Til þess að auka ánægju sína af því að leika golf er besta leiðin að fara í golfkennslu og fá leiðbeiningar hjá sérfróðum golfkennurum. Golfkennarinn getur hjálpað með sveifluna sjálfa en auk þess leiðbeint hvernig á að bera sig að á vellinum o.s.frv. Mikill metnaður hefur verið settur í golfkennslu fyrir félagsmenn GM og er markmiðið að bjóða félagsmönnum upp á góða og fjölbreytta golfkennslu.
Hægt er að bóka tíma hjá golfkennurum GM en allar upplýsingar um þá má finna hérna neðar á síðunni.
Opnir golftímar - golfæfingar fyrir félagsmenn
Opnir golftímar fyrir félagsmenn fara fram á fimmtudögum milli klukkan 19 og 20. Fyrsti tíminn fer fram fimmtudaginn 14. júní. Engin skráning er í tímana en kylfingar af báðum kynjum eru velkomnir. Victor Viktorsson golfkennari hefur yfirumsjón með tímunum.
Verð er 1.000 kr í hvern tíma
Einkatímar hjá golfkennurum GM
Golfkennarar GM bjóða einnig upp á einkatíma. Einnig er hægt að taka einkatíma hjá golfkennara í pörum eða jafnvel fleiri saman. Allar upplýsingar um golfkennara GM eru hérna fyrir neðan og eru tímarnir bókaðir beint hjá golfkennurum GM.
Nýliðakennsla GM
GM býður upp á æfingar fyrir nýliða þeim að kostnaðarlausu. Æfingarnar fara fram vikulega frá 14. júní á fimmtudögum klukkan 18:00. Æfingarnar eru opnar öllum nýjum félagsmönnum GM sem eru að stíga sín fyrstu skref.
