Til þess að auka ánægju sína af því að leika golf er besta leiðin að fara í golfkennslu og fá leiðbeiningar hjá sérfróðum golfkennurum. Golfkennarinn getur hjálpað með sveifluna sjálfa en auk þess leiðbeint hvernig á að bera sig að á vellinum o.s.frv. Mikill metnaður hefur verið settur í golfkennslu fyrir félagsmenn GM og er markmiðið að bjóða félagsmönnum upp á góða og fjölbreytta golfkennslu.
Hægt er að bóka tíma hjá golfkennurum GM en allar upplýsingar um þá má finna hérna neðar á síðunni.
Einkatímar hjá golfkennurum GM
Golfkennarar GM bjóða upp á einkatíma. Einnig er hægt að fá einkatíma hjá golfkennara í pörum eða jafnvel fleiri saman. Allar upplýsingar um golfkennara GM eru hérna fyrir neðan og eru tímarnir bókaðir beint hjá golfkennurunum.
Bókanir á golfkennslu hjá GM fara fram í gegnum Noona á slóðinni www.noona.is/golfmos. Þar má finna allar upplýsingar um verðskrá og lausa tíma.
Grunnnámskeið í golfi 2022
Haldin verða grunnnámskeið í golfi í hverjum mánuði sumarið 2022. Fyrsta námskeiðið hefst mánudaginn 9. maí og er kennt í 3 hópum í 50 mínútur í senn. Kennt verður klukkan 18:00, 19:00 og 20:00. Skráning á námskeiðin fer fram á slóðinni á eftirfarandi slóð:
Skráning á grunnnámskeið
Grunnnámskeiðin verða með eftirfarandi skipulagi sumarið 2022
Maí: Kennt mánudagana 9., 16., 23., og 30. maí
Júní: Kennt mánudagana 13., 20., og 27., júní
Júlí: Kennt mánudagana 4., 11., 18., og 25., júlí
Ágúst: Kennt mánudagana 8., 15., 22., og 29. júlí
Golfæfingar félagsmanna 2023
Félagsmönnum GM verður boðið upp á möguleika á að æfa golf undir handleiðslu golfkennara GM allt árið. Æfingarnar fara fram í Íþróttamiðstöð GM á Hlíðavelli og skrá kylfingar sig í einn mánuð í senn.
Smelltu hér til að skoða golfæfingar félagsmanna
Nýliðaæfingar 2023
Sérstakar æfingar fyrir félagsmenn GM sem eru að stíga sín fyrstu skref í golfi. Æfingarnar eru kylfingum að kostnaðarlausu og fara fram alla þriðjudaga í júní og júlí milli 18:00 - 19:00. Mætinga á æfingarnar er við boltavél á æfingasvæði.
