Golf Mosfellsbær
Mosfellsbær, Ísland

Nýliðagjald fyrir maka GM félaga

15.03.2021
Nýliðagjald fyrir maka GM félaga

Golfklúbbur Mosfellsbæjar er skemmtilegur og fjölskylduvænn golfklúbbur og gerum við okkur grein fyrir því hversu góð okkar frábæra íþrótt er fyrir alla fjölskylduna. Í fyrra fórum við af stað með fjölskyldugjaldið og tókst það virkilega vel. Við það varð mikil fjölgun hjá okkur og þá sérstaklega í krökkum og unglingum og það sem er svo skemmtilegt og ánægjulegt er að við höfum orðið var við mikla fjölgun á skipulöguðum æfingum hjá krökkum 14 ára og yngri.

Nú viljum við gera enn betur og bjóðum upp á sérstakt nýliðagjald fyrir maka núverandi GM félaga. Þau skilyrði sem þarf að uppfylla til þess að geta skráð sig í GM á þessu nýliðagjaldi eru eftirfarandi:

  • - Þinn maki þarf að vera fullgreiðandi meðlimur í GM
  • - Þetta er þinn fyrsti golfklúbbur, þ.e. þú hefur ekki verið skráð/ur í golfklúbb áður.

Nýliðagjaldið er 50% af fullu verði og er því 61.450 krónur.

Er það von okkar með því að bjóða upp á þetta nýliðagjald að við sjáum fleiri og fleiri fjölskyldur eiga saman frábærar stundir á okkar golfvöllum. Það er svo að sjálfsögðu þannig að þeir makar sem ákveða að nýta sér þetta gjald geta nýtt sér fjölskyldugjaldið okkar. (Frítt í GM fyrir sín börn undir 18 ára aldri).

Hægt er að sækja um aðild með því að smella hér. Vinsamlegast takið fram í athugasemdum hver ykkar maki er ásamt kennitölu.