Mosfellsbær, Ísland

Staðarreglur Hlíðavallar

HLÍÐAVÖLLUR

Staðareglur Hlíðavallar
1. Vallarmörk
Vallarmörk eru við línu sem dregin er við innstu brún hvítra stika, trjádrumba eða girðingarstaura, niðri við jörðu, þar sem þeir eru til staðar. Sjávarmegin við völlinn meðfram 5., 8., 13., 12. og 16. braut eru vallarmörk ytri brún malbikaðs göngustígar sem þar er, nema ef og þar sem aðrir merkingar eru til staðar, skv. lýsingu vallarmarka hér á undan.
Við leik 10. og 18. brautar eru vallarmörk handann lækjarfarvegsins sem liggur vinstra megin með brautunum. Hvítir hælar þeim megin eru til merkis um vallarmörkin, en mörkin sjálf er innri brún hlaðins steinveggjar þeim megin lækjarfarvegarins.

2. Vítasvæði
Öll vítasvæði vallarins eru merktar með rauðum hælum eða rauðum strikum á jörðinni. og skulu lausnir teknar skv. reglu 17.
Varðandi vítasvæðið næst vallarmörkum á 10. og 18. braut gildir það að ef bolti leikmanns finnst innan, eða það er vitið eða nánast öruggt að boltinn stöðvaðist innan einhvers rauðs vítasvæðis þar sem staðurinn sem þar sem boltinn skar síðast mörk vítasvæðisins liggur upp að vallarmörkum, má leikmaðurinn, gegn einu vítahöggi, láta upphaflega boltinn eða annan bolta falla á gagnstæðri hlið vítasvæðisins:
• Viðmiðunarstaður: Áætlaði staðurinn við jaðar vítasvæðisins á gagnstæðri hlið sem er jafn langt frá holunni og áætlaði staðurinn þar sem upphaflegi boltinn skar síðast mörk rauða vítasvæðisins.
• Stærð lausnarsvæðis, mæld frá viðmiðunarstað: Tvær kylfulengdir, en þó með þessum takmörkunum:
• Takmörk á staðsetningu lausnarsvæðis:
o Það má ekki vera nærri holunni en viðmiðunarstaðurinn er, og
o Það má vera á hvaða svæði vallaris sem er, nema innan sama vítasvæðis.
o Hins vegar, ef fleiri en eitt svæði vallarins eru innan tveggja kylfulengda frá viðmiðunarstaðnum verður boltinn að stöðvast á lausnarsvæðinu á sama svæði vallarins og boltinn snerti fyrst þegar hann var látinn falla innan lausnarsvæðisins.

3. Hindranir og hluti vallar
Bönd og staurar/hælar sem notaðir eru á vellinum til að stýra umferð, jarðfastir steinar á almenna svæðinu þar sem gras er slegið í brautarhæð eða neðar og fjarlægðarmerkingar/-hælar eru óhreyfanlegar hindranir og skal taka lausn frá þeim skv. reglu 16.1.
Allt gervigras innan vallarsvæðisins er hluti vallar.

4. Bætt lega
Þegar bolti leikmanns liggur innan almenna svæðisins og þar sem gras er slegið í brautarhæð eða neðar á hvar sem er á vellinum má leikmaður taka vítalausa lausn einu sinni áður en högg er slegið, með því að leggja upphaflega boltann eða annan bolta innan þessa lausnarsvæðis og leika honum þaðan:
• Viðmiðunarstaður: staðurinn þar sem boltinn liggur (sjá reglu 14.1)
• Stærð lausnarsvæðis, mæld frá viðmiðunarstað: ein kylfulengd frá viðmiðunarstað, en með eftirfarandi takmörkunum:
• Takmörk á staðsetningu lausnarsvæðis:
o Það má ekki vera nær holunni en viðmiðunarstaðurinn, og
o Það verður að vera á almenna svæðinu
Þegar farið er eftir þessari staðarreglu verður leikmaðurinn að velja stað til að leggja boltann og fara eftir aðferðum við að leggja bolta aftur skv. reglu 14.2b(2) og 14.2e.

5. Fallreitir
Ef bolti leikmanns stöðvast á veginum bak við 11. eða 15. flöt má leikmaður:
• Taka vítalausa lausn samkvæmt reglu 16.1, eða
• Sem viðbótar möguleika, taka vítalausa lausn með því að láta upphaflega boltann eða annan bolta falla innan viðkomandi fallreits sem staðsettir eru aftan við flöt viðkomandi holu. Fallreiturinn er lausnarsvæði samkvæmt reglu 14.3.

Ef bolti er innan grundar í aðgerð hægra megin við 18 braut, þar á meðal þegar það er vitað eða nánast öruggt að bolti sem ekki hefur fundið stöðvaðist innan grundar í aðgerð, má leikmaðurinn:
• Taka vítalausa lausn samkvæmt reglu 16.1, eða
• Sem viðbótar möguleika, taka vítalausa lausn með því að láta upphaflega boltann eða annan bolta falla á næsta fallreit af þremur sem staðsettur er á grónu svæði við grundina. Fallreiturinn er lausnarsvæði samkvæmt reglu 14.3.

6. Brotin eða umtalsvert skemmd kylfa:
Reglu 4.1b(3) er breytt þannig:
Ef kylfa leikmanns „brotnar eða skemmist umtalsvert“ af leikmanninum eða kylfubera hans á meðan á umferð stendur af öðrum orsökum en misbeitingu, má leikmaðurinn skipta um kylfu í samræmi við reglu 4.1c(1).
Þegar leikmaður skiptir um kylfu verður hann að taka brotnu eða umtalsvert skemmdu kylfuna samstundis úr leik, í samræmi við ferlið í reglu 4.1c(1).

7. Bolta leikið utan lausnarsvæðis þegar tekin er aftur-á-línu lausn:
Fyrirmynd staðarreglu E-12 um bolta sem leikið er utan lausnarsvæðis þegar tekin er aftur-á-línu lausn er í gildi.
Víti fyrir brot á staðarreglu: almennt víti.


Leikmannaútgáfa staðarreglna Hlíðavallar 2019

  • 1.Vallarmörk:
  • Völlurinn afmarkast með girðingarstaurum, hvítum hælum eða ytri brún malbikaðs göngustígs sem liggur meðfram sjónum. Á 10. og 18. braut eru vallarmörk við innri brún hlaðins steinveggjar fjarri vellinum. Sjá nánar reglu 1 í staðarreglum Hlíðavallar.
  • 2.Vítasvæði:
  • Eru merkt með rauðum hælum eða strikum á jörðina. Sjá nánar reglu 2 í staðarreglum Hlíðavallar.
  • Ef bolti fer í vítasvæði frá utanvelli á 10. og 18. braut má taka lausn innan vallar hinum megin við skurðinn en gæta verður þess að lausnarpunturinn þar sé jafn langt frá holu og staðurinn var þar sem boltinn fór frá utan vallar og inn í vítasvæðið.
  • 3.Hindranir og hluti vallar:
  • Bönd og staurar þeim tengdum, jarðfastir steinar á brautum og fjarlægðarhælar eru óhreyfanlegar hindranir.
  • Gervigras er hluti vallar. Sjá nánar reglu 3 í staðarreglum Hlíðarvallar.
  • 4.Bætt lega:
  • Heimilt er að lyfta bolta og leggja aftur innan einnar kylfulengdar á snöggslegnu svæði hvar sem er á slíku svæði innan almennasvæðisins. Sjá nánar reglu 4 í staðarreglum Hlíðavallar.
  • 5.Fallreitir:
  • Fallreitir eru staðsettir aftan við 11. og 15. flöt og má láta bolta falla á þá án vítis ef boltinn stöðvast á veginum. Þá eru þrír fallreitir á 18. braut, og eru þeir neðan við framkvæmdastæðið vinstra megin. Fara skal á þann fallreit sem styðst er að fara á frá staðsetningu boltans. Sjá nánar reglu 5 í staðarreglum Hlíðarvallar.
  • 6.Brotin eða umtalsvert skemmd kylfa:
  • Ef kylfa skemmist eða brotnar við eðlilegan leik má leikmaður skipta henni út fyrir aðra óskemmda. Sjá nánar reglu 7 í staðarreglum Hlíðarvallar.
  • 7.Bolta leikið utan lausnarsvæðis þegar tekin er aftur-á-línu lausn:
  • Ef viðmiðunarstaður er ekki ákveðinn þegar tekin er aftur-á-línu lausn má boltinn velta fram fyrir þann stað sem hann lendir á, þó ekki lengra en eina kylfulengd og leika má honum þaðan. Sjá nánar reglu 8 í staðarreglum Hlíðavallar.
  • Víti fyrir brot á staðarreglu er almennt víti, þ.e. 2 högg í höggleik og holutap í holukeppni