Staðarreglur Bakkakots 2026
1. Vallarmörk.
Völlurinn er afmarkaður með hvítum hælum, griðingastaurum, eða hvítum línum þar sem það er til staðar.
2. Vítasvæði
Öll vítasvæði vallarins eru merktar með rauðu og skulu lausnir frá þeim teknar skv. reglu 17. Mörk vítasvæðis er slátturlína, en þar sem slík slátturlína er ekki fyrir hendi þá er það rauð strik á jörðinni eða rauðir hælar. Leiki vafi á því hvoru megin slátturlínu bolti leikmanns sé, skal það túlkað leikmanninum í hag.
3. Hindranir
Bönd og staurar/hælar sem notaðir eru á vellinum til að stýra umferð, jarðfastir steinar á almenna svæðinu, þar sem gras er slegið í brautarhæð eða neðar, fjarlægarmerkingar/-hælar og gervigras á vellinum eru óhreyfanlegar hindranir og skal taka lausn frá þeim skv. reglu 16.1. Rauðir og bláir hælar eru hreyfanlegar hindranir en þá skal setja aftur á sinn stað séu þeir fjarlægðir á meðan högg er leikið.
Slátturróbotar á Bakkakotsvelli eru óhreyfanlegar hindranir á ferð, þ.e. leikmaður má ekki færa róbotana frá eða slökkva á þeim ef þeir trufla legu bolta, stöðu leikmanns eða sveiflusvið eða eru það nálægt leikmanni að þeir muni hugsanlega trufla leik leikmanns í næsta höggi hans. Leikmanni er hins vegar heimilt að færa bolta sinn án vítis á næsta stað þar sem engin truflun verði vegna róbottanna og láta bolta sinn falla þar innan einnar kylfulengdar, þó ekki nær holu. Ef slátturróbóti færir bolta leikmanns ber leikmanni að færa boltann aftur á upprunalegan stað (sem þarf að áætla ef hann er óþekktur). Sjá reglu 14.2
4. Bætt lega
Vegna áhrifa frá frostlyftingum á braut 8 braut má leikmaður taka vítalausa lausn einu sinni áður en högg er slegið með því að leggja upphaflega boltann eða annan bolta innan kylfulengdar frá þeim stað þar sem hann stöðvaðist upphaflega á. Gildir þetta aðeins ef bolti leikmanns hefur stöðvast á svæði þar sem gras er slegið í brautarhæð eða neðar.
5. Fallreitir
Fjórir fallreitir eru á vellinum:
Stöðvist bolti leikmanns á veginum fyrir ofan 3. flöt má leikmaður leika bolta sínum eins og hann liggur, taka lausn skv. reglu 16 eða sem valkost, láta upphaflega boltann eða annan bolta falla á falleit sem staðsettur er vinstra megin við flötina á 3. braut.
Stöðvist bolti leikmanns innan vítasvæðisins fyrir framan flötina á 6. braut, eða á göngustíg sem liggur meðfram vítasvæðinu má leikmaður leika boltanum eins og hann liggur, taka lausn skv. reglu 16, ef hann stöðvaðist á veginum, en reglu 17. ef hann stöðvast í vítasvæðinu eða sem valkost láta upphaflega boltann eða annan bolta falla á fallreit sem staðsettur er áður en komið er að 6. flöt. Ef boltinn var í vítasvæðinu er þessi lausn gegn einu höggi í víti, en vítalaust ef hann var á veginum.
Stöðvist bolti leikmanns á 9. braut innan vítasvæðisins sem þar er má leikmaður leika boltanum eins og hann liggur, taka lausn skv. 17. reglu gegn einu höggi í víti eða sem valkost láta upphaflega boltann eða annan bolta falla á annan hvorn tveggja fallreita en annar þeirra er staðsettur rétt áður en komið er að 9. flöt en hinn er staðsettur á milli teigs og flatar á því svæði sem flötin er staðsett á.
Víti fyrir brot á staðarreglu: Almennt víti.
Tímabundnar staðarreglur Bakkakotsvallar, gilda frá 15. maí 2026 og þar til nánar verður ákveðið:
1. Rask eftir framkvæmdir
Samskeyti nýlagðs torfs hvar sem er á vellinum eru óeðlilegar vallaraðstæður skv. reglu 16 og fær leikmaður vítalausa lausn frá samskeytum ef bolti hans liggur á þeim eða samskeytin trufla sveiflusvið hans. Hins vegar fær leikmaður ekki lausn frá samskeytum ef eina truflunin er að leikmaður þurfi að standa á samskeytunum við leik bolta síns.
