VITAgolf mótaröðin 2026 fer af stað mánudaginn 1. júní.
Allir félagar í GM hafa þátttökurétt og er fyrirkomulagið þannig að hægt er að spila í mótaröðinni alla mánudaga eða þriðjudaga í sumar til loka ágústsmánaðar, samtals 12 skipti (að einni viku undanskildri 29 - 30. júní). Leikið er á Hlíðavelli.
Kylfingar tilkynna sig til leiks í golfbúðinni hjá okkur og greiða þáttökugjald sem er aðeins 1.000 krónur per hring.
Það eru svo fimm bestu hringir sumarsins sem telja hjá viðkomandi kylfing. Síðasti hringur sem leikinn er dagana 24/25 ágúst gildir tvöfalt. Kylfingar þurfa því að spila að lágmarki 4 hringi til þess að vera gjaldgengir í mótið.
Einungis er heimilt að skila inn skori annan daginn í viðkomandi viku, þ.e. annaðhvortmánudag eða þriðjudag.
Eftir að kylfingur tilkynnir sig til leiks ber honum að ljúka leik og skila inn skori á þeim degi.
Ekki er heimilt að taka þátt í öðru móti en þessu þegar leikið er.
Keppt er í tveimur flokkum í punktakeppni, flokki karla og flokki kvenna og er hámarksforgjöf gefin 36 í báðum flokkum.
Kylfingar ráða því af hvaða teigum þeir leika hverju sinni. Heimilt er að spila á hvaða teigum sem er og miðast forgjöf við það.
Verðlaunin í VITAgolf mótaröðinni eru stórglæsilegt, þeir kylfingar sem spila best í hvorum flokki fyrir sig fá í verðlaun sæti í golfferð GM sem farin verður 2027.
