STAÐAREGLUR GM

Hlíðavöllur

Staðarreglur Hlíðavallar 2025

1. Vallarmörk.

Völlurinn er afmarkaður með girðingum, hvítum hælum eða hvítum línum þar sem það er til staðar. En auk þess er innri kantur malbikaðs göngustígs sjávarmegin við völlinn meðfram 5., 8., 13., 12. og 16. braut vallarmörk, þar sem hvítar línur eru ekki til staðar.

Á sumum brautum hafa hvítir hælar verið settir til að auðvelda mönnum að sjá úr fjarlægð að þar séu vallarmörk. Þessir hælar eru allir utan vallar, nema í kringum æfingarsvæði vallarins og áhaldahús, þ.e. vinstra megin við 11. Braut, 18. Braut og hluta af 10. Braut, en þar marka hælarnir völlinn.

2. Vítasvæði.

Öll vítasvæði vallarins eru merkt með rauðu og skulu lausnir teknar skv. reglu 17. Mörk vítasvæðis er slátturlína, en þar sem slík slátturlína er ekki fyrir hendi þá er það rauð strik á jörðinni eða rauðir hælar. Leiki vafi á því hvoru megin slátturlínu bolti leikmanns sé, skal það túlkað leikmanninum í hag.

3. Hindranir 

Bönd og staurar/hælar sem notaðir eru á vellinum til að stýra umferð, jarðfastir steinar á almenna svæðinu, þar sem gras er slegið í brautarhæð eða neðar, fjarlægarmerkingar/-hælar og gervigras á vellinum eru óhreyfanlegar hindranir og skal taka lausn frá þeim skv. reglu 16.1. Rauðir og bláir hælar eru hreyfanlegar hindranir en þá skal setja aftur á sinn stað séu þeir fjarlægðir á meðan högg er leikið. 

4. Bætt lega

Þegar bolti leikmanns liggur innan almenna svæðisins og þar sem gras er slegið í brautarhæð eða neðar má leikmaður taka vítalausa lausn einu sinni áður en högg er slegið með því að leggja upphaflega boltann eða annan bolta innan einnar kylfulengdar frá þeim stað sem hann stöðvaðist upphaflega á.

Víti fyrir brot á staðarreglu: Almennt víti.

Tímabundnar staðarreglur Hlíðarvallar, gilda frá 1. maí 2025 og þar til nánar verður ákveðið:

1. Rask eftir framkvæmdir

Samskeyti nýlagðs torfs hvar sem er á vellinum eru óeðlilegar vallaraðstæður skv. reglu 16 og fær leikmaður vítalausa lausn frá samskeytum ef bolti hans liggur á þeim eða samskeytin trufla sveiflusvið hans. Hins vegar fær leikmaður ekki lausn frá samskeytum ef eina truflunin er að leikmaður þurfi að standa á samskeytunum við leik bolta síns.

Smá drenskurðir á og við 16. braut eru óeðlilegar vallaraðstæður skv. reglu 16 og fær leikmaður vítalausa lausn frá þeim ef bolti leikmanns liggur í þeim eða þannig að leikmaður þurfi að standa á skurðinum.

Stöðvist bolti leikmanns á ógrónu svæði í námunda við 4. flöt má leikmaður án vítis merkja bolta sinn lyfta honum og leggja hann á næsta gróna svæði og leika honum þaðan.

Bakkakot

Staðarreglur Bakkakots 2025

1. Vallarmörk.

Völlurinn er afmarkaður með hvítum hælum, griðingastaurum, eða hvítum línum þar sem það er til staðar.

2. Vítasvæði

Öll vítasvæði vallarins eru merktar með rauðu og skulu lausnir frá þeim teknar skv. reglu 17. Mörk vítasvæðis er slátturlína, en þar sem slík slátturlína er ekki fyrir hendi þá er það rauð strik á jörðinni eða rauðir hælar. Leiki vafi á því hvoru megin slátturlínu bolti leikmanns sé, skal það túlkað leikmanninum í hag.

3. Hindranir

Bönd og staurar/hælar sem notaðir eru á vellinum til að stýra umferð, jarðfastir steinar á almenna svæðinu, þar sem gras er slegið í brautarhæð eða neðar, fjarlægarmerkingar/-hælar og gervigras á vellinum eru óhreyfanlegar hindranir og skal taka lausn frá þeim skv. reglu 16.1. Rauðir og bláir hælar eru hreyfanlegar hindranir en þá skal setja aftur á sinn stað séu þeir fjarlægðir á meðan högg er leikið. 

4. Bætt lega

Þegar bolti leikmanns liggur innan almenna svæðisins og þar sem gras er slegið í brautarhæð eða neðar má leikmaður taka vítalausa lausn einu sinni áður en högg er slegið með því að leggja upphaflega boltann eða annan bolta innan einnar kylfulengdar frá þeim stað sem hann stöðvaðist upphaflega á.

5. Fallreitir

Fimm fallreitir eru á vellinum:

Stöðvist bolti leikmanns á veginum fyrir ofan 1. eða 3. flöt má leikmaður leika bolta sínum eins og hann liggur, taka lausn skv. reglu 16 eða sem valkost, láta upphaflega boltann eða annan bolta falla á falleit sem staðsettur er hægra megin við flötina á 1. braut en vinstra meginn við flötina á 3. braut.

Stöðvist bolti leikmanns innan vítasvæðisins fyrir framan flötina á 6. braut, eða á göngustíg sem liggur meðfram vítasvæðinu má leikmaður leika boltanum eins og hann liggur, taka lausn skv. reglu 16, ef hann stöðvaðist á veginum, en reglu 17. ef hann stöðvast í vítasvæðinu eða sem valkost láta upphaflega boltann eða annan bolta falla á fallreit sem staðsettur er áður en komið er að 6. flöt. Ef boltinn var í vítasvæðinu er þessi lausn gegn einu höggi í víti, en vítalaust ef hann var á veginum.

Stöðvist bolti leikmanns á 9. braut innan vítasvæðisins sem þar er má leikmaður leika boltanum eins og hann liggur, taka lausn skv. 17. reglu gegn einu höggi í víti eða sem valkost láta upphaflega boltann eða annan bolta falla á annan hvorn tveggja fallreita en annar þeirra er staðsettur rétt áður en komið er að 9. flöt en hinn er staðsettur á milli teigs og flatar á því svæði sem flötin er staðsett á.

Víti fyrir brot á staðarreglu: Almennt víti.

Tímabundnar staðarreglur Bakkakotsvallar, gilda frá 1. maí 2025 og þar til nánar verður ákveðið:

1. Rask eftir framkvæmdir

Samskeyti nýlagðs torfs hvar sem er á vellinum eru óeðlilegar vallaraðstæður skv. reglu 16 og fær leikmaður vítalausa lausn frá samskeytum ef bolti hans liggur á þeim eða samskeytin trufla sveiflusvið hans. Hins vegar fær leikmaður ekki lausn frá samskeytum ef eina truflunin er að leikmaður þurfi að standa á samskeytunum við leik bolta síns.