Mosfellsbær, Ísland

Staðarreglur Bakkakots

PDF til prentunar - Staðarreglur Bakkakotsvallar

BAKKAKOT

1. Vallarmörk

Vallarmörk eru girðingarstaurar og hvítir hælar. Á milli 4. og 7. brautar er vegur sem liggur gegnum völlinn og er hann utan vallar. Við leik á 4. braut eru vallarmörk við girðingu vinstra megin brautar, en við leik á 7. braut liggja vallarmörk skv. hvítum hælum og hvítu striki hægra megin við teig og yfir veginn, en hinum megin vegar eru vallarmörk girðing og hvítir hælar hægra megin brautar.

2. Vatnstorfærur

Allar vatnstorfærur eru merktar með rauðum hælum eða rauðum strikum á jörðinni.

3. Hindranir og hluti vallar

Bönd og staurar/hælar sem notaðir eru á vellinum til að stýra umferð eru óhreyfanlegar hindranir, sem og jarðfastir steinar á snöggslegnu svæði og fjarlægðamerkingar/-hælar. Leikmaður skal taka lausn í samræmi við reglu 24-2b. Steinar í glompum eru hreyfanlegar hindranir (regla 24-1 gildir).

5. Hreiður fugla / Ónæði af kríum

Hreiður fugla á leið þar sem fuglar liggja enn á eggjum eða eru með unga eru grund í aðgerð og nær grundin þrjár kylfulengdir út fyrir hreiðrið eða hreiðurstæðið. Leyfilegt er að halda regnhlíf eða kylfu fyrir kylfing til verndar fuglum.

6. Hreyfingar, fallreitir og fjarlægðarmælar

Bolta á snöggslegnu svæði má vítalaust, lyfta og hreinsa og leggja aftur innan kylfulengdar. Á flöt má merkja og færa bolta um púttershaus. Leikmaður má leggja bolta sinn aðeins einu sinni í hvert sinn. Séu færslur vegna bleytu og veðuraðstæðna leyfðar er það tilkynnt á töflu í skála án breytinga á staðarreglum.

Á þeim stöðum sem fallreiti er að finna má nýta þá til lausnar án vítis. Ávallt er heimilt að taka lausn skv. reglu 24-2 eigi hún við.

Við leik á Hlíðavelli má leikmaður afla sér upplýsinga um fjarlægð með því að nota fjarlægðarmæli samkvæmt viðauka með golfreglum. Símar skulu vera alveg hljóðlausir og notkun í neyðartilfellum skal vera samkvæmt siðareglum og með samþykki meðspilara.

7. Rafmagnslínur

Lendi bolti leikmanns í rafmagnslínu á 4. eða 5. braut skal höggið endurtekið vítislaust. 8. Bolti hreyfist af slysni á flöt. Reglum 18-2, 18-3 og 20-1 er breytt sem hér segir: Þegar bolti leikmanns liggur á flöt er það vítalaust ef boltinn eða boltamerkið er hreyft af slysni af leikmanni, samherja hans, mótherja, kylfubera annars þeirra eða útbúnaði. Boltanum eða boltamerkið verður að leggja aftur eins og tilgreint er í reglum 18-2, 18-3 og 20-1.

Víti fyrir brot á staðarreglu ( annara en varðandi fjarlægðarmæla ) 2 högg í höggleik og holutap í holukeppni.