Mosfellsbær, Ísland
Aðalfundur Golfklúbbs Mosfellsbæjar verður haldinn fimmtudaginn 24. nóvember næstkomandi.
Kosið verður um formann til eins árs, þriggja stjórnarmann til tveggja ára í senn ásamt þremur í varastjórn til eins árs í senn.
Kári Tryggvason formaður klúbbsins hefur ákveðið að gefa kost á sér áfram. Einnig mun Steinþór Pálsson gefa kost á sér til áframhaldandi stjórnarsetu.
Ragnheiður Ríkharðsdóttir sem hefur verið varaformaður GM undanfarin ár og Auður Ósk Þórissdóttir gjaldkeri klúbbsins hafa ákveðið að segja þetta gott og gefa því ekki kost á sér til áframhaldandi stjórnarsetu. Þökkum við þeim kærlega fyrir þeirra störf í þágu klúbbsins. Þær hafa setið í stjórn undanfarin ár og eiga miklar þakkir skildar fyrir sitt góða starf í þágu GM.
Þeir félagsmenn sem vilja gefa kost á sér í stjórn félagsins skulu samkvæmt samþykktum senda upplýsingar þar um til kjörnefndar á netfangið golfmos@golfmos.is fyrir 15. nóvember og taka fram hvort framboðið sé til formanns, stjórnar eða varastjórnar.
Ef framboð til stjórnarsetu eru fleiri en þau sæti sem kjósa á um skal kjörnefnd hafa umsjón með kosningu milli frambjóðenda á aðalfundi og sjá til þess að framboð séu kynnt félagsmönnum fyrir aðalfund. Skal kjörnefnd gæta þess að jafnræði ríki við kynningu á frambjóðendum. Kjörnefnd getur án tillits til framboðsfrests hlutast til um að afla framboða frá félagsmönnum.
Smellið hér til þess að sjá lög GM.