26.04.2018
Nú styttist allverulega í opnun vallarsvæðanna okkar. Áætluð opnun á Hlíðavelli fyrir félagsmenn er laugardaginn 28. apríl næstkomandi. Þann 1. maí opnar síðan völlurinn með hinu vinsæla 1.maí móti.
Hið árlega vinnukvöld félagsmanna fer fram á Hlíðavelli fimmtudaginn 26. apríl.
Mæting er við Vélageymsluna á Blikastaðanesi kl. 17:00. Vinna verður fjölbreytt og verkefni mismunandi þannig að allir geta fengið verkefni við hæfi. Meðal helstu verkefna er eftirfarandi:
- Ruslatínsla á vallarsvæði
- Klippa og snyrta tré
- Taka niður skjólvegg við gamla skála
Þeir sem hafa tök á mega gjarnan koma með hrífur og trjáklippur.
Boðið verður upp á ilmandi súpu og brauð í Vélageymslunni að lokinni vinnu kl. 19:00.
Öllum þeim sem mæta á vinnukvöldið ásamt sjálfboðaliðum sem starfað hafa fyrir klúbbinn í vetur er síðan boðið að taka þátt Opnunarmóti vallarsvæða sem fram fer 21. maí. Opnunarmót vallarsvæðanna er eina mót sumarsins þar sem leikið er á báðum vallarsvæðum GM í sama móti.