Mosfellsbær, Ísland
Bændaglíman var leikin síðastliðinn laugardag á Hlíðavelli og það voru 112 hressir GM félagar sem mættu til leiks.
Veðrið lék við okkar kylfinga, dúnalogn og léttskýjað. Það var mikil stemmning í hópnum og allir skemmtu sér konunglega.
Bændur í ár voru þau Kristján Þór Einarsson og Heiða Guðnadóttir. Heiða fór fyrir rauða liðinu og Kristján því bláa.
Leikar voru æsispennandi sem endaði með naumum sigri bláa liðsins, 34 - 32.
Að móti loknu var svo slegið upp veislu og skemmtu kylfingar sér vel fram eftir kvöldi.
Kærar þakkir til allra þeirra sem mættu, þetta var stórkostleg skemmtun :)