Eva í þriðja sæti í Korpubikarnum | Úrslit úr mótum helgarinnar hjá kylfingum GM

Eva í þriðja sæti í Korpubikarnum | Úrslit úr mótum helgarinnar hjá kylfingum GM

Eva Kristinsdóttir lék flott golf um helgina í Korpubikarnum en hún endaði jöfn í 3. sæti á 2 höggum yfir pari samtals (71 73 74). Auður Bergrún Snorradóttir endaði í 8. sæti á +10 en hún lék á 3 höggum undir pari fyrsta daginn en gaf svo eftir um helgina (69 78 79).

Í karlaflokki var Kristján Þór Einarsson bestur GM-inga en hann endaði í 11. sæti á 2 höggum yfir pari samtals (70 73 72).

Tvö önnur mót fóru fram um helgina en unglingamótaröðin var á Hlíðavelli fyrir 15-18 ára og Golf14 var í Nesklúbbnum fyrir 14 ára og yngri.

Í flokki 17-18 ára pilta endaði Kristján Karl Guðjónsson jafn í 2. sæti á -5 (66 69 73).

Sara María Guðmundsdóttir var í 2. sæti í flokki 15-16 ára stúlkna en hún lék á +36 (78 86 85).

Í Golf14 mótinu voru 24 keppendur úr Golfklúbbi Mosfellsbæjar. Í flokki 13-14 ára drengja vorum Emil Darri Birgisson og Ásgeir Páll Baldursson jafnir í 2. sæti og Óskar Jóhann Sigurðsson jafn í 10. sæti.



Í flokki 13-14 ára stúlkna var Elva Rún Rafnsdóttir í 5. sæti og Rakel Þyrí Kristmannsdóttir í 6. sæti.