STARF ELDRI KYLFINGA

50 ÁRA OG ELDRI

Golfklúbbur Mosfellsbæjar heldur úti afreksstarfi fyrir eldri kylfinga klúbbsins. Aðgang að golfæfingum á veturnar hafa þeir eldri kylfingar sem hafa náð eftirfarandi forgjafarviðmiðum sem og 50 ára aldri
(fæðingarár gildir - 1975 og fyrr).

Konur: Forgjöf 18.0 og lægra
Karlar: Forgjöf 9.0 og lægra

Allir kylfingar sem taka þátt í afreksstarfi eldri kylfinga gefa með því kost á sér í keppnissveitir GM í Íslandsmóti golfklúbba í flokki eldri kylfinga.

Golfæfingar eru haldnar alla föstudaga í janúar, febrúar, mars og apríl kl 15:00 í Kletti.

Til að skrá sig á æfingar þarf að standast viðmiðin hér fyrir ofan og senda tölvupóst með nafni og kennitölu á íþróttastjóra GM (dagur@golfmos.is).

Æfingagjald fyrir tímabilið er 20.000 kr.

Val í keppnissveitir 50+ 2025

Í karlasveit eru 8 kylfingar og 1 varamaður og í kvennasveitinni eru 6 keppendur sem munu leika undir merki GM í Íslandsmóti golfklúbba í flokki kylfinga 50+ í ár.

Í karlaflokki eru 6 kylfingar komast sjálfkrafa inn af meðalskori og 2 kylfingar og 1 varamaður eru valdir af öldunganefnd, þjálfara og íþróttastjóra. Í kvennaflokki eru 6 kylfingar sem spila sig inn af meðalskori.

Leikið er um 6 sæti hjá kk og kvk (án forgjafar):

2-7 bestu hringir í LEK / GSÍ / Úrtökumótum GM

• LEK mót - 2 til 5 bestu 18-holu skorin (Smelltu hér fyrir LEK dagskrá 2025)
• Íslandsmót eldri kylfinga - 3 bestu 18-holu skorin
• Stigamótaröð GSÍ og Íslandsmót í höggleik - 3 til 7 bestu 18 holu skorin
• Úrtökumót GM - mótin verða tvö (rástímar frá 17:30 og 6000 kr. vallargjald greitt á staðnum):
• Fimmtudaginn 12. júní í Brautarholti - skráning: https://golfbox.dk/livescoring/tour/?language=1039#/competition/5139749/info
• Fimmtudaginn 24. júlí í Borgarnesi - skráning: https://golfbox.dk/livescoring/tour/?language=1039#/competition/5139780/info

0-5 bestu hringir í GM

• Meistaramót - 3 bestu 18 holu skorin af 72 holum
• VITA mótaröð - 0 eða 3 bestu 18-holu skorin (fer eftir flokki í meistaramóti)

Bestu 7 hringir gilda. Kylfingar þurfa að lágmark að leika 7 hringi í mótum til að vera gjaldgengir í sveitir.

Efstu 2 kylfingar í hvoru kyni í flokki 50+ í Meistaramóti GM fá sjálfkrafa pláss í sveit GM 2025.

12. ágúst er síðasta viðmiðunarmót og því lokadagsetning.

Ef val stendur á milli tveggja eða þriggja kylfinga má liðsstjóri bjóða til umspils um sætin.

Reiknaður er skormismunur miðað við par vallar fyrir hvern teljandi hring.

Leiki kvenkylfingur af meistaraflokksteigum (bláum/gulum) dragast 3 högg frá heildarskori.

Leiki karlkylfingur af meistaraflokksteigum (hvítum/svörtum) dragast 2 högg frá heildarskori.

65 ára og eldri

Öflugt 65+ starf í GM

Á vordögum 2022 var skipuð nefnd til þess að halda utan um starf kylfinga í GM sem hafa náð 65 ára aldri.

Með hliðsjón af markmiðum GM býður klúbburinn
65+ hópnum aðgang að aðstöðu félagsins alla miðvikudagsmorgna sumar og vetur.

Við þökkum stjórnendum GM velvild þeirra og stuðning við stofnun GM 65+ hópsins.

Við nýtum að sjálfsögðu dagana okkar vel og höfum miðvikudagsviðburði sumar, vetur, vor og haust.

Markmið GM 65+

1. Efla félagsleg tengsl eldri kylfinga GM

2. Setja fókus á fræðslu og heilsueflandi áhrif golfsins

3. Bæta golftækni miðað við líkamsgetu og aldur

Gildi og leiðarljós GM 65+

1. Virðing

2. Umburðarlyndi

3. Hjálpsemi

4. Húmor og gleði

Sumardagskrá 65+

Sumardagskráin fjallar að sjálfsögðu um samveru, golf og útiveru á miðvikudögum. Við skiptum dögunum upp og höfum breytileika í viðburðadagskránni þannig að allir finni eitthvað við sitt hæfi. Markmiðið er að pláss sé fyrir okkur öll, hvar sem við erum stödd í forgjöf og getu.

Við setjum upp meðal annars miðvikudags sumarmótaröð 65+ á Hlíðavelli og í Bakkakoti, leikdaga í Bakkakoti og vinaferðir á aðra golfvelli. Við hvetjum til samverustunda og spjalls á BLIK sem gefur GM 65+ 20% afslátt af veitingum alla miðvikudaga og einnig frábæra aðstöðu í Bakkakoti.

Vetrarstarf 65+

Þegar kólnar í veðri flytjum við miðvikudags starfsemi GM 65+ inn á neðri hæð klúbbhússins.

Húsið opnar klukkan 08:30 þar sem nefndarmaður tekur á móti 1000 kr. þátttökugjaldi og býður félagsmönnum upp á heitt kaffi og meðlæti.

Vetrardagskráin fylgir eftir markmiðum okkar og býður meðal annars upp á; púttkeppni, púttleiki, golfherma-kennslu, æfingar og keppni, bingó, félagsvist og heimsóknir fagmanna sem flytja fræðsluerindi um efni tengd golfi og heilsu eldri kylfinga.

Formlegri dagskrá lýkur um kl.11:30 og þá tilvalið að hittast á BLIK og nýta GM 65+ 20% afsláttinn.

Golfhermar

GM 65+ hefur aðgang að golfhermum alla miðvikudagsmorgna milli kl. 09:00 og 12:00. Þennan tíma viljum við nýta til golfhermakennslu og æfinga þeirra sem eru að stíga sín fyrstu skref í hermum. Með þessu viljum við hvetja og styðja fleiri 65+ félaga til að nýta sér möguleika hermanna til æfinga.

Þeir sem lengra eru komnir í notkun hermanna geta skráð sig alla virka daga frá kl. 09:00 til 14:00 og greiða þá aðeins 2000 kr. á klukkustund.