inná púttgrínið og best að hafa með sér inniæfingaskó eða inniskó.

Púttmótaröð kvenna í kvöld

Wed, 16 Feb 2022 08:29:00 GMT

Í kvöld fer fram mót nr 2 í púttmótaröð kvenna. Mætingin í fyrsta kvöldið var góð og enn er nóg pláss fyrir fleiri konur til þess að mæta og taka þátt. Hvetjum við ykkur því til þess að mæta og taka þátt í þessari skemmtilegu mótaröð og styðja þannig við kvennastarfið í klúbbnum okkar.

Hér má sjá stöðuna eftir fyrsta mót

Púttmótaröð karla

Mon, 14 Feb 2022 10:45:00 GMT

Púttmótaröð karla hófst síðastliðin fimmtudag og voru fjölmargir sem komu og púttuðu.

Hér meðfylgjandi er staðan eftir fyrstu umferð. Hlökkum til að sjá fleiri í púttinu í vikunni.

staða einstaklingar 10 feb.png

staða lið 10 feb.png

Púttmótaröð karla

Mon, 14 Feb 2022 10:45:00 GMT

Önnur umferð í púttmótaröð karla var í gær og var frábær mæting.

Staðan eftir tvær umferðir má sjá hér fyrir neðan.

gm karla staðan 17 feb einstaklingar.png

gm karla staðan 17 feb lið.png

Hlökkum til að sjá konur og karla í næstu viku.

Púttmótaröð karla

Mon, 14 Feb 2022 10:45:00 GMT

Þriðja umferð í púttmótaröð karla var leikin í gærkveldi. Góð mæting og almenn stemming.

Staðan eftir þrjár umferðir má sjá hér fyrir neðan.

gm karla staðan 24 feb einstaklingar.png

gm karla staðan 24 feb lið.png

Minnum á að ekki má fara inná púttsvæðið á útiskóm. Hafið endilega meðferðis inniæfingaskó eða inniskó.

Púttmótaröð karla

Mon, 14 Feb 2022 10:45:00 GMT

Fjórða umferð í púttmótaröð karla fór fram í gær.

Staðan eftir 4 umferðir má sjá hér fyrir neðan.

gm karla staðan 3 mars einstaklingar.png

gm karla staðan 3 mars lið.png

Púttmótaröð karla

Mon, 14 Feb 2022 10:45:00 GMT

Þá eru fimm umferðir búnar í púttmótaröð karla og mótið hálfnað.

Staðan eftir fimm umferðir má sjá hér fyrir neðan.

gm karla staðan 10 mars einstaklingskeppni.png

gm karla staðan 10 mars lið.png

Púttmótaröð karla

Mon, 14 Feb 2022 10:45:00 GMT

Sjötta umferð í púttmótaröð karla var leikin í gær.

Stöðuna eftir sex umferðir má sjá hér fyrir neðan.

gm karla staðan 17 mars einstaklingskeppni.png

gm karlar staðan 17 mars.png

Púttmótaröð karla

Mon, 14 Feb 2022 10:45:00 GMT

Sjöunda umferð í púttmótaröð karla var leikin í gærkvöld. Nú er farið að síga á seinni hluta mótsins og því aðeins þrjár umferðir eftir.

Stöðuna eftir sjö umferðir má sjá hér fyrir neðan.

gm karla staðan 24 mars einstaklingar.png

gm karla staðan 24 mars lið.png

Púttmótaröð karla

Mon, 14 Feb 2022 10:45:00 GMT

Níundu og næst síðustu umferð í púttmótröð karla lauk í gær.

Glæsileg tilþrif sáust.

Hér fyrir neðan er staðan eftir níu umferðir.

gm karla staðan 7 apríl einstaklingskeppni.png

gm karla staðan 7 apríl lið.png

Síðasta umferð í næstu viku.

Gleðilega páska.

Púttmótaröð kvenna

Thu, 10 Feb 2022 12:56:00 GMT

Púttmótaröð kvenna hófst í gær í Klett og tókst mjög vel.

Smellið hlekkinn hér að neðan til að sjá stöðuna eftir fyrstu umferð.

púttmótaröðu kvenna 2022 - gm staðan 9 feb 22 (1).xlsx

Minnum á púttkvöld karla í kvöld fimmtudag klukkan 20:00

Púttmótaröð kvenna

Thu, 10 Feb 2022 12:56:00 GMT

Önnur umferð í púttmótaröð kvenna var í gær og gaman að sjá fleiri konur komnar til að æfa púttin með smá keppni.

Staðan eftir tvær umferðir má sjá hér fyrir neðan.

gm konur einstaklingskeppni 16 feb.png

gm konur staðan 16 feb.png

Minnum á að ekki má fara inná púttsvæðið á útiskóm. Hafið endilega meðferðis inniæfingaskó eða inniskó.

Strákar þið munið svo eftir ykkar púttkvöldi í kvöld frá klukkan 20:00 - 22:00

Púttmótaröð kvenna

Thu, 10 Feb 2022 12:56:00 GMT

Þriðja umferð í púttmótaröð kvenna var leikin í gær og alltaf jafn mikil stemming hjá konunum.

Staðan eftir þrjár umferðir má sjá hér fyrir neðan.

gm konur einstaklingskeppni 23 feb.png

gm konur staðan 23 feb.png

Minnum á að ekki má fara inná púttsvæðið á útiskóm. Hafið endilega meðferðis inniæfingaskó eða inniskó.

Púttmótaröð kvenna

Thu, 10 Feb 2022 12:56:00 GMT

Fjórða umferð í púttmótaröð kvenna kláraðist í gærkveldi.

Staðan eftir fjórar umferðir má sjá hér fyrir neðan.

gm konur einstaklingskeppni 2 mars .png

gm konur staðan 2 mars.png

Púttmótaröð kvenna

Thu, 10 Feb 2022 12:56:00 GMT

Þá eru fimm umferðir búnar í púttmótaröð kvenna og mótið því hálfnað.

Staðan eftir fimm umferðir má sjá hér fyrir neðan.

gm konur einstaklingskeppni 9 mars.png

gm konur staðan 9 mars.png

Púttmótaröð kvenna

Thu, 10 Feb 2022 12:56:00 GMT

Sjötta umferð í púttmótaröð kvenna var leikin í gær. Frábær þátttaka.

Stöðuna eftir sex umferðir má sjá hér fyrir neðan.

gm konur einstaklingskeppni 16 mars.png

gm konur staðan 16 mars.png

Púttmótaröð kvenna

Thu, 10 Feb 2022 12:56:00 GMT

Sjöunda umferð í púttmótaröð kvenna var leikin í gær. Mögnuð tilþrif sáust hjá nokkrum kylfingum.

Nú er komin mynd á keppnina, hörku barátta og aðeins þrjár umferðir eftir.

Stöðuna eftir sjö umferðir má sjá hér fyrir neðan.

gm konur staðan 23 mars einstaklingar.png

gm konur staðan 23 mars lið.png

Púttmótaröð kvenna

Thu, 10 Feb 2022 12:56:00 GMT

Níunda og næst síðasta umferð í púttmótaröð kvenna er lokið.

Staðan eftir 9 umferðir má sjá hér fyrir neðan.

gm konur einstaklingskeppni 6 apríl.png

gm konur staðan 6 apríl lið.png

Minnum á síðustu umferðina næsta miðvikudagskvöld milli 20 og 22. Gott að pútta og fara svo í gott páskafrí.

Gleðilega páska.

Púttmótaröð karla og kvenna að hefjast!

Wed, 02 Feb 2022 09:04:00 GMT

Ágætu GM félagar.

Nú er búið að létta á sóttvarnarreglum og við ætlum því að fara af stað með púttmótaraðir karla og kvenna. Fyrstu kvöldin verða í næstu viku. Nánar tiltekið miðvikudaginn 9. febrúar ( púttmótaröð kvenna) og fimmtudaginn 10. febrúar (púttmótaröð karla).

Mótaraðirnar standa yfir í 10 vikur. Lokakvöldin verða því í annari viku apríl mánaðar. Púttkvöld kvenna verður á miðvikudögum og púttkvöld karla verður á fimmtudögum. Húsið opnar kl. 20:00 og hægt verður að pútta til kl. 22:00. Púttað verður í inniaðstöðunni okkar í Íþróttamiðstöðinni Kletti.

Keppt verður bæði í einstaklingskeppni sem og í liðakeppni. Best væri að einn aðili sjái um að skrá liðið sitt til leiks til þess að einfalda skráningu ????

Hvert lið er skipað þremur til fjórum leikmönnum. Þau ykkar sem ekki setjið saman lið verður raðað í lið af starfsfólki GM.

Sex bestu umferðirnar af tíu telja.
Leiknir eru 2 hringir á hverju kvöldi, eða 36 holur.

Einstaklingskeppnin:
Keppt verður um púttmeistara klúbbsins í karla og kvennaflokki. Spilaðar 2 x 18 holur hvert kvöld.

Liðakeppnin:
Þrír eða fjórir leikmenn skipa hvert lið og spila allir 2x18 holur. Liðið skilar svo inn einu skori sem samanstendur af bestu fjórum 18 holu hringjunum hvert kvöld.

Mótsgjaldið er kr. 5000 , sem verður rukkað í gegnum sportabler þar sem greiðsluseðill verður sendur í heimabanka viðkomandi.

Glæsileg verðlaun í boði :)

Ný æfingapúttflöt á Hlíðavelli

Mon, 24 Jan 2022 10:42:00 GMT

Nú í morgun mættu Elli og félagar í Steingarði til okkar og hófu framkvæmdir við nýja púttflöt sem verður staðsett rétt fyrir fram Klett. Púttflötin verður rétt um 650 fermetrar af stærð og á vonandi eftir að nýtast okkar félögum vel við æfingar á komandi árum. Stefnum við að því að opna inn á þessa flöt í júlí í sumar.

Þessi nýja púttflöt mun gjörbreyta okkar æfingaaðstöðu þar sem aðstaða til púttæfinga utandyra er af skornum skammti. Þegar hún verður tekin í notkun munu báðar flatirnar sem eru staðsettar við æfingasvæði verða notaðar sem vippflatir.

Hlín Hlöðversdóttir nýr starfsmaður Golfklúbbs Mosfellsbæjar

Tue, 18 Jan 2022 13:29:00 GMT

Hlín Hlöðversdóttir hefur verið ráðin á skrifstofu GM. Hlín hefur hafið störf í hlutastarfi en kemur svo inn í fullt starf í mars. Með tilkomu Hlínar mun þjónusta við félagsmenn eflast til muna.

Hlín hefur verið meðlimur í GM í fjöldamörg ár og þekkir því vel til starfsins okkar. Hún mun sjá um bókhald klúbbsins ásamt því að vera til staðar fyrir okkar félaga á skrifstofu klúbbsins.

Bjóðum við Hlín velkomna til starfa og hlökkum til samstarfsins.

Opnunartími skrifstofu og inniaðstöðu

Tue, 21 Dec 2021 08:57:00 GMT

Ágætu GM félagar.

Skrifstofa klúbbsins verður lokuð frá 23. desember til og með 2. janúar. Ef ykkur vantar aðstoð þá bendum við ykkur á að senda tölvupóst á golfmos@golfmos.is og við aðstoðum ykkur eins fljótt og auðið er.

Inniaðstaðan okkar í Kletti verður opin sem hér segir:

23.desember – opið frá kl. 9 - 18
24.desember - opið frá 9 - 13
25.desember – LOKAÐ
26.desember – LOKAÐ
27.desember - opið frá kl. 9 - 22
28.desember - opið frá kl. 9 -22
29.desember - opið frá kl. 9 -22
30.desember - opið frá kl. 9 -22
31.desember – opið frá kl. 9 - 13
01.janúar – LOKAÐ

Við óskum öllum okkar félögum sem og öðrum kylfingum gleðilegra jóla!

Innheimta félagsgjalda fyrir 2022

Tue, 14 Dec 2021 13:23:00 GMT

Kæru félagsmenn, innheimta félagsgjalda fyrir árið 2022 er hafin.

Greiðsluseðlar fyrir kylfinga 19 ára og eldri eru komnir inn í Sportabler. Greiðsluseðlar fyrir 18 ára og yngri koma svo þar inn á morgun miðvikudaginn 15. des.

Hér að neðan má finna upplýsingar og leiðbeiningar um skráningu og greiðslufyrirkomulag:

Greiðsla félagsgjalda fer fram í gegnum kerfið Sportabler. Mælst er til þess að félagsmenn skrái sjálfir sínar greiðslur fyrir árið í gegnum kerfið.

Hér má finna gjaldskrá fyrir árið, sem samþykkt var á aðalfundi þann 9. desember síðastliðinn

Leiðbeiningar um skráningu og greiðslu félagsgjalda:

Þeir félagsmenn sem ekki eru búnir að skrá sig og ganga frá greiðslu 15. janúar fá kröfu í heimabanka þar sem árgjaldinu verður skipt niður í 4. greiðsluseðla.

Þeir sem ekki hafa greitt eða skráð greiðslu fyrir 28. feberúar ( þarf ekki að hafa klárað að greiða allt) eru taldir ekki ætla vera í klúbbnum og verða því afskráðir úr GM.

Þeir félagsmenn sem hafa ákveðið að vera ekki meðlimir áfram í GM, eru vinsamlegast beðin um að láta vita með því að senda tölvupóst á golfmos@golfmos.is

Vakni einhverjar spurningar er velkomið að hafa samband við skrifstofu klúbbsins alla virka daga frá kl. 08:00-16:00, sími á skrifstofu er 5666999 eða 8577009. Einnig er hægt að senda tölvupóst á golfmos@golfmos.is

Einnig er ávallt hægt að fá aðstoð í gegnum heimasíðu Sportabler þegar þið eruð þar inni. Neðst niðri hægra megin er hnappur til þess að ýta á sem gefur ykkur beint samband við Sportabler.

Skýrsla stjórnar og ársreikningur fyrir árið 2021

Wed, 08 Dec 2021 18:16:00 GMT

Ágætu GM félagar.

Við minnum á aðalfundinn okkar sem fram fer á morgun, fimmtudaginn 9. desember í Kletti. Hefst hann stundvíslega kl. 20:00.

Þau ykkar sem hafið áhuga á því að sitja fundinn, hvort heldur sem það er á staðnum eða í gegnum fjarfundarbúnað eruð vinsamlegst beðin um að láta vita á golfmos@golfmos.is. Allir okkar félagsmenn ættu að hafa fengið sendan tölvupóst í gær með öllum upplýsíngum varðandi fundinn.

Athugið að ársreikningur GM sem og skýrsla stjórnar verður eingöngu á rafrænu formi og er að finna hér fyrir neðan.

skýrsla stjórnar 2021 (1).pdf

ársreikningur 2021 undirritaður.pdf

Vinsamlegst athugið að vegna lagabreytinga frá því á aðalfundi síðasta árs, er núverandi rekstrarár 13 mánuðir og því er samanburður milli ára ekki að fullu samanburðarhæfur.

Alþjóðlegt unglingamót á Hlíðavelli næsta sumar

Mon, 06 Dec 2021 09:02:00 GMT

Golfklúbbur Mosfellsbæjar mun á næsta ári halda glæsilegt þriggja daga unglingamót í lok júní næsta sumars. Mótið sem heitir Icelandic Junior Midnight Challenge er hluti af Global Junior Golf mótaröðinni. Þetta er sterk alþjóðleg mótaröð og hafa fjölmargir íslenskir kylfingar tekið þátt í mótum á mótaröðinni undanfarin ár. Mótið er fyrir krakka/unglinga 21 árs og yngri sem uppfylla þau forgjafaskilyrði sem sett eru.

Við vonumst til þess að festa þetta mót í sessi hjá okkur og að hingað komi fjölmargir efnilegir kylfingar annars staðar að og etja kappi við okkar bestu íslensku kylfinga.

Smellið hér til að nálgast upplýsingar um Global Junior Golf mótaröðina sem og okkar mót!

Hlökkum við mikið til að taka þátt í þessari mótaröð og verður hún nánar auglýst í byrjun næsta ár.

Hlíðavöllur lokar

Wed, 24 Nov 2021 11:25:00 GMT

Ágætu GM félagar.

Nú höfum við lokað Hlíðavelli þetta árið, völlurinn hefur verið opinn í tæpa 7 mánuði sem verður að teljast nokkuð gott!

Vetrarvöllurinn opnar svo formlega næstkomandi föstudag.

Minnum á inniaðstöðuna okkar sem er opin öllum okkar félögum. Bókun í golfherma fer fram á heimasíðunni okkar, www. golfmos.is.

Takk fyrir gott sumar :)

Hlíðavöllur lokar

Wed, 24 Nov 2021 11:25:00 GMT

Ágætu GM félagar.

Hlíðavöllur lokar á morgun laugardaginn 3. desember. Það er mikið frost í kortunum og því hefur verið tekin sú ákvörðun að loka vellinum. Ef aðstæður breytast og það hlýnar þá munum við að sjálfsögðu skoða það vel að opna aftur.

Annars þökkum við kærlega fyrir langt og gott golfsumar :)

Framboð til stjórnar Golfklúbbs Mosfellsbæjar

Wed, 03 Nov 2021 08:21:00 GMT

Þeir félagsmenn sem vilja gefa kost á sér í stjórn félagsins skulu samkvæmt samþykktum senda upplýsingar þar um til kjörnefndar á netfangið g olfmos@golfmos.is fyrir 15. nóvember og taka fram hvort framboðið sé til formanns, stjórnar eða varastjórnar.

Ef framboð til stjórnarsetu eru fleiri en þau sæti sem kjósa á um skal kjörnefnd hafa umsjón með kosningu milli frambjóðenda á aðalfundi og sjá til þess að framboð séu kynnt félagsmönnum fyrir aðalfund. Skal kjörnefnd gæta þess að jafnræði ríki við kynningu á frambjóðendum. Kjörnefnd getur án tillits til framboðsfrests hlutast til um að afla framboða frá félagsmönnum.

Smellið hér til þess að sjá lög GM.

Framboð til stjórnar Golfklúbbs Mosfellsbæjar

Wed, 03 Nov 2021 08:21:00 GMT

Ágætu GM félagar.

Auglýst er eftir framboðum til stjórnar klúbbsins fyrir aðalfund sem áætlað er að halda mánudaginn 4. desember næstkomandi..

Á aðalfundi 2023 verður kosið til eftirfarandi embætta. .
– formanns til eins árs
– þriggja stjórnarmanna til tveggja ára
– fjögurra varamanna til eins árs.

Allir sitjandi stjórnarmenn gefa kost á sér til áframhaldandi stjórnarsetu.

Framboðsfrestur er til og með 15. nóvember næstkomandi.

Þeir sem hafa áhuga á að gefa kost á sér í stjórnarkjör skulu tilkynna framboð sitt til skrifstofu GM á netfangið golfmos@golfmos.is

Golfvöllurinn í Bakkakot lokar

Tue, 02 Nov 2021 14:34:00 GMT

Nú er farið að kólna verulega hjá okkur og frost í kortunum. Við höfum því tekið þá ákvörðun að loka Bakkakotinu frá og með morgundeginum 3. nóv.

Hlíðavöllur verður áfram opinn og vonandi náum við fleiri golfdögum þar :)

ÆFINGASVÆÐI HLÍÐAVALLAR LOKAÐ FYRIR VETURINN

Mon, 01 Nov 2021 14:18:00 GMT

Æfingasvæðinu á Hlíðavelli hefur nú verið lokað fyrir veturinn. Æfingasvæðið opnar á nýjan leik vorið 2022.

Haustið mætt á svæðið og undirbúningur fyrir veturinn hafinn!

Tue, 05 Oct 2021 10:06:00 GMT

Nú er haustið heldur betur farið að minna á sig og haustverkin hjá okkur hafin.

Við vonum svo sannarlega að veðrið verði þannig að við getum haft okkar velli opna sem lengst inn í veturinn.

Umferð golfbíla er leyfð eins og er en ef það rignir mikið þá munum við loka tímabundið fyrir golfbíla og verður það tilkynnt hér á heimasíðunni okkar.

Við höfum lokað veitingasölunni í Bakkakoti. Við munum þó taka stöðuna á veðrinu og ef það koma góðir dagar þá munum við hafa opið.

Golfbúðin á Hlíðavelli er núna opin frá kl. 8 - 16 á virkum dögum. Við erum ennþá með útsölu og 30% afslátt af öllum vörum.

Vetrardagskráin okkar fer svo af stað í byrjun nóvember og verður hún kynnt nánar þegar nær dregur. Á döfunni í vetur verða m.a. púttkvöld karla og kvenna. Vetrargolfið verður áfram á sýnum stað á laugardögum.

Við ætlum svo að fara af stað með skemmtilega mótaröð í Trackman golfhermunum okkar sem verður spiluð í vetur :)

Einnig ætlum við að vera með mánaðarlega viðburði fyrir okkar félagsmenn, eins og t.d. pubquiz, bingó og fleira skemmtilegt :)

Árshátíðin okkar verður haldin laugardaginn 27. nóvember. Þar verða veitt verðlaun fyrir mótaraðir sumarsins, kylfinga ársins og ýmislegt annað. Hvetjum við okkar félagsmenn til að taka daginn frá og skemmta sér með okkur og öðrum hressum GM félögum.

Í morgun var fyrsta næturfrostið og því styttist í að við þurfum að loka klósettinum á 8. teig, tökum inn boltaþvottavélar og ýmislegt annað sem fylgir vetrarkomunni.

Vonum við svo sannarlega að þið hafið notið þess að spila golf á okkar glæsilegu völlum í sumar :)

Viðhaldsvinna á flötum Hlíðavallar

Mon, 04 Oct 2021 08:36:00 GMT

Í dag hefst viðhaldsvinna á flötum Hlíðavallar. Flatirnar verða gataðar og sandaðar. Þetta mun hafa áhrif á spil á meðan að vinna fer fram. Tekið verður út af þeim flötum sem verið er að vinna á hverju sinni. Þessi aðgerð er nauðsynlegt fyrir heilbrigði flatanna og tryggir að flatirnar fari í góðu standi inn í veturinn.

Þegar þessari vinnu er lokið á Hlíðavelli mun sama vinna fara fram í Bakkakoti.

Útsala í golfbúð GM - 30% afsláttur af öllum vörum

Fri, 24 Sep 2021 12:49:00 GMT

Nú er farið að styttast í annan endan á þessum golfsumri. Við ætlum því að vera með lokaútsölu áður en að okkar golfbúð lokar. Við ætlum því að vera með 30% afslátt af öllum vörum og því um að gera að kíkja við og gera góð kaup :)

TITLEIST UNGLINGAEINVÍGIÐ - ÚRSLIT

Mon, 20 Sep 2021 13:42:00 GMT

Titleist Unglingaeinvígið fór fram á Hlíðavelli síðastliðinn föstudag í 17. sinn en mótið er haldið á vegum Golfklúbbs Mosfellsbæjar.

Titleist Unglingaeinvígið er boðsmót þar sem leikmenn vinna sér inn þátttökurétt með góðum árangri á Unglingamótaröð GSÍ auk þess sem klúbbmeisturum GM er boðin þátttaka.

Þrír keppendur komast áfram úr hverjum flokki í lokaeinvígið eftir spennandi forkeppni.

Eftirfarandi kylfingar hófu keppni í úrslitum:

- Björn Viktor Viktorsson
- Aron Ingi Hákonarson
- Böðvar Bragi Pálsson
- Bjarni Þór Lúðvíksson
- Skúli Gunnar Ágústsson
- Hjalti Kristján Hjaltason
- Markús Marelsson
- Arnar Daði Svavarsson
- Perla Sól Sigurbrandsdóttir
- Sara Kristinsdóttir

Úrslitin voru leikin með "shootout" fyrirkomulagi þar sem 10 leikmenn hófu leik og datt einn leikmaður út á hverri holu þar til að einn kylfingur stóð eftir. Keppni var afar jöfn og spennandi og úrslit urðu eftirfarandi:

1. sæti - Hjalti Kristján Hjaltason
2. sæti - Aron Ingi Hákonarson
3. sæti - Markús Marelsson
4. sæti - Sara Kristinsdóttir
5. sæti - Arnar Daði Svavarsson
6. sæti - Skúli Gunnar Ágústsson
7. sæti - Bjarni Þór Lúðvíksson
8. sæti - Perla Sól Sigurbrandsdóttir
9. sæti - Björn Viktor Viktorsson
10. sæti - Böðvar Bragi Pálsson

Við hjá GM þökkum Titleist kærlega fyrir stuðninginn og óskum verðlaunahöfum til hamingju með árangurinn.

Titleist Unglingaeinvígið - Úrslit

Mon, 20 Sep 2021 13:42:00 GMT

Titleist Unglingaeinvígið fór fram á Hlíðavelli í dag, 16. september, við frábærar aðstæður. Allir bestu unglingar landsins mættu til leiks og háðu harða baráttu um titilinn. Eftir forkeppni komust eftirtaldir kylfingar í úrslitaeinvígið sem fór fram núna síðdegis.

Í úrslitunum var leikið stórkostlegt golf og að lokum var það Veigar Heiðarsson sem bar sigur úr býtum i á lokaholu einvígisins en sigurvegarinn hlaut nýjasta driverinn frá Titleist í verðlaun, Titleist TSr

Hérna fyrir neðan má sjá heildarúrslit mótsins

1. sæti – Veigar Heiðarsson
2. sæti – Fjóla Margrét Viðarsdóttir
3. sæti – Heiðar Snær Bjarnason
4. sæti – Róbert Leó Arnórsson
5. sæti – Gunnar Þór Heimisson
6. sæti – Hjalti Kristján Hjaltason
7. sæti – Arnar Daði Svavarsson
8. sæti – Pamela Ósk Hjaltadóttir
9. sæti – Markús Marelsson
10. sæti – María Eir Guðjónsdóttir

Sigurvegarar Unglingaeinvígisins frá upphafi

Golfbílar bannaðir tímabundið

Mon, 20 Sep 2021 08:14:00 GMT

Ágætu kylfingar.

Við þurfum því miður að banna notkuna golfbíla á okkar völlum. Það hefur rignt mikið undanfarna daga og vellirnir mjög blautir. Við þurfum því að banna notkun golfbíla þar til að vellirnir okkar ná að þorna.

Breyttur opnunartími hjá GM

Mon, 13 Sep 2021 12:59:00 GMT

Frá og með deginum í dag, mánudaginn 13. september breytist opnunartíminn í afgreiðslunni/golfbúðinni hjá okkur á Hlíðavelli. Afgreiðslan verður opin frá kl. 8:00 til 18:00.

Í Bakkakoti verður golfskálinn opinn frá 14:00. Sá opnunartími gæti þó hnikast eitthvað til eftir veðri og vindum

Breyttur opnunartími hjá GM

Mon, 13 Sep 2021 12:59:00 GMT

Nú er farið að styttast aðeins í annan endann á þessu fína golfsumri, daginn farið að stytta og við ætlum því að breyta okkar opnunartíma frá og með deginum í dag, 21. ágúst.

Afgreiðslan okkar á Hlíðavelli er opin frá kl. 08:00 til 19:00.

Æfingasvæðið á Hlíðavelli er opið frá kl. 07:00 - 21:30. (síðustu boltar seldir kl. 21:00).

Veitingasalan í Bakkakoti er opin á virkum dögum frá kl. 15:00 - 21:00 og frá kl. 09:00 til 21:00 um helgar.

VITAgolf mótaröðin - hægt að spila um helgar líka í september

Fri, 10 Sep 2021 13:13:00 GMT

Í ljósi þess að erfiðara er að ná 18 holum eftir vinnu sökum myrkurs ætlum við líkt og í fyrra að leyfa ykkur kylfingar góðir að spila í VITAgolf mótaröðinni um helgar líka. Er þetta gert svo að sem flestir sjái sér fært að vera með og vonandi bæta nokkrum hringjum í safnið.

Úrslit í Stellu deildinni og Titleist holukeppninni

Wed, 08 Sep 2021 13:58:00 GMT

Nú nýverið kláruðust hjá okkur Stellu deildin og Titleist holukeppnin.,

Í Titleist holukeppninni voru það þau Andrea Jónsdóttir og Stuart Mitchinson sem stóðu uppi sem sigurvegarar og óskum við þeim kærlega til hamingju.

Í Stellu deildinni voru það Hinir Vammlausu sem sigruðu eftir hörkuleik í úrslitum. Sigurliðið skipa þau Jón Víkingsson, Sveinbjörn Sigurðsson, Alexander Almar Finnbogason, Björn Rúnar Sigurðsson, Finnur Leifsson, Hrefna Hlín Karlsdóttir og Erna Valdís Sigurðardóttir. Óskum við þeim til hamingju með sigurinn.

Öll úrslit leikja í Stellu deildinni má nálgast með því að smella hér

Þökkum við keppendum kærlega fyrir þátttökuna. Verðlaunaafhending fer fram á Árshátíð GM sem fram fer í lok nóvember.

Bændaglíma GM 2021

Mon, 06 Sep 2021 11:16:00 GMT

Skemmtilegasta golfmót ársins, Bændaglima GM, fer fram laugardaginn 18. september á Hlíðavelli. Ræst verður út á öllum teigum klukkan 13:00 en mæting er í Klett klukkan 12:00. Aðeins 100 kylfingar komast í mótið og ljóst að völlurinn verður þétt setinn af glöðum GM kylfingum eins og undanfarin ár.

Skráning í mótið hefst á GolfBox miðvikudaginn 8. september klukkan 12:00.

Eins og undanfarin ár verður keppendum skipt upp í tvö lið, rauða og bláa liðið. Bændur fyrir Bændaglímu GM 2021 verða kynntir í fljótlega!

Eftir að móti lýkur verður grillveisla og verðlaunaafhending í Kletti.

Skráning í mótið fer fram í golfboxinu.

BÆNDAGLÍMA GM 2021

Mon, 06 Sep 2021 11:16:00 GMT

Liðsskipan fyrir Bændaglímu GM árið 2021 liggur nú fyrir. Bændur verða nýir vertar á Blik Bistro, þeir Einar Gústavsson fyrir rauða liðið og Ólafur Björn Guðmundsson fyrir bláa liðið. Þeir munu keyra um völlinn og styðja við bakið á sínu liði.

Liðsskipan og upphafsteiga má sjá á eftirfarandi tengli: https://docs.google.com/spreadsheets/d/1NJzZhybL7e...

Við hvetjum alla keppendur til þess að mæta klædd í réttum lit frá toppi til táar!

Góða skemmtun!

Nýjir rekstraraðilar veitinga hjá Golfklúbbi Mosfellsbæjar

Fri, 03 Sep 2021 14:21:00 GMT

Fyrr í dag var undirritaður samningur við nýja rekstraraðila veitinga hjá Golfklúbbi Mosfellsbæjar.

Það eru þeir Ólafur Björn Guðmundsson og Einar Gústavsson sem taka við rekstrinum og munu hefja störf næstkomandi mánudag 6. september.

Ólafur og Einar hafa mikla og góða reynsla úr veitingageiranum og voru þeir valdir úr góðum hópi umsækjenda.

Ólafur er 44 ára gamall Mosfellingur, giftur þriggja barna faðir og hefur verið meðlimur í GM undanfarin ár. Einar er 46 ára gamall, þriggja barna faðir og er búsettur í Hafnarfirði en hefur líkt og Ólafur verið meðlimur í GM undanfarin ár.

Um leið og við bjóðum þá félaga velkomna til starfa viljum við þakka þeim feðgum Karli Ómari og Jóni Óskari kærlega fyrir gott samstarf síðastliðin tvö ár og óskum við þeim góðs gengist í því sem þeir taka sér fyrir hendur.

Kylfingar mega eiga von á ýmsum skemmtilegum nýjungum ásamt einhverjum áherslubreytingum hjá þeim félögum sem munu líta dagsins ljós á næstu misserum.

Vonum við svo sannarlega að þið kylfingar góðir takið vel á móti þeim Ólafi og Einari og hlökkum við til komandi samstarfs.

Breyting á bókunarreglum á Hlíðavelli - frá og með 6. sept

Wed, 01 Sep 2021 14:15:00 GMT

Nú er haustið farið að láta sjá sig en vellirnir okkar eru ennþá í toppstandi og vonandi verður hægt að spila golf á sumarflötum talsvert lengur :)

Hægt verður að bóka rástíma á bæði fyrri níu og seinni níu holurnar á Hlíðavelli.

Við prófuðum þetta fyrirkomulag í fyrra við mikla ánægju hjá okkar félagsmönnum og því gerum við þetta að sjálfsögðu aftur.

Dagarnir/rástímaskráning verða því settir svona upp:

Hlíðavöllur haustrástímaskráning - Hlíðavöllur 18 holur 08:00 - 13:50. Þeir kylfingar sem bóka sig á þessum tíma þurfa ekki að bóka sérstaklega seinni 9 holurnar vilji þeir halda áfram.

Hlíðavöllur fyrri 9. 14:00 -20:00. Þeir kylfingar sem bóka sig á þessum tíma og vilja spila 18 holur þurfa þá að bóka sig á rástíma á 10. teig (Hlíðavöllur seinni 9. 16:10 - 20:00) til þess að spila seinni 9.

Hlíðavöllur seinni 9. 16:10 -20:00.

Er það okkar von að þetta verði til þess að enn fleiri GM félagar geti notið þess að spila golf á Hlíðavelli nú á haustmánuðum.

Rástímabókanir í Bakkakoti haldast óbreyttar.

Vinsamlegast athugað að á morgun fimmtudag, 2. sept kl. 20:00 opnast rástímabókanir fyrir næsta mánudag og þá þurfið þið að fara inn á þessa nýju rástímaskráningu.

MARÍA EIR ÍSLANDSMEISTARI UNGLINGA

Mon, 23 Aug 2021 11:33:00 GMT

Íslandsmót unglinga fór fram á Hlíðavelli um liðna helgi. Við hjá GM áttum fjölda keppenda sem stóðu sig allir með stakri prýði og voru sér og GM til mikils sóma.

Í flokki 17-18 ára stúlkna voru GM stúlkurnar, María Eir og Katrín Sól í efstu tveimur sætunum. María sigraði flokkinn og er því Íslandsmeistari í flokki 17-18 ára stúlkna. María Eir varð einnig stigameistari í flokknum og Katrín Sól í 2. sæti.

Í flokki 15-16 ára stúlkna var Berglind Erla Baldursdóttir í 2. sæti eftir jafna og stöðuga spilamensku. Berglind Erla hafnaði einnig í 2. sæti á stigalista í flokki 15-16 ára og Sara Kristinsdóttir í 3. sæti.

Í flokki stúlkna 14 ára og yngri var Eva Kristinsdóttir í 2. sæti eftir harða baráttu um sigurinn. Eva hafnaði einni í 2. sæti á stigalista GSÍ í flokki 14 ára og yngri.

Í flokki drengja 15-16 ára var Oliver Thor Hreiðarsson í 2. sæti eftir góða spilamennsku.

Glæsilegur árangur hjá okkar krökkum og óskum við þeim innilega til hamingju!

KATRÍN SÓL ÍSLANDSMEISTARI Í HOLUKEPPNI

Mon, 16 Aug 2021 15:40:00 GMT

Íslandsmót unglinga í holukeppni fór fram um helgina á Grafarholtsvelli hjá Golfklúbbi Reykjavíkur. Við hjá GM áttum fjölda keppenda í mótinu sem allir stóðu sig með stakri prýði.

Í flokki 17-18 ára stúlkna léku GM stúlkurnar María Eir og Katrín Sól til úrslita. Katrín hafði betur og er því Íslandsmeistari í holukeppni í flokki 17-18 ára.

Í flokki 15-16 ára stúlkna lék Sara Kristinsdóttir til úrslita gegn Perlu Sól. Eftir afar jafnan og spennandi úrslitaleik sigraði Perla 1/0. Í sama flokki sigraði Berglind Erla Baldursdóttir leikinn sinn um 3. sæti.

Í flokki 14 ára og yngri lék Eva Kristinsdóttir til úrslita gegn Fjólu Margréti frá GS. Fjóla sigraði að lokum og hafnaði Eva í 2. sæti.

Í flokki 17-18 ára drengja hafnaði Aron Ingi Hákonarson í 4. sæti eftir spennandi leik um 3. sætið sem kláraðist á 20. holu, 2. holu í bráðabana.

Óskum okkar fólki innilega til hamingju með glæsilegan árangur

Golfklúbbur Mosfellsbæjar leitar að nýjum rekstraraðila veitinga á völlum klúbbsins

Thu, 12 Aug 2021 13:25:00 GMT

GM auglýsir eftir nýjum veitingaaðila á golfvelli klúbbsins, Hlíðavöll og Bakkakot.

Karl Ómar Jónsson og Jón Óskar Karlsson sem hafa verið með veitingareksturinn undanfarin tvö ár hafa óskað eftir því að stíga til hliðar og færum við þeim bestu þakkir fyrir gott og farsælt samstarf þessi tvö ár.

Rekstur veitinga er því laus til umsóknar.

Golfklúbbur Mosfellsbæjar er með tvo golfvelli, annars vegar Hlíðavöll og hins vegar Bakkakot. Á Hlíðavelli er glæsileg Íþróttamiðstöð ásamt veitingastaðnum Blik Bistro sem er vinsæll og vel sóttur af kylfingum sem og öðrum gestum. Í Bakkakoti er klúbbhús sem opið er yfir sumartímann. Þar er fínt eldhús þar sem boðið er upp á veitingar. Gerð er sú krafa að sami rekstraraðili sé á báðum okkar golfvöllum.

Óskað er eftir eftirfarandi upplýsingum frá umsóknaraðilum:

Golfklúbbur Mosfellsbæjar þjónar breiðum hópi kylfinga. Lögð er áhersla á fjölbreyttan matseðil og heilsusamlega kosti. Þá er mikilvægt að breiðum aldurshópi sé sinnt vel og að komið verði til móts við okkar félaga sem og aðra gesti með háu og góðu þjónustustigi.

Allar nánari upplýsingar veitir Ágúst Jensson, framkvæmdastjóri GM í síma 8577009 eða í gegnum tölvupóstfangið agust@golfmos.is

Umsóknarfrestur er til og með 31. ágúst næstkomandi og skal umsóknum skilað á agust@golfmos.is

Golfklúbbur Mosfellsbæjar.

Hjóna og parakeppni Golfklúbbs Mosfellsbæjar

Thu, 12 Aug 2021 09:21:00 GMT

Hjóna- og parakeppni Golfklúbbs Mosfellsbæjar verður á Hlíðavelli laugardaginn 28. ágúst. Ræst verður út á öllum teigum kl. 15:00 Keppnisfyrirkomulag mótsins er Greensome þar sem tvö leika saman í liði. Til að mynda liðsforgjöf fær liðið 40% af leikforgjöf hærri leikmans og 60% af lægri leikforgjöf. Hámarksforgjöf karla er 30 og hjá konum 36. Veitt eru verðlaun fyrir 3 efstu sætin og nándarverðlaun eru veitt á öllum par 3 holum vallarins.

Ræst er út samtímis af öllum teigum kl. 15:00, mæting kl. 14:00.

Skráning í mótið hefst fimmtudaginn 12. ágúst kl. 12:00

Skráning fer fram í síma 5666999. Vinsamlegast athugið að ekki er hægt að skrá sig í gegnum golfboxið.

Hægt er að sjá stöðu á rástímaskráningu í þessu skjali: https://docs.google.com/spreadsheets/d/19zZg_qegDz...

Mótsgjald er kr. 5.500 á mann. Innifalið í verði er mótsgjald og matur að leik loknum.

Vinsamlegast athugið að mótið er innanfélagsmót en makar úr öðrum golfklúbbum eru að sjálfsögðu velkomnir :)

SVEITIR ELDRI KYLFINGA GM

Tue, 10 Aug 2021 14:14:00 GMT

Búið er að velja lið GM fyrir Íslandsmót golfklúbba í flokki 50 ára og eldri. Karlasveit GM leikur í 2. deild sem fer fram í Vestmannaeyjum en kvennasveit GM sem leikur í 1. deild sem fram fer í Sandgerði.

Lið GM eru skipuð eftirfarandi kylfingum.

Karlasveit GM

Ásbjörn Þ. Björgvinsson - Liðsstjóri
Eyþór Ágúst Kristjánsson
Halldór Friðgeir Ólafsson
Halldór Magni Þórðarson
Haraldur V. Haraldsson
Ingvar Haraldur Ágústsson
Jónas Heiðar Baldursson
Kári Tryggvason
Victor Viktorsson - Þjálfari

Kvennasveit GM

Auður Ósk Þórisdóttir
Arna Kristín Hilmarsdóttir
Agnes Ingadóttir
Dagný Þórólfsdóttir
Edda Herbertsdóttir
Guðný Helgadóttir
Írunn Ketilsdóttir
Rut Marsibil Héðinsdóttir
Grétar Eiríksson - Liðstjóri og þjálfari

Hefnd Vallarstjórans frestað

Mon, 26 Jul 2021 11:07:00 GMT

Í ljósi þeirrar stöðu sem upp er komin hjá okkur og þessi mikli fjöldi smita sem er að greinast daglega höfum við tekið þá ákvörðun að fresta Hefnd vallarstjórans sem átti að fara fram núna á föstudaginn. Við teljum ekki rétt að halda svona golfmót eins og staðan er núna.

Við vonum svo sannarlega að við náum tökum á þessari útbreiðslu sem allra fyrst og þá munum við finna góða dagsetningu fyrir þetta stórskemmtilega mót!

Íslandsmót golfklúbba - Úrslit

Mon, 26 Jul 2021 07:57:00 GMT

Íslandsmót golfklúbba 2021 í efstu deild kvenna – og karla fór fram dagana 22.-24. júlí. Lokadagurinn fór fram síðastliðinn laugardag þar sem að leikið var til úrslita á Korpúlfsstaðavelli en hér á Hlíðavelli var leikið um sæti 5.-8.

GR fagnaði tvöföldum sigri en bæði kvenna – og karlalið Golfklúbbs Reykjavíkur sigruðu í úrslitaleikjunum. Þetta er í 22. sinn sem kvennalið GR fagnar þessum titli og í 24. sinn sem karlarliðið sigrar.

Í kvennaflokki hafði GR 3 1/2 – 1 1/2 sigur gegn GM. Í leiknum um þriðja sætið hafði GA betur GKG.

GR fagnaði einnig sigri í karlaflokki eftir 3-2 sigur gegn GKG. Í leiknum um þriðja sætið hafði GOS betiur gegn GV. Eins og áður segir er þetta 24 titill GR í karlaflokki en það eru 9 ár frá því að GR fagnaði þessum titli síðast.

Golfklúbburinn Keilir úr Hafnarfirði féll úr 1. deild karla og Golfklúbburinn Oddur féll úr 1. deild kvenna.

Leikið var á tveimur keppnisvöllum líkt og gert hefur verið undanfarin tvö ár. Keppnisvellirnir voru Hlíðavöllur og Korpúlfsstaðavöllur (Sjórinn/Áinn).

Sjá úrslitin hér fyrir neðan.

Myndasafn frá Íslandsmóti golfklúbba 2021 er hér:

Lokastaðan í 1. deild. kvenna:

1. Golfklúbbur Reykjavíkur, GR
2. Golfklúbbur Mosfellsbæjar, GM
3. Golfklúbbur Akureyrar, GA
4. Golfklúbbur Kópavogs og Garðabæjar; GKG
5. Golfklúbburinn Keilir, GK
6. Golfklúbbur Skagfafjarðar, GSS
7. Golfklúbbur Vestmannaeyja, GV
8. Golfklúbburinn Oddur, GO
*GO fellur í 2. deild.

Lokastaðan í 1. deild. karla:
1. Golfklúbbur Reykjavíkur, GR
2. Golfklúbbur Kópavogs og Garðabæjar, GKG
3. Golfklúbbur Selfoss, GOS
4. Golfklúbbur Vestmannaeyja, GV
5. Golfklúbbur Akureyrar, GA
6. Golfklúbbur Mosfellsbæjar, GM
7. Golfklúbbur Suðurnesja, GS
8. Golfklúbburinn Keilir, GK
*Keilir fellur í 2. deild.

Frétt fengin af golf.is

Íslandsmót golfklúbba fer fram á Hlíðavelli dagana 22 - 24 júlí

Tue, 20 Jul 2021 11:35:00 GMT

Á fimmtudaginn hefst Íslandsmót golfklúbba í efstu deildum karla og kvenna þar sem leikið er á Hlíðavelli og Korpunni.

Munu flestir af bestu kylfingum landsins mæta til leiks og hvetjum við okkar félagsmenn til að kíkja við og styðja við bakið á okkar liðum.

Eftirtaldir kylfingar skipa sveitir GM:

Kvennasveit GM

Liðsstjóri: G. Kristinn Stefánsson
Þjálfari: Davíð Gunnlaugsson
Líkamleg þjálfun: Grétar Eiríksson

Karlasveit GM

Liðsstjóri: E yjólfur Kolbeins
Þjálfari: Davíð Gunnlaugsson
Líkamleg þjálfun: Grétar Eiríksson

Svo minnum við okkar félagsmenn á að þið fáið 50% afslátt af vallargjöldum á öllum golfvöllum innan GSÍ á þeim dögum sem mótið fer fram.

Meistaramót GM - Úrslit

Mon, 05 Jul 2021 08:54:00 GMT

Meistaramót GM fór fram í síðustu viku og gekk mótið virkilega vel. Það voru rétt um 280 GM félagar sem mættu til leiks og hafa aldrei áður verið jafnmargir keppendur í meistaramótinu okkar. Veðrið lék við okkur alla vikuna og gekk mótahaldið í alla staði vel fyrir sig. Það var hörkuspenna í mörgum flokkum og mikið um góð skor og falleg golfhögg.

Það var hún Nína Björk Geirsdóttir sem varð klúbbmeistari kvenna og er þetta í 17. skipti sem Nína vinnur þann titil. Í karlaflokki var það Björn Óskar Guðjónsson sem vann sinn fyrsta klúbbmeistaratitil. Tryggði hann sér sigur með frábærri spilamennsku síðustu þrjá daga mótsins. Björn Óskar var í miklu stuði á lokadegi og setti þá glæsilegt vallarmet þegar hann kom inn á 65 höggum.

Óskum við þeim Birni og Nínu kærlega til hamingju með titlana sem og öllum öðrum verðlaunahöfum!

Við þökkum öllum keppendum kærlega fyrir samveruna og að gera þetta meistaramót að þeim frábæra viðburði sem það er ár eftir ár. Stemmningin hjá okkur hér í GM er alveg frábær og það var virkilega gaman að sjá alla gleðina sem skein af andlitum okkar félagsmanna alla vikuna :)

Hér má sjá alla verðlaunahafa í meistaramóti GM 2021:

Næst holu á 18. braut alla keppnisdaga.

Sunnudagur – Berglind Erla 3 metrar

Mánudagur – Bára Einarsdóttir 6,04 metrar

Þriðjudagur – Ásþór Sigur86 cm

Miðvikudagur - Aron Skúli – 2,11 metrar

Fimmtudagur – Sævar Ómarsson29 cm

Föstudagur – Rannveig Rúnarsdóttir 52 cm

Laugardagur – Gunnlaugur K H 2,43 metrar

Konur 65+

Karlar 70+

Konur 50+ höggleikur

Konur 50+ með forgjöf

Karlar 50+ höggleikur

Karlar 50+ með forgjöf

4 flokkur kvenna

5 flokkur karla

3 flokkur kvenna

4 flokkur karla

2 flokkur kvenna

3 flokkur karla

2. flokkur karla

- 1 sæti Ingvar Haraldur Ágústsson

- 2 sæti Sigurður Snædal Júlíusson

- 3. Sæti Jón Þorsteinn Hjartarson

1 flokkur kvenna

1 flokkur karla

Meistaraflokkur kvenna

Meistaraflokkur karla.

Meistaramót GM - úrslit

Mon, 05 Jul 2021 08:54:00 GMT

Meistaramóti GM fór fram í síðustu viku og kláraðist í rjómablíðu síðastliðinn laugardag.

Það voru þau Auður Bergrún Snorradóttir og Sverrir Haraldsson sem sigruðu sína flokka og eru því nýkrýndir klúbbmeistarar Golfklúbbs Mosfellsbæjar. Óskum við þeim kærlega til hamingju :)

Það var hörku spenna á lokadegi og þurftu þeir Sverrir og Björn Óskar að fara í þriggja holu umspil sem endaði þannig að Sverrir sigraði með einu höggi. Í kvennaflokki voru miklar sviptingar á lokadegi en þegar að Auður Bergrún náði forystunni á seinni níu holum vallarins lét húna hana aldrei af hendi þrátt fyrir að þær María Eir og Kristín Sól hafi verið að nálgast hana. Auður tryggði sér svo endanlega titilinn með glæsilegum fugli á 18. braut.

Hér að neðan má svo sjá úrslit úr þeim flokkum sem kláruðu á laugardaginn.

2. flokkur kvenna

2. flokkur karla

1 flokkur kvenna

1 .flokkur karla

Mfl kvenna

Mfl karla

Óskum við verðlaunahöfum kærlega til hamingju með árangurinn.

Einnig þökkum við þeim fjölmörgu sem mættu í lokahófið og gerðu það að þeirri stórkostlegu skemmtun sem úr varð.

Lokadagur meistaramóts GM - staðan í öllum flokkum

Sat, 03 Jul 2021 08:28:00 GMT

Í dag fer fram lokadagurinn í meistaramótinu okkar þetta árið. Þetta hefur gengið alveg ljómandi vel fyrir sig þessa viku þar sem veðrið hefur leikið við okkur.

Með því að smella hér getið þið séð stöðuna í þeim flokkum sem eiga eftir að ljúka leik.

Lokahófið fer svo fram í kvöld og er uppselt í það, eða rétt um 220 manns sem munu mæta og vonandi eiga gott kvöld.

Húsið opnar formlega kl. 18:00 en það er að sjálfsögðu allir velkomnir fyrir þann tíma til þess að njóta veðurblíðunnar og sjá gott golf. Maturinn hefst svo kl. 19:30.

Heimilt að leika golf án covid reglna

Tue, 22 Jun 2021 10:12:00 GMT

Heimilt að leika golf án Covid reglna.

Heilbrigðisráðuneytið hefur veitt samþykki sitt fyrir því að heimilt sé að leika golf án þeirra reglna sem gilt hafa undanfarið vegna Covid-19. Samþykkið felur í sér að nú er að nýju heimilt að:

Viðbragðshópur GSÍ vegna Covid-19 bendir kylfingum á nauðsyn þess að fylgja áfram bæði almennum- og persónubundnum sóttvörnum og virða gildandi fjöldatakmörk.

Sverrir Haraldsson Íslandsmeistari í holukeppni

Mon, 21 Jun 2021 08:09:00 GMT

Nú um helgina fór Íslandsmótið í holukeppni á glæsilegum golfvelli golfklúbbs Þorlákshafnar. Það voru tólf kylfingar frá GM sem hófu leik í mótinu og spiluðu þau hörkuleiki í riðlakeppninni. Það fór svo þannig að við áttum þrjá kylfinga í átta manna úrslitinum. Það voru ásamt honum Sverri, þau Arna Rún Kristjánsdóttir og Kristján Þór Einarsson.

Í átta liða úrslitum mætti Sverrir GRingnum Jóhannesi Guðmundssyni og vann þann leik 3&1. Í undanúrslitum mætti hann svo Andra Þór Björnssyni úr GR og úr varð hörkuleikur þar sem báðir spiluðu stórkostlegt golf. Þar tryggði Sverrir sér sigur á 16 braut. Þá hafði hann fengið 11 pör og 5 fugla.

Í úrslitum mætti Sverrir svo honum Lárusi Inga Antonsyni úr Golfklúbbi Akureyrar, úr varð hörkuleikur í krefjandi aðstæðum þar sem það var kominn talsverður vindur. Þetta var mjög jafn leikur þar sem þeir skiptust á að hafa forystu framan af. Eftir 14 holur var allt jafnt og þá náði Sverrir sér í glæsilegan fugl á 15. holu og vann hana ásamt því að vinna svo 16. holuna líka. Sverrir tryggði sér svo Íslandsmeistaratitilinn með flottu pari á 17. holu.

Svo sannarlega glæsilegur árangur hjá honum og óskum við Sverri kærlega til hamingju með titilinn.

Við erum líka svo sannarlega stolt af öllum okkar kylfingum sem tóku þátt í þessu móti. Þau stóðu sig virkilega vel og voru eins og ávallt sínum klúbb til sóma.

Neyðaráætlun og hjartastuðsvæðing á Hlíðavelli

Wed, 16 Jun 2021 10:49:00 GMT

Einstaklingar sem fara í hjartastopp á golfvöllum eiga minni lífslíkur en aðrir sökum þess að útkallstími er of langur. Til að ná fólki úr hjartastoppi þurfa nokkrir þættir að ganga upp. Einn af þáttunum er að gefa hjartarafstuð innan ákveðins tímaramma og þeim tíma er erfitt að ná eins og málum er háttað í dag. Lífslíkur sjúklings í hjartastoppi minnka um 7-10% við hverja mínútu sem líður ef ekkert er að gert.

Ekki er hægt að endurlífga sjúkling sem farið hefur í hjartastopp einungis með hjartahnoði og blæstri. Vissulega hjálpar endurlífgun við að koma í veg fyrir súrefnisskaða en til að ná fólki úr hjartastoppi verður að gefa rafstuð. Með styttri útkallstíma, kunnáttu og góðu skipulagi er hægt að auka lífslíkur umtalsvert.

GM hefur í samstarfi við Neyðarlínu og Slökkvilið höfuðborgarsvæðisins tekið í notkun áætlun sem virkjuð er ef alvarleg tilfelli verða á svæði Golfklúbbs Mosfellsbæjar á Hlíðavelli og er það von okkar að hægt verði að bjarga mannslífum í framtíðinni ef þannig aðstæður koma upp.

Hefur starfsfólk golfklúbbsins fengið kennslu og þjálfun til að bregðast við neyðartilfellum. Gunnar Björgvinsson félagi í GM hefur séð um þetta ferli frá upphafi ásamt því að sjá um að kenna öllum starfsmönnum GM fyrstu hjálp. Færum við honum bestu þakkir fyrir.

Hjartastuðtæki og annar fyrstuhjálparbúnaður verður staðsettur í Eftirlitsbíl sem mannaður verður á opnunartíma golfvallarins. Einnig eru aðrir starfsmenn virkjaðir og hafa meðal annars það hlutverk að taka á móti sjúkrabíl og koma áhöfn og búnaði á vettvang.
Sem betur fer höfum við sloppið við stóráföll hingað til en það er ekki spurning hvort, heldur hvenær við þurfum á neyðarþjónustu að halda. Þegar það gerist mun markmið okkar vera að við gerum allt sem í okkar valdi stendur til að tryggja að einstaklingurinn komi aftur út í samfélagið og geti spilað íþróttina áfram.

Opna Golfkúlur.is - úrslit

Mon, 14 Jun 2021 10:58:00 GMT

Í gær sunnudaginn 13. júní fór fram Opna Golfkúlur.is sem er nýliða og háforgjafarmót. Spilað var í Bakkakoti og mættu fjölmargir kylfingar til leiks.

Úrslit mótsins urðu eftirfarandi:

Karlaflokkur

1. sæti - Brynjar Ingólfsson - 24 punktar

2. sæti - Guðjón Hilmarsson - 21 punktur

3. sæti - Úlfar Biering Valsson - 20 punktar

Kvennaflokkur

1. sæti - Katrín Gísladóttir - 23 punktar ( betri síðustu 6 holurnar)

2. sæti - Anna Margrét Th Karlsdóttir - 23 punktar

3. sæti - Andrea Líf Líndal - 22 punktar.

Næst holu í 2. höggum á 1. braut - Íris Rut Agnarsdóttir. 8,18 m.

Næst holu á 6. braut - Sigurhans Karlsson. 193 cm

Næs holu á 9. braut - Karl Elí Þorgeirsson 255 cm

Verðlaun má nálgast hjá Sérmerkt, Smiðjuvegi 11 (gul gata) milli kl. 9-17 virka daga.

Við þökkum öllum þeim sem mættu kærlega fyrir komuna og við munum klárlega halda fleiri svona golfmót :)

Einnig þökkum við Golfkulur.is kærlega fyrir stuðninginn.

Meistaramótið í betri bolta - úrslit

Mon, 14 Jun 2021 07:41:00 GMT

Undankeppni fyrir meistaramótið í betri bolta fór fram hjá okkur á Hlíðvelli síðastliðinn laugardag, það voru 30 lið sem mættu til leiks og þökkum við þeim kærlega fyrir komuna.

Úrslitin urðu eftirfarandi:

1. sæti. Einar Georgsson og Íris Dögg Ingadóttir - 41 punktur ( best á seinni 9)

2. sæti. Bjarni Ingimarsson og Gunnar Már Gíslason - 41 punktur

3. sæti. Guðni Birkir Ólafsson og Kristján Þór Einarsson - 41 punktur

4. sæti. Davíð Ingimarsson og Karl Elí Karlsson - 40 punktar ( betri á seinni 9)

5. sæti. Sigurður Bjarmi Halldórsson og Guðni Emil Guðnason - 40 punktar.

Ofangreind lið hafa öll unnið sér inn þátttökurétt á lokamótinu sem fram fer á Kiðjabergi þann 29. ágúst næstkomandi.

Efstu þrjú sætin gefa einnig glæsilega vinninga sem hægt er að nálgast í afgreiðslu Golfklúbbs Mosfellsbæjar á Hlíðavelli.

Skráning hafin í meistaramót GM 2021

Mon, 07 Jun 2021 16:28:00 GMT

Búið er að opna fyrir skráningu í meistaramót GM sem fram fer dagana 27. júní til 3. júlí.

Skráning fer fram í gegnum golfboxið.

Sú breyting verður í sumar að meistaramótið okkar verður spilað á 7 dögum og munu þeir flokkar sem spila þrjá hringi spila dagana 27- 29 júní og þeir sem spila fjóra daga munu spila 30. júní til og með 3. júlí.

Flokkaskiptinguna ásamt nánari upplýsingum má sjá hér

Það hefur verið talsverð aukning í þátttöku undanfarin ár og verður það þannig vonandi áfram og viljum við með þessu koma til móts við okkar félagsmenn svo að sem flestir geti verið með.

Meistaramót GM er hápunktur sumarsins og vonum við að sem flestir GM félagar sjái sér fært að vera með!

Við höfum bætt við flokki kvenna 65 ára og eldri ásamt því að lagfæra forgjafar viðmiðin í öðrum flokkum.

Krakkar 12 ára og yngri spila sitt meistaramót í Bakkakoti og þar munum við hafa umgjörðina sem glæsilegasta og gera þeirra upplifun af því að spila í meistaramóti ennþá skemmtilegri.

Golfklúbbur Mosfellsbæjar og Samkaup undirrita samstarfssamning

Fri, 04 Jun 2021 18:40:00 GMT

Í gær var undirritaður samstarfssamningur milli GM og Samkaupa. Með þessum samning verður Samkaup aðal styrktaraðili barna og unglingastarfsins okkar og færum við þeim bestu þakkir fyrir veittan stuðning. Samningur var undirritaðir í gær þegar að Samkaup opnuðu nýja og glæsilega Nettó búð í Sunnukrika hér í Mosfellsbæ.

Þökkum við Samkaupum kærlega fyrir veittan stuðning sem mun hjálpa okkur við að styrkja og efla okkar flotta starf enn frekar.

Mikil fjölgun meðlima í GM

Wed, 02 Jun 2021 07:23:00 GMT

Það hefur væntanlega ekki farið framhjá mörgum sú mikla sprenging sem hefur orðið í golfiðkun undanfarið og höfum við í GM ekki farið varhluta af því. Staðan er þannig hjá okkur núna að við getum ekki tekið við fleiri meðlimum í fulla aðild. Þeir kylfingar sem sækja um hjá okkur núna í í fulla aðild fara því á biðlista.

Við getum ennþá bætt við okkur meðlimum í hálfa aðild ( einungis leikheimild í Bakkakoti) svo er að sjálfsögðu ávallt opið fyrir skráningar hjá 18 ára og yngri.

Í dag er meðlimafjöldi GM 1912 kylfingar, af þeim eru 1400 meðlimir í fullri aðild 19 ára og eldri. Stjórn GM tók þá ákvörðun að stoppa í þeirri tölu til þess að tryggja áfram gott aðgengi að rástímum á okkar völlum.

Við fögnum þessari miklu fjölgun sem orðið hefur í okkar golfklúbb og bjóðum alla þessa nýju meðlimi velkomna til okkar í GM og vonum svo sannarlega að allir eigi eftir að njóta þess að spila hjá okkur golf :)

VITAgolf miðvikudagsmótaröðin fer af stað

Tue, 01 Jun 2021 14:26:00 GMT

VITAgolf mótaröðin 2021 fer af stað þann 9. júní.

Allir félagar í GM hafa þátttökurétt og er fyrirkomulagið þannig að hægt er að spila í mótaröðinni alla miðvikudaga í sumar til loka septembers, ( að einum miðvikudegi undanskildum, 30. júní ). Leikið er á Hlíðavelli. Kylfingar tilkynna sig til leiks í golfbúðinni hjá okkur og greiða þáttökugjald sem er aðeins 1.000 krónur per hring. Það eru svo sex bestu hringir sumarsins sem telja hjá viðkomandi kylfing. Það þarf því að spila að lágmarki 6 miðvikudaga til þess að vera gjaldgeng/ur í mótið.

Keppt er í tveimur flokkum í punktakeppni, flokki karla og flokki kvenna og er hámarksforgjöf gefin 36 í báðum flokkum.

Verðlaunin í VITAgolf mótaröðinni eru stórglæsilegt, þeir kylfingar sem spila best í hvorum flokki fyrir sig fá sæti í vorferð GM sem farin verður næsta vor.

Öldungastarf Golfklúbbs Mosfellsbæjar

Wed, 26 May 2021 15:46:00 GMT

Nú nýverið var tekin sú ákvörðun innan stjórnar GM að setja meiri kraft í öldungastarf klúbbsins og þá sérstaklega í sveitakeppni eldri kylfinga og æfingar fyrir þá kylfinga sem uppfylla þau skilyrði sem sett eru fram vegna öldungasveitanna.

Með því að smella hér þá getið þið séð þau viðmið sem eru til staðar varðandi val á öldungasveitum GM.

Samhliða þessu hefur verið stofnuð öldunganefnd GM og hana skipa eftirfarandi aðilar:

Írunn Ketilsdóttir, Ásbjörn Björgvinsson, Halldór Ólafsson og Rut Marsibil Héðinsdóttir.

Munum við fljótlega kynna þetta starf betur og efna til kynningafundar fyrir áhugasama.

Pallaopen - Úrslit

Sat, 22 May 2021 20:16:00 GMT

Í dag fór fram Pallaopen, styrktarmót fyrir Hlaðgerðarkot og sumarbúðirnar í Reykjadal. Þökkum við öllum þeim sem mættu til okkar kærlega fyrir þáttökuna. Einnig viljum við þakka GM félaganum Palla Líndal fyrir sitt frumkvæði í þessu styrktarmóti og mikla og óeigingjarna vinnu fyrir þessu virkilega þörfu málefni. Það söfnuðust hjá okkur í dag rétt um 2 milljónir króna sem renna óskiptar til málefnana.

Við viljum einnig þakka þeim fjölmörgu fyrirtækjum sem styrktu okkur með frábærum vinningum og framlögum. Við viljum sérstaklega þakka Dineout sem var aðalstyrktaraðila þessa golfmóts fyrir þeirra flotta framlag og aðstoð við að gera þennan dag eins góðan og raun bar vitni.

Úrslit mótsins urðu eftirfarandi:

Birt með fyrirvara.

Einstaklingskeppni:

Höggleikur - besta skor. Úlfar Jónsson 73 högg

Punktakeppni

1. sæti - Árni Brynjólfsson 39 punktar

2. sæti - Hilmar Árnason 38 punktar

3. sæti - Rúnar S. Guðjónsson 35 punktar.

Tveggja manna scramble

1. sæti - Aron Atli Valtýsson og Valtýr Bergmann. 13 undir pari

2. sæti - Freyr Hólm Ketilsson og Gunnlaugur K. Guðmundsson. 10 undir pari

3. sæti - Kári Tryggvason og Rannveig Rúnarsdóttir. 8 undir pari ( betri á seinni 9)

Fjögurra manna scramble.

1. sæti - Davíð Gunnlaugsson, Pétur Pétursson, Guðjón Reyr Þorsteinsson og Tryggvi Pétursson. 18 undir pari

2. sæti - Daniel Atli Matthíasson, Benedikt Stefánsson, Hjálmar Tumi Þorkelsson og Hafliði Jökull Jóhannesson. 15 undir pari ( betri á seinn 9)

3. sæti - Steinar Karl Hlífarsson, Ásmundur H. Vermundsson, Ásbjörn Jónsson og Anton Rafn Ásmundsson. 15 undir pari.

Næstur holu:

3. braut - Einar Ólafur Pálsson. 83 cm

7. braut - Sigfús Helgason. 50 cm

15. braut - Elín Gróa Karlsdóttir. 4,04 metrar

18. braut - Guðjón Emilsson. 1,05 metrar

Næstur holu í Trackman keppni - Bjarki Jónatansson

Lengsta drive í Trackman keppni. - Aron Valtýsson

Verðlaunaafhending fer fram næstkomandi þriðjudag kl. 20:00 á Blik. Þar verður meðal annars dregið um tvö glæslileg reiðhjól ásamt fjölda annarra vinninga. Verðlaunaafhendingin verður í beinni á facebook síðu Mosfellings, bæjarblaðs okkar Mosfellinga. Hvetjum við alla verðlaunahafa til þess að kíkja til okkar og taka á móti sínum verðlaunum :)

Takk kærlega fyrir komuna í dag og að taka þátt í því að styrkja þessi frábæru og þörfu málefni og vonandi sjáum við sem flest ykkar á þriðjudaginn :)

Pallaopen - Úrslit

Sat, 22 May 2021 20:16:00 GMT

Síðastliðinn laugardag var Pallaopen leikið á Hlíðavelli. Mótið er styrktarmót fyrir sumarbúðirnar í Reykjadal. Dagurinn var í alla staði frábær og rétt rúmlega 200 kylfingar sem mættu til leiks.

Úrslit mótsins voru eftirfarandi:

Nándarverðlaun

Braut 3 – Þórður Einarsson 76 cm

Braut 7 – Þórhallur Viðarsson 80 cm

Braut 15 – Magnús Friðrik Helgason 15,8 cm

Braut 18 – Rúnar Pálsson 66 cm

Lengsta teighögg

Lengsta upphafshögg kvenna á 8. braut – Karlotta Einarsdóttir

Lengsta upphafshögg karla á 8. braut – Sverrir Haraldsson

2 manna Texas

1. sæti – Ingvar Ormarsson og Björgvin Reynisson 62 högg

2. sæti – Kristinn Már Karlsson og Dagný Þórólfsdóttir 63 högg

3. sæti Baldur Olsen og Magnús Friðrik Helgason 64 högg (Betri á seinni 9)

Besta nýting vallar: Guðrún Ragnhildur og Bára Scheving

4 manna texas

1. Ragnar Bjarni/Sverrir Haralds/Viktor Marel/Kristófer Örn – 52 högg

2. Grétar/Garðar/Sigurður Arnar/ Guðni Sveinn – 53 högg

3. Gunnar Viðar/Ásta/Ágústa/Jón – 54 högg

Besta nýting vallar: Matthildur/Hrafnhildur/Arnhildur/Ingibjörg

Við óskum vinningshöfum innilega til hamingju og þökkum öllum keppendum kærlega fyrir þátttökuna.

Það söfnuðust 2,5 milljónir króna sem fer óskipt til Reykjadals. Einnig viljum við þakka öllum þeim fyrirtækjum og einstaklingum sem styrktu þennan góða málstað með framlögum eða vinningum í golfmótið.

Sjáumst að ári liðnu :)

Pallaopen - Úrslit

Sat, 22 May 2021 20:16:00 GMT

Síðastliðinn laugardag fór Pallaopen fram á Hlíðavelli.

Þetta er þriðja árið sem við höldum þetta glæsilega styrktarmót og rennur allur ágóði mótsins beint til sumarbúðanna í Reykjadal. Í ár söfnuðust rétt rúmlega 3. milljónir króna og verður þeim varið í uppbyggingu á búningsklefum í sumarbúðunum. Einnig ætlum við okkur að styrkja langveik börn hér í Mosfellsbænum.

Keppt var í 2ja og 4ra manna texas scramble og hér má nálgast úrslitin - Pallaopen úrslit

Það voru þau Kári Tryggvason og Rannveig Rúnarsdóttir sem sigruðu í 2ja manna scramble

Í 4ra manna scramble voru það þau Hermann Geir Þórsson, Freydís Bjarnadóttir, Tomas Salmon og Bára Salmon Friðjónsdóttir.

Uppselt var í mótið, alls 244 keppendur og þökkum við öllum kærlega fyrir komuna og stuðninginn.

Einnig þökkum við Palla Líndal kærlega fyrir og hlökkum til að halda þetta mót um ókomin ár :)

Pallaopen styrktarmót - Stórglæsilegir vinningar

Tue, 18 May 2021 17:02:00 GMT

Pallaopen verður haldið á Hlíðavelli laugardaginn 22. maí. Mótið er til styrktar Hlaðgerðarkoti og sumarbúðuna í Reykjadal og rennur allur aðgangseyrir óskiptur til málefnanna.

Mótinu er skipt upp í þrjá flokka og ættu því allir að finna sér eitthvað við hæfi.

Keppt verður í eftirfarandi flokkum.

Punktakeppni - verðlaun veitt fyrir efstu þrjú sætin

Höggleikur án forgjafar - verðlaun fyrir efsta sæti

Tveggja manna scramble - verðlaun fyrir efstu þrjú sætin

4ramanna scramble - verðlaun fyrir efstu þrjú sætin.

Einnig verða nándarverðlaun á öllum par þrjú holum vallarins og gildir það þvert á alla flokka.

Hámarskforgjöf sem gefin er í mótinu er 28 hjá konum og 24 hjá körlum.

Í tveggja manna scramble er forgjöf liðs fengin með því að deila með fjórum í heildarforgjöf.

Í 4ra manna scramble er forgjöf liðs fengin með því að deila með 8 í heildarforgjöf liðs.

Verðlaunin í mótinu eru glæsileg. Það er Dineout sem er aðalstyrktaraðili þessa golfmóts og gefur glæsileg verðlaun fyrir efstu þrjú sætin í ofangreindum flokkum sem og fyrir efsta sætið í höggleiknum.

Verðlaunin eru eftirfarandi:

Einstaklingskeppni:

Punktakeppni:

1. sæti - 3ja rétta kvöldverður m/víni f 2 á Steikhúsið + gjafakassi frá Globus hf.

2. sæti - Heimsreisa fyrir 2 á Fiskfélagið + matreiðslubók fiskfélagsins + gjafa askja frá Kalla Ká

3. sæti - Óvissferð f. 2 hjá Public house + dúsin af boltum

Besta skor - höggleikur - 4ja rétta fyrir 2 á forréttabarinn + flyover Iceland fyrir 2.

2ja manna scramble:

1. sæti - 2x4ja rétta fyrir 2 á Matarkjallarann + 2x gjafa kassi frá Globus

2. sæti - 2x Brunch fyrir 2 á Kol + 2x gjafa askja frá Kalla Ká

3. sæti - 2x Hadegisverður f 2 á Matarkjallarann + 2x 4ja manna holl hjá Leyni

4ja manna scramble:

1. sæti - 1x 15 þús á Fiskmarkaðinn/Grillmarkaðinn pr. mann, 3 mán í Boot Camp/sporthúsið

2. sæti - 2x 15 þús á Sjávargrillið, 2x 3ja rétta á Nauthól f. 2 - 1ks grolsch pr. mann (4 ks) (=1 gjafabréf + 1 ks pr. mann)

3. sæti - 1 x bluetooth hátalari pr mann og 1x dúsin af boltum pr mann.

Svo viljum við líka hvetja fólk til að nota snertilausu afgreiðslulausnina frá Dineout (QR kóðana). hvort sem er úti á velli (9/18 holu) eða í skálanum.

Allir sem nota lausnina á laugardaginn á meðan mótið er í gangi fara í pott og dregið verður í lok móts um glæsilega vinninga, þar sem aðalvinningurinn er kvöldverður f. 2 á ÓX veitingastað að verðmæti 71.000,

Einnig verða veitt verðlaun fyrir næstur holu á öllum par þrjú holum vallarins og eru þau verðlaun eftirfarandi:

3. braut - 50 þúsund króna gjafabréf á Barion

7. braut - 50 þúsund króna gjafabréf í Minigarðinn

15. braut - 50 þúsund króna gjafabréf á Barion

18. braut - 50 þúsund króna gjafabréf í Minigarðinn.

Auk þess er fjöldinn allur af vinningum sem dreginn verður úr skorkortum, eða rétt um 100 vinningar.

Vinsamlegast athugið að sami aðili getur skráð allt liðið sitt í mótið óski hann þess. Viðkomandi aðili þarf þá að greiða allt gjaldið og þið gerið það svo upp ykkar á milli :)Skráning fer fram hér á golfboxinu. Golfbox bíður því miður ekki upp á það að skrá sig í rástíma í liðakeppnum sem þessum. Þegar að þið skráið ykkur til leiks í golfboxinu og gangið frá greiðslu mótsgjaldsins þá fáið þið upp þann möguleika að velja rástíma fyrri part dags eða seinni part dags. Einnig getið þið skrifað nákvæman tíma og við bókum ykkur þá í þann rástíma eða sem næst honum.

Með því að smella hér getið þið séð þá rástíma sem í boði eru!

ÍSAM mun vera með Demo dag þar sem þeir kynna það nýjasta frá Ping og Titleist og fer það fram á neðri hæðinni hjá okkur í Klett og úti á æfingasvæði.

Skráning fer fram hér

Ef ykkur vantar aðstoð við skráningu þá er hægt að hringja í 5666999.

Hlökkum til að sjá ykkur :)

Þátttökugjald fæst ekki endurgreitt.

Guðrún Brá og Hákon sigruðu á Ísam-mótinu á Hlíðavelli

Sun, 16 May 2021 14:46:00 GMT

Nú rétt í þessu lauk Ísam-mótinu á GSÍ mótaröðinni en mótið er fyrsta mót ársins á GSÍ mótaröðinni. Mikil spenna var í báðum flokkum en Hákon Örn Magnússon sigraði í karlaflokki og Guðrún Brá Björgvinsdóttir sigraði í kvennaflokki eftir bráðabana gegn Ragnhildi Kristinsdóttur.

Úrslit mótsins urðu eftirfarandi:

Karlaflokkur :

1. sæti - Hákon Örn Magnússon GR
2. -4. sæti - Kristófer Karl Karlsson GM
2. - 4. sæti - Kristófer Orri Þórðarson GKG
2.-4. sæti - Tómas Eiríksson Hjaltested GR

Kvennaflokkur

1. sæti - Guðrún Brá Björgvinsdóttir GK
2. sæti - Ragnhildur Kristinsdóttir GR
3. sæti - Hulda Clara Gestsdóttir GKG

Pallaopen - styrktarmót

Sat, 15 May 2021 10:52:00 GMT

Pallaopen - Styrktarmót fyrir Hlaðgerðarkot og sumarbúðirnar í Reykjadal!

Nýtt og stórskemmtilegt fyrirkomulag - þú getur valið um þrjár mismunandi leiðir til þess að keppa í þessu skemmtilega golfmóti :)

Pallaopen verður haldið á Hlíðavelli laugardaginn 22. maí. Mótið er til styrktar Hlaðgerðarkoti og sumarbúðuna í Reykjadal og rennur allur aðgangseyrir óskiptur til málefnanna.

Mótinu er skipt upp í þrjá flokka og ættu því allir að finna sér eitthvað við hæfi.

Keppt verður í eftirfarandi flokkum.

Punktakeppni - verðlaun veitt fyrir efstu þrjú sætin

Höggleikur án forgjafar - verðlaun fyrir efsta sæti

Tveggja manna scramble - verðlaun fyrir efstu þrjú sætin

4ramanna scramble - verðlaun fyrir efstu þrjú sætin.

Einnig verða nándarverðlaun á öllum par þrjú holum vallarins og gildir það þvert á alla flokka.

Hámarskforgjöf sem gefin er í mótinu er 28 hjá konum og 24 hjá körlum.

Í tveggja manna scramble er forgjöf liðs fengin með því að deila með fjórum í heildarforgjöf.

Í 4ra manna scramble er forgjöf liðs fengin með því að deila með 8 í heildarforgjöf liðs.

Glæsileg verðlaun í boði Dineout sem er helsti styrktaraðili þessa glæsilega golfmóts. Í verðlaun eru m.a. gjafabréf á glæsilegum veitingastöðum ásamt ýmsu fleira. Einnig verður talsverður fjöldi vinninga dreginn úr skorkortum að leik loknum.

Skráning fer fram hér á golfboxinu. Golfbox bíður því miður ekki upp á það að skrá sig í rástíma í liðakeppnum sem þessum. Þegar að þið skráið ykkur til leiks í golfboxinu og gangið frá greiðslu mótsgjaldsins þá fáið þið upp þann möguleika að velja rástíma fyrri part dags eða seinni part dags. Einnig getið þið skrifað nákvæman tíma og við bókum ykkur þá í þann rástíma eða sem næst honum.

Vinsamlegast athugið að sami aðili getur skráð allt liðið sitt í mótið óski hann þess. Viðkomandi aðili þarf þá að greiða allt gjaldið og þið gerið það svo upp ykkar á milli :)

Með því að smella hér getið þið séð þá rástíma sem í boði eru!

ÍSAM mun vera með Demo dag þar sem þeir kynna það nýjasta frá Ping og Titleist og fer það fram á neðri hæðinni hjá okkur í Klett og úti á æfingasvæði.

Skráning fer fram hér

Ef ykkur vantar aðstoð við skráningu þá er hægt að hringja í 5666999.

Hlökkum til að sjá ykkur :)

Þátttökugjald fæst ekki endurgreitt.

Hola í höggi

Wed, 12 May 2021 07:14:00 GMT

Núna um daginn gerði hann Hjörtur Ingþórsson sér lítið fyrir og fór holu í höggi hjá okkur á Hlíðavelli. Það eitt og sér er stórkostlegt afrek! Hann Hjörtur gerði sér hins vegar lítið fyrir og fór holu í höggi á 16 braut sem er par 4 hola !

Óskum við Hirti hjartanlega til hamingju með draumahöggið sitt :)

Hola í höggi

Wed, 12 May 2021 07:14:00 GMT

Sigurjón Björnsson GM félagi náði draumahögginu á Hlíðavelli um daginn þegar hann gerði sér lítið fyrir og fór holu í höggi á 18. holunni. Draumhöggið sló hann með 8. járni sem skilaði þessum líka góða árangri :)

Óskum við Sigurjóni kærlega til hamingju með draumahöggið!

Hola í höggi

Wed, 12 May 2021 07:14:00 GMT

Það er allt að gerast á völlunum okkar og margir að ná drauma högginu sínu.

Arnar Dagur Jónsson ungur kylfingur úr GM fékk holu í höggi á 4. braut Hlíðavallar þriðjudagskvöldið 11. júní.

Höggið sló hann með wedge, 124 m frá holu, létt skopp til vinstri og rúllaði ofaní.

Til hamingju með draumahöggið!

Hola í höggi

Wed, 12 May 2021 07:14:00 GMT

Þriðjudagskvöld eru greinilega góð fyrir holu í höggi.

Arnór Davíð Pétursson gerði sér lítið fyrir og fór holu í höggi á 6 holu í Bakkakoti síðastliðinn þriðjudag.

Arnór sló höggið með 7 járni, 135 m frá holu og lenti boltinn 2-3 metra frá holunni og rúllaði fallega ofaní.

Til hamingju með draumahöggið

Opna Ecco - Úrslit

Mon, 10 May 2021 08:55:00 GMT

Fyrsta opna golfmót þessa árs hjá okkur í GM fór fram á Hlíðavelli í gær, sunnudaginn 9. maí.

Það voru rúmlega 140 kylfingar sem skráðu sig til leiks og þökkum við þeim kærlega fyrir komuna.

Hér að neðan má sjá úrslitin í mótinu.

Punktakeppni:

1. sæti - Harpa Iðunn Sigmundsdóttir. 39. punktar

2. sæti - Eyþór Ágúst Kristjánsson. 38 punktar

3. sæti - Sigurður Ágústsson. 37 punktar.

Höggleikur:

1. sæti - Elvar Már Kristinsson. 72 högg

2. sæti - Tómas Eiríksson Hjaltested. 73 högg.

3. sæti - Hjalta Pálmason. 74 högg.

Nánarverðlaun.

3. braut - Guðmundur Loftsson. 2,3 metrar

7. braut - Birkir Þór Baldursson. 3,17 metrar

15. braut - Matthías Eyjólfsson. 3,53 metrar

18. braut - Jónas Yamak. 31 sentimeter.

Óskum við vinningshöfum kærlega til hamingju með árangurinn. Hægt er að nálgast vinningana í afgreiðslu Golfklúbbs Mosfellsbæjar á Hlíðavelli eftir kl. 14:00 í dag mánudag.

Við þökkum Ecco kærlega fyrir stuðninginn í þessu móti.

Opna Ecco - Úrslit

Mon, 10 May 2021 08:55:00 GMT

Opna Ecco golfmótið var leikið á Hlíðavelli í dag við fínar aðstæður. Það voru rétt tæplega 150 kylfingar sem mættu til leiks og það voru ansi margir kylfingar sem léku mjög gott golf í dag.

Guðjón Frans Halldórsson úr GKG átti besta skor dagsins þegar hann lék á 69 höggum eða tveimur undir pari. Í punktakeppninni var það Sigurvin Einarsson úr GM sem lék frábært golf sem skilaði honum 44 punktum.

Punktakeppni:

1. sæti - Sigurvin Einarsson GM. 44 punktar

2. sæti - Gústav Gústavsson GM. 43 punktar (betri á seinni 9)

3. sæti - Ólafur Evert Úlfsson GM. 43 punktar.

Höggleikur.

1. sæti - Guðjón Frans Halldórsson GKG. 69 högg.

2. sæti - Hjalti Pálmason GM. 71 högg.

3. sæti - Björn Breki Halldórsson GKG. 72 högg (Betri á seinni 9).

Næst holu á 3. braut - Kjartan Tómas Guðjónsson. 4,34 metrar

Næst holu á 7. braut - Héðinn Ingi Þorkelsson. 1,47 metrar

Næst holu á 15. braut - Stefán Jóhannsson. 91 cm.

Næstu holu á 18. braut - Steinn Árni Ásgeirsson. 1,85 metrar.

Opna Ecco - úrslit

Óskum við vinningshöfum kærlega til hamingju með árangurinn. Hægt er að nálgast vinningana í afgreiðslu GM á Hlíðavelli. Afgreiðslan er opin alla daga frá kl. 8 - 20:00.

Við þökkum Ecco kærlega fyrir stuðninginn sem og öllum þeim kylfingum sem tóku þátt og vonum svo sannarlega að þið hafið öll skemmt ykkur vel á vellinum :)

Fyrsta opna mót sumarsins

Mon, 03 May 2021 14:03:00 GMT

Næstkomandi sunnudag fer fram fyrsta opna mót sumarsins hjá Golfklúbbi Mosfellsbæjar og fer það fram á Hlíðavelli.

Búið er að opna fyrir skráningu á netinu og hlökkum við til að taka á móti ykkur á Hlíðavelli.

Smelltu hér til þess að skrá þig í mótið.

Glæsileg verðlaun í boði Ecco:

Punktakeppni

1. sæti - Ecco golfskór að verðmæti allt að 35.000 kr
2. sæti - Ecco golfskór að verðmæti allt að 30.000 kr
3. sæti - Ecco ferðapoki

Höggleikur

1. sæti - Ecco golfskór að verðmæti allt að 35.000 kr
2. sæti - Ecco golfskór að verðmæti allt að 30.000 kr
3. sæti - Ecco ferðapoki

Nándarverðlaun
3. braut - Gjafabréf í Ecco búðinni að upphæð 20.000 kr
7. braut - Gjafabréf í Ecco búðinni að upphæð 20.000 kr
15. braut - Gjafabréf í Ecco búðinni að upphæð 20.000 kr
18. braut - Gjafabréf í Ecco búðinni að upphæð 20.000 kr

Hlíðavöllur opnar - reglur um bókun á rástímum

Fri, 30 Apr 2021 08:30:00 GMT

Hlíðavöllur opnar formlega á morgun laugardaginn 1. maí og hefur nú þegar verið opnað fyrir skráningar í golfboxinu.

Fyrstu vikuna verður völlurinn eingöngu fyrir félagsmenn í GM og geta aðrir því ekki bókað sig á völlinn.

Bókunarreglur sumarsins verða þannig að GM félagar geta bókað sig allt að fjóra daga fram í tímann og haft á þessum fjórum dögum þrjár virkar bókanir. Gestir geta bókað sig tvo daga fram í tímann. Hér má sjá reglur félagsins um leik á okkar völlum.

Þær reglur sem eru í gildi eru eftirfarandi:

Aukið eftirlit verður hjá starfsfólki með bókun og mætingu í rástíma og munum við einnig aðstoða félagsmenn við staðfestingar í Golfbox þegar mætt er til leiks. Í Golfbox appinu geta félagsmenn skráð sig í rástíma og mót, afskráð rástíma, skráð forgjafarhringi, búið til golfvini, skráð tölfræðina þína og margt fleira.

Við hvetjum félagsmenn til að kynna sér spurt og svarað um GolfBox https://www.golf.is/golfbox/

Heiðarleiki – jákvæðni – agi
Golfsamband Íslands bendir kylfingum á að því fylgir ábyrgð að taka frá og skrá sig á rástíma. Kylfingar þurfa að standa við skuldbindingar sínar gagnvart sínum golfklúbbi, meðspilurum og öðrum kylfingum. Láttu vita tímanlega að þú sért mætt/ur og kynntu þér frest til afskráningar ef eitthvað óvænt kemur upp á. Sjá nánar hér

Gleðilegt golfsumar :)

Hlíðavöllur opnar - Hreinsunardagur á fimmtudaginn!

Mon, 26 Apr 2021 08:34:00 GMT

Nú er óhætt að segja að vorið sé komið og hafa okkar vellir tekið miklum framförum síðustu daga. Koma bæði Hlíðavöllur og Bakkakot vel undan vetri og erum við þess fullviss um að við eigum eftir að eiga gott golfsumar!

Við munum opna Hlíðavöll formlega næstkomandi laugardag, 1. maí. Bakkakotið opnar svo laugardaginn 8. maí. Æfingasvæðið á Hlíðavelli opnar á sama tíma og Hlíðavöllur.

Til þess að undirbúa Hlíðavöll fyrir opnun og gefa honum smá hvíld mun vetrarvöllurinn okkar loka eftir morgudaginn, þriðjudaginn 27. apríl.

Opnað verður fyrir rástímaskráningu föstudaginn 30. apríl kl. 08:00!

Líkt og undanfarin ár ætlum við að hafa hreinsunardag og verður hann á fimmtudaginn og ætlum við að hittast kl. 17.00 fyrir utan Klett. Þeir félagar sem taka þátt í hreinsunardeginum fá að forbóka sig í rástíma núna um helgina. Þau ykkar sem hafið áhuga á því að koma og hjálpa okkur eru vinsamlegast beðin um að senda tölvupóst á agust@golfmos.is eða hringja í Ágúst í síma 8577009. Ef þið staðfestið komu ykkar í gegnum tölvupóst þá megið þið endilega taka það fram hvenær þið viljið bóka ykkur í golf og þá einnig ef þið hafið séróskir um spilafélaga :)

Gleðilegt golfsumar :)

Tveir vinavellir kynntir til leiks

Fri, 23 Apr 2021 08:35:00 GMT

Við höfum samið við Golfklúbb Suðurnesja og Golfklúbb Ísafjarðar um áframhaldandi vinavallasamstarf. Það er því alveg ljóst að okkar félagar geta heimsótt fjölmarga glæsilega vinavelli í sumar :)

Tveir vinavellir kynntir til leiks!

Mon, 19 Apr 2021 10:31:00 GMT

Golfklúbbur Vestmannaeyja verður áfram vinavöllur okkar GM félaga. Munu GM félagar greiða 5000 krónur fyrir leikinn hring á þessum stórglæsilega golfvelli.

Einnig bætist við nýr vinavöllur þetta sumarið sem er Silfurnesvöllur hjá Golfklúbbi Hornafjarðar. Það er glæsilegur 9. holu golfvöllur sem við hvetjum ykkur eindregið til þess að heimsækja. Þar munu okkar félagar greiða 3000 krónur.

Valdís Þóra Jónsdóttir í þjálfarateymi GM

Thu, 15 Apr 2021 15:00:00 GMT

Fyrr í dag undirritaði Valdís Þóra Jónsdóttir samning og verður hún hluti af okkar flotta þjálfara/golfkennarateymi.

Valdísi þarf vart að kynna fyrir íslenskum kylfingum þar sem hún hefur verið í allra fremstu röð íslenskra kylfinga undanfarin ár. Hún hefur á undanförnum árum verið með keppnisrétt á sterkustu mótaröð Evrópu í atvinnugolfi kvenna, LET Evrópumótaröðinni. Hún hefur þrívegis sigrað á Íslandsmótinu í golfi (2009, 2012 og 2017) og árið 2010 varð hún Íslandsmeistari í holukeppni.

Besti árangur Valdísar Þóru á LET Evrópumótaröðinni er þriðja sæti en hún hefur tvívegis endað í þriðja sæti á sterkustu mótaröð Evrópu. Það er jafnframt besti árangur sem íslenskur atvinnukylfingur hefur náð á atvinnumótaröð í efsta styrkleikaflokki. Hún var einnig í liði Íslands á Evrópumóti atvinnukylfinga sem sigraði á því móti í Glasgow í Skotlandi árið 2018. Í kjölfarið var liðið útnefnt sem lið ársins 2018 í kjöri Samtaka Íþróttafréttamanna.

Valdís Þóra var fyrsti atvinnukylfingurinn frá Íslandi sem náði að komast inn á Opna bandaríska atvinnumótið – en það gerði hún árið 2017.

Valdís tók þá ákvörðun nýverið að setja keppniskylfurnar á hilluna og einbeita sér að þjálfun og kennslu í golfi. Er það mikið fagnaðarefni fyrir okkur GM félaga að fá hana í okkar raðir. Valdís mun leggja sérstaka áherslu á þjálfun í okkar stelpuflokkum og er það okkar von að þetta muni efla það starf enn frekar. Þarna fá okkar ungu og efnilegu stelpur frábæran þjálfara og ekki síst góða fyrirmynd til þess að aðstoða sig við að ná framförum í iþróttinni.

Valdís Þóra mun einnig sinna einkakennslu sem og hópkennslu fyrir kylfinga í GM og munum við auglýsa það nánar fljótlega.

Bjóðum við Valdísi hjartanlega velkomna til okkar í GM og er hún frábær viðbót við okkar flotta teymi af þjálfurum.

Nýjar sóttvarnarreglur

Thu, 15 Apr 2021 08:12:00 GMT

Nýjar sóttvarnarreglur hafa nú tekið gildi og höfum við því breytt þeim reglum sem í gildi voru í íþróttamiðstöðinni okkar og eru þær eftirfarandi:

Við höfum skipt neðri hæðinni okkar upp í þrjú sóttvarnarrými og biðjum við ykkur að fylgja settum reglum svo að þetta gangi nú allt vel hjá okkur.Við höfum skipt neðri hæðinni okkar upp í þrjú sóttvarnarsvæði og eru þau eftirfarandi:

1. Trackman golfhermir - lokað rými. Þar mega vera að hámarki fjórir aðilar. Ef þið treystið ykkur ekki til þess að halda ávallt tveggja metra reglunni þá er grímuskylda.

2. Trackman golfhermir - opið rými. Þar mega vera að hámarki fjórir aðilar. Ef þið treystið ykkur ekki til þess að halda ávallt tveggja metra reglunni þá er grímuskylda.

3. Æfingasalur. Þar mega vera að hámarki 15 manns í einu.

Það er sér salerni fyrir hvert svæði og eru þau vel merkt viðkomandi svæði.

Nánari útskýringar má svo finna á svæðinu sjálfu og biðjum við ykkur um að fylgja þeim til hins ítrasta.

Munum svo að þvo okkur og sótthreinsa þegar við mætum á svæðið og göngum vel og snyrtilega um og hugum að öllum sóttvarnarreglum.

Góða skemmtun :)

FRÁBÆRT MÓT HJÁ ÖRNU RÚN

Tue, 13 Apr 2021 09:51:00 GMT

Arna Rún Kristjánsdóttir lauk leik í gær á Cav Classic mótinu sem fór fram á Glenmoor Country Club í Ohio. Arna lék frábært golf í mótinu en hún lék hringina tvo á 1 höggi yfir pari (72-73). Arna fékk 8 fugla á hringjunum tveimur og er þetta hennar besta frammistaða í háskólagolfinu til þessa.

Skólinn hennar Örnu, Grand Valley State, sigraði mótið með tveimur höggum en Arna lék á besta skori síns liðs.

Óskum Örnu innilega til hamingju með frábæra frammistöðu!

Vinavellir GM fyrir sumarið

Wed, 07 Apr 2021 08:06:00 GMT

Nú höfum við gengið frá samningi við þrjá vinavelli í viðbót fyrir sumarið. Það eru Hamarsvöllur hjá Golfklúbbi Borgarness, Gufudalsvöllur hjá Golfklúbbi Hveragerðis og Víkurvöllur hjá Golfklúbbnum Mostra í Stykkishólmi. Þetta eru glæsilegir golfvellir og hvetjum við ykkur til þess að kíkja í heimsókn á þessa glæsilegu golfvelli og njóta þess að spila golf :)

BJÖRN ÓSKAR LÉK FRÁBÆRT GOLF Í ALABAMA

Wed, 31 Mar 2021 10:16:00 GMT

Björn Óskar Guðjónsson lauk leik í gær á Craft Farms Intercollegiate í bandaríska háskólagolfinu. Björn lék frábært golf í mótinu og var í toppbaráttunni fram á lokaholurnar. Björn hafnaði að lokum í 4. sæti á tveimur höggum undir pari (70-68-76).

Skólinn hans Björns, Louisiana, hafnaði í 3. sæti mótsins.

Úrslit mótsins má sjá hérna

Björn hefur lagt hart að sér við æfingar undanfarnar vikur og leikið vel í síðustu tveimur mótum. Mótaskráin er þétt framundan en leikið verður næstu tvær helgar.

Óskum okkar manni góðs gengis!

Inniaðstaðan og golfhermar - Páskaopnum

Mon, 29 Mar 2021 09:50:00 GMT

Ágætu GM félagar.

Páskaopnunin hjá okkur í inniaðstöðunni okkar er eftirfarandi:

Skírdagur: 9:00 -18:00
Föstudagurinn langi: Lokað
Laugardagur: 09:00 - 18:00
Páskadagur: Lokað
Annar í páskum: 09:00-22:00

Athugið að einungis eru golfhermarnir opnir og er hámark tveir aðilar í hvorum hermi í einu. Hér má lesa nánar um reglur sem eru í golfherminum núna https://www.golfmos.is/umgm/Frettir/Frettir/Opnun-golfherma-og-inniadstodu/

Biðjum við ykkur kylfingar góðir að fara eftur þeim sóttvarnareglum sem í gildi eru, það er forsendan fyrir því að við getum haft þetta opið hjá okkur.

Gleðilega páska!

Opnun golfherma og inniaðstöðu

Fri, 26 Mar 2021 14:36:00 GMT

Túlkun viðbragðshóps GSÍ á reglugerðinni sem tók gildi 25. mars heimilar golfklúbbum opnun með ákveðnum takmörkunum og verður vetrarvöllurinn á Hlíðavelli og inniaðstaðan okkar opin frá og með laugardeginum 27. mars með neðangreindum reglum/takmörkunum.

Golfhermar:

Æfingasvæði/salur:

Vetrarvöllur:

Það er virkilega mikilvægt að við stöndum saman og fylgjum öllum settum reglum. Við viljum leggja okkar af mörkum til þess að okkar félagsmenn geti stundað golf og við viljum líka gera allt sem við getum gert til þess að koma okkur í gegnum þetta tímabil sem framundan er og koma þessari veiru í burt.

Við biðjum ykkur því ágætu GM félagar að virða allar þær reglur sem við höfum sett og fylgja þeim til hins ítrasta.

Við minnum svo á að Blik er opið um helgina frá kl. 17:00.

Lokanir vegna Covid-19

Wed, 24 Mar 2021 17:09:00 GMT

Hertar sóttvarnarráðstafanir taka gildi 25.03.2021

Viðbragðshópur GSÍ fundaði síðdegis í dag, 24. mars, eftir að ríkisstjórnin kynnti ný og strangari sóttvarnatilmæli vegna Covid-19 sem taka gildi 25. mars 2021 og gilda í 3 vikur. Í nýju reglunum eru almennar fjöldatakmarkanir miðaðar við 10 manns og ná reglurnar til allra sem fæddir eru 2015 eða fyrr.

Íþróttir inni og úti, jafnt barna og fullorðinna, sem krefjast meiri nálægðar en 2 metra eða þar sem hætta er á snertismiti vegna sameiginlegs búnaðar, eru óheimilar. Samkvæmt nýju reglunum virðist ljóst að golfklúbbum er gert að loka æfingasvæðum og inniaðstöðu sinni og mælst er til þess að það verði gert.

Viðbragðshópurinn bíður eftir að reglugerð heilbrigðisráðherra verði gefin út og er samhliða því að afla frekari upplýsinga um þau atriði sem snúa að golfiðkun utandyra. Hópurinn mun senda frá sér tilkynningu til golfklúbba landsins eins fljótt og unnt er vegna stöðunnar. Til upplýsinga: Hlekkur í minnisblað og reglugerð Kveðja viðbragðshópur GSÍ.

ARNA OG SVERRIR KEPPTU Í HÁSKÓLAGOLFINU

Wed, 24 Mar 2021 09:37:00 GMT

Arna Rún Kristjánsdóttir og Sverrir Haraldsson léku bæði í mótum sem lauk í gær í bandaríska háskólagolfinu.

Arna Rún lék í Findlay Spring Invitational í Kentucky. Arna lék vel í mótinu en hún hafnaði í 19. sæti. Arna lék hringina 3 á 14 höggum yfir pari, 76-76-78. Skólinn hennar Örnu, Grand Valley State, háði mikla baráttu við heimaliðið en hafði að lokum 3 högga sigur. Arna Rún fékk frábæran fugl á lokaholunni og átti stóran þátt í sigri liðsins.

Úrslit mótsins

Sverrir Haraldsson lék á ECU Intercollegiate í Norður Karólínu. Sverrir hafnaði í 15. sæti í mótinu á 3 höggum yfir pari. Sverrir lék hringina 3 á 72, 75 og 72 höggum. Lið Sverris Appalachian State hafnaði í 2. sæti í mótinu en liðið hefur verið í verðlaunasæti á síðustu 7 mótum.

Úrslit mótsins

Golfferð GM til Valle del Este á Spáni 21. okt til 1. nóv

Tue, 23 Mar 2021 09:27:00 GMT

VITAgolf í samstarfi við GM ætla að bjóða upp á 11 nátta glæsilega golfferð til Valle del Este núna í haust. Flogið verður frá Alicante í beinu leiguflugi með Icelandair.

Hægt er að skoða svæðið með því að smella hér

Í þessum hlekk hér má finna allar upplýsingar sem og bókunarleiðbeiningar fyrir ferðina golfferð gm til valle del este á spáni 21. okt - 1. nóv.pdf

Nú er um að gera að skella sér með í þessa frábæru ferð. Þarna verður allt til alls og geggjaður félagsskapur.

Það eru einungis 60 sæti í boði og því mikilvægt að bóka sem fyrst til þess að tryggja sér sæti í ferðinni.

Allar upplýsingar varðandi ferðina er hægt að fá hjá VITAgolf í sima 5704458/5704457 eða á golf@vita.is

Davíð Gunnlaugsson valin PGA golfkennari ársins

Thu, 18 Mar 2021 16:18:00 GMT

Okkar glæsilegi íþróttastjóri Davíð Gunnlaugsson var nú um helgina valinn PGA golfkennari ársins. Það eru PGA samtökin á Íslandi sem standa árlega fyrir þessu kjöri og varð Davíð hlutskarpastur þetta árið og óskum við honum til hamingju með þessa flottu og miklu viðurkenningu.

Davíð er virkilega vel að þessu kominn og erum við svo sannarlega stolt af okkar manni. Er þetta í fyrsta senn sem PGA kennari ársins kemur úr röðum GM.

Vetrarmótaröðin heldur áfram

Wed, 17 Mar 2021 10:11:00 GMT

Nú er búið að opna fyrir skráningu í næsta mót í vetrarmótaröðinni.

Mótsgjaldið er 1.000 krónur og er innifalið í því kaffi og bakkelsi.

Hægt er að skrá sig með því að smella hér

GM KYLFINGAR KEPPTU Í BANDARÍKJUNUM

Wed, 17 Mar 2021 10:07:00 GMT

GM kylfingarnir Arna Rún, Björn Óskar og Sverrir Haraldsson, voru í eldlínunni núna um helgina en þau kepptu öll í bandaríska háskólagolfinu.

Arna Rún lék með Grand Valley State í Emerald Coast Classic mótinu í Flórída. Arna lék hringina 3 á 33 höggum yfir pari (84-83-79) og hafnaði í 59. sæti í einstaklingskeppninni. Skólinn hennar Örnu hafnaði í 9. sæti af 16 skólum.

Úrslit mótsins

Björn Óskar lék á heimavelli í Louisiana Classic mótinu. Björn hafnaði í 28. sæti í einstaklingskeppninni á 3 höggum yfir pari (73-74-72). Skólinn hans Björn hafnaði í 2. sæti af 14 skólum.

Úrslit mótsins

Sverrir Haraldsson lék á Myrtle Beach í mótinu Bash at the Beach. Sverrir hafnaði í 12. sæti í einstaklingskeppninni á 1 höggi yfir pari (74-74-72). Skólinn hans Sverris háði harða baráttu um sigur í mótinu en hafnaði að lokum í 3. sæti.

Úrslit mótsins

Bæði Arna Rún og Sverrir mæta aftur til leiks að viku liðinni en næsta mót hjá Birni er eftir 2 vikur.

Óskum okkar kylfingum góðs gengis og sendum góða strauma!

Tvö ný jóganámskeið hefjast á mánudag

Tue, 16 Mar 2021 09:40:00 GMT

Vertu velkomin/n á 4ja vikna jóga námskeið sérhannað fyrir golfara!

Á námskeiðinu er lögð áhersla á jógastöður og æfingar sem henta kylfingum sérstaklega. Æfingarnar munu stuðla að auknum liðleika, styrk, þoli, samhæfingu og aukinni einbeitingu.

Í lok hvers tíma verður hugleiðsla og slökun.

Námskeiðið er haldið á neðri hæð í Kletti klukkan 19:15-20:15 (fyrir nýliða í jóga) og 20:30-21:30 (framhaldsnámskeið og fyrir vana) og verður á eftirfarandi dögum:

22. mars, mánudagur
25. mars, fimmtudagur
29. mars, mánudagur (fimmtudagur í þessari viku fellur niður vegna páska)
5. apríl, mánudagur
8. apríl, fimmtudagur
12. apríl, mánudagur
15. apríl, fimmtudagur
19. apríl, mánudagu

Skráning fer fram á boka.golfmos.is/yoga

Frábært námskeiðið fyrir alla kylfinga!

Um Sigyn: Sigyn Jara er 21 árs Mosfellingur og lauk síðastliðið haust 200 klst. jógakennaranámi frá einu helsta jógastúdíói landsins, Yoga Shala Reykjavík.

Hugað verður vel að sóttvörnum og allar gildandi sóttvarnarreglur virtar.
16 ára aldurstakmark. 2 námskeið verða í boði.
Bæði fyrir byrjendur og lengra komna.

Skráning fer fram á boka.golfmos.is/yoga

Vinavellir GM fyrir komandi sumar

Mon, 15 Mar 2021 08:21:00 GMT

Nú styttist óðum í vorið hjá okkur og vonandi kominn talsverður spenningur í alla golfara.

Nú hefur verið gengið frá vinavallasamningum við þrjá golfklúbba fyrir sumarið. Við höfum endurnýjað samninga við þrjá golfklúbba á norðurlandi sem voru einnig vinavellir hjá okkur í fyrra.

Það eru Golfklúbbur Akureyrar, Golfklúbbur Húsavíkur og Golfklúbburinn Hamar á Dalvík.

Vonum við svo sannarlega að þið eigið eftir að njóta þess að spila golf á þessum glæsilegu golfvöllum í sumar :)

Við munum svo auglýsa nýja vinavelli á komandi vikum.

Golfklúbbur Mosfellsbæjar og Golfklúbburinn Leynir í samstarf

Thu, 11 Mar 2021 15:34:00 GMT

Í hádeginu í dag skrifuðu forsvarsmenn GL og GM undir viðamikinn samstarfssamning sín á milli.

Samningurinn tekur á ýmsum þáttum er varðar vallarstjórn og faglegri umhirðu, með möguleika á útvíkkun samstarfsins, sem snýr m.a. að golfkennslu, nýtingu tækja og annarra þátta.

Aukinheldur fá félagsmenn beggja klúbba að njóta samstarfsins með góðum vinavallarsamningi sem felur m.a. í sér að vallargjald verður umtalsvert lægra en í venjulegum vinavallasamningum auk þess sem meðlimir GM og GL fá tækifæri til þess að bóka rástíma með dags fyrirvara umfram aðra gestaspilara á völlum klúbbanna.

Er það okkar von að þetta samstarf leiði til umtalsverðrar hagræðingar í rekstri klúbbana á komandi árum ásamt því að auka þá þjónustu sem okkar meðlimir fá í gegnum sitt árgjald.

Forsvarsmenn klúbbanna lýsa yfir mikilli ánægju með samninginn og hlakka verulega til samstarfsins.

Á meðfylgjandi mynd sem tekin var við undirskriftina í dag eru Kári Tryggvason formaður Golfklúbbs Mosfellsbæjar og Pétur Ottesen formaður Golfklúbbsins Leynis.

Eins og fram kemur hér að ofan þá munu okkar félagsmenn njóta sérstakra kjara á glæsilegum Garðavelli þeirra Leynismanna. Garðavöllur hefur ávallt verið í flokki með allra bestu golfvöllum landsins og er það því mikið ánægjuefni fyrir okkur GM félaga að hafa greiðari aðgang að þeim velli en verið hefur. GM félagar munu hafa lengri bókunarfyrirvara á rástímum en meðlimir annara golfklúbba auk þess sem vallargjaldið verður einungis 2.500 per hring.

Við hvetjum okkar kylfinga til þess að nýta sér þessa frábæru viðbót sem Garðavöllur er í okkar félagsaðild og njóta þess að spila golf á frábærum golfvelli :)

Vetrarmótaröð GM

Tue, 09 Mar 2021 13:26:00 GMT

Opið er fyrir skráningu í Vetrarmót nr 2, sem fram fer næstkomandi laugardag.

Hægt er að skrá sig með því að smella hér

SVERRIR KEPPTI Í GEORGÍU

Mon, 08 Mar 2021 11:13:00 GMT

Sverrir Haraldsson hóf keppnistímabilið í bandaríska háskólagolfinu núna á Sea Palms Invitational mótinu sem fram fór í Georgíu um helgina en Sverrir leikur fyrir Appalachian State. Sverrir lék gott golf í mótinu og hafnaði að lokum jafn í 20. sæti en hann lék hringina þrjá á 8 höggum yfir pari (73-75-73) við krefjandi aðstæður en mikill vindur var á svæðinu. Lið Sverris endaði í 2. sæti í mótinu eftir harða baráttu um sigur fram á síðustu holu.

Tveir aðrir íslenskir kylfingar léku í mótinu, Tumi Kúld (GA) og Egill Ragnar (GKG). Tumi lék frábært golf og hafnaði jafn í 6. sæti á þremur höggum yfir pari. Egill Ragnar hafnaði jafn í 53. sæti á 17 höggum yfir pari.

Úrslit mótsins má sjá með því að smella hér

Næsta mót hjá Sverri og félögum fer fram dagana 15-16. mars á Myrtle Beach.

Arna Rún og Björn Óskar verða einnig í eldlínunni í næstu viku og leika í sínu fyrsta móti þetta tímabilið.

Óskum okkar fulltrúum í háskólagolfinu góðs gengis!

GM og Wurth endurnýja samstarfssamnings sín á milli.

Fri, 19 Feb 2021 08:12:00 GMT

Á dögunum var skrifað undir áframhaldandi samstarfssamning á milli GM og Wurth.

Þetta eru virkilega góðar fréttir fyrir okkur hjá GM en Wurth hefur verið öflugur og góður samstarfsaðili hjá okkur í GM undanfarin ár og er það okkur mikilvægt í rekstri golfklúbbsins.

Við hjá GM þökkum Wurth kærlega fyrir stuðninginn og hlökkum til áframhaldandi samstarfs.

Þá bendum við GM félögum á heimasíðu Wurth w ww.wurth.is

Samstarfssamningur við ÍSAM undirritaður

Fri, 12 Feb 2021 08:27:00 GMT

Nýverið var undirritaður áframhaldandi samstarfssamningur milli GM og ÍSAM til næstu þriggja ára. ÍSAM hefur staðið vel við bakið á GM undanfarin ár og er það mikið gleðiefni að það samstarf haldi áfram.

ÍSAM er umboðsaðili fyrir Ping, Titleist og Footjoy og munum við því áfram bjóða upp á þessi merki í okkar golfverslun, auk þess sem GM fatnaðurinn verður frá Foottjoy.

Þökkum við ÍSAM kærlega fyrir stuðninginn undanfarin ár og við hlökkum til áframhaldandi samstarfs!

Jóganámskeið Fyrir Félaga GM Í Kletti - Nýtt námskeið

Tue, 09 Feb 2021 13:51:00 GMT

Nýtt námskeið!

Sömu dagsetningar og á námskeiðinu hér að neðan, en tíminn er frá 21:15 - 22:15!

Skráning fer fram á boka.golfmos.is

Vertu velkomin/n á 3ja vikna jóga námskeið sérhannað fyrir golfara!

Á námskeiðinu er lögð áhersla á jógastöður og æfingar sem henta kylfingum sérstaklega. Æfingarnar munu stuðla að auknum liðleika, styrk, þoli, samhæfingu og aukinni einbeitingu. Í lok hvers tíma verður hugleiðsla og slökun.

Námskeiðið er haldið á neðri hæð í Kletti klukkan 20:00 - 21:00 og verður á eftirfarandi dögum:

15. febrúar, mánudagur

18. febrúar, fimmtudagur

22. febrúar, mánudagur

25. febrúar, fimmtudagur

1. mars, mánudagur

4. mars, fimmtudagur

2000 kr. afsláttarkóði fyrir félaga GM: yogamos

Frábært námskeiðið fyrir alla kylfinga!

Um Sigyn:

Sigyn Jara er 21 árs Mosfellsbæingur og lauk síðastliðið vor 200 klst. jógakennaranámi frá einu helsta jógastúdíói landsins, Yoga Shala.

Smáa letrið:

Hugað verður vel að sóttvörnum og allar gildandi sóttvarnarreglur virtar.

16 ára aldurstakmark.

Fyrir öll getustig. Byrjendur sem og lengra komna í jóga.

Skráning í jóganámskeið

Brautarholt áfram vinavöllur GM

Mon, 08 Feb 2021 10:18:00 GMT

Líkt og síðastliðið sumar mun Brautarholtið vera vinavöllur okkar GM félaga. Það var mikil ánægja með samstarfið síðastliðið sumar og léku GM félagar tæplega 1000 hringi í Brautarholti.

Verður fyrirkomulagið með svipuðu sniði og í fyrra og geta GM félagar leikið Brautarholtið gegn 4.000 króna vallargjaldi, hvort sem leiknar eru 9, 12 eða 18 holur.

Vonum við svo sannarlega að GM félagar haldi áfram að heimsækja þennan glæsilega golfvöll!

Opnun Íþróttamiðstöðvar og golfherma

Tue, 12 Jan 2021 13:13:00 GMT

Ágætu GM félagar.

Þau gleðitíðindi bárust okkur í síðustu viku að ef allt gengi vel fram til 13. janúar yrðu íþróttir heimilaðar á nýjan leik. Það er okkur því mikið gleðiefni að tilkynna það að á morgun miðvikudaginn 13. janúar opnar íþróttamiðstöðin fyrir alla okkar félagsmenn.

Með því að smella hér má sjá opnunartímana okkar sem og þá tíma sem lokaðir eru í æfingasalnum vegna æfinga á vegum GM.

Við höfum einnig opnað fyrir bókanir í golfhermana okkar. Sett hefur verið í loftið sérstök bókunarsíða fyrir þá. Smellið hér til þess að fara á þá síðu. Við ætlum ekki að bjóða upp á það að kylfingar geti fest sér ákveðna tíma, það er opið fyrir bókanir tvær vikur fram í tímann.

Við höfum skipt neðri hæðinni okkar upp í þrjú sóttvarnarrými og biðjum við ykkur að fylgja settum reglum svo að þetta gangi nú allt vel hjá okkur.

Við höfum skipt neðri hæðinni okkar upp í þrjú sóttvarnarsvæði og eru þau eftirfarandi:

1. Trackman golfhermir - lokað rými. Þar mega vera að hámarki fjórir aðilar. Ef þið treystið ykkur ekki til þess að halda ávallt tveggja metra reglunni þá er grímuskylda.

2. Trackman golfhermir - opið rými. Þar mega vera að hámarki fjórir aðilar. Ef þið treystið ykkur ekki til þess að halda ávallt tveggja metra reglunni þá er grímuskylda.

3. Æfingasalur. Þar mega vera að hámarki 15 manns í einu.

Það er sér salerni fyrir hvert svæði og eru þau vel merkt viðkomandi svæði.

Nánari útskýringar má svo finna á svæðinu sjálfu og biðjum við ykkur um að fylgja þeim til hins ítrasta.

Íþróttamiðstöðin sem og golfhermarnir eru eingöngu opin fyrir meðlimi í GM.

Við vonum svo sannarlega að þið eigið eftir að nýta ykkur þessu góðu aðstöðu sem GM hefur núna upp á að bjóða.

Munum svo að þvo okkur og sótthreinsa þegar við mætum á svæðið og göngum vel og snyrtilega um.

Góða skemmtun :)

KRISTÓFER KARL ÍÞRÓTTAKARL MOSFELLSBÆJAR 2020

Thu, 07 Jan 2021 14:29:00 GMT

Kjör íþróttakonu og íþróttakarls Mosfellsbæjar fyrir árið 2020 fór fram í gær. Kylfingar ársins hjá GM, Kristófer Karl Karlsson og Arna Rún Kristjánsdóttir voru fulltrúar GM í kjörinu.

Kristófer Karl var kjörinn íþróttakarl Mosfellsbæjar og Cecilía Rán Rúnarsdóttir íþróttakona Mosfellsbæjar.

Við hjá GM óskum Kristófer innilega til hamingju með þessa viðurkenningu og erum afar stolf af okkar manni.

Helsti árangur Kristófers árið 2020 var eftirfarandi:

Kristófer er mjög metnaðarfullur og einbeittur íþróttamaður sem stefnir langt í íþróttinni. Hann hefur undanfarin ár verið meðal efnilegustu kylfinga landsins og steig stórt skref í sumar í átt að þeim bestu. Kristófer lék lykilhlutverk í liði GM í Íslandsmóti golfklúbba en þar skilaði hann 4.5 stigum af 5 mögulegum.

Kristófer er góður liðsmaður og frábær fyrirmynd fyrir yngri iðkendur GM. Kristófer stefnir á atvinnumennsku í golfi að loknu námi en hann stundar nám við Borgarholtsskóla.

Áður hafa kylfingarnir Nína Björk Geirsdóttir, Katrín Dögg Hilmarsdóttir, Heiðar Davíð Bragason og Kristján Þór Einarsson hlotið þessa viðurkenningu.

Skrifstofa GM lokar yfir hátíðarnar

Fri, 18 Dec 2020 09:32:00 GMT

Ágætu GM félagar.

Skrifstofa klúbbsins verður lokuð frá og með mánudeginum 21. desember til og með þriðjudagisins 5. janúar.

Þeir félagar sem þurfa á aðstoð að halda eru vinsamlegast beðnir um að senda tölvupóst á golfmos@golfmos.is með erindinu og munum við gera okkar allra besta til þess að hjálpa :)

Annars óskum við öllum gleðilegra jóla og hlökkum til að hitta ykkur öll hress og kát á næsta ári!

Opnun vetrarvallar

Thu, 10 Dec 2020 10:40:00 GMT

Ágætu GM félagar.

Eins og fram kom í gær þá munum við opna fyrir vetrargolf á Hlíðavelli næstkomandi laugardag, 12. des.

Við höfum tekið þá ákvörðun að hafa rástímabókun á völlinn og því er búið að opna fyrir bókanir á golfboxinu.

Heimilt að spila golf utandyra

Wed, 09 Dec 2020 13:28:00 GMT

Ágætu GM félagar.

Nú er það orðið ljóst að við megum byrja að spila golf aftur utandyra eftir langt stopp. Veðurspáin framundan er góð og því munum við opna inn á vetrargolfvöllinn okkar næstkomandi laugardag.

Það er einvörðungu verið að opna fyrir almennt spil. Formleg vetrardagskrá mun svo vonandi hefjast á nýju ári ef allt gengur upp og við losnum við þessa blessuðu veiru.

Völlurinn er eingöngu opinn fyrir GM félaga.

Vetrarvöllurinn þetta árið verður spilaður á fyrri níu holum vallarins og erum við að leggja lokahönd á yfirlitsmynd af vellinum. Það er ekki hægt að bóka sig í rástíma og minnum við fólk á passa vel upp á allar sóttvarnarreglur sem eru við gildi í dag.

40 ár frá stofnun Golfklúbbsins Kjalar

Mon, 07 Dec 2020 13:36:00 GMT

Golfklúbburinn Kjölur var stofnaður 7. desember 1980 og voru stofnfélagar 30 talsins. Fyrsta sumarið í sögu klúbbsins var fengið að láni land í Leirvogstungu. Í maí 1983 var undirritaður samningur milli Mosfellshrepps og golfklúbbsins um leigu á landi því, sem Hlíðavöllur er nú á. Var Hlíðavöllur var formlega tekinn í notkun í júlí 1986.

Það var svo árið 2014 sem að Golfklúbburinn Kjölur og Golfklúbbur Bakkakots sameinuðust undir nafni Golfklúbbs Mosfellsbæjar.

Óskum við öllum félögum GM sem og fyrrverandi félögum innilega til hamingju með daginn. Við getum því miður ekki haldið veislu en við bjóðum engu að síður upp á köku í tilefni dagsins og munu krakkarnir okkar sem mæta til æfinga í dag fá sér kökusneið af afmæliskökunni :)

Kylfingar ársins 18 ára og yngri - María Eir og Arnór Daði

Fri, 04 Dec 2020 09:54:00 GMT

Kylfingar ársins 18 ára og yngri hjá GM eru þau María Eir Guðjónsdóttir og Arnór Daði Rafnsson.

María Eir Guðjónsdóttir er fædd árið 2004 og er því 16 ára gömul. María náði frábærum árangri á golfvellinum árið 2020 en hún lék í flokki 15-16 ára á Unglingamótaröð GSÍ ásamt því að leika á GSÍ mótaröð fullorðinna.

Helsti árangur Maríu á árinu var eftirfarandi.

María var einnig í lykilhlutverki í liði GM sem hafnaði í 3. sæti í Íslandsmóti golfklúbba í kvennaflokki en þar tryggði María GM 3. sætið með sigri á 21. holu, 3 holu í bráðabana. María hefur tekið miklum framförum undanfarin ár og er ein allra efnilegasta stúlka landsins. María er afar metnaðarfull, kemur vel fyrir innan sem utan vallar og er öðrum kylfingum í GM góð fyrirmynd.

Arnór Daði Rafnsson er fæddur árið 2002 og er því 18 ára gamall. Arnór átti sitt best ár á golfvellinum núna í sumar. Hann lék í flokki 17-18 ára á Unglingamótaröð GSÍ en lék einnig í tveimur mótum á GSÍ mótaröðinni þar sem hann fór í gegnum niðurskurð á báðum mótum.

Frábært hugarfar einkennir Arnór Daða sem kylfing en hann leggur sig alltaf allan fram í þau verkefni sem hann tekur sér fyrir hendur, hvort sem það er á æfingum eða í keppni. Arnór átti sína bestu hringi í sumar þegar aðstæður voru sem mest krefjandi en það er lýsandi fyrir Arnór sem kylfing.

Arnór hafnaði í 3. sæti í fyrsta móti ársins á Unglingamótaröðinni á heimavelli. Arnór lék einnig fyrir lið GM í Íslandsmóti golfklúbba 18 ára og yngri. Arnór stundar nám við Menntaskólann í Reykjavík og stefnir á útskrift núna í vor. Arnór er mjög metnaðarfullur og hefðu allir gott af því að temja sér það hugarfar sem Arnór Daði hefur.

Óskum Maríu og Arnóri innilega til hamingju með þessa viðurkenningu!

Kylfingar ársins 18 ára og yngri frá 2012
2012 - Björn Óskar Guðjónsson
2013 - Björn Óskar Guðjónsson
2014 - Kristófer Karl Karlsson
2015 - Björn Óskar Guðjónsson
2016 - Ólöf María Einarsdóttir
2017 - Ragnar Már Ríkarðsson
2018 - Sverrir Haraldsson
2019 - Kristófer Karl Karlsson / Kristín Sól Guðmundsdóttir
2020 - Arnór Daði Rafnsson / María Eir Guðjónsdóttir

Karlkylfingur ársins - Kristófer Karl Karlsson

Thu, 03 Dec 2020 11:07:00 GMT

Karlkylfingur ársins hjá GM árið 2020 er Kristófer Karl Karlsson . Kristófer er einn af bestu kylfingum landsins og náði frábærum árangri á árinu 2020. Kristófer er fæddur árið 2001 og er því 19 ára gamall. Hann hefur verið í GM frá barnsaldri og Hlíðavöllur verið hans annað heimili.

Helsti árangur Kristófers árið 2020 var eftirfarandi:

Kristófer er góður liðsmaður og frábær fyrirmynd fyrir yngri iðkendur GM. Kristófer stefnir á atvinnumennsku í golfi að loknu námi en hann stundar nám við Borgarholtsskóla.

Kristófer Karl er karlkylfingur ársins hjá GM árið 2020.

Til hamingju Kristófer!

Karlkylfingar ársins hjá GM frá 2015
2015 - Kristján Þór Einarsson
2016 - Kristján Þór Einarsson
2017 - Björn Óskar Guðjónsson
2018 - Björn Óskar Guðjónsson
2019 - Kristófer Karl Karlsson
2020 - Kristófer Karl Karlsson

Kvenkylfingur ársins - Arna Rún Kristjánsdóttir

Wed, 02 Dec 2020 17:05:00 GMT

Hefð hefur myndast á að veita kylfingum ársins hjá GM viðurkenningar sínar á árshátíð klúbbsins sem farið hefur fram í nóvember. Því miður þurfum við að bregða út af vananum þetta árið og veita kylfingum ársins hjá GM viðurkenningar á annan hátt. Við bindum þó enn vonir við að geta haldið árshátíð GM fyrir árið 2020 fyrri hluta næsta árs.Kylfingar ársins hjá GM eru jafnframt fulltrúar GM í kjöri íþróttakarls og íþróttakonu Mosfellsbæjar sem fram fer í janúar ár hvert.

Kvenkylfingur ársins hjá GM fyrir árið 2020 er Arna Rún Kristjánsdóttir . Arna Rún er 22 ára Mosfellingur og hefur verið meðlimur í GM allan sinn feril. Arna Rún leikur fyrir Grand Valley State University í bandaríska háskólagolfinu og er á sínu þriðja ári. Arna hefur bætt sig mikið undanfarið ár og lék vel í háskólagolfinu á síðasta tímabili. Þetta haustið hefur Arna stundað fjarnám frá skólanum frá Íslandi og sinnt golfinu samhliða undir handleiðslu þjálfara sinna hjá GM.

Arna lék gott golf í sumar en hún var meðal annars í 5. sæti á Íslandsmótinu í golfi sem fram fór á Hlíðavelli. Þar lék hún frábært golf og sýndi hvers megnug hún er. Arna var eins og undanfarin ár lykilmaður í kvennasveit GM sem hafnaði í 3. sæti í Íslandsmóti golfklúbba í efstu deild.

Arna er frábær íþróttamaður, skipulögð, dugleg og metnaðarfull. Hún leggur hart að sér við æfingar, bæði golfæfingar sem og líkams og hugarþjálfun. Arna kemur afar vel fyrir og er góð fyrirmynd fyrir yngri iðkendur GM

Arna Rún er kvenkylfingur ársins hjá GM árið 2020.

Til hamingju Arna!

Kvenkylfingar ársins hjá GM frá 2015
2015 - Heiða Guðnadóttir
2016 - Ólöf María Einarsdóttir
2017 - Heiða Guðnadóttir
2018 - Arna Rún Kristjánsdóttir
2019 - Nína Björk Geirsdóttir
2020 - Arna Rún Kristjánsdóttir

Innheimta félagsgjalda 2021

Mon, 23 Nov 2020 12:43:00 GMT

Innheimta félagsgjalda fyrir 2021 að hefjast!

Lýðheilsu og forvarnarstefna í samráðsgátt Mosfellsbæjar

Mon, 23 Nov 2020 08:24:00 GMT

Drög að lýðheilsu- og forvarnarstefnu Mosfellsbæjar hafa verið lögð fram í samráðsgátt á Betra Íslandi. Slóðin mos.is/lydheilsa opnar samráðsgáttina í viðmóti sem flestir þekkja úr lýðræðisverkefnum á borð við Okkar Mosó.

· mos.is/lydheilsa

Dagana 19. nóvember til 11. desember gefst íbúum og öðrum hagsmunaaðilum færi á að kynna sér það efni sem nú liggur fyrir í stefnumótunarferlinu og koma sínum sjónarmiðum og ábendingum á framfæri.

Íþrótta- og tómstundanefnd Mosfellsbæjar samþykkti í júní 2019 að hefja vinnu við stefnumótun í lýðheilsu og forvörnum fyrir Mosfellsbæ. Stefnunni er ætlað að skerpa á markmiðum, leiðum og sérstöðu Mosfellsbæjar sem heilsueflandi samfélags.

Mosfellsbær hefur frá árinu 2012 verið leiðandi í hópi sveitafélaga sem láta sig heilsueflingu íbúa og starfsfólks varða. Mikilvægt atriði í þeirri vegferð er að samþætta sjónarmið lýðheilsu og forvarna inn í alla ákvarðanatöku og útfærslu verkefna bæjarins.

https://www.mos.is/forsida/frettir/frett/2020/11/19/Lydheilsu-og-forvarnastefna-i-samradsgatt/

Aðalfundur Golfklúbbs Mosfellsbæjar fyrir starfsárið 2020

Fri, 20 Nov 2020 09:42:00 GMT

Aðalfundur Golfklúbbs Mosfellsbæjar var haldinn í gær, fimmtudaginn 19. nóvember. Fundurinn var fremur óhefðbundinn sökum aðstæðna og fór hann fram í gegnum fjarfundabúnað. Fundarhald tókst virkilega vel og það voru rétt um 55 GM félagar sem sátu fundinn og þökkum við þeim kærlega fyrir þátttkökuna.

Kári Tryggvason formaður fór yfir skýrslu stjórnar, en hana má sjá með því að smella á tengilin hér fyrir neðan:

S kýrsla stjórnar 2020.pdf

Þar næst fór Auður Ósk Þórisdóttir gjaldkeri klúbbsins yfir ársreikninginn. Það var talsverður viðsnúningur í rekstri klúbbsins og fór Auður vel yfir allan reikninginn.

Golfklúbburinn hætti rekstri veitingastaðarins í byrjun þessa rekstrarárs og því er talsverður munur á tölum á milli ára. Heildartekjur ársins námu tæpum 237 milljónum króna, samanborið við tæpar 341 milljón í fyrra. Heildargjöld rekstrarársins fyrir fjármagnsliði voru 192 milljónir króna í ár, samanborið við 387 milljónir krónar í fyrra.

Afkoma ársins eftir fjármagnsgjöld var jákvæð um rétt rúmar 16 milljónir, samanborið við tap upp á rúmlega 81 milljón í fyrra. Þetta er því viðsnúningur upp á rúmar 97 milljónir króna á milli ára.

Ársreikninginn má sjá í tenglinum hér fyrir neðan:

Á rsreikningur 2020

Það hefur orðið talsverð fjölgun í klúbbnum og telur hann nú rúmlega 1700 meðlimi, þar af eru 300 krakkar 18 ára og yngri.

Stjórn GM helst óbreytt þar sem allir sitjandi stjórnarmenn gáfu kost á sér til áframhaldandi setu. Ný lög voru samþykkt á aðalfundi gærdagsins varðandi stjórnarsetu og eru núna ávallt stjórnarmenn, aðrir en formaður ávallt í framboði til tveggja ára í senn.

Stjórn klúbbsins skipa:

Kári Tryggvason - formaður.

Kosin til tveggja ára:

Ragnheiður Ríkharðsdóttir

Steinþór Pálsson

Auður Ósk Þórisdóttir

Kosin til eins árs:

Írunn Ketilsdóttir

Siggeir Kolbeinsson

Guðjón Karl Þórisson.

Meðstjórnendur, kosnir til eins árs:

Nína Björk Geirsdóttir

Einar Már Hjartarson

Ásbjörn Björgvinsson

Margrét Óskarsdóttir

Tilllaga stjórnar um gjaldskrá félagsgjalda fyrir næsta ár var samþykkt.

Smellið hér til þess að sjá verðskrána fyrir 202 1

Það er mikið framundan hjá okkur í GM og voru fyrirhugaðir framkvæmdir kynntar í gær og þær má sjá í skýrslu stjórnar. Það er mikill metnaður hjá okkur í GM og viljum við halda áfram því góða starfi sem hér hefur ávallt verið unnið og lítum við björtum augum til framtíðar. Með nýju inniaðstöðunni okkar í Klett breytist okkar starf mikið og getum við nú boðið okkar félögum upp á það að geta spilað golf allt árið.

Stjórn og starfsmenn Golfklúbbs Mosfellsbæjar þakkar félagsmönnum fyrir gott starfsár og við hlökkum til að sjá ykkur flest í okkar glæsilegu inniaðstöðu þegar við fáum leyfi til þess að opna hana.

Nýir styrkir fyrir börn og ungt fólk í íþrótta- og æskulýðstarfi

Thu, 19 Nov 2020 11:23:00 GMT

„Covid-19 faraldurinn hefur haft gríðarleg áhrif á allt íþrótta- og tómstundastarf í landinu. Þegar þrengir að fjárhag fjölskyldna er mikil hætta á að þær dragi úr þátttöku barna í íþrótta- og tómstundastarfi,“ segir Ásmundur Einar Daðason, félags- og barnamálaráðherra.

Félagsmálaráðuneytið hefur nú opnað fyrir umsóknir á sérstökum íþrótta- og tómstundastyrkjum fyrir börn sem búa á tekjulægri heimilum. Markmiðið með þeim er að jafna tækifæri barnanna til þátttöku í skipulögðu íþrótta- og tómstundastarfi.

Styrkirnir koma til viðbótar hefðbundnum íþrótta- og tómstundastyrkjum sveitarfélaga. Alls verður um 900 milljónum króna varið í verkefnið árin 2020 og 2021.

Ásmundur kynnti aðgerðina í vor og er hún hluti af aðgerðapakka sem ætlað er að veita mótvægi vegna þeirra áhrifa sem COVID-19 faraldurinn hefur haft á afkomu efnaminni heimila í landinu. Í framhaldinu verður ráðist í vitundavakningu á því í samstarfi við menntamálaráðuneytið, sveitarfélög, ÍSÍ og UMFÍ.

Ráðuneytið hefur jafnframt búið til myndbönd á níu mismunandi tungumálum þar sem styrkirnir og fyrirkomulag þeirra er kynnt.

Haft er eftir Ásmundi Einari í tilkynningu frá ráðuneytinu að sérstaklega þrengi að hjá fjölskyldum í neðri hluta tekjudreifingarinnar, það er þeim tekjulægri. Rannsóknir sýni að íþróttir og frístundir hafa forvarnargildi og því er gríðarlega mikilvægt að allt sé gert til að koma í veg fyrir brottfall hjá krökkum í íþróttum og tómstundum vegna faraldursins.

Svona er sótt um styrk

Hægt er að sækja um styrk fyrir börn sem fædd eru á árunum 2005-2014 og búa á heimili þar sem heildartekjur heimilisins voru að meðaltali lægri en 740.000 kr. á mánuði á tímabilinu mars – júlí 2020.

Styrkurinn er 45.000 kr. á hvert barn og um 13.000 börn eiga rétt á styrknum. Sveitarfélögin annast afgreiðslu styrkumsókna eftir að búið er að kanna rétt til styrksins inni á Ísland.is .

Styrkina er hægt er að nota til niðurgreiðslu á þátttökugjöldum vegna íþróttaiðkunar, tónlistanáms eða annarra tómstunda. Sveitarfélög setja reglur um úthlutun styrkjanna en fyrirkomulag getur verið breytilegt á milli sveitarfélaga til dæmis varðandi hvaða íþrótta- og tómstundastarf er styrkhæft, hvaða gögnum beri að skila með umsókn og afgreiðslutími umsókna.

Rannsóknir hafa sýnt að mikilvægt er að halda sem flestum börnum virkum í íþrótta- og frístundastarfi og tryggja jafnt aðgengi barna og unglinga að slíku starfi. Lögð hefur verið áhersla á að ná til sem flestra forráðamanna og hefur því verið komið af stað kynningarátaki á fjölda tungumála um íþrótta- og tómstundastyrkina.

Fréttin er upprunalega á umfi.is

KRISTÍN SÓL SEMUR VIÐ ROGERS STATE UNIVERSITY

Tue, 17 Nov 2020 10:39:00 GMT

Kristín Sól Guðmundsdóttir samdi í gær við Rogers State University í Oklahoma í Bandaríkjunum. Kristín gengur til liðs við golflið Rogers State en íþróttalið skólans kallast RSU Hillcats. Kristín mun því bætast við hóp GM kylfinga í háskólagolfinu en fyrir eru þau Arna Rún (Grand Valley State), Björn Óskar (Louisiana, Lafayette), og Sverrir Haraldsson (Appalachian State).

Kristín Sól útskrifast úr Kvennaskólanum núna í vor og heldur til Bandaríkjanna seinni part ágústs mánaðar. Kristín hefur leikið fyrir Golfklúbb Mosfellsbæjar allan sinn feril og tekið stöðugum framförum. Í sumar var Kristín Sól stigameistari á GSÍ mótaröð Unglinga í flokki 17-18 ára stúlkna ásamt því að leika fyrir keppnisveit GM kvenna í meistaraflokki en lið GM hafnaði í 3. sæti í Íslandsmóti golfklúbba.

Það er ljóst að með því að leika golf meðfram námi í Bandaríkjunum mun Kristín Sól hafa frábær tækifæri til að æfa golfið við bestu mögulegu aðstæður og halda áfram að bæta sig. Við óskum Krisínu innilega til hamingju og fylgjumst spennt með framhaldinu!

Aðalfundur Golfklúbbs Mosfellsbæjar

Wed, 04 Nov 2020 15:33:00 GMT

Ágætu GM félagar.

Aðalfundur Golfklúbbs Mosfellsbæjar verður haldinn fimmtudaginn 19. nóvember. Í ljósi aðstæðna mun hann fara fram á internetinu í gegnum fjarfundabúnað. (Ef aðstæður fram að aðalfundi breytast og samkomutakmörkunum verður breytt þá mun einnig verða hægt að mæta í Íþróttamiðstöðina Klett og sitja fundinn).

Fundurinn hefst stundvíslega kl. 20:00 og er dagskrá hans sem hér segir:

1. Kosning fundarstjóra og fundaritara.

2. Skýrsla stjórnar um störf og framkvæmdir á vegum félagsins

3. Áritaðir reikningar kynntir

4. Umræður um skýrslu stjórnar og reikningar lagðir fram til samþykktar

5. Lagabreytingar

6. Rekstraráætlun komandi starfsárs kynnt

7. Ákvörðun félagsgjalda

8. Kosning stjórnar, formanns og tveggja skoðunarmanna reikninga

9. Kosning aganefndar og kjörnefndar

10. Önnur mál.

Fyrir aðalfund liggja eftirfarandi breytingatillögur á lögum Golfklúbbs Mosfellsbæjar sem sjá með því að smella á tenglana hér að neðan.

Tillaga að lagabreytingum fyrir aðalfund þann 19. nóvember 2020.pdf

Skýringar á tillögum að lagabreytingum.pdf

Þeir félagsmenn í GM hafa áhuga á því að sitja aðalfund GM eru vinsamlegast beðnir um að senda inn tölvupóst á golfmos@golfmos.is og skrá sig til þátttköku. Senda þarf nafn og kennitölu.Sent verður út fundarboð þegar nær dregur fundi á tölvupósti til allra þeirra sem skrá sig. Með þessum hætti getum við tryggt að sem flestir félagar geti tekið þátt í aðalfundinum sem og greitt atkvæði þegar þess gerist þörf.

Stjórn GM.

Aðalfundur Golfklúbbs Mosfellsbæjar

Wed, 04 Nov 2020 15:33:00 GMT

Ágætu GM félagar.

Aðalfundur Golfklúbbs Mosfellsbæjar 2021 verður haldinn fimmtudaginn 9. desember næstkomandi í íþróttamiðstöðinni Klett.

Fundurinn hefst stundvíslega kl. 20:00 og er dagskrá hans sem hér segir:

1. Kosning fundarstjóra og fundaritara.

2. Skýrsla stjórnar um störf og framkvæmdir á vegum félagsins

3. Áritaðir reikningar kynntir

4. Umræður um skýrslu stjórnar og reikningar lagðir fram til samþykktar

5. Lagabreytingar

6. Rekstraráætlun komandi starfsárs kynnt

7. Ákvörðun félagsgjalda

8. Kosning stjórnar, formanns og tveggja skoðunarmanna reikninga

9. Kosning aganefndar og kjörnefndar

10. Önnur mál.

Stjórn GM.

Aðalfundur Golfklúbbs Mosfellsbæjar

Wed, 04 Nov 2020 15:33:00 GMT

Ágætu GM félagar.

Við minnum á aðalfund GM sem fram fer næstkomandi fimmtudag, 9. desember kl. 20:00 í íþróttamiðstöðinni Klett.

Fundurinn verður í salnum okkar á neðri hæðinni.

Nú er það ljóst að þeim sóttvarnarráðstöfunum sem í gildi eru verður ekki breytt og því mega ekki fleiri en 50 koma saman. Við ætlum því líkt og í fyrra að vera með fundinn í gegnum fjarfundarbúnað.

Þið ykkar sem hafið áhuga á því að sitja aðalfundinn eruð vinsamlegast beðin um að láta okkur vita á golfmos@golfmos.is. Það mega 50 koma saman og því geta þau sem hafa áhuga á því að mæta að sjálfsögðu mætt, en við stoppum að sjálfsögðu í 50. Þau ykkar sem komist ekki að í Kletti og hafið áhuga á því að vera með fáið sent fundarboð í tölvupósti.

Skýrsla stjórnar og ársreikningurinn verða birt hér á heimasíðunni okkar á morgun miðvikudag.

Hlökkum til að sjá ykkur flest!

Aðalfundur Golfklúbbs Mosfellsbæjar

Wed, 04 Nov 2020 15:33:00 GMT

Aðalfundur Golfklúbbs Mosfellsbæjar var haldinn í gær og var ágætis þáttaka á fundinum sem fór fram í gegnum fjarfundarbúnað ásamt því sem hægt var að mæta á svæðið. Það voru rúmlega 60 GM félagar sem sátu fundinn.

Formaður kynnti skýrslu stjórnar og gjaldkeri klúbbsins fór yfir árseikninginn. Rekstur klúbbsins er traustur og afkoma góð, en afkoma ársins var rétt um 31 milljón króna.

Framkvæmdastjóri kynnti rekstraráætlun fyrir 2021 ásamt því að leggja fram tilllögu að árgöldum fyrir 2022. Einnig voru kynntar framkvæmda og fjárfestingaáætlanir næsta árs og verða þær kynntar nánar hér á heimasíðunni okkar á næstu dögum.

Félagsmenn ársins voru heiðraðir og voru það þeir Valur Oddsons, Sigurberg Árnason og Sæmundur Pétursson sem voru heiðraðir á fundinum sem félagsmenn ársins. Þeir félagar hafa verið klúbbnum ómetanlegir undanfarin ár þar sem þeir hafa smíðað ýmislegt fyrir okkur. Nú í sumar smíðuðu þeir skýlið á æfingasvæðinu sem og að þeir sáu um samsetningu og uppsetningu á klósettaðstöðunni okkar sem sett var upp við 8. teigana í sumar. Það er klúbbnum ómetanlegt að eiga svona félaga að og færum við þeim okkar bestu þakkir fyrir mikið og óeigingjarnt sjálfboðastarf á liðnum árum.

Á myndinni hér að neðan má sjá þá félaga ásamt Kára Tryggvasyni formanni GM sem er lengst til vinstri. Næst honum er Sigurberg Árnason, svo Sæmundur Pétursson og Valur Oddson.

Einnig voru kylfingar ársins heiðrar og það var hún Kristín Sól Guðmundsdóttir sem var kvenkylfingur ársins og Sverrir Haraldsson var útnefndur kylfingur ársins karla megin. Óskum við þeim kærlega til hamingju með útnefninguna.

Guðmundur Jón Tómasson faðir hennar Kristínar tók við viðurkenningunni fyrir hennar hönd, ef vel er að gáð má sjá hana Kristínu í símanum á miðri mynd en Kristín er stödd í Bandaríkjunum þar sem hún er við nám.

Sverrir Haraldsson er hér ásamt Davíð Gunnlaugssyni, íþróttastjóra GM. Sverrir varð meðal annars Íslandsmeistari í holukeppni í sumar.

Aðalfundur Golfklúbbs Mosfellsbæjar

Wed, 04 Nov 2020 15:33:00 GMT

Ágætu GM félagar.

Aðalfundur Golfklúbbs Mosfellsbæjar 2022 verður haldinn fimmtudaginn 24. nóvember næstkomandi í íþróttamiðstöðinni Klett.

Fundurinn hefst stundvíslega kl. 20:00 og er dagskrá hans sem hér segir:

1. Kosning fundarstjóra og fundaritara.

2. Skýrsla stjórnar um störf og framkvæmdir á vegum félagsins

3. Áritaðir reikningar kynntir

4. Umræður um skýrslu stjórnar og reikningar lagðir fram til samþykktar

5. Lagabreytingar

6. Rekstraráætlun komandi starfsárs kynnt

7. Ákvörðun félagsgjalda

8. Kosning stjórnar, formanns og tveggja skoðunarmanna reikninga

9. Kosning aganefndar og kjörnefndar

10. Önnur mál.

Stjórn GM.

Aðalfundur Golfklúbbs Mosfellsbæjar

Wed, 04 Nov 2020 15:33:00 GMT

Ágætu GM félagar.

Aðalfundur Golfklúbbs Mosfellsbæjar 2023 verður haldinn mánudaginn 4. desember næstkomandi í íþróttamiðstöðinni Klett.

Fundurinn hefst stundvíslega kl. 20:00 og er dagskrá hans sem hér segir:

1. Kosning fundarstjóra og fundaritara.

2. Skýrsla stjórnar um störf og framkvæmdir á vegum félagsins

3. Áritaðir reikningar kynntir

4. Umræður um skýrslu stjórnar og reikningar lagðir fram til samþykktar

5. Lagabreytingar

6. Rekstraráætlun komandi starfsárs kynnt

7. Ákvörðun félagsgjalda

8. Kosning stjórnar, formanns og tveggja skoðunarmanna reikninga

9. Kosning aganefndar og kjörnefndar

10. Önnur mál.

Stjórn GM.

Aðalfundur Golfklúbbs Mosfellsbæjar

Wed, 04 Nov 2020 15:33:00 GMT

Aðalfundur Golfklúbbs Mosfellsbæjar fór fram síðastliðinn mánudag og var virkilega góð mæting á fundinn, eða rétt tæplega 70 klúbbfélagar. Hægt er að sjá fundargerð aðalfundarins með því að smella á hlekkinn hér fyrir neðan.

fundargerð aðalfundar (1).pdf

Stjórn GM er þannig skipuð:

Formaður - Kári Tryggvason

Írunn Ketilsdóttir

Guðjón Karl Þórisson

Siggeir Kolbeinsson

Steinþór Pálsson

Andrea Jónsdóttir

Arna Rún Kristjánsdóttir.

Siggeir, Írunn og Guðjón Karl voru kosin til tveggja ára.

Varastjórn GM er þannig skipuð:

Arnór Daði Rafnsson

Björn Óskar Guðjónsson

Einar Már Hjartarson

Elín Gróa Karlsdóttir

Árgjöld fyrir árið 2024voru samþykkt í gær og nú er hægt að ganga frá þeim í gegnum sportabler.

Smellið hér til þess að fá upplýsingar um árgjöldin og til þess að komast inn í sportabler.

Ef gengið er frá fyrir 22. desember er hægt að skipta greiðslum í allt að 11. skipti. Ef ekkert er gert fyrir þann tíma, þá munum við líkt og áður senda árgjöldin út í kjölfarið og skipta þeim í fjórar greiðslur, fyrsti gjalddagi 2. janúar, 2024.

Í lok fundar voru kylfingar ársins valdir og það eru þau Berglind Erla Baldursdóttir og Kristján Þór Einarsson.

Að lokum viljum við þakka öllum þeim sem mættu á fundinn og þeim sem buðu sig fram í stjórnar og nefndarstörf fyrir klúbbinn kærlega fyrir.

Aðalfundur Golfklúbbs Mosfellsbæjar

Wed, 04 Nov 2020 15:33:00 GMT

Ágætu GM félagar.

Aðalfundur Golfklúbbs Mosfellsbæjar 2024 verður haldinn mánudaginn 2. desember næstkomandi í íþróttamiðstöðinni Klett.

Fundurinn hefst stundvíslega kl. 20:00 og er dagskrá hans sem hér segir:

1. Kosning fundarstjóra og fundaritara.

2. Skýrsla stjórnar um störf og framkvæmdir á vegum félagsins

3. Áritaðir reikningar kynntir

4. Umræður um skýrslu stjórnar og reikningar lagðir fram til samþykktar

5. Lagabreytingar

6. Rekstraráætlun komandi starfsárs kynnt

7. Ákvörðun félagsgjalda

8. Kosning stjórnar, formanns og tveggja skoðunarmanna reikninga

9. Kosning aganefndar og kjörnefndar

10. Önnur mál.

Stjórn GM.

Golfvellir loka

Sat, 31 Oct 2020 16:23:00 GMT

Ágætu GM félagar.

Nú er það orðið ljóst að golf er ekki heimilt og því höfum við lokað okkar golfvöllum.

Núgildandi sóttvarnarreglur gilda til 17. nóv og ef allt gengur vel verður hægt að fara af stað með vetrargolfið okkar þá.

Nú stöndum vil öll saman og komum þessari leiðinlegu veiru í burt.

https://www.golf.is/sottvarnalaeknir-segir-ad-oheimilt-se-ad-stunda-golf/

Framboð til stjórnar

Mon, 26 Oct 2020 10:58:00 GMT

Smellið hér til þess að sjá lög GM.

Hlíðavöllur opnar aftur

Mon, 19 Oct 2020 08:54:00 GMT

Ágætu GM félagar.

Þau gleðitíðindi bárust okkur seinnipartinn í gær að við getum farið að spila golf aftur hér á höfuðborgarsvæðinu.

Við munum því opna Hlíðavöll aftur á morgun þriðjudaginn 20. október. Við vonum svo sannarlega að veðrið verði okkur hliðhollt og við getum spilað lengra inn í veturinn.

Búið er að opna fyrir rástímabókanir á golfboxinu og því hægt að bóka rástíma. Við höfum sett upp tvær lykkjur í bókunarkerfinu okkar, þ.e. fyrri 9 og seinni 9. Þeir kylfingar sem ætla sér að spila 18 holur þurfum því að bóka sig inn á báðar lykkjurnar. Það er óheimilt að hefja leik á vellinum nema að vera með skráðan rástíma!

Golfbílar eru bannaðir!

Æfingasvæðið og æfingaflatir eru áfram lokaðar!

Vellirnir eru eingöngu opinn fyrir félagsmenn!

Við munum setja upp mottur á teigana á par 3 holunum okkar og biðjum við ykkur að nota þá þegar þær eru leiknar. Á öðrum teigum setjum við ekki út teigmerki og getið þið því valið á hvaða teigum þið leikið. Það sem við viljum hins vegar biðja ykkur um er að nota svæði á teigunum sem er lítið notuð fyrir sumartímann, það eru þá aðallega svæðin sem næst köntunum.

Það er virkilega mikilvægt að við virðum allar þær sóttvarnarreglur sem í gildi eru og munum tveggja metra regluna og komum í veg fyrir hópamyndanir.

ANDLÁT FÉLAGSMANNS - ÁSGEIR PÁLSSON

Fri, 16 Oct 2020 11:24:00 GMT

Ásgeir Pálsson félagsmaður GM til margra ára lést á Landspítalanum föstudaginn 25. september 2020. Ásgeir var virkur félagsmaður í GM og mörgum félagsmönnum af góðu kunnur. Ásgeir var afar ósérhlífinn í öllu starfi fyrir GM og var valinn félagsmaður ársins árið 2016. Ásgeir var ávalt jákvæður og duglegur í störfum sínum fyrir GM og tók að sér mörg og fjölbreytt störf.

Ásgeir var fæddur í Danmörku þann 6. júní árið 1933. Hann fluttist til Íslands árið 1956 og vann í fyrstu við hefðbundin sveitastörf áður en hann hóf að starfa hjá Álafossi þar sem hann starfaði allan sinn starfsaldur. Ásgeir var náttúruunnandi og mikill útivistarmaður og hóf árið 2002 að leika golf í Mosfellsbæ hjá golfklúbbnum Kili.

Ásgeir var hvers manns hugljúfi og sendum við aðstandendum og vinum innilegar samúðarkveðjur.

Golfvellir á höfuðborgarsvæðinu loka

Fri, 09 Oct 2020 10:58:00 GMT

Ágætu GM félagar.

Eins og flestir vita, að þá er staðan hér á höfuðborgarsvæðinu vegna Covid 19 orðin grafalvarleg.

Það eru því skýr fyrirmæli til okkar frá bæði Almannavörnum og ÍSÍ að loka okkar golfvöllum. Við leggjum að sjálfsögðu okkar af mörkum í baráttunni gegn þessari veiru og lokum okkar völlum.

Þeir kylfingar sem eiga bókaða rástíma í dag föstudag geta nýtt sér þá rástíma en lokað hefur verið fyrir bókanir. Einnig hafa allir þeir kylfingar sem áttu rástíma um helgina fengið skilboð um að þeirra rástímar falli niður.

Einnig viljum við biðla til okkar félagsmanna að bóka sig ekki á rástíma á öðrum golfvöllum í kringum höfuðborgarsvæðið og mun GSÍ óskað eftir því við þá klúbba að heimila ekki bókanir kylfinga frá höfuðborgarsvæðinu þar sem það eru skýr skilaboð frá Almannavörnum að fara ekki út fyrir höfuðborgarsvæðið.

Vallarstarfsmennirnir okkar eru þegar farnir að huga að lokun og fara í það eftir hádegi að taka inn teigmerki og svo verða stangirnar teknar inn seinni partinn í dag.

Þessi lokun gildir til og með 19. október. Við vonum svo sannarlega að við getum opnað vellina aftur þann 20. okt. En það verður bara að koma í ljós þegar nær dregur, hvort að það verði hægt, bæði vegna Covid og einnig veðurfarslega séð.

Æfingasvæðið á Hlíðavelli lokar

Thu, 08 Oct 2020 14:49:00 GMT

Eins og allir vita þá er staðan hér á höfuðborgarsvæðinu vegna Covid 19 ekki góð hefur því verið tekin sú ákvörðun að loka æfingasvæðinu á Hlíðavelli frá og með föstudeginum 9. okt. Við treystum okkur ekki til þess að tryggja það hreinlætin sem nauðsynlegt er og því lokum við svæðinu.

Kylfingum er hins vegar sjálfs vald sett að mæta með sína eigin bolta og æfa sig.

Æfingasvæðið á Hlíðavelli lokar

Thu, 08 Oct 2020 14:49:00 GMT

Nú er farið að kólna talsvert og því höfum við lokað æfingasvæðinu á Hlíðavelli fyrir veturinn. Það er því ekki lengur hægt að fá bolta úr boltavélinni.

Æfingaflatirnar eru að sjálfsögðu opnar og verða það eins lengi og veður leyfir.

Klósettinu sem staðsett er við teigana á 8. braut hefur einnig verið lokað.

Allar æfingar hjá GM falla niður þessa viku og næstu

Thu, 08 Oct 2020 11:18:00 GMT

Við höfum tekið þá ákvörðun að sýna ábyrgð og fella niður allar æfingar hjá klúbbnum þessa viku og næstu. Er þetta gert í ljósi þeirra aðstæðna sem upp eru komnar.

Við munum svo að sjálfsögðu hefja æfingar um leið og hægt er.

Breyting á rástímabókun

Wed, 07 Oct 2020 14:49:00 GMT

Nú er daginn að stytta ansi hressilega og til þess að koma áfram til móts við okkar kylfinga þá höfum við breytt bókunarkerfinu okkar á þá leið, að frá og með mánudeginum 12. okt er bara hægt að bóka 9 holur í einu. Það þýðir það, að þeir sem ætla sér að spila 18 holur þurfa að bóka sig á báðar lykkjurnar. Þessi breyting mun því detta inn í kvöld kl. 20:00 fyrir þá sem ætla að bóka sig í golf á mánudaginn.

Sumarlok - göngum vel um völlinn okkar

Tue, 06 Oct 2020 09:29:00 GMT

Nú er heldur betur farið að styttast í annan endan hjá okkur eftir þetta frábæra golfsumar. Við vonum þó svo sannarlega að við getum spilað golf eitthvað inn í veturinn og verða okkar golfvellir opnir eins lengi og hægt er vegna veðurs.

Það er virkilega mikilvægt á þessum tíma árs að ganga vel um golfvöllinn. Setja torfusnepla aftur í kylfuförin og laga boltaför á flötum. Flatirnar eru mjúkar og því talsvert af boltaförum. Það hefur því miður borið talsvert á því að fólk lagi ekki eftir sig boltaförin og er það eitthvað sem þarf að lagast. Það skiptir máli að flatirnar fari góðar inn í veturinn og það sem þið kylfingar góðir getið gert til að aðstoða er að laga boltaför.

Golfbúðin okkar lokaði síðastliiðinn sunnudag, en það verður þó hægt að fá bolta, hanska og þessháttar eitthvað lengur. Það verður enginn starfsmaður í búðinni en starfsfólkið á Blik mun aðstoða ykkur.

Golfbílar eru ennþá leyfðir á Hlíðavelli en líklegt er að þeir verði bannaðir fljótlega. Við sjáum hvernig veðrið verður næstu daga og mun það stjórna því hversu lengi þeir verða leyfðir.

Við höfum nú lokað fyrir bókanir á okkar völlum fyrir aðra en GM félaga og þar sem enginn starfsmaður er í golfbúðinni er óþarfi að koma inn til þess að staðfesta komu.

HAUSTMÓT GM OG PRÓSJOPPUNNAR - ÚRSLIT

Sun, 04 Oct 2020 18:16:00 GMT

Haustmót GM og Prósjoppunnar fór fram í dag á Hlíðavelli við góðar aðstæður. Mótið var hugsað fyrir bestu kylfinga landsins til lengingar á keppnistímabilinu.

Leikfyrirkomulag var höggleikur án forgjafar og sáust stórkostleg tilþrif á vellinum. Veitt voru verðlaun fyrir efstu 5 sætin í mótinu en úrslit urðu með eftirfarandi hætti.

1. sæti - Dagbjartur Sigurbrandsson 66 högg
2. - 5. sæti - Elvar Már Kristinsson 69 högg
2. - 5. sæti - Tómas Eiríksson Hjaltested 69 högg
2. - 5. sæti - Aron Snær Júlíusson 69 högg
2. - 5. sæti - Kristófer Karl Karlsson 69 högg

Öll úrslit mótsins má finna á eftirfarandi tengli: https://golfbox.dk/livescoring/tour/?language=1039#/competition/2657940/leaderboard

Næstur holu á 18. braut
Ísleifur Arnórsson 1,98 m

Við þökkum öllum keppendum kærlega fyrir þátttökuna og Prjósjoppunni fyrir samstarfið. Verðlaunahafar geta nálgast gjafabréf sín í Prjósjoppunni frá hádegi á þriðjudeginum, 6. október.

Lokun fyrir golfbílaumferð

Mon, 28 Sep 2020 14:51:00 GMT

Það er búið að rigna talsvert undanfarið og spáin er áfram blaut og því þurfum við því miður að loka fyrir alla golfbílaumferð frá og með þriðjudeginum 29. september.

Við munum svo að sjálfsögðu endurmeta stöðuna þegar að það hættir að rigna.

BJÖRN VIKTOR SIGURVEGARI TITLEIST UNGLINGAEINVÍGISINS

Fri, 18 Sep 2020 19:14:00 GMT

Titleist Unglingaeinvígið fór fram á Hlíðavelli í dag við góðar aðstæður. Allir bestu unglingar landsins mættu til leiks og háðu harða baráttu um titilinn. Eftir forkeppni komust eftirtaldir kylfingar í úrslitaeinvígið sem fór fram núna síðdegis.

Í úrslitunum var leikið stórkostlegt golf og að lokum var það Björn Viktor Viktorsson úr GL sem sigraði með glæsilegum fugli á lokaholu einvígisins en sigurvegarinn hlaut nýjasta driverinn frá Titleist í verðlaun, Titleist TSi.

Hérna fyrir neðan má sjá heildarúrslit mótsins

1. sæti –Björn Viktor Viktorsson, GL
2. sæti – Veigar Heiðarsson, GA
3. sæti – Tómas Eiríksson Hjaltested, GR
4. sæti – Mikael Máni Sigurðsson, GA
5. sæti – Perla Sól Sigurbrandsdóttir, GR
6. sæti – Guðjón Frans Halldórsson, GKG
7. sæti – Bjarni Þór Lúðvíksson, GR
8. sæti – Sara Kristinsdóttir, GM
9. sæti – Tristan Snær Viðarsson, GM
10. sæti – Kristín Sól Guðmundsdóttir, GM

Sigurvegarar Unglingaeinvígisins frá upphafi

Bændaglíman 2020

Thu, 17 Sep 2020 16:17:00 GMT

LEIKJANIÐURRÖÐUN - BÆNDAGLÍMA GM 2020

Hér fyrir neðan má sjá leikina sem fara fram í Bændaglímu GM 2020. ????

Leikjaniðurröðun og teigar eru birtir með fyrirvara. Skjalið verður uppfært jafn óðum ef breytingar verða. Öll forföll skal tilkynna sem fyrst á golfmos@golfmos.is svo hægt sé að gera ráðstafanir.

Smelltu hér til að skoða leikjaniðurröðunina

Titleist Unglingaeinvígið 2020

Thu, 17 Sep 2020 12:34:00 GMT

Titleist Unglingaeinvígið 2020

Titleist Unglingaeinvígið fer fram á Hlíðavelli hjá Golfklúbbi Mosfellsbæjar á morgun, föstudaginn 18. september. Allir bestu unglingar landsins hafa boðað komu sína og ljóst að hart verður barist um titilinn. Mótið er boðsmót þar sem stigahæstu kylfingum landsins á mótaröð GSÍ er boðin þátttaka. Eftirfarandi kylfingar taka þátt í Titleist Unglingaeinvíginu árið 2020:

14 ára og yngri

15-16 ára

17-18 ára

Allir aldursflokkar leika 7 holu „shootout“ í undankeppni þar sem þeir 3 kylfingar sem standa eftir komast í úrslita einvígið. Sigurvegari Titleist Unglingaeinvígisins 2019, Tómas Eiríksson Hjaltested, fær þátttökurétt beint í úrslitaeinvíginu.

Gert er ráð fyrir að úrslitaeinvígið hefjist á 1. braut um klukkan 16:00.

Unglingaeinvígið í Mos hefur farið fram hjá Golfklúbbi Mosfellsbæjar frá árinu 2005 og er þetta því í 16. sinn sem mótið fer fram.

Sigurvegarar Unglingaeinvígisins frá upphafi.

2005 – Sveinn Ísleifsson, GM
2006 – Guðni Fannar Carrico, GR
2007 – Andri Þór Björnsson, GR
2008 – Guðjón Ingi Kristjánsson, GKG
2009 – Andri Már Óskarsson, GHR
2010 – Guðrún Brá Björgvinsdóttir, GK
2011 – Ragnar Már Garðarson, GKG
2012 – Aron Snær Júlíusson, GKG
2013 – Ingvar Andri Magnússon, GR
2014 – Ingvar Andri Magnússon, GR
2015 – Björn Óskar Guðjónsson, GM
2016 – Henning Darri Þórðarson, GK
2017 – Ragnar Már Ríkarðsson, GM
2018 – Dagbjartur Sigurbrandsson, GR
2019 – Tómas Eiríksson Hjaltested, GR

VITAgolf miðvikudagsmótaröðin breytist í september

Mon, 07 Sep 2020 11:24:00 GMT

Ágætu GM félagar.

Í ljósi þess að nú er daginn farinn að stytta talsvert og því erfiðara að koma fyrir 18 holum eftir vinnu, þá ætlum við að færa VITAgolf mótaröðina, sem er núna spiluð á miðvikudögum yfir á sunnudaga. Það eru eftir fjögur mót þetta sumarið og vonandi geta þá fleiri kylfingar tekið þátt og átt möguleika á þessum glæsilegu verðlaunum :)

BÆNDAGLÍMA GM 2020

Fri, 04 Sep 2020 13:43:00 GMT

Skemmtilegasta golfmót ársins, Bændaglima GM, fer fram laugardaginn 19. september á Hlíðavelli. Ræst verður út á öllum teigum klukkan 12:30 en mæting er í Klett klukkan 11:30. Aðeins 108 kylfingar komast í mótið og ljóst að völlurinn verður þétt setinn af glöðum GM kylfingum eins og undanfarin ár.

Skráning í mótið hefst á GolfBox mánudaginn 7. september klukkan 12:00.

Eins og undanfarin ár verður keppendum skipt upp í tvö lið, rauða og bláa liðið. Bændur fyrir Bændaglímu GM 2020 verða kynntir í næstu viku!

Leikfyrirkomulag
Keppendum í Bændaglímu GM er skipt upp í tvö lið. Leikin er holukeppni með texas scramble fyrirkomulagi þar sem tveir og tveir mætast. Leiknir eru 2 leikir á sitthvorum 9 holunum og fæst einn punktur fyrir hvorn leik. Takist kylfingum að vinna báða sína leiki bætist við aukapunktur. Sá bóndi vinnur sem hlýtur fleiri punkta.

Eftir að móti lýkur verður grillveisla og verðlaunaafhending í Kletti og að verðlaunaafhendingu lokinni mun hljómsveitin Rán halda uppi stuðinu!

Rástímabókanir breytast mánudaginn 7. september

Wed, 02 Sep 2020 16:44:00 GMT

Nú er haustið farið að láta sjá sig en vellirnir okkar eru ennþá í toppstandi og vonandi verður hægt að spila golf á sumarflötum talsvert lengur :)

Þar sem það er farið að dimma snemma á kvöldin ætlum við að breyta bókunarkerfinu okkar á rástímum frá og með mánudeginum 7. september til þess að koma til móts við okkar félaga þannig að sem flestir komast í golf.

Fyrsta breytingin er sú og hefur hún nú þegar tekið gildi er að þeir kylfingar sem eru ekki í GM geta einungis bókað sig með eins dags fyrirvara.

Stærsta breytingin verður þó sú að hægt verður að bóka sig á 9 holur og þá bæði á 1. og 10. teig, seinnipart dags.

Dagarnir/rástímaskráning verða því settir svona upp:

Hlíðavöllur haustrástímaskráning - Hlíðavöllur 18 holur 08:00 - 13:50. Þeir kylfingar sem bóka sig á þessum tíma þurfa ekki að bóka sérstaklega seinni 9 holurnar vilji þeir halda áfram.

Hlíðavöllur fyrri 9. 14:00 -20:00. Þeir kylfingar sem bóka sig á þessum tíma og vilja spila 18 holur þurfa þá að bóka sig á rástíma á 10. teig (Hlíðavöllur seinni 9. 16:10 - 20:00) til þess að spila seinni 9.

Hlíðavöllur seinni 9. 16:10 -20:00.

Er það okkar von að þetta verði til þess að enn fleiri GM félagar geti notið þess að spila golf á Hlíðavelli nú á haustmánuðum.

Rástímabókanir í Bakkakoti haldast óbreyttar.

Hefnd vallarstjórans fer fram um næstu helgi

Tue, 01 Sep 2020 08:39:00 GMT

Hefnd vallarstjórans fer fram næstkomandi laugardag, 5. september. Það er frábær veðurspá fyrir daginn og því um að gera að skella sér í þetta stórskemmtilega mót :)

Mótið er leikið með texas scramble fyrirkomulagi en er annars afar óhefðbundið. Forgjöf er samanlögð leikforgjöf keppenda deilt með 3. Ekki er hægt að fá hærri Forgjöf en leikforgjöf forgjafarlægri kylfingsins. Forgjöf karla er reiknuð út frá gulum og forgjöf kvenna út frá rauðum teigum.

Er þetta þriðja árið sem þetta mót fer fram hjá okkur og í fyrra var uppselt í mótið. Það leika allir kylfingar af sömu teigum í mótinu en staðsetningar þeirra verða fjölbreyttar.

Kylfingar eru hvattir til að mæta í óhefðbundnum klæðnaði þar sem léttleiki einkennir mótið.

Almennt eru vallarstjórar GM að gera sitt besta við að auka ánægju kylfinga og gera vellina sem allra besta. Í þetta skiptið munu þeir fá frjálsar hendur að gera það sem þeim sýnist, sem er oftar en ekki að gera kylfingum erfitt fyrir.

Spilaðar verða 14 holur, þ.e. holur 1til 11 og svo 16 til 18.

Ræst verður út af öllum teigum kl. 16:00 og því mæting í síðasta lagi kl. 15:30.

Skráning fer fram í síma 5666999 eða þá með því að senda tölvupóst á afgreidsla@golfmos.is

Mótsgjald er 4.500 krónur og er innifalið í verðinu matur að leik loknum.

Vinsamlegast athugið að það er 18 ára aldurstakmark í mótið.

Breyttur opnunartími í golverslun GM

Fri, 28 Aug 2020 09:33:00 GMT

Nú erum við komin í seinni hlutann á flottu golfsumri og því aðeins farið að hægjast á hjá okkur. Við munum því breyta opnunartímanum í golfversluninni hjá okkur á Hlíðavelli frá og með næstkomandi mánudegi, 31. ágúst.

Opnunartími golfverslunarinn verður alla daga frá kl. 8:00 til 18:00.

Vegna breytts opnunartíma mun útleiga á golfbílum einnig breytast á þann hátt að engir golfbílar verða leigðir út eftir kl. 14:00 fyrir 18 holur og eftir kl. 16:00 fyrir 9 holur.

Opnunartími klúbbhússins í Bakkakoti helst óbreyttur áfram.

KRISTÓFER KARL OG MARÍA EIR ÍSLANDSMEISTARAR 2020

Mon, 24 Aug 2020 10:22:00 GMT

Í gær lauk Íslandsmóti unglinga í höggleik sem fram fór á glæsilegum Hvaleyrarvelli hjá Golfklúbbnum Keili. GM átti rúmlega 20 þátttakendur á mótinu sem stóð sig með stakri prýði.

Kristófer Karl Karlsson varð Íslandsmeistari í flokki 19-21 árs en hann lék frábært golf í mótinu. GM kylfingarnir Andri Már og Ingi Þór skipuðu sæti 2 og 3 í flokknum og áttum við því efstu 3 kylfingina. Einnig voru veitt verðlaun fyrir stigameistara ársins og varð Kristófer Karl stigameistari og Ingi Þór í 2. sæti á stigalista.

María Eir Guðjónsdóttir varð Íslandsmeistari í flokki 15-16 ára stúlkna en hún sigraði með 5 högga mun. Katrín Sól hafnaði í 3. sæti í sama flokki. María Eir varð einnig stigameistari 15-16 ára og Katrín Sól í 3. sæti á stigalista.

Kristín Sól Guðmundsdóttir varð stigameistari í flokki 17-18 ára stúlkna.

Flott mót hjá krökkunum okkar og óskum við þeim innilega til hamingju með árangurinn!

INNGÖNGUTILBOÐ 2020

Thu, 20 Aug 2020 10:33:00 GMT

Golfklúbbur Mosfellsbæjar býður nú nýja félagsmenn velkomna í GM með frábæru inngöngutilboði. Þeir sem skrá sig núna fá leikrétt út núverandi tímabili bæði á Hlíðavelli og í Bakkakoti. Þú verður félagsmaður GM strax!

Greiðsla félagsgjalds 2021 hefst í nóvember og þú getur greitt í allt að 10 greiðslum frá nóvember 2020 til ágúst 2021.

Það eru margar góðar ástæður fyrir því að vera í GM. Við leggjum afar mikið upp úr innanfélagsmótum. Við höldum glæsilega holukeppni fyrir félagsmenn með flottum verðlaunum og VÍKINGdeildin er síðan liðakeppni fyrir félagsmenn. VITAmótaröð GM er lokuð mótaröð fyrir félagsmenn GM sem er í gangi allt sumarið.

Skráðu þig í GM hérna

Hjá GM er besta aðgengi að rástímum á höfuðborgarsvæðinu. Markmið okkar er að tryggja að GM félagar komist í golf með einföldum hætti. Golfklúbbur Mosfellsbæjar býr yfir tveimur ólíkum en afar skemmtilegum vallarsvæðum. Hlíðavöllur sem hefur verið í hraðri uppbyggingu er að komast í fremstu röð 18 holu valla landsins og var leikinn á Íslandsmótinu í höggleik 2020. Bakkakot er mjög gróðursæll völlur staðsettur í Mosfellsdals og býður upp á skemmtilegar 9 holur fjarri ys og þys borgarinnar. Við erum því með tvö vallarsvæði sem ekki loka ekki á sama tíma.

Taktu ákvörðun um að ganga til liðs við skemmtilegasta golfklúbb landsins - Golfklúbb Mosfellsbæjar. Við hlökkum til að sjá þig í golfi í Mosfellsbæ strax í sumar!

Skráðu þig í GM hérna

Takmarkað framboð

Ekki er hægt að tryggja að pláss verði í klúbbnum næsta vor.

Fjölskyldutilboð GM

Þegar að báðir foreldrar barna 18 ára og yngri eru meðlimir í GM þá þurfa þeirra börn ekki að borga neitt árgjald. Þetta á einnig við einstæða foreldra sem eru einu fyrirvinnur heimilisins.

KRISTÓFER OG MARÍA ÍSLANDSMEISTARAR Í HOLUKEPPNI

Sun, 16 Aug 2020 18:38:00 GMT

Íslandsmóti unglinga í holukeppni lauk fyrr í dag á Hólmsvelli í Leiru. Yfir 150 keppendur mættu til leiks á föstudagsmorgun í 4 aldursflokkum. GM átti alls 24 keppendur í mótinu sem stóðu sig allir með stakri prýði. Hérna fyrir neðan er stiklað á helstu úrslitum okkar kylfinga.

Í flokki 14 ára og yngri stúlkna komst Eva Kristinsdóttir í undanúrslit. Eva lék um 3. sætið nú seinni partinn og eftir spennandi leik hafnaði Eva í 4. sæti. Flottur árangur hjá Evu!

Í flokki 15-16 ára stúlkna léku GM kylfingarnir Katrín Sól Davíðsdóttir og María Eir Guðjónsdóttir báðar í undanúrslitum. Þær sigruðu báðar undanúrslitaleikina sína eftir mikla spennu en báðar unnu 1/0. Þær mættust því í úrslitaleik eftir hádegið. Eftir afar jafnan og spennandi leik þar sem þær skiptust á að hafa forystuna hafði María Eir betur að lokum, 2/1. Frábært golf hjá þeim og gaman að fá hreinan GM úrslitaleik. Þess má geta að þær Berg lind Erla Baldursdóttir og Sara Kristinsdóttir komust einnig í 8 manna úrslit í þessum aldursflokki og því framtíðin björt.

Í flokki 19-21 árs drengja mættust GM kylfingarnir Ingi Þór Ólafson og Kristófer Karl Karlsson í undanúrslitum. Eftir spennandi leik sigraði Kristófer á 17. braut og lék því til úrslita. Ingi Þór lék afar spennandi leik um 3. sætið en varð að játa sig sigraðan á 18. braut, 1/0. Kristófer lék afar vel og sannfærandi í úrslitaleiknum þar sem hann endaði á að sigra á 17. braut, 2/1.

Óskum okkar kylfingum innilega til hamingju með frábæran árangur! Hegðun þeirra og framkoma var þeim og klúbbnum sínum til mikils sóma, innan og utan vallar.

Áfram GM!

Íslandsmótið í golfi hefst á fimmtudaginn

Tue, 04 Aug 2020 16:24:00 GMT

Ágætu félagar í Golfklúbbi Mosfellsbæjar.

Á meðan að á Íslandsmótinu stendur fá allir félagar í GM að leika alla þá velli sem eru innan vébanda GSÍ með 50% afslætti. Það er því um að gera að nýta þetta tækifæri og prófa einhverja af þeim fjölmörgu glæsilegu golfvöllum sem okkur stendur til boða.

Uppsetning Hlíðavallar fyrir Íslandsmótið í golfi

Mon, 03 Aug 2020 12:33:00 GMT

Ágætu GM félagar!

Nú á fimmtudaginn hefst hjá okkur á Hlíðavelli Íslandsmótið í golfi og það verður virklega gaman að sjá bestu kylfinga landsins á okkar heimavelli.

Hlíðavöllur skartar sínu fegursta þessa dagana og það verður gaman að sjá hvernig kylfingum tekst upp og vonandi sjáum við mikið af fallegum tilþrifum.

Uppsetningu vallarains hefur verið breytt aðeins. Við höfum hækkað röffslátt úr 44 mm og upp í 62 mm og einnig hefur stór hluti af þeim rauðu svæðum sem sett voru upp á vellinum til þess að hraða leik í daglegu spili verið fjarlægð.

Að móti loknu verða þessi svæði að sjálfsögðu sett upp strax aftur sem og að allur röffsláttur verður lækkaðar.

Opna Golfkúlur.is úrslit

Sun, 26 Jul 2020 21:47:00 GMT

Í dag fór fram opna Golfkúlur.is og lék veðrið við kylfinga stóran hluta dags. Það sáust mörg góð tilþrif og urðu úrslitin eftirfarandi:

1. sæti. Páll Sigurðsson og Ólafur Sverrir Jakobsson, 51 punktur

2. sæti. Jón Atli Jónsson og Guðni Þór Björnsson. 47 punktar

3. sæti. Guðmundur L Loftsson og Bergvin M Þórðarson, 46 punktar.

Nándarverðlaun hlutu eftirfarandi aðilar:

3. braut. Jóhann Jóhannesson, 79 cm.

7. braut. Ragnar Hilmarsson, 98 cm.

15. braut. Gunnar Geir. 2,23 metrar

18. braut. Finnur Eiríksson, 51 cm.

Óskum við vinningshöfum kærlega til hamingju og geta þeir nálgast sína vinninga hjá Sérmerkt, Smiðjuvegi 11 ( gul gata).

Þökkum við Golfkúlur.is kærlega fyrir stuðninginn.

Úrslitin í mótinu má sjá með því að smella hér

Íslandsmóti golfklúbba lokið

Sat, 25 Jul 2020 15:52:00 GMT

Nú er Íslandsmóti golfklúbba nýlokið og spiluðu báðar okkar sveitir um bronsið. Stelpurnar mættu GKG og úr varð hörkuleikur sem endaði þannig að María tryggði GM bronsið með stórglæsilegu pútt á þriðju holu í bráðabana og enduðu leikar því 3-2 okkur í vil. Óskum við stelpunum kærlega til hamingju með bronsið.

Strákarnir spiluðu við GR í sínum leik um bronsið og lutu þar í lægra haldi eftir góða baráttu. Leikurinn við GR tapaðist 4 -1 og fjórða sætið því raunin.

Íslandsmót golfklúbba - Lokadagur í dag

Sat, 25 Jul 2020 09:01:00 GMT

Nú er það orðið ljóst að okkar sveitir spila báðar um bronsið í dag. Kvennasveitin okkar spilaði hörkuleik við Golfklúbb Reykjavíkur sem tapaðist að lokum 4-1. Þetta var hörkuviðureign þar sem fjórir leikir af fimm fóru alla leið á 18. holu. GR konur voru sterkari á lokasprettinum og náðu því að landa sigri. Engu að síður frábær frammistaða hjá stelpunum okkar gegn sterku GR liði. Strákarnir spiluðu við Golfklúbbinn Keili og úr varð hörkuleikur sem að lokum tapaðist 3-2 þar sem úrslitin réðust á 17 holu í leiknum á milli Björns Óskars og Axels Bóassonar. Líkt og hjá stelpunum var þetta hörku viðureign gegn virkilega sterku Keilisliði og hefðu úrslitin svo sannarlega geta dottið okkar megin.

Bæði liðin hafa staðið sig virkilega vel og nú er það leikur um þriðja sætið sem okkar fólk er ákveðið í að vinna. Leikirnir fara fram á glæsilegum golfvelli Golfklúbbsins Odds og hvetjum við ykkur félagar góðir til þess að renna við og horfa á gott golf.

Smelltu hér til þess að fá allar upplýsingar um leiki dagsins og úrslit. Einnig er hægt að fylgjast með stöðunni í leikjum dagsins.

Íslandsmót golfklúbba í fullum gangi

Fri, 24 Jul 2020 14:00:00 GMT

Nú er riðlakeppninni lokið og ljóst að okkar sveitir í bæði karla og kvennaflokki eru komnar í undanúrslit. Stelpurnar okkar mættu stöllum sínum úr GKG í morgun og tapaðist sá leikur sem þýðir það að þær spila í undanúrslitinum við GR. Strákarnir mættu einnig GKG og úr varð hörkuleikur sem endaði með jafntefli. Strákarnir mæta því Golfklúbbnum Keili í undanúrslitum.

Báðir þessir undanúrslitaleikir hefjast klukkan rétt rúmlega 16:00. Stelpurnar spila hjá GKG og strákarnir í Oddi.

Óskum við þeim góðs gengist í leikjunum á eftir!

Með því að smella hér má nálgast allar upplýsingar um mótið.

Íslandsmót golfklúbba í fullum gangi

Fri, 24 Jul 2020 14:00:00 GMT

Íslandsmót golfklúbba er núna í gangi í efstu deildum karla og kvenna. Leikið er á Hlíðavelli og Korpunni.

Stelpurnar okkar hafa spilað virkilega vel og unnið alla sína leiki og leika í dag til úrslita við Golfklúbb Reykjavíkur. Sá leikur fer fram á Korpunni og hefst kl. 8:30.

Strákarnir okkar spila á Hlíðavelli í dag við Golfklúbbinn Keili í virkilega mikilvægum leik. Hefst sá leikur kl. 9:30

Hvetjum við okkar félagsmenn til þess að mæta og styðja við bakið á okkar liðum og fylgjast með virkilega flottu golfi.

Íslandsmót golfklúbba

Tue, 21 Jul 2020 08:42:00 GMT

Íslandsmót golfklúbba hefst núna á fimmtudaginn og þar eigum við í GM að sjálfsögðu okkar fulltrúa, spila bæði karla og kvennaliðið okkar í efstu deild. Það eru Golfklúbburinn Oddur og Golfklúbbur Kópavogs og Garðabæjar sem halda mótið að þessu sinni. Spilað verður fimmtudag til laugardags og hvetjum við okkar félaga til þess að kíkja í heimsókn á þessa glæsilegu golfvelli og styðja við bakið á okkar fólki.

Þeir kylfingar sem skipa sveitir GM að þessu sinni eru eftirfarandi:

Karlasveit

Andri Már Guðmundsson

Aron Skúli Ingason

Björn Óskar Guðjónsson

Ingi Þór Ólafson

Kristófer Karl Karlsson

Kristján Þór Einarsson

Ragnar Már Ríkarðsson

Sverrir Haraldsson

Liðsstjóri: Eyjólfur Kolbeins

Þjálfari: Davíð Gunnlaugsson

Kvennasveit

Arna Rún Kristjánsdóttir

Berglind Erla Baldursdóttir

María Eir Guðjónsdóttir

Nína Björk Geirsdóttir

Katrín Dögg Hilmarsdóttir

Katrín Sól Davíðsdóttir

Kristín Sól Guðmundsdóttir

Sara Kristinsdóttir

Liðsstjóri: Guðleifur Kristinn Stefánsson

Þjálfari: Dagur Ebenezersson

Óskum við okkar kylfingum góðs gengis!

Íslandsmót golfklúbba

Tue, 21 Jul 2020 08:42:00 GMT

Báðir þessir undanúrslitaleikir hefjast klukkan rétt rúmlega 16:00. Stelpurnar spila hjá GKG og strákarnir í Oddi.

Óskum við þeim góðs gengist í leikjunum á eftir!

Með því að smella hér má nálgast allar upplýsingar um mótið.

Íslandsmót golfklúbba

Tue, 21 Jul 2020 08:42:00 GMT

Íslandsmót golfklúbba er núna í fullum gangi á Hlíðavelli og á Korpunni þar sem fyrsta deild karla og kvenna er spiluð. Við eigum okkar fulltrúa þar og gekk fyrsti dagurinn bara nokkuð vel hjá okkur.

Stelpurnar unnu báða sína leiki 5 - 0 þar sem þær spiluðu virkilega gott golf. Þær hafa nú þegar tryggt sér sæti í undanúrslitum en spila núna í morgunsárið við Golfklúbb Kópavogs og Garðabæjar (GKG) hreinan úrslitaleik um sigur í riðlinum.

Strákarnir sigruðu fyrsta leikinn sinn í gær við Golfklúbb Selfoss en töpuðu seinni leiknum við GKG 3 - 2. Þeir spila því hreinan úrslitaleik við Golfklúbb Suðurnesja um sæti í undanúrslitum.

Staðan, leikir, liðsskipan og úrslit í 1. deild kvenna

Staðan, leikir, liðsskipan og úrslit í 1. deild karla

Óskum við okkar liðum góðs gengis í dag sem og öðrum keppendum og hvetjum um leið þau ykkar sem hafið tök á á kíkja á Hlíðavöll eða Korpuna og styðja við bakið á okkar fólki.

Sjálboðaliðar óskast fyrir Íslandsmótið í höggleik

Tue, 07 Jul 2020 08:32:00 GMT

Nú styttist óðum í að Golfklúbbur Mosfellsbæjar haldi í fyrsta skipti Íslandsmótið í höggleik, en það mun fara fram dagana 6 – 9 ágúst, (fimmtudag til sunnudags) á Hlíðavelli. Hér eru allir spenntir fyrir því að fá að sjá alla bestu kylfinga landsins etja kappi og er það undir okkur komið að gera þetta mót hið allra glæsilegasta.

Til að halda svona mót þurfum við í GM á sjálfboðaliðum að halda til ýmissa starfa á meðan á mótinu stendur.Það vantar m.a. framverði, aðstoð við skorskráningu, aðstoð við beina útsendingu, umferðarstjórnun og ýmisleg önnur tilfallandi störf.

Höfum við sett upp vaktaplan og miðast viðverutími hverrar vaktar við ca 4 – 5 klukkustundir.

Þeir kylfingar í Golfklúbbi Mosfellsbæjar sem hafa áhuga á því að aðstoða okkur eru vinsamlegast beðnir um að senda tölvupóst á Ágúst, agust@golfmos.is

Í tölvupóstinum biðjum við ykkum um að taka fram hvaða dag/daga ( 6 - 9 ágúst) þið hafið tök á að koma og þá hvort þið komist fyrir eða eftir hádegi.

Allir þeir sjálfboðaliðar sem aðstoða okkur við Íslandsmótið munu fá boð í skemmtilegt golfmót sem haldið verður eingöngu fyrir sjálfboðaliða Íslandsmótsins.Mun það fara fram í lok ágúst eða byrjun september og verður dagsetningin auglýst nánar síðar.

Við vonum svo sannarlega að sem flestir sjái sér fært að aðstoða okkur og gera þetta Íslandsmót hið allra glæsilegasta!

Meistaramót GM 2020

Mon, 06 Jul 2020 10:57:00 GMT

Í síðustu viku fór fram meistaramót Golfklúbbs Mosfellsbæjar. Það var metþáttaka í mótinu, tæplega 250 kylfingar sem tóku þátt að þessu sinni. Veðrið var heilt yfir bara ansi gott og Hlíðavöllur skartaði sínu allra fegursta.

Klúbbmeistari kvenna er Nína Björk Geirsdóttir og spilaði hún frábært golf alla dagana. Kristófer Karl Karlsson er klúbbmeistari karla, hann tryggði sér sigurinn í umspili á móti Sverri Haraldssyni. Spiluðu þeir báðir frábært golf og það var virkilega gaman að fylgjast með þeirra baráttu á lokdegi mótsins.

Óskum við Nínu og Kristófer innilega til hamingju með sigurinn.

Hér að neðan má sjá verðlaunahafa í öllum flokkum:

Öldungaflokkur 70 ára og eldri karlar

Öldungaflokkur kvenna 50+

Öldungaflokkur kvenna 50+ með forgjöf

Öldungaflokkur karla 50+

Öldungaflokkur karla 50+ með forgjöf

5 Flokkur karla

4 flokkur karla

3 flokkur kvenna

3 flokkur karla

2 flokkur kvenna

2 flokkur karla

1 flokkur kvenna

1 flokkur karla

Meistaraflokkur kvenna

Meistaraflokkur karla

Hér má sjá verðlaunahafa meistaramóts GM árið 2020.

Við óskum öllum verðlaunahöfum innilega til hamingju og þökkum öllum þátttakendum fyrir og að gera þetta mót jafn skemmtilegt og glæsilegt og það er :)

Rástímar klárir fyrir lokadag meistaramóts GM 2020

Fri, 03 Jul 2020 21:25:00 GMT

Nú hafa rástímar morgundagsins verið birtir og þá má sjá hér

Allir keppendur hafa fengið sendan tölvupóst með upplýsingum um sinn rástíma sem og skorkóða.

Stöðuna í mótinu má sjá með því að smella hér

Lokahóf meistaramóts GM

Fri, 03 Jul 2020 13:04:00 GMT

Lokadagur í meistaramóti á morgun og við munum enda á glæsilegu lokahófi.

Það eru ennþá sæti laus í lokahófið á morgun og því geta þeir makar sem áhuga hafa á að kíkja með skráð sig.

Síðustu kylfingarnir verða ræstir út á morgun í kringum 13:30 og þvi ættu þau að vera að ljúka leik í kringum 17:30 til 18:00.

Við hvetjum alla GM félaga til að mæta upp á Hlíðavöll á morgun og fylgjast með okkar bestu kylfingum spila golf og gaman væri að fá sem flesta og skapa skemmtilega stemmningu.

Golfskálinn verður að sjálfsögðu opinn og nóg pláss á svölunum sem og í nýja salnum okkar á neðri hæðinni sem verður tekinn í notkun á morgun. Húsið mun opna formlega fyrir lokahófið kl. 18:00 og áætlað er að borðhald hefjist í kringum 19:00. Að verðlaunaafhendingu lokinni sláum við upp góðu partýi með góðu glensi og söng. Skemmtiatriðin og tónlistin á morgun verður án nokkurs vafa frábær, en það eru tónlistamennirnir og skemmtikraftarnir Andri Ívars og Eyþór Ingi sem halda upp stuðinu.

Líkt og undanfarin ár hefur verið skemmtilegt hattaþema í gangi á lokadegi og er kylfingar hvattir til að taka þátt í því. Þess má geta að meistaraflokkarnir okkar ætla að taka þetta skrefinu lengra og mæta í gamaldags golffötum. Væri gaman ef einhverjir kylfingar verði með í því :)

Úrslit í meistaramóti barna og unglinga

Fri, 03 Jul 2020 07:50:00 GMT

Í gær fór fram lokahóf meistaramóts barna og unglinga.

Úrslit í flokkunum urðu eftirfarandi:

10 ára og yngri stelpur

1. sæti - Sigrún Erla Baldursdóttir

10 ára og yngri strákar

1. sæti - Ásgeir Páll Baldursson

2. sæti - Steinar Kári Jónsson

3. sæti - Tómas Ingi Bjarnason

11 - 12 ára strákar

1. sæti - Ásþór Sigur Ragnarsson

2. sæti - Grétar Logi Gunnarsson Bender

11 - 12 ára stelpur

1. sæti - Elísa Rún Róbertsdóttir

2. sæti - Birna Steina Bjarnþórsdóttir

3. sæti - Elísabet Jónsdóttir

13 - 14 ára drengir

1. sæti - Leó Róbertsson

2. sæti - Hrafnkell Logi Reynisson

3. sæti - Arnar Dagur Jónsson

13 - 14 ára stúlkur

1. sæti - Eva Kristinsdóttir

2. sæti - Heiða Rakel Rafnsdóttir

3. sæti - Dagbjört Erla Baldursdóttir

15 - 16 ára stúlkur

1. sæti - Sara Kristinsdóttir

2. sæti - Berglind Erla Baldursdóttir

3. sæti - Eydís Arna Róbertsdóttir

Óskum við vinningshöfum innilega til hamingju sem og öllum keppendum, það stóðu sig allir virkilega vel :)

Búið að birta rástíma fyrir föstudag

Thu, 02 Jul 2020 21:09:00 GMT

Nú hafa rástímar fyrir morgundaginn verið birtir og allir keppendur fengið sína rástíma ásamt skorkóða senda til sín í tölvupósti.

Rástíma morgundagsins má nálgast með því að smella hér

Það voru ansi mörg falleg og góð golfhögg slegin í dag og margir kylfingar að spila gott golf í blíðunni í dag, en veðrið lék svo sannarlega við kylfinga!

Stöðuna í mótinu ná sjá hér

Þriðji dagur meistaramotsins að kveldi kominn

Wed, 01 Jul 2020 21:47:00 GMT

Nú stendur meistaramótið okkar sem hæst og hófu fjölmargir flokkar leik í dag, þar á meðal meistaraflokkarnir okkar.

Stöðuna í mótinu má sjá með því að smella hér

Nú hafa verið birtir rástímar fyrir þá flokka sem spila á morgun, fimmtudaginn 2. júlí. Einnig hafa allir fengið sendan tölvupóst með upplýsingum um sinn rástíma á morgun.

Meistaramótið í fullum gangi

Tue, 30 Jun 2020 17:53:00 GMT

Nú hafa yngstu krakkarnir okkar lokið leik í meistaramótinu þetta árið og stóðu þau sig virkilega vel.

Í flokki stelpna 10 ára og yngri var það Sigrún Erla Baldursdóttir sem sigraði og hjá strákunum voru úrslitinin eftirfarandi:

Hjá 11 – 12 ára strákum var það hann Ásþór Sigur Ragnarsson sem hafði sigur úr býtum og Grétar Logi Bender lenti í öðru sæti.

Hjá 11 – 12 ára stelpum voru úrslitin eftirfarandi:

Það var virkilega gaman að sjá hversu vel krakkarnir okkar stóðu sig og voru mörg þeirra að stíga sín fyrstu skref í golfmótum og stóðu sig eins og hetjur og framtíðin er björt hjá okkur í GM ????

Nú er búið að birta rástíma fyrir morgundaginn, þriðjudaginn 1. júlí hjá öllum flokkum nema 3. Flokki karla og ættu alli að hafa fengið sendan tölvupóst með sínum rástíma.Rástímarnir hjá 3. flokk verða birtir þegar síðustu kylfingar dagsins koma í hús.

Stöðuna hjá krökkunum 16 ára og yngri má finna með því að smella hér

Stöðuna í mótinu má finna með því að smella hér

ÍSLANDSMÓT GOLFKLÚBBA Í UNGLINGAFLOKKUM

Mon, 29 Jun 2020 10:05:00 GMT

Íslandsmót golfklúbba í unglingaflokkum fór fram um liðna helgi. Leikið var í tveimur aldursflokkum, 15 ára og yngri á Akranesi og 18 ára og yngri á Hellu. Við hjá GM áttum 4 sveitir í mótinu sem stóðu sig með stakri prýði.

Í flokki 15 ára og yngri áttum við tvær stúlknasveitir. A sveit GM lauk leik í 2. sæti í mótinu eftir úrslitaleik gegn GR. B sveit GM lauk leik í 8. sæti. Frábær frammistaða hjá stúlkunum og framtíðin björt.

Á Hellu í flokki 18 ára og yngri áttum við eina stúlkusveit og eina drengjasveit. Stúlknasveitin lék vel í mótinu og hafnaði í 3. sæti. Drengirnir stóðu sig einnig vel og enduðu í 8. sæti.

Sveitir GM voru bæði sjálfum sér og klúbbnum sínum til mikils sóma alla helgina. Framkoma þeirra innan og utan vallar var til fyrirmyndar og eiga þau hrós skilið fyrir góða frammistöðu. Foreldrum og öðrum sem voru okkar keppendum til aðstoðar um helgina þökkum við fyrir sitt framlag.

Áfram GM!

Sveitir GM voru skipaðar eftirfarandi kylfingum

U15 - A

Ásdís Eva Bjarnadóttir
Berglind Erla Baldursdóttir
Dagbjört Erla Baldursdóttir
Eydís Arna Róbertsdóttir
Heiða Rakel Rafnsdóttir
Sara Kristinsdóttir

Liðsstjóri: Dagur Ebenezersson

U15 - B

Ásdís Rún Hrafnhildardóttir
Dóra Þórarinsdóttir
Eva Kristinsdóttir
Ísabella Björt Þórsdóttir
María Rut Gunnlaugsdóttir
Rakel Ósk Kjartansdóttir

Liðsstjóri: Grétar Eiríksson

U18 - KK

Arnór Daði Rafnsson
Aron Ingi Hákonarson
Alexander Aron Tómasson
Helgi Freyr Davíðsson
Tristan Snær Viðarsson
Oliver Thor Hreiðarsson

Liðsstjóri: Davíð Gunnlaugsson

U18 - KVK

Katrín Sól Davíðsdóttir
Kristín Sól Guðmundsdóttir
María Eir Guðjónsdóttir
Jana Ebenezersdóttir

Liðsstjóri: Davíð Gunnlaugsson

ÍSLANDSMÓT GOLFKLÚBBA Í UNGLINGAFLOKKUM

Mon, 29 Jun 2020 10:05:00 GMT

Íslandsmót golfklúbba í unglingaflokkum fór fram um liðna helgi. Leikið var í flokki 18 ára og yngri á frábærum Garðavelli á Akranesi og í flokkum 15 ára og yngri á Strandarvelli á Hellu.

GM átti í heildina 5 keppnissveitir í mótinu og stóðu þær sig allar með stakri prýði.

Í flokki 18 ára og yngri varð stúlknasveit GM Íslandsmeistari golfklúbba eftir frábæra frammistöðu. Sveit GM sigraði alla sína leiki og lyfti Íslandsmeistarabikarnum verðskuldað.

Piltasveit GM 18 ára og yngri lék einnig vel og sigraði að lokum Golfklúbb Akureyrar í leik um 3. sætið

Í flokki 15 ára og yngri léku tvær stúlknasveitir fyrir GM og ein drengjasveit. A sveit stúlkna lék til úrslita gegn sterku liði GR. Úrslitaleikurinn var afar spennandi en GR sigraði að lokum, 2-1. Frábær frammistaða hjá okkar stúlkum.

Stúlknasveit B stóð sig afar vel en þar voru sumar að stíga sín fyrstu skref í Íslandsmóti golfklúbba. Þær höfnuðu að lokum í 7. sæti og sigruðu í C riðli.

Lið drengja 15 ára og yngri hafnaði í 8. sæti af alls 15 sveitum. Flott frammistaða sem þeir byggja á til framtíðar.

Óskum okkar kylfingum til hamingju með glæsilegan árangur!

Meistaramót GM hefst næstkomandi mánudag

Wed, 24 Jun 2020 16:12:00 GMT

Næstkomandi mánudag hefst meistaramót GM og því líkur svo laugardaginn 4. júlí með lokahófi og verðlaunaafhendingu.

Það er virkilega góð þátttaka og þegar þetta er skrifað hafa 210 GM félagar skráð sig til leiks. Hlíðavöllur er í virkilega flottu standi þessa dagana og vonandi verða veðurguðirnir okkur hliðhollir þessa viku :)

Í þessum tengli hér til hliðar má sjá áætlaða leikdaga og rástímar meistaramót 2020 - áætlaðir rástímar.pdf

Rástímar fyrir mánudaginn 29. júní verða birtir sunnudaginn 28. júní.

Við munum svo enda meistaramóts vikuna á lokahófi og verðlaunaafhendingu. Lokahóf Meistaramótsins er eitt skemmtilegasta kvöld ársins í félagsstarfi GM. Matseðill lokahófsins er glæsilegur:

Forréttur: Tapasréttir
Aðalréttur: Nautalund

Eftirréttur: Kaffi og góðgæti með.

Verð í lokahóf
Fyrir keppendur: 2.000 kr
Fyrir maka og gesti: 6.200 kr

Skráning og sala miða í lokahóf fer fram samhliða greiðslu mótsgjalds á fyrsta keppnisdegi hvers flokks. Þar sem að keppendalistinn er ansi langur þá verður ekki hægt að kaupa miða fyrir maka og/eða gesti fyrr en fimmtudaginn 2.júlí.

Sökum þeirra reglna sem eru í gangi núna vegna Covid-19 er okkur óheimilt að hafa Blik opið lengur en til kl. 23:00 og því munum við breyta aðeins af vananum og munu okkar bestu kylfingar vera að klára leik um kl. 17:30 og áætlum við að borðhald hefjist ekki seinna en 19:30.

Að lokinni veislu verður svo lifandi tónlist og fleira skemmtilegt :)

Meistaramót GM - skráning í fullum gangi

Thu, 18 Jun 2020 13:10:00 GMT

Nú er heldur betur farið að styttast í meistaramótið hjá okkur en það fer fram dagana 29. júní til 4. júlí. Skráning er í fullum gangi og fer hún fram á golf.is. Skráningin hefur farið vel af stað og vonandi sjá sem flestir félagsmenn sér fært að vera með í okkar frábæra meistaramóti sem er ávallt hið glæsilegasta.

Allar nánari upplýsingar um mótið og skiptingu flokka má sjá hér

Hlökkum til að sjá ykkur í meistaramótinu :)

Skráningu líkur föstudaginn 26. júní kl. 20:00

Meistaramót GM - Skráning í fullum gangi

Thu, 18 Jun 2020 13:10:00 GMT

Ágætu GM félagar.

Skráning í meistaramótið okkar er núna í fullum gangi og gengur vel. Skráningin er opin til hádegis á föstudaginn 30. júní.

Skráning fer fram í golfboxinu. Í hlekknum hér að neðan eru allar upplýsingar um meistaramótið.

Meistaramót GM

Laugardaginn 8. júlí verður haldið glæsilegt lokahóf. Við ætlum aðeins að breyta til og hafa standandi veislu með frábærum mat. Hér að neðan má sjá matseðilinn:

Oriental - risarækjur tempura - vorrúllur - Kjúklingaspjót soyja - Sweet chilli og hoisin sósa

Steikar - nautasteik með chilli-bernais - Kalkúnn chimmichurry - Smælki kartöflur - Mini pulled pork borgarar

Ítalía - ostabakki og skinkur - Bruchetta með tómötum og mozzarella

Desert - brownie með saltkaramelu og stökkum hrískúlum - Makkarónur - Karamelubollur fylltar með vanillukremi

Þegar þið gangið frá skráningu í mótið þá merkið þið einnig við hvort þið ætlið að koma í lokahófið. Kostar það 2.000 krónur aukalega.

Makar og aðrir gestir eru velkomin og kostar 6.000 kr per gest í mat og ball. Skráning maka/gesta fer fram í gegnum golfmos@golfmos.is

Hljómsveitin Króm mun svo leika fyrir dansi og halda upp geggjuðu stuði :)

Hjóna og paramót GM

Tue, 16 Jun 2020 14:15:00 GMT

Föstudaginn 26. júní mun kvennanefnd GM standa fyrir glæsilegu hjóna og paramót sem fram fer á Hlíðavelli. Fyrirkomulag mótsins er tveggja manna texas scramble. Ræst verður út af öllum teigum samtímis kl. 17:00. Það er því mæting í íþróttamiðstöðina Klett ekki síðar en 16:15.

Mótsgjald er 6.000 krónur á kylfing og er innifalið í því glæsilegt hlaðborð að móti loknu.

Hámarksforgjöf í mótið er 28 hjá konum og 24 hjá körlum.

Það eru einvörðungu konur í GM sem hafa þátttökurétt í mótinu ásamt sínum mökum, (makar mega koma úr öðrum klúbbum.

Það er því miður ekki hægt að skrá sig í móti í gegnum golfboxið og því fer skráning fram í síma 5666999.

Skráning opnar miðvikudaginn 17. júní kl. 08:00. Hér má sjá þá rástíma sem í boði eru.

Vitagolf mótaröðin og GM ferð næsta vor til Valle del Este

Tue, 09 Jun 2020 11:32:00 GMT

Golfklúbbur Mosfellsbæjar kynnir til leiks nýja og glæsilega mótaröð sem leikin verður í sumar á Hlíðavelli, VITAgolf mótaröðin.

Allir félagar í GM hafa þátttökurétt og er fyrirkomulagið þannig að hægt er að spila í mótaröðinni alla miðvikudaga í sumar til loka septembers, ( að þremur miðvikudögum undanskildum, 17, júní, 1. júli og 5. ágúst). Kylfingar tilkynna sig til leiks í golfbúðinni hjá okkur og greiða þáttökugjald sem er aðeins 1.000 krónur per hring. Það eru svo fjórir bestu hringir sumarsins sem telja hjá viðkomandi kylfing. Það þarf því að spila að lágmarki 4. miðvikudaga til þess að vera gjaldgeng/ur í mótið.

Keppt er í tveimur flokkum í punktakeppni, flokki karla og flokki kvenna og er hámarksforgjöf gefin 36 í báðum flokkum.

Verðlaunin í VITAgolf mótaröðinni eru stórglæsilegt, þeir kylfingar sem spila best í hvorum flokki fyrir sig fá sæti í vorferð GM sem farin verður næsta vor.

Nú ætlum við GM félagar að skella okkur saman í stórglæsilega golfferð til Valle del Este vorið 2021. Stefnum við á að fara í 10 daga golfferð dagana 12 -22 apríl 2021. Valle del Este er stórglæsilegt golfsvæði og hlökkum við mikið til að fara með stóran hóp GM félaga á þennan glæsilega stað. Ferðin sjálf verður nánar auglýst seinna í sumar en við höfum tekið frá 60 pláss fyrir okkar félaga.

Þannig að endilega takið þessar dagsetningar frá :)

Þeir kylfingar sem hafa áhuga á því að fara með okkur í þessa ferð geta forskráð sig með því að senda tölvupóst á agust@golfmos.is.

Með því að smella hér , má nálgast nánari upplýsingar um Valle del Este. Smellið hér til að sjá hótelið!

Skechers mótið - Úrslit

Mon, 01 Jun 2020 15:38:00 GMT

Fyrsta mótinu á barna og unglingamótaröð GSÍ, Skechers mótinu, lauk í gær á Hlíðavelli. Alls tóku 140 börn og unglingar þátt í mótinu og léku listir sínar á Hlíðavelli yfir 3 keppnisdaga. Erfiðar og krefjandi aðstæður voru á fyrsta keppnisdegi en ágætis veður bæði á laugardag og sunnudag.

Við þökkum Skechers kærlega fyrir stuðninginn og keppendum mótsins fyrir þátttökuna.

Úrslit mótsins voru eftirfarandi:

Drengir 14 ára og yngri

1. Markús Marelsson GÁ -1
2. Skúli Gunnar Ágústsson GA +3
3. Veigar Heiðarsson GA +14

Stúlkur 14 ára og yngri

1. Perla Sól Sigurbrandsdóttir GR +9
2. Helga Signý Pálsdóttir GR +22
3. Karen Lind Stefánsdóttir GKG +28

Drengir 15-16 ára

1. Dagur Fannar Ólafsson GKG +8
2. Heiðar Snær Bjarnason GOS +11
T3. Jóhannes Sturluson GKG +16

Stúlkur 15-16 ára

1. Nína Margrét Valtýsdóttir GR +18
2. María Eir Guðjónsdóttir GM +19
3. Katrín Sól Davíðsdóttir GM +27

Drengir 17-18 ára

1. Breki Gunnarsson Arndal GKG +16
2. Björn Viktor Viktorsson GL +17
3. Arnór Daði Rafnsson GM +24

Stúlkur 17-18 ára

1. Kristín Sól Guðmundsdóttir GM +43
2. Ásdís Valtýsdóttir GR +47
3. Marianna Ulriksen GK +68

Drengir 19-21 árs

1. Kristófer Karl Karlsson GM Par
2. Ingi Þór Ólafson GM +4
3. Daníel Ísak Steinarsson +16

Stúlkur 19-21 árs

1. Heiðrún Anna Hlynsdóttir GOS +18
2. Inga Lilja Hilmarsdóttir GK +65
3. Jóna Karen Þorbjörnsdóttir GK +81

STAÐAN FYRIR LOKAHRINGINN Á SKECHERS ECCO UNGLINGAMÓTINU

Sun, 31 May 2020 12:31:00 GMT

Alls eru 136 kylfingar í 8 flokkum í Skechers Ecco Unglingamótinu sem fer fram á Hlíðavelli. Elstu tveir aldursflokkarnir hófu leik á föstudag og leika 54 holur en aðrir flokkarhófu leik á laugardag og spila 36 holur.

Lokahringurinn fer fram í dag en aðstæður eru góðar. Fyrsta dag mótsins var mikið rok og skúrir inni á milli en töluvert betra verður var á laugardeginum þrátt fyrir smá blástur.

Verðlaunaafhending verður í Kletti, íþróttamiðstöðinni á Hlíðavelli, í hverjum aldursflokki eftir að keppendur ljúka leik.

Glæsilegt rafmagnshlaupahjól frá Skechers / Ecco verður dregið úr skorkortum allra leikmanna Skechers Ecco mótsins og keppenda á Áskorendamótaröðinni sem fór fram í gær, laugardag, á Bakkakoti. Við munum tilkynna sigurvegara rafmagnshlaupahjólsins í kvöld á Facebook síðu Golfklúbbs Mosfellsbæjar.

Staðan fyrir lokahringinn er eftirfarandi en einnig má sjá stöðu mótsins á Golfbox með því að smella hér :

14 ára og yngri drengir:

1. Markús Marelsson 73

2. Skúli Gunnar Ágústsson 74

3. Hjalti Kristján Hjaltason 81

14 ára og yngri stúlkur:

1. Perla Sól Sigurbrandsdóttir 78

2. Helga Signý Pálsdóttir 86

3.-4. Fjóla Margrét Viðarsdóttir 89

3.-4. Karen Lind Stefánsdóttir 89

15-16 ára drengir:

1. Ísleifur Arnórsson 78

2. Gunnlaugur Árni Sveinsson 80

3.-6. Dagur Fannar Ólafsson 81

3.-6. Alexander Aron Tómasson 81

3.-6. Jóhannes Sturluson 81

3.-6. Arnór Már Atlason 81

15-16 ára stúlkur:

1. Katrín Sól Davíðsdóttir 84

2.-3. María Eir Guðjónsdóttir 85

2.-3. Nína Margrét Valtýsdóttir 85

17-18 ára drengir:

1. Björn Viktor Viktorsson 84 73 = 157

2. Breki Gunnarsson Arndal 80 78 = 158

3.-4. Hjalti Hlíðberg Jónasson 81 81 = 162

3.-4. Jón Þór Jóhannsson 84 78 = 162

17-18 ára stúlkur:

1. Ásdís Valtýsdóttir 95 78 = 173

2. Kristín Sól Guðmundsdóttir 91 91 = 182

3. Marianna Ulriksen 108 89 = 197

19-21 ára drengir:

1. Kristófer Karl Karlsson 76 69 = 146

2. Ingi Þór Ólafson 80 70 = 150

3. Daníel Ísak Steinarsson 87 70 = 157

19-21 ára stúlkur:

1. Heiðrún Anna Hlynsdóttir 83 78 = 161

2. Inga Lilja Hilmarsdóttir 97 95 = 192

3. Jóna Karen Þorbjörnsdóttir 117 88 = 205

ÚRSLIT ÚR ÁSKORENDAMÓTI BARNA OG UNGLINGA Í BAKKAKOTI

Sun, 31 May 2020 08:00:00 GMT

Í gær, föstudaginn 30. maí, fór fram fyrsta áskorendamót ársins og var þátttaka góð þar sem 54 kylfingar léku Bakkakot í fínu veðri. Mótið var tvískipt en sumir léku 18 holur á meðan aðrir léku 9 holur. Eftir mótið var pylsuveisla og verðlaunaafhending en úrslit í hverjum flokki eru eftirfarandi:

Úrslitin í 18 holu mótinu:

14 ára og yngri drengir

1. Andri Erlingsson 80

2. Stefán Jökull Bragason 82

3. Nói Árnason 85

14 ára og yngri stúlkur

1. Helga Grímsdóttir 101

2. Eva Fanney Matthíasdóttir 103

3. Elva María Jónsdóttir 112

15-18 ára drengir

1. Þorbjörn Egill Óskarsson 140

Úrslitin í 9 holu mótinu:

10 ára og yngri drengir

1. Ingimar Jónasson 41

2. Björn Breki Halldórsson 51

3. Tómas Ingi Bjarnason 54

10 ára og yngri stúlkur

1. Eiríka Malaika Stefánsdóttir 69

2. Tinna Sól Björgvinsdóttir 85

12 ára og yngri drengir

1. Arnar Gunnarsson 42

2. Arnar Ingi Elíasson 47

3. Arnar Bjarki Ásgeirsson 49

12 ára og yngri stúlkur

1. Margrét Jóna Eysteinsdóttir 53

2. Erna Steina Eysteinsdóttir 54

3. Elín Anna Viktorsdóttir 55

Úrslitin í heild sinni í 18 holu mótinu má finna hér .

Úrslitin í heild sinni í 9 holu mótinu má finna hér .

VIÐHALD Á FLÖTUM HLÍÐAVALLAR

Thu, 28 May 2020 11:02:00 GMT

Þriðjudaginn 2. júní munu flatirnar á Hlíðavelli verða létt gataðir, ásamt því að sáð verður í þær og þær að lokum sandaðar. Þetta er aðgerð sem er nauðsynleg og mun hjálpa okkur í að halda flötunum góðum og heilbrigðum ásamt því að bæta þau svæði sem bæta þarf. Mun þessi vinna taka stóran hluta dagsins og biðjum við kylfinga um að sýna vallarstarfsmönnunum okkar tillitsemi þannig að vinnan gangi hratt og örugglega. Kylfingar munu finna aðeins fyrir því á flötunum að þessi vinna hefur átt sér stað en það ætti bara að vara í ca 2 - 3 daga.

VIÐHALD Á FLÖTUNUM Á HLÍÐAVELLI

Thu, 28 May 2020 07:55:00 GMT

FORKEPPNI TITLEIST HOLUKEPPNINNAR FRAMLENGD TIL 28. MAÍ

Tue, 26 May 2020 13:03:00 GMT

Forkeppnin fyrir Titleist holukeppnina 2020 hefur verið framlengd til fimmtudagsins 28. maí. Skorkort eru seld í afgreiðslu GM og fá sigurvegarar í karla- og kvennaflokki sérmerktan Titleist staff poka með nafni og GM merki.

Við hvetjum félagsmenn til að nýta frestinn og skrá sig í Titleist holukeppnina.

Nánari upplýsingar má finna hér .

HAPPY CAMPERS ÚRSLIT

Mon, 25 May 2020 08:11:00 GMT

Í dag fór fram Opna Happy Campers golfmótið hjá okkur á Hlíðavelli. Veðurguðirnir voru ekki í sínu besta skapi og voru aðstæður nokkuð erfiðar. Það voru engu að síður fjölmargir kylfingar sem létu veðrið ekki stoppa sig og þökkum við þeim öllum kærlega fyrir komuna. Keppnin var virkilega spennandi og voru þrjú efstu liðin öll jöfn á 66 höggum nettó og því þurfti að reikna til baka.

Úrslit mótsins urðu eftirfarandi:

1. Sæti – Tómas Hallgrímsson og Gunnar Stefán Jónasson.

2. Sæti – Haukur Lárusson og Arnar Freyr Reynisson.

3. Sæti. – Stuart Mitchinson og Harpa Sigmundsdóttir.

Næst holu á 3. braut – Sigurður Sveinsson, 73 cm
Næst holu á 7. braut – Haukur Bragason, 34 cm
Næst holu á 15. braut - Hlín Hólm, 1,31 metri.
Næst holu á 18. braut - Björgvin Hólmgeirsson, 73 cm.

Lengsta upphafshögg á 8. Braut – Stefán Þ. Steindórsson

Óskum við vinningshöfum innilega til hamingju, geta þeir nálgast vinningana á skrifstofu GM frá og með kl. 12:00 á morgun mánudag 25. maí.

Að lokum þökkum við Happy Campers kærlega fyrir að vera með okkur í þessu móti ????

ÍSAM HEIMSLISTAMÓTIÐ - ÚRSLIT

Sun, 17 May 2020 20:54:00 GMT

Það voru þau Guðrún Brá Björgvinsdóttir og Andri þór Björnsson sem stóðu uppi sem sigurvegarar á ÍSAM heimslistamótinu sem fram fór núna um helgina á Hlíðavelli hjá Golfklúbbi Mosfellsbæjar.

Mótið var æsispennandi bæði í karla og kvennaflokki. Andri Þór Björnsson úr Golfklúbbi Reykjavíkur sigraði karlaflokkinn með eins höggs mun eftir æsispennandi lokaholur, lék Andri hringina þrjá á fjórum höggum undir pari. Dagbjartur Sigurbrandsson , Golfklúbbi Reykjavíkur, varð í örðu sæti, einu höggi á eftir Andra. Það voru svo heimamennirnir Kristófer Karl Karlsson og Björn Óskar Guðjónsson sem urðu jafnir í þriðja sæti einu höggi á eftir Dagbjarti.

Í kvennaflokki var mikil spenna og léku þær Guðrún Brá Björgvinsdóttir úr Golfklúbbnum Keili og Ólafía Þórunn Kristinsdóttir úr Golfklúbbi Reykjavíkur virkilega gott golf og svo fór að eftir 54 holur var staðan jöfn, þar sem þær léku báðar á tveimur höggum undir pari. Þær fóru því í bráðabana og það þurfti sex holur í viðbót til þess að knýja fram úrslit. Það var Guðrún Brá sem stóð uppi sem sigurvegari þegar hún náði sér í par á sjöttu holu bráðabanans. Í þriðja sæti varð svo Ragnhildur Kristinsdóttir úr Golfklúbbi Reykjavíkur, lék hún hringina þrjá á tíu höggum yfir pari.

Óskum við verðlaunahöfum innilega til hamingju með árangurinn.

NÝTT VALLARMET Á HLÍÐAVELLI

Sun, 17 May 2020 13:52:00 GMT

Nú um helgina fer fram ÍSAM mótið á Heimslistamótaröðinni í golfi. Allir bestu kylfingar landsins eru mættir til leiks og það var spilað frábært golf í blíðunni í gær. Guðrún Brá Björgvinsdóttir úr golfklúbbnum Keili spilaði stórkostlegt golf á fyrri 18 holunum í gær og setti nýtt vallarmet af bláum teigum þegar hún lék á 68 höggum. Vallarmetið hafði staðið óhreyft frá því að Nína BJörk Geirsdóttir setti það árið 2015.

Óskum við Guðrúnu til hamingju með nýja vallarmetið!

OPNUN BAKKAKOTS

Thu, 14 May 2020 12:00:00 GMT

Nú er komið að því að við opnum Bakkakotið þetta sumarið. Opnunardagurinn verður laugardagurinn 16. maí. Búið er að opna fyrir rástímabókun á golfboxinu.

Veitingasalan upp í Bakkakoti opnar að fullu þann 5. júní en fram að þeim tíma verður opnunartími skála aðallega seinnipart dags og um helgar. Verður það auglýst nánar síðar.

Staðan á vellinum í Bakkakoti er heilt yfir nokkuð góð. Það eru þó tvær flatir sem þurfa aðeins lengri tíma til að ná sér og verða því tvær vetrarflatir til að byrja með.

Opnun Bakkakots

Thu, 14 May 2020 12:00:00 GMT

Bakkakotið opnar næstkomandi laugardag, 8. maí. Búið er að opna fyrir rástímaskráningar fyrir meðlimi inn á golfboxinu. Við munum svo opna á bókanir fyrir aðra en meðlimi kl. 14:00 á morgun föstudag.

ÚRSLIT ÚR OPNA ECCOMÓTINU

Sun, 10 May 2020 13:26:00 GMT

Fyrsta golfmót sumarsins hjá Golfklúbbi Mosfellsbæjar fór fram í gær við góðar aðstæður. Það var virkilega góð þátttaka í mótinu eða rétt um 200 manns og þökkum við öllum kærlega fyrir komuna og vonum svo sannarlega að allir hafi skemmt sér vel.

Fjölmargir kylfingar spiluðu frábært golf og sáust mörg glæsileg tilþrif.

Úrslit mótsins urður eftirfarandi:

Punktakeppni:

1. sæti - Einar Gústavsson, 44 punktar

2. sæti - Ásgeir Þór Árnason, 41 punktur

3. sæti - Halldór Magni Þórðarson, 40 punktar.

Höggleikur:

1. sæti - Ólafur Björn Loftsson, 64 högg.

2. sæti - Andri Þór Björnsson, 66 högg

3. sæti - Haraldur Franklín Magnús, 69 högg.

Nándarverðlaun:

3. braut - Andri Þór Björnsson. 64 cm.

7. braut - Ingvar H Ágústsson, 43 cm.

15. braut - Arnar Sigurbjörnsson, 1,42 metrar

18. braut - Arnar Guðmundsson, 95 cm.

Óskum við vinningshöfum innilega til hamingju og geta þeir nálgast gjafabréfin sín á skrifstofu GM frá með mánudeginum 11, maí kl. 12.00.

Við þökkum Ecco kærlega fyrir stuðninginn.

HVERAGERÐI VINAVÖLLUR GM 2020

Wed, 06 May 2020 14:52:00 GMT

Golfklúbbur Hveragerðis er vinavöllur Golfklúbbs Mosfellsbæjar sumarið 2020. Félagar GM fá hringinn í GHG á 2600 krónur með framvísun félagsskírteinis á virkum dögum. Við hvetjum félagsmenn til að nýta sér þennan samning og skella sér hring í sumar.

Verið er að vinna í samkomulagi við vinavelli frá síðasta ári en hér má sjá vinavelli GM 2019:
Vinavellir GM

VINAVALLASAMNINGUR VIÐ GÍ ENDURNÝJAÐUR

Tue, 05 May 2020 16:13:00 GMT

Golfklúbbur Ísafjarðar hefur verið einn af vinavöllum GM síðastliðin ár og hefur nú vinavallasamningurinn verið framlengdur fyrir sumarið 2020. Samningurinn felur í sér að félagar GM fá 50% afslátt af fullu vallargjaldi GÍ sumarið 2020 og hvetjum við okkar félaga að nýta það.

Verið er að vinna í samkomulagi við vinavelli frá síðasta ári en hér má sjá vinavelli GM 2019:
Vinavellir GM

GOLFNÁMSKEIÐ BARNA SUMARIÐ 2020

Mon, 04 May 2020 10:21:00 GMT

Golfklúbbur Mosfellsbæjar mun bjóða upp á golf og leikjanámskeið fyrir börn á aldrinum 6-12 ára í sumar. Námskeiðin eru með nýju sniði en þau eru byggð upp á skemmtilegum leikjum bæði á golfvellinum og í hans nánasta umhverfi. Golfið verður aldrei langt undan en einnig verður námskeiðið brotið upp með skemmtilegri dagskrá!

Námskeiðin henta vel fyrir alla krakka, hvort sem þau hafa prófað golf áður eða ekki. Ekki er nauðsynlegt að eiga búnað til golfiðkunar – allt slíkt er á svæðinu. Krakkar þurf að taka með sér nesti fyrir hádegismat. Mikilvægt að vera alltaf klædd eftir veðri.

Grétar Eiríksson íþróttafræðingur og PGA golfkennaranemi hefur yfirumsjón með námskeiðunum en leiðbeinendur eru afrekskylfingar í GM með reynslu af kennslu á golfnámskeiðum.

Námskeiðin eru á eftirfarandi dagsetningum sumarið 2020:

Júní
- 9. - 19. júní (8 dagar).

Júlí
- 6. - 10. júlí (5 dagar).
- 13. - 16. júlí (4 dagar).
- 27. - 31. júlí (5 dagar).

Ágúst
- 10. - 13. ágúst (4 dagar).

Námskeiðin eru kennd á milli klukkan 10:00 og 14:00 á daginn. Nemendur hafa tækifæri til þess að mæta kl. 09:00 alla daga gegn auka gjaldi, 2.000 kr fyrir alla vikuna.

Verð á námskeiðin er:
- 4 daga námskeið: 14.000 kr.
- 5 daga námskeið: 18.000 kr.
- 8 daga námskeið: 28.000 kr.

Innifalið í námskeiðsgjaldi er:
- Golfhringur í Bakkakoti með grillveislu að loknum hring.
- Pokamerki á golfsettið.
- Félagsaðild hjá GM sumarið 2020 með leikheimild á Steinarsvelli í Bakkakoti.
- Æfingaboltar á æfingasvæði GM við Hlíðavöll.

15% systkinaafsláttur.

Námskeiðin eru opin fyrir börn fædd á árunum 2008-2014.

Komdu og vertu með á skemmtilegasta námskeiði sumarsins!

Skráning á námskeiðin er í gegnum Nóra á slóðinni golfmos.felog.is

Skrá á Golfnámskeið barna árið 2020

Nánari upplýsingar um námskeiðin er hægt að fá í tölvupósti, sendið póst á netfangið david@golfmos.is .

OPNUN HLÍÐAVALLAR OG VINNUDAGAR

Sat, 02 May 2020 08:23:00 GMT

Hlíðavöllur opnar formlega fimmtudaginn 7. maí.

Opnað verður fyrir rástímaskráningar klukkan 12:00 þriðjudaginn 5. maí.

Vinnudagarnir verða á tveimur dögum núna vegna aðstæðna í þjóðfélaginu, og verða þeir næstkomandi mánudag 4. maí og þriðjudaginn 5. maí og hefjast þeir klukkan 17:00 báða daga. Mæting við Klett!

Þátttakendur vinnudaga fá þátttökurétt í Sjálfboðaliðamótinu sem fer fram miðvikudaginn 6. maí. Að móti loknu verður boðið í létta grillveislu. Ræst verður út af öllum teigum klukkan 17:00 og því er mæting 16:15. Meðal verkefna er snyrting í kringum Klett, tiltekt á Hlíðavelli og frágangur á vökvunarkerfi.

Þeir sem geta hjálpað okkur eru vinsamlegast beðnir um að láta Ágúst vita á: agust@golfmos.is

GOLFNÁMSKEIÐ HJÁ GM

Wed, 29 Apr 2020 15:39:00 GMT

Viðtökurnar við golfnámskeiðunum hjá Hauki Má voru frábærar og er nú þegar orðið fullt á öll námskeiðin. Við bregðumst við mikilli eftirspurn og bætum við fleiri spennandi námskeiðum hjá PGA golfkennaranemunum Degi Ebenezerssyni og Grétari Eiríkssyni.

Námskeiðin fara fram á æfingasvæði GM á Hlíðavelli. Á námskeiðunum er farið yfir grunnatriði golfsveiflunnar og þau fínpússuð fyrir sumarið. Hópur 3 er sérstaklega hugsaður fyrir byrjendur og þá sem eru að stíga sín fyrstu skref í golfíþróttinni.

Námskeiðin fara fram á eftirfarandi dögum:

Þriðjudagarnir 12. og 19. maí (Kennari: Dagur Ebenezersson)

Hópur 1: 19:00
Hópur 2: 20:00
Hópur 3 (Byrjendahópur): 21:00

Fimmtudagarnir 14. og 21. maí (Kennari: Grétar Eiríksson)

Hópur 1: 19:00
Hópur 2: 20:00
Hópur 3 (Byrjendahópur): 21:00

Kennt er í 50 mínútur í senn og eru að hámarki 6 kylfingar á hverju námskeiði.

Verð fyrir félagsmenn í GM: 6.900 kr

Verð fyrir aðra: 7.900 kr

Nánari upplýsingar og skráning með tölvupósti á netfangið david@golfmos.is

Á öllum námskeiðum er mæting við æfingasvæði GM á Hlíðavelli.

HELLISHÓLAR VINAVÖLLUR GM

Wed, 29 Apr 2020 15:24:00 GMT

Golfklúbburinn á Hellishólum verður vinavöllur GM sumarið 2020. Vinavallarsamningurinn felur í sér að félagar í GM greiða 2000 kr fyrir leikinn hring. Einnig verður sérstakt tilboð til GM félaga á gistingu á Hellishólum. Fá félagar í GM 20% afslátt af allri gistingu á Hellishólum. Við hvetjum okkar félagsmenn að nýta sér þennan frábæra samning! Til þess að bóka gistingu þarf einfaldlega að hringja í síma 487-8360 og taka fram að viðkomandi sé félagi í GM.

Nánari upplýsingar á https://hellisholar.is/

FRÉTTIR AF HLÍÐAVELLI OG BAKKAKOTI

Sun, 26 Apr 2020 10:40:00 GMT

Ágætu félagar í Golfklúbbi Mosfellsbæjar.

Nú er sól farin að hækka á lofti og vellirnar okkar að taka vel við sér eftir langan og erfiðan vetur. Það er okkur mikið gleðilefni að bæði Hlíðavöllur og Bakkakot koma vel undan vetri. Það sér aðeins á tveimur flötum í Bakkakoti en þær verða fljótar að koma til í vor. Það er eitthvað um frostlyftingu á brautum en er það okkar von að mest af því gangi til baka.

Starfsmenn klúbbsins hafa unnið hörðum höndum undanfarnar vikur á Hlíðavelli að margvíslegum verkefnum. Búið er að snyrta mikið af trjágróðri og laga til í umhverfi Kletts. Stóra verkefni þessa vors er þó niðursetning á sjálfvirku vökvunarkerfi á holum 10 -18. Það er mikil þörf á því að fá sjálfvirkt vökvunarkerfi á Hlíðavöll og mun það bæta gæði vallarins mikið þar sem sjálfvirk vökvun er talsvert nákvæmari og betri og tekur líka engan tíma frá vallarstarfsmönnum sem geta þá einbeitt sér að öðru viðhaldi á vellinum. Stefnan er sett á að klára að koma á sjálfvirkri vökvun öllum holum vallarins sem allra fyrst.

Einnig hefur farið fram vinna á nýja æfingasvæðinu okkar. Þar er búið að helluleggja rúmlega 100 fermetra og á því svæði verða gervigrasmottur sem munu nýtast okkur vel, sérstaklega að vori og á haustin þegar hvíla þarf grasteiginn okkar.

Það er mikill munur á Hlíðavelli dag frá degi og stefnum við á að opna völlinn á bilinu 4. – 7. maí, það fer þó allt eftir því hvernig viðrar næstu daga. Spáin er góð þannig að við erum mjög bjartsýn á að ná að opna á þessu tímabili. Við gerum svo ráð fyrir því að opna Bakkakot ca. tveimur vikum seinna.

Eins og flestum ætti að vera kunnugt þá hefur GSÍ tekið í notkun nýtt tölvukerfi, Golfbox og vonandi hafa allir kynnt sér það vel. Ef þið kylfingar góðir lendið í vandræðum þá endilega hafa sambandi við skrifstofu klúbbsins og við aðstoðum eftir bestu getu.

Við stefnum að því að hafa vinnudag/hreinsunardag á Hlíðavelli áður en við opnum og munum auglýsa það nánar í vikunni. Er það okkar von að sem flestir sjái sér fært að mæta. Það er nóg af verkefnum og við munum að sjálfsögðu skipuleggja vinnu þannig að öllum reglum vegna Covid-19 sé fylgt.

Við leyfum ykkar svo að fylgjast með stöðu mála hjá okkur og gerum ráð fyrir því að taka ákvörðun um formlegan opnunardag þegar að líður á vikuna.

Annars óskum við ykkur gleðilegs golfsumars og hlökkum til að sjá ykkur!

Starfsfólk GM.

GOLFNÁMSKEIÐ HJÁ HAUKI MÁ

Wed, 22 Apr 2020 18:15:00 GMT

Nú er hitastig farið að hækka og styttist í að kylfingar fjölmenni á velli landsins. Við hjá GM erum búin að setja upp fjölbreytt og skemmtileg golfnámskeið í samvinnu við PGA golfkennarann Hauk Má Ólafson. Námskeiðin eru opin öllum kylfingum.

Kennt er í 50 mínútur í senn og eru að hámarki 6 kylfingar á hverju námskeiði. Verð á námskeiðið er 7.900 kr á mann og greiðist í afgreiðslu GM á Hlíðavelli. Verð fyrir félagsmenn í GM er 6.900 kr á mann.

Hérna fyrir neðan má finna upplýsingar um námskeiðin. Skráning og nánari upplýsingar í tölvupósti á netfangið david@golfmos.is. Mikilvægt er að fram komi í tölvupóstinum á hvaða námskeið er verið að skrá og klukkan hvað óskað er eftir að vera.

Komdu sveiflunni í stand fyrir sumarið - Tvö skipti

Farið yfir grunnatriði sveiflunnar. Hentar vel fyrir alla, óháð forgjöf.
Mánudagarnir 4. og 11. maí kl 19:00 og 20:00 (50 mínútur hvert skipti)
Kennslustaður: Æfingasvæði GM við Hlíðavöll

Skráning með tölvupósti á david@golfmos.is

Fínstilltu sveiflu, vipp og pútt - Tvö skipti

Farið yfir grunnatriði í sveiflu, vippum og púttum. Tilvalið fyrir þá sem vilja skoða alla þætti leiksins.
Fimmtudagarnir 7. og 14. maí kl 17:00 og 18:00 (50 mínútur hvert skipti)
Kennslustaður: Æfingasvæði GM við Hlíðavöll/Púttflöt við Hlíðavöll

Skráning með tölvupósti á david@golfmos.is

Fáðu dræverinn í gang fyrir sumarið - Tvö skipti

Viltu hitta fleiri brautir? Slá lengra og beinna?
Laugardagarnir 9. og 16. maí kl 10:00 og 11:00
Staður: Æfingasvæði GM við Hlíðavöll

Skráning með tölvupósti á david@golfmos.is

TILKYNNING TIL FÉLAGSMANNA VEGNA COVID-19

Sat, 11 Apr 2020 21:29:00 GMT

Ágætu félagar í Golfklúbbi Mosfellsbæjar.

Í dag barst öllum golfklúbbum landsins bréf frá Heilbrigðisráðuneytinu þar sem það var endanlega staðfest að golfiðkun stenst allar þær kröfur sem gerðar eru vegna Covid-19 veirunnar. Vetravöllur Hlíðavallar hefur verið opinn undanfarna daga og hafa okkar kylfingar geta notið þess að fara í golf í veðurblíðunni og verður það því þannig áfram.

Þessar reglur sem nú hafa verið settar fram munu ekki hafa mikil áhrif á spil á Hlíðavelli þar sem við erum nú þegar búin að grípa til þessara aðgerða og miða okkar golf að þeim flestum.

Það eina sem breytist er að við höfum nú opnað fyrir rástímaskráningu á golfboxinu og eru okkar félagar því vinsamlegast beðnir um að bóka sér rástíma frá og með sunnudeginum 12. apríl.

Golfskálinn okkar er lokaður að því leytinu til að það er engin þjónustu frá GM fyrir okkar kylfinga. Golfbúðin er ekki opin og þar sem völlurinn er bara opinn fyrir okkar félagsmenn þá er vallargjald ekki rukkað.

Veitingastaðurinn Blik Bistro verður að sjálfsögðu opinn áfram og þar er líkt og hefur verið hingað til öllum settum reglum fylgt.

Hlökkum til að sjá ykkur á golfvellinum.

Við minnum ykkur að ganga vel um völlinn og nota gervigrasmottur til að hlífa vellinum á þessum viðkvæma árstíma.

Kveðja,

Starfsfólk GM.

Hér má sjá reglur um ástundun golfíþróttarinnar á tímum samkomubanns frá GSÍ:

HAUKUR MÁR PGA GOLFKENNARI SEMUR VIÐ GM

Mon, 06 Apr 2020 11:10:00 GMT

Haukur Már er PGA menntaður golfkennari sem býr yfir mikilli reynslu og hefur undanfarin ár starfað sem golfkennari hjá GKG með virkilega góðum og eftirtektarverðum árangri. Er það mikill fengur fyrir okkur að fá Hauk til starfa og erum við þess fullviss um að okkar kylfingar eigi eftir að nýta sér hans þjónustu og þekkingu vel og bæta sinn golfleik til muna.

Haukur Már mun í byrjun einbeita sér að einkakennslu fyrir okkar félaga sem og hópakennslu.

Með tilkomu Hauks sjáum við fram á það að geta aukið verulega við þá þjónustu sem við bjóðum upp í golfkennslu og náð enn frekar til okkar félaga. Þegar sól tekur að hækka á lofti og samkomubanni aflétt mun golfkennslan hjá okkur fara á fullt og það verða fjölmörg námskeið í boði hjá GM í sumar sem og að sjálfsögðu einkatímar.

Bjóðum við Hauk Má velkomin til starfa hjá GM og hlökkum við mikið til samstarfsins og væntum mikils af honum í starfi sínu fyrir GM.

BRAUTARHOLT NÝR VINAVÖLLUR GM 2020

Mon, 30 Mar 2020 13:12:00 GMT

Golfklúbbur Brautarholts er nýr vinavöllur Golfklúbbs Mosfellsbæjar en samningur hefur verið gerður fyrir sumarið 2020. Félagar GM fá hringinn í GBR á 3500 krónur með framvísun félagsskírteinis. Brautarholt er einn af flottustu völlum landsins og við hvetjum félagsmenn til að nýta sér þennan samning og skella sér hring í sumar.

Verið er að vinna í samkomulagi við vinavelli frá síðasta ári en hér má sjá vinavelli GM 2019:
Vinavellir GM

MOSTRI Á STYKKISHÓLMI NÝR VINAVÖLLUR GM

Fri, 27 Mar 2020 14:26:00 GMT

Nýr vinavallasamningur var gerður við Golfklúbb Mostra í Stykkishólmi. Samningurinn felur í sér að félagar GM munu fá 50% afslátt af vallargjaldi GMS. Við hvetjum okkar félagsmenn að gera sér ferð í sumar á þennan skemmtilega golfvöll á Snæfellsnesinu fagra.

Verið er að vinna í samkomulagi við vinavelli frá síðasta ári en hér má sjá vinavelli GM 2019:
Vinavellir GM

GOLFKLÚBBURINN LEYNIR Á AKRANESI ÁFRAM VINAVÖLLUR GM

Thu, 26 Mar 2020 10:38:00 GMT

Golfklúbburinn Leynir á Akranesi verður áfram vinavöllur GM sumarið 2020. Vinavallarsamningurinn felur í sér að félagar GM fá 50% afslátt af vallargjaldi GL og hvetjum við félaga okkar að nýta sér það.

Verið er að vinna í samkomulagi við vinavelli frá síðasta ári en hér má sjá vinavelli GM 2019:
Vinavellir GM

VINAVALLASAMNINGUR VIÐ GV ENDURNÝJAÐUR

Tue, 24 Mar 2020 15:36:00 GMT

Golfklúbbur Vestmannaeyja hefur verið einn af vinavöllum GM síðastliðin ár og hefur nú vinavallasamningurinn verið framlengdur fyrir sumarið 2020. Samningurinn felur í sér að félagar GM fá 50% afslátt af fullu vallargjaldi GV sumarið 2020 og hvetjum við okkar félaga að nýta sér það og leika golf á einu fallegasta vallarstæði heims.

Verið er að vinna í samkomulagi við vinavelli frá síðasta ári en hér má sjá vinavelli GM 2019:
Vinavellir GM

GM KYLFINGAR Í HÁSKÓLAGOLFINU

Fri, 20 Mar 2020 07:40:00 GMT

Nú er ljóst að tímabilinu í háskólagolfinu í Bandaríkjunum er lokið þetta skólaárið. Við hjá GM eigum 3 kylfinga sem leika fyrir hönd sinna skóla en það eru þau Arna Rún Kristjánsdóttir, Björn Óskar Guðjónsson og Sverrir Haraldsson sem hóf nám við Appalachian State háskólann í Norður Karólínu núna í janúar.

Háskólagolf í Bandaríkjunum er spennandi kostur fyrir kylfinga til þess að sameina nám og golf. Hérna fyrir neðan er stutt yfirferð yfir árið hjá okkar kylfingum í skólagolfinu.

Arna Rún Kristjánsdóttir

Arna Rún var að ljúka sínu öðru ári hjá Grand Valley State University í Michigan. Arna lék frábært golf á þessu skólaári og bætti sig mikið frá fyrsta ári. Arna lék einna best af öllum liðsfélögum sínum á þessu skólaári og var meðal annars í 9. sæti í Low Country Invitational sem fram fór 2. - 3. mars síðastliðinn. Arna Rún bætti meðalskorið sitt um heil 4 högg á milli ára og augljóst að golfið er á góðri leið hjá henni.

Björn Óskar Guðjónsson

Björn Óskar var að ljúka sínu þriðja ári hjá Louisiana Lafayette í Louisiana. Björn fékk viðurkenningu í haust þegar hann var valinn Scholar Athlete of the year í golfliðinu.

Björn Óskar lék vel á þessu skólaári og var mikilvægur hlekkur í liði Louisiana. Björn átti marga góða spretti núna á vorönninni og lék gott golf. Björn stefnir á útskrift vorið 2021.

Sverrir Haraldsson

Sverrir hóf núna í janúar nám í Appalachian State háskólanum í Norður Karólínu. Þrátt fyrir að önnin hafi verið styttri en vonir stóðu til náði Sverrir að leika í tveimur mótum fyrir hönd skólans. Sverrir lék gott golf og býr af reynslunni í næsta skólaári. Sverrir nýtti tímann vel til æfinga og kemur sterkur inn í komandi golfsumar.

NÝTT FJÖLSKYLDUGJALD - NÝJUNG HJÁ GM

Mon, 16 Mar 2020 15:43:00 GMT

Golfklúbbur Mosfellsbæjar kynnir til leiks nýtt fjölskyldugjald. Með þessu vill GM stuðla að því að öll fjölskyldan geti leikið golf saman og notið alls þess sem besta sem við höfum upp á að bjóða.

Þegar að báðir foreldrar barna 18 ára og yngri eru meðlimir í GM þá þurfa þeirra börn ekki að borga neitt árgjald. Þetta á að sjálfsögðu líka við einstæða foreldra sem eru einu fyrirvinnur heimilisins.

Viljum við með þessu hvetja alla þá foreldra sem eru nú þegar meðlimir í GM að skrá sín börn í klúbbinn endurgjaldslaust. Einnig viljum við hvetja maka GM félaga sem ekki eru í golfklúbb að skrá sig í GM og þá fá börnin frítt árgjald.

GM er golfklúbbur fjölskyldunnar og hér fer fram mikið og öflugt barna og unglingastarf þar sem hægt er að æfa undir handleiðslu frábærra þjálfara allt árið um kring. GM er með tvö glæsileg golfvallasvæði á Hlíðavelli og í Bakkakoti. Við höfum upp á að bjóða glæsilega inniæfingaaðstöðu ásamt golfhermum.

Golfklúbbur Mosfellsbæjar er öflugur og flottur valkostur fyrir kylfinga á öllum aldri og er einstaklega fjölskylduvænn golfklúbbur. Hér er nægt úrval rástíma og golfvöllurinn okkar í Bakkakoti er frábær fyrir byrjendur sem og lengri komna.

Allar nánari upplýsingar fást með því að senda tölvupóst á golfmos@golfmos.is , einnig má hringja í síma 5666999 á skrifstofutíma, eða milli kl. 09.00 og 16:00.

GOLFÆFINGAR FALLA NIÐUR Í VIKUNNI - HEIMAÆFINGAR Á HVERJUM DEGI

Mon, 16 Mar 2020 13:42:00 GMT

Eins og fram kom í yfirlýsingu frá ÍSÍ í gærkvöldi þá er ekki gert ráð fyrir að íþróttastarf fari aftur af stað fyrr en mánudaginn 23. mars næstkomandi fyrir aldurshópinn 16 ára og yngri.

Þar sem aðstaðan okkar í vélaskemmunni er lítil og þröng höfum við tekið ákvörðun um að fella niður æfingar þar hjá öllum aldurshópum í vikunni. Góðu fréttirnar eru hins vegar þær að útlit fyrir að æfingaaðstaða á neðri hæð Kletts verði klár til notkunar frá og með mánudeginum 23. mars. Við stefnum því á að hefja æfingar í nýrri aðstöðu þar sem hægt er með góðu móti að tryggja fjarlægð milli kylfinga og öryggi allra iðkenda.

Að öllum líkindum verða breytingar á skipulagi æfinga, hópastærðum og í einhverjum tilvikum tímasetningum. Það verður kynnt nánar í lok vikunnar.

Æfing dagsins

Á hverjum degi munum við setja inn æfingu dagsins hingað og á Facebook síðuna GM unglingar. Æfingarnar verða þrískiptar, líkamleg, golftengd og hugarfarsleg. Þegar þið klárið æfinguna skrifið þið nafnið ykkar í skjalið hérna fyrir neðan. Með þessu þá náum við að halda okkur við og hafa eitthvað fyrir stafni.

Æfing dagsins

Ef að þið hafið hugmyndir af skemmtilegum æfingum þá tökum við glaðir við þeim á david@golfmos.is

it's all about the person first.pdf

GOLFÆFINGAR HJÁ GM

Sun, 15 Mar 2020 16:41:00 GMT

Á morgun, mánudaginn 16. mars, falla allar skipulagðar golfæfingar niður hjá GM.

Unnið er að því að endurskipuleggja með hvaða hætti barna, unglinga og afreksstarf geti farið fram hjá íþróttafélögum á landinu og sömuleiðis hjá okkur í GM. Eins og staðan er núna er stefnt á að halda áfram með skipulagðar æfingar hjá en enn er óljóst með hvaða hætti.

Óhjákvæmilega koma til með að verða einhverjar breytingar á skipulagi og verða þær kynntar þegar þær liggja fyrir. Verið er að vinna sameiginlegar leiðbeiningar sveitarfélaga á höfuðborgarsvæðinu um frístundaheimili, íþróttastarf, íþróttamannvirki og aðrar tómstundir. Þegar þessar upplýsingar liggja fyrir getum við skipulagt starfið okkar með þær leiðbeiningar í huga.

Við munum að sjálfsögðu gæta öryggis okkar iðkenda til hins ítrasta og fylgja leiðbeiningum yfirvalda að öllu leyti.

Nánari upplýsingar verða birtar um leið og þær liggja fyrir.

GM SEMUR VIÐ PLAYGOLF.IS

Tue, 03 Mar 2020 09:18:00 GMT

PlayGolf Iceland er glæný golf þjónusta sem býður erlendum kylfingum aðgang til að bóka hina fullkomnu golfferð til Íslands. Vefsíðan inniheldur 20 af bestu golfvöllum landsins og er golfklúbbur Mosfellsbæjar stoltur meðlimur. PlayGolf.is býður upp á golfpakka sem og golf á einstökum völlum. Markmið Playgolf Iceland er að kynna íslenskt golf á erlendum markaði og að bæta aðgengi erlendra kylfinga í bókun á golftengdum ferðum til Íslands.

Við óskum PlayGolf Iceland til hamingju með síðuna.Hægt er að sjá nánari upplýsingar á https://www.playgolf.is

GOLFKLÚBBUR BORGARNESS ÁFRAM VINAVÖLLUR GM

Thu, 20 Feb 2020 00:00:00 GMT

Golfklúbbur Borganess verður áfram vinavöllur GM sumarið 2020. Vinavallarsamningurinn felur í sér að félagar GM fá 50% afslátt af vallargjaldi GB og hvetjum við félaga okkar að nýta sér það og leika þennan skemmtilega 18 holu völl á góðu verði.

Verið er að vinna í samkomulagi við vinavelli frá síðasta ári en hér má sjá vinavelli GM 2019:
Vinavellir GM

VINAVALLASAMNINGUR VIÐ GA FRAMLENGDUR

Tue, 18 Feb 2020 14:28:00 GMT

Golfklúbbur Akureyrar hefur verið einn af vinavöllum GM síðastliðin ár og hefur nú vinavallasamningurinn verið framlengdur fyrir sumarið 2020. Samningurinn felur í sér að félagar GM fá 50% afslátt af vallargjaldi GA sumarið 2020 og hvetjum við okkar félaga að nýta sér það þegar ferðinni er heitið norður.

Verið er að vinna í samkomulagi við vinavelli frá síðasta ári en hér má sjá vinavelli GM 2019:
Vinavellir GM

FRAMKVÆMDIR HAFNAR Á NEÐRI HÆÐ KLETTS

Mon, 10 Feb 2020 08:30:00 GMT

Nú hafa framkvæmdir hafist á neðri hæð íþróttamiðstöðvarinnar Kletts.

Eins og kom fram á aðalfundi var gert samkomulag við Mosfellsbæ um kaup þeirra á neðri hæð íþróttamiðstöðvarinnar. Einnig faldi samkomulagið í sér að Mosfellsbær myndi fullklára neðri hæðina og hafa þær framkvæmdir loks hafist. Þetta eru spennandi fréttir fyrir Golfklúbb Mosfellsbæjar og er mikil tilhlökkun hjá íþróttastarfi og klúbbfélögum yfir aðstöðunni sem verður komin í notkun innan skamms.

Við þökkum Mosfellsbæ kærlega fyrir þeirra stuðning og það er ljóst að það eru spennandi tímar framundan hjá okkur í GM!

JÓLAKVEÐJA FRÁ GM

Mon, 23 Dec 2019 21:09:00 GMT

Kæru félagsmenn og aðrir kylfingar,
Við þökkum ánægjulegar stundir á liðnu ári og óskum þér og þínum gleðilegrar hátíðar!

Hlökkum til að taka á móti ykkur á komandi golfári!

Stjórn og starfsfólk Golfklúbbs Mosfellsbæjar

Jólakveðja frá GM

Mon, 23 Dec 2019 21:09:00 GMT

Golfklúbbur Mosfellsbæjar sendir öllum sínum meðlimum sem og öðrum golfurum sínar bestu óskir um gleðileg jól og farsælt komandi ár.

Við þökkum kærlega fyrir samfylgdina á þessu mjög svo sérstaka ári sem nú er að líða, sem fer þó í sögubækurnar sem ansi gott golfár :)

Hlökkum til að sjá ykkur hress og kát á nýju ári.

Jólakveðja.

Stjórn og starfsfólk GM.

GUÐMUNDUR FÉKK ÁS Í FLÓRÍDA

Tue, 17 Dec 2019 12:12:00 GMT

Guðmundur Jón Tómasson eða "Gummi í Wurth" gerði sér lítið fyrir og fór holu í höggi á Royal St. Cloud golfvellinum í Flórída á dögunum. Þetta var í fyrsta sinn sem Guðmundur nær þessu skemmtilega afreki en hann er GM-ingur í húð og hár og er með 13 í forgjöf.

Guðmundur skrifar sjálfur á Facebook síðu sína:

"Þessi dagur. Var að spila golf með Kristín Sól Guðmundsdóttir Kristófer Karl Karlsson og Theodór Emil Karlsson sem er ekkert merkilegt nema í dag þá fór ég nefnilega holu í höggi í fyrsta skipti og var það á Royal st Cloud golf links. 3 holu á White side þetta var par 3 hola og hún var 102 metrar og tók ég pw og hitti boltan vel fór ca 50 cm framyfir holuna og spinn til baka í holu geggjað. ⛳ "

FÉLAGSGJÖLD 2020 | GESTAHRINGIR FYRIR FÉLAGSMENN

Thu, 12 Dec 2019 13:35:00 GMT

Smelltu hér til að ganga frá greiðslu félagsgjalda 2020

ÆFINGAR FALLA NIÐUR Í DAG - 10. DESEMBER

Tue, 10 Dec 2019 07:47:00 GMT

Við fylgjum fordæmi sveitarfélagsins og annarra íþróttafélaga í bænum og fellum niður allar skipulagðar æfingar í dag, þriðjudaginn 10. desember. Æfingar halda áfram samkvæmt dagskrá á morgun miðvikudag.

AÐALFUNDI LOKIÐ - ENDURFJÁRMÖGNUN SAMÞYKKT OG NÝR FRAMKVÆMDASTJÓRI KYNNTUR

Wed, 04 Dec 2019 12:51:00 GMT

Aðalfundur Golfklúbbs Mosfellsbæjar fyrir starfsárið 2018-2019 fór fram í gær, 3. desember í Kletti og var vel mætt. Stærsta mál fundarins var endurfjármögnun golfklúbbsins.

Stjórn félagsins hefur unnið að endurfjármögnun klúbbsins á umliðnu ári í samvinnu við Mosfellsbæ og Landsbankann. Niðurstaða þeirra vinnu er einkum tvíþætt; í fyrsta lagi skuldbreytingar á núverandi lánum og hins vegar sala á neðri hæð íþróttamiðstöðvarinnar Kletts. Óskað var eftir heimild fundarins til að ljúka þríhliða samningi við Mosfellsbæ og Landsbanka til að styrkja rekstrargrundvöll klúbbsins og var þetta samþykkt samhljóða.

Samkomulagið felur í sér kaup Mosfellsbæjar á neðri hæð íþróttamiðstöðvarinnar þar sem söluverðmætið verður nýtt til niðurgreiðslu á skuldum klúbbsins. Einnig felur samkomulagið í sér að Mosfellsbær fullklárar neðri hæð Kletts. Golfklúbbur Mosfellsbæjar getur því gengið frá skuldum sínum við verktaka og byrgja og sér klúbburinn því svo sannarlega fram á bjarta tíma á komandi árum.

Á fundinum var Ágúst Jensson kynntur sem nýr framkvæmdastjóri og hefur hann nú þegar hafið störf. Ágúst hefur meðal annars starfað sem yfirvallarstjóri GR, framkvæmdastjóri GA og nú síðasts vallarstjóri á St. Leon-Rot golfvellinum í Þýskalandi. Við bjóðum hann velkominn til starfa í Golfklúbbi Mosfellsbæjar.

VEL HEPPNUÐ ÁRSHÁTÍÐ

Fri, 22 Nov 2019 12:19:00 GMT

Árshátíð GM fór fram laugardaginn 2. nóvember í Kletti, en þetta var í annað sinn sem klúbburinn heldur eiginlega árshátíð. Kvöldið var einnig uppskeruhátíð og lokahóf og hófst á glæsilegum mat frá BLIK Bistro.

Eiríkur Hafdal lék undir borðhaldi og Gunnar Sigurðarson var veislustjóri. Veitt voru verðlaun fyrir afrek sumarsins, svo sem Víking deildina, Titleist holukeppnina, framfarabikarinn, kylfingar ársins karla og kvenna og félagsmaður ársins. GM bandið tók lagið að borðhaldi loknu og hélt uppi fjörinu fram á kvöld.

Verðlaunahafar

Víking deildin

Víking deildin er liðakeppni þar sem 16 lið hófu leik. Leikið var í riðlum sem endaði útsláttarkeppni. Yfir 100 félagsmenn tóku þátt í keppninni. Úrslitaleikurinn var æsispennandi og á endanum þurftu sigurvegarar síðasta árs, Flotta Brauðbollan að sætta sig við 2. sætið þetta árið.

Titleist holukeppnin

Kvennaflokkur – María Eir Guðjónsdóttir

Karlaflokkur – Guðleifur Kristinn Stefánsson

Framfarabikarinn

Heiðar Númi Hrafnsson - lækkaði forgjöfina úr 24 í 12.

Kylfingar ársins

Kylfingur ársins konur

Nína Björk Geirsdóttir

Nína Björk er klúbbmeistari GM árið 2019, Íslandsmeistari 35 ára og eldri og var í 3. sæti í Íslandsmótinu í golfi sem fram fór í Grafarholti í ágúst.

Karlkylfingur ársins karlar

Kristófer Karl Karlsson

Kristófer Karl var efstur GM kylfinga á stigalista GSÍ, varð Íslandsmeistari unglinga í holukeppni annað árið í röð og keppti með 18 ára landsliði Íslands á Evrópumótinu í Frakklandi í sumar. Núna á haustmánuðum var Kristófer valinn í karlalandslið Íslands fyrir árið 2020.

Félagsmaður ársins

Edda Herbertsdóttir

Edda Herbertsdóttir er formaður kvennanefndar og hefur unnið óeigingjarnt starf fyrir klúbbinn. Edda hefur leitt skipulagningu kvennastarfs og verið öflugí öldungastarfi klúbbsins.

Edda er ótrúlega öflug og nákvæm, en hún sér til þess að starfsfólk klúbbsins sé með allt á tæru með reglulegum tölvupóstum til að tryggja að starfsemin gangi smurt fyrir sig.

Edda er alltaf boðin og búin að veita hjálparhönd þegar klúbburinn þarf á að halda. Það er alveg sama hvert erindið er – alltaf tekur Edda vel í það og er von bráðar mætt með litum fyrirvara án þess að þiggja svo mikið sem kaffibolla fyrir. Edda Herbertsdóttir er félagsmaður ársins 2019.

AÐALFUNDARBOÐ

Mon, 18 Nov 2019 14:54:00 GMT

Aðalfundur Golfklúbbs Mosfellsbæjar verður haldinn í Kletti þriðjudaginn 3. desember 2019 klukkan 19.30.

Dagskrá aðalfundar

1. Kosning fundarstjóra og fundarritara.
2. Skýrsla stjórnar um störf og framkvæmdir á vegum félagsins.
3. Áritaðir reikningar kynntir.
4. Umræður um skýrslu stjórnar og reikningar lagðir fram til samþykktar.
5. Tillaga um samþykki fjárhagslegrar endurskipulagningar,
sem felur meðal annars í sér sölu á neðri hæð Kletts til Mosfellsbæjar*
6. Lagabreytingar.
7. Rekstraráætlun komandi starfsárs kynnt.
8. Ákvörðun félagsgjalda.
9. Kosning stjórnar, formanns og tveggja skoðunarmanna reikninga.
10. Kosning aganefndar og kjörnefndar.
11. Önnur mál.

*Stjórn félagsins hefur unnið að endurfjármögnun klúbbsins á umliðnu ári í samvinnu við Mosfellsbæ og Landsbankann.
Niðurstaða þeirra vinnu er einkum tvíþætt; í fyrsta lagi skuldbreytingar á núverandi lánum og hins vegar sala á neðri hæð íþróttamiðstöðvarinnar Kletts.
Óskað er eftir heimild fundarins til að ljúka þríhliða samningi við Mosfellsbæ og Landsbanka til að styrkja rekstrargrundvöll klúbbsins.

Á fundinum verður nýr framkvæmdastjóri kynntur og farið verður yfir áform um framkvæmdir á neðri hæð Kletts. En þar verður frábær aðstaða til vetraræfinga með golfhermum, púttsvæði o.fl

Hvetjum alla félagsmenn til að mæta og taka þátt í uppbyggingu klúbbsins sem sannarlega sér fram á bjarta tíma.

Stjórn Golfklúbbs Mosfellsbæjar

DAGSKRÁ ÁRSHÁTÍÐAR GM 2019

Fri, 01 Nov 2019 10:19:00 GMT

Nú fer að líða að árshátíðinni okkar og er allt að verða klárt.

Húsið opnar klukkan 18.00 og er tilvalið að hefja kvöldið á góðum drykk í góðra vina hópi. Tilboð verða á barnum af völdum drykkjum. Borðhald hefst síðan í framhaldinu um klukkan 20.00.

Vekjum athygli á því að þeir sem eiga eftir að ganga frá greiðslu geta gert það í afgreiðslu.

Hlökkum til að sjá ykkur hress og kát á morgun!

FROST Á VALLARSVÆÐUM HLÍÐAVALLAR

Wed, 23 Oct 2019 11:36:00 GMT

Frá og með hádegi í dag er leikinn vetrarvöllur á Hlíðavelli. Þá er slegið af vetrarteigum á vetrarflatir og sýnir meðfylgjandi mynd vetrarvöllinn 2019. Skorkort vetrarvallarins eru komin í prentun og verða aðgengileg bráðlega.

Bakkakot hefur lokað í ár.

Öll umferð golfbíla á vallarsvæðum GM er óheimil þangað til annað er gefið út frá vallarstjóra.

Góða skemmtun!

LOKUN VEGNA NÆTURFROST Á VALLARSVÆÐUM GM

Fri, 18 Oct 2019 12:52:00 GMT

Miklar líkur eru á næturfrosti næstu daga og verða vallarsvæði GM lokuð á meðan. Ef einungis er um næturfrost að ræða þá verður völlurinn opnaður aftur þegar hlýnar.

Líkur er á að vallarsvæðin verða lokuð vegna frosts frá þriðjudeginum 22. október. Tekin verður ákvörðun um opnun á ný þegar frostakafla lýkur.

Mjög mikilvægt er að félagsmenn og gestir virði þessar lokanir. Umferð á frosnum flötum valda skemmdum sem taka langan tíma að jafna sig eins og sjá má á meðfylgjandi mynd.

Nánari tilkynningar um haustopnun vallarsvæða vegna frosts verða á Facebook síðu golfklúbbsins: ( https://www.facebook.com/golfmos/ )

ÁRSHÁTÍÐ GM 2019 - UPPSKERUHÁTÍÐ OG LOKAHÓF

Mon, 14 Oct 2019 11:39:00 GMT

Árshátíð GM fer fram laugardaginn 2. nóvember í Kletti. Kvöldið verður sannkallaður hápunktur ársins fyrir félagsmenn með frábærum veitingum og skemmtiatriðum. Veitt verða verðlaun fyrir helstu mót og afrek sumarsins; Titleist-holukeppnin, Víking-deildin, félagsmaður ársins og Framfarabikarinn.

Boðið verður upp á mögnuð skemmtiatriði. Hinn eini sanni Gunnar Sigurðarson, betur þekktur sem Gunni samloka, verður veislustjóri líkt og í fyrra og mun tryggja að allir skemmti sér konunglega.

Trúbador leikur undir borðhaldi fram eftir kvöldi og skapa frábæra stemmingu en GM bandið mun og leika undir dansi fram eftir nóttu.

Glæsilegar veitingar - Takmarkaður miðafjöldi

* Forréttahlaðborð

* Aðalréttarhlaðborð
Beef Wellington
Hasselback kartöflur
Villisveppasósa með trufflum
Ferskt haustsalat
Steikt grænmeti

* Eftirréttir
Konfekt og kaffi

Miðasala hafin!

Miðinn kostar 6.900 kr og er miðasala hafin í Kletti.
Fyrstir koma, fyrstir fá!

LOKAHÓF BARNA OG UNGLINGA

Wed, 02 Oct 2019 11:51:00 GMT

Lokahóf barna og unglinga hjá GM fór fram mánudaginn 30. september í Kletti, en um 50 iðkendur mættu á lokahófið. Lokahófið var lokapunktur sumarsins þar sem iðkendur komu saman og áttu góða stund.

Veittar voru viðurkenningar fyrir góðan árangur í sumar:

Háttvísibikar GM og GSÍ – María Eir Guðjónsdóttir
Kylfingur ársins karlar – Kristófer Karl Karlsson
Kylfingur ársins konur – Kristín Sól Guðmundsdóttir
Lægsta skor – Ragnar Már Ríkarðsson
Mestu framfarir karlar – Helgi Freyr Davíðsson
Mestu framfarir konur – Katrín Sól Davíðsdóttir
Afrek ársins – Sverrir Haraldsson
Besta ástundun karlar – Aron Ingi Hákonarson
Besta ástundun konur – Berglind Erla Baldursdóttir
Efnilegastur – Oliver Thor Hreiðarsson
Efnilegust – Sara Kristinsdóttir

Yngstu iðkendur GM hafa undantekningalaust verið sjálfum sér og klúbbnum til sóma í sumar, bæði innan vallar sem utan. Við þökkum þeim kærlega fyrir sumarið!

FRÁBÆR SKEMMTUN Á BÆNDAGLÍMU GM

Mon, 23 Sep 2019 11:02:00 GMT

Bændaglíma GM fór fram laugardaginn 21. september á Hlíðavelli. 108 keppendur tóku þátt en um 40 manns voru þó á biðlista. Leikfyrirkomulag var Texas scramble holukeppni án forgjafar, þar sem tveir leikmenn úr hvoru liði mættust í hverjum ráshópi.

Eins og fram hefur komið fór Kiddi fyrir bláa liðinu og Rabbi fyrir því rauða. Bændurnir keyrðu á milli og heilsuðu upp á keppendur með hressingar auk þess sem þeir tóku þátt þegar við átti.

Veðrið lék við keppendur og var stemningin frábær líkt og síðustu ár. Að móti loknu var boðið upp á glæsilegt grillhlaðborð, næst fór verðlaunaafhending fram þar sem bláa lið Kidda bar sigur úr býtum. Í fyrsta sinn var bóndanum afhentur bikar sem verður fastur liður héðan í frá og skrásetur sögu glímunnar.

Veitt voru nándarverðlaun og lengsta teighögg karla og kvenna:

Trúbadorinn Kókos lék fyrir dansi við mikinn fögnuð viðstaddra og var mikið stuð frameftir kvöldi.

Við þökkum fyrir frábæran dag og kvöld og bíðum spennt eftir Bændaglímunni að ári!

BÆNDAGLÍMA 2019 - LEIKJANIÐURRÖÐUN

Mon, 16 Sep 2019 13:48:00 GMT

Á laugardaginn fer fram skemmtilegasta mót ársins og ljóst að keppendur eru fullir eftirvæntingar. Hérna eru nokkrar mikilvægar upplýsingar fyrir keppendur í Bændaglímu og mikilvægt að allir lesi vel og vandlega. Rafn Jóhannesson (Rabbi) fer fyrir rauða liðinu og Guðleifur Kristinn Stefánsson (Kiddi) fyrir bláa liðinu.

Keppendur eiga að reyna eftir fremsta magni að koma klæddir í réttum lit!
Hægt verður að kaupa buff og húfur í rauðum og bláum lit í Kletti.

Keppendur ættu að vera með eftirfarandi atriði á hreinu

- Á móti hverjum spila ég?
- Á hvaða holu byrja ég?
- Í hvaða liði er ég? (Rauða eða bláa liðinu - koma í klæðnaði í samsvarandi lit!)
- Mæting í Klett klukkan 11:30 í síðasta lagi
- Ræst út á öllum teigum klukkan 12:30

Upplýsingar um leikjaniðurröðun og upphafsteiga

TITLEIST UNGLINGAEINVÍGIÐ 2019 - ÚRSLIT

Fri, 13 Sep 2019 19:09:00 GMT

Titleist Unglingaeinvígið fór fram á Hlíðavelli í Mosfellsbæ í dag. Þetta er 15. skiptið sem Unglingaeinvígið er haldið, en mótið er á vegum Golfklúbbs Mosfellsbæjar.

Titleist Unglingaeinvígið er boðsmót þar sem leikmenn vinna sér inn þátttökurétt með góðum árangri á Unglingamótaröð GSÍ auk þess sem klúbbmeisturum GM er boðin þátttaka.

Þrír keppendur komust áfram úr hverjum flokki í lokaeinvígið, en aðstæður voru krefjandi.

Mótið var leikið eftir shoot out fyrirkomulagi þar sem 10 leikmenn hófu leik og datt einn leikmaður út á hverri holu þar til Tómas Eiríksson Hjaltested stóð uppi sem sigurvegari. Tómas lék stórkostlegt golf á lokaholunum en hann fékk fugl á fjórar síðustu holurnar.

Lokastaðan í Titleist Unglingaeinvíginu 2019

Sigurvegarar mótsins frá upphafi eru:

2005 – Sveinn Ísleifsson
2006 – Guðni Fannar Carrico
2007 – Andri Þór Björnsson
2008 – Guðjón Ingi Kristjánsson
2009 – Andri Már Óskarsson
2010 – Guðrún Brá Björgvinsdóttir
2011 – Ragnar Már Garðarson
2012 – Aron Snær Júlíusson
2013 – Ingvar Andri Magnússon
2014 – Ingvar Andri Magnússon
2015 – Björn Óskar Guðjónsson
2016 – Henning Darri Þórðarson
2017 – Ragnar Már Ríkarðsson
2018 – Dagbjartur Sigurbrandsson
2019 – Tómas Eiríksson Hjaltested

FYRSTU LEIKIR BÆNDAGLÍMUNNAR

Mon, 09 Sep 2019 14:04:00 GMT

Bændurnir í Bændaglímu GM 2019 eru Rafn (Rabbi) Jóhannesson fyrir rauða liðið og Guðleifur Kristinn (Kiddi) Stefánsson fyrir bláa liðið. Bændurnir eru búnir að velja leikmenn í sín lið í fyrstu tvo leikina og rökstuddu valið sitt.

LEIKUR 1

RABBI

Fyrsta nafn á listann hjá mér er liðsfélagi minn úr Viking deildinni Harpa Sigurbjörnsdóttir. Ég sá í þeirri keppni hversu mikill keppnismaður hún er og er hún akkúrat týpan af leikmanni sem ég vil í rauða liðið. Hún fór alla leið í úrslit í Titleist holukeppninni í ár og er í stöðugri framför sem golfari. Ég hef séð hana sparka niður lítið barn í fótboltakeppni foreldra og iðkenda hjá Aftureldingu þannig að ég veit hún gerir allt til að vinna (hún heldur því reyndar fram að þetta hafi verið óviljaverk). Auk þess veit ég að henni er meinilla við fyrirliða bláa liðsins og mun gera allt sem í hennar valdi stendur til að tryggja það að hann fagni ekki í lok dags.

Með Hörpu mun leika ræsirinn síkáti Viðar Sveinbjörnsson. Viddi þekkir völlinn út og inn og þar sem hann er einn af stjórnendum vetrargolfsins í klúbbnum veit ég að þar er maður sem getur spilað við hvaða aðstæður sem er. Ég spilaði hring með honum síðsumars og sá þá að hann er í góðu formi innan sem utan vallar. Viddi og Harpa munu verða Rush/Dalglish rauða liðsins og skila öruggum þremur punktum í hús.

KIDDI

Ég átti fyrsta val og var að velta því fyrir mér svona upp á hjónabandið hvort ég ætti ekki að velja frúnna. Rabbi hafði þá samband við mig og tilkynnir mér að hún væri hans fyrsta val. Þegar hann bauð mér einn kassa af bjór ef ég myndi ekki velja hana, þá þurfti ég ekki að hugsa mig tvisvar um og gaf hana eftir. Ég var nú ekki lengi að leysa þann hausverk og valdi "viðhaldið" mitt eða systur hennar Kötlu Sigurbjörnsdóttur sem mitt fyrsta val. Þegar kom að því að velja makker fyrir hana þá var ég ekki lengi að finna út úr því. Þórhallur Kristvinsson var fyrir valinu þar sem að hann er einstaklega góður golfari og mun sjá til þess að hollið hafi gaman meðan ég er ekki á svæðinu.

Harpa Sigurbjörnsdóttir og Viðar Sveinbjörnsson munu því mæta Kötlu Sigurbjörnsdóttur og Þórhalli Kristvinssyni.

LEIKUR 2

RABBI

Guðmundur Jón Tómasson er næsti maður á blað hjá rauða liðinu.Hann er nýbyrjaður að stunda golfíþróttina aftur eftir að hafa brunað um hjólastíga landsins síðustu ár og hefur aldrei verið ferskari en nú.Ég treysti því að Gummi skili betra verki fyrir rauða liðið heldur en ég gerði þegar við unnum saman í bæjarvinnunni fyrir u.þ.b. 30 árum síðan.

Með Gumma mun leika annar liðsfélagi minn úr Víking deildinni Kristín Inga Guðmundsdóttir. Kafteinn Kristín leiddi liðið okkar taplaust upp úr riðlakeppninni og munu leiðtogahæfileikar hennar nýtast vel í rauða liðinu. Reynsla hennar úr kennslustörfum mun svo koma sér vel ef Gummi fer eitthvað út af sporinu. Hef fulla trú á að samstarf þeirra skili þremur punktum í rauða kofann.

KIDDI

Rabbi átti valið og valdi hann Gumma sem hefði örugglega valið mitt lið ef hann hefði val en því miður fyrir hann þá fær maður ekki allt í lífinu. Ég var ekki lengi að tækla þetta og valdi að sjálfsögðu betri helminginn á heimilinu hans Gumma og Hlín Hlöðversdóttir fær heiðurinn að klæðast bláu. Makkerinn hennar verður enginn annar en Heiðar Númi Hrafnsson yfirleitt kallaður herra Dressmann, hann hefur spilað eins og engill í allt sumar og er loksins orðinn betri en ég í golfi eins og er. Ég er full viss um að þetta combo sé stórhættulegt fyrir rauða liðið og verður leikur einn fyrir þau bláu.

Guðmundur Jón og Kristín Inga mæta því Hlín Hlöðversdóttur og Heiðari Núma Hrafnssyni.

Allir leikir Bændaglímu GM 2019 verða tilkynntir á næstu dögum.

OPNA FJ MÓTIÐ - ÚRSLIT

Sun, 01 Sep 2019 18:05:00 GMT

Opna FJ mótið fór fram á Hlíðavelli í dag við frábærar aðstæður. Fullt var í mótið en 148 keppendur tóku þátt.

Úrslit mótsins voru eftirfarandi

Betri bolti / Punktakeppni

1. sæti - 47 punktar BBC bræður (Ríkharð Óskar & Marel J. Baldvinsson)
2. sæti - 45 punktar The defence & special teams ( Snævar Ingi & Birgir Sverrisson)
3. sæti - 44 punktar Team Muga (Kristmundur og Guðmundur)

Heildarúrslit mótsins má sjá hér

Nándarverðlaun

3. braut - Jón Árni 2,24 m
7. braut - Birgir Sverrisson 2,0 m
15. braut - Magnús Már 115 cm
18. braut - Eiríkur Þorsteinsson 1,72 m

Við þökkum öllum keppendum kærlega fyrir komuna á Hlíðavöll og óskum vinningshöfum til hamingju með árangurinn.

Hægt verður að nálgast vinninga úr mótinu í afgreiðslu á Hlíðavelli eftir kl. 13:00 á þriðjudaginn, 3. september 2019

SKRÁNING HAFIN Í OPNA FJ MÓTIÐ 1. SEPT

Fri, 23 Aug 2019 15:36:00 GMT

Opna FJ mótið fer fram á Hlíðavelli sunnudaginn 1. september. Ræst verður út frá klukkan 8:00. Leikfyrirkomulag er betri bolti, punktakeppni.

Glæsileg verðlaun frá Footjoy eru veitt fyrir 3 efstu sætin auk nándarverðlauna á öllum par 3 brautum.

Verðlaun

1. sæti: 2* FJ tour LTS regnjakki og regnbuxur

2. sæti: 2* FJ Tour S golfskór

3. sæti: 2* FJ Pro/SL golfskór

Nándarverðlaun:

3. braut: FJ Flex golfskór

7. braut: FJ Flex golfskór

15.braut: FJ Flex golfskór

18.braut: FJ Flex golfskór

Skráning er hafin á golf.is:

https://mitt.golf.is/#/motaskra/info/29200/information/

INNGÖNGUTILBOÐ Í GM

Thu, 15 Aug 2019 11:30:00 GMT

Núna er frábær tími til að láta slag standa og skrá sig í skemmtilegasta golfklúbb landsins - Golfklúbb Mosfellsbæjar.

Við erum með frábært inngöngutilboð þar sem þú sækir um og færð strax leikheimild gegn greiðslu árgjalds næsta árs. Þú skuldbindur þig til greiðslu félagsgjalds ársins 2020 og byrjar strax að spila!

Þeir sem skrá sig núna fá leikrétt út núverandi tímabili bæði á Hlíðavelli og í Bakkakoti. Þú verður því félagsmaður GM strax við skráningu.

Greiðsla félagsgjalds 2020 hefst í janúar og greiðist með þremur greiðsluseðlum í janúar, febrúar og mars.

Það eru margar góðar ástæður fyrir því að vera í GM. Við leggjum afar mikið upp úr innanfélagsmótum. Við höldum glæsilega holukeppni fyrir félagsmenn með flottum verðlaunum og VÍKING-deildin er liðakeppni fyrir félagsmenn. Þar að auki er mikið af skemmtilegum viðburðum fyrir félagsmenn, til að mynda Bændaglímu, Árshátíð, Mastersvöku og fleira skemmtilegt.

Skráðu þig í GM hérna!

Taktu ákvörðun um að ganga til liðs við skemmtilegasta golfklúbb landsins - Golfklúbb Mosfellsbæjar. Við hlökkum til að sjá þig í golfi í Mosfellsbæ!

KEPPNISSVEITIR ELDRI KYLFINGA

Tue, 13 Aug 2019 13:42:00 GMT

Dagana 16. - 18. ágúst fer Íslandsmót golfklúbba í flokki kylfinga 50 ára og eldri fram. Karlalið GM keppir á Flúðum en kvennalið GM keppir á Öndverðanesi.

Lið GM eru skipuð eftirfarandi kylfingum

Lið GM kvenna 50+

Agnes Ingadóttir
Camilla Margareta Tvingmark
Dagný Þórólfsdóttir
Edda Herbertsdóttir
Karólína Margrét Jónsdóttir
Margrét Óskarsdóttir
Petrún Björg Jónsdóttir
Rut Marsibil Héðinsdóttir
Steinunn Þorkelsdóttir

Liðsstjóri: Írunn Ketilsdóttir

Lið GM karla 50+

Ásbjörn Björgvinsson
Ingvar Haraldur Ágústsson
Halldór Friðgeir Ólafsson
Hákon Gunnarsson
Hilmar Harðarson
Jónas Heiðar Baldursson
Kári Tryggvason
Lárus Sigvaldason
Victor Viktorsson

Liðsstjóri: Victor Viktorsson

Óskum okkar fólki góðs gengis í baráttunni!

NÍNA BJÖRK ÍSLANDSMEISTARI 35+ 2019

Mon, 12 Aug 2019 10:02:00 GMT

Íslandsmót +35 fór fram samhliða Íslandsmótinu í golfi 2019 í Grafarholti. Keppnisrétt höfðu þeir kylfingar sem eru fæddir á árinu 1984 eða fyrr.

Nína Björk Geirsdóttir endaði í þriðja sæti í Íslandsmótinu á sex höggum yfir pari en það er hennar besti árangur á Íslandsmótinu í töluverðan tíma en hún sigraði á mótinu árið 2007. Þar með hlaut hún titilinn Íslandsmeistari 35 ára og eldri í leiðinni en hún sigraði í 35 ára og eldri. Flokkinn sigraði hún með miklum yfirburðum en Ragnhildur Sigurðardóttir varð önnur á 18 höggum yfir pari eða í 8. sæti í Íslandsmótinu sjálfu.

GM konur í mótinu:

3 Nína Björk Geirsdóttir +6 (Íslandsmeistari 35+)

21 Arna Rún Kristjánsdóttir +34

Í karlaflokki var það Sverrir Haraldsson sem endaði efstur okkar manna en hann endaði í 23. sæti á 8 höggum yfir pari.

T23 Sverrir Haraldsson +8

T26 Björn Óskar Guðjónsson +9

T26 Kristófer Karl Karlsson +9

31 Kristján Þór Einarsson +12

T42 Ingi Þór Ólafson +18

T52 Ragnar Már Ríkarðsson +20

T62 Theodór Emil Karlsson +24

71 Aron Skúli Ingason +30

Á næsta ári verður Íslandsmótið í höggleik haldið á Hlíðavelli en Björn Víglundsson formaður GR afhendi Kára Tryggvasyni formanni GM Íslandsmótsfánann í lokahófi mótsins í gær.

KEPPNISSVEITIR GM

Tue, 23 Jul 2019 12:34:00 GMT

Keppnissveitir GM fyrir Íslandsmót golfklúbba árið 2019 hafa verið valdar. Keppnin fer fram hjá GKG og GO núna um helgina, 26. -28. júlí. Lið GM skipa:

Karlar

Aron Skúli Ingason
Björn Óskar Guðjónsson
Ingi Þór Ólafson
Kristján Þór Einarsson
Kristófer Karl Karlsson
Ragnar Már Ríkarðsson
Sverrir Haraldsson
Theodór Emil Karlsson

Konur

Arna Rún Kristjánsdóttir
Hekla Daðadóttir
María Eir Guðjónsdóttir
Katrín Sól Davíðsdóttir
Kristín María Þorsteinsdóttir
Kristín Sól Guðmundsdóttir
Nína Björk Geirsdóttir
Sara Jónsdóttir

Óskum okkar fólki góðs gengis!

GREENKEEPERS REVENGE 2019

Tue, 16 Jul 2019 13:54:00 GMT

Hefnd vallarstjóra eða Greenkeepers' revenge, fer fram á Hlíðavelli 2. ágúst. Mótið er vægast sagt óhefðbundið, en vallarstjórar GM fá í þetta eina skipti að gera völlinn eftir sínu höfði, sem getur verið mjög skemmtilegt og krefjandi. Mótið var haldið í fyrsta sinn í fyrra og var mjög vel heppnað.

Mótið er 14 holur og leikið með texas scramble fyrirkomulagi, en GM félagar mega vera með liðsfélaga úr öðrum klúbbi.

Skráning í mótið:

https://admin.golf.is/pages/motaskra/upplysingarummot/?idegaweb_event_classname=df09e240-1bde-4702-8700-b255b9119d3c&tournament_id=27945

Grillað lambalæri og meðlæti eftir hring innifalið í 3900 kr. mótsgjaldi!

Myndir frá Greenkeepers' revenge 2018:

TAGMARSHAL VALLAREFTIRLIT Á HLÍÐAVELLI

Thu, 11 Jul 2019 15:38:00 GMT

Núna í vor tókust samningar milli GM og fyrirtækisins Tagmarshal um að tækni Tagmarshal verði tekin til prófanna við íslenskar aðstæður núna í sumar á Hlíðavelli.

Tagmarshal er alþjóðlegt fyrirtæki frá Suður Afríku sem býður upp á búnað til að fylgjast með leikhraða og flæði á golfvöllum hjá yfir 200 golfklúbbum um allan heim. Má þar t.d. nefna Pebble Beach, Erin Hills, fjöldamörgum PGA vallarsvæðum og Whistling Straits – svo eitthvað sé nefnt.

Tagmarshal mun lána GM búnaðinn til að nota í sumar. Eftir sumarið verður farið yfir niðurstöðurnar og árangurinn áður en frekari ákvörðun verður tekinn um notkun búnaðarins til framtíðar.

Búnaðurinn var notaður í fyrsta skipti á Meistaramóti klúbbsins í síðustu viku með góðum árangri. Frá og með morgundeginum verður búnaðurinn tekinn í almenna, daglega notkun. Það þýðir að allir ráshópar sem hefja leik á Hlíðavelli - bæði 1. og 10. teig - eiga að hafa með sér út á völl.

Hér fyrir neðan má sjá nánari upplýsingar um Tagmarshal og hvernig þetta virkar allt. Vonandi taka félagsmenn vel í þessa tilraun sem er auðvitað gerð í þeirri von um að leikhraði og ánægja kylfinga á Hlíðavelli aukist.

Hér má sjá nánari upplýsingar um Tagmarshal.

ÚRSLIT ÚR MEISTARAMÓTI GM

Mon, 08 Jul 2019 14:57:00 GMT

Meistaramót GM fór fram dagana 1. – 6. júlí á Hlíðavelli. Alls tóku um 250 félagsmenn þátt í mótinu frá 6 ára aldri upp í öldungaflokka. Mótið gekk frábærlega og mátti finna skemmtilegan félagsanda í Kletti alla keppnisdagana sama hvernig viðraði. Meistaramótinu lauk með glæsilegu lokahófi á laugardag þar sem keppendur áttu skemmtilegt kvöld með glæsilegum veitingum og dansi fram á nótt undir dyggum leik GM bandsins, en einnig voru klúbbmeistarar GM krýndir.

Hér má sjá úrslit úr Meistaramóti GM 2019:

Öldungaflokkur karla 70 ára og eldri – Höggleikur án forgjafar

Öldungaflokkur 70 ára og eldri – Höggleikur með forgjöf

Öldungaflokkur karla 50 ára og eldri – höggleikur án forgjafar

Öldungaflokkur karla 50 ára og eldri – Höggleikur með forgjöf

Öldungaflokkur kvenna 50 ára og eldri – án forgjafar

Öldungaflokkur kvenna 50 ára og eldri – með forgjöf

5. flokkur karla

4. flokkur karla

3. flokkur kvenna

3. flokkur karla

2. flokkur kvenna

2. flokkur karla

1. flokkur kvenna

1. flokkur karla

Meistaraflokkur kvenna

Meistaraflokkur karla

RÁSTÍMAR 5. KEPPNISDAGS MEISTARAMÓTS - FÖSTUDAG

Thu, 04 Jul 2019 13:12:00 GMT

Áætlaðir rástímar föstudagsins hafa riðlast aðeins frá birtri áætlun. Hérna fyrir neðan er hægt að sjá áætlað ráshólf hvers flokks fyrir sig.

Rástímar föstudaginn 5. júlí

2. flokkur karla: 8:00 - 9:10
1. flokkur kvenna: 9:20 - 9:50
2. flokkur kvenna: 10:00 - 11:10
1. flokkur karla: 11:20 - 12:20
Meistaraflokkur kvenna: 12:30 og 12:40
Meistaraflokkur karla: 12:50 - 13:30
3. flokkur karla: 13:40 - 15:20
4. flokkur karla: 15:30 - 16:30
3. flokkur kvenna: 16:40 - 17:00
5. flokkur karla: 17:10 - 17:30

Við vekjum þó athygli á að þetta er áætlun og endanlegir rástímar eru birtir á golf.is

RÁSTÍMAR 3. KEPPNISDAGS MEISTARAMÓTS GM

Tue, 02 Jul 2019 16:28:00 GMT

Vegna stærðar flokka sem leika á 3. keppnisdegi Meistaramóts GM, miðvikudaginn 3. júlí, mun áætluðum rástímum flestra flokka seinka umtalsvert. Þessi dagur er allra stærsti dagur vikunnar enda enginn flokkur sem lokið hefur leik. Mun færri keppendur eru í flokki öldunga og þeim mun fleirri í hefðbundnum forgjafarflokkum sem orsakar þennan fjölda.

Við höfum því ákveðið að hefja leik 30 mínútum fyrr en engu að síður er ræst út alveg til klukkan 18:20. Hérna fyrir neðan má tímaramma á ræsingu hvers flokks fyrir sig. Endanlegir rástímar verða birtir í kvöld þegar allir keppendur hafa lokið leik í dag. Gera má ráð fyrir að það verði um klukkan 22:00.

Rástímar miðvikudaginn 3. júlí

3. flokkur kvenna: 7:30 - 7:50
5. flokkur karla: 8:00 - 8:20
4. flokkur karla: 8:30 - 9:30
3. flokkur karla: 9:40 - 11:20
1. flokkur kvenna: 11:30 - 12:00
2. flokkur kvenna: 12:10 - 13:20
2. flokkur karla: 13:30 - 14:40
1. flokkur karla: 14:50 - 15:50
13-14 ára kk: 16 - 16:10
13-14 ára kvk: 16:20 - 16:30
Meistaraflokkur kvenna: 16:40 og 16:50
Meistaraflokkur karla 17 - 17:50
15-16 ára kk: 18 og 18:10
15-16 ára kvk: 18:20

Við vekjum þó athygli á að þetta er áætlun og endanlegir rástímar eru birtir á golf.is